நீங்கள் தேடியது "minister sellur raju"

மதுரை:

மதுரை மேற்கு தொகுதிக்குட்பட்ட துவரிமானில் ரூ.8 லட்சம் மதிப்பில் சுகாதார வளாகம் கட்டப்பட்டுள்ளது. இதனை அமைச்சர் செல்லூர் ராஜூ இன்று திறந்து வைத்தார். கலெக்டர் நடராஜன் முன்னிலை வகித்தார். பின்னர் அமைச்சர் நிருபர்களிடம் கூறியதாவது:-

துவரிமானில் பொதுமக்கள் பயன்பெறும் வகையில் ரூ. 8 லட்சம் மதிப்பில் சுகாதார வளாகம் கட்டப்பட்டுள்ளது. இதில் மாற்றுத்திறனாளிகள், குழந்தைகள் பயன்பெறும் வகையில் வசதிகள் ஏற்படுத்தப்பட்டுள்ளன.

தமிழகம் முழுவதும் தொடக்க வேளாண்மை வங்கி, கூட்டுறவு வங்கிகளில் கண்காணிப்பு கேமிராக்கள் பொருத்தப்பட்டுள்ளன.

தமிழகத்தில் 32, 909 ரேசன் கடைகள் உள்ளன. இங்கு விலையில்லா அரிசியும், சிறப்பு வினியோக திட்டத்தின் கீழ் பாமாயில், துவரை வழங்கப்பட்டு வருகிறது.

முதல்-அமைச்சர் உத்தரவின்படி தமிழகம் முழுவதும் 25 இடங்களில் சிறு பல்பொருள் அங்காடி திறக்கப்பட்டுள்ளன. ரேசன் கடைகளில் பொருட்கள் வாங்க வருபவர்களிடம் கைரேகை பதிவு செய்யப்படுகிறது.

ரேசன் கார்டுக்கு பதிலாக ஸ்மார்டு கார்டு வழங்கப்பட்டுள்ளது. இதனால் ரேசன் கடைகளில் முறைகேகடுகள் குறைந்துள்ளது. முழுமையாக முறைகேடுகளை குறைக்க நடவடிக்கை எடுக்கப்படும்.

ரேசன் கடைகளில் கண்காணிப்பு காமிரா பொருத்துவது குறித்து பரிசீலனையில் உள்ளது.

எய்ம்ஸ் மருத்துவமனை ஆரம்ப பணியை தொடங்கியவர் மறைந்த முதல்வர் ஜெயலலிதா. அதன்பின் முதல்வர் எடப்பாடி பழனிசாமி எய்ம்ஸ்சை மதுரைக்கு கொண்டு வந்து சாதித்துள்ளார்.

பாரதப்பிரதமர், தமிழக முதல்வர், சுகாதாரத்துறை அமைச்சர் ஆகியோருக்கு தான் இந்த வெற்றியில் பங்கு உள்ளது. அமைச்சர்களும், தொண்டர்களும் எய்ம்ஸ் கொண்டு வந்தது குறித்து பெருமை கொள்ளலாம். இந்த வெற்றிக்கு எந்தவித தனி நபரும் உரிமை கொண்டாட முடியாது.

எய்ம்ஸ் தொடர்பான நிகழ்ச்சியில் நான் புறக்கணிக்கப்படுவதாக கூறுவதில் எந்தவிதமான உண்மையும் இல்லை. அ.தி.மு.க. கடல் போன்றது. இதில் எத்தனையோ ஏற்றத் தாழ்வுகளை பார்த்துள்ளோம்.

இவ்வாறு அவர் கூறினார்.

முன்னதாக திறப்புவிழா நிகழ்ச்சியில் அ.தி.மு.க. நிர்வாகிகள் வில்லாபுரம் ராஜா, திரவியம், எம்.எஸ்.பாண்டியன், பரவை ராஜா, சோலைராஜா, கலைச்செல்வம், பிரிட்டோ உள்பட பலர் கலந்து கொண்டனர். #ministersellurraju #rationshop

மதுரை:

மதுரை மாநகராட்சியின் 91-வது வார்டான ஜெய்ஹிந்துபுரத்தில் ஆழ்துளை கிணறு, புதிய சாலை உள்ளிட்ட மக்கள் நலப்பணிகளை அமைச்சர் செல்லூர் ராஜூ இன்று திறந்து வைத்தார்.

இந்த நிகழ்ச்சியில் கலெக்டர் நடராஜன், மாநகராட்சி கமி‌ஷனர் அனீஷ்சேகர் ஆகியோர் முன்னிலை வகித்தனர்.

விழா முடிந்ததும் அமைச்சர் செல்லூர் ராஜூ, நிருபர்களிடம் கூறியதாவது:-

முன்னாள் அமைச்சர் செந்தில்பாலாஜி கவுன்சிலராக இருக்கும் போது அ.தி.மு.க.விற்கு வந்தார். அம்மா இல்லாத நேரத்தில் அ.தி.மு.க.வை காக்க வேண்டிய அவர் இந்த நேரத்தில் நிறம் மாறி தி.மு.க.வுக்கு சென்று விட்டார்.

செந்தில்பாலாஜி அடிக்கடி நிறம் மாறும் பச்சோந்தி. அவர் அ.தி.மு.க. எனும் மாபெரும் இயக்கத்திற்கு வந்தார், போனார் என்ற அடிப்படையில் தான் பார்க்கிறோம். அவர் ஒன்றும் தியாகி கிடையாது. அவரை பொறுத்தவரை ஒரு சுயநலவாதி.

அம்மா தனது ஆட்சியில் போக்குவரத்துத்துறை அமைச்சராக அவரை அமர்த்தி அழகுபார்த்தவர். தி.மு.க. ஊழல் இல்லாத கட்சி என்று மு.க.ஸ்டாலின் பறை சாற்றி வருகிறார். ஆனால் ஊழலின் ஊற்றுக்கண்ணாக திகழ்பவர் செந்தில்பாலாஜி. அவர் மீது பல வழக்குகள் உள்ளன. எப்படி அவரை ஸ்டாலின் ஏற்றுக்கொண்டார்?

ஒரு ஊழல் கட்சி, ஊழல்வாதியை ஏற்றுக்கொள்வது சர்வ சாதாரணம் தான்.

இது போன்று தான் செல்வகணபதி, ரகுபதி போன்றவர்கள் எங்களிடம் இருக்கும்போது நல்லவர்களாக இருந்தார்கள். தி.மு.க.வில் சேர்ந்தபின்னர் ஊழல்வாதிகளாக மாறி விட்டனர்.

நாங்கள் அம்மா வழியில் சிறப்பாக செயலாற்றி வருகிறோம். தினகரன் அணியை பொருட்படுத்த மாட்டோம். அம்மாவின் கொள்கையை ஏற்றுள்ள எந்த தொண்டனும் தி.மு.க.வுக்கு போக மாட்டார்கள். தி.மு.க.வில் சேருவது என்பது தற்கொலைக்கு சமமானது.

முதல்வர் எடப்பாடி பழனிசாமி கஜா புயல் நிவாரணப்பணியில் அமைச்சர்களை ஈடுபடுத்தி மக்களுக்கு தேவையானதை செய்தார். மத்திய அரசை எதிர்பார்க்காமல் பாதிக்கப்பட்ட மக்களுக்கு உதவி செய்து வருகிறோம்.

தமிழகத்தில் ஏற்பட்டுள்ள இழப்பு குறித்து மத்திய அரசுக்கு கடிதம் மற்றும் மத்தியக்குழுவின் மூலம் முதல்-அமைச்சர் வலியுறுத்தி நிவாரண நிதியை பெற நடவடிக்கை எடுத்து வருகிறார்.

பிரதமர் சேதமடைந்த பகுதியை பார்ப்பது என்பது ஒரு பொருட்டல்ல. ஆனால் சேதத்திற்குரிய நிவாரண நிதியை உடனடியாக வழங்க வேண்டும் என்பது தான் எங்களின் எதிர்பார்ப்பாகும்.

இவ்வாறு அவர் கூறினார்.

முன்னதாக நலத்திட்டங்களை தொடங்கி வைத்த நிகழ்ச்சியில் அ.தி.மு.க. நிர்வாகிகள் புதூர் துரைப்பாண்டியன், தங்கம், வில்லாபுரம் ராஜா, முன்னாள் மேயர் திரவியம், எம்.எஸ்.பாண்டியன், பரவை ராஜா, சோலைராஜா, பைக்காரா கருப்புசாமி, பிரிட்டோ, கலைச்செல்வம், ரவி உள்ளிட்ட பலர் கலந்து கொண்டனர்.

திருவாரூர்:

திருவாரூர் நகராட்சி தஞ்சாவூர் கூட்டுறவு விற்பனை இணைய அலுவலகத்தில் மாவட்டத்தில் கஜா புயலினால் பாதிக்கபட்ட பகுதிகளில் நிவாரண பணிகளின் முன்னேற்றம் மற்றும் எடுக்கபட வேண்டிய நடவடிக்கைகள் குறித்த ஆய்வுக் கூட்டம் கூட்டுறவுத்துறை அமைச்சர் செல்லூர் கே.ராஜூ மற்றும் உணவுத்துறை அமைச்சர் இரா.காமராஜ் தலைமையில் நடைபெற்றது

இக்கூட்டத்தில் அமைச்சர் செல்லூர் ராஜூ பேசும்போது கூறியதாவது:-

திருவாரூர் மாவட்டத்தில் கஜா புயலினால் பாதிக்கப்பட்ட பகுதிகளில் நிவாரண பணிகள் விரைவாக நடைபெற்று வருகிறது. திருவாரூர் மாவட்டத்தை பொறுத்தவரை பொது விநியோகத் திட்டம் சிறப்பாக இயங்கி வருகிறது. ஏற்கனவே முதல்-அமைச்சர் உத்தரவின்படி முன்கூட்டியே 3 மாதத்திற்கு தேவையான அத்தியாவசியப் பொருட்கள் நியாய விலைக்கடைகளில் இருப்பு வைக்கபட்டது. அந்த வகையில் அடுத்த மாதத்திற்கு தேவையான அத்தியாவசிய குடிமை பொருட்கள் இந்த மாதமே வாங்கி கொள்ளலாம். மேலும் விவசாயிகள் நிறைந்த மாவட்டமான இம்மாவட்டத்தில் பயிர்காப்பீட்டு திட்டத்தின் கீழ் விவசாயிகள் சேருவதற்கு கிராம நிர்வாக அலுவலரிடம் சான்றிதழ் பெற காலதாமதமானால், உடனடியாக வட்டார உதவி வேளாண்மை அலுவலரிடம் பயிர் சான்றிதழ் பெறலாம் என்ற உத்தரவு பிறப்பிக்கப்பட்டுள்ளது. பாதிக்கப்பட்ட பகுதிகளில் அமைச்சர் என்ற முறையில் அல்லாமல் பாதிக்கப்பட்ட மக்களோடு இணைந்து நிவாரண பணிகள் மேற்கொண்டு வருகிறோம்.

கஜா புயலினால் கூட்டுறவு நியாயவிலைக்கடைகளில் பாதிப்புகள் இருந்தால் கடைகள் உடன் வேறு இடத்திற்கு மாற்றம் செய்யப்படுவதுடன், மாற்றம் செய்யப்பட்ட கடைகளின் முகவரிகள் குறித்து பழுதடைந்த நியாயவிலைக்கடைகளில் குறிப்பிட வேண்டும்.

நியாய விலைக்கடைகளில் பொருள் இல்லாத நிலை கவனிக்கப்பட வேண்டும். அவ்வாறு பொருள் இல்லாத நிலை கண்டறியப்பட்டால் உடனடியாக முன்னுரிமை அளித்து பொருள்கள் அந்த நியாய விலைக்கடைகளுக்கு முதலில் நகர்வு செய்யப்பட வேண்டும்.

நியாய விலைக்கடைகளில் மின்சாரம் இல்லாத நிலையில் மின்னணு தராசில் பொருட்கள் எடையிட்டு பொருட்கள் வழங்க இயலாத நிலையில் சாதாரண எடை தராசு, மேடை தாராசு கொண்டு பொருட்களை எடையிட்டு வழங்கலாம். இம்மாவட்டத்தினை பொறுத்த வகையில் 529 முழு நேர நியாய விலை கடைகளும், 142 பகுதி நேர நியாய விலை கடைகளும் உள்ளன. இவைகள் அனைத்தும் கட்டாயம் திறந்திருக்க வேண்டும், அனைத்து பொருட்களும் தடையின்றி மக்களுக்கு வழங்க வேண்டும்.

இவ்வாறு அவர் கூறினார். #gajacyclone #ministersellurraju