நீங்கள் தேடியது "tuticorin"

தூத்துக்குடி:

நெல்லை அருகே  கல்குவாரி விபத்தில் பலியான 4பேர் குடும்பத்திற்கு தமிழக அரசு  ரூ.1  கோடி நிவாரணம் வழங்கவேண்டும், அனைத்து கல்குவாரிகளிலும் அதிகாரிகள் குழுவினர் களஆய்வு செய்திடவேண்டும் என்பது உள்ளிட்ட பல்வேறு கோரிக்கைகளை வலியுறுத்தி, தூத்துக்குடி மாவட்ட புதிய தமிழகம் கட்சியினர்   தூத்துக்குடி வி.வி.டி. சிக்னல் சந்திப்பு அருகில்  ஆர்ப்பாட்டம் நடத்தினர்.

மாவட்டசெயலாளர் வழக்கறிஞர்  கனகராஜ் தலைமை தாங்கினார். மாநில துணை செயலாளர் லிங்கராஜ் , மாநில தொண்டரனி செயலாளர்கள் லெட்சுமண பாண்டியன், அசோக்குமார்,  மாநில மகளிரணி சரஸ்வதி, அசுபதி , மாநில நிகழ்ச்சி ஒருங்கிணைப்பாளர்  கரு.ராஜசேகரன், மாநில இளைஞரணி மாரிமுத்து கிருஷ்ணன், மாவட்ட துணைச்செயலாளர்கள் மருதன்வாழ்வு ரவி, அதிக்குமார் குடும்பர்,  பெருமாள், கடம்பூர் கடற்கரை, ஆழ்வை பொன்அமிர்தம், குருவை சதீஷ்குமார்,  புதூர் சிவசெல்வம் ஆகியோர் முன்னிலை  வகித்தனர்.

ஆர்ப்பாட்டத்தில், மாவட்ட செயலாளர் வழக்கறிஞர் கனகராஜ் பேசியதாவது:-

நெல்லை கல்குவாரியில் ஏற்பட்ட விபத்தில் சிக்கி அப்பாவிகள் 4 பேர் பரிதாபமாக உயிர் இழந்துள்ளனர். உயிர் இழந்து பாதிக்கப்பட்டுள்ளவர்க ளின் குடும்பத்தினருக்கு, உரிய நீதி கிடைக்கவேண்டும் என்ற அடிப்படையில் எங்கள் தலைவர் டாக்டர்.கிருஷ்ணசாமி ஆலோசனையின்பேரில் இந்த போராட்டம் நடத்தப்பட்டுள்ளது.

தூத்துக்குடி மாவட்டத்தில் ஸ்ரீவைகுண்டம், கயத்தாறு, ஓட்டப்பிடாரம் மற்றும், சாத்தான்குளம் தாலுகா உட்பட பல்வேறு பகுதிகளில் கல்குவாரிகள் அதிகளவில் அனுமதியின்றி செயல்பட்டு வருகின்றன. இதனால், நாள்தோறும் பலகோடி ரூபாய் மதிப்பில் கனிமவள கொள்ளை நடந்து வருகிறது. இதுதொடர்பாக பாதிக்கப்பட்டவர்கள் புகார் கொடுத்தாலும் காவல்துறை அவர்களுக்கு சாதகமாகவே இருப்பது அதிர்ச்சி அளிக்கிறது.

எனவே, தமிழக அரசும், மாவட்ட நிர்வாகமும் மாவட்டத்தில் உரிய அனுமதியின்றி முறைகேடாக செயல்பட்டு வரும் கல்குவாரிகள் அனைத்தையும் மூடவேண்டும், அனைத்து கல்குவாரிகளிலும் களஆய்வு செய்திடவேண்டும்.
விதிமுறைகளை மீறிய கல்குவாரிகளை தடை செய்வதோடு, சம்மந்தப்பட்டவர்கள் மீது குற்ற வழக்குப்பதிவு செய்தும், உரிய அபராதம் விதித்தும் பாரபட்சமின்றி சரியான நடவடிக்கை எடுக்கவேண்டும்.

கல்குவாரிகளுக்கு ஆதரவாக செயல்பட்டுவரும் கனிம வளத்துறை, வருவாய்த்துறை, காவல்துறையினர் மீது தகுந்த நடவடிக்கை எடுத்திடவேண்டும். இதில் உரிய நடவடிக்கை எடுக்காதபட்சத்தில் எங்களின் போராட்டமும் முடிவில்லாமல் தொடரும். இவ்வாறு அவர் பேசினார்.

ஆர்ப்பாட்டத்தில், ஒன்றிய செயலாளர்கள் செந்தூர்பாண்டியன் (தூத்துக்குடி), கோவில்பட்டி சண்முகநாதன்(மேற்கு), தூத்துக்குடி செந்தூர்பாண்டியன், ஜே.சி.பி.முருகன் ஓட்டப்பிடாரம் மேற்கு, மனோகரன் கிழக்கு, முருகேசன்(வடக்கு), சின்னத்துரை (கருங்குளம்) , விளாத்திகுளம் உமையனன் (கிழக்கு), குளத்தூர் பெருமாள் ( தெற்கு), கவுன்சிலர் கேசவன் ஆழ்வை கிழக்கு, ராஜா மேற்கு, செல்வம் தெற்கு கயத்தாறு ரவி (கிழக்கு), சக்கரவர்த்தி(மேற்கு), பேச்சிமுத்து(மத்தி), தொண்டரணி ஒட்டுடன் பட்டி நடராஜன், கருப்பு சட்டை கருப்பசாமி, ப்ரவீன், கதிரவன் மற்றும் நிர்வாகிகள், உறுப்பினர்கள் உட்பட பலர் கலந்துகொண்டனர்.

ஆர்ப்பாட்டத்திற்கான  ஏற்பாடுகளை தூத்துக்குடி மாவட்ட செயலாளர்கனகராஜ் தலைமையில் மாநகர செயலாளர் ரமேஷ் பாண்டியன், துரைபாண்டியன், மாரிமுத்து பாண்டியன் செய்திருந்தனர்.

சாத்தான்குளம்:

சாத்தான்குளம்  அருகே பன்னம்பாறை விலக்கில் இருந்து செட்டிக்குளம் இடையே சுமார் 1 கி.மீ தூரமுள்ள சாலை மிகவும் பழுதடைந்து காணப்பட்டது. இதுகுறித்து அப்பகுதி பொதுமக்கள் ஊர்வசி அமிர்தராஜ் எம்.எல்.ஏ.விடம் இதுகுறித்து முறையிட்டனர்.

இதையடுத்து அவர் பரிந்துரையின்படி பன்னம்பாறை விலக்கில் இருந்து செட்டிக்குளம் இடையே சேதமான சுமார்  1400 மீட்டர் தொலைவில் சாலை அமைக்க ரூ.1கோடியே 9 லட்சம் நிதி ஒதுக்கீடு செய்யப்பட்டு சாலை அமைக்கும் பணி தொடக்க விழா   நடைபெற்றது. சாத்தான்குளம் நெடுஞ்சாலை உதவி பொறியாளர் விக்ரமசிங் தலைமை தாங்கினார்.

யூனியன் தலைவர்  ஜெயபதி, மாவட்ட ஆவின் சேர்மன் சுரேஷ்குமார், வடக்கு ஒன்றிய தி.மு.க. செயலர் ஜோசப், கிழக்கு வட்டார காங்கிரஸ் தலைவர்  பார்த்தசாரதி, பன்னம்பாறை ஊராட்சித் தலைவர்   அழகேசன் ஆகியோர் முன்னிலை வகித்தனர். சாலை ஆய்வாளர் சுப்பிரமணியன்  வரவேற்றார். ஊர்வசி அமிர்தராஜ் எம்.எல்.ஏ. சிறப்பு அழைப்பாளராக  கலந்து கொண்டு சாலை அமைக்கும் பணியை தொடங்கி வைத்தார். முன்னதாக  சிறப்பு பூஜை நடத்தப்பட்டது.

இதில் மாவட்ட காங்கிரஸ் துணைத் தலைவர்  சங்கர், மாவட்ட பொருளாளர் காங்கிரஸ் எடிசன்,  நகர தலைவர் வேணுகோபால், வட்டார தலைவர்கள்  லூர்துமணி, சக்திவேல்முருகன், கோதாண்டராமன், நகர துணைத் தலைவர் கதிர்வேல், நகர மகிளா காங்கிரஸ் உள்பட பலர் கலந்து கொண்டனர். சாலை ஆய்வாளர் முருகன் நன்றி கூறினார்.

தூத்துக்குடி:

தூத்துக்குடி அரசு மருத்துவமனை மருத்துவக் கல்லூரியில் பட்டமளிப்பு விழா நடைபெற்றது. இதில் கலெக்டர் செந்தில்ராஜ் கலந்து கொண்டு மாணவர்களுக்கு பட்டங்களை வழங்கினார். பின்னர் அவர் பேசியதா வது:-

தூத்துக்குடி மருத்துவக்கல்லூரி மருத்துவமனையில் இப்போது 1552 படுக்கை களுடன் தேவையான மருத்துவப் பொருட்கள் மற்றும் தேவையான ஒவ்வொரு திறமையையும் கற்று பயிற்சி செய்வதற்கான வழிகள் இருப்பதால், நிஜ உலகத்தை எதிர்கொள்ளும் போதுமான அறிவும், அனுபவமும் உங்கள் அனைவருக்கும் இருப்பதாக நான் நம்புகிறேன்.

கொரோனா தடுப்பு பிரசாரங்களில் மருத்துவ மாணவர்களின் ஈடுபாடு பாராட்டுக்குரியது. மருத்துவ மாணவர் என்ற நிலையில் இருந்து மருத்துவராக இன்று மாறியுள்ளீர்கள். பெற்றோரின் கனவை நிறைவேற்றியுள்ளீர்கள். என்னுடைய பட்டமளிப்பு விழாவில் பேசியது எனக்கு நினைவில்லை.

மருத்துவக்கல்லூரி முதல்வர் மிகச் சிறந்த பேச்சாளர் அவருடைய பேச்சை நான் ரசிப்பேன். நீங்கள் எங்கு உட்காருகிறீர்கள் என்பது முக்கியமல்ல. எதனை அடைகிறீர்கள் என்பது தான் முக்கியம்.  கொரோனா வால் 3 ஆண்டுகள் கழித்து  இந்த விழா சிறப்பாக நடைபெறுகிறது. நீங்கள் கஷ்டமான காலத்தில் படித்துள்ளீர்கள்.

உங்கள் வாழ்க்கை, எதிர்காலம் சிறந்ததாக அமையும். கொரோனா காலத்தில் தமிழக அரசு சிறப்பாக செயல்பட்டது. அதற்கு முக்கிய காரணம் மாணவர்கள்தான். டாக்டர் ஆவது மிகப்பெரிய கனவாக உள்ளது. நிறைய பள்ளிகளில் குழந்தைகளை கேட்டால் டாக்டர் ஆக வேண்டும் என்றுதான் சொல்கிறார்கள்.

சிறு, சிறு தவறுகள் நடந்தா லும் கல்லூரி முதல்வர் மன்னித்து விடுவார். அனைவரும் வெவ்வேறு இடத்திற்கு போகப் போகிறீர்கள். போட்டி நிறைந்த உலகமாக உள்ளது. உங்களுடைய கைகள் ஆண்டவனால் ஆசீர்வதிக்கப்பட்ட கைகள் என்று முதல்வர் கூறினார். அது உண்மையும் கூட.

உலகம் முழுவதும் மருத்துவர்கள் உறுதிமொழி எடுத்துக்கொள்கிறார்கள். உங்களுக்கு கற்றுக்கொடுத்த ஆசிரியர்களே உங்களது பெற்றோருக்கு இணையாக வைக்க வேண்டும் என்று சொல்லப்பட்டுள்ளது.

நீங்கள் இங்கிருந்து சென்று பெரிய மருத்துவர்களாகி மீண்டும் இந்த கல்லூரிக்கு வந்து பெருமைகள் சேர்க்க வேண்டும். உங்களுக்கும், உங்களுடைய பெற்றோர்களுக்கும் வாழ்த்துக்கள்.இவ்வாறு அவர் பேசினார்.

நிகழ்ச்சியில் தூத்துக்குடி அரசு மருத்துவக்கல்லூரி மருத்துவமனை முதல்வர் நேரு, துணை முதல்வர் கலைவாணி, கண்காணிப்பாளர் சைலேஸ், மருத்துவ அலுவலர் குமரன், குமாரசாமி, பேராசிரியர்கள், மருத்துவர்கள், மாணவ-மாணவிகள், பெற்றோர்கள் கலந்து கொண்டனர்.

தூத்துக்குடி:

தூத்துக்குடி மாநகராட்சியில 4 மண்டலம் 60 வார்டுகள் உள்ளது.மாநகர தெருக்களில் கடந்த சில மாதங்களாக தெருநாய்களின் தொல்லை அதிகரித்து வருகிறது. இதனால் சாலைகளில் செல்லும் பொதுமக்கள், பெண்கள், குழந்தைகள், மாணவ, மாணவிகள் அவதி அடைந்து வருகின்றனர்.

நேற்று நள்ளிரவில் பழைய பேருந்து நிலையம் அருகே உள்ள பகுதியில் வீட்டுக்கு நடந்து சென்று கொண்டிருந்த பெண்களை நாய்கள் விரட்டி சென்றது. இதனை  கண்ட அக்கம் பக்கத்தில் உள்ளவர்கள் சத்தம் போடவே விரட்டி சென்ற நாய்கள் திரும்பிச் சென்றது.

இதுபோல் மாநகரின் பல்வேறு பகுதிகளில் சாலையில் செல்லும் பொதுமக்கள் குழந்தைகளை விரட்டி விரட்டி சென்று தெரு நாய்கள் கடித்து  வருகிறது என்று  பாதிக்கப்பட்ட பொதுமக்கள் புகார் கூறி வந்தனர்.

இந்நிலையில் தெரு விளக்குகள் எரியவில்லை என்று பொதுமக்கள் கூறிய புகாரை சரி செய்வதற்காக தெருக்களில் நடந்து சென்று எரியாத தெருவிளக்குகளை பார்வையிடச் சென்ற தி.மு.க. கவுன்சிலர் ஒருவரையும் தெருநாய்கள் விரட்டி கடித்து குதறியது. இதனைத் தொடர்ந்து அவர் உடனடியாக மருத்துவமனைக்கு சென்று மருத்துவ சிகிச்சை பெற்று வருகிறார்.

 இது குறித்து மாநகர சுகாதாரத் துறையினர் அதிகாரிகள் உரிய கவனம் செலுத்தி தெரு நாய் தொல்லைகளில் இருந்து பொது மக்களை காக்க உடனடியாக நடவடிக்கை எடுக்க மாநகராட்சி மேயர் என்.பி.ஜெகன் பெரியசாமி உத்தரவிட வேண்டும் என்று பொதுமக்கள் கோரிக்கை விடுத்துள்ளனர்.