search icon
என் மலர்tooltip icon

    நீங்கள் தேடியது "Motorola"

    • ப்ளிப்கார்ட் வலைதளத்தில் மைக்ரோசைட் உருவாக்கப்பட்டுள்ளது.
    • உலகின் சில நாடுகளில் ஏற்கனவே அறிமுகம் செய்யப்பட்டுள்ளது.

    மோட்டோரோலா நிறுவனத்தின் முற்றிலும் புதிய மோட்டோ G04 ஸ்மார்ட்போன் பிப்ரவரி 15-ம் தேதி இந்திய சந்தையில் அறிமுகம் செய்யப்படுகிறது. மேலும், இந்த ஸ்மார்ட்போன் ப்ளிப்கார்ட் வலைதளத்தில் விற்பனை செய்யப்பட இருப்பதும் உறுதியாகி இருக்கிறது. இதற்காக ப்ளிப்கார்ட் வலைதளத்தில் மைக்ரோசைட் ஒன்று உருவாக்கப்பட்டுள்ளது.

    ப்ளிப்கார்ட் வலைதளத்தில் புதிய ஸ்மார்ட்போனின் விவரங்களும் இடம்பெற்றுள்ளன. அதன்படி புதிய மோட்டோ G04 ஸ்மார்ட்போன் இந்திய சந்தையில் 4 ஜி.பி. ரேம், 64 ஜி.பி. மெமரி, 8 ஜி.பி. ரேம், 128 ஜி.பி. மெமரி என இரண்டு வெர்ஷன்களில் அறிமுகம் செய்யப்பட இருக்கிறது. முன்னதாக மோட்டோ G04 ஸ்மார்ட்போன் உலகின் சில நாடுகளில் ஏற்கனவே அறிமுகம் செய்யப்பட்டுள்ளது.

     


    புதிய மோட்டோ G04 மாடலில் 6.6 இன்ச் 90Hz டிஸ்ப்ளே, யுனிசாக் T606 ஆக்டா கோர் பிராசஸர், 16MP ஏ.ஐ. கமரா, போர்டிரெயிட் மோட், 4 ஜி.பி. ரேம், 64 ஜி.பி. மெமரி மற்றும் 8 ஜி.பி. ரேம், 128 ஜி.பி. மெமரி என இரண்டு வெர்ஷன்களில் விற்பனை செய்யப்பட இருக்கிறது.

    இந்த ஸ்மார்ட்போன் 5000 எம்.ஏ.ஹெச். பேட்டரி கொண்டிருக்கும் என்றும் 10 வாட் சார்ஜிங் வசதி வழங்கப்படும் என்றும் கூறப்படுகிறது. ஆண்ட்ராய்டு 14 ஒ.எஸ். கொண்டிருக்கும் மோட்டோ G04 மாடலில் 3.5mm ஆடியோ ஜாக், டால்பி அட்மோஸ் மற்றும் பல்வேறு அம்சங்கள் வழங்கப்படுகின்றன.

    • 16MP செல்ஃபி கேமரா வழங்கப்படுகிறது.
    • 6000 எம்.ஏ.ஹெச். பேட்டரி மூலம் சக்தியூட்டப்படுகிறது.

    மோட்டோரோலா நிறுவனத்தின் புதிய மோட்டோ G24 பவர் ஸ்மார்ட்போன் இந்திய சந்தையில் அறிமுகம் செய்யப்பட்டது. இதில் 6.65 இன்ச் HD+LCD ஸ்கிரீன், 90Hz ரிப்ரெஷ் ரேட், மீடியாடெக் ஹீலியோ G85 பிராசஸர், அதிகபட்சம் 8 ஜி.பி. ரேம், 8 ஜி.பி. வரை விர்ச்சுவல் ரேம் வழங்கப்பட்டு இருக்கிறது. இதன் பன்ச் ஹோலில் 16MP செல்ஃபி கேமரா வழங்கப்படுகிறது.

    ஆண்ட்ராய்டு 14 ஒ.எஸ். கொண்டிருக்கும் மோட்டோ G24 பவர், மூன்று ஆண்டுகளுக்கு செக்யூரிட்டி அப்டேட்களை பெறும் என அறிவிக்கப்பட்டு இருக்கிறது. புகைப்படங்களை எடுக்க 50MP பிரைமரி கேமரா, 2MP மேக்ரோ கேமரா உள்ளது. இதன் பக்கவாட்டில் கைரேகை சென்சார் வழங்கப்பட்டு இருக்கிறது. இத்துடன் 6000 எம்.ஏ.ஹெச். பேட்டரி மற்றும் 30 வாட் ஃபாஸ்ட் சார்ஜிங் வசதி கொண்டிருக்கிறது.

     


    மோட்டோ G24 பவர் அம்சங்கள்:

    6.56 இன்ச் 1612x720 பிக்சல் HD+ IPS டிஸ்ப்ளே, 90Hz ரிப்ரெஷ் ரேட்

    ஆக்டா கோர் மீடியாடெக் ஹீலியோ G85 பிராசஸர்

    ARM- மாலி G52 2EEMC2 GPU

    4 ஜி.பி. / 8 ஜி.பி. ரேம்

    128 ஜி.பி. மெமரி

    மெமரியை கூடுதலாக நீட்டிக்கும் வசதி

    ஆண்ட்ராய்டு 14 சார்ந்த மை யு.எக்ஸ்.

    டூயல் சிம் ஸ்லாட்

    50MP பிரைமரி கேமரா

    2MP மேக்ரோ கேமரா

    16MP செல்ஃபி கேமரா

    3.5mm ஆடியோ ஜாக், ஸ்டீரியோ ஸ்பீக்கர்கள், டால்பி அட்மோஸ்

    எஃப்.எம். ரேடியோ

    பக்கவாட்டில் கைரேகை சென்சார்

    வாட்டர் ரெசிஸ்டன்ட் டிசைன்

    டூயல் 4ஜி எல்.டி.இ., வைபை, ப்ளூடூத் 5.0

    யு.எஸ்.பி. டைப் சி

    6000 எம்.ஏ.ஹெச். பேட்டரி

    30 வாட் டர்போ சார்ஜிங்

    புதிய மோட்டோ G24 பவர் ஸ்மார்ட்போன் கிளேசியர் புளூ மற்றும் இன்க் புளூ என இரண்டு நிறங்களில் கிடைக்கிறது. இதன் 4 ஜி.பி. ரேம் விலை ரூ. 8 ஆயிரத்து 999 என்றும், 8 ஜி.பி. ரேம் விலை ரூ. 9 ஆயிரத்து 999 என்றும் நிர்ணயம் செய்யப்பட்டு உள்ளது.

    இத்துடன் எக்சேன்ஜ் சலுகையின் கீழ் ரூ. 750 கூடுதல் தள்ளுபடி வழங்கப்படுகிறது. மோட்டோ G24 பவர் ஸ்மார்ட்போன் ப்ளிப்கார்ட், மோட்டோரோலா வலைதளங்கள் மற்றும் ரிடெயில் ஸ்டோர்களில் பிப்ரவரி 7-ம் தேதி விற்பனைக்கு கிடைக்கும் என தெரிவிக்கப்பட்டு இருக்கிறது.

    • புதிய மோட்டோ ஸ்மார்ட்போன் 6000 எம்.ஏ.ஹெச். பேட்டரி கொண்டிருக்கிறது.
    • இதன் பக்கவாட்டில் கைரேகை சென்சார் வழங்கப்படுகிறது.

    மோட்டோரோலா நிறுவனத்தின் மோட்டோ G24 பவர் ஸ்மார்ட்போன் ஜனவரி 30-ம் தேதி இந்திய சந்தையில் அறிமுகம் செய்யப்பட இருக்கிறது. இது மோட்டோ நிறுவனத்தின் பட்ஜெட் ரக ஸ்மார்ட்போன் ஆகும்.

    புதிய மோட்டோ G24 பவர் மாடலில் 6000 எம்.ஏ.ஹெச். பேட்டரி, 30 வாட் ஃபாஸ்ட் சார்ஜிங் வசதி வழங்கப்படுகிறது. சமீபத்தில் மோட்டோ G24 ஸ்மார்ட்போன் அறிமுகம் செய்யப்பட்ட நிலையில், அந்த மாடல் 5000 எம்.ஏ.ஹெச். பேட்டரி மற்றும் 15 வாட் சார்ஜிங் வசதி கொண்டிருந்தது. மோட்டோ G24 பவர் மாடலில் 16MP செல்ஃபி கேமரா வழங்கப்படுகிறது.

     


    இவை தவிர மற்ற அம்சங்கள் பெரும்பாலும் G24 மாடலில் உள்ளதை போன்றே வழங்கப்படும் என தெரிகிறது. அந்த வகையில், மோட்டோ G24 பவர் மாடலில் 6.56 இன்ச் 90Hz HD+ ஸ்கிரீன், ஹீலியோ G85 பிராசஸர், அதிகபட்சம் 8 ஜி.பி. ரேம், 128 ஜி.பி. மெமரி, 50MP பிரைமரி கேமரா, 2MP மேக்ரோ கேமரா, ஸ்டீரியோ ஸ்பீக்கர்கள், டால்பி அட்மோஸ், பக்கவாட்டில் கைரேகை சென்சார் வழங்கப்படுகிறது.

    இந்த ஸ்மார்ட்போன் ஆண்ட்ராய்டு 14 ஒ.எஸ்., IP52 தர வாட்டர் ரெசிஸ்டன்ட் வசதி கொண்டிருக்கும் என தெரிகிறது. புதிய மோட்டோ G24 பவர் கிளேசியர் புளூ மற்றும் இன்க் புளூ என இரண்டு நிறங்களில் கிடைக்கும் என தெரியவந்துள்ளது. இதன் விலை ரூ. 10 ஆயிரத்திற்கும் குறைவாகவே நிர்ணயம் செய்யப்படும் என தெரிகிறது.

    புதிய மோட்டோ G24 பவர் ஸ்மார்ட்போன் ப்ளிப்கார்ட், மோட்டோரோலா வலைதளங்கள் மற்றும் ரீடெயில் ஸ்டோர்களில் விற்பனை செய்யப்பட இருக்கிறது. இதன் விலை மற்றும் இதர விவரங்கள் அடுத்த வாரம் முழுமையாக தெரியவரும்.



    • மோட்டோ G34 5ஜி மாடலில் ஸ்னாப்டிராகன் பிராசஸர் உள்ளது.
    • இந்த ஸ்மார்ட்போன் 5000 எம்.ஏ.ஹெச். பேட்டரி கொண்டிருக்கிறது.

    மோட்டோரோலா நிறுவனத்தின் முற்றிலும் புதிய G சீரிஸ் ஸ்மார்ட்போன் இந்திய சந்தையில் அறிமுகம் செய்யப்பட்டு உள்ளது. இந்த ஸ்மார்ட்போன் அந்நிறுவனம் ஏற்கனவே விற்பனை செய்து வரும் மோட்டோ G32 மாடலின் மேம்பட்ட வெர்ஷன் ஆகும். இந்த ஸ்மார்ட்போனில் பன்ச் ஹோல் கட்-அவுட், இரட்டை கேமரா சென்சார்கள், பக்கவாட்டில் கைரேகை சென்சார் உள்ளது.

    அம்சங்களை பொருத்தவரை மோட்டோ G34 5ஜி மாடலில் 6.5 இன்ச் IPS LCD HD+ டிஸ்ப்ளே, 120 ஹெர்ட்ஸ் ரிப்ரெஷ் ரேட், குவால்காம் ஸ்னாப்டிராகன் 695 பிராசஸர், அட்ரினோ GPU, அதிகபட்சம் 8 ஜி.பி. ரேம், 128 ஜி.பி. மெமரி வழங்கப்பட்டு இருக்கிறது. இத்துடன் மெமரியை கூடுதலாக நீட்டிக்கும் வசதி வழங்கப்பட்டுள்ளது.

     


    ஆண்ட்ராய்டு 14 சார்ந்த மை யு.எக்ஸ். கொண்டிருக்கும் மோட்டோ G34 5ஜி மாடலில் 50MP பிரைமரி கேமரா, PDAF, 2MP மேக்ரோ லென்ஸ், 16MP செல்ஃபி கேமரா வழங்கப்பட்டு இருக்கிறது. இத்துடன் IP52 தர வாட்டர் ரெசிஸ்டன்ட் வசதி, 3.5mm ஆடியோ ஜாக், 5000 எம்.ஏ.ஹெச். பேட்டரி, 18 வாட் ஃபாஸ்ட் சார்ஜிங் வசதி வழங்கப்படுகிறது.

    விலையை பொருத்தவரை மோட்டோ G34 5ஜி மாடலின் பேஸ் வேரியண்ட் ரூ. 10 ஆயிரத்து 999 என்றும் டாப் என்ட் 8 ஜி.பி. ரேம், 128 ஜி.பி. மெமரி மாடல் விலை ரூ. 11 ஆயிரத்து 999 என்றும் நிர்ணயம் செய்யப்பட்டு உள்ளது. இத்துடன் எக்சேன்ஜ் சலுகையாக ரூ. 1000 உடனடி தள்ளுபடி வழங்கப்படுகிறது. இந்த ஸ்மார்ட்போன் சார்கோல் பிளாக் மற்றும் ஐஸ் புளூ என இரண்டு நிறங்களில் கிடைக்கிறது.

    இந்திய சந்தையில் மோட்டோ G34 5ஜி மாடலின் விற்பனை ஜனவரி 17-ம் தேதி துவங்குகிறது. விற்பனை ப்ளிப்கார்ட், மோட்டோரோலா வலைதளங்கள் மற்றும் ரிடெயில் ஸ்டோர்களில் நடைபெற இருக்கிறது. 

    • மோட்டோ ஸ்மார்ட்போன்களுக்கு குறுகிய கால சலுகை அறிவிப்பு.
    • வட்டியில்லா மாத தவணை முறை வசதியும் வழங்கப்படுகிறது.

    மோட்டோரோலா ரேசர் 40 அல்ட்ரா மற்றும் ரேசர் 40 மாடல்களுக்கு திடீர் விலை குறைப்பு அறிவிக்கப்பட்டு இருக்கிறது. அந்த வகையில், இரு மாடல்களின் விலையும் ரூ. 10 ஆயிரம் வரை குறைந்துள்ளது. மோட்டோரோலா ரேசர் 40 அல்ட்ரா மாடலில் ஸ்னாப்டிராகன் 8 பிளஸ் ஜென் 1 பிராசஸர் வழங்கப்படுகிறது. மோட்டோரோலா ரேசர் 40 மாடலில் ஸ்னாப்டிராகன் 7 ஜென் 1 பிராசஸர் வழங்கப்படுகிறது.

    புதிய விலை விவரங்கள்:

    விலை குறைப்பின் படி மோட்டோரோலா ரேசர் 40 அல்ட்ரா 8 ஜி.பி. ரேம், 256 ஜி.பி. மாடலின் தற்போது ரூ. 79 ஆயிரத்து 999 விலையில் விற்பனை செய்யப்படுகிறது. முன்னதாக இதன் விலை ரூ. 89 ஆயிரத்து 999 என்று நிர்ணயம் செய்யப்பட்டு இருந்தது. மோட்டோரோலா ரேசர் 40 (8 ஜி.பி. ரேம், 256 ஜி.பி.) மாடலின் விலை ரூ. 49 ஆயிரத்து 999 என்று மாறி இருக்கிறது.

     


    மோட்டோரோலா ரேசர் 40 அல்ட்ரா மாடல் இன்ஃபனைட் பிளாக் மற்றும் விவா மஜென்டா நிறங்களிலும், ரேசர் 40 மாடல் சேஜ் கிரீன், சம்மர் லிலக் மற்றும் வென்னிலா கிரீம் நிறங்களிலும் கிடைக்கிறது. குறுகிய கால சலுகையாக இந்த விலை குறைப்பு அறிவிக்கப்பட்டு இருக்கிறது. இந்த சலுகைகள் டிசம்பர் 24-ம் தேதி வரை வழங்கப்படும்.

    இத்துடன் மோட்டோ ரேசர் 40 அல்ட்ரா மாடலை வாங்கும் போது ரூ. 7 ஆயிரம் உடனடி தள்ளுபடியும், ரேசர் 40 மாடலை வங்கும் போது ரூ. 5 ஆயிரம் வரை தள்ளுபடியும் வழங்கப்படுகிறது. இவைதவிர வட்டியில்லா மாத தவணை முறை சலுகையும் வழங்கப்படுகிறது.

    • லெனோவோ டெக் வொர்ல்டு 2023 நிகழ்வில் மோட்டோரோலா கான்செப்ட் போன் அறிமுகம்.
    • மணிக்கட்டில் வாட்ச் அல்லது ரிஸ்ட்பேண்ட் போன்று அணிந்து கொள்ளலாம்.

    மடிக்கக்கூடிய சாதனங்களின் விற்பனை மெல்ல வளர்ந்து வரும் நிலையில், மோட்டோரோலா இதனை அடுத்தக்கட்டத்திற்கு கொண்டு சென்றுவிட்டது. மோட்டோரோலா அறிமுகம் செய்திருக்கும் புதிய கான்செப்ட் போன் இதற்கு எடுத்துக்காட்டாக இருக்கிறது. சமீபத்தில் நடைபெற்ற லெனோவோ டெக் வொர்ல்டு 2023 நிகழ்வில் மோட்டோரோலாவின் ஃபிளெக்சிபில் pOLED டிஸ்ப்ளே கான்செப்ட் போன் அறிமுகம் செய்யப்பட்டது.

    இந்த ஸ்மார்ட்போனில் FHD + pOLED ஸ்கிரீன் உள்ளது. இதனை பின்புறமாக மடித்து மணிக்கட்டில் வாட்ச் அல்லது ரிஸ்ட்பேண்ட் போன்று அணிந்து கொள்ளலாம். இந்த அதிநவீன அடாப்டிவ் டிஸ்ப்ளே கான்செப்ட் பல்வேறு நிலைகளில் வைத்துக் கொள்ளலாம். அடாப்டிவ் டிஸ்ப்ளேவினை வழக்கமான ஆண்ட்ராய்டு போன் போன்றும் பயன்படுத்தலாம், அல்லது மணிக்கட்டில் அணிந்த படியும் பயன்படுத்தலாம்.

     

    மடிக்கப்படாத நிலையில், இந்த ஸ்மார்ட்போன் 6.9 இன்ச் அளவில் முழுமையான ஆண்ட்ராய்டு அனுபவத்தை வழங்குகிறது. மடிக்கப்பட்ட நிலையில், இது 4.6 இன்ச் அளவில் மாறிவிடும். மடிக்கப்பட்ட நிலையில், இந்த ஸ்மார்ட்போனின் ஸ்கிரீனை மோட்டோரோலா ரேசர் பிளஸ் மாடலின் கவர் ஸ்கிரீன் போன்று பயன்படுத்தலாம்.

    மோட்டோரோலாவின் புதிய வகை கான்செப்ட் போன் எப்போது விற்பனைக்கு வரும் என்பது பற்றி இதுவரை எந்த தகவலும் இல்லை. முன்னதாக இந்த கான்செப்ட் போனிற்கான முன்னோட்டம் சர்வதேச மொபைல் காங்கிரஸ் 2023 நிகழ்வில் காண்பிக்கப்பட்டது.

    மோட்டோரோலா மட்டுமின்றி விவோ, டிரான்சிஷன் ஹோல்டிங்ஸ் மற்றும் டி.சி.எல். போன்ற நிறுவனங்களும் புதிய வகை ரோலபில் டிஸ்ப்ளேவினை உருவாக்கி வருகின்றன. இவை அடுத்த ஆண்டு அறிமுகம் செய்யப்படும் என்று எதிர்பார்க்கலாம்.

    • மோட்டோரோலா நிறுவனத்தின் எட்ஜ் 40 நியோ மாடலில் Curved ஸ்கிரீன் உள்ளது.
    • புதிய மோட்டோ எட்ஜ் ஸ்மார்ட்போன் இருவித மெமரி ஆப்ஷன்களில் கிடைக்கிறது.

    மோட்டோரோலா நிறுவனம் தனது எட்ஜ் 40 நியோ ஸ்மார்ட்போனினை இந்திய சந்தையில் அறிமுகம் செய்தது. இந்த மாடலில் 6.55 இன்ச் 144Hz 10-பிட் pOLED Curved ஸ்கிரீன் வழங்கப்பட்டு இருக்கிறது. இத்துடன் மீடியாடெக் டிமென்சிட்டி 7030 பிராசஸர் கொண்ட உலகின் முதல் ஸ்மார்ட்போன் இது ஆகும்.

    புதிய மோட்டோரோலா எட்ஜ் 40 நியோ ஸ்மார்ட்போன் இருவித மெமரி ஆப்ஷன்களில் அறிமுகம் செய்யப்பட்டு உள்ளது. ஆண்ட்ராய்டு 13 ஒ.எஸ். கொண்டிருக்கும் மோட்டோரோலா எட்ஜ் 40 நியோ இரண்டு ஆண்ட்ராய்டு அப்டேட்கள், மூன்று ஆண்டுகளுக்கு செக்யுரிட்டி அப்டேட்களை பெறும் என்று அறிவிக்கப்பட்டு இருக்கிறது.

     

    மோட்டோரோலா எட்ஜ் 40 நியோ அம்சங்கள்:

    6.55 இன்ச் 2400x1080 பிக்சல் FHD+ pOLED டிஸ்ப்ளே, 144Hz ரிப்ரெஷ் ரேட்

    ஆக்டா கோர் மீடியாடெக் டிமென்சிட்டி 7030 பிராசஸர்

    மாலி G610 MC3 GPU

    8 ஜி.பி. ரேம், 128 ஜி.பி. மெமரி

    12 ஜி.பி. ரேம், 256 ஜி.பி. மெமரி

    மெமரியை கூடுதலாக நீட்டிக்கும் வசதி

    ஆண்ட்ராய்டு 13

    டூயல் சிம் ஸ்லாட்

    50MP பிரைமரி கேமரா, OIS

    13MP அல்ட்ரா வைடு கேமரா, மேக்ரோ மற்றும் டெப்த் ஆப்ஷன்கள்

    32MP செல்ஃபி கேமரா

    யு.எஸ்.பி. டைப் சி ஆடியோ, ஸ்டீரியோ ஸ்பீக்கர்கள், டால்பி அட்மோஸ்

    டஸ்ட் மற்றும் வாட்டர் ரெசிஸ்டண்ட்

    5ஜி, டூயல் 4ஜி வோல்ட்இ, வைபை, ப்ளூடூத் 5.2

    யு.எஸ்.பி. டைப் சி போர்ட்

    5000 எம்.ஏ.ஹெச். பேட்டரி

    68 வாட் டர்போபவர் ஃபாஸ்ட் சார்ஜிங்

    புதிய மோட்டோரோலா எட்ஜ் 40 நியோ ஸ்மார்ட்போன் சூதிங் சீ மற்றும் கனீல் பே மற்றும் வீகன் லெதர் பிளாக் மற்றும் பிளாக் பியூட்டி மற்றும் கிளாஸ் பேக் கொண்டிருக்கிறது. இந்த ஸ்மார்ட்போனின் 8 ஜி.பி. ரேம், 128 ஜி.பி. மெமரி மாடல் விலை ரூ. 23 ஆயிரத்து 999 என்றும் 12 ஜி.பி. ரேம், 256 ஜி.பி. மெமரி மாடல் விலை ரூ. 25 ஆயிரத்து 999 என்று நிர்ணயம் செய்யப்பட்டு உள்ளது. அறிமுக சலுகையாக இவை முறையே ரூ. 20 ஆயிரத்து 999 மற்றும் ரூ. 22 ஆயிரத்து 999 என்ற விலையில் விற்பனை செய்யப்படுகின்றன.

    • மோட்டோ G54 5ஜி ஸ்மார்ட்போன் ஆண்ட்ராய்டு 13 ஒ.எஸ். கொண்டிருக்கிறது.
    • மோட்டோ G54 5ஜி ஸ்மார்ட்போன் மூன்றுவித நிறங்களில் கிடைக்கிறது.

    மோட்டோரோலா நிறுவனத்தின் புதிய மோட்டோ G54 5ஜி ஸ்மார்ட்போன் இந்திய சந்தையில் அறிமுகம் செய்யப்பட்டு இருக்கிறது. இதில் 6.5 இன்ச் HD+ 120Hz LCD ஸ்கிரீன், மீடியாடெக் டிமென்சிட்டி 7020 பிராசஸர், அதிகபட்சம் 12 ஜி.பி. ரேம் வழங்கப்பட்டு இருக்கிறது.

    ஆண்ட்ராய்டு 13 ஒ.எஸ். கொண்டிருக்கும் மோட்டோ G54 5ஜி ஸ்மார்ட்போனிற்கு ஆண்ட்ராய்டு 14 மற்றும் மூன்று ஆண்டுகளுக்கு செக்யுரிட்டி அப்டேட்கள் வழங்கப்படுகிறது. புகைப்படங்களை எடுக்க 50MP பிரைமரி கேமரா, 8MP ஆட்டோஃபோக்கஸ் அல்ட்ரா வைடு கேமரா (இதுவே டெப்த் மற்றும் மேக்லோ லென்ஸ் போன்று செயல்படுகிறது) வழங்கப்பட்டு இருக்கிறது.

     

    மோட்டோ G54 5ஜி அம்சங்கள்:

    6.5 இன்ச் 2400x1080 பிக்சல் FHD+ LCD 120Hz ரிப்ரெஷ் ரேட்

    பாண்டா கிளாஸ் பாதுகாப்பு

    ஆக்டா கோர் மீடியாடெக் டிமென்சிட்டி 7020 பிராசஸர்

    IMG BXM 8 - 256 GPU

    8 ஜி.பி. LPDDR4x ரேம், 128 ஜி.பி. UFS 2.2 மெமரி

    12 ஜி.பி. LPDDR4x ரேம், 256 ஜி.பி. UFS 2.2 மெமரி

    மெமரியை கூடுதலாக நீட்டிக்கும் வசதி

    ஹைப்ரிட் டூயல் சிம் ஸ்லாட்

    ஆண்ட்ராய்டு 13 மற்றும் மை யு.எக்ஸ்.

    50MP பிரைமரி கேமரா, OIS, எல்.இ.டி. ஃபிளாஷ்

    8MP அல்ட்ரா வைடு கேமரா

    16MP செல்ஃபி கேமரா

    பக்கவாட்டில் கைரேகை சென்சார்

    3.5mm ஆடியோ ஜாக், ஸ்டீரியோ ஸ்பீக்கர்கள், டால்பி அட்மோஸ்

    டஸ்ட் மற்றும் ஸ்பிலாஷ் ரெசிஸ்டண்ட் (IP52)

    5ஜி, டூயல் 4ஜி வோல்ட்இ, வைபை, ப்ளூடூத் 5.3

    யு.எஸ்.பி. டைப் சி

    6000 எம்.ஏ.ஹெச். பேட்டரி

    30 வாட் டர்போ சார்ஜிங்

    மோட்டோ G54 5ஜி ஸ்மார்ட்போன் மிட்நைட் புளூ, மிண்ட் கிரீன் மற்றும் பியல் புளூ நிறங்களில் கிடைக்கிறது. இதன் 8 ஜி.பி. ரேம், 128 ஜி.பி. மெமரி மாடல் விலை ரூ. 15 ஆயிரத்து 999 என்றும் 12 ஜி.பி. ரேம், 128 ஜி.பி. மெமரி மாடல் விலை ரூ. 18 ஆயிரத்து 999 என்றும் நிர்ணயம் செய்யப்பட்டு உள்ளது. இதன் விற்பனை செப்டம்பர் 13-ம் தேதி ஃப்ளிப்கார்ட் வலைதளத்தில் துவங்குகிறது.

    • மோட்டோரோலா நிறுவனத்தின் புதிய G சீரிஸ் ஸ்மார்ட்போன் 50MP பிரைமரி கேமரா கொண்டுள்ளது.
    • மோட்டோ G84 5ஜி ஸ்மார்ட்போன் 5000 எம்.ஏ.ஹெச். பேட்டரி மூலம் சக்தியூட்டப்படுகிறது.

    மோட்டோரோலா நிறுவனம் இந்திய சந்தையில் தனது புதிய மோட்டோ G84 5ஜி ஸ்மார்ட்போனினை அறிமுகம் செய்தது. இதில் 6.55 இன்ச் FHD+ 120Hz pOLED ஸ்கிரீன், ஸ்னாப்டிராகன் 695 பிராசஸர், அதிகபட்சம் 12 ஜி.பி. ரேம் வழங்கப்பட்டு இருக்கிறது. ஆண்ட்ராய்டு 13 ஒ.எஸ். கொண்டிருக்கும் மோட்டோ G84 5ஜி மாடல் ஆண்ட்ராய்டு 14 அப்டேட் மற்றும் மூன்று ஆண்டுகளுக்கு செக்யுரிட்டி அப்டேட்களை பெறும் என்று அறிவிக்கப்பட்டு இருக்கிறது.

    புகைப்படங்களை எடுக்க 50MP பிரைமரி கேமரா, 8MP ஆட்டோஃபோக்கஸ் அல்ட்ரா வைடு கேமரா மற்றும் 16MP செல்ஃபி கேமரா வழங்கப்பட்டு இருக்கிறது. இதில் உள்ள அல்ட்ரா வைடு கேமராவே டெப்த் சென்சார், மேக்ரோ ஆப்ஷனை வழங்குகிறது. இன்-டிஸ்ப்ளே கைரேகை சென்சார் கொண்டிருக்கும் மோட்டோ G84 5ஜி மாடல் 5000 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 30 வாட் டர்போ சார்ஜிங் வசதி வழங்கப்பட்டு இருக்கிறது.

     

    மோட்டோ G84 5ஜி அம்சங்கள்:

    6.55 இன்ச் 2400x1080 பிக்சல் FHD+ pOLED டிஸ்ப்ளே, 120Hz ரிப்ரெஷ் ரேட்

    ஆக்டாகோர் ஸ்னாப்டிராகன் 695 பிராசஸர்

    அட்ரினோ 619L GPU

    12 ஜி.பி. LPDDR4x ரேம்

    256 ஜி.பி. UFS 2.2 ஸ்டோரேஜ்

    மெமரியை கூடுதலாக நீட்டிக்கும் வசதி

    டூயல் சிம் ஸ்லாட்

    ஆண்ட்ராய்டு 13 மற்றும் மை யு.எக்ஸ்.

    50MP பிரைமரி கேமரா, OIS

    8MP அல்ட்ரா வைடு / டெப்த் கேமரா / மேக்ரோ ஆப்ஷன்

    16MP செல்ஃபி கேமரா

    பக்கவாட்டில் கைரேகை சென்சார்

    3.5mm ஆடியோ ஜாக், ஸ்டீரியோ ஸ்பீக்கர்கள்

    டால்பி அட்மோஸ், டூயல் மைக்ரோபோன்

    வாட்டர் ரெசிஸ்டண்ட்

    5ஜி, டூயல் 4ஜி வோல்ட்இ, வைபை, ப்ளூடூத் 5.1

    யு.எஸ்.பி. டைப் சி

    5000 எம்.ஏ.ஹெச். பேட்டரி

    30 வாட் டர்போ சார்ஜிங் வசதி

    விலை மற்றும் விற்பனை விவரங்கள்:

    மோட்டோ G84 5ஜி ஸ்மார்ட்போன் 12 ஜி.பி. ரேம், 256 ஜிபி. மெமரி என ஒற்றை வேரியண்டில் மட்டுமே கிடைக்கிறது. இதன் விலை ரூ. 19 ஆயிரத்து 999 என்று நிர்ணயம் செய்யப்பட்டு உள்ளது. இதன் விற்பனை செப்டம்பர் 8-ம் தேதி துவங்குகிறது. ஐ.சி.ஐ.சி.ஐ. வங்கி கிரெடிட் கார்டு பயன்படுத்தும் போது ரூ. 1000 உடனடி தள்ளுபடி, எக்சேன்ஜ் சலுகையாக ரூ. 1000 தள்ளுபடி வழங்கப்படுகிறது.

    • மோட்டோரோலா நிறுவனத்தின் G84 ஸ்மார்ட்போனில் ஆண்ட்ராய்டு 13 ஒ.எஸ். வழங்கப்படுகிறது.
    • மோட்டோ G84 5ஜி ஸ்மார்ட்போன் ப்ளிப்கார்ட் வலைதளத்தில் விற்பனை செய்யப்படுகிறது.

    மோட்டோரோலா நிறுவனத்தின் புதிய மோட்டோ G84 5ஜி ஸ்மார்ட்போன் இந்திய வெளியீடு உறுதியாகி இருக்கிறது. இது பற்றிய தகவல் ஃப்ளிப்கார்ட் வலைதளத்தில் வெளியிடப்பட்டு இருக்கிறது. அதன்படி இந்திய சந்தையில் மோட்டோ G84 5ஜி ஸ்மார்ட்போன் செப்டம்பர் 1-ம் தேதி அறிமுகம் செய்யப்படுகிறது. இதற்கான டீசரில் ஸ்மார்ட்போனின் அம்சங்கள் பற்றிய தகவல்களும் வெளியாகி உள்ளது.

     

    அதன்படி மோட்டோ G84 5ஜி ஸ்மார்ட்போனில் 6.55 இன்ச் oPOLED டிஸ்ப்ளே, 120Hz ரிப்ரெஷ் ரேட், குவால்காம் ஸ்னாப்டிராகன் 695 பிராசஸர், ஆண்ட்ராய்டு 13 ஒ.எஸ். வழங்கப்பட்டு இருக்கிறது. இந்த ஸ்மார்ட்போன் கடந்த ஆண்டு அறிமுகம் செய்யப்பட்ட மோட்டோ G82 மாடலின் மேம்பட்ட வெர்ஷன் ஆகும்.

     

    இந்த ஸ்மார்ட்போன் மிட்நைட் புளூ, மார்ஷ்மல்லோ புளூ மற்றும் விவா மஜெண்டா என மூன்றுவித நிறங்களில் கிடைக்கும் என்று தெரியவந்துள்ளது. வரும் நாட்களில் இந்த ஸ்மார்ட்போன் பற்றிய இதர விவரங்கள் வெளியாகும் என்று எதிர்பார்க்கலாம்.