நீங்கள் தேடியது "birthday celebration"

நெல்லை:

தமிழக மக்கள் முன்னேற்றக் கழகத்தின் நிறுவன தலைவர் ஜான்பாண்டியன் பிறந்த நாளை முன்னிட்டு நெல்லை மாநகர மாவட்டம் சார்பில் மாநகர செயலாளர் துரைப்பாண்டியன் தலைமையில் 50 கிலோ கேக் வெட்டி கொண்டாடப்பட்டது.

மேலும் மாநகரில் பல்வேறு பகுதியில் தமிழக மக்கள் முன்னேற்றக் கழகத்தின் சார்பில் பொதுமக்களுக்கு இனிப்பு, பாளை காது கேளாதோர் பள்ளியில் மதிய உணவு வழங்கப்பட்டது.

நிகழ்ச்சியில் மாநகர இளைஞரணி தலைவர் மணிமாறன், மாநகர இளைஞரணி செயலாளர் முத்துப்பாண்டி, மேலப்பாளையம் பகுதி செயலாளர் மாரிமுத்து, பகுதி இணைச் செயலாளர் முருகேஷ் பாண்டியன், பாளை பகுதி இளைஞர் அணி செயலாளர் கே .எஸ். ராஜா, தொண்டரணி பொறுப்பாளர் மாரியப்பன், மேலப்பாளையம் பகுதி இளைஞரணி தலைவர் நாதன், இளைஞர் அணி செயலாளர் செந்தில் மல்லர், மாணவர் அணி பொறுப்பாளர் முத்து பரத் உள்ளிட்ட நிர்வாகிகள் கலந்து கொண்டனர்

ஊட்டி,

தி.மு.க இளைஞர் அணி மாநில செயலாளரும் எம்.எல்.ஏ.வுமான உதயநிதி ஸ்டாலின் 45-வது பிறந்தநாள் விழா மஞ்சூர் பஜாரில் மாவட்ட இளைஞரணி துணை அமைப்பாளர் டி.கே.எஸ்.பாபு தலைமையில் நடைபெற்றது.

நிகழ்ச்சியில் ஊட்டி தெற்கு ஒன்றிய செயலாளர் பரமசிவம் மற்றும் தலைமை பொதுக்குழு உறுப்பினர் பில்லன், கீழ்குந்தா செயலாளர் சதீஷ்குமார் முன்னிலை வகித்தனர்.விழாவில் பள்ளி குழந்தைகளுக்கு புத்தகப்பைகள், நோட் புத்தகம், பேனாக்கள், முதியோர்களுக்கு இலவச வேட்டி, சேலை நலத்திட்ட உதவிகள் வழங்கியும் மற்றும் பொதுமக்கள், குழந்தைகளுக்கு இனிப்புகள் வழங்கி பிறந்தநாள் விழா கொண்டாடப்பட்டது. விழாவில் ஒன்றிய பேரூர் நிர்வாகிகள், செயல் வீரர்கள், பேரூராட்சி மன்ற உறுப்பினர்கள் பலர் கலந்து கொண்டர்.

திருப்பூர் :

திருப்பூர் காந்திநகர் ஏ.வி.பி. டிரஸ்ட் மெட்ரிக் மேல்நிலைப்பள்ளியில் மறைந்த முன்னாள் ஜனாதிபதி ஏ. பி. ஜே., அப்துல்கலாம் பிறந்த நாள் விழா மற்றும் உலக மாணவர்கள் தினம் கொண்டாடப்பட்டது.

நிகழ்ச்சியில் அப்துல்கலாம் உருவப்படத்திற்கு பள்ளி தாளாளர் கார்த்திகேயன் , பொருளாளர் லதா கார்த்திகேயன், பள்ளி முதல்வர் டயானா, ஒருங்கிணைப்பாளர் வித்யா ரிஸ்வான், மேலாளர் மற்றும் ஆசிரியர்கள் ,மாணவர்கள் மலர்தூவி மரியாதை செலுத்தினர். இதில் அப்துல்கலாம் கல்வியில் சிறந்து விளங்க ஊக்கப்படுத்திய நுண்ணறிவுமிக்க விரிவுரைகள் மாணவர்களுக்கு எடுத்துரைக்கப்பட்டது.  

பல்லடம் :

பல்லடத்தில் காந்தி பிறந்த நாள் விழா கொண்டாடப்பட்டது. பல்லடம் அருகே உள்ள கோடங்கி பாளையத்தில் உழவர் உழைப்பாளர் கட்சி தலைமை அலுவலகமான உழவாலயத்தில் தேசப்பிதா என்று அழைக்கப்படும் மகாத்மா காந்தியின் பிறந்த நாளை முன்னிட்டு அவரது உருவப்படத்திற்கு மாலை அணிவித்து மரியாதை செலுத்தப்பட்டது.

கட்சித் தலைவர் செல்லமுத்து தலைமையில் நடைபெற்ற இந்த விழாவில் பலர் கலந்து கொண்டனர்.

பல்லடம் :

பல்லடத்தில், முன்னாள் பாரதப் பிரதமர் ராஜீவ் காந்தியின் 78வது பிறந்த நாள் விழா நகர,வட்டார, காங்கிரஸ் கட்சி சார்பில் கொண்டாடப்பட்டது. பல்லடம் பனப்பாளையம் பகுதியில் நகர காங்கிரஸ் கட்சி சார்பில் ராஜீவ் காந்தியின் உருவப்படத்திற்கு மாலை அணிவித்து மரியாதை செலுத்தப்பட்டது. பின்னர் பொதுமக்களுக்கு இனிப்பு வழங்கப்பட்டது.

இதில் நகரத் தலைவர் ஈஸ்வரமூர்த்தி,நகர செயல் தலைவர் மணிராஜ், நகரப் பொதுச் செயலாளர் கிருஷ்ணகுமார், உள்பட பலர் கலந்து கொண்டனர். பல்லடம் அருகே உள்ள செம்மிபாளையம் பகுதியில், பல்லடம் தெற்கு வட்டார காங்கிரஸ் கட்சி சார்பில் நடைபெற்ற ராஜீவ்காந்தி பிறந்த நாள் விழாவில் வட்டாரத் தலைவர் புண்ணியமூர்த்தி காங்கிரஸ் கொடியை ஏற்றி வைத்து பொதுமக்களுக்கு இனிப்பு வழங்கினார்.இதேபோல பல்லடம் அருகே உள்ள அறிவொளி நகர் பகுதியில் பல்லடம் வடக்கு வட்டார காங்கிரஸ் கட்சி சார்பில் கொண்டாடப்பட்ட ராஜீவ்காந்தி பிறந்த நாள் விழாவில் வட்டாரத் தலைவர் கணேசன் காங்கிரஸ் கட்சி கொடியை ஏற்றி வைத்து பொதுமக்களுக்கு இனிப்பு வழங்கினார்.

உசிலம்பட்டி

மதுரை மாவட்டம் உசிலம்பட்டி பசும்பொன் முத்துராமலிங்கத்தேவர் சிலை அருகில் காமராஜரின் 120-வது பிறந்தநாள் விழாவை முன்னிட்டு அவரது படத்திற்கு உசிலம்பட்டி எம்.எல்.ஏ. அய்யப்பன் மலர் தூவி மரியாதை செலுத்தினார்.

அதனைதொடர்ந்து உசிலம்பட்டி-தேனி ரோட்டில் நாடார் உறவின்முறை சார்பாக நடைபெற்ற காமராஜர் பிறந்தநாள் விழாவில் அய்யப்பன் எம்.எல்.ஏ. கலந்து கொண்டு காமராஜரின் படத்திற்கு மலர்தூவி மரியாதை செலுத்தினார். பின்னர் பொதுமக்களுக்கு அன்னதானம் வழங்கினார்.

இந்த நிகழ்ச்சியில் உசிலம்பட்டி அ.தி.மு.க. நகர செயலாளர் பூமாராஜா, மாநில பேரவை மாநில துணைச்செயலாளர் துரை தனராஜன், வழக்கறிஞர் பிரிவு லட்சுமணன், கோ.ராமநாதன், அடைக்கலம், அ.தி.மு.க நிர்வாகிகள் உள்ளிட்ட அ.தி.மு.க நிர்வாகிகள் பலர் கலந்து கொண்டனர்.

ஏர்வாடி:

தொண்டர்களால் புரட்சிதிலகம் என அழைக்கப்பட்டு வரும் சரத்குமார் பிறந்த நாள்விழா நெல்லை புறநகர் மாவட்டம் சார்பில் பல்வேறு பகுதிகளில் நேற்று காலை முதலே கட்சி கொடியேற்றி இனிப்புகள் வழங்கி ஆரவாரத்துடன் கொண்டாடப்பட்டது.

நெல்லை புறநகர் மாவட்ட செயலாளர் டோனாவூர் ஜொஸ்டின் திரவியராஜ் தலைமையில் பல்வேறு மக்கள் நலத்திட்ட உதவிகள் வழங்கப்பட்டன.

மாவட்ட வழக்கறிஞரணி சார்பில் ஊச்சிகுளம் சாரோன் சிறுவர் இல்லத்தில் வைத்து காலை சிற்றுண்டி வழங்கப்பட்டது.

கலுங்கடி, டோனாவூர், கோதைசேரி, நேதாஜிநகர், கல்லடிசிதம்பரபுரம், தோப்பூர், சிதம்பரபுரம், துவரைகுளம் போன்ற பகுதிகளில் கட்சியின் கொள்கை பாடல்கள் இசைக்கப்பட்டு கொடியேற்றி இனிப்புகள் வழங்கப்பட்டன.

ஒன்றிய பொருளாளர் ஜெயசீலன், இளைஞரணி செயலாளர் மிக்கேல்துரை, இளைஞரணி துணை செயலாளர் டேனியேல் தலைமையில் களக்காடு கல்லடிசிதம்பரபுரம் பள்ளி குழந்தைகளுக்கு கல்வி உபகரணங்கள் வழங்கப்பட்டது.

மாவட்ட தலைவர் ஜெபஸ்டின் திரவியராஜ் தலைமையில் நடைபெற்ற நிகழ்ச்சிக்கு மாவட்ட பொருளாளர் சாமுவேல், மாவட்ட வழக்கறிஞரணி செயலாளர் வக்கீல் வெள்ளத்துரை ஆகியோர் முன்னிலை வகித்தனர்.

இதில் பெருமாள்குளம் இஸ்ரவேல் ஞானதாஸ், மாவடி துரைபொன்ராஜ், அருள்சேகர் ரவி, கோதைசேரி அரசு, விக்கி, கலுங்கடி தாஸ், ஆல்வின், முத்து கல்லடி ஏபி கேப்டன், மும்பை ஆனந்தமுத்து, கிருஷ்ணன், அருள், அருள்சரவணன் மற்றும் தொண்டர்கள், பொதுமக்கள் கலந்து கொண்டனர்.