நீங்கள் தேடியது "protests"

நியூயார்க்:

சீனாவில் கொரோனா வைரஸ் பரவல் தற்போது வேகமெடுத்து வருகிறது. கடந்த சில நாட்களாக 40 ஆயிரம் பேருக்கு புதிதாக கொரோனா தொற்று உறுதி செய்யப்படுகிறது. வைரஸ் பரவல் அதிகரிப்பால் பல்வேறு மாகாணங்களில் கடும் ஊரடங்கு கட்டுப்பாடுகளை சீனா விதித்து வருகிறது.

ஜிங்ஜங்க் மாகாணத்தில் 100 நாட்களுக்கு மேலாக முழு ஊரடங்கு அமலில் உள்ளது. அந்த மாகாணத்தின் உரும்யூ நகரில் கடந்த 24-ம் தேதி ஒரு அடுக்குமாடி குடியிருப்பில் பயங்கர தீ விபத்து ஏற்பட்டது. தீ விபத்தில் குழந்தைகள் உள்பட 10 பேர் உயிரிழந்தனர். ஊரடங்கு காரணமாக அடுக்குமாடி குடியிருப்பில் உள்ள வீடுகளை அதிகாரிகள் சீல் வைத்து மூடினர். இதனால் அங்கு தீ பற்றியபோது வீடுகளை விட்டு மக்கள் வெளியேற முடியாமல் உயிரிழந்ததாக குற்றச்சாட்டுகள் எழுந்தது.

இதற்கிடையே, சீன அரசு விதித்துள்ள கொரோனா கட்டுப்பாடுகளுக்கு எதிராக அங்குள்ள மக்கள் போராட்டத்தில் குதித்தனர். அவர்கள் சீன அரசுக்கு எதிராகவும், கொரோனா ஊரடங்கு கட்டுப்பாடுகளை தளர்த்தவும் கோரி போராட்டத்தில் ஈடுபட்டனர். சீன அதிபர் ஜி ஜின்பிங்கிற்கு எதிராகவும் கோஷங்களை எழுப்பினர். போராட்டத்தில் ஈடுபட்ட மக்களை போலீசார் கைது செய்தனர்.

இதற்கிடையே, கொரோனா கட்டுப்பாடுகளுக்கு எதிரான போராட்டம் சீனா முழுவதும் தீவிரமடைந்து வருகிறது.

இந்நிலையில் ஐக்கிய நாடுகள் சபை வெளியிட்டுள்ள அறிக்கையில், அமைதி வழியில் போராடும் மக்களின் உணர்வுகளுக்கு சீன ஆட்சியாளர்கள் உரிய மதிப்பு அளிக்க வேண்டும் என வலியுறுத்தி உள்ளது.

 திருப்பூர் :

கொங்கு தமிழர் எழுச்சி பேரவையினர் திருப்பூர் மாநகராட்சி அலுவலகம் முன்பு பல்வேறு கோரிக்கைகளை வலியுறுத்தி ஆர்ப்பாட்டம் நடத்தினர். ஆர்ப்பாட்டத்திற்கு மாவட்ட செயலாளர் துரை கதிர்வேல் தலைமை தாங்கினார்.மாநகர பொருளாளர் மூர்த்தி, மாநில துணைச் பொதுச்செயலாளர் கே.கே. ரங்கசாமி ஆகியோர் முன்னிலை வகித்தனர்.

ஆர்ப்பாட்டத்திற்கு நிறுவனத் தலைவர் கொங்கு சங்கர் சிறப்பு விருந்தினராக கலந்து கொண்டுகோரிக்கைகளை வலியுறுத்தி சிறப்புரையாற்றினார்.

ஆர்ப்பாட்டத்தின் போது சுதந்திர போராட்ட தியாகி தீரன் சின்னமலைக்கு திருப்பூர் மாநகரத்தில் சிலை அமைக்க வேண்டும், கோவை செழியன் நினைவு நாளை அரசு விழாவாக அறிவிக்க வேண்டும், சுதந்திர போராட்ட தியாகியும் காந்தியவாதியுமான கோவை கதர் அய்யா முத்து கவுண்டருக்கு திருப்பூர் மாவட்டத்தின் மையப்பகுதியில் மணிமண்டபம் அமைக்க வேண்டும், அதேபோல் திருப்பூர் பழைய பேருந்து நிலையத்திற்கு சுதந்திரத்திற்காக போராடிய தியாகி வீரபாண்டி சுந்தரம்மாளின் பெயர் சூட்ட வேண்டும் என்பது உள்ளிட்ட பல்வேறு கோரிக்கைகளை வலியுறுத்தி கோஷங்கள் எழுப்பி ஆர்ப்பாட்டம் செய்தனர்.

ஆர்ப்பாட்டத்தில் வடக்கு மாவட்ட செயலாளர் குணா ,காங்கேயம் ஒன்றிய செயலாளர் சிவநாதன் ,நகர செயலாளர் கோவிந்தராஜ் உள்ளிட்ட நிர்வாகிகள் பலர் கலந்து கொண்டனர்.

புதுச்சேரி:

காரைக்கால் அருகே நெடுங்காடு கொம்யூன் பஞ்சாயத்து வாயிலில் நடைபெற்ற இந்த ஆர்ப்பாட்டத்திற்கு, நெடுங்காடு கொம்யூன் பஞ்சாயத்து ஊழியர் சங்க தலைவர் ராஜகோ பால்ராஜா தலைமை தாங்கினார். காரை பிரதேச அரசு ஊழியர் சம்மேளன பொதுச் செயலாளர் ஷேக் அலாவுதீன், பொருளாளர் மயில்வாகனன், துணை தலைவர்கள் சுப்புராஜ், உலகநாதன், சந்தனசாமி ஆகியோர் கண்டன உரையாற்றினர்.

ஆர்ப்பாட்டத்தில், நீர் நிலைகளிலிருந்து எடுத்த மண்ணிற்கு உள்ளாட்சி அமைப்புகளுக்குரிய ராயல்டி தொகையை காலதாமதமின்றி வழங்க வேண்டும். நெடுங்காடு கொம்யூன் பஞ்சாயத்து ஊழியர்களுக்கு நிலுவையில் உள்ள 6 மாத ஊதியம், ஓய்வூதியம் மற்றும் ஓய்வூதிய பலன்களை வழங்க அரசு தனியாக நிதி வழங்க நடவடிக்கை எடுக்கவேண்டும். ஊழியர்களின் ஊதிய த்திற்காக பட்ஜெட்டில் ஒதுக்கப்பட்ட நிதியை காலதாமதமின்றி உடனே வழங்கவேண்டும்.

பல்வேறு மாநிலங்கள் மற்றும் அரசு துறைகளில் வழங்கப்படுவது போல் உள்ளாட்சி ஊழியர்களுக்கு அரசே நேரடியாக ஊதியம் மற்றும் ஓய்வூதியம் வழங்க ஏதுவாக ஒரு கமிட்டி அமைக்கப்படும் என, முதலமைச்சர் ரங்கசாமியின் சட்டமன்ற வாக்கு றுதிபடி, உடனே கமிட்டி அமைக்கவேண்டும். பொதுவான பணிநிலை அரசா ணைப்படி உள்ளாட்சி அமைப்புகளில் பணிபுரியும் அனைத்து பிரிவு ஊழியர்களுக்கும் ஒருமுறை நிகழ்வாக பதிவு உயர்வு வழங்க வேண்டும் உள்ளிட்ட பல்வேறு கோரிக்கைகளை வலியுறுத்தப்பட்டது. முடிவில் பொருளாளர் சாமிநாதன் நன்றி கூறினார்.

திருமங்கலம்

திருமங்கலம் மற்றும் மறவன்குளம், வடகரை ஊராட்சி விரிவாக்க பகுதிகளான மதுரா சிட்டி, முத்தமிழ்நகர், பிரபாகரன்நகர், கலைநகர் உள்ளிட்ட பல்வேறு பகுதிகளில் 2500-க்கும் மேற்பட்டோர் குடியிருந்து வருகின்றனர்.

20 ஆண்டுகளாக இந்த பகுதியில் சாலை, மின்விளக்கு, கழிவுநீர் உள்ளிட்ட அடிப்படை வசதிகளும் தற்போது வரை செய்து தரப்படவில்லை. இதன் ஒரு பகுதி விரிவாக்க பகுதியாகவும், மீதி மறவன்குளம் மற்றும் வடகரை விரிவாக்க பகுதியாகவும் இருப்பதால் நகராட்சி நிர்வாகத்தின் சார்பில் சாலை அமைக்க வில்லை. ஊராட்சி ஒன்றிய பகுதிகளில் இருந்தும் சாலை அமைக்கப்படவில்லை.

மழை காலங்களில் பொதுமக்கள் வெளியே வர முடியாத அளவுக்கு குண்டும், குழியுமாக காணப்படுகிறது. மேலும் குடிநீர் குழாய் உடைப்பு ஏற்பட்டு நுழைவுப் பகுதியில் குளம் போல் தண்ணீர் தேங்கியதால் தெருக்களில் நடந்து செல்ல முடியவில்லை.

இதை கண்டித்து இன்று குண்டும், குழியுமான சாலைகளில் நாற்று நடும் போராட்டத்தில் பொதுமக்கள் ஈடுபட்டனர். மேலும் விமான நிலைய சாலையில் அமர்ந்து மறியலிலும் ஈடுபட்டனர். இதனால் போக்குவரத்து பாதிக்கப்பட்டது.

தகவல் அறிந்த திருமங்கலம் டவுன் போலீசார் பேச்சுவார்த்தை நடத்தி அதிகாரிகளிடம் பேசி நடவடிக்கை எடுக்கப்படும் என உறுதி அளித்ததை தொடர்ந்து பொதுமக்கள் மறியல் போராட்டத்தை கைவிட்டனர். வடகரை பஞ்சாயத்து தலைவர் தற்காலிகமாக சாலை அமைப்பதாக தெரிவித்ததால் போராட்டம் கைவிடப்பட்டது.

கடலூர்:

கடலூர் மாவட்டம் திட்டக்குடி அருகே கொடிக்களம் கிராமத்தில் அரியலூர் மாவட்டம் சேந்தமங்கலம் வெள்ளாற்றில் அரசு மணல் குவாரிக்கு மணல் ஏற்ற வெளி மாவட்டங்களிலிருந்து சுமார் 500-க்கும் மேற்பட்ட லாரிகளில் கடந்த 3 நாட்களாக கொடிக்களம் கிராமத்தில் காத்திருக்கிறார்கள். அரியலூர் மாவட்ட லாரிகளுக்கு மட்டும் அதிக அளவில் ஒப்புகை சீட்டு வழங்கி அவர்களின் லாரிகளுக்கு மட்டும் அதிக அளவில் மணல்களை ஏற்றி அனுப்புவதாகவும் இதுவரை 3 நாட்களாக காத்திருக்கும் நிலை உள்ளது. எனவே தங்களுக்கு மணல் ஏற்ற அனுமதிக்காததை கண்டித்து காத்திருக்கும் லாரி டிரைவர்கள் அடிப்படை வசதிகள் எதுவும் செய்து தராமல் 3 நாட்களாக உணவு உட்கொள்ள சுமார் 2 கிலோ மீட்டர் தூரம் நடந்து செல்வதாகவும் கூறி லாரி டிரைவர்கள் விருத்தாசலம் திட்டக்குடி மாநில நெடுஞ்சாலையில் சாலை மறியலில் ஈடுபட்டனர்.

இதனால் சுமார் ஒரு மணி நேரம் திட்டக்குடி, விருத்தாசலம் சாலையில் போக்குவரத்து பாதிப்பு ஏற்பட்டது. சம்பவ இடத்திற்கு ஆவினங்குடி போலீசார் மற்றும் திட்டக்குடி டி.எஸ்.பி., காவியா லாரி டிரைவர்களிடம் பேச்சுவார்த்தை செய்து மணல் குவாரி நடத்தும் ஒப்பந்தக்காரர்களை அழைத்து பேச்சுவார்த்தை நடத்தி உரிய நடவடிக்கை எடுப்பதாக கூறியதால் போராட்டம் கைவிடப்பட்டது . இதனால் அப்பகுதியில் பெரும் பரபரப்பாக காணப்பட்டது.

தாரமங்கலம்:

தாரமங்கலம் ஊராட்சி ஒன்றியத்திற்கு உட்பட்ட ராமிரெட்டிபட்டி கிராமம் மந்தை தோப்பூர் பகுதியில் 50 ஆண்டுக்கு முன்பு மக்களின் குடிநீர் தேவைகளை பூர்த்தி செய்ய அரசு ஆழ்துளை கிணறு அமைதது. அதனை பொதுமக்கள் நீரை இறைத்து பயன்படுத்தி வந்துள்ளனர். காலப்போக்கில் கிணற்று நீரை பயன்படுத்தாமல் போனதால் கிணறு பயன்பாடு இன்றி இருந்து வந்துள்ளது.

இந்த நிலையை பயன்படுத்திக்கொண்ட அருகில் உள்ள மூர்த்தி என்பவரின் குடும்பத்தினர் சில ஆண்டுகளுக்கு முன்பு கிணற்றை மூடி மறைத்துள்ளனர். இதனை அறிந்த பொதுமக்கள் பல வருடங்களாக கிணற்றை மீட்க அரசு அதிகாரிகளிடம் மனுக்களை கொடுத்தனர். இந்நிலையில் கிணறு இருந்த இடம் தாரமங்கலம் ஊராட்சி ஒன்றிய ஆணையாளரின் பெயரில் இருப்பது தெரியவந்துள்ளது. அரசுக்கு சொந்தமான இடம் என்பதால் அந்த இடத்தில் ஊராட்சி ஒன்றிய போது நிதியில் இருந்து 1 லட்சம் லிட்டர் கொள்ளளவு கொண்ட குடிநீர் தொட்டி கட்ட ஏற்பாடுகள் செய்யப்பட்டு வந்த நிலையில் மூர்த்தி என்பவரின் மகன்கள் சின்னத்தம்பி, குருநாதசாமி, ராஜி ஆகியோர் கடும் எதிர்ப்பு தெரிவித்து வந்துள்ளனர்.

இதனால் நேற்று காலை ஊர் பொதுமக்கள் 100க்கும் மேற்பட்டோர் ஒன்று திரண்டு தாரமங்கலத்தில் இருந்து ஜலகண்டாபுரம் செல்லும் மெயின்ரோட்டில் மந்தை தோப்பூர் பகுதியில் அமர்ந்து சாலை மறியலில் ஈடுபட்டனர். அப்போது காணாமல் போன பொது கிணற்றை மீட்டு தரவேண்டும் என்று கோஷங்களை எழுப்பினர்.

இதுபற்றி தகவல் அறிந்து சம்பவ இடத்திற்கு வந்த தாரமங்கலம் இன்ஸ்பெக்டர் தொல்காப்பியன், சப்இன்ஸ்பெக்டர் காமராஜ் மற்றும் போலீசார், வருவாய் ஆய்வாளர் முருகேசன், கிராம நிர்வாக அலுவலர் சத்தியராஜ், ஊராட்சி ஒன்றிய அதிகாரிகள் வந்து பொதுமக்களிடம் பேச்சு வார்த்தை நடத்தினர்.

இதையடுத்து பொதுமக்கள் மறியலை கைவிட்டனர். இதனால் 1 மணி நேரத்திற்கு பிறகு போக்குவரத்து சரிசெய்யப்பட்டது.இதை தொடர்ந்து பொதுக்கிணறு ஆக்கிரமிப்பு செய்து மூடப்பட்ட இடத்தை பொக்லைன் எந்திரம் கொண்டு தோண்டிய போது 30 அடி ஆழம் கொண்ட வட்ட கிணறு இருப்பது கண்டுபிடிக்கப்பட்டது.அதனை தொடர்ந்து இரு தரப்பினரிடமும் பேச ஓமலூர் தாசில்தார் அலுவலகத்திற்கு அழைத்து சென்றனர்.

இதனிடையே மறியலில் ஈடுபட்டவர்கள் பொது போக்குவரத்திற்கு இடையூறு ஏற்படுத்தியதாக கூறி ஊராட்சி ஒன்றிய ஆணையாளர் அனுராதா கொடுத்த புகாரின் பேரில் ராமிரெட்டிபட்டி ஊராட்சி அ.தி.மு.க கவுன்சிலர் சரவணன் .மணி உட்பட 40 பேர் மீது தாரமங்கலம் போலீசார் வழக்கு பதிவு செய்து விசாரணை மேற்கொண்டு வருகின்றனர்.

ஈரோடு:

ஈரோடு தெற்கு மாவட்ட பா.ஜனதா கட்சி சார்பில் சூரம்பட்டி நால்ரோடு பகுதியில் ஆர்ப்பாட்டம் நடந்தது. ஆர்ப்பாட்டத்திற்கு தெற்கு மாவட்ட தலைவர் எஸ்.டி.செந்தில்குமார் தலைமை தாங்கினார்.

கருமுட்டை விற்பனை விவகாரத்தில் போலியான ஆவணங்களை தயார் செய்த கும்பல் மீதும், சட்டவிரோதமாக கரு முட்டை விற்பனை செய்தவர்கள் மீதும், அதற்கு உடந்தையாக இருந்தவர்கள் மீதும் உரிய நடவடிக்கை எடுக்க வேண்டும் என்ற கோரிக்கையை வலியுறுத்தி இந்த ஆர்ப்பாட்டம் நடந்தது.

இதில் மாவட்ட பொது செயலாளர்கள் எஸ்.எம். செந்தில், வேதானந்தம், ஈஸ்வரமூர்த்தி, மாவட்ட துணை தலைவர்கள் சின்னதுரை, குணசேகரன், அய்யாசாமி, மாநில செயற்குழு உறுப்பினர் ராஜேஷ்குமார்,

வழக்கறிஞர் பிரிவு மாவட்ட தலைவர் ஈஸ்வர மூர்த்தி, தொழில் பிரிவு மாவட்ட தலைவர் கார்த்திக், செயலாளர் பாலமுரளி, சக்திசுப்பிரமணி, பி.எஸ்.செல்வமணி, இந்திரன் உள்பட நிர்வாகிகள் கலந்து கொண்டனர்.