மொபைல்ஸ்

பாராளுமன்றத்தில் நிதி மந்திரி நிர்மலா சீதாராமன் சமீபத்தில் மத்திய பட்ஜெட் தாக்கல் செய்தார். அப்போது மொபைல் போன்கள் மற்றும் அதன் முக்கிய பாகங்களின் அடிப்படை சுங்க வரியை 20 சதவீதத்தில் இருந்து 15 சதவீதமாகக் குறைத்து அறிவிப்பு வெளியிட்டார்.

அப்போது பேசிய நிதி மந்திரி நிர்மலா சீதாராமன் இறக்குமதி வரியைக் குறைப்பது நுகர்வோருக்கு நன்மை பயக்கும் என தெரிவித்தார்.

இந்நிலையில், ப்ரோ அல்லது ப்ரோ மேக்ஸ் மாடல் ஐபோன்களுக்கான விலையை ஆப்பிள் நிறுவனம் 3 முதல் 4 சதவீதம் வரை குறைத்துள்ளது. இதன்மூலம் குறைந்தது 5,000 முதல் 6,000 ரூபாய் வரை வாடிக்கையாளர்கள் சேமிக்க முடியும்.

இந்தியாவில் தயாரிக்கப்படும் ஐபோன் 13, ஐபோன் 14 மற்றும் ஐபோன் 15 ஆகியவற்றின் விலையில் 3,000 ரூபாய் குறைக்கப்படுகிறது.

புதிய விலை விவரங்கள்:

ஐபோன் 13 (128 ஜி.பி.) விலை ரூ. 53 ஆயிரத்து 900

ஐபோன் 13 (256 ஜி.பி.) விலை ரூ. 63 ஆயிரத்து 900

ஐபோன் 13 (512 ஜி.பி.) விலை ரூ. 83 ஆயிரத்து 900

ஐபோன் 14 (128 ஜி.பி.) விலை ரூ. 63 ஆயிரத்து 900

ஐபோன் 14 (256 ஜி.பி.) விலை ரூ. 73 ஆயிரத்து 900

ஐபோன் 14 (512 ஜி.பி.) விலை ரூ. 93 ஆயிரத்து 900

ஐபோன் 14 பிளஸ் (128 ஜி.பி.) விலை ரூ. 73 ஆயிரத்து 900

ஐபோன் 14 பிளஸ் (256 ஜி.பி.) விலை ரூ. 83 ஆயிரத்து 900

ஐபோன் 14 பிளஸ் (512 ஜி.பி.) விலை ரூ. 1 லட்சத்து 03 ஆயிரத்து 900

மேலே குறிப்பிடப்பட்டு இருக்கும் ஐபோன்களின் விலை அதன் முந்தைய விலையை விட ரூ. 6,000 குறைவு என்பது குறிப்பிடத்தக்கது.

ஒப்போ நிறுவனத்தின் ரெனோ 12 5ஜி ஸ்மார்ட்போன் இந்திய சந்தையில் விற்பனைக்கு வந்துள்ளது. முன்னதாக ரெனோ 12 ப்ரோ 5ஜி மாடல் ஜூலை 18 ஆம் தேதி விற்பனைக்கு வந்த நிலையில், தற்போது ரெனோ 12 விற்பனைக்கு வந்துள்ளது.

இந்தியாவில் ரெனோ 12 மாடல் சன்செட் பீச், மேட் பிரவுன் மற்றும் ஆஸ்ட்ரோ சில்வர் என மூன்று நிறங்களில் கிடைக்கிறது. இதன் 8 ஜிபி ரேம், 256 ஜிபி மெமரி மாடல் விலை ரூ. 32,999 என நிர்ணயம் செய்யப்பட்டு உள்ளது. விற்பனை ப்ளிப்கார்ட், ஒப்போ ஆன்லைன் மற்றும் ஆஃப்லைன் ஸ்டோர்களில் நடைபெறுகிறது.

புது ரெனோ 12 5ஜி ஸ்மார்ட்போன் வாங்குவோர் தேர்வு செய்யப்பட்ட வங்கி கார்டுகளை பயன்படுத்தும் போது ரூ. 3 ஆயிரம் வரை உடனடி கேஷ்பேக் பெற முடியும். இத்துடன் அதிகபட்சம் 9 மாதங்கள் வரை வட்டியில்லா மாத தவணை முறை வசதி வழங்கப்படுகிறது. மேலும் 3 மாத யூடியூப் பிரீமியம் மற்றும் கூகுள் ஒன் சந்தா வழங்கப்படுகிறது.

அம்சங்களை பொருத்தவரை ரெனோ 12 மாடலில் 6.7 இன்ச் FHD+ OLED டிஸ்ப்ளே, கார்னிங் கொரில்லா கிளாஸ் 7i பாதுகாப்பு, மீடியாடெக் டிமென்சிட்டி 7300 பிராசஸர், மாலி G615 MC2 GPU, அதிகபட்சம் 8 ஜிபி ரேம், 256 ஜிபி மெமரி, ஆண்ட்ராய்டு 14 சார்ந்த கலர் ஓஎஸ் 14.1 வழங்கப்பட்டு இருக்கிறது.

புகைப்படங்கள் எடுக்க 50MP பிரைமரி கேமரா, OIS, 8MP அல்ட்ரா வைடு கேமரா, 2MP மேக்ரோ லென்ஸ், 32MP செல்பி கேமரா வழங்கப்பட்டு இருக்கிறது. இத்துடன் இன் டிஸ்ப்ளே கைரேகை சென்சார், 5000 எம்ஏஹெச் பேட்டரி, 80 வாட் சூப்பர் வூக் பாஸ்ட் சார்ஜிங் வசதி உள்ளது.

சியோமி நிறுவனம் தனது சியோமி 14 ஸ்மார்ட்போனினை லெய்கா பிராண்டு கேமரா சென்சார்களுடன் குரூயிஸ் புளூ டூயல் ஸ்லைஸ் எடிஷன், மேட்சா கிரீன் நானோ-டெக் வீகன் லெதர் எடிஷன் மற்றும் ஷேடோ பிளாக் கிளாசிக் மேட் எடிஷன் போன்ற வெர்ஷன்களில் விற்பனை செய்து வருகிறது. இவை கடந்த மாதம் அறிமுகம் செய்யப்பட்டன.

இந்த நிலையில், சியோமி 14 சிவி லிமிட்டெட் எடிஷன் ஸ்மார்ட்போனின் இந்திய வெளியீட்டை அந்நிறுவனம் உறுதி செய்துள்ளது. புதிய லிமிட்டெட் எடிஷன் மாடல் பான்டா டிசைன் கொண்டிருக்கும். இந்த ஸ்மார்ட்போனுடன் ரெட்மி பேட் SE 4ஜி மற்றும் ரெட்மி பேட் ப்ரோ 5ஜி போன்ற சாதனங்களும் அறிமுகம் செய்யப்பட உள்ளன.

புதிய லிமிட்டெட் எடிஷன் மாடல் மிரர் கிளாஸ் மற்றும் வீகன் லெதர் வெர்ஷன் கொண்டிருக்கும். இத்துடன் பின்க், மோனோக்ரோம் மற்றும் புளூ எடிஷன்களும் விற்பனைக்கு கிடைக்கும். சியோமி 14 சிவி லிமிட்டெட் எடிஷன் தொடர்பாக அந்நிறுவனம் டீசர்களை வெளியிட்டு வருகிறது.

இந்திய சந்தையில் சியோமி 14 சிவி லிமிட்டெட் எடிஷன் மாடல் ப்ளிப்கார்ட், Mi வலைதளங்கள் தவிர Mi ஹோம் ஸ்டோர் மற்றும் இதர விற்பனை மையங்களில் விற்பனை செய்யப்பட உள்ளது. 

கடந்த வாரம் Z9 லைட் அறிமுகத்தை தொடர்ந்து புதிய ஐகூ Z9s வெளியீட்டை ஐகூ உறுதிப்படுத்தியுள்ளது. இது தொடர்பான அறிவிப்பை ஐகூ இந்தியா தலைமை நிர்வாக அதிகாரி நிபுன் மர்யா வெளியிட்டுள்ளார்.

இதனை சீரிஸ் என்று ஐகூ குறிப்பிட்டுள்ளதை தொடர்ந்து, Z9s வரிசையில் Z9s Pro மாடலும் அறிமுகம் செய்யப்படும் என்று தெரிகிறது. டீசரின் படி புதிய Z9s மாடல் ஐகூ 12 போன்ற கேமரா வடிவமைப்பைக் கொண்டிருக்கிறது.

இதில் மூன்று பிரைமரி கேமரா சென்சார்கள் மற்றும் ரிங் எல்இடி பிளாஷ் ஆகியவை இடம்பெற்றுள்ளது. ஐகூ Z9 ப்ரோ சமீபத்தில் BIS சான்றிதழைப் பெற்றுள்ளதால், இந்த ஸ்மார்ட்போனை இந்தியாவில் Z9 சீரிசில் விரைவில் அறிமுகப்படுத்தும் என்று எதிர்பார்க்கப்படுகிறது.

இது வெள்ளை மற்றும் ஆரஞ்சு நிறங்களில் கிடைக்கும் என்று தெரிகிறது. மேலும் 12GB + 256GB மெமரி ஆப்ஷன் கொண்டிருக்கும் என்று எதிர்பார்க்கப்படுகிறது. மேலும் 50MP பின்புற கேமராவைக் கொண்டுள்ளது.

வரும் வாரங்களில் புதிய ஐகூ ஸ்மார்ட்போனின் வெளியீட்டு தேதி உட்பட கூடுதல் விவரங்கள் அறிவிக்கப்படும்.

மிகவும் எதிர்பார்க்கப்பட்ட கூகுள் பிக்சல் 9 ப்ரோ ஃபோல்ட் மற்றும் பிக்சல் 9 ப்ரோவின் வெளியீட்டு விவரங்களை கூகுள் ஒருவழியாக வெளியிட்டது. கூகுள் நிறுவனம் பிக்சல் 9 ப்ரோ மற்றும் பிக்சல் 9 ப்ரோ ஃபோல்ட் ஸ்மார்ட்போன்களை ஆகஸ்ட் 13-ந் தேதி வெளியிட உள்ளது.

கூகுள் எக்ஸ் தளத்தில், வரவிருக்கும் ஃபிளாக்ஷிப் ஸ்மார்ட்போன்களின் அதிகாரப்பூர்வ போஸ்டரை வெளியிட்டது. டீஸர்களின் படி புது சாதனங்கள் ஜெமினி ஏஐ வசதி கொண்டிருக்கும் என்பதை காட்டுகிறது.

அதிகாரப்பூர்வ டீசர்களின் படி இரட்டை மாத்திரை வடிவ கேமரா கட்அவுட்களுடன் கூடிய அசத்தலான வடிவமைப்பை காட்டுகிறது. கேமராக்கள் பின்புற பேனலின் மேல்-இடது மூலையில் செவ்வக வடிவம் கொண்ட பகுதியில் வைக்கப்பட்டுள்ளன.

இந்த நிகழ்வானது இந்திய நேரப்படி ஆகஸ்ட் 13 ஆம் தேதி இரவு 10.30-க்கு நடைபெற உள்ளது. இந்த தகவலைத் தவிர, வரவிருக்கும் ஸ்மார்ட்போன்கள் பற்றிய வேறு எந்த தகவலையும் கூகுள் வெளியிடவில்லை. இருப்பினும், ஆன்லைனில் புது சாதனங்கள் குறித்து பல தகவல்கள் வெளியாகி உள்ளன.

டீசரில் ஸ்மார்ட்போனின் உள்பக்க திரையில் கேமராவை வெளிப்படுத்தவில்லை. என்றாலும், திரையின் இடது பக்கத்தில் பஞ்ச்-ஹோல் ரக செல்பி கேமராவைக் கொண்டிருக்கும் என்று கூறப்பிடுகிறது.

பிக்சல் 9 ப்ரோ ஃபோல்ட் மாடல் அப்சிடியன் (Obsidian) மற்றும் போர்சிலைன் (Porcelain) கலர்களில் கிடைக்கிறது. இதன் எதிர்பார்க்கப்படும் விலை 256 GB மாடலுக்கு EUR1,899 (தோராயமாக ரூ. 1,68,900) மற்றும் 512 GB மாடலுக்கு EUR 2,029 (தோராயமாக ரூ. 1,80,500) ஆகும்.

பிக்சல் 9 ப்ரோ ஃபோல்ட் மாடல் கூகுள் பிக்சல் 8 ப்ரோவின் வடிவமைப்பை ஒத்திருக்கிறது. இதன் பேனலில் டிரிபிள் ரியர் கேமராக்கள், ஃபிளாஷ் மற்றும் லேசர் ஆட்டோஃபோகஸ் கொண்ட சிறிய கேமரா உள்ளது.

வரவிருக்கும் பிக்சல் 9 ப்ரோ மற்றும் பிக்சல் 9 ப்ரோ XL ஆகியவை ஒரே மாதிரியான மூன்று 50MP பின்புற கேமரா அமைப்பை பகிர்ந்து கொள்ளும். ஆனால் திரை அளவு மற்றும் பேட்டரி திறன் ஆகியவற்றில் வேறுபடும். இது பயனர்களுக்கு நிலையான மற்றும் பெரிய மாடலுக்கு இடையே தேர்வை வழங்குகிறது.

பிக்சல் 9 ப்ரோ ஃபோல்ட் அப்சிடியன் (Obsidian), போர்சிலைன் (Porcelain), ஹசல் (Hazel) சேஜ் கிரீன், (sage green) மற்றும் பின்ர் (Pink) போன்ற கலர்களில் கிடைக்கிறது.

இதன் எதிர்பார்க்கப்படும் விலைகள் 128 ஜிபிக்கு EUR1,099 (தோராயமாக ரூ. 97,500), 256 ஜிபிக்கு EUR1,199 (தோராயமாக ரூ. 1,06,400), மற்றும் 256 ஜிபிக்கு EUR1,329 (தோராயமாக ரூ. 1,18,000). இதுதொடர்பான விரிவான தகவல்கள் வெளியீட்டின்போது, கூகுள் பிக்சல் வாட்ச் 3 ஐ வெளியிடும் என்று எதிர்பார்க்கப்படுகிறது.

அமேசான் நிறுவனம் இன்றும் முதல் நாளை வரை மிகப்பெரிய அளவிலான தள்ளுபடி விற்பனையை அறிவித்துள்ளது. அமேசான் "பிரைம் டே" என பெயரிட்டு தள்ளுபடியை அறிவித்துள்ளது. அமேசான் சந்தாதாரரர்கள் இந்த சலுகையை பெற முடியும்.

ஐ-போன் 13 அதன் அதிகாரப்பூர்வ இணைய தளத்தில் 59,900 ரூபாய்க்கு விற்பனையாகிறது. அமேசான் 11,101 ரூபாய் தள்ளுபடி வழங்குகிறது. இதனால் 48799 ரூபாய்க்கு அமேசானில் வாங்க முடியும். எஸ்பிஐ மற்றும் ஐசிஐசிஐ கார்டுகள் வைத்திருப்பவர்கள் மேலும் 750 ரூபாய் வரை சலுகை பெறலாம். 128GB ஸ்டோரேஜ், ஏ15 பயோனிக் சிப் பிராசரர், 6.1 இன்ச் சூப்பர் ரெட்டினா XDR டிஸ்பிளே வசதி கொண்டதாகும்.

கூகுள் நிறுவனத்தின் பிக்சல் 8 ஸ்மார்ட்போன் ப்ளிப்கார்ட் வலைதளத்தில் சிறப்பு தள்ளுபடியுடன் விற்பனை செய்யப்படுகிறது. இந்த ஸ்மார்ட்போன் அறிமுகம் செய்யப்பட்டதை விட தற்போது ரூ. 14 ஆயிரம் வரை குறைந்த விலையில் விற்பனை செய்யப்படுகிறது.

விலை குறைப்பு மட்டுமின்றி இந்த ஸ்மார்ட்போன் வாங்குவோர் வங்கி சார்ந்த சலுகைகள் பயன்படுத்தும் போது கூடுதல் பலன்கள் பெற முடியும். தற்போது பிக்சல் 8 ஸ்மார்ட்போனுக்கு மட்டுமே இத்தகைய சலுகைகள் வழங்கப்படுகின்றன.

சலுகை விவரங்கள்:

இந்தியாவில் பிக்சல் 8 ஸ்மார்ட்போன் ரூ. 75 ஆயிரத்து 999 விலையில் அறிமுகம் செய்யப்பட்டது. தற்போது இந்த ஸ்மார்ட்போனிற்கு ப்ளிப்கார்ட் வலைதளத்தில் ரூ. 14 ஆயிரம் விலை குறைப்பு அறிவிக்கப்பட்டு இருக்கிறது. இதனால் பயனர்கள் பிக்சல் 8 ஸ்மார்ட்போனை ரூ. 61 ஆயிரத்து 999 விலையில் வாங்கிட முடியும்.

பிக்சல் 8 ஸ்மார்ட்போன் வாங்குவோர் ஐசிஐசிஐ வங்கி கார்டு பயன்படுத்தும் போது ரூ. 4 ஆயிரம் வரை கூடுதல் பலன் பெற முடியும். இவ்வாறு செய்யும் போது ஸ்மார்ட்போனின் விலை ரூ. 57 ஆயிரத்து 999 என மாறிவிடும்.

ப்ளிப்கார்ட் வலைதளத்தில் பிக்சல் 8 ஸ்மார்ட்போனிற்கு எவ்வளவு காலம் வரை இந்த விலை குறைப்பு வழங்கப்படும் என்பது கேள்விக்குறியாகவே உள்ளது. 

ஒன்பிளஸ் நிறுவனம் தனது புதிய நார்டு சீரிஸ் ஸ்மார்ட்போனினை அறிமுகம் செய்தது. இந்த ஸ்மார்ட்போன் ஒன்பிளஸ் நார்டு 4 என அழைக்கப்படுகிறது.

அம்சங்களை பொருத்தவரை ஒன்பிளஸ் நார்டு 4 மாடலில் 6.74 இன்ச் curved AMOLED ஸ்கிரீன், 120Hz வேரியபில் ரிப்ரெஷ் ரேட் மற்றும் ப்ரோ XDR வழங்கப்பட்டு இருக்கிறது. இந்த ஸ்மார்ட்போன் ஸ்னாப்டிராகன் 7 பிளஸ் ஜென் 3 பிராசஸர், அதிகபட்சம் 12 ஜிபி ரேம், 256 ஜிபி மெமரி கொண்டிருக்கிறது.

இத்துடன் ஆண்ட்ராய்டு 14 சார்ந்த ஆக்சிஜன் ஓஎஸ் 14 உள்ளது. இந்த ஸ்மார்ட்போனிற்கு 4 ஆண்ட்ராய்டு ஓஎஸ் அப்டேட்களும், ஆறு ஆண்டுகள் செக்யூரிட்டி அப்டேட்களும் வழங்குவதாக ஒன்பிளஸ் அறிவித்து இருக்கிறது.

புகைப்படங்களை எடுக்க 50MP பிரைமரி கேமரா, 8MP அல்ட்ரா வைடு கேமரா, 16MP செல்பி கேமரா வழங்கப்பட்டுள்ளது. இந்த ஸ்மார்ட்போனின் இடதுபுறம் அலெர்ட் ஸ்லைடர் உள்ளது. இந்த ஸ்மார்ட்போன் 5500 எம்ஏஹெச் பேட்டரி, 100 வாட் சூப்பர்வூக் பாஸ்ட் சார்ஜிங் வசதி கொண்டுள்ளது. இது ஸ்மார்ட்போனை 28 நிமிடங்களில் முழு சார்ஜ் ஏற்றிவிடும்.

ஒன்பிளஸ் நார்டு 4 ஸ்மார்ட்போன் மெர்குரியல் சில்வர், அப்சிடியன் மிட்நைட் மற்றும் ஓயாசிஸ் கிரீன் என மூன்று நிறங்களில் கிடைக்கிறது. இதன் 8 ஜிபி ரேம், 128 ஜிபி மெமரி மாடல் விலை ரூ. 29 ஆயிரத்து 999 என்றும் 8 ஜிபி ரேம், 256 ஜிபி மெமரி மாடல் விலை ரூ. 32 ஆயிரத்து 999 என்றும் 12 ஜிபி ரேம், 256 ஜிபி மெமரி மாடல் விலை ரூ. 35 ஆயிரத்து 999 என்றும் நிர்ணயம் செய்யப்பட்டு உள்ளது.

போக்கோ நிறுவனத்தின் C61 ஏர்டெல் எடிஷன் ஸ்மார்ட்போன் இந்திய சந்தையில் அறிமுகம் செய்யப்பட்டது. இந்த ஸ்மார்ட்போன் வெளியிட போக்கோ மற்றும் ஏர்டெல் நிறுவனங்கள் கூட்டணி அமைத்துள்ளன.

புதிய போக்கோ C61 மாடலில் 6.71 இன்ச் HD+ டிஸ்ப்ளே, கொரில்லா கிளாஸ் 3 பாதுகாப்பு, அதிகபட்சம் 6 ஜிபி ரேம், 128 ஜிபி வரையிலான மெமரி வழங்கப்பட்டு இருக்கிறது. மெமரியை கூடுதலாக நீட்டிக்கும் வசதி உள்ளது. இந்த ஸ்மார்ட்போன் ஆண்ட்ராய்டு 14 சார்ந்த MIUI ஓ.எஸ். கொண்டிருக்கிறது.

புகைப்படங்களை எடுக்க 8MP பிரைமரி கேமரா, 2MP டெப்த் கேமரா மற்றும் 5MP முன்புற கேமரா வழங்கப்பட்டு இருக்கிறது. 5000 எம்ஏஹெச் பேட்டரி மூலம் சக்தியூட்டப்படும் போக்கோ C61 ஸ்மார்ட்போன் 10 வாட் சார்சிங் வசதி கொண்டுள்ளது.

போக்கோ மற்றும் ஏர்டெல் கூட்டணி காரணமாக இந்த ஸ்மார்ட்போன் வாங்குவோர் 50 ஜிபி வரை இலவச டேட்டா பெற முடியும். இத்துடன் ரூ. 750 வரை கூடுதல் தள்ளுபடி பெறலாம். மேலும் ப்ளிப்கார்ட் ஆக்சிஸ் வங்கி கார்டு பயன்படுத்தும் போது 5 சதவீதம் தள்ளுபடி பெற முடியும். இந்த ஸ்மார்ட்போனை வாங்கிய முதல் 18 மாதங்களுக்கு ஏர்டெல் சேவையை மட்டுமே பயன்படுத்த முடியும்.

இந்திய சந்தையில் போக்கோ C61 ஸ்மார்ட்போனின் விலை ரூ. 8 ஆயிரத்து 999 என்று நிர்ணம் செய்யப்பட்டு உள்ளது. எனினும், பயனர்கள் இந்த ஸ்மார்ட்போன் வாங்க ரூ. 3 ஆயிரம் வரை தள்ளுபடி பெறலாம். அதன்படி இதன் விலை ரூ. 5 ஆயிரத்து 999 என மாறிவிடும்.

போக்கோ C61 ரெகுலர் வெர்ஷன் விலை ரூ. 6 ஆயிரத்து 499 என நிர்ணயம் செய்யப்பட்டு உள்ளது குறிப்பிடத்தக்கது. இந்த ஸ்மார்ட்போன் டைமண்ட் டஸ்ட் பிளாக், எதிரியல் புளூ மற்றும் மிஸ்டிக்கல் கிரீன் என மூன்று நிறங்களில் கிடைக்கிறது. புதிய ஏர்டெல் எடிஷன் விற்பனை நாளை (ஜூலை 17) மதியம் துவங்குகிறது.

இந்திய ஸ்மார்ட்போன் சந்தையில் முக்கிய இடத்தை பிடித்திருக்கும் ரியல்மி நிறுவனம் ரியல்மி 13 ப்ரோ, ரியல்மி 13 ப்ரோ பிளஸ் ஆகிய இரண்டு செல்போன்களை வருகிற 30-ந்தேதி இந்தியாவில் அறிமுகம் செய்கிறது.

தற்போது விற்பனையில் இருந்து வரும் ரியல்மி 12 ப்ரோ சீரிஸை தொடர்ந்து இந்த இரண்டு வகை செல்போன்களை வெளியிட இருக்கிறது.

ரியல்மி 12 ப்ரோ பிளஸ் போன் பின்பக்கம் இரண்டு கேமராக்களை கொண்டிருக்கும். Optical Image Stabilization உடன் 50MP சோனி லைஒய்டி 701 சென்சார் மற்றும் 3x optical zoom உடன் 50MP சோனி எல்ஒய்டி 600 சென்சார் அடங்கிய கேமரவாக இருக்கும். இந்த கேமரா மூலம் எடுக்கப்படும் போட்டோக்கள் ஹை-குவாலியாட்டியாக இருக்கும் என கூறப்படுகிறது.

இரண்டு வெகை செல்போன்களில் பல்வேறு வண்ணங்களில் கிடைக்கும். ஏஐ வசதியுடன படங்களை மாற்றியமைக்கும் வசதி உள்ளது.

ரியல்மி ப்ரோ பிளஸ் ஸ்னாப்டிராகன் 7எஸ் ஜென் 3 சிப்செட் பிராசசரை கொண்டதாக இருக்கும். 8GB RAM/128GB storage, 8GB RAM/256GB storage, 12GB RAM/256GB storage, 12GB RAM/512GB storage ஆகிய வேரியன்ட்களில் கிடைக்கும். ரியல்மி 13 ப்ரோ ஸ்னாப்டிராகன் 7எஸ் ஜென் 2 பிராசசர் கொண்டதாகும்.

இந்தியா 2023-2024 நிதியாண்டில் ஆப்பிள் நிறுவனத்தின் விற்பனை சுமார் 8 பில்லியன் அமெரிக்க டாலர் (இந்திய பண மதிப்பில் 66,858.92 கோடி ரூபாய்) என ப்ளூம்பெர்க் தகவல் வெளியிட்டுள்ளது. முந்தைய நிதியாண்டில் 6 பில்லியன் டாலராக இருந்தது. தற்போது மூன்றில் ஒரு மடங்கு (சுமார் 33 சதவீதம்) அதிகரித்துள்ளது குறிப்பிடத்தக்கது.

ஐ-போன் விற்பனையில் உலகின் ஐந்தாவது மிகப்பெரிய சந்தையாக இந்தியா உருவாகியுள்ளது. ஜெர்மனி, பிரான்ஸ் போன்ற ஐரோப்பிய நாடுகளை பின்னுக்குத் தள்ளியுளள்து.

மார்ச் மாதத்துடன் முடிவடைந்த காலாண்டில் டபுள் டிஜிட் வளர்ச்சி என டிம் குக் தெரிவித்திருந்தார். மேலும் இது எங்களுக்கு மிக மிகப்பெரிய மகிழ்ச்சி எனத் தெரிவித்திருந்தார்.

உலகளவில் ஐ-போன் விற்பனை மூலம் 383 பில்லியன் டாலர் வருவாய் ஈட்டியுள்ள ஆப்பிள் நிறுவனத்திற்கு 8 பில்லியன் டாலர் என்பது குறைவானதுதான். சீனாவில் 72.6 பில்லியன் டாலர் அளவிற்கு விற்பனை செய்யப்பட்டுள்ளது. இருந்த போதிலும் ஆப்பிள் நிறுவனம் இந்தியாவில் வளர்ச்சி முக்கியமானது எனக் கருதுகிறது.

இந்தியாவுக்கு 9.2 மில்லியன் போன்களை ஏற்றுமதி செய்துள்ளது குறிப்பிடத்தக்கது.

ஐகூ நிறுவனத்தின் முற்றிலும் புதிய Z9 லைட் 5ஜி ஸ்மார்ட்போன் இந்திய சந்தையில் அறிமுகம் செய்யப்பட்டது. இதில் 6.56 இன்ச் HD+ LCD ஸ்கிரீன், 8MP செல்பி கேமரா, மீடியாடெக் டிமென்சிட்டி 6300 பிராசயர், அதிகபட்சம் 6 ஜிபி ரேம், 6 ஜிபி வரை விர்ச்சுவல் ரேம் கொண்டிருக்கிறது.

இந்த ஸ்மார்ட்போன் புகைப்படங்களை எடுக்க 50MP பிரைமரி கேமரா, 2MP லென்ஸ் கொண்டிருக்கிறது. இதன் பக்கவாட்டில் கைரேகை சென்சார் வழங்கப்பட்டு இருக்கிறது. ஆண்ட்ராய்டு 14 ஓஎஸ் கொண்டுள்ள ஐகூ Z9 லைட் 5ஜி மாடல் இரண்டு ஆண்டுகள் ஆண்ட்ராய்டு அப்டேட் மற்றும் மூன்று ஆண்டுகள் செக்யுரிட்டி அப்டேட்களை பெறும்.

5000 எம்ஏஹெச் பேட்டரி மூலம் சக்தியூட்டப்படும் ஐகூ Z9 லைட் 5ஜி மாடலில் 15 வாட் சார்ஜிங் வசதி உள்ளது. இத்துடன் டூயல் சிம் ஸ்லாட், 5ஜி, டூயல் 4ஜி வோல்ட்இ, வைபை, ப்ளூடூத் 5.4, யுஎஸ்பி டைப் சி போன்ற வசதிகள் உள்ளன.

ஐகூ Z9 லைட் 5ஜி ஸ்மார்ட்போன் அக்வா ஃபுளோ மற்றும் மோச்சா பிரவுன் நிறங்களில் கிடைக்கிறது. இதன் 4 ஜிபி ரேம், 128 ஜிபி மெமரி மாடல் விலை ரூ. 10,499 என துவங்குகிறது. இதன் 6 ஜிபி ரேம், 128 ஜிபி மெமரி மாடல் விலை ரூ. 11,499 ஆகும்.

புதிய ஐகூ ஸ்மார்ட்போனின் விற்பனை ஜூலை 20 ஆம் தேதி துவங்குகிறது. விற்பனை அமேசான், ஐகூ இந்தியா இ ஸ்டோர்களில் நடைபெற இருக்கிறது.