நீங்கள் தேடியது "confession"

களக்காடு:

நெல்லை மாவட்டம், நாங்குநேரி அருகே உள்ள மறுகால்குறிச்சியை சேர்ந்தவர் செல்லையா (வயது50) கூலி தொழிலாளி.

இவருக்கு மாரியம்மாள் (48) என்ற மனைவியும், 2 மகள்களும் 1 மகனும் உள்ளனர். அதே ஊரைச் சேர்ந்தவர் மணி மகன் ராஜா (27).

இவரை செல்லையாவின் மகன் மாரியப்பன் கிண்டல் செய்துள்ளார். இது சம்பந்தமாக மாரிய ப்பனுக்கும், ராஜாவிற்கும் தகராறு ஏற்பட்டு முன் விரோதம் இருந்து வந்தது.

இந்நிலையில் செல்லையா தனது வீட்டு முன் நின்று கொண்டி ருந்தார். அப்போது அங்கு வந்த ராஜாவுக்கும், செல்லையாவிற்கும் தகராறு ஏற்பட்டது. இருவருக்குமிடையே கடும் வாக்குவாதமும் எழுந்தது. இதனால் ஆத்திரம் அடைந்த ராஜா, செல்லையாவை கம்பால் சரமாரியாக தாக்கினார். இதில் படுகாயம் அடைந்த அவர் அலறினார்.

சத்தம் கேட்டு, ஓடி வந்த அக்கம், பக்கத்தினர் செல்லையாவை மீட்டு சிகிச்சைக்காக நாங்குநேரி அரசு மருத்துவமனைக்கு கொண்டு சென்றனர். அங்கு அவரை பரிசோதனை செய்த மருத்துவர்கள் அவர் ஏற்கனவே உயிரிழந்து விட்டதாக தெரி வித்தனர்.

இதுபற்றி நாங்குநேரி போலீசாருக்கு தகவல் கொ டுக்கப்பட்டது. இன்ஸ்பெக்டர் செல்வி மற்றும் போலீசார் விரைந்து சென்று விசாரணை நடத்தி ராஜாவை கைது செய்தனர். அவரிடம் போலீசார் விசாரித்த போது, என்னை மாரியப்பன் கிண்டல் செய்தது தொடர்பாக செல்லையாவிடம் தட்டி கேட்டேன். அப்போது ஏற்பட்ட வாக்குவாதத்தில் அவரை கம்பால் தாக்கினேன். இதில் அவர் இறந்துவிட்டார் என கூறி உள்ளார். அதனை போலீசார் வாக்குமூலமாக பதிவு செய்து கொண்டனர்.

புளியங்குடி:

தென்காசி மாவட்டம் புளியங்குடி அருகே உள்ள அய்யாபுரத்தை சேர்ந்தவர் நாகராஜ். இவரது மனைவி தங்கம்(வயது 55).

கொலை

இவர் நேற்று முன்தினம் மாலை வீட்டில் மர்மமான முறையில் கொலை செய்யப்பட்டு கிடந்தார். இந்த சம்பவம் தொடர்பாக புளியங்குடி போலீஸ் இன்ஸ்பெக்டர் பாலகிருஷ்ணன் வழக்குப்பதிவு செய்து விசாரணை நடத்தி வந்தார்.

சம்பவம் நடந்த நேரத்தில் அவரது வீட்டுக்கு வந்து சென்றவர்கள், அந்த தெரு வழியாக சென்றவர்கள் என ஏராளமானோரை பிடித்து போலீசார் விசாரித்தனர். அதில் நாகராஜின் அண்ணன் தங்கையா என்பவர் சொத்து பிரச்சினையில் தங்கத்தை கொலை செய்தது தெரியவந்தது.உடனே அவரை கைது செய்து நடத்திய விசாரணையில் அவர் கூறியதாவது:-

இடப்பிரச்சினை

தங்கத்தின் வீட்டின் எதிரே 2 செண்ட் இடம் உள்ளது. எங்கள் 2 பேர் குடும்பத்திற்கும் இடையே அந்த இடம் தொடர்பாக பிரச்சினை இருந்து வந்தது. நான் அந்த இடத்தில் என்னுடைய ஆடுகளை கட்டுவேன்.

ஆனால் அதில் கட்ட விடாமல் தங்கம் இடத்தை சுற்றி கயிறு கட்டிவிட்டார். சமீபத்தில் அந்த கயிற்றில் சிக்கி எனது ஆடு ஒன்று இறந்துவிட்டது.

கைது

இதனால் ஆத்திரம் அடைந்த நான், வீட்டில் யாரும் இல்லாத நேரத்தில் தங்கத்தை கொலை செய்தேன். சந்தேகம் வராமல் இருப்பதற்காக பிரேத பரிசோதனைக்காக அவரது உடல் நெல்லைக்கு கொண்டு செல்லப்பட்டபோதும் நானும் கூடவே இருந்தேன். ஆனால் போலீசார் என்னை கண்டுபிடித்துவிட்டனர்.

இவ்வாறு அவர் கூறினார்.

இதையடுத்து போலீசார் அதனை வாக்குமூலமாக பதிவு செய்து கொண்டனர். தங்கையாவை கைது செய்து சிறையில் அடைத்தனர்.

நெல்லை:

நெல்லை மாவட்டம் சேரன்மகாதேவி சந்தன மாரியம்மன் கோவில் தெருவை சேர்ந்தவர் மாலை.

இவரது மனைவி மாரியம்மாள் (வயது56). இவர் நேற்று முன்தினம் இரவு வீட்டில் இருந்த போது வெட்டிக் கொலை செய்யப்பட்டார்.

இது தொடர்பாக சேரன்மகாதேவி போலீசார் வழக்குப்பதிவு செய்து விசாரணை நடத்தினர். மேலும் அப்பகுதியில் பொருத்தப்பட்டிருந்த சி.சி.டி.வி. காமிரா காட்சிகளை கைப்பற்றி ஆய்வு செய்தனர்.

இதில் மாரியம்மாளை 6 பேர் கொண்ட கும்பல் கொலை செய்தது தெரியவந்தது. இதைத்தொடர்ந்து கொலையில் தொடர்புடைய சேரன்மகாதேவியை சேர்ந்த நடராஜன் மகன்கள் கணேசன் (38), ஆறுமுகம் (40), சுரேஷ் (36), கணபதி மகன் குட்டிபாண்டியன் (50), பண்டாரம் மகன் நெல்லையப்பன் (36) உள்பட 6 பேரை கைது செய்தனர்.

அவர்கள் வாக்குமூலத்தில் கூறியதாவது:-

சேரன்மகாதேவி ரெயில்வேகேட் பகுதியில் சம்பவத்தன்று நாங்கள் நண்பர்களுடன் மது குடித்து கொண்டிருந்தோம். அவ்வழியாக ராசுக்குட்டி (28) தனது நண்பர்களுடன் சென்று கொண்டிந்தார்.

அப்போது எங்களுக்கும், ராசுகுட்டி தரப்பினர்களுக்கும் இடையே தகராறு ஏற்பட்டது. பின்னர் இருதரப்பினரும் கலைந்து சென்றோம்.

அதன்பின்னர் நாங்கள் ராசுக்குட்டி வீட்டுக்கு சென்றோம். அங்கு ராசுக்குட்டியின் தாய் மற்றும் பெரியம்மா மாரியம்மாள் ஆகியோர் இருந்தனர்.

அவர்களிடம் ராசுக்குட்டி எங்கே என கேட்டோம். அப்போது எங்களுக்குள் வாக்குவாதம் ஏற்பட்டது. இதில் ஆத்திரமடைந்த நாங்கள் ராசுக்குட்டியின் தாயை வெட்ட முயன்றோம். அதனை அவரது சகோதரி மாரியம்மாள் தடுத்தார்.

இதனால் அவரை சரமாரியாக வெட்டினோம். இதில் அவர் சம்பவ இடத்திலேயே உயிரிழந்தார். பின்னர் அங்கிருந்து தப்பி சென்றுவிட்டோம்.

இவ்வாறு அவர் கூறி உள்ளனர்.

கோவில்பட்டி:

தூத்துக்குடி மாவட்டம் கோவில்பட்டி அருகே உள்ள தெற்கு திட்டங்குளம் கிராமத்தினை சேர்ந்தவர் பொன்ராஜ். ஊராட்சிமன்ற தலைவர்.

கொலை

நேற்று முன்தினம் பொன்ராஜ் வெட்டிக் கொலை செய்யப்பட்டார். இது தொடர்பாக போலீசார் விசாரணை நடத்தி அதே ஊரை சேர்ந்த பா.ஜ.க. ஒன்றிய இளைஞரணி தலைவர் கார்த்திக் (வயது 33) மற்றும் ஒரு சிறுவனை கைது செய்தனர். விசாரணையில் கார்த்திக் கூறியதாவது:-

கடந்த 15-ந்தேதி சுதந்திர தினவிழாவையொட்டி நடந்த கிராமசபை கூட்டத்தில் பூட்டிக்கிடக்கும் கழிவறைகளை திறக்க வேண்டும். பல்வேறு அடிப்படை வசதிகள் தொடர்பாக தீர்மானங்கள் நிறைவேற்ற நாங்கள் வலியுறுத்தினோம். ஆனால் நிறைவேற்ற சொன்ன தீர்மானத்தினை நிறைவேற்றவில்லை.

இது தொடர்பாக அவரிடம் நாங்கள் கேட்க சென்ற போது பொன்ராஜ் எங்களை அவதூறாக பேசியது மட்டுமின்றி, அரிவாளை காட்டி மிரட்டினார்.

இது எங்களுக்கு ஆத்திரத்தை ஏற்படுத்தியது. எனவே அவரை கொல்ல திட்டமிட்டோம். அதன்படி சம்பவத்தன்று தனியாக இருந்த அவரை வெட்டிக் கொலை செய்துவிட்டு தப்பி சென்றுவிட்டோம்.

இவ்வாறு அவர்கள் கூறினர்.

இதற்கிடையில் கொலையில் மேலும் பலருக்கும் தொடர்பு இருப்பதாகவும், உண்மையான குற்றாவளிகளை கைது செய்ய வேண்டும் என கூறி பொன்ராஜ் உடலை வாங்க மறுத்து அவரது உறவினர்கள் போராட்டத்தில் ஈடுபட்டனர்.

அவர்களிடம் ஏ.டி.எஸ்.பி.கார்த்திகேயன் தலைமையில் போலீசார் பேச்சு வார்த்தை நடத்தினர். அதில் உடன்பாடு ஏற்பட்டதால் அவர்கள் உடலை வாங்கி சென்றனர்.

தொடர்ந்து அவரது உடலுக்கு கடம்பூர் ராஜூ எம்.எல்.ஏ., தி.மு.க. ஒன்றிய செயலாளர் முருகேசன், விடுதலை சிறுத்தைகள் கட்சி மாவட்ட செயலாளர் கதிரேசன் உள்ளிட்டவர்கள் மரியாதை செலுத்தினர். பின்னர் பொன்ராஜ் உடல் அவரது சொந்த நிலத்தில் நல்லடக்கம் செய்யப்பட்டது.

இந்நிலையில் இந்த கொலை வழக்கில் வேறு யாருக்கும் தொடர்பு இருக்கிறதா? கிராம சபை கூட்டத்தில் நடந்த பிரச்சினை தான் காரணமா ? அல்லது வேறு எதுவும் காரணமா? என்பது குறித்து போலீசார் விசாரணை நடத்தி வருகின்றனர்.

நெல்லை:

நெல்லையை அடுத்த தேவர்குளம் பகுதியை சேர்ந்தவர் செல்வக்குமார் (வயது 35). டிரைவர்.

தகராறு

இவருக்கும், அதே பகுதியை சேர்ந்த சண்முகையா என்பவரது மகள் சவுந்திரவள்ளி(30) என்பவருக்கும் கடந்த 4 ஆண்டுகளுக்கு முன்பு திருமணமாகி 3 வயதில் ஒரு மகன் உள்ளான்.

செல்வக்குமாருக்கு மது குடிக்கும் பழக்கம் இருந்துள்ளது. இதனால் ஏற்பட்ட தகராறில் சவுந்திரவள்ளி தனது மகனுடன் தனியாக வாடகை வீட்டில் வசித்து வருகிறார்.

கொலை

நேற்று மாலையில் கணவன்-மனைவி இடையே ஏற்பட்ட தகராறில் செல்வகுமார், சவுந்திரவள்ளியை அரிவாளால் சரமாரியாக வெட்டிக்கொலை செய்தார். இதுதொடர்பாக தேவர்குளம் போலீசார் வழக்குப்பதிவு செய்து செல்வக்குமாரை கைது செய்தனர்.

அவரிடம் மானூர் வட்ட போலீஸ் இன்ஸ்பெக்டர் சபாபதி நடத்திய விசாரணையில் அவர் வாக்குமூலமாக கூறியதாவது:-

எங்களுக்குள் அடிக்கடி ஏற்பட்ட தகராறு காரணமாக சவுந்திர வள்ளி என்னுடன் வாழ மறுத்து பிரிந்து வாழ்ந்து வருகிறார். அதன்பின்னர் நான் பலமுறை அவரை குடும்பம் நடத்த அழைத்துள்ளேன். ஆனால் அவர் சம்மதிக்கவில்லை.

ஆத்திரம்

இந்நிலையில் நேற்று முன்தினம் எனது மகனுக்கு பிறந்தநாள். அதற்காக குழந்தையை எங்கள் வீட்டுக்கு அழைத்து செல்ல எனது மனைவியிடம் கேட்டேன். அவள் தர மறுத்துவிட்டாள்.

தகவல் அறிந்த போலீசார் அங்கு வந்து என்னை சமாதானம் செய்து அனுப்பி வைத்து விட்டனர். இந்த சம்பவம் எனக்கு ஆத்திரத்தை அதிகப்படுத்தியது. இதனால் நேற்று மதுகுடித்துவிட்டு சென்று அவரிடம் சண்டையிட்டேன். அப்போது ஆத்திரத்தில் அவரை வெட்டிக்கொலை செய்துவிட்டேன்.

இவ்வாறு அவர் கூறினார்.

இதையடுத்து செல்வக்குமாரை நீதிமன்றத்தில் ஆஜர்படுத்தி பாளை மத்திய சிறையில் போலீசார் அடைத்தனர்.

நெல்லை:

பாளை கோட்டூர் ரோடு திருஞானசம்பந்தர் நாயனார் தெருவை சேர்ந்தவர் சுப்பிரமணியன். இவரது மனைவி சுப்புலட்சுமி.

உடல்நிலை பாதிப்பு

இவர்களுக்கு சுரேஷ்(வயது 35) என்ற மகன், உமா என்ற மகள் உள்ளனர். மணிமூர்த்தீஸ்வரத்தை சேர்ந்த சண்முகம் மகன் கணேஷ் கைலாஷ் என்பவருடன் உமாவுக்கு திருமணமாகி 2 குழந்தைகள் உள்ளனர்.

கணேஷ் கைலாஷ் தனியார் தண்ணீர் கேன் நிறுவனத்தில் மேலாளராக உள்ளார்.கடந்த சில நாட்களாக சுப்புலட்சுமிக்கு உடல் நிலை பாதிக்கப்பட்டு உள்ளதால், உமா தனது தாய் வீட்டுக்கு சென்று கவனித்து வந்துள்ளார்.

கொலை

இந்நிலையில் சுரேஷ் குடித்துவிட்டு வந்து நேற்று இரவு வீட்டில் தகராறு செய்துள்ளார். தகவல் அறிந்த கணேஷ் கைலாஷ் அங்கு சென்று சமாதானம் பேசி உள்ளார். அப்போது அவர்களுக்குள் தகராறு முற்றியதில் கணேஷ் கைலாஷ் அங்கிருந்த கிரைண்டர் கல்லை எடுத்து சுரேஷ் தலையில் போட்டு கொலை செய்தார்.

இதுதொடர்பாக பாளை போலீஸ் இன்ஸ்பெக்டர் வாசிவம் வழக்குப்பதிவு செய்து கணேஷ் கைலாசை கைது செய்தார். அவர் போலீசில் வாக்குமூலமாக கூறியதாவது:-

அடித்து துன்புறுத்தினார்

சுரேஷ் சரிவர வேலைக்கு செல்லாமல் குடித்துவிட்டு தகராறு செய்து வந்தார். அவர் கோவில்பட்டியை சேர்ந்த ஒரு பெண்ணை காதலித்து திருமணம் செய்து கொண்டார். அவர்களுக்கு ஒரு மகன் உள்ள நிலையில் சுரேசின் தொந்தரவால் அவரது மனைவி குழந்தையுடன் கோவில்பட்டிக்கு சென்றுவிட்டார்.

எனது மாமனார் இறந்துவிட்டதால் அவருக்கு வந்த ஓய்வூதிய தொகையை குடும்பத்திற்கு செலவிடாமல் குடித்துவிட்டு தகராறு செய்து வந்தார். சம்பவத்தன்று குடித்துவிட்டு வந்த சுரேஷ், அங்கிருந்த எனது மனைவி மற்றும் 2 குழந்தைகளையும் அரிவாளின் பின்பகுதியால் அடித்து துன்புறுத்தி உள்ளார்.

இதனை எனக்கு போன் செய்து எனது குழந்தைகள் அழுது கொண்டே தெரிவித்தனர். இதனால் ஆத்திரம் அடைந்த நான் அங்கு சென்று அவரை சத்தம்போட்டேன். அப்போது எங்களுக்குள் வாக்குவாதம் முற்றியதில் கொலை செய்துவிட்டேன்.

இவ்வாறு அவர் கூறினார்.

இதையடுத்து அவரை போலீசார் கைது செய்து நீதிமன்றத்தில் ஆஜர்படுத்தினர்.

புளியங்குடி:

தென்காசி மாவட்டம் புளியங்குடி அருகே உள்ள நெல்கட்டும் செவல் பச்சேரி மடத்து தெருவை சேர்ந்தவர் கருப்பையா (வயது 65). வட்டிக்கு பணம் கொடுத்து வந்துள்ளார்.

இவரது மனைவி காளியம்மாள், இவர்களுக்கு 2 மகள்களும், முத்துக்குமார் என்ற மகனும் உள்ளார். இரு மகள்களுக்கும் திருமணமாகி தனியாக வசித்து வருகின்றனர். இந்நிலையில் குடும்ப பிரச்சினை காரணமாக மனைவி மற்றும் மகனை பிரிந்து கருப்பையா கடந்த 15 ஆண்டுகளாக தனியாக வசித்து வந்தார்.

இந்நிலையில், நேற்று கருப்பையா கழுத்து அறுத்து கொலை செய்யப்பட்டார். இது தொடர்பாக புளியங்குடி போலீசார் வழக்குப்பதிவு செய்து விசாரணை நடத்தினர். அதில் முத்துக்குமார் தந்தையை கொலை செய்தது தெரியவந்தது. இதைதொடர்ந்து அவரை போலீசார் கைது செய்தனர். அவரிடம் நடத்திய விசாரணையில், முத்துக்குமார் கூறியதாவது:-

சொத்து பிரச்சினை தொடர்பாக எனக்கும், எனது தந்தைக்கும் பிரச்சினை இருந்து வருகிறது. நான் வேலை இல்லாமல் கஷ்டப்பட்டு வருவதால் பணம் மற்றும் சொத்தை எழுதி தருமாறு தந்தையிடம் கேட்டு வந்தேன். ஆனால் அவர் தொடர்ந்து மறுப்பு தெரிவித்து வந்தார்.

இதேபோல் சம்பவத்தன்று அவரிடம் சொத்துக்களை எழுதி தருமாறு கூறினேன். ஆனால் அவர் அதற்கு மறுப்பு தெரிவித்தார். இதனால் ஆத்திரம் அடைந்த நான் அவரை அரிவாளால் வெட்டிக் கொன்றேன்.

இவ்வாறு அவர் கூறினார்.

கடையம்:

தென்காசி மாவட்டம் கீழக்கடையம் பாதுகாத்தம்மன் கோவில் தெருவை சேர்ந்தவர் சக்திவேல் முருகன்(வயது 39). கூலி தொழிலாளி. இவருக்கு மனைவி மற்றும் 2 மகன்கள் உள்ளனர்.

குத்திக்கொலை

இவர் நேற்று மதியம் தனது நண்பர்களுடன் கீழபத்து வயல் பகுதியில் அமர்ந்து மது அருந்தி உள்ளார். அப்போது ஏற்பட்ட தகராறில் கீழக்கடையம் ஆர்.சி.சர்ச் தெருவை சேர்ந்த ராஜரத்தினம் (38 ) என்பவர் சக்திவேல் முருகனை கத்தியால் குத்தி கொலை செய்தார்.

இதுதொடர்பாக கடையம் போலீஸ் இன்ஸ்பெக்டர் (பொறுப்பு) சந்திரசேகர் விசாரணை நடத்தி ராஜரத்தினத்தை கைது செய்தனர். அவரிடம் நடத்திய விசாரணையில் அவர் கூறியதாவது:-

அவதூறு பேச்சு

தினமும் நாங்கள் ஒன்றாக சேர்ந்து மது அருந்துவோம். வழக்கம்போல் நேற்றும் மது அருந்தினோம். அப்போது சக்திவேல் முருகன் மனைவியை நான் அவதூறாக பேசினேன்.

உடனே அவர், எனது மனைவியை எவ்வாறு நீ அவதூறாக பேசலாம் என்று கேட்டு என்னை சத்தம் போட்டார். இதனால் மதுபோதையில் இருந்த நான் ஆத்திரம் அடைந்தேன்.