என் மலர்
நீங்கள் தேடியது "Tenkasi"
- இதுவரை கொரோனா தடுப்பூசி போடாதவர்கள், இரண்டாவது தவணை போட வேண்டிய வர்கள் மற்றும் இரண்டு தவணை தடுப்பூசி செலுத்தி ஆறு மாதம் நிறைவு பெற்ற 18 வயதிற்கு மேற்பட்டோர் முன்னெச்சரிக்கை தவணை தடுப்பூசி போடவேண்டியவர்கள் ஆகியோர் பயனடையும் வகையில் இலவசமாக தடுப்பூசி போடப்படுகிறது.
- இந்த வாய்ப்பினை பொது மக்கள் அனைவரும் பயன்படுத்திக்கொள்ள கலெக்டர் ஆகாஷ் கேட்டுக்கொண்டு உள்ளார்.
தென்காசி:
தென்காசி மாவட்டத்தில் வரும் 21-ந் தேதி (ஞாயிற்றுக்கிழமை) 1,000 மையங்களில் கொரோனா தடுப்பூசி செலுத்தும் முகாம் நடைபெற உள்ளது.
இதுவரை கொரோனா தடுப்பூசி போடாதவர்கள், இரண்டாவது தவணை போட வேண்டிய வர்கள் மற்றும் இரண்டு தவணை தடுப்பூசி செலுத்தி ஆறு மாதம் நிறைவு பெற்ற 18 வயதிற்கு மேற்பட்டோர் முன்னெச்சரிக்கை தவணை தடுப்பூசி போடவேண்டியவர்கள் ஆகியோர் பயனடையும் வகையில் இலவசமாக தடுப்பூசி போடப்படுகிறது.
காலை, நண்பகல், பிற்பகல் என வெவ்வேறு இடத்திலும் நகராட்சி, பேரூராட்சி, ஊராட்சிகளில் உள்ள பகுதிகள் பேருந்து நிலையங்கள், அரசு ஆரம்ப சுகாதார நிலையங்கள், அரசு மருத்துவமனை மற்றும் தடுப்பு ஊசி செலுத்தும் இடங்களில் முகாம் நடைபெற உள்ளது. இந்த வாய்ப்பினை பொது மக்கள் அனைவரும் பயன்படுத்திக்கொள்ள வேண்டும்.
இதில் 12 வயதிற்கு மேற்பட்ட முதல் தவணை தடுப்பூசி செலுத்தாதவர்கள், இரண்டாவது தவணை தடுப்பூசி செலுத்த காலம் தவறியவர்கள் மற்றும் முன்னெச்சரிக்கை தவணை தடுப்பூசி போடவேண்டியவர்கள் அனைவரும் முழுமையாக பயன்படுத்திக் கொள்ளலாம் என மாவட்ட கலெக்டர் ஆகாஷ் வெளியிட்டுள்ள செய்திக் குறிப்பில் தெரிவித்துள்ளார்.
- மாவட்டத்தின் பாதுகாப்பை வலுப்படுத்தும் விதமாக அங்கு தனியாக ஆயுதப்படை மைதானம் அமைக்க வேண்டும் என்று போலீசார் தரப்பில் இருந்து தெரிவிக்கப்பட்டு வந்தது.
- குற்றாலம் போலீஸ் நிலையம் அருகே இடம் தேர்வு செய்யப்பட்டு அங்கு ஆயுதப்படை அமைக்கப்பட்டுள்ளது.
தென்காசி:
ஒருங்கிணைந்த நெல்லை மாவட்டம் 2 ஆக பிரிக்கப்பட்டு தென்காசி தனி மாவட்டமாக உதயமானது. இதனை தொடர்ந்து அங்கு கலெக்டர் அலுவலகம் உள்பட அனைத்து துறை அலுவலகங்களும் தொடங்கப்பட்டு செயல்பட்டு வருகிறது.
ஆயுதப்படை
இந்நிலையில் மாவட்டத்தின் பாதுகாப்பை வலுப்படுத்தும் விதமாக அங்கு தனியாக ஆயுதப்படை மைதானம் அமைக்க வேண்டும் என்று போலீசார் தரப்பில் இருந்து தெரிவிக்கப்பட்டு வந்தது.
இந்நிலையில் குற்றாலம் போலீஸ் நிலையம் அருகே இடம் தேர்வு செய்யப்பட்டு அங்கு ஆயுதப்படை அமைக்கப்பட்டுள்ளது. அதனை மாவட்ட போலீஸ் சூப்பிரண்டு கிருஷ்ணராஜ் ரிப்பன் வெட்டி திறந்து வைத்தார். அதன்பின்னர் ஆயுதப்படை வளாகத்தை ஆய்வு மேற்கொண்டு மரக்கன்றுகள் நட்டு வைத்தார். அப்போது பணியின் போது விழிப்புடனும், பொறுப்புடனும் இருக்க வேண்டும் என்று ஆயுதப்படை போலீசாருக்கு அறிவுரைகள் வழங்கி அவர்களின் நிறை, குறைகளை கேட்டறிந்தார்.
புதிதாக தொடங்கப்பட்டுள்ள இந்த ஆயுதப்படையில் இன்ஸ்பெக்டர் மார்ட்டின் தலைமையில் 3 சப்-இன்ஸ்பெக்டர்கள், 3 சிறப்பு சப்-இன்ஸ்பெக்டர்கள், 3 தலைமை காவலர்கள், 2 முதல் நிலை காவலர்கள், 2-ம் நிலை ஆண் காவலர்கள் 150 பேர், 60 இரண்டாம் நிலை பெண் காவலர்கள் உட்பட மொத்தம் 222 போலீசார் பணியில் ஈடுபட்டு வருகின்றனர்.
- சுதந்திர தின விழாவில் மாவட்ட கலெக்டர் ஆகாஷ் கலந்து கொண்டு தேசிய கொடியை ஏற்றி வைத்தார்.
- காவல்துறையில் சிறப்பாக செயலாற்றிய 43 போலீசாருக்கு விருதுகள் வழங்கப்பட்டது.
தென்காசி:
75-வது சுதந்திர தின விழா இன்று நாடு முழுவதும் கோலாகலமாக கொண்டாடப்பட்டு வருகிறது.
தென்காசி
தென்காசி மாவட்டம் இ.சி.ஈ அரசு ஆண்கள் மேல்நிலைப் பள்ளி வளாகத்தில் நடைபெற்ற சுதந்திர தின விழாவில் மாவட்ட கலெக்டர் ஆகாஷ் கலந்து கொண்டு தேசிய கொடியை ஏற்றி வைத்தார். தொடர்ந்து காவல்துறையினரின் அணிவகுப்பு நிகழ்ச்சியும், பள்ளி மாணவர்களின் கலை நிகழ்ச்சி உள்ளிட்டவை நடைபெற்றது.
மேலும் அரசு அலுவலர்கள் மற்றும் பொது மக்களில் சுமார் 206 பேருக்கு நற்சான்றிதழ், விருதுகளும் வழங்கப்பட்டது. அதேபோல் காவல்துறையில் சிறப்பாக செயலாற்றிய தென்காசி டி.எஸ்.பி. மணிமாறன், போக்குவரத்து பிரிவு இன்ஸ்பெக்டர் பிரபு உள்ளிட்ட 43 போலீசாருக்கும் விருதுகள் வழங்கப்பட்டது.
தொடர்ந்து பொது மக்களுக்கு நலத்திட்டங்கள் உள்ளிட்டவற்றை கலெக்டர் ஆகாஷ் வழங்கினார். இந்த நிகழ்ச்சியில் மாவட்ட போலீஸ் சூப்பிரண்டு கிருஷ்ணராஜ் மற்றும் வருவாய்த்துறை அலுவலர்கள், அரசு அதிகாரிகள், பள்ளி ஆசிரி யர்கள், மாணவர்கள் கலந்து கொண்டனர்.
- புத்தகத்திருவிழாவின் நிறைவு விழா மாவட்ட வருவாய் அலுவலர் ஜெய்னுலாப்தீன் தலைமையில் நடைபெற்றது.
- மாணவ-மாணவிகளுக்கான புத்தகப்பரிசு சான்றிதழ் 270 பேர்களுக்கு வழங்கப்பட்டது.
தென்காசி:
குற்றாலத்தில் சாரல் திருவிழா கடந்த 5- ந்தேதி முதல் தொடங்கி நடைபெற்றது அதேநாளில் தென்காசி புத்தகத் திருவிழாவும் தொடங்கி நேற்று வரை நடைபெற்றது.
புத்தகத்திருவிழாவின் நிறைவு விழா மாவட்ட வருவாய் அலுவலர் ஜெய்னுலாப்தீன் தலைமையில் நடைபெற்றது. விழாவில் மாவட்ட நூலக அலுவலர் மீனாட்சி சுந்தரம், மாவட்ட பிற்பட்டோட்டர் நல அலுவலர் குணசேகர், தோட்டக்கலைத்துறை துணை இயக்குநர் ஜெயபாரதி மாலதி, மாவட்ட கல்வி அலுவலர் ஜெயப்பிரகாஷ் நாராயணன், ஏடிபிசி சீவல முத்து, டாக்டர் அறிவழகன், வட்டார கல்வி அலுவலர்கள் இளமுருகன் , மாரியப்பன் கிளை நூலகர் சுந்தர் கலந்து கொண்டனர்.
கட்டுரைப்போட்டி, ஓவியப்போட்டி, வினாடி- வினா, பேச்சுப்போட்டியில் வெற்றிபெற்ற பள்ளி, கல்லூரி மாணவ-மாணவிகளுக்கான புத்தகப்பரிசு சான்றிதழ் 270 பேர்களுக்கு வழங்கப்பட்டது.புத்தக திருவிழாவில் சிறப்பாக பணி ஆற்றிய 150 அரசு அலுவலர்களுக்கு நினைவுப்பரிசும், சான்றிதழும் வழங்கப்பட்டது.
புத்தக திருவிழாவிற்கு இதுவரை 1,02,415 பேர் வருகை தந்துள்ளனர். ரூ.51 லட்சத்திற்கும் மேலான மதிப்பில் நூல்கள் விற்பனையும் நடந்து உள்ளது. தென்காசி மாவட்டத்தின் முதல் புத்தகத் திருவிழா சிறப்புடன் நடைபெற்றதற்கு உறுதுணையாக இருந்த மாவட்ட நிர்வாகம், பொது நூலகத்துறை உள்ளிட்ட அனைத்து துறை அலுவலர்கள், பபாசி நிறுவனத்தார் இதர பதிப்பகத்தார், விற்பனையாளர்கள், பொதுமக்கள், வாசகர்கள், பள்ளி கல்லூரி மாணவர்கள், தென்காசி மாவட்ட கல்வி நிறுவனங்கள் சிறப்பாக ஒருங்கிணைத்த அனைவருக்கும் மாவட்ட நிர்வாகம் சார்பாக பாராட்டுக்கள் தெரிவிக்கப்பட்டது.
- அனைத்து வீடுகளிலும் தேசிய கொடி என்ற இயக்கம் ஒருங்கிணைக்கப்பட்டு உள்ளதாக அரசு அறிவித்து உள்ளது.
- அனைத்து தொழிற்சாலை நிர்வாகிகளும் தொழிலாளர்களுக்கு தேசிய கொடிகளை வழங்கி ஊக்குவிக்க வேண்டும் என்றுதொழிலக பாதுகாப்பு இணை இயக்குனர் க.நிறைமதி கூறியுள்ளார்.
நெல்லை:
நெல்லை, தென்காசி மாவட்டங்களில் சுதந்திர தின விழாவை முன்னிட்டு தொழிலாளர்களுக்கு தேசிய கொடி வழங்க வேண்டும் என்று நிறுவனங்களுக்கு தொழிலக பாதுகாப்பு இணை இயக்குனர் க.நிறைமதி வேண்டுகோள் விடுத்துள்ளார்.
சுதந்திர தின விழா
இதுதொடர்பாக நெல்லை தொழிலக பாதுகாப்பு மற்றும் சுகாதார இணை இயக்குனர் க.நிறைமதி வெளியிட்டுள்ள செய்திக்குறிப்பில் கூறிஇருப்பதாவது:-
சுதந்திர தின அமுதப்பெருவிழாவை முன்னிட்டு நேற்று முதல் நாளை (திங்கட்கிழமை) வரை அனைத்து வீடுகளிலும் தேசிய கொடி என்ற இயக்கம் ஒருங்கிணைக்கப்பட்டு உள்ளதாக அரசு அறிவித்து உள்ளது. அதில் அனைத்து தொழிற்சாலைகளிலும் நிர்வாகத்தினர் கொடியேற்றுவது மட்டுமின்றி தொழிற்சாலைகளில் பணிபுரியும் தொழிலாளர்களின் வீடுகளிலும் கொடியேற்ற ஏதுவதாக தேசிய கொடிகளை வழங்கி ஊக்குவிக்குமாறு அறிவுறுத்தப்பட்டு உள்ளது.
தேசிய கொடி வழங்க வேண்டும்
அதன்படி நெல்லை, தென்காசி, கன்னியாகுமரி மாவட்டங்களில் உள்ள அனைத்து தொழிற்சாலை நிர்வாகிகளும் தங்களது தொழிற்சாலையில் பணிபுரியும் தொழிலாளர்களுக்கு தேசிய கொடிகளை வழங்கி ஊக்குவிக்க வேண்டும்.
மேலும் தொழிற்சாலை நிறுவனங்கள் சுதந்திர தின அமுத பெருவிழா கொண்டாடப்பட்ட விவரங்களை மாவட்ட வாரியாக புகைப்படத்துடன் கூடிய அறிக்கையை நெல்லை தொழிலக பாதுகாப்பு மற்றும் சுகாதார இணை இயக்குனர் அலுவலகத்திற்கு அனுப்பி வைக்க வேண்டும்.
இவ்வாறு அதில் கூறப்பட்டு உள்ளது.
+2
- பாளை ஆயுதப்படை மைதானத்தில் கலெக்டர் விஷ்ணு தேசிய கொடி ஏற்றி மரியாதை செலுத்த உள்ளார்.
- தென்காசி மாவட்டம் முழுவதும் 1,000 போலீசார் பாதுகாப்பு பணியில் ஈடுபட்டுள்ளனர்.
நெல்லை:
நாளை(திங்கட்கிழமை) சுதந்திரதினம் கொண்டாடப்படுவதை–யொட்டி நெல்லை, தென்காசி, தூத்துக்குடியில் மாவட்ட நிர்வாகங்கள் சார்பில் கலெக்டர்கள் தேசிய கொடியேற்றி மரியாதை செலுத்த உள்ளனர்.
நெல்லை
நெல்லை மாவட்டத்தில் நாளை காலை 9.05 மணிக்கு பாளை ஆயுதப்படை மைதானத்தில் கலெக்டர் விஷ்ணு தேசிய கொடி ஏற்றி மரியாதை செலுத்த உள்ளார். இதனால் அங்கு போலீசாரின் அணிவகுப்பு, கலை நிகழ்ச்சிகள், சாகசங்கள் உள்ளிட்டவற்றுக்கு ஏற்பாடுகள் தயார் நிலையில் உள்ளது.
தொடர்ந்து சிறப்பாக பணியாற்றிய போலீசார், அரசு அதிகாரிகள் உள்ளிட்டோருக்கு பதக்கங்கள், நற்சான்றிதழ்கள் உள்ளிட்டவற்றையும் கலெக்டர் விஷ்ணு வழங்குகிறார்.
போலீஸ் பாதுகாப்பு
சுதந்திர தினத்தையொட்டி மாவட்ட போலீஸ் சூப்பிரண்டு சரவணன் உத்தரவின்பேரில் பொதுமக்கள் அதிகம் கூடும் பஸ் நிலையங்கள், கூடங்குளம் அணு மின் நிலையம், பணகுடி இஸ்ரோ மையம் உள்பட அனைத்து இடங்களிலும் சுமார் 1,500 போலீசார் பாதுகாப்பில் ஈடுபட்டுள்ளனர்.
மாநகர பகுதியில் நெல்லையப்பர் கோவில் உள்பட முக்கிய கோவில்கள், கல்லூரிகள், பஸ் மற்றும் ரெயில் நிலையம் உள்ளிட்ட இடங்களில் மாநகர போலீஸ் கமிஷனர் அவினாஷ்குமார் உத்தரவின்பேரில் சுமார் 1,000 போலீசார் பாதுகாப்பு பணியில் ஈடுபட்டுள்ளனர்.
தென்காசி
தென்காசி மாவட்ட நிர்வாகம் சார்பில் தென்காசி ஐசிஈ அரசு ஆண்கள் மேல்நிலைப்பள்ளி மைதானத்தில் கலெக்டர் ஆகாஷ் கலந்து கொண்டு தேசிய கொடி ஏற்றி மரியாதை செலுத்த உள்ளார்.
இதனையொட்டி மாவட்ட போலீஸ் சூப்பிரண்டு கிருஷ்ணராஜ் தலைமையில் மாவட்டம் முழுவதும் 1,000 போலீசார் பாதுகாப்பு பணியில் ஈடுபட்டுள்ளனர். மாவட்டத்தில் உள்ள அணை பகுதிகள், குற்றாலம் அருவிகள், ரெயில் நிலையங்கள் உள்ளிட்ட பகுதிகளில் போலீசார் பாதுகாப்பு பணியில் உள்ளனர். சுற்றுலா பயணிகள் மற்றும் அவர்களது உடைமைகளை மெட்டல் டிடெக்டர் மூலமாக போலீசார் சோதனை செய்து வருகின்றனர்.
தூத்துக்குடி
தூத்துக்குடி மாவட்டத்தில் 75-வது சுதந்திர தினத்தையொட்டி அனைத்து வீடுகளிலும் பொதுமக்கள் தேசிய கொடி ஏற்றி வைத்துள்ளனர். அமுத பெருவிழாவையொட்டி திருச்செந்தூர் வீரபாண்டியன்பட்டனத்தில் உள்ள டாக்டர் பா.சிவந்தி ஆதித்தனார் மணிமண்டபம் உள்ளிட்ட பல்வேறு இடங்களில் உள்ள மணிமண்டபங்கள் மூவர்ண விளக்குகளால் அலங்கரிக்கப்பட்டுள்ளன.
தூத்துக்குடியில் தருவை மைதானத்தில் மாவட்ட நிர்வாகம் சார்பில் கலெக்டர் செந்தில்ராஜ் தேசிய கொடி ஏற்றி மரியாதை செலுத்த உள்ளார். அங்கு அனைத்து ஏற்பாடுகளும் தயார் நிலையில் உள்ளது. மாவட்டம் முழுவதும் போலீஸ் சூப்பிரண்டு பாலாஜி சரவணன் தலைமையில் சுமார் 1000 போலீசார் பாதுகாப்பு பணியில் உள்ளனர்.
- தென்காசி ரயில்வே மேம்பாலம் சாதி, மதத்தை கடந்து ஒற்றுமையை பறைசாற்றும் வகையில் மின் விளக்குகளால் அலங்கரிக்கப்பட்டது.
- காவல் துறையின் செயலை பொதுமக்கள் மற்றும் சமூக ஆர்வலர்கள் பாராட்டி வருகின்றனர்
தென்காசி:
தென்காசி மாவட்ட காவல்துறையால் ஏற்பாடு செய்யப்பட்ட வானவில் வண்ணம் கொண்ட ஒற்றுமை மேம்பாலத்தை 75-வது சுதந்திர தினவிழாவை கொண்டாடும் வகையில் தென்காசி மாவட்ட போலீஸ் சூப்பிரண்டு கிருஷ்ணராஜ் உத்தரவு படி தென்காசி உட்கோட்ட துணை கண்காணிப்பாளர் மணி மாறன் மேற்பார்வையில் தென்காசி இன்ஸ்பெக்டர் பாலமுருகன் தலைமையில் தென்காசி ரயில்வே மேம்பாலம் சாதி, மதத்தை கடந்து ஒற்றுமையை பறைசாற்றும் வகையில் மின் விளக்குகளால் அலங் கரிக்கப்பட்டது. காவல் துறையின் இத்தகைய செயலை பொதுமக்கள் மற்றும் சமூக ஆர்வலர்கள் வெகுவாக பாராட்டி வருகின்றனர்.
- தென்காசி அருகே உள்ள அய்யாபுரம் ஊராட்சி ஒன்றிய தொடக்க பள்ளியில் பழைய கட்டிடத்தை அகற்றிவிட்டு புதிய கட்டிடம் கட்ட வேண்டும் என்று ஒன்றிய கவுன்சிலர் அழகு சுந்தரத்திடம் பள்ளி நிர்வாகத்தினர் கோரிக்கை வைத்திருந்தனர்.
- பழனி நாடார் எம்.எல்.ஏ. தி.மு.க. மாவட்ட செயலாளர் சிவபத்மநாதன் ஆகியோர் பூமி பூஜையை தொடங்கி வைத்தனர்.
தென்காசி:
தென்காசி அருகே உள்ள அய்யாபுரம் ஊராட்சி ஒன்றிய தொடக்க பள்ளியில் பழைய கட்டிடத்தை அகற்றிவிட்டு புதிய கட்டிடம் கட்ட வேண்டும் என்று ஒன்றிய கவுன்சிலர் அழகு சுந்தரத்திடம் பள்ளி நிர்வாகத்தினர் கோரிக்கை வைத்திருந்தனர். அவர் இந்த கோரிக்கையை தி.மு.க.மாவட்ட செயலாளர் சிவபத்மநாதனிடம் மனுவாக அளித்திருந்தார்.
மாவட்டச் செயலாளர், பழனி நாடார் எம்.எல்.ஏ.விடம் தெரிவித்ததையடுத்து சட்டமன்ற தொகுதி மேம்பாட்டு நிதியிலிருந்து ரூ.18 லட்சம் ஒதுக்கீடு செய்யப்பட்டு இதற்கு நேற்று பூமி பூஜை நடந்தது.
விழாவிற்கு ஒன்றிய செயலாளர் அழகுசுந்தரம் தலைமை தாங்கினார். மாவட்ட பஞ்சாயத்து தலைவர் தமிழ்ச்செல்வி, துணை தலைவர் உதயகிருஷ்ணன் முன்னிலை வகித்தனர். பழனி நாடார் எம்.எல்.ஏ. தி.மு.க. மாவட்ட செயலாளர் சிவபத்மநாதன் ஆகியோர் பூமி பூஜையை தொடங்கி வைத்தனர்.
விழாவில் ஊராட்சி மன்ற தலைவர் சத்யராஜ், துணை தலைவர் சண்முகசுந்தரம், வட்டார கல்வி அலுவலர்கள் இளமுருகன், சண்முகசுந்தரபாண்டியன், தி.மு.க. பேரூர் செயலாளர் சுந்தரபாண்டியபுரம் பண்டாரம், சேர்மன் காளியம்மாள் செல்வகுமார், மேலகரம் சுடலை, குற்றாலம் குட்டி, ஜெகதீசன், மாவட்ட பிரதிநிதி வல்லம் செல்வம், கூட்டுறவு சங்க தலைவர் சுரேஷ், ஒன்றிய துணைச் செயலாளர் ஆனந்த், ஆனந்தராஜ், ஆவின் ஆறுமுகம், கிளைச் செயலாளர் செல்வக்குமார், அரிச்சந்திரன், தங்கராஜ், வேல்ராஜ், கருப்பசாமி, வேதம்புதூர் பிச்சையா, துரைப்பாண்டி, செல்வம், கதிரவன், அழகுதுரை, குட்டி ராஜன், அரசு ஒப்பந்ததாரர் குத்தாலிங்கம் உட்பட பலர் கலந்து கொண்டனர்.
- தென்காசி உழவர்சந்தை நிர்வாக அலுவலர் இராமச்சந்திரன் தலைமையிலும் தென்காசி வேளாண்மை வணிக வேளாண்மை அலுவலர் முகைதீன்பிச்சை முன்னிலையில் நடைபெற்றது.
- உழவர் சந்தையின் பயன்கள் செயல்பாடுகள் பற்றியும் அடையாள அட்டை பெறும் வழிமுறைகள் பற்றியும் தென்காசி உழவர்சந்தை நிர்வாக அலுவலர் இராமச்சந்திரன் விளக்கிக்கூறினார்
தென்காசி:
உழவர் சந்தையில் விவசாயிகள் மற்றும் நுகர்வோர்கள் வருகையை அதிகரிக்கும் வகையில் கடையநல்லூர் வட்டாரம் கொடிக்குறிச்சி ஊராட்சி மன்ற அலுவலகத்தில் கொடிகுறிச்சி மற்றும் சிவராமபேட்டை விவசாயிகளுக்கான உழவர்சந்தை விழிப்புணர்வு முகாம் மாவட்ட வேளாண்மை துணை இயக்குனர் வேளாண் வணிகம் கிருஷ்ணகுமார் அறிவுரைப்படி தென்காசி உழவர்சந்தை நிர்வாக அலுவலர் இராமச்சந்திரன் தலைமையிலும் தென்காசி வேளாண்மை வணிக வேளாண்மை அலுவலர் முகைதீன்பிச்சை முன்னிலையில் நடைபெற்றது.
கடைய நல்லூர் வேளாண்மை வணிக உதவி வேளாண்மை அலுவலர் கருப்பையா வரவேற்று பேசினார். வேளாண்மை வணிகம் வேளாண்மை அலுவலர் முகைதீன்பிச்சை விளைபொருட்களை மதிப்புக்கூட்டி விற்பனை செய்து லாபம் பெறவும் வேளாண் வணிக திட்டங்கள் பற்றியும் விளக்கிக் கூறினார்.
முகாமில் உழவர் சந்தையின் பயன்கள் செயல்பாடுகள் பற்றியும் அடையாள அட்டை பெறும் வழிமுறைகள் பற்றியும் தென்காசி உழவர்சந்தை நிர்வாக அலுவலர் இராமச்சந்திரன் விளக்கிக்கூறினார்.உழவர்சந்தை விவசாயிகளுக்கு காய்கறிகள் மற்றும் பழங்களுக்கு விலை நிர்ணயம் செய்யும் முறை பற்றி தென்காசி உழவர்சந்தை உதவி நிர்வாக அலுவலர் செந்தில்குமார் விளக்கிக் கூறினார்.
தென்காசி உழவர்சந்தை உதவி நிர்வாக அலுவலர் கணேசன் காய்கறி சாகுபடி முறைகள் மற்றும் பயிர்பாதுகாப்பு செய்யும் முறைகள் பற்றியும் விளக்கிக் கூறினார். நிறைவாக செங்கோட்டை வேளாண்மை வணிக உதவி வேளாண்மை அலுவலர் இப்ராஹிம் நன்றி கூறினார்.
- ராமநாதபுரம் செய்யது அம்மாள் பொறியியல் கல்லூரியில் ‘அறிவியல் பட்டறை’ என்ற தலைப்பில் மாநில அளவிலான அறிவியல் கண்காட்சி நடைபெற்றது.
- இலஞ்சி பாரத் மாண்டி சோரி, ஆறுமுகநேரி கமலா வதி, அருப்புக்கோட்டை தேவாங்கர் உள்ளிட்ட 55 -க்கும் மேற்பட்ட பள்ளி மாணவ, மாணவிகள் கலந்து கொண்டனர்.
தென்காசி,ஆக.7-
ராமநாதபுரம் செய்யது அம்மாள் பொறியியல் கல்லூரியில் 'அறிவியல் பட்டறை' என்ற தலைப்பில் மாநில அளவிலான அறிவியல் கண்காட்சி நடைபெற்றது.
இக்கண்காட்சியில் இலஞ்சி பாரத் மாண்டி சோரி, ஆறுமுகநேரி கமலா வதி, அருப்புக்கோட்டை தேவாங்கர் உள்ளிட்ட 55 -க்கும் மேற்பட்ட பள்ளி மாணவ, மாணவிகள் கலந்து கொண்டனர்.
இதில் கலந்து கொண்ட தென்காசி இலஞ்சி பாரத் மாண்டிசோரி மாணவர்கள் சாய்ராம், முகம்மது முஸின் ஆகியோர் வனவிலங்குகள் ரெயில்வே பாதையில் வராமல் தடுக்கும் செயல் திட்டத்தை அமைத்திருந்தனர்.
யானை உள்ளிட்ட வனவிலங்குகள் ரெயில்வே தண்டவாளத்தை நெருங்கும் போது வெடியோசை கேட்பது போன்ற செயல்திட்டத்தால் யானைகள் ரெயில்வே பாதையை விட்டு விலகிச் செல்வது போன்று வடிவமைத்திருந்தனர். இச்செயல் திட்டத்திற்கு மாநில அளவில் மூன்றாம் பரிசு கிடைத்தது.செய்யது அம்மாள் பொறியியல் கல்லூரி சார்பில் பாரத் மாண்டிசோரி மாணவர்களுக்கு ரூ. 18 ஆயிரம் மற்றும் சான்றிதழ் வழங்கப்பட்டது. மாநில அளவிலான அறிவியல் கண்காட்சிப் போட்டியில் வெற்றி பெற்ற பாரத் மாணவர்களைப் பாரத் கல்விக் குழுமத் தலைவர் மோகனகிருஷ்ணன், செயலாளர் காந்திமதி மோகனகிருஷ்ணன், இயக்குநர் ராதாபிரியா ஆகியோர் பாராட்டினர்.
- தடுப்பூசி செலுத்தி ஆறு மாதம் நிறைவு பெற்ற 18 வயதிற்கு மேற்பட்டோர் பயனடையும் வகையில் இலவசமாக போடப்படுகிறது.
- இந்த தடுப்பூசி முகாமை பொதுமக்கள் அனைவரும் பயன்படுத்திக் கொள்ளுமாறு தென்காசி மாவட்ட நிர்வாகம் கேட்டுக் கொண்டுள்ளது.
தென்காசி:
தென்காசி மாவட்டத்தில் வருகிற 7-ந் தேதி 1,000 மையங்களில் சிறப்பு மெகா கொரோனா தடுப்பு ஊசி செலுத்த முகாம் நடைபெற உள்ளது.
தென்காசி மாவட்டத்தில் இதுவரை கொரோனா தடுப்பூசி போடாதவர்கள் இரண்டாவது தவணை போட வேண்டியவர்கள் மற்றும் இரண்டு தவணை தடுப்பூசி செலுத்தி ஆறு மாதம் நிறைவு பெற்ற 18 வயதிற்கு மேற்பட்டோர் முன்னெச்சரிக்கை தடுப்பு ஊசி போட வேண்டியவர்கள் ஆகியோர் பயனடையும் வகையில் இலவசமாக போடப்படுகிறது.
காலை, நண்பகல், பிற்பகல் என ஆட்டத்தில் உள்ள வெவ்வேறு இடத்திலும் நகராட்சி, பேரூராட்சி, ஊராட்சி பகுதிகளில் உள்ள வார்டு பகுதிகள்,பேருந்து நிலையங்கள், அரசு ஆரம்ப சுகாதார நிலையங்கள்,அரசு மருத்துவமனை மற்றும் தடுப்பூசி செலுத்தும் இடங்களில் முகாம் நடைபெற உள்ளது. இந்த வாய்ப்பினை பொதுமக்கள் அனைவரும் பயன்படுத்திக் கொள்ளுமாறு தென்காசி மாவட்ட நிர்வாகம் கேட்டுக் கொண்டுள்ளது.
மேலும் இதில் 12 வயதிற்கு மேற்பட்ட முதல் தவணை தடுப்பூசி செலுத்தாதவர்கள் இரண்டாவது தவணை தடுப்பூசி செலுத்த காலம் தவறியவர்கள் மற்றும் முன்னெச்சரிக்கை தவணை தடுப்பூசி போட வேண்டியவர்கள் அனைவரும் முழுமையாக பயன்படுத்திக் கொள்ளலாம் எனவும் மாவட்ட கலெக்டர் ஆகாஷ் தெரிவித்துள்ளார்.
