நீங்கள் தேடியது "cm narayanasamy"

புதுச்சேரி:

புதுவை முதல்-அமைச்சர் நாராயணசாமி இன்று நிருபர்களுக்கு பேட்டி அளித்தார். அவர் கூறியதாவது:-

கார்ப்பரேட் நிறுவனங்கள், தொழிற்சாலைகள் அரசின் வளர்ச்சி திட்டங்களில் பங்கேற்கும் வகையில் சமூக பங்களிப்பு நிதி கமிட்டி உருவாக்கப்பட்டுள்ளது. இந்த கமிட்டியின் தலைவராக முதல்-அமைச்சரும், செயலராக மாவட்ட கலெக்டரும் உள்ளனர்.

புதுவை முதல்-அமைச்சர் அலுவலகம், கலெக்டர் அலுவலகத்தில் இதற்காக நிதி தருவார்கள். காசோலை வழியாக பெறப் படும் இந்த நிதிக்கு உடனடியாக அத்தாட்சி ரசீது வழங்கப்படும்.

இந்த நிதியின் மூலம் கல்வித்துறையில் ஸ்மார்ட் வகுப்பறைகள், அரசு பள்ளிகளில் கழிவறைகள் கட்டப்பட்டுள்ளது. கடந்த சில நாட்களுக்கு முன்பு டெங்கு பரிசோதனை கருவி வாங்குவதற்காக ரூ.13½ லட்சம் நிதியை இந்தியன் வங்கி நிர்வாகத்தினர் அளித்துள்ளனர்.

கவர்னர் மாளிகையில் இருக்கும் ஊழியர்கள் போன் மூலம் சமூக பங்களிப்பு நிதி தரும்படி கட்டாயப்படுத்துவதாக எங்களுக்கு புகார்கள் வந்துள்ளது. பல தொழிற்சாலைகளிடம் இருந்து ரூ.85 லட்சம் நிதி கட்டாயமாக வசூலிக்கப்பட்டுள்ளதாகவும் தெரியவந்துள்ளது.

இந்த பங்களிப்பு நிதியை பெற்றதற்காக எந்த அத்தாட்சி ரசீதும் தரப்படவில்லை. இந்த நிதியை எதற்காக செலவு செய்யப்போகிறார்கள்? என்ற கணக்கு விபரமும் தெரியவில்லை. இந்த நிதியை வசூலிக்க கவர்னருக்கும், கவர்னர் மாளிகைக்கும் அதிகாரம் கிடையாது.

அப்படியிருக்க எந்த அடிப்படையில் எந்த விதியின் கீழ் இந்த நிதியை வசூலித்தனர்? இதற்கு கவர்னர் மாளிகையில் விளக்கம் தருவார்கள் என நம்புகிறோம். இது தொடர்பாக மத்திய உள்துறை அமைச்சகத்திடம் புகார் செய்யவுள்ளேன்.

புதுவை கவர்னரின் செயலாளராக தேவநீதிதாஸ் பணியாற்றி வந்தார். இவர் பணி ஓய்வு பெற்றுவிட்டார். இவரை கவர்னர் சிறப்பு அதிகாரியாக நியமித்தார். இதற்காக உள்துறைக்கு கோப்பு அனுப்பினார்.

இந்த கோப்பிற்கு உள்துறை அனுமதி தரவில்லை. அனுமதி பெறாமலேயே தேவநீதி தாசை தொடர்ந்து சிறப்பு அதிகாரியாக நியமித்து கொண்டார்.

இதுதொடர்பாக கவர்னருக்கு கடிதம் எழுதினேன். ஆனால், இதுவரை எந்த பதிலையும் கவர்னர் அளிக்கவில்லை. சிறப்பு அதிகாரியாக நியமக்கப்பட்டுள்ள தேவநீதிதாஸ் செயலாளர் அறையையே பயன்படுத்திக்கொண்டு அதிகாரிகளுக்கு உத்தர விட்டு வருகிறார்.

சிறப்பு அதிகாரிக்கு கவர்னருக்கு ஆலோசனை கூறும் பொறுப்பு மட்டும் தான் உள்ளது. கவர்னர், அதிகாரிகளுடன் நடைபெறும் கூட்டத்தில் பங்கேற்கவோ, அதிகாரிகளை நேரடியாக அழைத்து பேசவோ எந்த அதிகாரமும் கிடையாது.

இவ்வாறு அவர் கூறினார்.

பேட்டியின்போது எம்.எல்.ஏ.க்கள் லட்சுமி நாராயணன், தீப்பாய்ந்தான், ஜெயமூர்த்தி, டெல்லி பிரதிநிதி ஜான்குமார் ஆகியோர் உடனிருந்தனர். #cmnarayanasamy #puducherrygovernor

புதுச்சேரி:

புதுவையில் போலீஸ் துறை 1963-ம் ஆண்டு தொடங்கப்பட்டது. அதன் உதய தினம் ஆண்டுதோறும் அக்டோபர் மாதம் 1-ந்தேதி கொண்டாடப்பட்டு வருகிறது. அதன்படி 55-வது உதயதினம் இன்று கோரிமேடு மைதானத்தில் கொண்டாடப்பட்டது. இதில் சிறப்பு அழைப்பாளராக முதல்-அமைச்சர் நாராயணசாமி கலந்து கொண்டார். அவருக்கு போலீஸ் அணிவகுப்பு மரியாதை அளிக்கப்பட்டது.

விழாவில் முதல்-அமைச்சர் நாராயணசாமி பேசியதாவது:-

பல மாநிலங்களில் குற்றங்கள் நடந்தால் அவற்றை கண்டுபிடிப்பதற்கு பல ஆண்டுகள், பல மாதங்கள் ஆகிறது. புதுவையை பொறுத்தவரை குற்றம் நடந்த 24 மணி நேரத்தில் குற்றவாளிகளை பிடிக்கும் சக்தி இங்குள்ள போலீசுக்கு உள்ளது.

கடந்த காலங்களில் நகை பறிப்பு, நிலம் அபகரிப்பு, தொழில் உரிமையாளர்களை மிரட்டுதல், பட்டபகலில் கொலை என்ற நிலை இருந்தது. இன்று காவல்துறை சிறப்பாக செயல்பட்டு சட்டம்-ஒழுங்கை காப்பதில் முதன்மையான மாநிலம் என்ற பெருமையை பெற்றுள்ளோம்.

போலீஸ் துறையை முடுக்கி விட்டதன் மூலம் கொலை குற்றம், நில அபகரிப்புகள் போன்றவற்றை செய்தவர்கள் சட்டத்தின் முன் நிறுத்தப்பட்டுள்ளனர். இதற்காக சிறப்பாக செயல்பட்ட போலீஸ் தலைமை அதிகாரிகள், உயர் அதிகாரிகளுக்கு வாழ்த்துக்களை தெரிவித்துக் கொள்கிறேன்.

அடகு கடை உரிமையாளர் கொலை வழக்கு, ஏ.டி.எம். கும்பல் கைது போன்றவற்றில் சிறப்பாக செயல்பட்டுள்ளனர்.

ஆட்சிக்கு வந்த 2½ ஆண்டில் சட்டம்-ஒழுங்கை சிறப்பாக பராமரிக்கும் மாநிலம் என்ற விருதை நாம் பெற்றுள்ளோம். இப்போது சுற்றுலா பயணிகள் அதிகமாக வருகிறார்கள். சட்டம்-ஒழுங்கு சிறப்பாக இருப்பதால் தான் அவர்களின் வருகை அதிகரித்து இருக்கிறது.

கடந்த 20 நாட்களுக்கு முன்பு வியாபாரிகள் சங்கத்தினர் கூட்டம் நடத்தினார்கள். அவர்கள் புதுவையில் ஒட்டுமொத்தமாக மாமுல் தொல்லை ஒழிக்கப்பட்டு விட்டதாக தெரிவித்தார்கள். இதற்கு போலீஸ் நடவடிக்கை தான் காரணம்.

கஞ்சா, லாட்டரி, போதை பொருள் விற்பது போன்றவற்றை கட்டுப்படுத்துவதில் ஓரளவு வெற்றி பெற்றுள்ளோம். கஞ்சா விற்பனை படிப்படியாக குறைந்து வருகிறது. அதை போலீஸ் துறையினர் ஒட்டுமொத்தமாக ஒழிக்க வேண்டும் என்று கேட்டுக் கொள்கிறேன்.

ஸ்பெ‌ஷல் பிராஞ் போலீசார் தங்கள் திறமையை காட்ட வேண்டும். போலீசாரின் கோரிக்கைகள் படிப்படியாக நிறைவேற்றி தரப்படும்.

இவ்வாறு அவர் பேசினார்.

டி.ஜி.பி. சுந்தரி நந்தா பேசியதாவது:-

புதுவையில் சட்டம்- ஒழுங்கை சிறப்பாக காத்து வருவதால் தான் சுற்றுலா வளர்ச்சி பெறுகிறது. ஆனால் காவல் துறையினரின் இந்த செயல்பாட்டை புரிந்து கொள்ளாமல் சிலர் தவறான எண்ணங்களை உருவாக்கி வருகிறார்கள்.

புதுவை வளர்ச்சிகாக அர்ப்பணிப்புடன் பணியாற்றி வரும் போலீசாருக்கு எப்போதும் துணை நிற்போம்.

இவ்வாறு கூறினார்.

விழாவில் அமைச்சர்கள் கந்தசாமி, கமலக்கண்ணன், தலைமை செயலாளர் அஸ்வினி குமார் மற்றும் பலர் கலந்து கொண்டனர்.

முத்தியால்பேட்டை சப்-இன்ஸ்பெக்டர் ராஜன், சப்-இன்ஸ்பெக்டர் லட்சுமிநாராயணன் மற்றும் போலீஸ் துறையை சேர்ந்த பினாபரமேல், வரதராஜ பெருமாள், ஜெனிபர், ஷீஜேஷ், சுஜித், ஜித்தேஷ், சங்கர், நரேந்திரன், நாகராணி, ஏழுமலை, சுந்தரலிங்கம், ரிஜேஷ்குனில், குக்கலதுர்காபிரசாத் ஆகியோருக்கு சிறந்த சேவைக்கான விருதுகளை முதல்-அமைச்சர் நாராயணசாமி வழங்கினார்.

புதுச்சேரி:

புதுவை மாநில அரசின் சார்பில் மறைந்த பிரதமர் ராஜீவ் காந்தியின் பிறந்த நாள் விழா இன்று கொண்டாடப்பட்டது. கிழக்கு கடற்கரை சாலையில் உள்ள ராஜீவ் காந்தி சதுக்கத்தில் பிறந்தநாள் விழா நடந்தது. விழாவுக்கு முதல்-அமைச்சர் நாராயணசாமி தலைமை தாங்கி ராஜீவ்காந்தி சிலைக்கு மாலை அணிவித்தார்.

தொடர்ந்து, மும்மத பிரார்த்தனை நடந்தது. பாரதிதாசன் பல்கலைக்கூட மாணவிகள் தேசபக்தி பாடல்கள் பாடினர். முதல்- அமைச்சர் நாராயணசாமி உறுதிமொழி வாசிக்க அதனை பின்தொடர்ந்து மற்றவர்கள் எடுத்துக் கொண்டனர்.

விழாவில் சபாநாயகர் வைத்திலிங்கம், அமைச்சர்கள் நமச்சிவாயம், ஷாஜஹான் கமலக்கண்ணன், கந்தசாமி, துணை சபாநாயகர் சிவக் கொழுந்து எம்எல்ஏக்கள் விஜயவேணி, தீப்பாய்ந்தான், ஜெயமூர்த்தி.

முன்னாள் அமைச்சர் பெத்தபெருமாள், முன்னாள் எம்.எல்.ஏ. நீல.கங்காதரன், துணை தலைவர்கள் விநாயக மூர்த்தி, தேவதாஸ், காங்கிரஸ் பொதுச் செயலாளர்கள் ஆறுமுகம், தனுசு, முன்னாள் இளைஞர் காங்கிரஸ் தலைவர் இளையராஜா, தாழ்த்தப்பட்டோர் பிரிவு தலைவர் வீரமுத்து உள்ளிட்ட பலர் பங்கேற்றனர். #narayanasamy #rajivgandhibirthday