நீங்கள் தேடியது "Iphone"

ஆப்பிள் நிறுவனம் கடந்த செப்டம்பர் மாதத்தில் தனது மிக மெல்லிய ஐபோன் மாடல்- "ஐபோன் ஏர்" அறிமுகம் செய்தது. ஐபோன் ஏர்-ஐ விட, ஐபோன் ஏர் 2 பெருமளவு வெற்றி பெறும் என்று எதிர்பார்க்கப்படுகிறது. ஆப்பிள் நிறுவனம் புதிய ஐபோன் ஏர் மாடலை உருவாக்கும் பணிகளில் ஈடுபட்டு வருவது இன்னும் உறுதிப்படுத்தப்படவில்லை.

எனினும், ஐபோன் ஏர் 2 மாடல் பற்றிய விவரங்கள் இணையத்தில் வெளியாகி உள்ளது. புதிய ஐபோன் ஏர் 2 ரெண்டர் ஆன்லைனில் வெளியாகி உள்ளது. ரெண்டரில் புதிய ஐபோனின் வடிவமைப்பை வெளிப்படுத்துகிறது. மிக மெல்லிய மற்றும் லேசான கைபேசியின் சில முக்கிய அம்சங்களை ஒரு டிப்ஸ்டர் பகிர்ந்துள்ளார்.

ஐபோன் ஏர் 2 அதன் முந்தைய மாடலை போலவே அதே அளவிலான தோற்றம் கொண்டிருக்கலாம். மீண்டும் மீண்டும் மேம்படுத்தல்களை வழங்கும் என்று எதிர்பார்க்கப்பட்டாலும், கேமரா துறையில் இது ஒரு பெரிய அப்டேட் பெறும் என்று தெரிகிறது.

ஐபோன் ஏர் 2 எதிர்பார்க்கப்படும் அம்சங்கள்:

சீனாவின் வெய்போ தள பதிவில், டிப்ஸ்டர் டிஜிட்டல் சாட் ஸ்டேஷன் ஐபோன் ஏர் 2 ரெண்டரை பகிர்ந்துள்ளது. இது அதன் வடிவமைப்பைக் காட்டுகிறது. இந்த போன் அதன் முந்தைய மாடலை போலவே வெள்ளை நிறத்தில் காட்சி அளிக்கிறது. மேலும், புதிய ஐபோன் ஏர் 2 இரட்டை பின்புற கேமரா அமைப்பைக் கொண்டிருக்கலாம்.

தற்போது வெளியாகி இருக்கும் தகவல்கள் உண்மையாகும் படச்த்தில், இந்த ஆண்டு வெளியாகி இருக்கும் ஐபோன் ஏர் மாடலை விட இது குறிப்பிடத்தக்க அப்டேட் பெறக்கூடும். புதிய ஐபோன் ஏர் மாடலில் 48MP பிரைமரி கேமராவுடன் வருகிறது.

மற்ற வடிவமைப்புகள் ஐபோன் ஏர் போலவே இருக்கும் என்று தெரிகிறது. ஆக்ஷன் பட்டனுடன் சேர்ந்து, ஐபோனின் இடது பக்கத்தில் வால்யூம் கண்ட்ரோல்கள் இடம்பெற்று இருக்கும். பின்புற பேனலில் இரண்டு கேமரா லென்ஸ்கள், ஒரு பிரத்யேக மைக்ரோபோன் மற்றும் ஒரு எல்இடி ஃபிளாஷ் ஆகியவற்றைக் கொண்ட மாத்திரை வடிவ கேமரா பம்ப் இடம்பெறலாம்.

ஐபோன் ஏர் 2 அம்சங்களை பொருத்தவரை, இதில் 6.5 இன்ச் டிஸ்ப்ளேவை கொண்டுள்ளது. புகைப்படங்கள் எடுக்க ஐபோன் ஏர் 2 மாடலில் 48MP பிரைமரி கேமரா, 48MP அல்ட்ரா-வைடு கேமரா கொண்டிருக்கலாம்.

ஆப்பிள் நிறுவனத்தின் ஐபோன் 17 சீரிஸ், புத்தம் புதிய ஐபோன் ஏர், ஆப்பிள் வாட்ச் சீரிஸ் 11 மற்றும் ஏர்போட்ஸ் ப்ரோ (3வது தலைமுறை) அனைத்தும் இம்மாதம் 9ஆம் தேதி நடந்த 'Awe Dropping' நிகழ்வில் அறிமுகம் செய்யப்பட்டன. ஆப்பிள் அதன் சமீபத்திய ஹார்டுவேர் சாதனங்களைக் காட்சிப்படுத்திய சில நாட்களுக்குப் பிறகு, இந்த புதிய தயாரிப்புகள் இந்தியாவில் முன்பதிவு செய்யப்பட்டு வந்தன. இப்போது, புதிய ஐபோன், ஆப்பிள் வாட்ச் மற்றும் ஏர்போட்ஸ் மாடல்கள் விற்பனைக்கு கிடைக்கின்றன.

ஆப்பிளின் சமீபத்திய சாதனங்கள் தற்போது ஆப்பிள் இந்தியா வலைத்தளம், ஆப்பிள் ஸ்டோர், முன்னணி ஆன்லைன் தளங்கள் மற்றும் இந்தியாவில் உள்ள பிற ஆஃப்லைன் சில்லறை விற்பனையாளர்களிடம் இருந்து வாங்குவதற்குக் கிடைக்கின்றன.

கூடுதலாக, அவை டெல்லி, மும்பை, புனே மற்றும் பெங்களூருவில் அமைந்துள்ள இந்தியாவில் உள்ள ஆப்பிளின் அதிகாரப்பூர்வ கடைகள் வழியாகவும் கிடைக்கும்.

இன்று விற்பனைக்கு வந்த ஐபோன் 17 சீரிஸை வாங்க ஆப்பிள் ஸ்டோர் நிறுவனங்கள் முன்பு நள்ளிரவு முதலே வாடிக்கையாளர்கள் குவிந்த வண்ணம் இருந்தனர். விடிய, விடிய நீண்ட வரிசையில் வாடிக்கையாளர்கள் காத்திருக்கும் வீடியோக்கள் சமூக வலைத்தளங்களில் வைரலாகி வருகிறது.

இதனிடையே, நீண்ட வரிசையில் காத்திருந்து ஐபோனை வாங்கிய வாடிக்கையாளர்கள் மகிழ்ச்சியின் உச்சத்திற்கே சென்றனர். டெல்லி மற்றும் மும்பை ஆப்பிள் நிறுவனங்கள் முன்பு பல அடி தூரத்திற்கு வாடிக்கையாளர்கள் நீண்ட வரிசையில் காத்திருந்தனர். இதுதொடர்பான வீடியோக்கள் சமூக வலைத்தளங்களில் வைரலாகி பேசுபொருளாகி உள்ளது. 

ஆப்பிள் நிறுவனத்தின் ஐபோன் 17 சீரிஸ், புத்தம் புதிய ஐபோன் ஏர், ஆப்பிள் வாட்ச் சீரிஸ் 11 மற்றும் ஏர்போட்ஸ் ப்ரோ (3வது தலைமுறை) அனைத்தும் இம்மாதம் 9ஆம் தேதி நடந்த 'Awe Dropping' நிகழ்வில் அறிமுகம் செய்யப்பட்டன. ஆப்பிள் அதன் சமீபத்திய ஹார்டுவேர் சாதனங்களைக் காட்சிப்படுத்திய சில நாட்களுக்குப் பிறகு, இந்த புதிய தயாரிப்புகள் இந்தியாவில் முன்பதிவு செய்யப்பட்டு வந்தன. இப்போது, புதிய ஐபோன், ஆப்பிள் வாட்ச் மற்றும் ஏர்போட்ஸ் மாடல்கள் விற்பனைக்கு கிடைக்கின்றன.

ஆப்பிளின் சமீபத்திய சாதனங்கள் தற்போது ஆப்பிள் இந்தியா வலைத்தளம், ஆப்பிள் ஸ்டோர், முன்னணி ஆன்லைன் தளங்கள் மற்றும் இந்தியாவில் உள்ள பிற ஆஃப்லைன் சில்லறை விற்பனையாளர்களிடம் இருந்து வாங்குவதற்குக் கிடைக்கின்றன.

கூடுதலாக, அவை பெங்களூரு, டெல்லி, மும்பை மற்றும் புனேவில் அமைந்துள்ள இந்தியாவில் உள்ள ஆப்பிளின் அதிகாரப்பூர்வ கடைகள் வழியாகவும் கிடைக்கும்.

இன்று விற்பனைக்கு வந்த ஐபோன் 17 சீரிஸை வாங்க ஆப்பிள் ஸ்டோர் நிறுவனங்கள் முன்பு காலையில் இருந்தே வாடிக்கையாளர்கள் குவிந்த வண்ணம் இருந்தனர். நீண்ட வரிசையில் காத்திருந்து ஐபோனை வாங்கிய வாடிக்கையாளர்கள் மகிழ்ச்சி அடைந்தனர்.

இன்று முதல் விற்பனைக்கு வந்த சாதனங்கள்:

ஐபோன் 17 சீரிஸ்

ஐபோன் ஏர்

ஆப்பிள் வாட்ச் சீரிஸ் 11

ஆப்பிள் வாட்ச் அல்ட்ரா 3

ஆப்பிள் வாட்ச் SE 3

ஐபோன் 17, ஐபோன் ஏர், ஆப்பிள் வாட்ச், ஏர்பாட்ஸ் ப்ரோ (3வது தலைமுறை) இந்திய விலை

1. ஐபோன் 17 சீரிஸ், ஐபோன் ஏர்:

இந்தியாவில் ஐபோன் 17 இன் விலை 256 ஜிபி மெமரி கொண்ட பேஸ் மாடலின் விலை ரூ. 82,900 முதல் தொடங்குகிறது. ஐபோன் ஏர் அதே மெமரி வேரியண்டின் விலை ரூ. 1,19,900 இல் தொடங்குகிறது. ஐபோன் 17 ப்ரோ மற்றும் ஐபோன் 17 ப்ரோ மேக்ஸ் ஆகியவை முறையே ரூ. 1,34,900 மற்றும் ரூ. 1,49,900 விலையில் தொடங்குகின்றன.

2. ஆப்பிள் வாட்ச்:

ஆப்பிள் வாட்ச் சீரிஸ் 11 மாடலின் 42 மில்லிமீட்டர் அலுமினியம் ஜி.பி.எஸ். மாடலுக்கு ரூ. 46,900 என தொடங்குகிறது. ஜி.பி.எஸ். ஆதரவுடன் அலுமினிய கேஸ் கொண்ட வாட்ச் எஸ்.இ. 3 மாடலின 40 மில்லிமீட்டர் வேரியண்ட் ரூ. 25,990 விலையில் கிடைக்கிறது. அதே நேரத்தில் ஆப்பிள் வாட்ச் அல்ட்ரா 3 விலை ரூ. 89,900 ஆகும்.

3. ஏர்பாட்ஸ் ப்ரோ (3வது தலைமுறை) விலை ரூ. 25,900.

இந்த சாதனங்களை அதிகாரப்பூர்வ ஆப்பிள் வலைத்தளம் மூலம் வாங்கும் வாடிக்கையாளர்கள், அமெரிக்கன் எக்ஸ்பிரஸ், ஆக்சிஸ் வங்கி மற்றும் ஐசிஐசிஐ வங்கி அட்டைகள் மூலம் மேற்கொள்ளப்படும் பரிவர்த்தனைகளுக்கு ரூ. 5,000 வரை உடனடி தள்ளுபடியைப் பெறலாம். மேலும், ஆப்பிள் தயாரிப்பின் முழு விலையையும் முன்கூட்டியே செலுத்த விரும்பாதவர்களுக்கு விலையில்லா EMI ஆப்ஷன்கள் உள்ளன.

ஆப்பிள் நிறுவனம் தனது 'Awe Dropping' நிகழ்வில், புத்தம் புதிய ஐபோன் 17, ஐபோன் 17 ப்ரோ மற்றும் ஐபோன் 17 ப்ரோ மேக்ஸ் ஆகிய மாடல்களை வெளியிட்டது. ஒவ்வொரு ஆண்டும் புதிய ஐபோன்கள் வெளியீட்டைத் தொடர்ந்து பழைய ஐபோன் சீரிஸ் விலைகள் குறைக்கப்படுவது இயல்பான ஒன்றுதான்.

அந்த வரிசையில் நேற்றைய நிகழ்வு முடிந்த கையோடு ஆப்பிள் நிறுவனம் கடந்த ஆண்டு அறிமுகம் செய்த ஐபோன் 16 மற்றும் ஐபோன் 16 பிளஸ் ஆகிய மாடல்களின் விலையை குறைப்பதாக ஆப்பிள் அறிவித்துள்ளது. இதனை தொடர்ந்து இந்தியாவிலும் இரு மாடல்களின் விலை குறைக்கப்பட்டுள்ளது.

வழக்கம் போல், இந்த போன்கள் அதன் அறிமுக விலையில் இருந்து ரூ.10,000 விலைக் குறைப்பைப் பெற்றுள்ளன. ஆனால் ஐபோன் 16 இப்போது 128 ஜிபி மாடலில் கிடைக்கிறது. ஐபோன் 16 பிளஸ் 128 ஜிபி மற்றும் 256 ஜிபி மாடல்களில் மட்டுமே வருகிறது.

ஐபோன் 16 ப்ரோ மற்றும் ஐபோன் 16 ப்ரோ மேக்ஸ் ஆகியவை குறித்து எந்த தகவலும் வெளியாகவில்லை. ஏனெனில் அவை ஐபோன் 17 ப்ரோ மற்றும் ஐபோன் 17 ப்ரோ மேக்ஸ் மாடல்களால் மாற்றப்பட்டுள்ளன. ஐபோன் 15 மற்றும் ஐபோன் 15 பிளஸ் ஆகியவையும் நிறுத்தப்பட்டுள்ளன.

128 ஜிபி கொண்ட ஐபோன் 16 ரூ.69,900, 128 ஜிபி கொண்ட ஐபோன் 16 பிளஸ் ரூ.79,900, 256 ஜிபி கொண்ட ஐபோன் 16 பிளஸ் ரூ.89,900-ஆக விலை நிர்ணயிக்கப்பட்டுள்ளது.

ஐபோன் வாங்க விரும்பும் வாடிக்கையாளர்கள் இதனை ஆன்லைன் தளங்களில் இன்னும் விலை மலிவாக பெற்றுக்கொள்ளலாம். வருகிற 23-ந்தேதி தொடங்கும் பிக் பில்லியன் டேஸ் விற்பனை மற்றும் அமேசான் கிரேட் இந்தியன் ஃபெஸ்டிவல் விற்பனையின் போதும் விலை மலிவாகக் கிடைக்கும்.

ஆப்பிள் நிறுவனம் தனது 'Awe Dropping' நிகழ்வில், புத்தம் புதிய ஐபோன் 17, ஐபோன் 17 ப்ரோ மற்றும் ஐபோன் 17 ப்ரோ மேக்ஸ் ஆகிய மாடல்களை வெளியிட்டது. புதிய ஐபோன் மாடல்கள் கடந்த ஆண்டு வெளியான A18 சிப்செட்டின் மேம்பட்ட வெர்ஷன் மற்றும் ஐஓஎஸ் 26 கொண்டிருக்கிறது. இத்துடன் ஆப்பிள் நிறுவனத்தின் தனியுரிம செயற்கை நுண்ணறிவு (AI) சேவையான ஆப்பிள் இன்டெலிஜன்ஸ் (Apple Intelligence) ஆதரவையும் கொண்டுள்ளது.

ஐபோன் 17 அம்சங்கள்:

முற்றிலும் புதிய ஐபோன் 17 மாடல் ஐஒஎஸ் கொண்டிருக்கிறது. இந்த ஐபோன் மாடல் டூயல் சிம் வசதி கொண்டிருக்கிறது. இத்துடன் 120Hz ரிப்ரெஷ் ரேட் கொண்ட 6.3-இன்ச் சூப்பர் ரெடினா XDR OLED டிஸ்ப்ளே கொண்டுள்ளது.

கேமராவை பொறுத்தவரை, ஐபோன் 17 மாடலில் இரட்டை பின்புற சென்சார்களுடன் வருகிறது. இதில் f/1.6, ஆப்டிகல் இமேஜ் ஸ்டெபிலைசேஷன் (OIS) கொண்ட 48MP பியூஷன் பிரைமரி கேமரா உள்ளது. இந்த 2X டெலிஃபோட்டோ கேமராவாகவும் செயல்படும். இதனுடன் f/2.2, மேக்ரோ ஆப்ஷன் கொண்ட 48MP பியூஷன் அல்ட்ரா-வைடு கேமராவும் உள்ளது. முன்பக்கத்தில், முற்றிலும் புதிய 18MP சென்டர் ஸ்டேஜ் செல்ஃபி கேமரா வழங்கப்பட்டு இருக்கிறது.

ஐபோன் 17 மாடல் A19 சிப்செட் மற்றும் iOS 26 இல் இயங்குகிறது. இது 16-கோர் நியூரல் எஞ்சினைக் கொண்டுள்ளது. புதிய ஸ்மார்ட்போனில் ஆப்பிள் ஸ்டோரேஜையும் அதிகரித்துள்ளது. அதன்படி ஐபோன் 17 பேஸ் மாடலில் 256 ஜிபி மெமரி வழங்கப்பட்டுள்ளது. இது ப்ரோ மாடல்களைப் போலவே அதே ஆப்பிள் இண்டெலிஜன்ஸ் அம்சங்களுடன் வருகிறது.

ஐபோன் 17 ப்ரோ, 17 ப்ரோ மேக்ஸ் அம்சங்கள்:

ஐபோன் 17 ப்ரோ மாடல்கள் அலுமினிய கட்டமைப்பை கொண்டுள்ளன. அதாவது இந்த ஆண்டு மாடல்களில் ஐபோன் 15 ப்ரோ மற்றும் ஐபோன் 16 ப்ரோ மாடல்களில் காணப்படும் டைட்டானியம் பாடி இருக்காது. ஐபோன் 17 ப்ரோ மாடலில் 120 ஹெர்ட்ஸ் ப்ரோமோஷன் 6.3 இன்ச் சூப்பர் ரெடினா XDR டிஸ்ப்ளே கொண்டுள்ளது.

ஐபோன் 17 ப்ரோ மேக்ஸ் மாடலில் 6.9 இன்ச் டிஸ்ப்ளே கொண்டிருக்கிறது. ப்ரோ சீரிசில் இரண்டு மாடல்களும் 3,000 நிட்ஸ் பீக் பிரைட்னஸ் கொண்டுள்ளன. ஐபோன் 17 ப்ரோ மாடல்கள் புதிய A19 ப்ரோ சிப்செட் கொண்டுள்ளன. இது 6-கோர் CPU மற்றும் 6-கோர் GPU கட்டமைப்போடு வருகிறது, ஒவ்வொரு GPU கோர் நியூரல் ஆக்சிலரேட்டர்களை கொண்டுள்ளது.

கேமராக்களைப் பொறுத்தவரை, ஐபோன் 17 ப்ரோ மாடல்களில் 48MP பிரைமரி கேமரா, 48MP அல்ட்ராவைடு சென்சார் மற்றும் 48MP டெலிஃபோட்டோ லென்ஸ் கொண்டுள்ளது. முன்புறம் 18MP கேமராவுடன் வருகிறது. ஐபோன் 17 ப்ரோ மற்றும் ஐபோன் 17 ப்ரோ மேக்ஸ் ஐஓஎஸ் 26 கொண்டிருக்கின்றன.

விலை விவரம்:

இந்திய சந்தையில் புதிய ஐபோன் 17 மாடல் ரூ. 82,900 என துவங்குகிறது. ஐபோன் 17 ப்ரோ சீரிஸ் விலை ரூ. 1,34,990 என துவங்குகிறது.

ஆப்பிள் நிறுவனம் செப்டம்பர் 9 ஆம் தேதி தனது 'Awe Dropping' நிகழ்வில் ஐபோன் 17 சீரிசை வெளியிட உள்ளது. புதிய ஐபோன்களை அறிமுகம் செய்வதற்கு முன்னதாக, ஆப்பிள் நிறுவனம் அதன் விண்டேஜ் தயாரிப்பு பட்டியலை புதுப்பித்துள்ளது. 2017ஆம் ஆண்டு அறிமுகம் செய்யப்பட்ட ஐபோன் 8 பிளஸ் இப்போது விண்டேஜ் என குறிக்கப்பட்டுள்ளது, அதே நேரத்தில் 11-இன்ச் மேக்புக் ஏர், 13-இன்ச் மேக்புக் ப்ரோ மற்றும் 15-இன்ச் மேக்புக் ப்ரோ ஆகியவை நிறுவனத்தால் "காலாவதியானவை" என்று அறிவிக்கப்பட்டுள்ளன.

இந்த சாதனங்கள் இப்போது காலாவதியானவை என வகைப்படுத்தப்பட்டுள்ளன. மேலும் அவற்றின் சேவை மற்றும் பழுதுபார்ப்பு குறைவாக இருக்கும். 2017 ஆம் ஆண்டு வெளியான ஆப்பிளின் ஐபோன் 8 பிளஸ் இப்போது ஒரு விண்டேஜ் தயாரிப்பு.

ஆப்பிள் நிறுவனம் தனது 64GB மற்றும் 256GB ஐபோன் 8 பிளஸ் ஸ்மார்ட்போன்களை அதன் விண்டேஜ் சாதன பட்டியலில் சேர்த்துள்ளது. ஏற்கனவே பட்டியலில் இருந்த "ஐபோன் 8 பிளஸ் பிராடக்ட் ரெட்" வெர்ஷனுடன் இவை இணைகின்றன. இந்த போனின் 128GB மெமரி மாடல் இன்னும் விண்டேஜ் பட்டியலில் சேர்க்கப்படவில்லை.

2017 ஆம் ஆண்டு அறிமுகப்படுத்தப்பட்ட ஐபோன் 8 மற்றும் ஐபோன் X ஆகியவை முன்பு விண்டேஜ் என குறிக்கப்பட்டன. ஐபோன் 8 பிளஸ் 64GB மாடல் ரூ. 73,000 மற்றும் 256GB மாடல் ரூ. 86,000 ஆரம்ப விலையில் அறிமுகப்படுத்தப்பட்டது.

ஐபோன் 8 பிளஸ் தவிர, 2015 இல் அறிமுகப்படுத்தப்பட்ட 11 இன்ச் மேக்புக் ஏர் மற்றும் 2017ஆம் ஆண்டு வெளியிடப்பட்ட 13 இன்ச் மற்றும் 15 இன்ச் மேக்புக் ப்ரோ மாடல்கள் காலாவதியானவை என வகைப்படுத்தப்பட்டுள்ளன.

ஆப்பிள் தயாரிப்புகள் ஐந்து ஆண்டுகளுக்கு மேல் விற்கப்படாமல், ஏழு ஆண்டுகளுக்கும் குறைவாகவே அறிமுகம் செய்யப்பட்டிருந்தால், அவற்றை விண்டேஜ் என்று கருதுகிறது. இந்தக் காலகட்டத்தில், பாகங்கள் கிடைப்பதைப் பொறுத்து, வரையறுக்கப்பட்ட வன்பொருள் சேவை இன்னும் கிடைக்கக்கூடும்.

செப்டம்பர் 9 ஆம் தேதி காலை 10 மணிக்கு (இந்திய நேரப்படி இரவு 10:30 மணிக்கு) நடைபெறவிருக்கும் ஆப்பிளின் Awe Dropping வெளியீட்டு நிகழ்வுக்கு சில நாட்களுக்கு முன்னதாகவே விண்டேஜ் மற்றும் காலாவதியான தயாரிப்பு பட்டியல்களில் இந்த மாற்றங்கள் செய்யப்பட்டுள்ளன . ஐபோன் 17 சீரிஸ், ஆப்பிள் வாட்ச் 11 சீரிஸ் மற்றும் ஏர்பாட்ஸ் ப்ரோ 3 ஆகியவையும் இந்த நிகழ்வின் போது வெளியிடப்படும் என்று எதிர்பார்க்கப்படுகிறது.

ஆப்பிள் சாதனங்கள் (iPhone, iPad, MacBook, Apple Watch) உலகளவில் மிகவும் பாதுகாப்பானதாகக் கருதப்படுகின்றன. ஆனால் முழுமையான பாதுகாப்பு என்பது கேள்விக்குறியாக உள்ளது.

இந்த நிலையில், இந்தியாவில் செயல்படும் ஐபோன் உள்பட அனைத்து ஆப்பிள் பொருட்களும் ஹேக் செய்யப்படும் அபாயம் இருப்பதாக இந்திய இணைய பாதுகாப்பு அமைப்பான CERT- In அதி தீவிர எச்சரிக்கையை விடுத்துள்ளது.

iOS, iPadOS, macOS, watchOS, TVOS/ visionOS 2 இருந்து முக்கிய தகவல்கள் திருடப்படும் அபாயம் இருப்பதாக கண்டுபிடிக்கப்பட்டுள்ளது.

இதனால் ஆப்பிள் பாதுகாப்பு அப்டேட்களை உடனே புதுப்பிக்கும்படி பயனர்களுக்கு வேண்டுகோள் விடுக்கப்பட்டுள்ளது. 

ஐபோன் 17 சீரிஸ் மாடல்கள் விரைவில் அறிமுகம் செய்யப்பட உள்ளன. இந்த நிலையில், புதிய ஐபோன்கள் பற்றிய விவரங்கள் தொடர்ச்சியாக இணையத்தில் வெளியாகி வருகிறது. வருகிற செப்டம்பர் மாதம் ஆப்பிள் நிறுவனம் ஐபோன் 17, ஐபோன் 17 ஏர், ஐபோன் 17 ப்ரோ மற்றும் ஐபோன் 17 ப்ரோ மேக்ஸ் என நான்கு மாடல்களை அறிமுகம் செய்ய இருக்கிறது.

இந்த நிலையில், புதிய ஐபோன்களின் வண்ண விருப்பங்கள் குறித்து சமீபத்தில் பல தகவல்கள் வந்துள்ளன. இப்போது, ஒரு புதிய அறிக்கை இந்த தகவல்களை உறுதிப்படுத்துகிறது. இதில் ஐபோன் 17 ப்ரோ மாடல் நான்கு வண்ண விருப்பங்களை கொண்டிருக்கும் என்று தெரிவித்துள்ளது. புதிய மாடல்கள் ஆப்பிள் சாதனத்திற்கான பிளாக் மற்றும் வைட் என பாரம்பரிய வண்ணங்களைத் தக்க வைத்துக் கொள்ளும் என்று எதிர்பார்க்கப்படுகிறது.

பிரபல டிப்ஸ்டர் மஜின் பு வெளியிட்டுள்ள சமீபத்திய வலைப்பதிவில், ஐபோன் 17 ப்ரோ பிளாக், டார்க் புளூ, ஆரஞ்சு மற்றும் சில்வர் வண்ணங்களில் அறிமுகம் செய்யப்படும் என்று குறிப்பிட்டு இருக்கிறார். இத்துடன் புதிய ஐபோன்களின் ரெண்டர்களையும் பகிர்ந்துள்ளார். இதில் பிளாக் மற்றும் வைட் நிறங்கள் ஐபோன் 16 ப்ரோ சீரிசின் பிளாக் டைட்டானியம் மற்றும் வைட் டைட்டானியம் வண்ணங்களை ஒத்தி உள்ளன.

டார்க் புளூ ஐபோன் 15 ப்ரோவின் ப்ளூ டைட்டானியம் நிறத்தால் ஈர்க்கப்பட்டதாகத் தெரிகிறது. ஐபோன் 17 ப்ரோ மாதிரிகள் புதிய பெரிய கேமரா பார் வடிவமைப்பை LED ஃபிளாஷ் மற்றும் LiDAR சென்சார் வலது பக்கத்தில் அமைக்கப்பட்டிருப்பதைக் காட்டுகின்றன.

நான்கு வண்ணங்களுக்கு கூடுதலாக, ஆப்பிள் மற்றொரு நிறத்தை சோதித்து வருவதாக மஜின் பு கூறுகிறார். இருப்பினும் இது எந்த சாதனத்திற்காக வடிவமைக்கப்பட்டுள்ளது என்பது தெளிவாகத் தெரியவில்லை. ஐபோன் 17 ப்ரோவின் அலுமினியம் ஃபிரேமை பூர்த்தி செய்ய புதிய வண்ணங்கள் வடிவமைக்கப்பட்டுள்ளன என்று டிப்ஸ்டர் கூறினார்.

சமீபத்திய அறிக்கையின்படி, ஐபோன் 17 ப்ரோ மற்றும் ஐபோன் 17 ஐபோன் ப்ரோ மேக்ஸ் ஸ்மார்ட்போன்கள் பிளாக், டார்க் புளூ, கிரே, ஆரஞ்சு மற்றும் வைட் என ஐந்து வண்ணங்களில் கிடைக்கும் என தெரிவிக்கப்பட்டுள்ளது. ஐபோன் 17 ஸ்மார்ட்போன் பிளாக், கிரீன், லைட் புளூ, பர்பில், ஸ்டீல் கிரே மற்றும் வைட் என ஆறு வண்ணங்களில் கிடைக்கும் என்றும், ஐபோன் 17 ஏர் ஸ்மார்ட்போன் பிளாக், லைட் புளூ, லைட் கோல்டு மற்றும் வைட் நிறங்களில் கிடைக்கும் என்று கூறப்படுகிறது.

ஐபோன் 17 ப்ரோ மற்றும் ஐபோன் 17 ப்ரோ மேக்ஸ் ஆகியவை ஐபோன் 17 மற்றும் ஐபோன் 17 ஏர் மாடல்களுடன் செப்டம்பர் மாதத்தின் முதல் வாரத்தில் அறிமுகம் செய்யப்படலாம்.

இந்தியாவில் ஐபோன் 16 பேஸ் வேரியண்ட் 128 ஜிபி மாடல் இந்திய சந்தையில் ரூ. 79,900 விலையில் அறிமுகம் செய்யப்பட்டது. ப்ளிப்கார்ட் தளத்தின் தற்போதைய "GOAT SALE 2025"-ல் இப்போது ரூ. 69,999 விலையில் வாங்கலாம்.

அமேசான் வலைதளத்திலும் இந்த ஸ்மார்ட்போனுக்கு தள்ளுபடி வழங்கப்படுகிறது. இந்த சலுகைகள் நாட்டில் குறிப்பிட்ட காலத்திற்கு மட்டுமே வழங்கப்படும் என்று தெரிகிறது. குறிப்பிடத்தக்க வகையில், ஐபோன் 16 ஸ்மார்ட்போனின் 256 ஜிபி மற்றும் 512 ஜிபி மெமரி வேரியண்ட்களிலும் கிடைக்கிறது. இந்த ஸ்மார்ட்போன் கடந்த ஆண்டு செப்டம்பர் மாதம் ஐபோன் 16 பிளஸ், ஐபோன் 16 ப்ரோ மற்றும் ஐபோன் 16 ப்ரோ மேக்ஸ் மாடல்களுடன் அறிமுகம் செய்யப்பட்டது.

தள்ளுபடி விவரங்கள்:

ஐபோன் 16 இன் 128 ஜிபி விலை தற்போது பிளிப்கார்ட்டில் ரூ. 69,999 ஆகக் குறைக்கப்பட்டுள்ளது . இது ரூ. 79,900 வெளியீட்டு விலையை விட ரூ. 9,901 குறைவாகும். ரூ. 89,900க்கு அறிமுகப்படுத்தப்பட்ட 256 ஜிபி வேரியண்ட் தற்போது ரூ. 81,999க்கு கிடைக்கிறது. மேலும் ரூ. 1,09,900க்கு வெளியிடப்பட்ட 512 ஜிபி விருப்பம் ரூ. 99,999க்கு விற்பனைக்கு வருகிறது.

தள்ளுபடி மட்டுமின்றி ஐபோனின் விலையை மேலும் குறைக்க வாடிக்கையாளர்கள் ரூ. 3,000 மதிப்புள்ள கூடுதல் வங்கிச் சலுகைகளைப் பெறலாம்.

இதற்கிடையில், அமேசான் தளத்தில், ஐபோன் 16 தற்போது ரூ. 73,500க்கு விற்பனை செய்யப்படுகிறது. இது அதன் அறிமுக விலையை விட ரூ. 6,400 குறைவு ஆகும். 256 ஜிபி மற்றும் 512 ஜிபி பதிப்புகள் முறையே ரூ. 83,500 மற்றும் ரூ. 99,900 விலையில் கிடைக்கின்றன. குறைக்கப்பட்ட விலைகளுடன், ஐபோன் வாங்குபவர்கள் கூடுதல் வங்கி தள்ளுபடி, எக்சேஞ்ச் மற்றும் கேஷ்பேக் சலுகைகளையும் பெறலாம்.

ஐபோன் 16 அம்சங்கள்:

ஐபோன் 16 மாடல் 6.1-இன்ச் சூப்பர் ரெடினா XDR OLED டிஸ்ப்ளே, 2,000 நிட்ஸ் வரை பீக் பிரைட்னஸ் மற்றும் செராமிக் ஷீல்ட் பாதுகாப்பை கொண்டுள்ளது. இது A18 சிப்செட் மூலம் இயக்கப்படுகிறது. மேலும் iOS 18 உடன் வருகிறது. கேமராவை பொருத்தவரை, இது 48MP பிரைமரி சென்சார் மற்றும் பின்புறத்தில் 12MP அல்ட்ராவைடு லென்ஸ் கொண்டுள்ளது. இது முன்பக்கத்தில் 12MP TrueDepth சென்சாரைப் பெறுகிறது.

இந்த ஐபோன் மாடலில் IP68 தரச்சான்று பெற்ற வாட்டர், டஸ்ட் ரெசிஸ்டண்ட் வசதி கொண்டுள்ளது. கனெக்டிவிட்டிக்கு 5ஜி, 4ஜி LTE, வைபை 6E, ப்ளூடூத், GPS, NFC மற்றும் யுஎஸ்பி டைப்-சி கொண்டிருக்கிறது.

அதிக லைக்குகள் பெற தரமான ரீல்ஸ் வீடியோக்களை உருவாக்க வேண்டும் என்று ஆசைப்பட்ட 2 சிறுவர்கள் ஒரு இளைஞரை கொலை செய்து அவரின் ஐபோனை திருடிய சம்பவம் உத்தரபிரதேசத்தில் பெரும் பரபரப்பை ஏற்படுத்தியுள்ளது.

பெங்களூருவில் வசித்து வரும் ஷதாப் (19) என்ற இளைஞர் தனது தாய் மாமாவின் திருமணத்திற்காக உத்தரபிரதேசத்தில் உள்ள தனது சொந்த கிராமத்திற்கு சென்றுள்ளார். ஆனால் ஜூன் 21 ஆம் தேதி ஷதாப் காணாமலே போயுள்ளார்.

அவரது உடல் கிராமத்திற்கு வெளியே உள்ள ஒரு கொய்யா பழத்தோட்டத்தில் உள்ள ஒரு பாழடைந்த கிணற்றுக்கு அருகில் கண்டெடுக்கப்பட்டது. ஷாதாப்பின் கழுத்து கத்தியால் வெட்டப்பட்டு, அவரது தலையில் செங்கல்லால் தாக்கப்பட்டிருந்தது.

இந்த கொலை வழக்கை விசாரித்த போலீசார் 4 மற்றும் 16 வயதுடைய இரண்டு சிறார்களைக் கைது செய்தனர். விசாரணையில் 2 சிறார்களும் குற்றத்தை ஒப்புக்கொண்டதாக போலீசார் தெரிவித்தனர்.

சிறந்த ரீல்ஸ் வீடியோக்களை உருவாக்க உயர்தர மொபைல் போன் தேவை என்பதால் ஷாதாப்பை கொன்று அவரது ஐபோனை திருடியதாக அவர்கள் தெரிவித்தனர்.

ஷாதாப்பின் ஐபோன், கொலைக்குப் பயன்படுத்தப்பட்ட கத்தி மற்றும் செங்கல் ஆகியவற்றை போலீசார் கைப்பற்றினர்.

கடந்த ஆண்டு செப்டம்பர் மாதம் ஐபோன் 16 அறிமுகம் செய்யப்பட்டது. மேலும் இந்த ஸ்மார்ட்போனின் விலை தற்போது ரூ.70,000-க்கும் கீழ் குறைந்துள்ளது. தேர்வு செய்யப்பட்ட வங்கி கார்டு பயன்படுத்தும் வாடிக்கையாளர்கள் ரூ.4,000 உடனடி கேஷ்பேக் பெறலாம். அதே நேரத்தில் பழைய ஸ்மார்ட்போனை மாற்றினால் ஐபோனின் விலையை மேலும் குறைக்கலாம்.

தற்போதைய விலை குறைப்பு மட்டுமின்றி அடுத்த மாதம் நடைபெறும் அமேசான் பிரைம் டே 2025 சேலில், ஐபோன் 16 விலை மேலும் குறையும் என்று எதிர்பார்க்கலாம். இந்த மாடலுக்கு இதேபோன்ற தள்ளுபடி அறிவிக்கப்படலாம்.

ஐபோன் 16 புதிய விலை:

இந்தியாவில் ஐபோன் 16 தற்போது அங்கீகரிக்கப்பட்ட விற்பனையாளர்கள் மூலம் ரூ.72,400க்கு கிடைக்கிறது. இது அதன் அறிமுக விலையான ரூ.79,900ஐ விடக் குறைவு தான். இருப்பினும், ஆக்சிஸ் வங்கி, ஐசிஐசிஐ வங்கி மற்றும் கோடக் வங்கி கார்டுகளை பயன்படுத்தும் வாடிக்கையாளர்கள் ரூ.4,000 கேஷ்பேக் சலுகையைப் பெறலாம். இதன் மூலம் ஸ்மார்ட்போனின் விலை ரூ.68,400 ஆகக் குறைகிறது.

உங்களிடம் பழைய ஐபோன் அல்லது ஆண்ட்ராய்டு ஸ்மார்ட்போன் இருந்து அதனை எக்சேஞ்ச் செய்ய விரும்பினால், ஐபோனின் விலையை மேலும் குறைக்கலாம். இந்தியாவில் ஐபோன் 16 ஸ்மார்ட்போன் பிளாக், பின்க், டீல், அல்ட்ராமரைன் மற்றும் வைட் உள்ளிட்ட வண்ண விருப்பங்களில் கிடைக்கிறது.

ஐபோன் 16 அம்சங்கள்:

செப்டம்பர் 2024 இல் அறிமுகம் செய்யப்பட்ட ஐபோன் 16 மாடலில் ஆப்பிள் நிறுவனத்தின் A18 சிப் வழங்கப்பட்டு இருக்கிறது. மேலும் 8 ஜிபி ரேம், 128 ஜிபி மெமரி, ஆப்பிள் இன்டெலிஜன்ஸ் வசதி வழங்கப்பட்டு இருக்கிறது. இந்த மாடலில் இரட்டை பின்புற கேமராக்கள், 48MP அல்ட்ரா வைடு கேமரா மற்றும் 12MP அல்ட்ராவைடு கேமரா உள்ளன.

ஐபோன் 16 மாடலில் 6.1-இன்ச் சூப்பர் ரெடினா XDR (OLED) டிஸ்ப்ளே 60Hz ரிப்ரெஷ் ரேட் கொண்டுள்ளது. இது 2023 ஆம் ஆண்டில் ஐபோன் 15 ப்ரோவுடன் அறிமுகப்படுத்தப்பட்ட ஆக்ஷன் பட்டனையும் கொண்டுள்ளது. இந்த ஐபோன் ஐஓஎஸ் 18 ஓஎஸ் கொண்டிருக்கிறது. இது 3,561mAh பேட்டரியைக் கொண்டுள்ளது மற்றும் யுஎஸ்பி டைப்-சி கேபிள் அல்லது மேக்சேஃப் வழியாக சார்ஜ் செய்யலாம்.

ஆப்பிளின் ஐபோன் 17 ஏர், இந்த ஆண்டின் பிற்பகுதியில், அந்நிறுவனத்தின் மிகமெல்லிய ஸ்மார்ட்போனாக அறிமுகமாகும் என்று எதிர்பார்க்கப்படுகிறது. புதிய ஐபோனின் பேட்டரி தொழில்நுட்பம் மற்றும் எடை பற்றிய விவரங்கள் டிப்ஸ்டர் மூலம் ஆன்லைனில் வெளியாகியுள்ளன.

ஐபோன் 17 ஏர் சமீபத்தில் அறிமுகப்படுத்தப்பட்ட சாம்சங் கேலக்ஸி S25 எட்ஜ்-ஐ விட சிறிய பேட்டரியைக் கொண்டிருக்கும் என்று எதிர்பார்க்கப்படுகிறது. ஆனால் இது அதன் ஆண்ட்ராய்டு ஓஎஸ் போட்டியாளரை விட மெல்லியதாகவும் இலகுவாகவும் இருக்கும். இருப்பினும், இது ஒரு பாரம்பரிய லித்தியம்-அயன் பேட்டரியை விட அதிக ஆற்றலை வழங்கும் நவீன பேட்டரி தொழில்நுட்பத்தைப் பயன்படுத்தலாம்.

ஐபோன் 17 ஏர் விவரங்கள்

பெயர் தெரியாத டிப்ஸ்டர் (X இல் @MajinBuOfficial என்று அழைக்கப்படுகிறார்) ஒரு வலைப்பதிவில் பகிர்ந்து கொண்ட விவரங்களின்படி, ஐபோன் 17 ஏர் சிலிக்கான்-கார்பன் பேட்டரி கொண்டிருக்கும் என்று தெரிவித்துள்ளார்.

இது குறித்து ஏற்கனவே வெளியான தகவல்களில் புதிய மெலிதான ஐபோன் மாடலில் 2800mAh பேட்டரி பொருத்தப்பட்டிருக்கும் என்று கூறப்பட்டன. இது பேசிக் மாடலை விட கணிசமாக சிறியது. இருப்பினும், சிலிக்கான்-கார்பன் பேட்டரியை பயன்படுத்துவது ஐபோன் 17 ஏர் மாடலில் முன்னர் எதிர்பார்த்ததை விட சிறந்த பேட்டரி பேக்கப் வழங்கக்கூடும்.

ஐபோன் 17 ஏர் ஆப்பிள் நிறுவனத்தின் மிக மெல்லிய ஸ்மார்ட்போனாக இருக்கும் என்று எதிர்பார்க்கப்படுகிறது. மேலும் இது 2025 ஆம் ஆண்டில் அறிமுகமாகும் மிக இலகுவான மாடல்களில் ஒன்றாகவும் இருக்கலாம். வரவிருக்கும் புதிய ஐபோன் மாடல் 146 கிராம் எடையுள்ளதாக இருக்கும் என்று டிப்ஸ்டர் கூறுகிறார்.

இது சமீபத்தில் வெளியான தகவல்களுடன் ஒத்துப்போகிறது, இது ஒரு லேசான மற்றும் மெலிதான ஐபோன் மாடலின் வருகையைக் குறிக்கிறது. பயோமெட்ரிக் அங்கீகாரத்திற்கான ஃபேஸ் ஐடிக்கான ஆதரவையும் இது வழங்கும் என்று எதிர்பார்க்கப்படுகிறது.

ஐபோன் 16 ப்ரோ மற்றும் ஐபோன் 16 ப்ரோ மேக்ஸ் போன்ற டைட்டானியத்தைப் பயன்படுத்துவதற்குப் பதிலாக, ஆப்பிள் நிறுவனம் ஐபோன் 17 ஏர் மாடல் 7000 சீரிஸ் அலுமினியம் அலாய் பயன்படுத்துவதாகக் கூறப்படுகிறது. இது 30 கிராம் வரை எடையுள்ளதாக இருக்கும். டிப்ஸ்டர் வேறு சில கூறுகளின் எடையையும் வெளிப்படுத்தியுள்ளார். மேலும் அவற்றில் மிகவும் கனமானது 120Hz OLED டிஸ்ப்ளே மற்றும் பேட்டரி ஆகும். மேலும் இவை ஒவ்வொன்றும் 35 கிராம் எடையுள்ளதாக கூறப்படுகிறது.

கேமராவை பொருத்தவரை ஐபோன் 17 ஏர் ஒற்றை 48MP பிரைமரி கேமரா மற்றும் 24MP செல்ஃபி கேமராவுடன் பொருத்தப்பட்டிருக்கும். இந்த ஸ்மார்ட்போன் ஆப்பிள் நிறுவனத்தின் A19 சிப் கொண்டிருக்கும் என்று எதிர்பார்க்கப்படுகிறது. மேலும் கடந்த ஆண்டு ஐபோன் 16 பிளஸ் மாடலைப் போலவே 8 ஜிபி ரேமுடன் வரக்கூடும். புதிய ஐபோனின் பின்புற பேனல் கண்ணாடியால் ஆனது என்றும், இது வயர்லெஸ் (மேக்சேஃப்) சார்ஜிங்கை ஆதரிக்கும் என்றும் டிப்ஸ்டர் கூறியுள்ளார்.