நீங்கள் தேடியது "Apple"

ஆப்பிள் நிறுவனம் வருகிற மார்ச் மாதம் 4ஆம் தேதி நிகழ்ச்சி நடைபெற இருப்பதை உறுதிப்படுத்தி இருக்கிறது. இந்த நிகழ்வில் வைத்து ஆப்பிள் நிறுவனம் புதிய மேக், ஐபேட் மற்றும் ஐபோன் சார்ந்த அப்டேட்களை வழங்கும் என்று தெரிகிறது. ஆப்பிள் எக்ஸ்பீரியன்ஸ் நிகழ்வு மார்ச் 4ஆம் தேதி மாலை 6.30 மணிக்கு தொடங்குகிறது.

இந்த நிகழ்வில் பங்கேற்க தேர்வு செய்யப்பட்ட நிறுவனங்களுக்கு ஆப்பிள் சார்பில் அழைப்பு விடுக்கப்பட்டுள்ளது. எனினும், இதற்கான அழைப்பிதழில் சாதனங்கள் பற்றிய விவரங்களோ அல்லது நேரலையை உறுதிப்படுத்தும் விவரங்கள் எதுவும் இடம்பெறவில்லை. முன்னதாக ஆப்பிள் நிறுவனம் புதிய மேக்புக் மாடலை மார்ச் மாத வாக்கில் அறிமுகம் செய்வதாக தகவல்கள் வெளியான நிலையில், இந்த அறிவிப்பு வெளியிடப்பட்டுள்ளது.

மார்ச் 4ஆம் தேதி நடைபெறும் நிகழ்வில் ஆப்பிள் நிறுவனம் குறைந்த விலையில் புதிய மேக்புக் மாடல், M5 சிப்செட் கொண்ட மேக்புக் ஏர், M5 ப்ரோ மற்றும் M5 மேக்ஸ் பிராசஸர்கள் கொண்ட மேக்புக் ப்ரோ மாடல்கள், புதிய மேக் டிஸ்ப்ளேக்கள், ஐபோன் 17e, A18 சிப்செட் கொண்ட ஐபேட் மாடல், M4 சிப்செட் உடன் மேம்பட்ட ஐபேட் ஏர் உள்ளிட்ட சாதனங்கள் அறிமுகம் செய்யப்படலாம் என்று எதிர்பார்க்கப்படுகிறது.

ஆப்பிள் நிறுவனத்தின் முற்றிலும் புதிய குறைந்த விலை மேக்புக் மாடல் வருகிற மார்ச் மாத வாக்கில் அறிமுகம் செய்யப்படலாம் என தகவல் வெளியாகி வருகிறது. புதிய மேக்புக் குறித்து ஆப்பிள் வல்லுநரான மார்க் குர்மேன் வெளியிட்ட தகவல்களில், புதிய மேக்புக் மாடல் அலுமினியம் பில்டு, ஐபோன் தர பிராசஸர் மற்றும் பல்வேறு நிறங்களில் கிடைக்கும் என்று தெரிவிக்கப்பட்டுள்ளது. மேலும், இதன் விலை 1000 டாலர்கள், இந்திய மதிப்பில் ரூ. 90,691 வரை நிர்ணயம் செய்யப்படும் என தெரிகிறது.

தற்போது J700 என்ற குறியீட்டு பெயரில் உருவாகும் புதிய மேக்புக் மாடல் பிளாஸ்டிக் தவிர்த்து முழுமையான அலுமினியம் மூலம் தயாரிக்கப்பட்டு இருக்கும். இதற்காக ஆப்பிள் நிறுவனம் ரிவைஸ்டு ஷெல்-ஃபோர்ஜிங் வழிமுறையை உருவாக்கி இருக்கிறது. இது சற்றே குறைந்த விலை, அதிவேகமாக உற்பத்தி செய்யக்கூடியதாக இருக்கும். தற்போதைய நோட்புக் மாடலை விட புதிய மேக்புக் உற்பத்தி சற்றே குறைந்த விலையில் மேற்கொள்ள முடியும்.

விலையை குறைவாகவே வைத்திருக்க புதிய மேக்புக் மாடலில் தற்போதைய M சீரிஸ் பிராசஸரை விட ஐபோன் சிப்செட் வழங்கப்படுகிறது. இது டாப்-எண்ட் மேக் நோட்புக் மாடல்களில் இருந்த புதிய மேக்புக் மாடலை வித்தியாசப்படுத்தும். இந்த மாடலில் 13 இன்ச் அளவுக்கும் சிறிய டிஸ்ப்ளே வழங்கப்படுகிறது.

இதுவரை வெளியாகி இருக்கும் தகவல்களின் படி ஆப்பிள் நிறுவனம் புதிய மேக்புக் மாடலை லைட் எல்லோ, லைட் கிரீன், புளூ, பின்க், சில்வர் மற்றும் டார்க் கிரே என பல வண்ணங்களில் அறிமுகப்படுத்த திட்டமிட்டுள்ளது. எனினும், வெளியீட்டின் போது எத்தனை நிறங்கலில் இந்த மேக்புக் அறிமுகம் செய்யப்படும் என்பது கேள்விக்குறியாகவே உள்ளது. 

ஆப்பிள் நிறுவனம் விரைவில் ஒரு புதிய ஐபோன் மாடலை அறிமுகப்படுத்தும் என எதிர்பார்க்கப்படுகிறது. இது ஐபோன் 16e மாடலின் மேம்பட்ட வெர்ஷனாக இருக்கும் என தெரிகிறது. இந்த மாடல் ஐபோன் 17e என்ற பெயரில் விற்பனைக்கு வரும் என்று தெரிகிறது.

இது நிறுவனத்தின் ஒரு புதிய ஐபோன் ஆக இருக்கலாம். மேலும் இது முந்தைய மாடலைப் போலவே ஒட்டுமொத்தமாக அதே வடிவமைப்பை கொண்டிருக்கும். இருப்பினும், இதில் டைனமிக் ஐலேண்ட் அறிமுகப்படுத்தப்படலாம். இதனால், புதிய சாதனத்திலிருந்து பழைய பாரம்பரிய நாட்ச் அகற்றப்படும் என கூறப்படுகிறது.

முன்னதாக ஆப்பிள் நிறுவனம் தனது ஐபோன் 16e மாடலை பிப்ரவரி 19, 2025 அன்று இந்தியாவில் அறிமுகப்படுத்தியது. அதன்படி, அடுத்த புதிய ஐபோன் 17e மாடலும் விரைவில் அறிமுகம் செய்யப்படலாம்.

புதிய ஐபோனின் கேமரா பிரிவை பொறுத்தவரை, கடந்த ஆண்டு ஐபோன் 16e-யில் இருந்த அதே ஒற்றைக் கேமரா அமைப்பே இந்த மாடலிலும் வழங்கப்படும் என எதிர்பார்க்கப்படுகிறது. இது ஆப்பிள் இப்போது மாற்றக்கூடிய ஒரு விஷயமாகும். வழக்கமான ஐபோன் 17-ல் 120Hz ரிப்ரெஷ் ரேட் ஸ்கிரீன் உள்ளது. ஆனால் இதை ஸ்கிரீன் ஐபோன் 17e மாடலிலும் வழங்கப்படுமா என்பது கேள்விக்குறியான விஷயம் தான்.

ஐபோன் 17e மாடலில் புதிய A19 சிப்செட் வழங்கப்படலாம். ஐபோன் 16e மாடலில் A18 சிப்செட் உள்ளது, இது ஐபோன் 16 சீரிசில் வழங்கப்பட்டு சிப்செட் ஆகும். ஐபோன் 17e மாடலில் புதிய C1X மோடமும் இடம்பெறக்கூடும். முந்தைய ஐபோன் 16e மாடலில் தான் C1 5ஜி மோடம் முதல் முறையாக வழங்கப்பட்டது.

ஆப்பிள் நிறுவனம் தனது முதல் மடிக்கக்கூடிய ஐபோனை 2026ஆம் ஆண்டு அறிமுகப்படுத்தும் என நீண்ட காலமாக பேசப்பட்டு வருகிறது. ஐபோன் ஃபோல்டு (iPhone Fold) என அழைக்கப்படும் இந்த மாடல் மட்டுமல்லாமல், அதனைத் தொடர்ந்து மற்றொரு மடிக்கக்கூடிய ஐபோனையும் ஆப்பிள் உருவாக்க ஆராய்ந்து வருவதாக தகவல்கள் வெளியாகியுள்ளன.

புளூம்பெர்க் நிறுவனத்தின் மூத்த தொழில்நுட்ப செய்தியாளர் மார்க் குர்மன், வெளியிட்டுள்ள தகவல்களில், ஆப்பிளின் மடிக்கக்கூடிய ஐபோன் திட்டம் குறித்து விவரங்களை பகிர்ந்துள்ளார். அதன் படி, ஐபோன் ஃபோல்டு-ஐ விட சிறிய அளவிலான, கிளாம்ஷெல் (clamshell) வடிவமைப்பில் உருவாகும் ஐபோன் மாடலை ஆப்பிள் பரிசீலித்து வருகிறது. இது ஐபோன் ப்ளிப் (iPhone Flip) என அழைக்கப்படுகிறது.

இந்த ஐபோன் ப்ளிப் 2026ஆம் ஆண்டின் இரண்டாம் பாதியில் வெளியாகும் என எதிர்பார்க்கப்படும் ஐபோன் ஃபோல்டு மாடலுக்கு பின்னர் அறிமுகமாகலாம். இருப்பினும், இந்த மாடலின் உருவாக்கம் இன்னும் உறுதியான நிலையில் இல்லை என்றும், திட்டம் முழுமையாக செயல்படுத்தப்படுமா என்பது தெளிவில்லை என்றும் கூறப்படுகிறது.

தற்போது வரை கசிந்திருக்கும் தகவல்களின் படி, ஐபோன் ப்ளிப் மாடல் சதுர வடிவமைப்புடன், மோட்டோரோலா ரேசர் 60 அல்ட்ரா மற்றும் சாம்சங் கேலக்ஸி Z ஃப்ளிப் 7 போன்ற கிளாம்ஷெல் ஸ்மார்ட்போன்களுக்கு ஒத்த வடிவத்தில் இருக்கும் என கூறப்படுகிறது.

முதல் மடிக்கக்கூடிய ஐபோனான ஐபோன் ஃபோல்டுக்கு வாடிக்கையாளர்களிடையே நல்ல வரவேற்பு கிடைக்கும் என ஆப்பிள் நம்புகிறது. இதன் மூலம் மடிக்கக்கூடிய ஐபோன் மாடலுக்கு பொதுவாகவே அதிக தேவை உருவாகலாம் என்றும், வாடிக்கையாளர்கள் பல்வேறு வடிவமைப்புகளில் ஐபோன்களை எதிர்பார்க்கலாம் என்றும் மார்க் குர்மன் தெரிவித்துள்ளார்.

ஆப்பிள் நிறுவனம் நேற்று இரண்டாம் தலைமுறை ஏர்டேக் சாதனத்தை அறிமுகம் செய்தது. முதல் மாடல் வெளியிடப்பட்டு கிட்டத்தட்ட ஐந்து ஆண்டுகளுக்குப் பிறகு இது வருகிறது. அசத்தலான ஹார்டுவேர் அப்டேட்களுடன் ஆப்பிளின் புதிய ஏர்டேக் உருவாக்கப்பட்டு இருக்கிறது.

புதிய புளூடூத் டிராக்கரில் ஒரு புதிய அல்ட்ரா வைடு-பேண்ட் சிப் உள்ளது, இது அதிக துல்லியமான கண்டுபிடிப்பு வரம்பை வழங்குவதாகக் கூறப்படுகிறது. அதே நேரத்தில் புதுப்பிக்கப்பட்ட உள் வடிவமைப்பு சிறந்த ஸ்பீக்கர் வெளியீட்டை உறுதியளிக்கிறது. புதிய ஏர்டேக் இன்னும் ஒரு காயின் செல் பேட்டரியால் இயக்கப்படுகிறது மற்றும் IP67-மதிப்பிடப்பட்ட வாட்டர், டஸ்ட் ரெசிஸ்டண்ட் வசதியுடன் வருகிறது.

இந்தியாவில் ஆப்பிள் இரண்டாம் தலைமுறை ஏர்டேக் விலை ரூ. 3,790 என நிர்ணயிக்கப்பட்டுள்ளது. இது நான்கு பேக்காகவும் கிடைக்கிறது. இதன் விலை ரூ. 12,900 ஆகும். புதிய ஏர்டேக் ஆப்பிள் அதிகாரப்பூர்வ வலைதளம் மற்றும் ஆப்பிள் ஸ்டோரில் விற்பனைக்கு கிடைக்கிறது.

ஆப்பிள் இரண்டாம் தலைமுறை ஏர்டேக் அம்சங்கள்:

புதிய ஏர்டேக், ஆப்பிளின் ஃபைண்ட் மை நெட்வொர்க்கைப் பயன்படுத்தி பயனர்கள் தவறிய பொருட்களை எவ்வாறு கண்டறிகிறார்கள் என்பதை மேம்படுத்துவதில் கவனம் செலுத்தும் பல அப்டேட்களை கொண்டுவருகிறது. அதே நேரத்தில் முதல் தலைமுறை மாதிரியின் அதே சிறிய வடிவ காரணியைப் பராமரிக்கிறது. புளூடூத் டிராக்கரில் இரண்டாம் தலைமுறை அல்ட்ரா வைடுபேண்ட் சிப் உள்ளது, இது அதன் துல்லியக் கண்டுபிடிப்பு வரம்பை 50 சதவீதம் வரை அதிகரிக்கும் என்றும் பயனர்கள் பொருட்களை மிகவும் துல்லியமாகக் கண்டறிய உதவும் என்றும் கூறப்படுகிறது.

பயனர்கள் இப்போது ஆப்பிள் வாட்ச் சீரிஸ் 9 அல்லது அதற்குப் பிந்தைய மாடல்களிலும், ஆப்பிள் வாட்ச் அல்ட்ரா 2 அல்லது அதற்குப் பிந்தைய மாடல்களிலும் தங்கள் ஏர்டேக்கைக் கண்டறிய துல்லியக் கண்டுபிடிப்பைப் பயன்படுத்தலாம்.

இரண்டாம் தலைமுறை ஏர்டேக், பழைய ஏர்டேக்கை விட 50 சதவீதம் சத்தமாக புதிய ஸ்பீக்கருடன் புதுப்பிக்கப்பட்ட உள் வடிவமைப்பையும் கொண்டுள்ளது. பயனர்கள் இப்போது தங்கள் ஏர்டிஜியை முன்பை விட இரண்டு மடங்கு அதிகமாகக் கேட்க முடியும் என்று நிறுவனம் கூறுகிறது.

புதிய ஏர்டேக் CR2032 காயின் செல் பேட்டரியால் இயக்கப்படுகிறது, மேலும் இது "ஒரு வருடத்திற்கும் மேலான" பேட்டரி ஆயுளை வழங்குகிறது. இது வாட்டர் மற்றும் டஸ்ட் எதிர்ப்பிற்கான IP67 மதிப்பீட்டைக் கொண்டுள்ளது. புளூடூத் டிராக்கருக்கு iOS 26 அல்லது அதற்குப் பிந்தைய ஓஎஸ் கொண்ட ஐபோன், iPadOS 26 அல்லது அதற்குப் பிந்தைய பதிப்புடன் இணக்கமான ஐபேட் தேவை.

புதிய கருப்பு யூனிட்டி ஆப்பிள் வாட்ச் பேண்ட்

ஏர்டேக்குடன், ஆப்பிள் வாட்ச் யூனிட்டி கனெக்ஷன் பிரைடட் சோலோ லூப்பையும் வெளியிட்டது. கருப்பு வரலாற்று மாதத்தை கௌரவிப்பதற்கும் "இணைப்பின் சக்தியை" கொண்டாடுவதற்கும் இது அறிமுகப்படுத்தப்பட்டுள்ளதாக நிறுவனம் கூறுகிறது. யூனிட்டி கனெக்ஷன் பிரைடட் சோலோ லூப் இன்று முதல் ஆப்பிள் ஸ்டோர் ஆன்லைனிலும், ஆப்பிள் ஸ்டோரிலும் ஆர்டர் செய்யக் கிடைக்கிறது, இதன் விலை ரூ. 9,500 ஆகும்.

ஆப்பிள் நிறுவனம் பட்ஜெட் பிரிவில் லேப்டாப் அறிமுகம் செய்ய இருப்பதாக நீண்ட காலமாக தகவல்கள் வெளியாகி வருகின்றன. எனினும், இதுபற்றி அந்நிறுவனம் இதுவரை எந்த தகவலும் வழங்கவில்லை. மலிவு விலை லேப்டாப் சந்தையில் மற்ற நிறுவனங்களுடன் போட்டியிட ஆப்பிள் நிறுவனம் ஒரு முதன்மையான மேக்புக்கை அறிமுகப்படுத்துவதாக தொடர்ச்சியாக கூறப்பட்டது.

இந்த நிலையில், ஆப்பிள் நிறுவனத்தின் மலிவு விலை லேப்டாப் மாடல் இறுதியாக 2026 ஆம் ஆண்டில் விற்பனைக்கு வரக்கூடும் என்று ஒரு சந்தை ஆராய்ச்சி நிறுவனம் பகிர்ந்து கொண்ட சமீபத்திய குறிப்பில் தெரிவிக்கப்பட்டுள்ளது. இது தேர்ந்தெடுக்கப்பட்ட ஐபேட் ஏர் மற்றும் ஐபேட் ப்ரோ மாடல்களைப் போலவே 12.9 இன்ச் டிஸ்ப்ளேவையும், மேக்புக் ஏர் மாடலுக்கு கீழே ஸ்லாட்டையும் கொண்டிருக்கும் என்று எதிர்பார்க்கப்படுகிறது.

சந்தை ஆராய்ச்சி நிறுவனமான TrendForce பகிர்ந்து கொண்ட சமீபத்திய தகவல்களின்படி , ஆப்பிள் 12.9 இன்ச் மேக்புக்கை 2026 ஆண்டு மார்ச், ஏப்ரல் மற்றும் மே மாதங்களுக்கு இடையில் அறிமுகப்படுத்தும். இது என்ட்ரி-லெவலில் தொடங்கி மிட் ரேஞ்ச் அளவிலான லேப்டாப் பிரிவை இலக்காகக் கொள்ளும் என்று எதிர்பார்க்கப்படுகிறது.

இந்த மாடலின் உற்பத்தி 2025 ஆம் ஆண்டின் 3வது தொடங்கும் என்று முன்னர் எதிர்பார்க்கப்பட்டது, மேலும் ஆண்டு இறுதிக்குள் முழு அசெம்பிளி தொடங்கும் என்று கூறப்பட்டது.

முந்தைய தகவல்களின்படி, இந்த மேக்புக் மாடல் 12.9 இன்ச் ஸ்கிரீனை கொண்டிருக்கலாம், இது ஆப்பிளின் வரிசையில் மிகச்சிறிய ஸ்கிரீன் கொண்ட மேக்புக் ஆக தன்னை நிலைநிறுத்திக் கொள்ளும்.

இந்த லேப்டாப் A18 Pro சிப்செட் மூலம் இயக்கப்படலாம். இது ஐபோன் 16 ப்ரோ மற்றும் ஐபோன் 16 ப்ரோ மேக்ஸ் மாடல்களில் வழங்கப்பட்டுள்ளது. ஆப்பிள் சிலிகான் சிப்பில் M1 மேக்புக் ஏர்-ஐ போன்ற ஹெக்ஸா-கோர் CPU, ஹெக்ஸா-கோர் GPU மற்றும் 16-கோர் நியூரல் எஞ்சின் ஆகியவை உள்ளன.

குறைந்த விலை மேக்புக் மாடல் 8 ஜிபி ரேம் கொண்டிருக்கும் என்று தெரிவிக்கப்பட்டுள்ளது. இது தன்டர்போல்ட் போர்ட் போன்ற பல தரப்படுத்தப்பட்ட ஆப்பிள் அம்சங்களையும் கொண்டிருக்காமல் இருக்கலாம். அதற்கு பதிலாக, இது எளிய யுஎஸ்பி டைப் சி போர்ட்களைக் கொண்டிருக்கலாம்.

மேக்புக் ஏர் மற்றும் ப்ரோ மாடல்களைப் போலவே, குறைந்த விலை மேக்புக் புளூ, சில்வர், ரோஸ் கோல்டு மற்றும் எல்லோ உள்ளிட்ட பல பிரகாசமான வண்ணங்களில் வழங்கப்படலாம். அமெரிக்காவில் இதன் விலை $699 (தோராயமாக ரூ. 63,000) முதல் $799 (தோராயமாக ரூ. 72,000) வரை தொடங்கும் என்று எதிர்பார்க்கப்படுகிறது.

ஐபோன் உற்பத்தி செய்யும் ஆப்பிள் நிறுவனம், கடந்த ஆண்டு நூற்றுக்கணக்கான ஊழியர்களை பணிநீக்கம் செய்தது.

இந்நிலையில், தற்போது, தனது விற்பனை பிரிவில் பணியாற்றும் டஜன் கணக்கான ஊழியர்களை பணிநீக்கம் செய்துள்ளது. நேரடி விற்பனையில் ஈடுபடாமல், மூன்றாம் தரப்பு மூலம் விற்பனையில் ஈடுபட ஆப்பிள் நிறுவனம் திட்டமிட்டு இருப்பதாக ஊழியர்கள் சந்தேகிக்கிறார்கள்.

அதை உறுதி செய்த ஆப்பிள் நிறுவனம், அதிகமான வாடிக்கையாளர்களை எட்ட அதுவே சிறந்த வழி என்று தெரிவித்துள்ளது. நீக்கப்பட்ட ஊழியர்கள், ஆப்பிள் நிறுவனத்தில் வேறு பிரிவில் விண்ணப்பிக்கவோ அல்லது வெளியேறவோ ஜனவரி 20-ந் தேதி கடைசிநாள் என்று தெரிவித்துள்ளது.

மேலும் பணி நீக்கம் செய்யப்பட்ட ஊழியர்களில் பலர் நிறுவனத்தின் 20 முதல் 30 ஆண்டுகள் பணியாற்றிவர்கள் என்பது குறிப்பிடத்தக்கது. 

ஆப்பிள் நிறுவனம் ஐபோன் பாக்கெட் என்கிற மொபைல் ஆக்சரி ஒன்றை விற்பனைக்கு அறிமுகப்படுத்தி உள்ளது. இந்த மொபை ஆக்ஸசரி வேறு ஒன்றும் இல்லை.. துணியால் பின்னப்பட்ட மொபைல் வைப்பதற்கான ஒரு தோள் பை.

இது, ஆப்பிள் நிறுவனம், ஜப்பானிய ஆடை வடிவமைப்பாளரான இஸ்ஸி மியாகேவுடன் இணைந்து அறிமுகப்படுத்திய லிமிடெட் எடிஷன் அக்சஸரி ஆகும்.

3D பின்னப்பட்ட துணியால் (3D-knit fabric) தயாரிக்கப்பட்ட ஒரு சிறிய பாக்கெட் வடிவிலான தோள் பை, ஐபோன், ஏர்பாட்ஸ் மற்றும் பிற சிறிய அத்தியாவசிய பொருட்களை வைத்து எடுத்துச் செல்ல உதவுகிறது.

இந்த மொபைல் பாக்கெட் இன்று முதல், ஆப்பிள் ஸ்டோர்களிலும், பிரான்ஸ், கிரேட்டர் சீனா, இத்தாலி, ஜப்பான், சிங்கப்பூர், தென் கொரியா, இங்கிலாந்து மற்றும் அமெரிக்காவில் உள்ள ஆப்பிள் இணையதளத்திலும் கிடைக்கிறது.

இதன் வடிவமைப்பு திறந்தவெளி அமைப்புடன் (open structure) கூடிய பாக்கெட், ஸ்டைலிஷாக கையில் அல்லது தோளில் அணிந்து கொள்ளும் வகையில் உள்ளது.

மொபைல் பாக்கெட் வகைகள் மற்றும் விலை: கையில் மட்டும் மாட்டக்கூடிய ஷார்ட் ஸ்ட்ராப் வெர்ஷன் ரூ.13,300,லாங் ஸ்ட்ராப் வெர்ஷன் (தோளில் அணியும்): ரூ.20,379 என நிர்ணயிக்கப்பட்டுள்ளது.

ஆப்பிள் நிறுவனத்தால் ஹை-பேஷன் ஆக்ஸசரி என அறிமுகப்படுத்தப்பட்டுள்ள இந்த ஐபோன் பாக்கெட்-ஐ கண்டு நெட்டிசன்கள் கிண்டலடித்து வருகின்றனர்.

கடந்த 11ம் தேதி அறிமுகப்படுத்தப்பட்ட இந்த ஐபோன் பாக்கெட் ஸ்டைலாக அணிந்து செல்ல உதவும் என்று ஆப்பிள் நிறுவனம் கூறினாலும், வர்த் இல்லை என்றும் விமர்சனங்கள் எழுகிறது.

இது ஒரு சாதாரண துணி பை போன்று இருப்பதாகவும், இதற்காக விலை ரூ.20,000 ? எனவும் நெட்டிசன்கள் வாயை பிளக்கின்றனர்.

ஆப்பிள் நிறுவனம் கடந்த செப்டம்பர் மாதத்தில் தனது மிக மெல்லிய ஐபோன் மாடல்- "ஐபோன் ஏர்" அறிமுகம் செய்தது. ஐபோன் ஏர்-ஐ விட, ஐபோன் ஏர் 2 பெருமளவு வெற்றி பெறும் என்று எதிர்பார்க்கப்படுகிறது. ஆப்பிள் நிறுவனம் புதிய ஐபோன் ஏர் மாடலை உருவாக்கும் பணிகளில் ஈடுபட்டு வருவது இன்னும் உறுதிப்படுத்தப்படவில்லை.

எனினும், ஐபோன் ஏர் 2 மாடல் பற்றிய விவரங்கள் இணையத்தில் வெளியாகி உள்ளது. புதிய ஐபோன் ஏர் 2 ரெண்டர் ஆன்லைனில் வெளியாகி உள்ளது. ரெண்டரில் புதிய ஐபோனின் வடிவமைப்பை வெளிப்படுத்துகிறது. மிக மெல்லிய மற்றும் லேசான கைபேசியின் சில முக்கிய அம்சங்களை ஒரு டிப்ஸ்டர் பகிர்ந்துள்ளார்.

ஐபோன் ஏர் 2 அதன் முந்தைய மாடலை போலவே அதே அளவிலான தோற்றம் கொண்டிருக்கலாம். மீண்டும் மீண்டும் மேம்படுத்தல்களை வழங்கும் என்று எதிர்பார்க்கப்பட்டாலும், கேமரா துறையில் இது ஒரு பெரிய அப்டேட் பெறும் என்று தெரிகிறது.

ஐபோன் ஏர் 2 எதிர்பார்க்கப்படும் அம்சங்கள்:

சீனாவின் வெய்போ தள பதிவில், டிப்ஸ்டர் டிஜிட்டல் சாட் ஸ்டேஷன் ஐபோன் ஏர் 2 ரெண்டரை பகிர்ந்துள்ளது. இது அதன் வடிவமைப்பைக் காட்டுகிறது. இந்த போன் அதன் முந்தைய மாடலை போலவே வெள்ளை நிறத்தில் காட்சி அளிக்கிறது. மேலும், புதிய ஐபோன் ஏர் 2 இரட்டை பின்புற கேமரா அமைப்பைக் கொண்டிருக்கலாம்.

தற்போது வெளியாகி இருக்கும் தகவல்கள் உண்மையாகும் படச்த்தில், இந்த ஆண்டு வெளியாகி இருக்கும் ஐபோன் ஏர் மாடலை விட இது குறிப்பிடத்தக்க அப்டேட் பெறக்கூடும். புதிய ஐபோன் ஏர் மாடலில் 48MP பிரைமரி கேமராவுடன் வருகிறது.

மற்ற வடிவமைப்புகள் ஐபோன் ஏர் போலவே இருக்கும் என்று தெரிகிறது. ஆக்ஷன் பட்டனுடன் சேர்ந்து, ஐபோனின் இடது பக்கத்தில் வால்யூம் கண்ட்ரோல்கள் இடம்பெற்று இருக்கும். பின்புற பேனலில் இரண்டு கேமரா லென்ஸ்கள், ஒரு பிரத்யேக மைக்ரோபோன் மற்றும் ஒரு எல்இடி ஃபிளாஷ் ஆகியவற்றைக் கொண்ட மாத்திரை வடிவ கேமரா பம்ப் இடம்பெறலாம்.

ஐபோன் ஏர் 2 அம்சங்களை பொருத்தவரை, இதில் 6.5 இன்ச் டிஸ்ப்ளேவை கொண்டுள்ளது. புகைப்படங்கள் எடுக்க ஐபோன் ஏர் 2 மாடலில் 48MP பிரைமரி கேமரா, 48MP அல்ட்ரா-வைடு கேமரா கொண்டிருக்கலாம்.

உலகின் பலதரப்பட்ட மக்களும் ஆப்பிளை எடுத்துக்கொள்கின்றனர். ஒவ்வொரு ஆண்டும் உலகளவில் கிட்டத்தட்ட 100 மில்லியன் டன் ஆப்பிள்கள் உற்பத்தி செய்யப்படுகின்றன. "An apple a day keeps the doctor away". அதாவது ஒரு நாளைக்கு ஒரு ஆப்பிள் சாப்பிட்டால் மருத்துவரிடம் செல்லவே வேண்டாம் என்று சொல்லப்படுகிறது. ஆனால் நீண்டகாலமாக சொல்லப்பட்டு வரும் இந்த தொடர் உண்மையா? உண்மையில் தினசரி ஆப்பிள் சாப்பிட்டால் மருத்துவரை சந்திக்க நேராதா? பார்ப்போம். 

இதய ஆரோக்கியத்தை ஆதரிக்கிறது

ஆப்பிளை தோலுடன் எடுத்துக்கொள்வதுதான் அதிக நன்மை பயக்கும். ஆப்பிள்கள் நார்ச்சத்து, பாலிபினால்கள் மற்றும் இதய ஆரோக்கியத்தை ஆதரிக்கும் பிற ஊட்டச்சத்துக்களின் வளமான மூலமாகும். தினசரி ஒரு ஆப்பிள் எடுத்துக்கொள்வது இதயநோய் அபாயத்தை குறைப்பதோடு அதிக கொழுப்பு, உயர் ரத்த அழுத்தம் போன்ற ஆபத்து காரணிகளையும் குறைக்கிறது. மேலும் தினசரி ஆப்பிள் சாப்பிடுவது இதயநோயால் இறக்கும் அபாயத்தை 25% குறைக்கிறது என கண்டறியப்பட்டுள்ளது.

செரிமானத்தை மேம்படுத்தும்

ஆப்பிள்கள் பெக்டினின் நல்ல மூலமாகும். இது கரையக்கூடிய நார்ச்சத்து ஆகும். இது செரிமானத்தை மேம்படுத்தும். பெக்டின் குடலில் நன்மை பயக்கும் பாக்டீரியாக்களின் வளர்ச்சி மற்றும் செயல்பாட்டை ஊக்குவிக்கும் ஒரு ப்ரீபயாடிக்காவும் செயல்படுகிறது.

எடை இழப்பு

ஆப்பிள்களில் நீர் மற்றும் நார்ச்சத்து அதிகமாக இருந்தாலும் கலோரிகள் குறைவாக உள்ளன. இதனால் தினசரி கலோரி உட்கொள்ளல் குறையும். நார்ச்சத்து நிறைந்த பழங்கள் மற்றும் காய்கறிகளை அதிகமாக உட்கொள்வது எடை இழப்புக்கு வழிவகுக்கும் என்று ஆய்வுகள் தெரிவிக்கின்றன. 

நீரிழிவு நோயை தடுக்கலாம்

ஆப்பிள், பேரிக்காய் எடுத்துக்கொள்வது வகை 2 நீரிழிவு நோய் ஆபத்தை 18% குறைக்கின்றன என கண்டறியப்பட்டுள்ளது. வாரத்திற்கு ஒரு முறை சாப்பிட்டாலும் நீரிழிவு நோய் அபாயத்தை 3% குறைக்கமுடியும் என கண்டறியப்பட்டுள்ளது. இதற்கு காரணம் ஆப்பிளில் உள்ள குர்செடின் உள்ளிட்ட ஃபிளாவனாய்டுகளின் செறிவு ஆகும். இது இரத்த சர்க்கரையை குறைக்கவும், இன்சுலின் உணர்திறனை மேம்படுத்தவும் உதவும். ஆப்பிளில் உள்ள கரையக்கூடிய நார்ச்சத்து, கார்போஹைட்ரேட்டுகள் செரிமானமாவதையும், இரத்த ஓட்டத்தில் குளுக்கோஸ் உறிஞ்சப்படுவதையும் மெதுவாக்குவதன் மூலம், இரத்த சர்க்கரை அளவு திடீரென உயர்வதைத் தடுத்து, நீரிழிவு நோயைத் தடுக்க உதவும்.  

தினசரி ஒரு ஆப்பிள் சாப்பிடுவது இதயநோயால் இறக்கும் அபாயத்தை 25% குறைக்கிறது

புற்றுநோய் அபாயத்தை குறைக்கும்

ஆப்பிள்களில் ஆன்டிஆக்ஸிடன்ட்கள் நிறைந்துள்ளன. அவை புற்றுநோயை உண்டாக்கும் ஃப்ரீ ரேடிக்கல்களை நடுநிலையாக்குவதன் மூலம் புற்றுநோய் அபாயத்தைக் குறைக்கின்றன. கூடுதலாக, ஆப்பிளில் உள்ள பைட்டோ கெமிக்கல்கள் புற்றுநோய் செல்களின் வளர்ச்சியை மெதுவாக்கவும், அவை பெருகுவதைத் தடுக்கவும் உதவும் என்றும் கூறப்படுகிறது. ஆப்பிளில் காணப்படும் நார்ச்சத்து பெருங்குடல் புற்றுநோயிலிருந்து பாதுகாக்கவும் உதவும் .

மூளை ஆரோக்கியம்

பழங்கள் மற்றும் காய்கறிகளில் உள்ள ஆக்ஸிஜனேற்றிகள் அறிவாற்றல் செயல்பாட்டிற்கு பயனளிக்கக்கூடும், குறிப்பாக வயதானவர்களுக்கு. ஆப்பிளில் உள்ள குர்செடின் மூளையில் உள்ள நியூரான்களை ஆக்ஸிஜனேற்ற சேதத்திலிருந்து பாதுகாக்கவும், அல்சைமர் நோயைத் தடுக்கவும் உதவும் என்று ஆய்வுகள் தெரிவிக்கின்றன.

அபாயங்கள்

ஆப்பிள்களை சரியான அளவு எடுத்துக்கொள்வது எந்தவித பக்கவிளைவுகளையும் ஏற்படுத்தாது. ஆனால் சிலருக்கு ஆப்பிள் சாப்பிட்ட பிறகு வீக்கம், வாயு பிரச்சனைகள், செரிமான பிரச்சனைகள் ஏற்படுகின்றன. ஏனெனில் ஆப்பிளில் செரிமானப் பிரச்சனைகளை ஏற்படுத்தக்கூடிய பிரக்டோஸ் மோனோசாக்கரைடும், சர்பிடால் பாலியோலும் உள்ளது. ஆப்பிள் சாப்பிடுவது சிலருக்கு ஒவ்வாமையை ஏற்படுத்தும். அவர்கள் தவிர்த்துகொள்ளலாம். இறுதியில், ஒரு நாளைக்கு ஒரு ஆப்பிள் சாப்பிடுவது உடலுக்கு பலன்களை கொடுக்கும். ஆனால் அது வெறும் ஆப்பிள் சாப்பிடுவதை மட்டும் குறிப்பதல்ல. நாம் எடுத்துக்கொள்ளும் ஊட்டச்சத்து உணவின் ஒரு பகுதியாக ஆப்பிள் இருக்கவேண்டும். ஒட்டுமொத்தமாக ஒரு ஆப்பிள் சாப்பிட்டுவிட்டு ஆரோக்கியத்தை தேடினால் கிடைக்காது.

ஆப்பிள் நிறுவனம் தனது ஐபேட் ப்ரோ சீரிசை அப்டேட் செய்துள்ளது. இவை கடந்த ஆண்டு வெளியான M4 சிப்செட் கொண்ட மாடல்களின் மேம்பட்ட வெர்ஷன் ஆகும். புதிய ஐபேட் ப்ரோ சமீபத்திய M5 சிப்செட் கொண்டிருக்கின்றன.

இந்த டேப்லெட் வழக்கம் போல் 11-இன்ச் மற்றும் 13-இன்ச் என இருவித அளவுகளில் கிடைக்கிறது. இவை புதிய M5 சிப்செட் உடன் வருகிறது. இதன் 256GB மற்றும் 512GB மாடல்களில் 9-கோர் CPU உடன் 3 பெர்ஃபார்மன்ஸ் கோர்கள் மற்றும் 12GB RAM உள்ளது. இதன் 1TB மற்றும் 2TB மாடல்களில் 10-கோர் CPU மற்றும் 16GB RAM உள்ளது. இவை இரண்டும் 10-கோர் GPU மற்றும் 16-கோர் நியூரல் எஞ்சினைக் கொண்டுள்ளன.

ஐபேட் ப்ரோவின் செல்லுலார் மாடல்கள் C1X மோடம் கொண்டுள்ளன. அவை 50% வேகமான செல்லுலார் தரவு செயல்திறனை உறுதியளிக்கின்றன. மேலும் செயலில் உள்ள செல்லுலார் பயனர்களுக்கு, M4 உடன் ஐபேட் ப்ரோவை விட 30% வரை குறைவான மின் பயன்பாட்டை உறுதியளிக்கின்றன என்று ஆப்பிள் தெரிவித்துள்ளது.

புதிய ஐபேட் ப்ரோ மாடலில், வைஃபை 7, ப்ளூடூத் 6 மற்றும் த்ரெட் ஆகியவற்றை இயக்கும் புதிய ஆப்பிள் வடிவமைத்த வயர்லெஸ் நெட்வொர்க்கிங் சிப்: N1 இடம்பெற்றுள்ளது. 5GHz நெட்வொர்க்குகளுடன் இணைக்கப்படும்போது N1 சிறந்த செயல்திறனைக் கொண்டுவருகிறது. மேலும் பெர்சனல் ஹாட்ஸ்பாட் மற்றும் ஏர் டிராப் போன்ற அம்சங்களின் ஒட்டுமொத்த செயல்திறன் மற்றும் நம்பகத்தன்மையை மேம்படுத்துகிறதும் என்று ஆப்பிள் தெரிவித்துள்ளது.

M5 சிப்செட் உடன் வரும் புதிய ஐபேட் ப்ரோ ஃபாஸ்ட் சார்ஜிங் ஆதரிக்கிறது. ஆப்பிளின் புதிய 40W டைனமிக் பவர் அடாப்டர், 60W மேக்ஸ் ஆப்ஷனல் யுஎஸ்பி சி பவர் அடாப்டர் பயன்படுத்தி சுமார் 30 நிமிடங்களில் 50% வரை சார்ஜ் செய்ய உதவுகிறது.

ஐபேட் ப்ரோ (2025) சில்வர் மற்றும் ஸ்பேஸ் கிரே நிறங்களில் கிடைக்கிறது.

புதிய ஐபேட் ப்ரோ 11 இன்ச் வைபை 256 ஜிபி மாடல் ரூ. 99,900 என்றும், ஐபேட் ப்ரோ 11-இன்ச் (வைபை + செல்லுலார்) 256 ஜிபி – ரூ. 1,19,900 என்றும் ஐபேட் ப்ரோ 13-இன்ச் (வை-பை) 256 ஜிபி ரூ. 1,29,900 என்றும்

ஐபேட் ப்ரோ 13-இன்ச் (வைபை + செல்லுலார்) 256 ஜிபி – ரூ. 1,49,900 என்றும் நிர்ணயம் செய்யப்பட்டுள்ளது.

2025 ஐபேட் ப்ரோ மாடல்கள் அக்டோபர் 22ஆம் தேதி முதல் ஆப்பிள் ஸ்டோர் மற்றும் ஆப்பிள் அங்கீகரிக்கப்பட்ட மறுவிற்பனை மையங்களில் விற்பனைக்கு கிடைக்கும்.

ஆப்பிள் நிறுவனத்தின் ஐபோன் 17 சீரிஸ், புத்தம் புதிய ஐபோன் ஏர், ஆப்பிள் வாட்ச் சீரிஸ் 11 மற்றும் ஏர்போட்ஸ் ப்ரோ (3வது தலைமுறை) அனைத்தும் இம்மாதம் 9ஆம் தேதி நடந்த 'Awe Dropping' நிகழ்வில் அறிமுகம் செய்யப்பட்டன. ஆப்பிள் அதன் சமீபத்திய ஹார்டுவேர் சாதனங்களைக் காட்சிப்படுத்திய சில நாட்களுக்குப் பிறகு, இந்த புதிய தயாரிப்புகள் இந்தியாவில் முன்பதிவு செய்யப்பட்டு வந்தன. இப்போது, புதிய ஐபோன், ஆப்பிள் வாட்ச் மற்றும் ஏர்போட்ஸ் மாடல்கள் விற்பனைக்கு கிடைக்கின்றன.

ஆப்பிளின் சமீபத்திய சாதனங்கள் தற்போது ஆப்பிள் இந்தியா வலைத்தளம், ஆப்பிள் ஸ்டோர், முன்னணி ஆன்லைன் தளங்கள் மற்றும் இந்தியாவில் உள்ள பிற ஆஃப்லைன் சில்லறை விற்பனையாளர்களிடம் இருந்து வாங்குவதற்குக் கிடைக்கின்றன.

கூடுதலாக, அவை டெல்லி, மும்பை, புனே மற்றும் பெங்களூருவில் அமைந்துள்ள இந்தியாவில் உள்ள ஆப்பிளின் அதிகாரப்பூர்வ கடைகள் வழியாகவும் கிடைக்கும்.

இன்று விற்பனைக்கு வந்த ஐபோன் 17 சீரிஸை வாங்க ஆப்பிள் ஸ்டோர் நிறுவனங்கள் முன்பு நள்ளிரவு முதலே வாடிக்கையாளர்கள் குவிந்த வண்ணம் இருந்தனர். விடிய, விடிய நீண்ட வரிசையில் வாடிக்கையாளர்கள் காத்திருக்கும் வீடியோக்கள் சமூக வலைத்தளங்களில் வைரலாகி வருகிறது.

இதனிடையே, நீண்ட வரிசையில் காத்திருந்து ஐபோனை வாங்கிய வாடிக்கையாளர்கள் மகிழ்ச்சியின் உச்சத்திற்கே சென்றனர். டெல்லி மற்றும் மும்பை ஆப்பிள் நிறுவனங்கள் முன்பு பல அடி தூரத்திற்கு வாடிக்கையாளர்கள் நீண்ட வரிசையில் காத்திருந்தனர். இதுதொடர்பான வீடியோக்கள் சமூக வலைத்தளங்களில் வைரலாகி பேசுபொருளாகி உள்ளது.