நீங்கள் தேடியது "ஸ்மார்ட்போன்"

டெக்னோ பிரான்டின் முற்றிலும் புதிய POVA Curve 2 5ஜி ஸ்மார்ட்போன் இந்திய சந்தையில் அறிமுகம் செய்யப்பட்டது. புதிய ஸ்மார்ட்போனில் 6.78 இன்ச் 1.5K 3D Curved AMOLED ஸ்கிரீன், மீடியாடெக் டிமென்சிட்டி 7100 பிராசஸர், அதிகபட்சம் 8 ஜிபி ரேம், 8 ஜிபி வரை விர்ச்சுவல் ரேம் வழங்கப்பட்டு இருக்கிறது.

இந்த ஸ்மார்ட்போன் ஆண்ட்ராய்டு 16 சார்ந்த ஹைஓஎஸ் 16 மூலம் இயங்குகிறது. இந்த ஸ்மார்ட்போன் ஆங்கிலம் மட்டுமின்றி இந்தி, பெங்காலி, தமிழ், குஜராத்தி மற்றும் மராத்தி மொழிகளிலும் பயன்படுத்த முடியும். இந்தியாவில் முதல் முறையாக இந்த பிரிவில் ஏஐ நாய்ஸ் ரிடக்ஷன் வசதியுடன் இந்த ஸ்மார்ட்போன் அறிமுகம் செய்யப்பட்டுள்ளது. இது ஸ்மார்ட்போனை சாதாரண அழைப்புகள், வாட்ஸ்அப் சாட், ஜூம் மீட்டிங் அல்லது கேமிங் என அனைத்து வகை பயன்பாடுகளின் போதும் பயனரின் குரல் தெளிவாக கேட்பதை உறுதி செய்யும்.

ஸ்டார்ஷிப் சார்ந்த டிசைன் கொண்டிருக்கும் புதிய டெக்னோ ஸ்மார்ட்போன் அசத்தலான தோற்றம் கொண்டிருக்கிறது. இந்த ஸ்மார்ட்போனில் IP64 தர டஸ்ட், ஸ்பிலாஷ் ரெசிஸ்டண்ட் வசதி வழங்கப்பட்டுள்ளது. புதிய POVA Curve 2 5ஜி ஸ்மார்ட்போன் 8000mah பேட்டரி மூலம் சக்தியூட்டப்படுகிறது. இத்துடன் 45 வாட் ஃபாஸ்ட் சார்ஜிங் வசதி வழங்கப்பட்டு இருக்கிறது. இந்த ஸ்மார்ட்போன் 7.42 மில்லிமீட்டர் அளவில் வெறும் 195 கிராம் எடை கொண்டிருக்கிறது.

டெக்னோ POVA Curve 2 5ஜி ஸ்மார்ட்போன் மிஸ்டிக் பர்ப்பில், ஸ்டார்ம் டைட்டானியம் மற்றும் மெல்டிங் சில்வர் என மூன்றுவித நிறங்களில் கிடைக்கிறது. இதன் 8 ஜிபி ரேம், 128 ஜிபி மெமரி மாடல் விலை ரூ. 27,999 என்றும் 8 ஜிபி ரேம், 256 ஜிபி மெமரி மாடல் விலை ரூ. 29,999 என்றும் நிர்ணயம் செய்யப்பட்டுள்ளது.

இந்த ஸ்மார்ட்போனின் விற்பனை ப்ளிப்கார்ட் மற்றும் முன்னணி ரீடெயில் ஸ்டோர்களில் வருகிற 20ஆம் தேதி தொடங்குகிறது. இந்த ஸ்மார்ட்போனிற்கான முன்பதிவுகள் ஏற்கனவே தொடங்கி நடைபெற்று வருகிறது. அறிமுக சலுகையாக இந்த ஸ்மார்ட்போன் வாங்கும் போது ரூ. 1500 உடனடி தள்ளுபடி மற்றும் 3/6 மாதங்கள் வரை வட்டியில்லா மாத தவணை சலுகையில் ரூ. 3000 கேஷ்பேக் வழங்கப்படுகிறது.

லாவா நிறுவனத்தின் யுவா சீரிஸ் ஸ்மார்ட்போன் மாடல் இந்திய சந்தையில் அறிமுகம் செய்யப்பட்டுள்ளது. லாவா யுவா ஸ்டார் 3 என அழைக்கப்படும் புதிய ஸ்மார்ட்போனில் 6.75 இன்ச் HD+ LCD ஸ்கிரீன், 90Hz ரிப்ரெஷ் ரேட், யுனிசாக் SC9863A பிராசஸர், 4 ஜிபி ரேம், 4 ஜிபி விர்ச்சுவல் ரேம் மற்றும் ரேம் எக்ஸ்பான்ஷன் வசதி வழங்கப்பட்டுள்ளது.

இந்த ஸ்மார்ட்போன் ஆண்ட்ராய்டு 15 கோ எடிஷன் ஓஎஸ் கொண்டிருக்கிறது. இத்துடன் IP64 தர டஸ்ட் மற்றும் வாட்டர் ரெசிஸ்டண்ட் வசதி, 13MP பிரைமரி கேமரா, 5MP செல்ஃபி கேமரா வழங்கப்பட்டு இருக்கிறது. இந்த ஸ்மார்ட்போன் 5000mAh பேட்டரி மூலம் சக்தியூட்டப்படுகிறது. இத்துடன் 10 வாட் சார்ஜிங் உள்ளது.

புதிய லாவா யுவா ஸ்டார் 3 ஸ்மார்ட்போன் இன்டஸ் பிளாக் மற்றும் சியாச்சென் வைட் நிறங்களில் கிடைக்கிறது. இதன் 4 ஜிபி ரேம் 64 ஜிபி மெமரி மாடல் விலை ரூ. 7,499 என நிர்ணயம் செய்யப்பட்டுள்ளது. இந்த ஸ்மார்ட்போன் வருகிற மார்ச் மாத வாக்கில் நாடு முழுக்க ரீடெயில் ஸ்டோர்களில் விற்பனைக்கு வருகிறது. இந்த ஸ்மார்ட்போனுக்கு 1 வருட வாரண்டி மற்றும் வீட்டிலேயே இலவச சர்வீஸ் வசதி வழங்கப்படுகிறது. 

ஒப்போ நிறுவனத்தின் முற்றிலும் புதிய K சீரிஸ் ஸ்மார்ட்போன் இந்திய சந்தையில் அறிமுகம் செய்யப்பட்டது. K14x 5ஜி என அழைக்கப்படும் புதிய ஒப்போ ஸ்மார்ட்போன் 6.75 இன்ச் HD+ டிஸ்ப்ளே, 120Hz ரிப்ரெஷ் ரேட் கொண்டிருக்கிறது. மீடியாடெக் நிறுவனத்தின் டிமென்சிட்டி 6300 சிப்செட் கொண்டிருக்கும் புதிய ஒப்போ ஸ்மார்ட்போன் அதிகபட்சம் 6 ஜிபி ரேம், 128 ஜிபி மெமரியுடன் வருகிறது.

புகைப்படங்களை எடுக்க ஒப்போ K14x 5ஜி ஸ்மார்ட்போனில் 50MP பிரைமரி கேமரா, 2MP போர்டிரெயிட் சென்சார், 5MP செல்ஃபி கேமரா வழங்கப்பட்டுள்ளது. இந்த ஸ்மார்ட்போனின் பக்கவாட்டில் கைரேகை சென்சார் வழங்கப்பட்டு இருக்கிறது. இத்துடன் டூயல் சிம் ஸ்லாட், டஸ்ட் மற்றும் வாட்டர் ரெசிஸ்டண்ட் (IP64) வசதி உள்ளது.

கனெக்டிவிட்டியை பொருத்தவரை 5ஜி, டூயல் 4ஜி வோல்ட்இ, வைபை, ப்ளூடூத் 5.4, யுஎஸ்பி டைப் சி போர்ட் வழங்கப்பட்டு இருக்கிறது. இந்த ஸ்மார்ட்போன் 6500mAh பேட்டரி, 45 வாட் சூப்பர்வூக் ஃபாஸ்ட் சார்ஜிங் வசதி வழங்கப்பட்டு இருக்கிறது. ஒப்போ K14x 5ஜி ஸ்மார்ட்போன் ஆண்ட்ராய்டு 16 சார்ந்த கலர் ஓஎஸ் 16 வழங்கப்பட்டு இருக்கிறது.

இந்திய சந்தையில் புதிய ஒப்போ K14x 5ஜி ஸ்மார்ட்போன் ப்ரிசம் வயலெட் மற்றும் ஐசி புளூ என இரு நிறங்களில் கிடைக்கிறது. இந்த ஸ்மார்ட்போனின் 4 ஜிபி ரேம், 128 ஜிபி மெமரி மாடல் விலை ரூ. 14,999 என்றும் 6 ஜிபி ரேம், 128 ஜிபி மெமரி மாடல் விலை ரூ. 16,999 என்றும் நிர்ணயம் செய்யப்பட்டுள்ளது.

இதன் விற்பனை ஒப்போ இந்தியா ஆன்லைன் ஸ்டோர், ப்ளிப்கார்ட் மற்றும் ஆஃப்லைன் ஸ்டோர்களில் பிப்ரவரி 16ஆம் தேதி தொடங்குகிறது. அறிமுக சலுகையாக இந்த ஸ்மார்ட்போன் வாங்குவோருக்கு ரூ. 1500 வங்கி சலுகையும், மூன்று மாதங்கள் வரை வட்டியில்லா மாத தவணை முறை சலுகையும் வழங்கப்படுகிறது. 

ஐடெல் நிறுவனம் என்ட்ரி லெவல் பிரிவில் A சீரிசை விரிவுபடுத்தி, இந்திய சந்தையில் புதிய A100 ஸ்மார்ட்போனை அறிமுகப்படுத்தியுள்ளது. கடந்த ஆண்டு அறிமுகமான A90 மாடலின் மேம்பட்ட வெர்ஷனாக புதிய ஸ்மார்ட்போன் வெளியாகியுள்ளது.

இந்த ஸ்மார்ட்போன் இந்த விலை பிரிவில் அரிதாகக் காணப்படும் MIL-STD-810H இராணுவ தர சான்றிதழைப் பெற்றுள்ளது. இந்த ஸ்மார்ட்போன் 6.6 இன்ச் டிஸ்ப்ளே, 90Hz ரிப்ரெஷ் ரேட் கொண்டுள்ளது. இதில் உள்ள டைனமிக் பார் அம்சம், பேட்டரி நிலை, அழைப்புகள், அறிவிப்புகள் போன்றவற்றை தடையின்றி காட்டுகிறது.

மேலும், IR பிளாஸ்டர் வசதி மூலம் டிவி, ஏசி உள்ளிட்ட மின்னணு சாதனங்களை தொலைவில் இருந்து கட்டுப்படுத்தலாம். DTS தொழில்நுட்பத்துடன் கூடிய சவுண்ட் அமைப்பும் இதில் இடம்பெற்றுள்ளது. செயல்திறன் அம்சங்களை பொறுத்தவரை, UNISOC T7100 பிராசஸருடன் 3GB அல்லது 4GB ரேம் ஆப்ஷன்கள் உள்ளன. இதனுடன் 8GB வரை விர்ச்சுவல் ரேம் ஆதரவு வழங்கப்படுகிறது.

புதிய ஐடெல் ஸ்மார்ட்போன் ஆண்ட்ராய்டு 15 கோ எடிஷன் இயங்குதளத்தில் இயங்குகிறது. புகைப்படங்களை எடுக்க இந்த ஸ்மார்ட்போன், 8MP பிரைமரி கேமரா, 5MP செல்ஃபி கேமராவுடன் வருகிறது. இந்த ஸ்மார்ட்போன் 5000mAh பேட்டரி மூலம் சக்தியூட்டப்படுகிறது. இத்துடன் 10W சார்ஜிங் வசதி வழங்கப்படுகிறது.

இந்த ஸ்மார்ட்போன் சில்க் கிரீன், ப்யூர் பிளாக், டைட்டானியம் கோல்ட் நிறங்களில் கிடைக்கிறது. புதிய ஐடெல் A100 ஸ்மார்ட்போனின் 3 ஜிபி ரேம், 64 ஜிபி மெமரி மாடல் விலை ரூ.6,799 என்றும், 4 ஜிபி ரேம், 64 ஜிபி மெமரி மாடல் விலை ரூ.7,499 என்றும் விலை நிர்ணயிக்கப்பட்டுள்ளது.

இந்தியா முழுவதும் உள்ள சில்லறை விற்பனை கடைகளில் இந்த ஸ்மார்ட்போன் விற்பனைக்கு கிடைக்கிறது. மேலும், 100 நாட்களுக்குள் இலவசமாக திரை மாற்று வசதியும் வழங்கப்படுகிறது.

சாம்சங் நிறுவனம், இந்தியாவில் A சீரிசில் நிறுவனத்தின் சமீபத்திய 5ஜி ஸ்மார்ட்போனான கேலக்ஸி A07 5ஜியை அறிமுகப்படுத்தியது. புதிய கேலக்ஸி A07 5ஜி ஸ்மார்ட்போன் 120Hz ரிப்ரெஷ் ரேட் கொண்ட 6.7-இன்ச் HD+ டிஸ்ப்ளே கொண்டுள்ளது.

கட்டமைப்பைப் பொறுத்தவரை, இந்த சாதனம் பேக் பேனலுக்கு புதிய கிளாஸ் ஃபைபர் ரீஇன்ஃபோர்ஸ்டு பாலிமர் (GFRP) பயன்படுத்துகிறது. இது மெல்லிய கட்டமைப்புடன் முந்தைய பொருட்களை விட அதிக வலிமையை வழங்குகிறது என்று சாம்சங் கூறுகிறது.

இந்த ஸ்மார்ட்போன் 199 கிராம் எடையும் 8.2 மில்லிமீட்டர் தடிமன் கொண்டது. இத்துடன் IP54 தர டஸ்ட் மற்றும் வாட்டர் ரெசிஸ்டண்ட் வசதி கொண்டுள்ளது. இந்த ஸ்மார்ட்போன்- லைட் வயலட், லைட் க்ரீன் மற்றும் பிளாக் என மூன்றுவித நிறங்களில் கிடைக்கிறது.

புதிய கேலக்ஸி A07ஸ்மார்ட்போன் பின்புறத்தில் 50MP பிரைமரி கேமரா, 2MP செனசார் என இரட்டை கேமரா யூனிட்களையும், முன்புறத்தில் 8MP செல்ஃபி கேமரா கொண்டுள்ளது. இந்த ஸ்மார்ட்போன் 6,000mAh பேட்டரி மூலம் சக்தியூட்டப்படுகிறது. இத்துடன் 25W ஃபாஸ்ட் சார்ஜிங் வசதி கொண்டிருக்கிறது.

கனெக்டிவிட்டியை பொருத்தவரை 12 அலைவரிசைகளில் 5ஜி வழங்கப்படுகிறது. இது இந்தியா முழுவதும் பல்வேறு நெட்வொர்க்குகளுடன் இணக்கத்தன்மையை உறுதி செய்கிறது. இந்த சாதனம் சமீபத்திய ஆண்ட்ராய்டு 16 சார்ந்த ஒன் யுஐ 8.0 மூலம் இயங்குகிறது. இந்த ஸ்மார்ட்போனிற்கு ஆறு ஆண்டுகள் ஓஎஸ் அப்டேட், மூன்று ஆண்டுகள் செக்யூரிட்டி அப்டேட்கள் வழங்குவதாக சாம்சங் உறுதியளிக்கிறது.

இந்த ஸ்மார்ட்போன் ஆக்டா கோர் மீடியாடெக் டிமென்சிட்டி 6300 6nm பிராசஸர் மற்றும் ARM மாலி-G57 MC2 GPU கிராஃபிக்ஸ் உடன் வருகிறது. மெமரியை பொருத்தவரை 4GB / 6GB LPDDR4X ரேம், 128GB மெமரி வழங்கப்படுகிறது. இத்துடன் மைக்ரோ-எஸ்டி ஸ்லாட் மூலம் மெமரியை 1TB வரை நீட்டிக்கும் வசதி கொண்டுள்ளது.

இந்திய சந்தையில் புதிய சாம்சங் கேலக்ஸி A7 ஸ்மார்ட்போனின் 4 ஜிபி ரேம், 128 ஜிபி மெமரி மாடல் விலை ரூ. 15,999 என்றும் 6 ஜிபி, 128 ஜிபி மெமரி மாடல் விலை ரூ.17,999 என்றும் நிர்ணயம் செய்யப்பட்டுள்ளது.

ஐகூ 15R ஸ்மார்ட்போன் பிப்ரவரி 24 அன்று இந்தியாவில் அறிமுகப்படுத்தப்பட உள்ளது. இந்த ஸ்மார்ட்போன் ஒரு உயர்-செயல்திறன் சாதனமாக நிலைநிறுத்தப்பட்டுள்ளது, குறிப்பாக கேமிங் மற்றும் அதிக செயல்திறன் தேவைப்படும் பணிகளைக் கையாள்வதில் இது அதிக கவனம் செலுத்துகிறது. ஒட்டுமொத்த செயல்திறனை அதிகரிக்க இதில் பல பிரத்யேக சிப்கள் இணைக்கப்பட்டுள்ளன. வெளியீட்டிற்கு முன்னதாக, ஐகூநிறுவனம் உறுதிப்படுத்தப்பட்ட அம்சங்களை பகிர்ந்து வருகிறது. அதன் சமீபத்திய அறிவிப்பில், நிறுவனம் இந்த தொலைபேசியின் பெரிய பேட்டரி திறனை முன்னிலைப்படுத்தியுள்ளது.

ஐகூ 15R ஸ்மார்ட்போனில் 7,600mAh பேட்டரி இடம்பெறும் என்பது உறுதி செய்யப்பட்டுள்ளது. நிறுவனம் X தளத்தில் வெளியிட்ட பதிவின்படி, ஐகூ15R ஆனது 7.9 மிமீ தடிமன் கொண்ட இந்தியாவின் மிக மெல்லிய 7,600mAh பேட்டரி கொண்ட ஸ்மார்ட்போனாக திகழ்கிறது. இந்த கூற்று ஜனவரி 22 தேதியிட்ட ஒரு அறிக்கையில் டெக் ஆர்க் நிறுவனத்தால் உறுதிப்படுத்தப்பட்டுள்ளது. இது பிப்ரவரி 24 வரை 7,600mAh திறன் கொண்ட பேட்டரியுடன் அறிமுகப்படுத்தப்படும் சாதனங்களில் மிக மெல்லிய சாதனமாக இதை நிலைநிறுத்துகிறது.

புதிய ஐகூ15R ஸ்மார்ட்போன் குவால்காம் நிறுவனத்தின் ஸ்னாப்டிராகன் 8 ஜென் 5 சிப்செட்டில் இயங்குகிறது. இது கேமிங் செயல்திறனை மேம்படுத்தும் Q2 சூப்பர்-கம்ப்யூட்டிங் சிப் மற்றும் பிரத்யேக நெட்வொர்க் மேம்பாட்டு சிப் ஆகியவற்றால் பூர்த்தி செய்யப்படுகிறது.

ஐகூ15R ஆனது 1.5K கேம் சூப்பர் ரெசல்யூஷன் மற்றும் BGMI கேமில் 144fps ரெசல்யூஷனை ஆதரிக்கிறது. இந்த ஸ்மார்ட்போன் ஆண்ட்ராய்டு 16 சார்ந்த ஒரிஜின் ஓஎஸ் 6 உடன் வரும். ஐகூ நிறுவனம் 4 முக்கிய ஆண்ட்ராய்டு ஓஎஸ் அப்டேட்கள் மற்றும் 6 ஆண்டுகள் செக்யூரிட்டி பேட்ச்களை வழங்குவதாக உறுதியளித்துள்ளது.

வடிவமைப்பைப் பொறுத்தவரை, இந்த ஸ்மார்ட்போன் மென்மையான, வட்டமான விளிம்புகளைக் கொண்டுள்ளது. இது டார்க் நைட் வேரியண்ட் டீப் பிளாக் ஃபினிஷிலும், புளூ நிறத்திலும் வரும். பின்புறத்தில் சதுர வடிவ கேமரா மாட்யூல் உள்ளது. இரட்டைப் பின்புற கேமரா அமைப்பில் 200MP பிரைமரி கேமரா சென்சார் மற்றும் 8MP அல்ட்ராவைடு சென்சார், அத்துடன் 32MP முன்பக்க கேமரா ஆகியவை இடம்பெறும் என்று எதிர்பார்க்கப்படுகிறது.

டிஸ்ப்ளே அம்சங்களில் 1.5K ரெசல்யூஷன் மற்றும் 144Hz ரிப்ரெஷ் ரேட் கொண்ட 6.59-இன்ச் AMOLED பேனல் இடம்பெறும் என்று எதிர்பார்க்கப்படுகிறது. இத்துடன் IP68, IP69 வாட்டர் மற்றும் டஸ்ட் ரெசிஸ்டண்ட் வசதியை பெறும் என்று எதிர்பார்க்கப்படுகிறது.

இந்திய சந்தையில் அதிக பேட்டரி திறனுடன் வெளியான ஒட்டுமொத்த மாடல்களையும், பின்னுக்கு தள்ளும்படி 10,001mAh பேட்டரியுடன் ரியல்மி P4 பவர் ஸ்மார்ட்போனினை வெளியிட்டுள்ளது. இதில் 80 வாட்ஸ் பாஸ்ட் சார்ஜிங் வசதி வழங்கப்பட்டுள்ளது.

புதிய ரியல்மி P4 பவர் ஸ்மார்ட்போனில் 6.8 இன்ச், 1280x2800 பிக்சல் 1.5K AMOLED டிஸ்பிளே, 144 ஹெர்ட்ஸ் ரெப்ரெஷ் ரேட், அதிகபட்சமாக 12 ஜிபி ரேம், 256 ஜிபி மெமரி கொண்டுள்ளது. இந்த ஸ்மார்ட்போனில் மீடியாடெக் டிமென்சிட்டி 7400 அல்ட்ரா சிப்செட், IP68 மற்றும் IP69 ரேட்டிங் கொண்டிருப்பதால் தண்ணீரில் செயல் இழக்காத அம்சமும் இதிலுள்ளது.

இந்த ஸ்மார்ட்போனின் மிகப்பெரிய பலம், அதன் பேட்டரிதான். 10,001mAh பேட்டரி, 80 வாட்ஸ் பாஸ்ட் சார்ஜிங் வசதி உள்ளது. புகைப்படங்களை எடுக்க ரியல்மி P4 பவர் ஸ்மார்ட்போனில் 50MP பிரைமரி கேமரா, 8MPஅல்ட்ரா வைடு லென்ஸ், 16MP செல்ஃபி கேமரா வழங்கப்பட்டுள்ளது. இந்த ஸ்மார்ட்போன் ஆண்ட்ராய்டு 16 சார்ந்த ரியல்மி யுஐ 7.0 ஓஎஸ் கொண்டு இயங்குகிறது.

ரியல்மி P4 பவர் ஸ்மார்ட்போன் டிரான்ஸ் சில்வர், டிரான்ஸ் ஆரஞ்சு மற்றும் டிரான்ஸ் புளூ ஆகிய நிறங்களில் கிடைக்கிறது. இந்த ஸ்மார்ட்போனின் 8 ஜிபி ரேம், 128 ஜிபி மெமரி மாடல் விலை ரூ. 23,999 என்றும் 8 ஜிபி ரேம், 256 ஜிபி மெமரி மாடல் ரூ. 25,999 என்றும் 12 ஜிபி ரேம், 256 ஜிபி மெமரி மாடல் விலை ரூ. 28,999 என்றும் நிர்ணயம் செய்யப்பட்டுள்ளது.

கடந்த ஆண்டு வெளியான A5 5ஜி-யின் அடுத்த மாடலாக, ஒப்போ A6 5ஜி ஸ்மார்ட்போன் இந்தியாவில் அறிமுகமாகி இருக்கிறது. இதில் 6.75-இன்ச் HD+ 120Hz LCD ஸ்கிரீன், IP66, IP68 மற்றும் IP69 மதிப்பீடுகளை கொண்டிருக்கிறது. இந்த ஸ்மார்ட்போன் மீடியாடெக் டிமென்சிட்டி 6300 பிராசஸர் மூலம் இயக்கப்படுகிறது. இது 8 ஜிபி ரேம், 3900 மிமீ² லிக்விட் சேம்பர் உடன் வருகிறது. இது கேமிங்கின் போதும் ஸ்மார்ட்போன் அதிக சூடாவதை ஓரளவுக்கு குறைக்கும் என்று நிறுவனம் கூறுகிறது.

ஒப்போ A6 5ஜி ஸ்மார்ட்போன் 50MP பிரைமரி கேமரா, 2MP மோனோக்ரோம் கேமரா மற்றும் 8MP செல்ஃபி கேமராவை கொண்டுள்ளது. இந்த ஸ்மார்ட்போன் 45W SUPERVOOC ஃபிளாஷ் சார்ஜுடன் 7000mAh பேட்டரியைக் கொண்டுள்ளது. இந்த பேட்டரி 5 ஆண்டுகள் நீடித்து உழைக்கும் தன்மையை உறுதி செய்கிறது.

ஒப்போ A6 5ஜி அம்சங்கள்

6.75-இன்ச் 1570×720 பிக்சல் HD+ ஸ்கிரீன், 120Hz ரிப்ரெஷ் ரேட்

ஆக்டா கோர் மீடியாடெக் டிமென்சிட்டி 6300 6nm பிராசஸர்

மாலி-G57 MC2 GPU

4GB / 6GB GB LPDDR4x ரேம், 128GB / 256GB (UFS 2.2) மெமரி

டூயல் சிம்

ஆண்ட்ராய்டு 15 சார்ந்த கலர்ஓஎஸ் 15

50MP பிரைமரி கேமரா

2MP மோனோக்ரோம் கேமரா, LED ஃபிளாஷ்

8MP செல்ஃபி கேமரா

பக்கவாட்டில் பொருத்தப்பட்ட கைரேகை சென்சார்

டஸ்ட் மற்றும் வாட்டர் ரெசிஸ்டண்ட் (IP66+IP68+IP69)

5G SA / NSA (n1/n3/n5/n8/n28B/n38/n40/n41/n48/n77/n78 பேண்ட்கள்), டூயல் 4G VoLTE

வைபை 802.11 ac, ப்ளூடூத் 5.4, GPS, GLONASS, கலிலியோ, QZSS, யுஎஸ்பி டைப்-சி

7000mAh பேட்டரி

45W SUPERVOOC ஃபாஸ்ட் சார்ஜிங்

விலை விவரங்கள்

ஒப்போ A6 ப்ரோ 5ஜி ஸ்மார்ட்போன் சகுரா பிங்க், ஐஸ் வைட் மற்றும் சஃபையர் புளூ வண்ணங்களில் கிடைக்கிறது. இதன் 4GB + 128GB மாடலின் விலை ரூ.17,999, 6GB + 128GB மாடலின் விலை ரூ. 19,999, மற்றும் 6GB + 256GB மாடலின் விலை ரூ.21,999. இந்த போன் ஒப்போ ஆன்லைன் ஸ்டோர் மற்றும் சில்லறை விற்பனை நிலையங்களில் கிடைக்கிறது.

ரியல்மி நிறுவனம் வருகிற 29ஆம் தேதி இந்திய சந்தையில் ரியல்மி P4 பவர் மொபைல் போனை வெளியிட உள்ளது. இந்த மொபைல்போன் 10,001mAh என்ற மெகா பேட்டரி திறன்கொண்டது. இந்தியாவில் அறிமுகம் செய்யப்பட்ட மொபைல் போன்களில் இது தான் அதிக பேட்டரி திறன்கொண்டது என்பது குறிப்பிடத்தக்கது.

இந்த மொபைல்போனை ஒருமுறை சார்ஜ் செய்தால் ஒரு வாரம் வரை பேட்டரி நீடிக்கும். குறிப்பாக 32 மணிநேரம் வரை தொடர்ந்து வீடியோ பார்க்கலாம் என்று Realme கூறியுள்ளது.

-30°C முதல் 56°C வரையிலான வெப்பநிலையில் கூட இந்த மொபைல்போன் செயல்படும். இந்த மொபைல்போன் 27W ரிவர்ஸ் சார்ஜிங்கையும் கொண்டுள்ளது. இது தேவைப்படும்போது மற்ற ஸ்மார்ட்போன்கள் மற்றும் கருவிகளுக்கு சார்ஜ் அளிக்க உதவும் .இதன் மொபைல்போனின் விலை ரூ.25,000 - ரூ.30,000க்குள் இருக்கும் என எதிர்பார்க்கப்படுகிறது.

நுகர்வோர் மின்னணு கண்காட்சி (CES) 2026 இல் மோட்டோரோலா ரேசர் மடிக்கக்கூடிய ஸ்மார்ட்போன் அறிவிக்கப்பட்டது. இது மோட்டோ நிறுவனத்தின் ஸ்மார்ட்போன் பிரிவில் ஒரு புதிய வடிவத்தை அறிமுகப்படுத்துகிறது, இது இரண்டாவது மடிக்கக்கூடிய மாடலாக ரேசர் ஃபிளிப் மாடலுடன் இணைகிறது.

மோட்டோரோலா ரேசர் ஃபோல்டு மாடலில் 8.1 இன்ச் உள்புற ஸ்கிரீன் மற்றும் 6.6 இன்ச் கவர் டிஸ்ப்ளே கொண்டுள்ளது. இது மோட்டோ பென் அல்ட்ரா ஸ்டைலஸ் சப்போர்ட் கொண்டிருக்கிறது. இத்துடன் AI அம்சங்களும் உள்ளன.

மோட்டோரோலா ரேசர் ஃபோல்டு அம்சங்கள்:

மோட்டோரோலா ரேசர் ஃபோல்டு ஸ்மார்ட்போன் பான்டோன் பிளாக்னெட் புளூ மற்றும் பான்டோன் லில்லி ஒயிட் வண்ணங்களில் கிடைக்கும். வடிவமைப்பைப் பொறுத்தவரை, இது வளைந்த விளிம்புகள், ஹிஞ்ச் (கீல்) மற்றும் மோட்டோரோலாவின் தற்போதைய ஸ்மார்ட்போன் வடிவமைப்புகளை நெருக்கமாக ஒத்த பின்புற கேமரா பம்ப் கொண்டுள்ளது.

நிறுவனத்தின் கூற்றுப்படி, மோட்டோரோலா ரேசர் ஃபோல்டு ஸ்மார்ட்போனில் 8.1 இன்ச் LTPO உள்புற டிஸ்ப்ளே, 6.6 இன்ச் வெளிப்புற ஸ்கிரீனுடன் வருகிறது. புகைப்படங்களை எடுக்க 50MP சோனி பிரைமரி கேமரா, 3x ஆப்டிகல் ஜூம் கொண்ட 50MP பெரிஸ்கோப் டெலிபோட்டோ லென்ஸ் மற்றும் 50MP அல்ட்ரா வைடு லென்ஸ் கொண்டுள்ளது.

கவர் ஸ்கிரீனில் 32MP செல்ஃபி கேமரா, மெயின் ஸ்கிரீனில் 20MP லென்ஸ் வழங்கப்பட்டுள்ளது. புதிய ரேசர் ஃபோல்டு மாடலில் AI சார்ந்த அம்சங்களும் உள்ளது. மோட்டோரோலா, ரேசர் ஃபோல்டு ஸ்டைலஸ் உள்ளீட்டிற்காக மோட்டோ பென் அல்ட்ரா சப்போர்ட் கொண்டிருக்கிறது.

மோட்டோரோலா ரேசர் ஃபோல்டு மாடலின் பேட்டரி, சிப்செட் மற்றும் பரிமாணங்கள் உள்ளிட்ட பிற விவரங்களை வெளியிடவில்லை. அதன் விலை மற்றும் விற்பனை விவரங்களும் ரகசியமாகவே உள்ளது.

ஹானர் நிறுவனம் ஏற்கனவே அறிவித்தபடி, சீன சந்தையில் ஹானர் பவர் 2 ஸ்மார்ட்போனை அறிமுகம் செய்தது. இந்த ஸ்மார்ட்போன் 6.79 இன்ச் 1.5K 120Hz AMOLED டிஸ்ப்ளே கொண்டுள்ளது. இத்துடன் புதிய மீடியாடெக் டிமென்சிட்டி 8500 எலைட் சிப்செட் கொண்டிருக்கிறது. இந்த பிராசஸருடன் வெளியாகி இருக்கும் முதல் ஸ்மார்ட்போன் இது ஆகும்.

இந்த ஸ்மார்ட்போனின் முக்கிய சிறப்பம்சம், ஆறு வருட வாரண்டி கொண்ட மிகப்பெரிய, 10,080mAh நான்காம் தலைமுறை சிலிகான்-கார்பன் பேட்டரி ஆகும். மேலும் ஹானர் நிறுவனத்தின் சொந்த ஹானர் வின் சீரிஸ் மாடல்களை தொடர்ந்து 10,000mAh பேட்டரி பிரிவில் நுழையும் இரண்டாவது ஸ்மார்ட்போன் பேட்டரி இதுவாகும்.

மிகப்பெரிய பேட்டரியுடன் கூட, இதன் எடை வெறும் 216 கிராம் மற்றும் அளவு 8 மில்லிமீட்டருக்கும் குறைவாக உள்ளது. இந்த ஸ்மார்ட்போன் 80W ஃபாஸ்ட் சார்ஜிங் வசதியை கொண்டுள்ளது. மேலும் 27W ரிவர்ஸ் சார்ஜிங் கொண்டிருக்கிறது.

ஹானர் பவர் 2 ஸ்மார்ட்போன் தனித்துவமான பவர் சிக்னல் ஐலேண்ட் வடிவமைப்பு, சுயமாக உருவாக்கப்பட்ட RF மேம்பாட்டு சிப் C1+ மற்றும் புதுமையான இணையான இரட்டை-ரெயில் ஆண்டெனா வடிவமைப்பு ஆகியவற்றைக் கொண்டுள்ளது.

ஹானர் பவர் 2 அம்சங்கள்:

6.79-இன்ச் (2640×1200 பிக்சல்கள்) 1.5K AMOLED 120Hz டிஸ்ப்ளே

ஆக்டா கோர் மீடியாடெக் டிமென்சிட்டி 8500 எலைட் 4nm பிராசஸர்

மாலி-G720 MCU GPU

12GB LPDDR5X ரேம்

256GB / 512GB UFS 4.1 மெமரி

ஆண்ட்ராய்டு 16 சார்ந்த மேஜிக் ஓஎஸ் 10.0

டூயல் சிம் ஸலாட்

50MP கேமரா, OIS

5MP அல்ட்ரா-வைடு கேமரா

16MP செல்ஃபி கேமரா

இன்-டிஸ்ப்ளே கைரேகை சென்சார்

இன்ஃப்ராரெட் சென்சார்

யுஎஸ்பி டைப்-சி ஆடியோ, ஸ்டீரியோ ஸ்பீக்கர்கள்

வாட்டர் மற்றும் டஸ்ட் ரெசிஸ்டண்ட் (IP69K + IP69 + IP68 + IP66)

5G SA/NSA, டூயல் 4ஜி வோல்ட்இ, வைபை 6 802.11ax (2.4GHz/5GHz), ப்ளூடூத் 6.0

10,080mAh பேட்டரி

80W சூப்பர்சார்ஜ், 27W ரிவர்ஸ் வயர்டு சார்ஜிங்

ஹானர் பவர்2 ஸ்மார்ட்போன் சன்ரைஸ் ஆரஞ்சு, ஸ்னோ ஒயிட் மற்றும் ஃபேண்டம் பிளாக் வண்ணங்களில் கிடைக்கிறது. சீன சந்தையில் வருகிற 9ஆம் தேதி முதல் விற்பனைக்கு வரும் ஹானர் பவர்2 ஸ்மார்ட்போனின் 12ஜிபி ரேம், 256ஜிபி மெமரி மாடல் விலை இந்திய மதிப்பில் தோராயமாக ரூ.34,840 என்றும் 12ஜிபி ரேம், 512ஜிபி மெமரி மாடல் ரூ. 38,710-க்கும் கிடைக்கும்.

ரியல்மி நிறுவனம் வருகிற 6ஆம் தேதி இந்திய சந்தையில் ரியல்மி 16 ப்ரோ சீரிசை வெளியிட உள்ளது. அறிமுகம் செய்வதற்கு முன்னதாக, புதிய போன்களின் விலை குறித்த சில தகவல்கள் கசிந்துள்ளன. புதிய சீரிசில் இரண்டு மாடல்கள் இருக்கும், அதாவது ரியல்மி 16 ப்ரோ 5ஜி, ரியல்மி 16 ப்ரோ பிளஸ் 5ஜி. இவை ப்ளிப்கார்ட் மற்றும் ரியல்மி இந்தியா வலைதளத்தில் விற்பனைக்கு கிடைக்கும்.

விலையை பொருத்தவரை ரியல்மி 16 ப்ரோ 5ஜி 8 ஜிபி ரேம், 128 ஜிபி மெமரி மாடல் ரூ.31,999 என தொடங்கும். இதன் 8 ஜிபி ரேம், 256 ஜிபி மெமரி மாடல் ரூ.33,999 என்றும் 12 ஜிபி ரேம், 256 ஜிபி மெமரி மாடலின் விலை ரூ.36,999 என்றும் நிர்ணயிக்கப்படுகிறது.

ரியல்மி 16 ப்ரோ பிளஸ் 5ஜி 8 ஜிபி ரேம், 128 ஜிபி மெமரி மாடல் ரூ.39,999 ஆகும். டிப்ஸ்டர் வெளியிட்டுள்ள தகவல்களின் 8 ஜிபி ரேம், 256 ஜிபி மெமரி மாடலின் விலை ரூ.41,999 ஆகும். டாப் எண்ட் 12 ஜிபி ரேம், 256 ஜிபி மெமரி மாடலின் விலை ரூ.44,999 ஆகும்.

ஏற்கனவே விற்பனையில் உள்ள ரியல்மி 15 ப்ரோ 5ஜி 8 ஜிபி ரேம், 128 ஜிபி மெமரி மாடல் ரூ.31,999 இல் தொடங்கி, அதிகபட்சமாக 12 ஜிபி ரேம், 512 ஜிபி மெமரி மாடல் ரூ.38,999 வரை விற்பனை செய்யப்படுகிறது. இந்த சீரிசில் ப்ரோ பிளஸ் மாடல் எதுவும் இல்லை. அதற்கு முன்பாக கடந்த ஜனவரி 2025 இல் வெளியான ரியல்மி 14 ப்ரோ பிளஸ் விலை ரூ.29,999 இல் தொடங்கியது.

காலப்போக்கில், ப்ரோ சீரிசின் தொடக்க விலை மாறாமல் உள்ளது, இருப்பினும் டாப் வேரியண்ட்களின் விலை அதிகரித்துள்ளது. இடையில் தற்போது மீண்டும், ப்ரோ பிளஸ் வேரியண்ட் வந்தவுடன், டாப் மாடல் விலை தற்போது ரூ.45,000-ஐ நெருங்குகிறது.

அம்சங்களை பொருத்தவரை ரியல்மி 16 ப்ரோ சீரிஸ் மாடல்களில் 7,000mAh பேட்டரி மற்றும் 200MP பிரைமரி கேமரா பொருத்தப்பட்டிருக்கும். ரியல்மி 16 ப்ரோ பிளஸ் 5ஜி மாடலில் ஸ்னாப்டிராகன் 7 ஜென் 4 பிராசஸர் கொண்டிருக்கும். ரியல்மி 16 ப்ரோ 5ஜி மீடியாடெக் டைமன்சிட்டி 7300 மேக்ஸ் சிப்செட் கொண்டிருக்கிறது.

இந்த விலைகளில், ரியல்மி 16 ப்ரோ சீரிஸ் ஒன்பிளஸ் நார்டு 5 , iQOO நியோ 10 மற்றும் ஓப்போ F31 ப்ரோ பிளஸ் போன்ற ஸ்மார்ட்போன்களுடன் போட்டியிடும்.