என் மலர்

    நீங்கள் தேடியது "church"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மணப்பாடு கடற்கரையில் உள்ள திருச்சிலுவை நாதர்ஆலயம் தென் மாவட்டங்களில் மிகவும் புகழ்பெற்ற ஆலயமாகும்
    • இங்கு ஆண்டு தோறும் மகிமை பெரும் திருவிழா 11 நாட்கள் நடைபெறும்.

    உடன்குடி:

    திருச்செந்தூர் அருகே உடன்குடி ஒன்றியத்திற்கு உட்பட்ட மணப்பாடு கடற்கரையில் மிகப்பெரிய மணல்குன்று உள்ளது. இந்த குன்றின் மீது உள்ள திருச்சிலுவை நாதர்ஆலயம் தென் மாவட்டங்களில் மிகவும் புகழ்பெற்ற ஆலயத்தில் ஒன்றாகும்.

    ஆண்டு தோறும் இங்கு மகிமை பெரும் திருவிழா 11 நாட்கள் நடைபெறும். இந்த ஆண்டு 442-வது மகிமை பெரும் திருவிழாவையொட்டி இன்று காலை 4.30 மணிக்கு ஆலயத்தில் முதல் திருப்பலி நடந்தது. அதைத் தொடர்ந்து காலை 6.30 மணிக்கு மணவை மறை மாவட்ட முதன்மை குரு ஜான் செல்வம் மற்றும் ஏராளமான குருவானவர்கள் கலந்து கொண்டு மறையுரை, திருப்பலி மெய்யான சிலுவைஆசீர், அப்பம் வழங்கல் நிகழ்ச்சிகள் நடந்தது.

    பின்னர் கோவில் கொடி மரத்தில் காலை 8.15 மணிக்கு கொடியேற்றப்பட்டு தொடர்ந்து திருப்பலிகள் நடந்தது. இதில் சுற்றுப்புற பகுதியிலிருந்தும் ஏராளமான பங்குமக்கள் கலந்து கொண்டனர்.

    திருவிழா தொடங்கியதை யொட்டி தினசரி காலை, மாலை திருப்பலிகள் மறையுரை மற்றும் பல்வேறு அமைப்புகள் சார்பில் ஒவ்வொரு நாளும் பல்வேறு சிறப்பு நிகழ்ச்சிகள் நடைபெறும்.

    விழாவில் முக்கிய நாளான வருகிற 13-ந் தேதி கோட்டாறு மறை மாவட்ட ஆயர் நசரேன் சூசை வரவுள்ளதாகவும், அவருக்கு சிறப்பான வரவேற்பு கொடுக்கப்படவுள்ள தாகவும் நிர்வாகிகள் தெரி வித்துள்ளனர். அன்று மாலை 7 மணிக்கு திருப்பலியும், மறையுரையும் நடைபெறும். விழாவில் நெல்லை, குமரி மாவட்டங்களில் இருந்தும், கேரள மாநிலத்தில் இருந்தும் பல்லாயிரக்கணக்கான மக்கள் வருவார்கள். அவர்கள் வந்து செல்ல வசதியாக 2 நாட்கள் சிறப்பு அரசு பஸ்கள் இயக் கப்படும்.

    14-ந் தேதி காலை 4.30 மணிக்கு ஆலயத்தில் முதல் திருப்பலியும், பின்பு திருச்சிலுவைநாதர் ஆலயத்தில்மலையாள திருப்பலியும் 442-வது மகிமை பெரும் திருவிழா திருப்பலி 5 திருக்காய சபையினர் பவனி உட்பட பல்வேறு நிகழ்ச்சிகள் நடைபெறும்.மாலை 5 மணிக்கு கொடி இறக்க திருப்பலியுடன் திருவிழா நிறைவு பெற உள்ளது.

    இதற்கான ஏற்பாடுகளை அருட்தந்தையர்கள் லரின் டிரேஸ், ஆரோக்கிய அமல்ராஜ், ரஷ்யன் மற்றும் மணப்பாடு சபை மக்கள் செய்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நாசரேத்-பிரகாசபுரம் பங்கிற்குட்பட்ட மாதாவனம் புனித ஆரோக்கிய அன்னை வேளாங்கண்ணி ஆலயத்திருவிழா கடந்த 30-ந்தேதி கொடியேற்றத்துடன் தொடங்கியது.
    • திருவிழாவின் 2-ம் நாள் முதல் 8-ம் நாள் வரை தினமும் மாலை 6 மணி ஜெபமாலை, திருப்பலி நடைபெறுகிறது.

    நாசரேத்:

    நாசரேத்-பிரகாசபுரம் பங்கிற்குட்பட்ட மாதாவனம் புனித ஆரோக்கிய அன்னை வேளாங்கண்ணி ஆலயத்திருவிழா கடந்த 30-ந்தேதி கொடியேற்றத்துடன் தொடங்கியது.

    முதல் நாளன்று ஜெபமாலை, கொடியேற்றம், திருப்பலி, மறையுரை நடைபெற்றது. தைலாபுரம் பங்குத்தந்தை இருதயராஜா, சோமநாதபேரி பங்குத்தந்தை ஜெகதீஸ் ஆகியோர் கலந்து கொண்டனர்.

    திருவிழாவின் 2-ம் நாள் முதல் 8-ம் நாள் வரை தினமும் மாலை 6 மணி ஜெபமாலை, திருப்பலி நடைபெறுகிறது.

    திருவிழா 9-ம் நாளன்று ஜெபமாலை, திருவிழா ஆரா தனை தூத்துக்குடி அருள்வளன் ஆயர் இல்லத்தந்தை ரூபர்ட் தலைமையில் நடைபெறுகிறது. மறையுரையை அருட்திரு ஜேம்ஸ் விக்டர் ஆற்றுகிறார். சிறப்பு நிகழ்வாக சமபந்தி விருந்து நடைபெறுகிறது.

    8-ந்தேதி (வியாழக்கிழமை) காலை 6 மணிக்கு 10-ம் நாள் திருவிழா திருப்பலி மன்னார்புரம் பங்குத்தந்தை எட்வர்ட் தலைமையில் நடைபெறுகிறது.

    தூத்துக்குடி ஆயர் இல்ல அருட்தந்தை இசிதோர் மறையுரை ஆற்றுகிறார். மாலை 6 மணிக்கு அன்னையின் தேர்ப்பவனியும், நற்கருணை ஆசீரும், இரவு 8 மணிக்கு கொடியிறக்கமும் நடைபெறுகிறது.

    திருவிழாவிற்கான ஏற்பாடுகளை பிரகாசபுரம் பங்குத்தந்தை சலேட் ஜெரால்ட் தலைமையில் நாசரேத்-மாதாவனம் இறைமக்கள் செய்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தூத்துக்குடி தருவைகுளத்தில் அதிதூதர் ஆலயம் உள்ளது.
    • இந்த தேவாலயத்தின் முகப்பு பகுதியில் கண்ணாடியினால் செய்யப்பட்ட கூண்டில் மிக்கேல் சொரூபம் வைக்கப்பட்டுள்ளது.

    தூத்துக்குடி:

    தூத்துக்குடி தருவைகுளத்தில் அதிதூதர் ஆலயம் உள்ளது.

    இந்த தேவாலயத்தின் முகப்பு பகுதியில் கண்ணாடியினால் செய்யப்பட்ட கூண்டில் மிக்கேல் சொரூபம் வைக்கப்பட்டுள்ளது. அந்த சொரூபத்தின் தலையில் வெள்ளி கீரிடமும் பொருத்தப்பட்டுள்ளது.

    இந்நிலையில் இன்று காலை வழக்கம் போல வழிபாடு செய்ய தேவலாயத்திற்கு சென்றனர். அப்போது சொரூபம் வைக்கப்பட்டிருந்த கண்ணாடி கூண்டுகள் உடைக்கப்பட்டு அதில் இருந்த வெள்ளி கிரீடம் திருட்டு போயிருந்தது தெரியவந்தது.

    இது தொடர்பாக தருவைகுளம் ஊர்கமிட்டி சார்பாக அனிட்டன் என்பவர் போலீசில் புகார் செய்தார்.

    சம்பவ இடத்திற்கு சப்-இன்ஸ்பெக்டர் சரவணன் சென்று விசாரணை நடத்தினார். மேலும் தேவாலய பகுதியில் பொருத்தப்பட்டிருந்த சி.சி.டி.வி. காமிரா காட்சிகளை கைப்பற்றி அதில் பதிவாகி இருந்த காட்சிகளை ஆய்வு செய்தனர்.

    அதில் ஒரு மர்மநபர் வெள்ளி கீரிடத்தை திருடிச் செல்வது தெரியவந்தது. அந்தநபர் தருவைகுளத்தை சேர்ந்தவராக இருக்கலாம் என போலீசார் சந்தேகிக்கின்றனர். அந்த காட்சிகளை கொண்டு போலீசார் மர்மநபரை தேடி வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பெருவிழா கொடி ஊரின் முக்கிய வீதிகளில் ஊர்வலமாக சென்று மீண்டும் கெபியை வந்தடைந்தது.
    • இப்பெருவிழா வருகிற 26-ந் தேதி வரை நடக்கிறது.

    திருச்செந்தூர் அருகே ஆலந்தலையில் இயேசுவின் திருஇருதய அற்புத கெபியில் 94-வது ஆண்டு பெருவிழா நேற்று கொடியேற்றத்துடன் தொடங்கியது. இப்பெருவிழா வருகிற 26-ந் தேதி வரை நடக்கிறது. விழா தொடக்க நாளான நேற்று மாலையில் பெருவிழா கொடி ஊரின் முக்கிய வீதிகளில் ஊர்வலமாக சென்று மீண்டும் கெபியை வந்தடைந்தது. பின்னர் நேற்று மாலை 6.45 மணிக்கு பாளையங்கோட்டை முன்னாள் ஆயர் ஜூடு பால்ராஜ் பெருவிழா கொடியேற்றினார். மணவை வட்டார அதிபர் ஜான்செல்வம் மறையுரையாற்றினார்.

    கொடியேற்று நிகழ்ச்சியில், பங்குதந்தைகள் ஜெயக்குமார், விக்டர் லோபோ, ஆச்சரியம், செல்வன், ஜோசப் ரத்தினராஜ், பீட்டர் பால், சில்வெஸ்டர், வில்லியம், டிமல், அமல்ராஜ், ஆலந்தலை ஊர்நல கமிட்டி தலைவர் ரமேஷ், ரொசாரி மாதா சபை தலைவர் ரூபின்ஸ்டன், நிதிக்குழு செயலாளர் லிபோரியஸ் உள்பட திரளானவர்கள் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அர்ச்சிப்பு விழா நாளை (ஞாயிற்றுக்கிழமை) மாலை 6.30 மணிக்கு நடக்கிறது.
    • பழமையான இந்த கெபி புதுப்பிக்கப்பட்டுள்ளது.

    ஆரல்வாய்மொழி தேவசகாயம் மவுண்டில் புனித வியாகுல அன்னை ஆலயம், மறைசாட்சி புனிதர் தேவசகாயம் ஆலயம் என இரட்டை திருத்தலம் உள்ளது. அதோடு இங்கு புனித லூர்து அன்னை கெபியும் இருந்தது.

    பழமையான இந்த கெபி புதுப்பிக்கப்பட்டுள்ளது. இதன் அர்ச்சிப்பு விழா நாளை (ஞாயிற்றுக்கிழமை) மாலை 6.30 மணிக்கு நடக்கிறது. விழாவில் கோட்டார் மறைமாவட்ட அருட்பணியாளர்கள், அரசியல் பிரமுகர்கள் மற்றும் பொதுமக்கள் கலந்துகொள்கிறார்கள்.

    இரவு அன்பின் விருந்து நடக்கிறது. இதற்கான ஏற்பாடுகளை திருத்தல அதிபர் பிரான்சிஸ் சேவியர், பங்குதந்தை பிரைட், இணைபங்கு தந்தை ரெட்வின் மற்றும் பங்கு அருட்பணி பேரவையினர், அருட்சகோதரிகள், பங்குமக்கள் செய்து வருகிறார்கள்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பெரம்பலூர் பாளையம் கிராமத்தில் 1861 ஆம் ஆண்டு பிரிட்டிஷ் ஆட்சி காலத்தில் பிரெஞ்சுக்காரர்களால் புனித சூசையப்பர் தேவாலயம் கட்டப்பட்டது.
    • 160 ஆண்டுகளுக்கு முன்பே இந்த தேவாலயம் நவீன தொழில்நுட்பங்களை பயன்படுத்தி கட்டப்பட்டுள்ளது.

    பெரம்பலூர் :

    பெரம்பலூர் மாவட்டம் பாளையம் கிராமத்தில் 1861 ஆம் ஆண்டு பிரிட்டிஷ் ஆட்சி காலத்தில் பிரெஞ்சுக்காரர்களால் புனித சூசையப்பர் தேவாலயம் கட்டப்பட்டது. இந்த தேவாலயம் 61 அடி உயரம் மற்றும் 8,800 சதுர அடி பரப்பளவில் கட்டப்பட்டுள்ளது.

    கும்பகோணம் டையோசிசன் வாயிலாக இந்த தேவாலயம் நிர்வகிக்கப்பட்டு வந்தது. கடந்த 2009-ல் அதன் கூரையின் ஒரு பகுதி இடிந்து விழுந்து விட்டது. இதையடுத்து பாதுகாப்பு கருதி பொதுமக்கள் தேவாலயத்திற்குள் சென்று பிரார்த்தனை செய்வது நிறுத்தப்பட்டது. அதன் பின்னர் 2016-ல் அந்த தேவாலய வளாகத்தில் புதிய தேவாலயம் கட்டப்பட்டது.

    தற்போது அப்பகுதியில் உள்ள நடுநிலைப்பள்ளி மாணவர்களின் பாதுகாப்பு கருதி பழமையான அந்த தேவாலயத்தை இடிக்க முடிவு செய்யப்பட்டது. 160 ஆண்டுகளுக்கு முன்பே இந்த தேவாலயம் நவீன தொழில்நுட்பங்களை பயன்படுத்தி கட்டப்பட்டுள்ளது. கட்டுமானம் வலுவாக இருப்பதால் இடிப்பது கடினமாக உள்ளது என பாதிரியார் ஜெயராஜ் தெரிவித்தார்.

    இந்த தேவாலயத்தின் இரும்பு சிலை 150 ஆண்டுகளுக்கு முன்பு வெளிநாட்டிலிருந்து கொண்டுவரப்பட்டது. தற்போது புதுப்பிக்கப்பட்டு புதிய தேவாலயத்தில் வைக்கப்பட்டுள்ளது. இதுகுறித்து அப்பகுதியைச் சேர்ந்த டேனியல் பிரகாஷ் என்பவர் கூறும் போது, இந்த தேவாலயத்தை என்னால் மறக்க முடியாது. எனது தாத்தா முதல் மகன் வரை நான்கு தலைமுறைகளுக்கு பெயர் சூட்டும் விழா இங்குதான் நடந்தது. லட்சக்கணக்கான மக்களுக்கு ஞானஸ்தானம் இந்த தேவாலயத்தில் எடுக்கப்பட்டுள்ளது.

    சிறுவயதில் எங்கள் நேரத்தை அதிகம் தேவாலயத்தில் செலவழித்துள்ளோம். தேவாலயம் மிகவும் அழகாக வடிவமைக்கப்பட்டுள்ளது அதை இடிப்பதை பார்க்கும்போது வருத்தமாக இருக்கிறது. இந்த தேவாலயத்தை பொருத்தமட்டில் எங்கள் நினைவில் என்றும் இருக்கும்.

    இன்னொருவர் கூறும்போது இந்த தேவாலயம் நூற்றாண்டு விழாவை கொண்டாடியுள்ளது. இதனை புதுப்பிக்க முயற்சிகள் எடுத்தார்கள். ஆனால் செய்ய முடியவில்லை. இது எங்களுக்கு ஒரு தனிப்பட்ட இழப்பு ஆகும் என்றார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நாசரேத்-பிரகாசபுரம் பரிசுத்த பர லோக அன்னை ஆலயத் திருவிழா நேற்று முன்தினம் கொடியேற்றத்துடன் தொடங்கியது.
    • 10-ம் திருவிழாவான 15-ந் தேதி (திங்கள்கிழமை) புது நன்மை பெறுவோர் இறைமக்கள் சிறப்பு செய்கின்றனர். அதிகாலை 3 மணி க்கு தேரடி திருப்பலி மார்ட்டின் தலைமையில் நடைபெறுகிறது.

    நாசரேத்:

    நாசரேத்-பிரகாசபுரம் பரிசுத்த பர லோக அன்னை ஆலயத் திருவிழா நேற்று முன்தினம் கொடியேற்றத்து டன் தொடங்கியது.

    மறையுரை, நற்கருணை ஆசீர் செய்துங்க நல்லூர் பங்குத்தந்தை ஜாக்சன் தலைமையில் நடை பெற்றது. சோமநாதபேரி பங்குத்தந்தை ஜெகதீஸ் மறையுரை ஆற்றினார்.

    தைலாபுரம் பங்குத் தந்தை இருதயராஜா திருக்கொடியை ஏற்றி வைத்தார். விழாவில் பிரகா சபுரம் சேகர தலைவர் தேவராஜன், பொது நிலையினர் பணியக செயலர் மரியஅரசு ஆகியோர் கலந்து கொண்டனர்.

    9-ம் திருவிழாவான 14-ந் தேதி (ஞாயிற்றுக்கிழமை) அன்னையின் உறவு ஒன்றி ப்பு என்ற தலைப்பில் வெளி யூர் வாழ் பங்குமக்கள் சிறப்பு செய்கின்றனர். காலை 8 மணிக்கு செபமாலை, திருப்பலி ஒயிட்ராஜா தலை மையில் நடைபெறுகிறது. மாலை 6.30 மணிக்கு செப மாலை திருவிழா, மாலை ஆராதனை, வடக்கன்குளம் அமளிவனம் பங்குத்தந்தை ஜெபநாதன் தலைமையில் நடைபெறுகிறது. கள்ளிக்கு ளம் பனிமய அன்னை மேல் நிலைப் பள்ளி முதல்வர் எஸ்.கே.மணி மறையுறை ஆற்றுகிறார்.முடிவில் தேர்ப் பவனி நடக்கிறது.

    10-ம் திருவிழாவான 15-ந் தேதி (திங்கள்கிழமை) புது நன்மை பெறுவோர் இறைமக்கள் சிறப்பு செய்கின்றனர். அதிகாலை 3 மணி க்கு தேரடி திருப்பலி மார்ட்டின் தலைமையில் நடைபெறுகிறது. காலை 8 மணிக்கு திருவிழா திருப்பலி தூத்துக்குடி மறை மாவ ட்ட முதன்மைகுரு பன்னீர்செல்வம் தலைமை யில் நடைபெறுகிறது.

    காலை 11 மணிக்கு தேர்ப்பவனி நடக்கிறது.மாலை 6.30 மணிக்கு செபமாலை, நற்கருணைப் பவனி சாத்தான்குளம் மறைவட்ட முத ன்மைகுரு, ரவி பாலன் தலைமையில் நடை பெறுகிறது. பூச்சிக்காடு வசந்தன், திசை யன்விளை டக்ளஸ், இலங்கநாதபுரம் பங்குத்தந்தை ரத்தின ராஜ் ஆகியோர் கலந்து கொள்கின்றனர்.

    இதற்கான ஏற்பாடுகளை பங்குத்தந்தை சலேட் ஜெரால்டு தலைமையில், அருட்சகோதரிகள், பங்கு இறை மக்கள், திருவிழா கமிட்டி நிர்வாகிகள் செய்து வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நாளை மதியம் 2.30 மணிக்கு ஆயர்களுக்கு வரவேற்பு நடக்கிறது.
    • 6 மணிக்கு அன்பின் விருந்து நடக்கிறது.

    கொல்லங்கோடு அருகே உள்ள பாலவிளையில் (காட்டுக்கடை) மலங்கரை கத்தோலிக்க திருச்சபை சார்பில் புனித சவேரியார் ஆலயம் கட்டப்பட்டுள்ளது. இந்த ஆலய அர்ச்சிப்பு விழா நாளை (சனிக்கிழமை) நடக்கிறது. நாளை மதியம் 2.30 மணிக்கு ஆயர்களுக்கு வரவேற்பு, 3 மணிக்கு ஆலய அர்ச்சிப்பு, மாலை 5.30 மணிக்கு பொதுக்கூட்டம், 6 மணிக்கு அன்பின் விருந்து போன்றவை நடக்கிறது.

    விழாவில் மார்த்தாண்டம் மறை மாவட்ட ஆயர் வின்சென்ட் மார் பவுலோஸ் தலைமை தாங்குகிறார். சிறப்பு விருந்தினர்களாக திருவனந்தபுரம் உயர் மறை மாநில துணை ஆயர் மாத்யூஸ் மார் போளிகார்ப்பஸ், ஆயர் ஆன்டனி மார் சில்வானோஸ் ஆகியோர் கலந்து கொள்கிறார்கள்.

    இதற்கான ஏற்பாடுகளை பங்குத்தந்தை அலெக்ஸ் குமார், ஒருங்கிணைப்பாளர் இவான்ஸ், செயலாளர் ஜெபல் சிங், பொருளாளர் அசோகராஜ், பங்கு பேரவை, பொதுக்குழு உறுப்பினர்கள் செய்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • முதன்மை குரு அருளப்பன் தலைமையில், வேண்டுதல் திருப்பலி நடந்தது.
    • இன்று கொடி இறக்கத்துடன் விழா நிறைவு பெறுகிறது.

    ஓமலூர் அருகே ஆர்.சி. செட்டிப்பட்டியில் உள்ள புனித ராயப்பர் சின்னப்பர் ஆலயத்தில் திருத்தூய அர்ச்சிப்பு, பங்கு திருவிழா, புதுநன்மை மற்றும் உறுதிபூசுதல் ஆகிய முப்பெரும் விழா கடந்த மாதம் 21-ந் தேதி கொடியேற்றத்துடன் தொடங்கியது. இதைத்தொடர்ந்து தினமும் நவநாள் திருப்பலி, கலை நிகழ்ச்சிகள் நடைபெற்று வந்தன.

    விழாவின் முக்கிய நாளான நேற்று காலை சேலம் மறைமாவட்ட பேராயர் அருள்செல்வம் ராயப்பன் தலைமையில் திருவிழா திருப்பலி, திருத்தூய அர்ச்சிப்பு, புதுநன்மை உறுதி பூசுதல் ஆகிய முப்பெரும் விழா ஆலயத்தில் நடைபெற்றது. மாலையில் சேலம் மாவட்ட முதன்மை குரு அருளப்பன் தலைமையில், வேண்டுதல் திருப்பலி நடந்தது.

    பின்னர் செவ்வாய்பேட்டை பங்குதந்தை அழகுசெல்வன் தலைமையில் அலங்கார தேர்பவனி நடைபெற்றது. இதில் திரளான கிறிஸ்தவர்கள் கையில் மெழுகுவர்த்தியுடன் கலந்து கொண்டனர். தேர் பவனி முக்கிய வீதிகள் வழியாக சென்று மீண்டும் ஆலயத்தை வந்தடைந்தது. இன்று (வெள்ளிக்கிழமை) காலை 6 மணிக்கு ஆர்.சி. செட்டிப்பட்டி பங்கு தந்தை எட்வர்ட் ராஜன் தலைமையில் நடைபெறும் கொடி இறக்கத்துடன் விழா நிறைவு பெறுகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கிறிஸ்தவ சப்பரம் பவனி திருவிழா நடந்தது.
    • 2 ஆண்டுகளாக நோய்த்தொற்று காரணமாக இந்த திருவிழா நடைபெறாமல் இருந்தது.

    திருப்பத்தூர்

    சிவகங்கை மாவட்டம் திருப்பத்தூர் அருகே உள்ள நெற்குப்பையில் திருமுழுக்கு யோவான் ஆலயத்தில் வருடம் தோறும் சப்பரம் என்னும் தேர் திருவிழா நடைபெற்று வருவது வழக்கம். 2 ஆண்டுகளாக நோய்த்தொற்று காரணமாக இந்த திருவிழா நடைபெறாமல் இருந்தது.

    இந்த ஆண்டு சிங்கம்புணரி பங்குத்தந்தையால் தேவாலயத்தில் ஜெப நிகழ்ச்சி நடத்தப்பட்டு அதனைத் தொடர்ந்து நகரின் முக்கிய வீதிகளான மேல கச்சேரி தெரு, பொன்னமராவதி சாலை, ராஜவீதி உள்ளிட்ட பல்வேறு வீதிகளில் சப்பரம் வலம் வந்தது.

    சப்பரத்தை சாதி மத பேதமில்லாமல் அனைத்து மதத்தினரும் கண்டு களித்தனர். நிகழ்ச்சிக்கான ஏற்பாடுகளை திருமுழுக்கு யோவான் ஆலய நிர்வாகிகள் செய்து இருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    பூண்டி மாதா பேராலய ஆண்டு திருவிழாவையொட்டி தேர்பவனி நடைபெற்றது. தேர்பவனி நடைபெற்ற போது திரண்டிருந்தவர்கள் கைகளில் மெழுகுவர்த்தி ஏந்தி வழிபட்டனர்.
    திருக்காட்டுப்பள்ளி அருகே உள்ள பூண்டியில் மாதா பேராலயம் அமைந்துள்ளது. இந்த ஆலயத்தில் ஆண்டு திருவிழா கடந்த 6-ந் தேதி கொடியேற்றத்துடன் தொடங்கியது. நவநாட்கள் எனப்படும் திருவிழா நாட்களில் தினமும் மாலையில் சிறு சப்பரபவனி நடைபெற்றது. பல்வேறு ஊர்களில் இருந்து வந்த அருட்தந்தையர்கள் திருப்பலி நிறை வேற்றினர்.

    பூண்டி மாதா பேராலய ஆண்டு திருவிழா நாளான நேற்று காலை பூண்டி மாதா பேராலய பங்குதந்தையர்களாக இருந்து மறைந்த அருட்தந்தையர்கள் லூர்துசேவியர் மற்றும் ராயப்பர் ஆகியோர் நினைவு திருப்பலி நிறை வேற்றப்பட்டது. மாலையில் வழக்கம் போல் ஜெபமாலை பாடல்களுடன் கொடி ஊர்வலம் நடைபெற்றது. பின்னர் திருவிழா திருப்பலி கும்ப கோணம் மறை மாவட்ட பிஷப் அந்தோனிசாமி தலைமையில் நடைபெற்றது.

    “மரியா சமூக அக்கறை கொண்ட புரட்சிப்பெண்” என்ற தலைப்பில் நடைபெற்ற இந்த திருப்பலியில் கும்பகோணம் பிஷப்புடன் மறைமாவட்ட முதன்மை குரு அமிர்தசாமி, மறைவட்ட முதன்மை குரு அந்தோணிஜோசப், பூண்டி மாதா பேராலய அதிபர் பாக்கியசாமி, துணை அதிபர் அல்போன்ஸ், தியான மைய இயக்குனர் குழந்தைராஜ், உதவி பங்கு தந்தையர்கள் ஜெயன், ஜேம்ஸ் மற்றும் பல்வேறு பகுதிகளில் இருந்து வந்த அருட்தந்தையர்கள் கலந்து கொண்டனர்.

    திருப்பலி்க்கு பின்னர் பூண்டி மாதாபேராலய முகப்பில் மல்லிகை மலர்களாலும், வண்ண மின் விளக்குகளாலும் அலங்கரிக்கப்பட்ட பெரிய தேரில் பூண்டி மாதாவின் சொரூபம் வைக்கப்பட்டது. தொடர்ந்து கும்பகோணம் மறை மாவட்ட பிஷப் அந்தோனிசாமி பூண்டி மாதாவின் ஆண்டு திருவிழா தேர்பவனியை புனிதம் செய்து தொடங்கி வைத்தார்.

    தேர்பவனி நடைபெற்ற போது திரண்டிருந்தவர்கள் கைகளில் மெழுகுவர்த்தி ஏந்தி வழிபட்டனர். தங்கள் கைகளில் இருந்த காசுகளையும், மலர்களை சமர்ப்பித்தும் வழிபட்டனர். தேர்பவனியின் போது வாண வேடிக்கை நிகழ்ச்சி நடைபெற்றது.

    தேர்பவனி நிறைவடைந்ததும் இன்று (புதன்கிழமை) காலை மரியா-சிதறுண்ட இதயங்களை ஒருங்கிணைப்பவர் என்ற தலைப்பில் காலை 6 மணிக்கு கும்பகோணம் பிஷப் அந்தோனிசாமி திருப்பலி நிறைவேற்றுகிறார். இதனை தொடர்ந்து மாலையில் கொடியிறக்கப்பட்டு பூண்டி மாதா பேராலய ஆண்டு திருவிழா நிறைவு பெறுகிறது.

    விழாவையொட்டி கோவில் வளாகம் முழுவதும் வண்ண மின் விளக்கு அலங்காரம் செய்யப்பட்டிருந்தது. விழாவிற்கான ஏற்பாடுகளை பேராலய அதிபர் பாக்கியசாமி தலைமையிலான குழுவினர் செய்திருந்தனர்.

    தேர்பவனியையொட்டி திருவையாறு துணை போலீஸ் சூப்பிரண்டு பெரியண்ணன் தலைமையில், திருக்காட்டுப்பள்ளி போலீஸ் இன்ஸ்பெக்டர் கென்னடி மற்றும் ஏராளமான போலீசார் பாதுகாப்பு பணியில் ஈடுபட்டனர். மோப்பநாய் கொண்டு பேராலயத்தின் அனைத்து பகுதிகளிலும் சோதனை நடைபெற்றது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print