என் மலர்

    கரூர்

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மாயமான கல்லூரி மாணவர் கண்டுபிடிக்கப்பட்டார்.
    • அறிவுரைகள் கூறி அனுப்பி வைத்தனர்.

    கரூர்:

    கரூர் காக்காவாடியை சேர்ந்த கவின் (வயது 18). இவர் தளவாபாளையத்தில் உள்ள ஒரு தனியார் பொறியியல் கல்லூரியில் முதலாமாண்டு படித்து வந்தார். இந்தநிலையில் நேற்று முன்தினம் கல்லூரி சென்ற கவினை மாலை வெகுநேரம் ஆகியும் வீடு திரும்பவில்லை.

    இதையடுத்து மாயமான கவினை கண்டுபிடித்து தருமாறு வேலாயுதம்பாளையம் போலீஸ் புகார் செய்யப்பட்டது. இந்தநிலையில், குளத்துப்பாளையம் பகுதியில் உறவினரின் வீட்டில் கவின் இருப்பதாக தெரியவந்தது. இதையடுத்து நேற்று கவினை உறவினர்கள் வேலாயுதம்பாளையம் போலீஸ் நிலையத்திற்கு அழைத்து வந்து போலீஸ் இன்ஸ்பெக்டர் வினோதினி முன்பு ஆஜர்படுத்தினர். மாணவனுக்கு அறிவுரைகள் கூறி மாணவரின் தாயாருடன் அனுப்பி வைத்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சீனிவாச பெருமாள் கோவிலில் சிறப்பு அபிஷேகம் நடந்தது
    • திரவியங்களால் அபிஷேகம் நடைபெற்றது

    கரூர்:

    நொய்யல் அருகே கோம்புப்பாளையத்தில் உள்ள சீனிவாச பெருமாள் கோவிலில் வைகாசி மாத ஏகாதசியை முன்னிட்டு பூதேவி, ஸ்ரீதேவி சமேத சீனிவாச பெருமாளுக்கு பால், தயிர், பன்னீர், இளநீர் உள்ளிட்ட 18 வகையான வாசனை திரவியங்களால் அபிஷேகம் நடைபெற்றது.

    தொடர்ந்து மலர்களால் அலங்காரம் செய்யப்பட்டு தீபாராதனை நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர். பக்தர்களுக்கு பிரசாதம் வழங்கப்பட்டது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கர்ப்பிணிகளுக்கு ஊட்டச்சத்து பெட்டகம் வழங்கும் திட்டத்தை அமைச்சர் தொடங்கி வைத்தார்
    • ரூ.50 லட்சத்தில் இத்திட்டம் செயல்படுத்தப்படும்

    கரூர்:

    கரூர் கஸ்தூரிபாய் தாய்சேய் நல மையத்தில் கர்ப்பிணிகளுக்கு பொக்கிஷம் ஊட்டச்சத்து பெட்டகம் வழங்கும் நிகழ்ச்சி மாவட்ட கலெக்டர் த.பிரபுசங்கர் தலைமையில் நடைபெற்றது. மாநில மின்சாரம், மதுவிலக்கு மற்றும் ஆயத்தீர்வைத்துறை அமைச்சர் வி.செந்தில்பாலாஜி கர்ப்பிணிகளுக்கு பொக்கிஷம் ஊட்டச்சத்து பெட்டகம் வழங்கி திட்டத்தை தொடங்கி வைத்து பேசியதாவது:

    கரூர் மாவட்டத்தில் கர்ப்பிணிகளுக்கு ரத்த சோகை, ஊட்டச்சத்து குறைப்பாடு காரணமாக எடை குறைவான குழந்தைகள் பிறப்பு, மகப்பேறு மரணம் நிகழ்வதை குறைக்கும் நோக்கோடு வருங்காலங்களில் 4 மாதங்கள் நிறைவுற்ற கர்ப்பிணிகளுக்கு ஆண்டுக்கு 5,000 கர்ப்பிணிகளுக்கு பொக்கிஷம் ஊட்டச்சத்து பெட்டகம் வழங்கப்பட உள்ளது.

    முதல் முறை கருவுற்ற தாய்மார்கள், சிக்கலான பிரசவம் உள்ளவர்கள், அரசு மருத்து வமனையில் பிரசவத்திற்கு ஒப்புதல் தெரிவித்தவர்கள், முதல் பிரசவம் அரசு மருத்துவமனையில் நடைபெற்று 2வது முறை கருவுற்றவர்கள் என வாரத்திற்கு 100 கர்ப்பிணிகள் வீதம் ஆண்டுக்கு 5,000 கர்ப்பிணிகளுக்கு பொக்கிஷம் சிறப்பு ஊட்டச்சத்து பெட்டகம் வழங்கப்படும்.

    5,000 கர்ப்பிணிகளுக்கு தலா ஆயிரம் வீதம் ரூ.50 லட்சத்தில் இத்திட்டம் செயல்படுத்தப்படும். இதில் பாசிப்பருப்பு, சிவப்பரிசி, கருப்பு உளுந்து, கம்பு லட்டுகள், முருங்கை பொடி, கடலை மிட்டாய், ராகி முறுக்கு, பாதாம் மிக்ஸ், நெய், பேரிச்சை அடங்கி உள்ளது. மகளிர் சுய உதவிக்குழுவினரை கொண்டு ஊட்டச்சத்து பெட்டகம் தயாரிக்கப்படுகிறது என்றார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஜூலை 2-ந் தேதி கரூர் வருகை தரும் தமிழக முதல்வர் மு.க.ஸ்டாலின் புதிய திட்டங்களுக்கு அடிக்கல் நாட்டுகிறார்
    • நலத்திட்ட உதவிகளும் வழங்குகிறார்

    கரூர்:

    ஜூலை 2-ந் தேதி கரூர் வருகை தரும் தமிழக முதல்வர் மு.க.ஸ்டாலின் புதிய திட்டங்களுக்கு அடிக்கல் நாட்டி, முடிந்த பணிகளை தொடங்கி வைக்கவுள்ளார் என மின்சாரம், மதுவிலக்கு மற்றும் ஆயத்தீர்வைத் துறை அமைச்சர் செந்தில்பாலாஜி தெரிவித்தார்.

    கரூர் மாவட்டத்துக்கு ஜூலை 2-ந் தேதி முதல்வர் வருகை தந்து பயனாளிகளுக்கு நலத்திட்ட உதவிகள் வழங்க உள்ளதையடுத்து விழா நடைபெறும் திருமாநிலையூர் திடலை அமைச்சர் பார்வையிட்டு ஆய்வு செய்தார்.

    தொடர்ந்து மாவட்ட கலெக்டர் அலுவலகத்தில் முதல்வரின் வருகையை முன்னிட்டு நடைபெற்ற முன்னேற்பாடு பணிகள் குறித்த அனைத்து அலுவலர்களுடனான ஆலோசனைக்கூட்டத்தில் பங்கேற்ற அமைச்சர் செய்தியாளர்களுக்கு பேட்டியளித்தார்.

    அப்போது அவர் கூறியதாவது,

    தமிழக முதல்வர் மு.க.ஸ்டாலின் கரூர் மாவட்டத்திற்கு ஜூலை 2-ந் தேதி வருகை தந்து, 76 ஆயிரம் பயனாளிகளுக்கு அரசின் நலத்திட்ட உதவிகளை வழங்க உள்ளார். மேலும் புதிய திட்டங்களுக்கு அடிக்கல் நாட்டி, முடிந்த பணிகளையும் தொடங்கி வைக்க உள்ளார். இதற்கான ஏற்பாடுகள் தீவிரமாக நடைபெற்று வருகிறது.

    நான்கு சட்டப்பேரவை தொகுதிகள் அடங்கிய கரூர் மாவட்டத்தில் முதல்வர் பதவியேற்ற ஒராண்டில் 76 ஆயிரத்தற்கும் மேற்பட்ட பயனாளிகளுக்கு நலத்திட்ட உதவிகள் வழங்க வருகை தரும் அவரை மாவட்ட நிர்வாகம் சார்பில் வரவேற்கிறோம்.

    கடலில் காற்றாலைகள் நிறுவி மின் உற்பத்தி செய்வது தொடர்பாக ஸ்காட்லாந்து சென்று, அங்கே கடலில் காற்றாலைகள் எவ்வாறு நிறுவப்பட்டிருக்கிறது, திட்டச் செலவுகள் எவ்வளவு செலவாகும் என ஆய்வு செய்த பின்னரே இத் திட்டம் முழுவடிவம் ெபறும்.

    தமிழகத்தில் இந்த திட்டத்தை நிறைவேற்ற முதல்வர் மற்றும் அதிகாரிகளுடன் ஆலோசித்து முடிவெடுப்போம். சுமார் 50 கி.மீ. கடலுக்குள் கேபிள் அமைத்துத்தான் கடல் காற்றாலையில் மின் உற்பத்தியை பெற முடியும் .

    இவ்வாறு அமைச்சர் தெரிவித்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மருத்துவ சீட் வாங்கி தருவதாக கூறி ரூ.4.70 லடசம் மோசடி செய்தவரை போலீசார் கைது செய்தனர்.
    • அறக்கட்டளை நடத்தி வருகிறார்

    கரூர்:

    கரூர் நரிக்கட்டியூரை சேர்ந்தவர் ராமசாமி. இவரது மகள் ரசிகா பிளஸ்2 முடித்துவிட்டு நீட் தேர்வும் எழுதியுள்ளார். இந்நிலையில் கடந்த மார்ச் மாதம் 31-ந் தேதி ராமசாமியின் கைப்பேசிக்கு மதுரையில் இருந்து ஒருவர் பேசியுள்ளார். அவர், ஹிசீட் எஜூகேசனல் டிரஸ்ட் என்ற பெயரில் அறக்கட்டனை நடத்தி வருவதாகவும், உங்கள் மகள் நீட் தேர்வு எழுதியுள்ளார். இருப்பினும் எங்களுக்கு தெரிந்த கல்வி நிறுவனங்கள் உள்ளன.

    அதில் மிகவும் குறைந்த தொகையில் மருத்துவம் பயில சீட் வாங்கித் தருவதாக கூறியுள்ளார். மேலும் முன் தொகையாக ரூ.4.70 லட்சம் கொடுக்க வேண்டும் எனகூறியுள்ளார்.

    இதனை நம்பி, ராமசாமி ரூ.4.70 லட்சம் அனுப்பினாராம். பணம் அனுப்பிய 2 நாட்களில் அந்த நபரை கைபேசியில் அழைத்த போது பதில் இல்லையாம். இதனால் ஏமாற்றம் அடைந்ததாக கருதிய ராமசாமி கரூர் மாவட்ட பொருளாதார குற்றப்பிரிவு போலீசில் புகார் கொடுத்தார். போலீசார் வழக்கு பதிவு செய்து, மதுரை சர்வேயர் காலனியில் அறக்கட்டளை நடத்தி வந்த ரகுநாதபாண்டியன் என்பவரை கைது செய்து விசாரணை நடத்தி வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மகளிர் கல்லூரி பேருந்து கரூரிலிருந்து 60 மாணவிகளுடன் இன்று காலை கரூரை அடுத்த வெண்ணைமலை பகுதியில் சென்று கொண்டிருந்தது
    • வெண்ணைமலை பகுதியில் சாலையோரம் நின்று கொண்டிருந்த தனியாருக்கு சொந்தமான அரிசி லாரியின் மீது கல்லூரி பேருந்து மோதியது.

    கரூர்:

    நாமக்கல் மாவட்டம், திருச்செங்கோடு பகுதியில் அமைந்துள்ள தனியார் மகளிர் கல்லூரி பேருந்து வழக்கம்போல கரூரிலிருந்து 60 மாணவிகளுடன் இன்று காலை கரூரை அடுத்த வெண்ணைமலை பகுதியில் சென்று கொண்டிருந்தது.

    டிரைவராக மகேஷ் (43) என்பவர் பணியில் இருந்தார். அப்போது வெண்ணைமலை பகுதியில் சாலையோரம் நின்று கொண்டிருந்த தனியாருக்கு சொந்தமான அரிசி லாரியின் மீது கல்லூரி பேருந்து மோதியது.

    இந்த விபத்தில் பஸ்சில் பயணம் செய்த 14 கல்லூரி மாணவிகள் இடிபாடுகளுக்குள் சிக்கி காயம் அடைந்தனர். விபத்து குறித்த தகவல் அறிந்ததும் சம்பவ இடத்திற்கு பொதுமக்கள் மற்றும் போலீசார் விரைந்து சென்றனர். அவர்கள் காயம் அடைந்த மாணவிகளை மீட்டு ஆம்புலன்ஸ் மற்றும் தனியார் வாகனங்கள் மூலம் கரூர் அண்ணா வளைவு பகுதியில் உள்ள தனியார் மருத்துவமனைக்கு சிகிச்சைக்காக அனுப்பி வைத்தனர்.

    இதுபற்றி அறிந்த மாணவிகளின் பெற்றோர்கள் மருத்துவமனைக்கு விரைந்தனர். இதற்கிடையில், தொடர்ந்து தனியார் கல்லூரி பேருந்து ஓட்டுனர் ஏற்கனவே முறையாக பேருந்தை இயக்காத காரணத்தால் சிறு விபத்துகள் இரண்டு முறை ஏற்பட்டுள்ளதாகவும், மதுபோதையில் பேருந்து ஓட்டுனர் வாகனத்தை இயக்குவதாகவும் மாணவிகளின் பெற்றோர்கள் புகார் தெரிவித்தனர்.

    மேலும், இதுகுறித்து கல்லூரி நிர்வாகத்திடம் தொடர்ந்து புகார் அளித்தும், இதுவரை எந்தவித நடவடிக்கையும் எடுக்கவில்லை எனவும் தெரிவித்தனர். எனவே, போக்குவரத்து துறை இந்த விவகாரத்தில் தலையிட்டு உரிய நடவடிக்கை எடுக்க வேண்டும் என மாணவிகளின் பெற்றோர்கள் கோரிக்கை வைத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • குளித்தலை அருகே கிருஷ்ணராயபுரம் ஊராட்சி ஒன்றியத்திற்குட்பட்ட வயலூர் ஊராட்சி பகுதிகளான பாம்பன்பட்டி முதல் சரவணபுரம் வரை உள்ள பழுதடைந்த சாலையை புதிய தார்சாலை அமைக்கும் பணி தொடங்கியது.
    • பொய்யாமணி அரசு நடுநிலைப்பள்ளியில் ஸ்மார்ட் கிளாஸ் வகுப்புகளையும் எம்எல்ஏ இரா மாணிக்கம் தொடங்கி வைத்தார்

    கரூர்:

    கரூர் மாவட்டம் குளித்தலை சட்டமன்ற தொகுதிக்குட்பட்ட பகுதி–களில், சட்டமன்ற உறுப்பினர் தொகுதி மேம்பாட்டுநிதி ரூபாய் 41 லட்சத்தில் குளித்தலை அருகே கிருஷ்ணராயபுரம் ஊராட்சி ஒன்றியத்திற்குட்பட்ட வயலூர் ஊராட்சி பகுதிகளான பாம்பன்பட்டி முதல் சரவணபுரம் வரை உள்ள பழுதடைந்த சாலையை புதிய தார்சாலை அமைக்கும் பணிக்கும்,

    முதலைப்பட்டி ஊராட்சிக்குட்பட்ட முதலைப்பட்டி ஒத்தக்கடை முதல் பாரதி நகர் செல்லும் சாலை வரை சாலையை மேம்பாடு செய்யும் பணிக்கும் பூமி பூஜை நடந்தது. இதில் எம்எல்ஏ இரா.மாணிக்கம் கலந்து கொண்டு பணியை தொடங்கி வைத்தார்.

    மேலும் தோகைமலை, நாடக்காப்பட்டி, நச்சலூர் ஆகிய பகுதிகளில் உள்ள அரசு தொடக்கப்பள்ளிகளுக்கும், பொய்யாமணி அரசு நடுநிலைப்பள்ளியில் ஸ்மார்ட் கிளாஸ் வகுப்புகளையும் எம்எல்ஏ இரா மாணிக்கம் தொடங்கி வைத்தார்.

    விழாவில் கிருஷ்ணராயபுரம் ஊராட்சிஒன்றிய குழு தலைவர் சுபத்ராதேவி ரவிராஜா, ஒன்றிய கவுன்சிலர் பாலசுப்ரமணி–யன், குளித்தலை மெடிக்கல் மாணிக்கம், ஊராட்சி மன்ற தலைவர் ரேவதி கருணாகரன், கள்ள பள்ளி ஊராட்சி மன்ற தலைவர் சக்திவேல் மற்றும் தலைமை ஆசிரியர்கள், ஆசிரியர்கள், மாணவ, மாணவிகள் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • லாட்டரி சீட்டுகள் விற்றவர் கைது செய்யப்பட்டார்.
    • லாட்டரி சீட்டுகளையும் பறிமுதல் செய்தனர்.

    கரூர்:

    கடவூர் வட்டம், தரகம்பட்டி பகுதியில் சிந்தாமணிப்பட்டி போலீசார் ரோந்து பணியில் ஈடுபட்டிருந்தனர். அப்போது தரகம்பட்டி முனியப்பன் கோவில் அருகே நல்லாட்சி பட்டியை சேர்ந்த நீலமேகம் (வயது 56) என்பவர் தமிழக அரசால் தடைசெய்யபட்ட லாட்டரி சீட்டுகள் விற்று கொண்டிருந்தார்.

    இதையடுத்து அவரை போலீசார் ைகது செய்து, அவர் விற்பனைக்காக வைத்திருந்த லாட்டரி சீட்டுகளையும் பறிமுதல் செய்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பிளாஸ்டிக் பைகள் பயன்படுத்திய கடைகளுக்கு அபராதம் விதிக்கப்பட்டது.
    • ரூ.12 ஆயிரம் அபராதம் விதிக்கப்பட்டது

    கரூர்:

    புகழூர் நகராட்சிக்குட்பட்ட பிரியாணி, டிபன், பழம், பலகாரம், பேக்கரிகள் உள்ளிட்ட பல்வேறு கடைகளில் நகராட்சி துப்புரவு அலுவலர் ரவீந்திரன் தலைமையிலான குழுவினர் திடீர் ஆய்வு மேற்கொண்டனர். அப்போது பல்வேறு கடைகளில் பயன்பாட்டிற்கு வைக்கப்பட்டிருந்த

    சுமார் 50 கிலோவுக்கும் மேற்பட்ட பிளாஸ்டிக் பைகளை பறிமுதல் செய்தனர். மேலும் பிளாஸ்டிக் பைகள் பயன்படுத்தியதற்காக கடைகளின் உரிமையாளர்களுக்கு ரூ.12 ஆயிரம் அபராதம் விதிக்கப்பட்டது. இதுபோன்று தொடர்ந்து பிளாஸ்டிக் பைகளை பயன்படுத்தினால் அபராதம் விதிப்பதுடன் கிரிமினல் நடவடிக்கை எடுக்கப்படும் என எச்சரித்து சென்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மாடியில் இருந்து விழுந்தவர் சிகிச்சை பலனின்றி உயிரிழந்தார்.
    • கட்டிட வேலை பார்த்து வந்தார்

    கரூர்:

    கரூர் தெற்கு காந்திகிராமம் எம்.ஜி.ஆர்.நகரை சேர்ந்தவர் துரைசாமி (வயது 45). கட்டிட வேலை பார்த்து வந்த இவர், சம்பவத்தன்று வீட்டு மாடியில் இருந்து தவறி விழுந்தார். இதில் பலத்த காயம் அடைந்த துரைசாமியை அக்கம் பக்கத்தினர் மீட்டு அரசு மருத்துவக் கல்லூரி மருத்துவமனையில் சேர்த்தனர்

    ஆனால் அங்கு சிகிச்சை பலனின்றி துரைசாமி உயிரிழந்தார். இதுகுறித்து தான்தோன்றிமலை போலீசார் வழக்கு பதிவு செய்து விசாரணை மேற்கொண்டு வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வரத்து அதிகரிப்பால் முருங்கைக்காய் விலையில் சரிவு ஏற்பட்டுள்ளது
    • விவசாயிகள் கவலை

    கரூர் :

    கரூர் மாவட்டத்தில் அரவக்குறிச்சி வட்டாரத்தில் முருங்கை சாகுபடி அதிக அளவில் நடந்து வருகிறது. கடந்த ஆண்டு இறுதியில் வடகிழக்கு பருவமழை கரூர் மாவட்டத்தில் எதிர்பார்த்த அளவு பெய்யாததால் மானாவாரி நிலங்களில் முருங்கை சாகுபடி விவசாயிகள் செய்தனர்.

    வழக்கமாக ஆண்டுதோறும் ஜூன் மாதம் முதல் நவம்பர் மாதம் சீசன் காலமாகும். இதனால் கரூர், அரவக்குறிச்சி, க.பரமத்தி ஆகிய பகுதிகளில் உள்ள மார்க்கெட்டுக்கு முருங்கைக்காய் வரத்து கடந்த ஒரு வார காலமாக அதிகரித்துள்ளது. இதனால் முருங்கைக்காய் விலை படிப்படியாக குறைந்து வருகிறது. இதுகுறித்து முருங்கை வியாபாரிகள் கூறும்போது,

    அரவக்குறிச்சி வட்டாரத்தில் செடி முருங்கை, மர முருங்கை மற்றும் கொடி முருங்கை என மூன்று வகைகள் சாகுபடி செய்யப்படுகிறது. தற்போது சீசன் காலத்தை ஒட்டி முருங்கைக்காய் வரத்து அதிகரித்துள்ளது. செடி முருங்கை, கொடி முருங்கை 2 அடி முதல் 3 அடி வரை வளரும். இந்த ரகங்கள் கடந்த மார்ச் மாதம் ஒரு கிலோ கொண்ட ஒரு கட்டு முருங்கைக்காய் 100 ரூபாய் வரை விற்றது.

    தற்போது 75 ரூபாய் வரை விற்பனை ஆகிறது. ஆனால் தற்போது செடி முருங்கை காய் ரகம் ஒரு கட்டு ரூ.45 க்கும், முருங்கைக்காய் ஒரு கிலோ 50 ரூபாய்க்கும் விற்கிறது. மேலும் வரும் ஜூலை 17 ஆடி மாதம் துவங்க உள்ள நிலையில் திருமணம் உள்ளிட்ட சுப விசேஷம் குறைவாக இருக்கும். இந்த நிலையில் வரத்து அதிகரிப்பால் சுபவிசேஷங்கள் இல்லாததாலும் முருங்கைக்காய் மேலும் விலை குறைய வாய்ப்பு உண்டு இவ்வாறு அவர்கள் கூறினர்

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கரூர் ஜங்ஷனில் முருங்கை இணைப் பொருட்கள் விற்பனையகம் திறக்கப்பட்டது.
    • வாழைப்பொருட்கள் விற்பனையகம் தொடங்கப்பட்டது

    கரூர்:

    நாட்டின் 75வது சுதந்திர தினத்தையொட்டி இந்திய ரயில்வே துறை சார்பில் சுயஉதவிக்குழுக்கள், ஆட்டிசம் பாதிப்புக்குள்ளானவர்கள், சிறுகுறு தொழில் முனைவோர்களை ஊக்கும் வகையில் ஒவ்வொரு ரயில் நிலையத்திலும் அந்த ஊரின் சிறப்பை வெளிப்படுத்தும் வகையில் ஒரு நிலையம், ஒரு தயாரிப்பு என்ற திட்டத்தின்

    அடிப்படையில் அந்தந்த பகுதி சிறப்பை வெளிப்படுத்தும் பொருட்கள் ரயில் நிலையங்களில் விற்க அனுமதிக்கப்படுகிறது. கரூர் ரயில் நிலைய சந்திப்பில், ஈசநத்தம் வேளாண் உற்பத்தியாளர்கள் சார்பில் முருங்கை இணைப் பொருட்கள் விற்பனையகம் திறக்கப்பட்டது.

    கரூர் ரயில் நிலைய மேலாளர் ராஜராஜன், முதன்மை வணிக ஆய்வாளர் சிட்டிபாபு உள்ளிட்டோர் கலந்து கொண்டனர். இக்கடைகளுக்கு 15 நாட்களுக்கு ரூ.1,000 என்ற வாடகையில் அனுமதி வழங்கப்படுகிறது. 15 நாட்களுக்கு வேறு பொருள் விற்பனைக்கு அனுமதி வழங்கப்படும். குளித்தலை ரயில் நிலையத்தில் மகளிர் சுயஉதவிக்குழுவினர் சார்பில் வாழைப்பொருட்கள் விற்பனையகம் தொடங்கப்பட்டது.