என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "Samsung"
- சலுகைகள் குறுகிய காலக்கட்டத்திற்கு மட்டுமே வழங்கப்படும்.
- ரூ. 5 ஆயிரம் அப்கிரேடு போனஸ் வழங்கப்படுகிறது.
சாம்சங் நிறுவனம் "கேலக்ஸி அல்ட்ரா டேஸ்" சிறப்பு விற்பனையை அறிவித்து இருக்கிறது. இதில் கேலக்ஸி S24 அல்ட்ரா மற்றும் கேலக்ஸி S23 அல்ட்ரா ஸ்மார்ட்போன்களுக்கு சிறப்பு சலுகைகள் மற்றும் பலன்கள் வழங்கப்படுகின்றன. இந்த சலுகைகள் குறுகிய காலக்கட்டத்திற்கு மட்டுமே வழங்கப்படும்.
கேலக்ஸி அல்ட்ரா டேஸ் விற்பனையின் கீழ் பயனர்கள் கேலக்ஸி S24 அல்ட்ரா அல்லது கேலக்ஸி S23 அல்ட்ரா மாடல்களை வாங்கும் போது ரூ. 12 ஆயிரம் வரை அப்கிரேடு போனஸ் வழங்கப்படுகிறது. இத்துடன் பயனர்கள் ஏற்கனவே பயன்படுத்தும் S சீரிஸ் மாடல்களை கொடுத்து கூடுதலாக ரூ. 5 ஆயிரம் அப்கிரேடு போனஸ் பெறலாம்.
இந்திய சந்தையில் கேலக்ஸி S24 அல்ட்ரா மாடலின் விலை ரூ. 1 லட்சத்து 29 ஆயிரத்து 999 என்றும் கேலக்ஸி S23 அல்ட்ரா மாடலின் விலை ரூ. 1 லட்சத்து 09 ஆயிரத்து 999 என்றும் நிர்ணயம் செய்யப்பட்டு உள்ளது.
சிறப்பு சலுகை விவரங்கள்:
கேலக்ஸி S24 அல்ட்ரா மாடலை வாங்கும் S சீரிஸ் வாடிக்கையாளர்களுக்கு ரூ. 17 ஆயிரம் வரையிலான பலன்கள் வழங்கப்படுகிறது. மற்ற சாதனங்களை பயன்படுத்துவோர் ரூ. 12 ஆயிரம் வரையிலான பலன்கள் வழங்கப்படுகிறது.
கேலக்ஸி S23 அல்ட்ரா மாடலை வாங்கும் S சீரிஸ் பயனர்களுக்கு ரூ. 13 ஆயிரம் வரையிலான பலன்களும், மற்ற சாதனங்களை பயன்படுத்துவோருக்கு ரூ. 10 ஆயிரம் வரையிலான பலன்கள் வழங்கப்படுகிறது.
கேலக்ஸி S23 அல்ட்ரா அல்லது கேலக்ஸி S24 அல்ட்ரா மாடல்களை வாங்குவோருக்கு 24 மாதங்கள் வரை வட்டியில்லா மாத தவணை முறை வசதி வழங்கப்படுகிறது. இத்துடன் கேலக்ஸி S24 சீரிஸ் வாங்குவோர் கேலக்ஸி வாட்ச் 6 மாடலுக்கு ரூ. 12 ஆயிரம் வரை தள்ளுபடி வழங்கப்படுகிறது. இந்த சலுகைகள் மார்ச் 22-ம் தேதி வரை வழங்கப்படும்.
- இரு ஸ்மார்ட்போன்களும் ஆண்ட்ராய்டு 14 சார்ந்த ஒ.எஸ். கொண்டுள்ளன.
- இரு மாடல்களிலும் 25 வாட் ஃபாஸ்ட் சார்ஜிங் வசதி உள்ளது.
சாம்சங் நிறுவனம் இந்திய சந்தையில் கேலக்ஸி A35 மற்றும் கேலக்ஸி A55 என இரண்டு ஸ்மார்ட்போன் மாடல்களை அறிமுகம் செய்தது. இரு மாடல்களிலும் 120Hz சூப்பர் AMOLED டிஸ்ப்ளே வழங்கப்பட்டு இருக்கிறது. கேலக்ஸி A35 மாடலில் எக்சைனோஸ் 1480 பிராசஸர், கேலக்ஸி A55 மாடலில் எக்சைனோஸ் 1380 பிராசஸர் வழங்கப்பட்டுள்ளது.
இரு மாடல்களிலும் புகைப்படங்களை எடுக்க 50MP பிரைமரி கேமரா, OIS, வீடியோ இமேஜ் ஸ்டேபிலைசேஷன் (VDIS), 5MP மேக்ரோ சென்சார் வழங்கப்பட்டு இருக்கிறது. கேலக்ஸி A55 மாடலில் 12MP அல்ட்ரா வைடு லென்ஸ், கேலக்ஸி A35 மாடலில் 8MP அல்ட்ரா வைடு கேமரா வழங்கப்பட்டு இருக்கிறது.
சாம்சங் கேலக்ஸி A55 அம்சங்கள்:
6.6 இன்ச் FHD+ 2340x1080 பிக்சல் சூப்பர் AMOLED இன்ஃபினிட்டி O HDR டிஸ்ப்ளே
ஆக்டா கோர் எக்சைனோஸ் 1480 பிராசஸர்
AMD எக்ஸ்-க்லிப்ஸ் 530GPU
8 ஜி.பி., 12 ஜி.பி. ரேம்
128 ஜி.பி., 256 ஜி.பி. மெமரி
மெமரியை கூடுதலாக நீட்டிக்கும் வசதி
ஆண்ட்ராய்டு 14 சார்ந்த சாம்சங் ஒன் யு.ஐ. 6.1
ஹைப்ரிட் டூயல் சிம் ஸ்லாட்
50MP பிரைமரி கேமரா, OIS
12MP அல்ட்ரா வைடு ஆங்கில் கேமரா
5MP மேக்ரோ கேமரா
32MP செல்ஃபி கேமரா
இன் டிஸ்ப்ளே கைரேகை சென்சார்
யு.எஸ்.பி. டைப் சி ஆடியோ, ஸ்டீரியோ ஸ்பீக்கர்கள், டால்பி அட்மோஸ்
டஸ்ட் மற்றும் வாட்டர் ரெசிஸ்டண்ட் (IP67)
5ஜி, டூயல் 4ஜி வோல்ட்இ, வைபை, ப்ளூடூத் 5.3
யு.எஸ்.பி. டைப் சி
5000 எம்.ஏ.ஹெச். பேட்டரி
25 வாட் ஃபாஸ்ட் சார்ஜிங்
சாம்சங் கேலக்ஸி A35 அம்சங்கள்:
6.6 இன்ச் FHD+ 2340x1080 பிக்சல் சூப்பர் AMOLED இன்ஃபினிட்டி O HDR டிஸ்ப்ளே
ஆக்டா கோர் எக்சைனோஸ் 1380 பிராசஸர்
மாலி G68 MP5 GPU
8 ஜி.பி. ரேம்
128 ஜி.பி., 256 ஜி.பி. மெமரி
மெமரியை கூடுதலாக நீட்டிக்கும் வசதி
ஆண்ட்ராய்டு 14 சார்ந்த சாம்சங் ஒன் யு.ஐ. 6.1
ஹைப்ரிட் டூயல் சிம் ஸ்லாட்
50MP பிரைமரி கேமரா, OIS
8MP அல்ட்ரா வைடு ஆங்கில் கேமரா
5MP மேக்ரோ கேமரா
13MP செல்ஃபி கேமரா
இன் டிஸ்ப்ளே கைரேகை சென்சார்
யு.எஸ்.பி. டைப் சி ஆடியோ, ஸ்டீரியோ ஸ்பீக்கர்கள், டால்பி அட்மோஸ்
டஸ்ட் மற்றும் வாட்டர் ரெசிஸ்டண்ட் (IP67)
5ஜி, டூயல் 4ஜி வோல்ட்இ, வைபை, ப்ளூடூத் 5.3
யு.எஸ்.பி. டைப் சி
5000 எம்.ஏ.ஹெச். பேட்டரி
25 வாட் ஃபாஸ்ட் சார்ஜிங்
சாம்சங் கேலக்ஸி A35 ஸ்மார்ட்போன் ஆசம் ஐஸ்புளூ, ஆசம் லிலக் மற்றும் ஆசம் நேவி நிறங்களில் கிடைக்கிறது. கேலக்ஸி A55 ஸ்மார்ட்போன் ஆசம் ஐஸ்புளூ மற்றும் ஆசம் நேவி நிறங்களில் கிடைக்கிறது.
விலை விவரங்கள்:
கேலக்ஸி A35 (8 ஜி.பி. +128 ஜி.பி.) ரூ. 30 ஆயிரத்து 999
கேலக்ஸி A35 (8 ஜி.பி. + 256 ஜி.பி.) ரூ. 33 ஆயிரத்து 999
கேலக்ஸி A55 (8 ஜி.பி. + 128 ஜி.பி.) ரூ. 39 ஆயிரத்து 999
கேலக்ஸி A55 (8 ஜி.பி. + 256 ஜி.பி.) ரூ. 42 ஆயிரத்து 999
கேலக்ஸி A55 (12 ஜி.பி. + 256 ஜி.பி.) ரூ. 45 ஆயிரத்து 999
இரண்டு புதிய சாம்சங் ஸ்மார்ட்போன்களும் சாம்சங் ஸ்டோர், சாம்சங் ஆனைலன் ஸ்டோர் மற்றும் முன்னணி ஆன்லைன் வலைதளங்களில் விற்பனைக்கு கிடைக்கிறது.
- நீண்ட பேட்டரி ஆயுள் கொண்ட Samsung Galaxy Ring வருகிற ஆகஸ்டு மாதம் வெளியிட திட்டமிடப்பட்டுள்ளது
- வருங்காலங்களில் உடல் நலனைக் கண்காணிக்கும் வசதிகள் இதில் சேர்க்கப்பட உள்ளன
கொரியன் நிறுவனமான 'சாம்சங்' செல்போன் தயாரிப்பு மற்றும் விற்பனையில் முன்னணி வகித்து வருகிறது.
இந்நிலையில் தற்போது புதிதாக சாம்சங் 'கேலக்ஸி ரிங்' என்ற மிக இலகுவான கை விரல்களில் அணிய வசதியாக உள்ள மோதிர வடிவில் புதிய கண்டுபிடிப்பை அறிமுகப்படுத்த உள்ளது. மேலும், இந்த மோதிரத்தில் மேம்பட்ட ஆரோக்கியம், செயல்பாடு மற்றும் தூக்கத்தை கண்காணிக்கும் வசதிகள் அமைந்து உள்ளன.
நவீன ஸ்மார்ட் வாட்சுகளை விட, கேலக்ஸி ரிங் ஒரு ஆரோக்கிய சாதனம் என்று அழைக்கப்படும். ஒரு முறை சார்ஜ் செய்தால் 10 நாட்கள் வரை நீடிக்கும். புதிய ஆரோக்கிய சாதனமாக அறிமுகப்படுத்தப்பட உள்ள இந்த மோதிரத்தின் விலை ரூ.25,000 முதல் ரூ.42,000 வரை இருக்கலாம் என எதிர்பார்க்கப்படுகிறது.
நீண்ட பேட்டரி ஆயுள் கொண்ட Samsung Galaxy Ring வருகிற ஆகஸ்டு மாதம் வெளியிட திட்டமிடப்பட்டுள்ளது. மேலும், வருங்காலங்களில் உடல் நலனைக் கண்காணிக்கும் வசதிகள் இதில் சேர்க்கப்பட உள்ளன.
- ஸ்மார்ட்போன் ஆண்ட்ராய்டு 14 சார்ந்த ஒன்யு.ஐ. 6 கொண்டிருக்கிறது.
- இதன் பக்கவாட்டில் கைரேகை சென்சார் வழங்கப்பட்டுள்ளது.
சாம்சங் நிறுவனம் இந்திய சந்தையில் தனது புதிய F சீரிஸ் ஸ்மார்ட்போனினை அறிமுகம் செய்தது. கேலக்ஸி F15 5ஜி என அழைக்கப்படும் புதிய ஸ்மார்ட்போனில் 6.5 இன்ச் FHD+ 90Hz AMOLED இன்ஃபினிட்டி வி டிஸ்ப்ளே, பன்ச் ஹோலில் 13MP செல்ஃபி கேமரா வழங்கப்பட்டு இருக்கிறது.
இத்துடன் மீடியாடெக் டிமென்சிட்டி 6100 பிளஸ் பிராசஸர், அதிகபட்சம் 6 ஜி.பி. ரேம், 6 ஜி.பி. வரை விர்ச்சுவல் ரேம் வழங்கப்பட்டு இருக்கிறது. புகைப்படங்களை எடுக்க 50MP பிரைமரி கேமரா, 5MP அல்ட்ரா வைடு லென்ஸ், 2MP மேக்ரோ கேமரா வழங்கப்பட்டுள்ளது. இந்த ஸ்மார்ட்போன் ஆண்ட்ராய்டு 14 சார்ந்த ஒன்யு.ஐ. 6 கொண்டிருக்கிறது.
புதிய கேலக்ஸி F15 5ஜி ஸ்மார்ட்போனிற்கு நான்கு தலைமுறை ஆண்ட்ராய்டு அப்டேட்கள், ஐந்து ஆண்டுகள் செக்யூரிட்டி அப்டேட்கள் வழங்குவதாக சாம்சங் அறிவித்து இருக்கிறது. இதன் பக்கவாட்டில் கைரேகை சென்சார் வழங்கப்பட்டுள்ளது. 5000 எம்.ஏ.ஹெச். பேட்டரி மூலம் சக்தியூட்டப்படும் கேலக்ஸி F15 5ஜி ஸ்மார்ட்போன் 25 வாட் ஃபாஸ்ட் சார்ஜிங் கொண்டிருக்கிறது.
சாம்சங் கேலக்ஸி F15 5ஜி அம்சங்கள்:
6.6 இன்ச் 1080x2340 பிக்சல் FHD+ இன்ஃபினிட்டி வி சூப்பர் AMOLED டிஸ்ப்ளே, 90Hz ரிப்ரெஷ் ரேட்
ஆக்டா கோர் மீடியாடெக் டிமென்சிட்டி 6100 பிளஸ் பிராசஸர்
ARM மாலி-G57 MC2 GPU
4 ஜி.பி., 6 ஜி.பி. ரேம்
128 ஜி.பி. மெமரி
மெமரியை கூடுதலாக நீட்டிக்கும் வசதி
ஆண்ட்ராய்டு 14 சார்ந்த ஒன்யு.ஐ. 6
ஹைப்ரிட் டூயல் சிம் ஸ்லாட்
50MP பிரைமரி கேமரா
5MP அல்ட்ரா வைடு கேமரா
2MP மேக்ரோ சென்சர், எல்.இ.டி. ஃபிளாஷ்
13MP செல்ஃபி கேமரா
பக்கவாட்டில் கைரேகை சென்சார்
3.5mm ஆடியோ ஜாக்
5ஜி, டூயல் 4ஜி வோல்ட்இ, வைபை, ப்ளூடூத் 5.3
யு.எஸ்.பி. டைப் சி போர்ட்
6000 எம்.ஏ.ஹெச். பேட்டரி
25 வாட் ஃபாஸ்ட் சார்ஜிங் வசதி
இந்திய சந்தையில் சாம்சங் நிறுவனத்தின் புதிய கேலக்ஸி F15 5ஜி ஸ்மார்ட்போன் ஆஷ் பிளாக், ஜேசி கிரீன் மற்றும் குரூவி வைலட் என மூன்றுவித நிறங்களில் கிடைக்கிறது. இதன் 4 ஜி.பி. ரேம், 128 ஜி.பி. மெமரி மாடல் விலை ரூ. 12 ஆயிரத்து 999 என்றும் 6 ஜி.பி. ரேம், 128 ஜி.பி. மெமரி மாடல் விலை ரூ. 14 ஆயிரத்து 499 என்றும் நிர்ணயம் செய்யப்பட்டு உள்ளது.
கேலக்ஸி F15 5ஜி ஸ்மார்ட்போன் ப்ளிப்கார்ட் மற்றும் சாம்சங் இந்தியா ஆன்லைன் ஸ்டோர், தேர்வு செய்யப்பட்ட ரிடெயில் ஸ்டோர்களில் மார்ச் 11-ம் தேதி விற்பனைக்கு வருகிறது.
அறிமுக சலுகையாக இந்த ஸ்மார்ட்போன் வாங்குவோர் ஹெச்.டி.எஃப்.சி. வங்கி கார்டுகளை பயன்படுத்தும் போது ரூ. 1000 உடனடி தள்ளுபடியும், எக்சேன்ஜ் சலுகையாக ரூ. 1000 தள்ளுபடி வழங்கப்படுகிறது. இத்துடன் ரூ. 1299 மதிப்புள்ள சார்ஜரை ரூ. 299 விலையில் வாங்கிட முடியும்.
- கேலக்ஸி S23 அல்ட்ரா ஸ்மார்ட்போன் மூன்றுவித நிறங்களில் கிடைக்கிறது.
- கேலக்ஸி S23 அல்ட்ரா மாடலுக்கு சிறப்பு சலுகைகள் அறிவிக்கப்பட்டு உள்ளன.
சாம்சங் நிறுவனத்தின் கேலக்ஸி S23 அல்ட்ரா ஸ்மார்ட்போனிற்கு அமேசான் வலைதளத்தில் அசத்தல் விலை குறைப்பு அறிவிக்கப்பட்டு இருக்கிறது. சில மாதங்களுக்கு முன்பு தான் கேலக்ஸி S24 அல்ட்ரா ஸ்மார்ட்போன் இந்திய சந்தையில் அறிமுகம் செய்யப்பட்டது. இதைத் தொடர்ந்து கடந்த ஆண்டு அறிமுகம் செய்யப்பட்ட கேலக்ஸி S23 அல்ட்ரா மாடலுக்கு சிறப்பு சலுகைகள் அறிவிக்கப்பட்டு உள்ளன.
குவால்காம் ஸ்னப்டிராகன் 8 ஜென் 2 பிராசஸர் கொண்டிருக்கும் கேலக்ஸி S23 அல்ட்ரா மாடலின் 12 ஜி.பி. ரேம், 256 ஜி.பி. மெமரி மாடல் ரூ. 1 லட்சத்து 24 ஆயிரத்து 990-க்கும் 12 ஜி.பி. ரேம், 512 ஜி.பி. மெமரி மாடல் ரூ. 1 லட்சத்து 34 ஆயிரத்து 999-க்கும் விற்பனை செய்யப்பட்டு வந்தது. தற்போது அமேசான் வலைதளத்தில் இந்த ஸ்மார்ட்போனின் விலை முறையே ரூ. 1 லட்சத்து 09 ஆயிரத்து 999 மற்றும் ரூ. 1 லட்சத்து 19 ஆயிரத்து 999 என்று குறிப்பிடப்பட்டு இருக்கிறது.
இத்துடன் ஹெச்.டி.எஃப்.சி. வங்கி கார்டு பயன்படுத்தும் போது ரூ. 10 ஆயிரம் தள்ளுபடி வழங்கப்படுகிறது. இதை சேர்க்கும் போது ஸ்மார்ட்போனின் விலை ரூ. 99 ஆயிரத்து 999 மற்றும் ரூ. 1 லட்சத்து 09 ஆயிரத்து 999 என்று மாறிவிடும். இந்திய சந்தையில் கேலக்ஸி S23 அல்ட்ரா ஸ்மார்ட்போன் கிரீன், ஃபேண்டம் பிளாக் மற்றும் கிரீம் என மூன்றுவித நிறங்களில் கிடைக்கிறது.
அம்சங்களை பொருத்தவரை கேலக்ஸி S23 அல்ட்ரா ஸ்மார்ட்போன் 6.8 இன்ச் QHD+ டைனமிக் AMOLED 2X டிஸ்ப்ளே, 120Hz ரிப்ரெஷ் ரேட், கார்னிங் கொரில்லா கிளாஸ் விக்டஸ் 2 பாதுகாப்பு, குவால்காம் ஸ்னாப்டிராகன் 8 ஜென் 2 பிராஸர், அட்ரினோ GPU, ஆண்ட்ராய்டு 13 சார்ந்த ஒன் யு.ஐ. 5.1 வழங்கப்பட்டுள்ளது.
புகைப்படங்களை எடுக்க 200MP பிரைமரி கேமரா, 12MP அல்ட்ரா வைடு கேமரா, 10MP டெலிபோட்டோ லென்ஸ், 12MP செல்ஃபி கேமரா உள்ளது. இத்துடன் 5000 எம்.ஏ.ஹெச். பேட்டரி, 45 வாட் ஃபாஸ்ட் சார்ஜிங் வசதி, வயர்லெஸ் பவர்ஷேர், ஃபாஸ்ட் வயர்லெஸ் சார்ஜிங் 2.0 வசதி வழங்கப்பட்டு இருக்கிறது.
- இந்த ஸ்மார்ட்போனில் ஆண்ட்ராய்டு 13 சார்ந்த ஒன் யு.ஐ. 5 வழங்கப்பட்டு இருக்கிறது.
- கேலக்ஸி A15 5ஜி ஸ்மார்ட்போன் இரண்டு நிறங்களில் கிடைக்கிறது.
சாம்சங் நிறுவனம் தனது கேலக்ஸி A15 5ஜி ஸ்மார்ட்போனின் 6 ஜி.பி. ரேம், 128 ஜி.பி. மெமரி வேரியண்டை இந்திய சந்தையில் அறிமுகம் செய்துள்ளது. முன்னதாக இந்த ஸ்மார்ட்போன் 8 ஜி.பி. ரேம், 128 ஜி.பி. மெமரி மற்றும் 8 ஜி.பி. ரேம், 256 ஜி.பி. மெமரி என இரண்டு வேரியண்ட்களில் அறிமுகம் செய்யப்பட்டது.
கேலக்ஸி A15 5ஜி மாடலில் ஆக்டா கோர் மீடியாடெக் டிமென்சிட்டி 6100 பிளஸ் பிராசஸர், 5000 எம்.ஏ.ஹெச். பேட்டரி, 25 வாட் சார்ஜிங் வசதி வழங்கப்பட்டு இருக்கிறது. இத்துடன் 6.5 இன்ச் ஃபுல் ஹெச்.டி. பிளஸ் 1080x2408 பிக்சல் சூப்பர் AMOLED டிஸ்ப்ளே, 90Hz ரிப்ரெஷ் ரேட் வழங்கப்பட்டுள்ளது.
புகைப்படங்களை எடுக்க 50MP பிரைமரி கேமரா, 5MP லென்ஸ், 2MP சென்சார் மற்றும் 13MP செல்ஃபி கேமரா வழங்கப்பட்டு இருக்கிறது. கனெக்டிவிட்டிக்கு 5ஜி, வைபை, ப்ளூடூத், ஜி.பி.எஸ்., 3.5mm ஹெட்போன் ஜாக், யு.எஸ்.பி. டைப் சி போர்ட் உள்ளது.
இதர சென்சார்களாக அக்செல்லோமீட்டர், கைரோ சென்சார், ஜியோ-மேக்னடிக் சென்சார், விர்ச்சுவல் பிராக்சிமிட்டி சென்சார் உள்ளது. இத்துடன் கைரேகை சென்சார் வழங்கப்படுகிறது. இந்த ஸ்மார்ட்போனில் ஆண்ட்ராய்டு 13 சார்ந்த ஒன் யு.ஐ. 5 வழங்கப்பட்டு இருக்கிறது.
விலை விவரங்கள்:
கேலக்ஸி A15 5ஜி 6 ஜி.பி. ரேம், 128 ஜி.பி. மெமரி ரூ. 17 ஆயிரத்து 999
கேலக்ஸி A15 5ஜி 8 ஜி.பி. ரேம், 128 ஜி.பி. மெமரி ரூ. 19 ஆயிரத்து 499
கேலக்ஸி A15 5ஜி 8 ஜி.பி. ரேம், 256 ஜி.பி. மெமரி ரூ. 22 ஆயிரத்து 499
இந்திய சந்தையில் சாம்சங் கேலக்ஸி A15 5ஜி ஸ்மார்ட்போன் புளூ பிளாக் மற்றும் லைட் புளூ நிறங்களில் கிடைக்கிறது. இந்த ஸ்மார்ட்போனிற்கு ஐந்து ஆண்டுகள் செக்யூரிட்டி அப்டேட், நான்கு ஆண்டுகளுக்கு ஒ.எஸ். அப்டேட்கள் வழங்குவதாக சாம்சங் அறிவித்துள்ளது.
- 2024 சர்வதேச மொபைல் காங்கிரஸ் நிகழ்ச்சியில் அறிவித்தது.
- சவுகரியமாக அணிந்து கொள்ளும் வகையில் உருவாக்கப்பட்டுள்ளது.
சாம்சங் நிறுவனம் பயனர்கள் தங்களின் உடல்நலம் மற்றும் ஆரோக்கியத்தில் கவனம் செலுத்தும் வகையில் உருவாக்கி இருக்கும் அதிநவீன தொழில்நுட்பம் பற்றிய விவரங்களை 2024 சர்வதேச மொபைல் காங்கிரஸ் நிகழ்ச்சியில் அறிவித்தது.
அதன்படி தனது கேலக்ஸி ரிங் சாதனத்தை அறிமுகம் செய்து, பயனர்களின் உடல்நலம் மற்றும் சுகாதாரம் தொடர்பாக சாம்சங் மேற்கொள்ளும் திட்டங்கள் குறித்தும் அறிவித்தது. புதிய கேலக்ஸி ரிங் 24 மணி நேரம் ஒருவர் மிகவும் சவுகரியமாக அணிந்து கொள்ளும் வகையில் உருவாக்கப்பட்டு இருக்கிறது.
கேலக்ஸி ரிங் சாதனத்தை கொண்டு பயனர்கள் தங்களது உடல் ஆரோக்கியம் பற்றிய விவரங்களை துல்லியமாக அறிந்து கொள்ள முடியும். உடல்நலம் மற்றும் சுகாதாரம் உள்ளிட்டவைகளுக்கு முக்கியத்துவம் கொடுக்கும் வகையில் சாம்சங் நிறுவனம் தனது பல்வேறு சாதனங்களிலும் கேலக்ஸி ஏ.ஐ. அனுபவத்தை புகுத்த திட்டமிட்டு வருகிறது.
இதன் அங்கமாகவே கேலக்ஸி ரிங் அறிமுகப்படுத்தப்பட்டு இருக்கிறது. வீட்டிற்குள் ஒருவருக்கு தனித்துவம் மிக்க மற்றும் எளிதில் கிடைக்கக்கூடிய தீர்வுகளை வழங்கும் வகையில் கேலக்ஸி ரிங் உருவாக்கப்பட்டுள்ளது.
புதிய சாதனம் அறிமுகம் செய்ததோடு, உடல்நலம் மற்றும் சுகாதாரம் தொடர்பான சேவைகளை சாம்சங் ஹெல்த்-இல் இணைக்க சாம்சங் திட்டமிட்டு வருகிறது. சர்வதேச சந்தையில் கேலக்ஸி ரிங் சாதனம் அடுத்து நடைபெறும் கேலக்ஸி அன்பேக்டு நிகழ்ச்சியில் அறிவிக்கப்பட்டு, பிறகு விற்பனைக்கு வரும் என்று தெரிகிறது.
முன்னதாக நடைபெற்ற கேலக்ஸி அன்பேக்டு நிகழ்ச்சியில் சாம்சங் நிறுவனம் கேலக்ஸி ரிங் சாதனத்தின் டீசரை வெளியிட்டு, விரைவில் இது பற்றிய விவரங்களை வழங்குவதாக அறிவித்து இருந்தது குறிப்பிடத்தக்கது.
- கேலக்ஸி A சீரிஸ் மாடலுக்கு திடீர் விலை குறைப்பு அறிவிக்கப்பட்டது.
- இந்த ஸ்மார்ட்போன் மூன்று நிறங்களில் கிடைக்கிறது.
சாம்சங் நிறுவனத்தின் பட்ஜெட் ரக ஸ்மார்ட்போன் மாடல் விலை இந்திய சந்தயில் குறைக்கப்பட்டு இருக்கிறது. இந்தியாவில் கடந்த ஆண்டு அறிமுகம் செய்யப்பட்ட கேலக்ஸி A05s ஸ்மார்ட்போனிற்கு விலை குறைப்பு அறிவிக்கப்பட்டுள்ளது. அதன்படி கேலக்ஸி A சீரிஸ் மாடலின் விலை ரூ. 2 ஆயிரம் குறைக்கப்பட்டு இருக்கிறது.
கடந்த ஆண்டு அக்டோபர் மாதம் அறிமுகம் செய்யப்பட்ட போது கேலக்ஸி A05s மாடலின் விலை ரூ. 14 ஆயிரத்து 999 என நிர்ணயம் செய்யப்பட்டு இருந்தது. தற்போது விலை குறைப்பின் படி கேலக்ஸி A05s விலை ரூ. 12 ஆயிரத்து 999 என மாறி இருக்கிறது. இந்த ஸ்மார்ட்போன் பிளாக், லைட் கிரீன் மற்றும் லைட் வைலட் என மூன்றுவித நிறங்களில் கிடைக்கிறது.
கேலக்ஸி A05s அம்சங்கள்:
சாம்சங் கேலக்ஸி A05s மாடலில் 6.7 இன்ச் FHD+ டிஸ்ப்ளே, 1080x2400 பிக்சல் ரெசல்யூஷன், ஆக்டா கோர் குவால்காம் ஸ்னாப்டிராகன் 680 பிராசஸர், அதிகபட்சம் 6 ஜி.பி. ரேம், 128 ஜி.பி. மெமரி, மெமரியை கூடுதலாக நீட்டிக்கும் வசதி, ஆண்ட்ராய்டு 13 ஒ.எஸ். வழங்கப்படுகிறது.
புகைப்படங்களை எடுக்க 50MP பிரைமரி கேமரா, 2MP டெப்த் சென்சார், 2MP மேக்ரோ கேமரா, 13MP செல்ஃபி கேமரா வழங்கப்படுகிறது. இதன் பக்கவாட்டில் கைரேகை சென்சார் வழங்கப்பட்டுள்ளது. மேலும் 5000 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 25 வாட் ஃபாஸ்ட் சார்ஜிங் வசதி உள்ளது.
- திறம்பட செயல்படும் வகையில் உருவாக்கப்பட்டு இருக்கிறது.
- தகவல் பரிமாற்றத்தின போது இடையூறுகளை தவிர்க்கும் திறன் உள்ளது.
சாம்சங் நிறுவனம் தனது கேலக்ஸி எக்ஸ்கவர் 7 ரக்கட் ஸ்மார்ட்போனினை இந்திய சந்தையில் அறிமுகம் செய்தது. மேலும், இது என்டர்பிரைஸ் பயன்பாடுகளுக்காக அறிமுகம் செய்யப்பட்ட முதல் சாம்சங் ஸ்மார்ட்போன் என்ற பெருமையை பெற்று இருக்கிறது. இது மிக கடினமான காலநிலைகளிலும் திறம்பட செயல்படும் வகையில் உருவாக்கப்பட்டு இருக்கிறது.
அதிவேக கனெக்டிவிட்டி, வெளிப்புற இடர்பாடுகளால் கனெக்டிவிட்டியில் ஏற்படும் இடையூறுகளை தவிர்க்கும் திறன் உள்ளிட்டவை இந்த ஸ்மார்ட்போனின் அம்சங்களாக சாம்சங் குறிப்பிட்டுள்ளது. புதிய கேலக்ஸி எக்ஸ்கவர் 7 ரக்கட் ஸ்மார்ட்போன் MIL-STD-810H3 சான்று, IP68 தர வாட்டர் மற்றும் டஸ்ட் ரெசிஸ்டன்ட் வசதி கொண்டிருக்கிறது.
சாம்சங் கேலக்ஸி எக்ஸ்கவர் 7 அம்சங்கள்:
6.6 இன்ச் 2400x1080 பிக்சல் FHD+ 120Hz LCD ஸ்கிரீன்
குளோவ் மோட், கார்னிங் கொரல்லா கிளாஸ் விக்டஸ் பிளஸ் பாதுகாப்பு
ஆக்டா கோர் மீடியாடெக் டிமென்சிட்டி 6100 பிளஸ் பிராசஸர்
ARM மாலி G57 MC2 GPU
6 ஜி.பி. ரேம்
128 ஜி.பி. மெமரி
மெமரியை கூடுதலாக நீட்டிக்கும் வசதி
ஆண்ட்ராய்டு 14 சார்ந்த சாம்சங் ஒன் யுஐ 6
டூயல் சிம் ஸ்லாட்
சாம்சங் நாக்ஸ் மற்றும் சாம்சங் நாக்ஸ் வால்ட்
எக்ஸ் கவர் கீ கஸ்டமைசேஷன் வசதி
50MP பிரைமரி கேமரா, எல்.இ.டி. ஃபிளாஷ்
5MP செல்ஃபி கேமரா
வாட்டர் மற்றும் டஸ்ட் ரெசிஸ்டன்ட்
MIL-STD-810H
3.5mm ஆடியோ ஜாக், டால்பி அட்மோஸ்
5ஜி, டூயல் 4ஜி வோல்ட்இ, வைபை, ப்ளூடூத் 5.3
யு.எஸ்.பி. டைப் சி 3.2
4050 எம்.ஏ.ஹெச். பேட்டரி
இந்திய சந்தையில் புதிய சாம்சங் கேலக்ஸி எக்ஸ்கவர் 7 மாடலின் ஸ்டான்டர்டு எடிஷன் விலை ரூ. 27 ஆயிரத்து 208 என்றும் என்டர்பிரைஸ் எடிஷன் விலை ரூ. 27 ஆயிரத்து 530 என்றும் நிர்ணயம் செய்யப்பட்டு உள்ளது.
புதிய சாம்சங் ஸ்மார்ட்போனின் ஸ்டான்டர்டு எடிஷன் வாங்குவோருக்கு ஒரு வருட வாரண்டியும், என்டர்பிரைஸ் எடிஷன் வாங்குவோருக்கு இரண்டு ஆண்டுகள் வாரண்டியும் வழங்கப்படுகிறது. இத்துடன் கேலக்ஸி எக்ஸ்கவர் 7 என்டர்பிரைஸ் எடிஷன் வாங்கும் போது ஒரு வருடத்திற்கான நாக்ஸ் சூட் சந்தா வழங்கப்படுகிறது.
- சாம்சங் தனது ஃபிளாக்ஷிப் ஸ்மார்ட்போனில் டைட்டானியம் பயன்படுத்தியது.
- ஐபோன் 15 ப்ரோ சீரிசில் டைட்டானியம் பயன்படுத்தி இருந்தது குறிப்பிடத்தக்கது.
சாம்சங் நிறுவனம் தனது கேலக்ஸி S24 அல்ட்ரா மாடலில் அலுமினியத்திற்கு மாற்றாக டைட்டானியம் பயன்படுத்தி இருப்பதாக அறிவித்து இருந்தது. முன்னதாக கடந்த ஆண்டு செப்டம்பர் மாதம் அறிமுகம் செய்யப்பட்ட ஐபோன் 15 ப்ரோ சீரிசில் ஆப்பிள் நிறுவனம் டைட்டானியம் பயன்படுத்தியது. இதன் தொடர்ச்சியாக சாம்சங் தனது ஃபிளாக்ஷிப் ஸ்மார்ட்போனில் டைட்டானியம் பயன்படுத்தி இருந்தது.
இந்த நிலையில், முன்னணி யூடியூபரான ஜாக் நெல்சன் கேலக்ஸி S24 அல்ட்ரா ஸ்மார்ட்போனின் ஒவ்வொரு பாகங்களையும் தனித்தனியாக பிரித்து, அதன் உறுதித்தன்மையை சோதனைக்கு உட்படுத்தினார். அதில், கேலக்ஸி S24 அல்ட்ரா ஸ்மார்ட்போனில் சாம்சங் நிறுவனம் குறைந்த தரம் கொண்ட டைட்டானியம் பயன்படுத்தி இருப்பது அம்பலமாகி இருக்கிறது.
ஆப்பிள் தனது ஐபோன் 15 ப்ரோ சீரிசில் அதிக தரமுள்ள டைட்டானியம் பயன்படுத்தி இருந்தது குறிப்பிடத்தக்கது. கேலக்ஸி S24 அல்ட்ரா மாடலின் டியர் டவுன் வீடியோ யூடியூபில் பதிவேற்றம் செய்யப்பட்டு இருக்கிறது. வீடியோவில் ஸ்மார்ட்போனின் ஃபிரேம் XRF ஸ்கேன் செய்யப்பட்டதும், அதில் சாம்சங் நிறுவனம் இரண்டாம் தர டைட்டானியத்தை பயன்படுத்தி இருப்பதும் தெரியவந்துள்ளது.
ஆப்பிள் தனது ஐபோன்களில் பயன்படுத்தி இருக்கும் டைட்டானியத்தின் விலை இந்திய மதிப்பில் ரூ. 800-இல் துவங்கி ரூ. 1200 வரை இருக்கலாம். சாம்சங் தனது கேலக்ஸி S24 அல்ட்ரா மாடலில் வழங்கப்பட்டு இருக்கும் டைட்டானியத்தின் விலை ரூ. 250-இல் துவங்கி ரூ. 400 வரை இருக்கலாம் என்று நெல்சன் தெரிவித்து இருக்கிறார்.
- மற்றொரு மாடல் விவரங்களும் இடம்பெற்றுள்ளது.
- கேலக்ஸி Z ஃபோல்டு 6 சீரிஸ்-உடன் அறிமுகம் செய்யப்படலாம்.
சாம்சங் நிறுவனத்தின் குறைந்த விலை மடிக்கக்கூடிய ஸ்மார்ட்போன் பற்றிய தகவல்கள் அவ்வப்போது இணையத்தில் வெளியாகி வருகின்றன. அந்த வரிசையில், இந்த கேலக்ஸி Z ஃபோல்டு 6 ஸ்மார்ட்போனின் என்ட்ரி லெவல் மாடல் விவரங்கள் இணையத்தில் வெளியாகியுள்ளது. இது இந்த ஆண்டு அறிமுகம் செய்யப்பட இருக்கும் கேலக்ஸி Z ஃபோல்டு 6 சீரிஸ் ஸ்மார்ட்போன்களுடன் அறிமுகம் செய்யப்படும் என எதிர்பார்க்கலாம்.
இதன் மூலம் சாம்சங் நிறுவனம் ஒரே ஆண்டில் இரண்டுக்கும் மேற்பட்ட கேலக்ஸி ஃபோல்டபில் சாதனத்தை அறிமுகம் செய்வது முதல் முறையாக இருக்கும். சாம்சங் மடிக்கக்கூடிய ஸ்மார்ட்போன்களின் இறக்குமதி / ஏற்றுமதி டேட்டாபேஸ்-இல் கேலக்ஸி Z ஃபோல்டு 6 மற்றும் Z ப்ளிப் 6 மாடல்களுடன் மற்றொரு மாடல் விவரங்களும் இடம்பெற்றுள்ளது.
அதன்படி இரு மாடல்களின் குறியீட்டு பெயர் Q6 மற்றும் B6 என சூட்டப்பட்டுள்ளன. இவற்றுடன் Q6A என்ற குறியீட்டு பெயர் கொண்ட சாதனமும் இடம்பெற்று இருக்கிறது. இது சாம்சங்-இன் புதிய மடிக்கக்கூடிய ஸ்மார்ட்போன் ஒரு ஆண்டுக்கும் மேலாக உருவாக்கப்பட்டு வரலாம் என்பதை உணர்த்தும் வகையில் உள்ளது.
மேலும் இது சாம்சங்கின் முதல் குறைந்த விலை மடிக்கக்கூடிய ஸ்மார்ட்போன் என்ற பெருமையை பெறும் என கூறப்படுகிறது. உண்மையில் இத்தகைய ஸ்மார்ட்போன் அறிமுகம் செய்யப்படுமா என்பது கேள்விக்குறியாகவே உள்ளது. எனினும், இது பற்றிய தகவல்கள் மட்டும் அடிக்கடி இணையத்தில் வெளியாகி வருகின்றன.
- புதிய சாதனத்தின் காப்புரிமை விவரங்கள் சமீபத்தில் வெளியானது.
- தொழில்நுட்பங்களுக்கு காப்புரிமை பெற்று இருந்தது.
சாம்சங் நிறுவனம் சதுரங்க வடிவம் கொண்ட ஸ்மார்ட்போனினை உருவாக்கி வருவதாக கூறப்படுகிறது. இந்த ஸ்மார்ட்போன் எக்ஸ்டென்ட் ஆகும் வசதி கொண்ட டிஸ்ப்ளே கொண்டிருக்கும் என தெரிகிறது. இந்த சாதனத்தின் காப்புரிமை விவரங்கள் சமீபத்தில் வெளியானது.
அதில் புதிய சாதனம் சதுரங்க வடிவம் கொண்டிருப்பதும், தானாக நீட்டித்துக் கொள்ளும் டிஸ்ப்ளே ஒன்றும் இடம்பெற்று இருக்கும் என்று தெரியவந்துள்ளது. இந்த டிஸ்ப்ளே, சாதனத்தில் இருந்து நீளும் வகையில் உருவாக்கப்பட்டு இருக்கிறது. முன்னதாக சாம்சங் நிறுவனம் இரண்டு தொழில்நுட்பங்களுக்கு காப்புரிமை பெற்று இருந்தது.
காப்புரிமைகளில் இரு தொழில்நுட்பங்களும்- ஃபிளெக்ஸ் மேஜிக் மற்றும் ஃபிளெக்ஸ் மேஜிக் பிக்சல் என்ற பெயர் கொண்டிருந்தன. இவை ஐரோப்பிய காப்புரிமை பதிவுக்கான தளம் மற்றும் ஐரோப்பிய யூனியன் காப்புரிமை அலுவலகத்தில் காப்புரிமை கோரி விண்ணப்பிக்கப்பட்டு இருந்தன. இந்த தொழில்நுட்பங்கள் "ஸ்மார்ட்போன்களுக்கான நீளும் ஸ்கிரீன்" என குறிப்பிடப்பட்டுள்ளன.
அமெரிக்க காப்புரிமை வலைதளத்திலும் இதே போன்ற தொழில்நுட்பம் இடம்பெற்று இருக்கிறது. எனினும், இவற்றில் இத்தகைய தகவல் எதுவும் இடம்பெறவில்லை. காப்புரிமை தகவல்களின் படி புதிய டிஸ்ப்ளே பல்வித மூலைகளில் இருந்து நீட்டித்துக் கொள்ளும் திறன் கொண்டிருக்கிறது. காப்புரிமையில் சதுரங்க வடிவம் கொண்ட ஸ்மார்ட்போன் பற்றி எங்கும் குறிப்பிடப்படவில்லை.
எனினும், அதில் உள்ள தகவல்கள் இது அத்தகைய வடிவம் கொண்ட சாதனம் தான் என்பதை உணர்த்தும் வகையில் உள்ளது. இதுதவிர இந்த தொழில்நுட்பத்தை ஸ்மார்ட் டி.வி., ஏ.ஆர். எனப்படும் செயற்கை நுண்ணறிவு சாதனங்கள், ஸ்மார்ட்வாட்ச் உள்ளிட்டவைகளிலும் பயன்படுத்த முடியும் என தெரிகிறது. புதிய சாதனம் பற்றி சாம்சங் சார்பில் இதுவரை எந்த தகவலும் வழங்கப்படவில்லை.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்