என் மலர்

    நீங்கள் தேடியது "opening"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆறுமுகநேரி 6-வது வார்டு திசைக்காவல் தெற்கு தெருவில் உள்ள பொதுமக்கள் ரேஷன் பொருட்களை வாங்க வெகு தூரம் செல்ல வேண்டியது இருந்தது.
    • அமைச்சர் அனிதா ராதாகிருஷ்ணன் தனது தொகுதி வளர்ச்சி நிதியிலிருந்து புதிதாக ரேஷன் கடை கட்டிடத்தை அமைக்க ஏற்பாடு செய்திருந்தார்.

    ஆறுமுகநேரி:

    ஆறுமுகநேரி 6-வது வார்டு திசைக்காவல் தெற்கு தெருவில் உள்ள பொதுமக்கள் ரேஷன் பொருட்களை வாங்க வெகு தூரம் செல்ல வேண்டியது இருந்தது. இதனால் சிரமப்பட்ட அவர்கள் தங்கள் பகுதியிலேயே புதிய ரேஷன் கடை அமைத்து தர வேண்டும் என்று வலியுறுத்தி வந்தனர்.

    இந்த நிலையில் அமைச்சர் அனிதா ராதாகிருஷ்ணன் தனது தொகுதி வளர்ச்சி நிதியிலிருந்து புதிதாக ரேஷன் கடை கட்டிடத்தை அமைக்க ஏற்பாடு செய்திருந்தார். இதனைத் தொடர்ந்து அங்கு புதிய ரேஷன் கடை திறப்பு விழா நடைபெற்றது.

    ஆறுமுகநேரி பேரூராட்சி துணை தலைவர் கல்யாணசுந்தரம் தலைமை தாங்கினார். 6-வது வார்டு கவுன்சிலர் தீபா முன்னிலை வகித்தார். நியாயவிலைக் கடை அலுவலர் கலைவாணன் வரவேற்று பேசினார்.

    பேரூராட்சி தலைவர் கலாவதி கல்யாணசுந்தரம் புதிய கட்டிடத்தை திறந்து வைத்து அனைவருக்கும் இனிப்பு வழங்கினார். விழாவில் வார்டு கவுன்சிலர்கள் வெங்கடேசன், ஆறுமுகநயினார், முன்னாள் கவுன்சிலர் மகாராஜன் உள்பட பலர் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கர்நாடகா மற்றும் கேரளாவில் காவிரி நீர்ப்பிடிப்பு பகுதிகளில் மீண்டும் கன மழை பெய்வதால் கர்நாடகாவில் உள்ள கபினி மற்றும் கிருஷ்ணராஜசாகர் அணைகளுக்கு நீர்வரத்து அதிகரித்துள்ளது.
    • இதனால் கரையோர பகுதி மக்கள் வெளியேற்றம்.

    மேட்டூர்:

    கர்நாடகா மற்றும் கேரளாவில் காவிரி நீர்ப்பிடிப்பு பகுதிகளில் மீண்டும் கன மழை பெய்வதால் கர்நாடகாவில் உள்ள கபினி மற்றும் கிருஷ்ணராஜசாகர் அணைகளுக்கு நீர்வரத்து அதிகரித்துள்ளது.

    ஏற்கனவே அந்த அணைகள் நிரம்பி உள்ளதால் கிருஷ்ணராஜசாகர் அணையில் இருந்து வினாடிக்கு 35 ஆயிரத்து 629 கன அடி தண்ணீரும், கபினி அணையில் இருந்து வினாடிக்கு 9 ஆயிரத்து 250 கன அடி தண்ணீரும் என 2 அணைகளில் இருந்தும் மொத்தம் இன்று காலை 44 ஆயிரத்து 879 கன அடி தண்ணீர் காவிரியில் திறந்து விடப்பட்டுள்ளது.

    இதற்கிடையே ஓசூர், அஞ்செட்டி, பிலிகுண்டுலு, ராசிமணல், கேரட்டி நாட்றாம்பாளையம் உள்பட பல பகுதிகளில் பெய்து வரும் மழையால் ஒகேனக்கலில் நீர்வரத்து மீண்டும் படிப்படியாக அதிகரித்து வருகிறது. இதனால் ஒகேனக்கல் காவிரியில் மீண்டும் வெள்ளப்பெருக்கு ஏற்பட்டுள்ளது. காவிரியில் இரு கரைகளையும் தொட்ட படி வெள்ளம் பெருக்கெடுத்து ஒடுகிறது.

    ஒகேனக்கலில் நேற்று முன்தினம் 50 ஆயிரம் கனஅடியாக இருந்த நீர்வரத்து படிப்படியாக அதிகரித்து நேற்று மாலை 1 லட்சத்து 50 ஆயிரம் கன அடியாக அதிகரித்தது. இன்று காலை 1 லட்சத்து 35 ஆயிரம் கனஅடி தண்ணீர் வருகிறது. ஒகேனக்கல் மெயின் அருவி, ஐந்தருவி, சினிபால்ஸ் உள்பட அனைத்து அருவிகளை யும் மூழ்கடித்த படி தண்ணீ ர்கரை புரண்டு ஓடுகிறது. அருவிகளுக்கு செல்லும் நடை பாதையில் 3 அடிக்கும் மேல் தண்ணீர் செல்கிறது.

    இதையடுத்து ஒகேனக்கல் அருவியில் குளிக்கவும், பரிசல் இயக்கவும், காவிரி கரைக்கு செல்லவும் 24 -வது நாளாக தடை நீடிக்கிறது. ஆடிப்பெருக்கு விழாவான இன்று ஒகேனக்கலில் ஏராளமானோர் குவிந்து புனித நீராடுவது வழக்கம்.ஆனால் நீர்வரத்து அதிகரிப்பால் இன்று ஒகேனக்கல் செல்ல முடியாமல் பொது மக்கள் ஏமாற்றம் அடைந்தனர்.

    காவிரி ஆற்றில் வெள்ளப்பெருக்கு ஏற்பட்டுள்ளதால் ஓகேனக்கல் காவிரி கரையில் தாழ்வான பகுதிகளில் வீடுகளை வெள்ளம் சூழ்ந்துள்ளது. இதனால் ஊட்டமலை, சத்திரம், நாடார் கொட்டாய், உள்பட காவிரி கரையோர பகுதிகளில் வசிக்கும் மக்கள் பாதுகாப்பாக வெளியேற்றப்பட்டு வருகிறார்கள்.

    நேற்று மாலை ஒகேனக்கல் காவிரியில் மீன் பிடித்து கொண்டிருந்த மீனவர் கோவிந்தராஜ் என்பவர் மெயின் அருவில் பகுதியில் தண்ணீரில் அடித்து செல்லப்பட்டார். அவரை தீயணைப்பு படையினர் கயிறு மூலமாக பத்திரமாக மீட்டனர்.

    ஒகேனக்கல் காவிரியில் வரும் தண்ணீர் அப்படியே மேட்டூர் அணைக்கு வருகிறது.மேட்டூர் அணைக்கு நேற்று காலை 51 ஆயிரம் கன அடியாக இருந்த நீர்வரத்து படிப்படியாக அதிகரித்து இன்று காலை 1 லட்சத்து 41 ஆயிரம் கன அடியாக வந்து கொண்டிருக்கிறது.

    மேட்டூர் அணையில் இருந்து மின் நிலையங்கள் வழியாக 23 ஆயிரம் கன அடி தண்ணீரும், உபரி நீர் போக்கியான 16 கண் மதகு வழியாக 1 லட்சத்து 17 ஆயிரம் கன அடி தண்ணீரும், கால்வாயில் 500 கன அடியும் என மொத்தம் 1 லட்சத்து 40 ஆயிரத்து 500 கன அடி தண்ணீர் வெளியேற்றப்பட்டு வருகிறது. அணையின் நீர்மட்டம் 120.12 அடியாக இருந்தது.

    இதனால் மேட்டூர் காவிரியில் வெள்ளப்பெருக்கு ஏற்பட்டுள்ளது. புதிதாக திறக்கப்பட்ட தண்ணீர் காவிரியில் கரை புரண்டு ஓடுகிறது. இதனால் எங்கு பார்த்தாலும் வெள்ள காடாக காட்சி அளிக்கிறது. நீர்வரத்து மேலும் அதிகரிக்கும் பட்சத்தில் மேட்டூர் அணையில் இருந்து கூடுதல் தண்ணீர் திறக்க வாய்ப்புள்ளது.

    இதனால் காவிரி கரையோர மக்கள் மற்றும் தாழ்வான பகுதிகளில் வசிப்பவர்கள் பாதுகாப்பான இடங்களுக்கு செல்லுமாறு நீர்வளத்துறை அதிகாரிகள் எச்சரிக்கை விட்டுள்ளனர். மேலும் தண்டோரா போட்டு எச்சரிக்கை விடுக்கப்பட்டுள்ளது. ஆபத்தை விளைவிக்கும் வகையில் நீர் நிலைகள் அருகில் செல்லவும், செல்பி புகைப்படம் எடுக்கவும் தடை விதிக்கப்பட்டுள்ளது.

    மேட்டூர் அணை பூங்கா, செக்கானூர் கதவணை, கோட்டையூர், பரிசல் துறை, பூலாம்பட்டி, நெரிஞ்சிப்பட்டி உள்பட காவிரி கரையோர பகுதிகளில் சிறுவர்கள் அருகில் செல்வதை தவிர்க்க வேண்டும், ஆடிப்பெருக்கு நாளில் காவிரி ஆற்றில் குளிக்க அனுமதி மறுக்கப்பட்டுள்ளது.

    துணி துவைக்க, புகைப்படம் எடுக்க தடை விதித்து கல்வடங்கம், கோனோரிப்பட்டி, பூலாம்பட்டி பகுதிகளில் உள்ள காவிரி ஆற்றின் கரையில் பேனர்கள் வைக்கப்பட்டுள்ளது. காவிரி ஆற்றில் வெள்ளப்பெருக்கால் பூலாம்பட்டி காவிரி ஆற்றில் இ யக்கப்பட்டு வரும் விசைப்படகு போக்குவரத்து 3-வது நாளாக ரத்து செய்யப்பட்டுள்ளது. இதனால் அந்த வழியாக செல்லும் மக்கள் 10 கி.மீ. சுற்றி செல்கிறார்கள்.

    மேலும் மேட்டூர் காவிரி கரையேர பகுதிகளில் வருவாய்துறையினர், உள்ளாட்சி துறையினர், காவல் துறையினர், தீயணைப்பு துறையினர் காவிரி கரையில் கண்காணிப்பு பணியில் ஈடுபட்டுள்ளனர். காவிரியில் பெருக்கெடுத்து ஓடும் தண்ணீரால் நாமக்கல் மாவட்டம் பள்ளிப்பாளையம் பகுதியில் காவிரி கரையோரம் வசிக்கும் மக்கள் வெளிேயற்றப்பட்டு உள்ளனர். மேலும் அந்த பகுதியில் அதிகாரிகள் தீவிரமாக கண்காணித்து வருகிறார்கள். 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஜூலை 31-ந்தேதி மக்கள் சங்கமம் மாநாடு மங்கலத்தில் நடைபெற உள்ளது.
    • இஸ்லாமிய கண்காட்சி- பேரணி, விளையாட்டு போட்டி போன்ற பல்வேறு நிகழ்ச்சிகள் நடைபெற உள்ளது.

    மங்கலம் :

    பாப்புலர் ப்ரண்ட் ஆப் இந்தியா சார்பாக மக்களாட்சியை பாதுகாப்போம் என்ற முழக்கத்தோடு வருகிற ஜூலை 31-ந்தேதி மக்கள் சங்கமம் மாநாடு மங்கலத்தில் நடைபெற உள்ளது.

    மாநாட்டைத் தொடர்ந்து இஸ்லாமிய கண்காட்சி- பேரணி, சிறுவர் சிறுமிகளுக்கான விளையாட்டு போட்டி போன்ற பல்வேறு நிகழ்ச்சிகள் நடைபெற உள்ளது. இதையொட்டி பாப்புலர் ப்ரண்ட் ஆப் இந்தியாவின் சார்பாக மாநாடு அலுவலகம் திறக்கப்பட்டது.

    மங்கலம் பாப்புலர் ப்ரண்ட் நகர தலைவர் அப்துல் கபூர் தலைமை தாங்கினார். மாநாட்டு அலுவலகத்தை மாவட்ட தலைவர் ஹபிபுர் ரஹ்மான் திறந்து வைத்தார்.மங்கலம் நகர செயலாளர் அப்துல் ரஜாக் வரவேற்று பேசினார்.

    பி.எப்.ஐ. மாவட்ட செயலாளர் முகமது ரபிக் முன்னிலை வகித்தார். எஸ்.டி.பி.ஐ. திருப்பூர் தெற்கு மாவட்ட தலைவர் ஹாரிஸ் பாபு , துணை தலைவர் முஜிபுர் ரகுமான் , மாவட்ட செயலாளர் அப்துல் ஹக்கீம் ,திருப்பூர் தெற்கு மாவட்ட எஸ்.டி.டி.யு. தலைவர் முஹம்மது பாரூக் ,எஸ்.டி.பி.ஐ. பல்லடம் சட்டமன்ற தொகுதி தலைவர் யாசர் அராபத் மற்றும் எஸ்.டி.பி.ஐ., பாப்புலர் ப்ரண்ட் செயல்வீரர்கள் மற்றும் பொதுமக்கள் திரளாக கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வடகரை அரசு உயர்நிலைப்பள்ளியில் 10-ம் வகுப்பில் முதல் இடம் பெற்ற மாணவ- மாணவிகளுக்கு பரிசுகளை வழங்கி பாராட்டினார்.
    • வாவாநகரம் பூங்கா நகரில் பூங்காவில் நடைபாதை, புல்வெளி விளையாட்டு திடல், குழந்தைகள் விளையாடுவதற்கான உபகரணங்கள் அமைக்கப்பட்டு உள்ளன.

    கடையநல்லூர்:

    வடகரை பேரூராட்சி பகுதியில் 15-வது நிதி குழு திட்டத்தின் கீழ் பூங்காக்கள் மேம்படுத்துதல் உள்ளிட்ட பல்வேறு பணிகள் நடந்து வருகின்றன. அந்த வகையில் வடகரை பேரூராட்சிக்கு உட்பட்ட வாவாநகரம் பூங்கா நகரில் இந்த பூங்காவில் நடைபாதை, புல்வெளி விளையாட்டு திடல், குழந்தைகள் விளையாடுவதற்கான உபகரணங்கள் அமைக்கப்பட்டு உள்ளன. இந்த பூங்கா சீரமைப்பு பணிகள் அனைத்தும் முடிக்கப்பட்டு உள்ளன.

    இதன் திறப்பு விழா நேற்று நடந்தது. பேரூராட்சி தலைவர் ஷேக் தாவூத் தலைமை தாங்கினார். துணைத்தலைவர் மாலதி ராஜேந்திரன், செயல் அலுவலர் தமிழ்மணி மற்றும் பேரூராட்சி கவுன்சிலர்கள் முன்னிலை வகித்தனர். வடகரை பேரூர் தி.மு.க. செயலாளர் முகம்மது உசேன் வரவேற்றார். சிறப்பு அழைப்பாளராக தென்காசி வடக்கு மாவட்ட தி.மு.க. பொறுப்பாளர் செல்லத்துரை பூங்காவை திறந்து வைத்து பார்வையிட்டார். அதனைத்தொடர்ந்து வடகரை அரசு உயர்நிலைப்பள்ளியில் 10-ம் வகுப்பில் முதல் இடம் பெற்ற மாணவ- மாணவிகளுக்கு பரிசுகளை வழங்கி பாராட்டினார். வடகரை பேரூராட்சி அலுவலகம் சொந்த கட்டிடம் இல்லாததால் பழைய பஞ்சாயத்து அலுவலக கட்டிடத்தை இடித்து விட்டு புதிய கட்டிடம் கட்டுவதற்கு துறை சார்ந்த அமைச்சரிடம் பரிந்துரை செய்வதாக கூறினார்.

    விழாவில் கடையநல்லூர் நகர்மன்ற தலைவர் ஹபிபூர் ரஹ்மான், செங்கோட்டை நகரச் செயலாளர் ரஹீம், மாநில மாணவர் அணி துணை அமைப்பாளர் செரிப் மற்றும் தி.மு.க. நிர்வாகிகள் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நெல் கொள்முதல் நிலையங்கள் திறக்கப்பட்டன.
    • எம்.எல்.ஏ. திறந்துவைத்தார்

    அரியலூர்:

    அரியலூர் மாவட்டம் ஜெயங்கொண்டம் அருகே 2 கிராமங்களில் நேரடி நெல் கொள்முதல் நிலையங்கள் திறக்கப்பட்டன. ஜெயங்கொண்டம் அருகேயுள்ள பிள்ளைபாளையம் மற்றும் சூசாழன்மாதேசி ஆகிய கிராமங்களில், அரசின் நேரடி நெல் கொள்முதல் நிலையங்கள் திறப்பு நிகழ்ச்சி நடைபெற்றது. ஜெயங்கொண்டம் எம்.எல்.ஏ. கண்ணன் இந்த நேரடி நெல் கொள்முதல் நிலையங்களை திறந்து வைத்தார். இந்த நிகழ்ச்சியில் பல்வே தரப்பினரும் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • காமராஜர் மார்க்கெட் தற்காலிக கடைகள் திறக்கப்பட்டது
    • மேயர் கவிதா திறந்து வைத்தார்.

    கரூர்

    கரூர் காமராஜர் மார்க்கெட் தற்காலிக கடைகள் திறக்கப்பட்டன. கரூர் காமராஜர் மார்க்கெட்டில் புதிய வணிக வளாகம் அமைக்கப்பட உள்ளது. இதற்காக அங்குள்ள கடைகள் இடித்து அகற்றப்பட்டு வருகிறது. இதற்காக அங்குள்ள வியாபாரிகளுக்கு இரட்டை வாய்க்கால் பாலத்தில் 68 தற்காலிக கடைகள் அமைக்கப்பட்டுள்ளன. இதில் முதற்கட்டமாக 21 கடைகள் திறப்பு விழா நேற்று நடைபெற்றது. கரூர் மாநகராட்சி மேயர் கவிதா திறந்து வைத்தார். கடைகள் ஒதுக்கீடு தொடர்பாக வியாபாரிகளிடையே சலசலப்பு ஏற்பட்டது. இதையடுத்து அவர்களிடம் பேச்சுவார்த்தை சுமூகமாக தீர்வு காணப்பட்டது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ரசிகர் மன்ற பெயர் பலகை திறப்பு விழா மாவட்ட தலைவர் சன் சுரேஷ் தலைமையில் நடைபெற்றது.
    • சிறப்பு அழைப்பாளர்களாக அந்தியூர் பேரூராட்சி தலைவர் பாண்டியம்மாள் மாதேஷ் துணைத் தலைவர் சாக்கு பழனிச்சாமி ஆகியோர் கலந்து கொண்டு பெயர் பலகையை திறந்து வைத்து இனிப்புகள் வழங்கி குழந்தைகளுக்கு நோட்டு புத்தகம் மற்றும் நலத்திட்ட உதவிகள் வழங்கினர்.

    அந்தியூர்:

    ஈரோடு மாவட்டம் அந்தியூர் பேரூர் மற்றும் ஒன்றிய உதயநிதி ஸ்டாலின் ரசிகர் மன்றம் சார்பாக அந்தியூர் தவிட்டுப்பாளையம் அம்பேத்கர் வீதி, வேலாயுதம் வீதி, அண்ணா சாலை, சிங்கார வீதி, தேர் வீதி, செல்லப்ப கவுண்டன் வலசு ஆகிய இடங்களில் புதிய ரசிகர் மன்ற பெயர் பலகை திறப்பு விழா மாவட்ட தலைவர் சன் சுரேஷ் தலைமையில் நடைபெற்றது.

    ஒன்றிய பரிந்துரையாளர் ம.ரமேஷ் குமார் வரவேற்றார்.

    மன்றத்தின் மாவட்டச் செயலாளர் சசிகுமார் மாவட்ட பொருளாளர் பகிர் மாவட்ட துணை பொருளாளர் முருகன் ஆகியோர் முன்னிலை வகித்தனர்.

    சிறப்பு அழைப்பாளர்களாக அந்தியூர் பேரூராட்சி தலைவர் பாண்டியம்மாள் மாதேஷ் துணைத் தலைவர் சாக்கு பழனிச்சாமி ஆகியோர் கலந்து கொண்டு பெயர் பலகையை திறந்து வைத்து இனிப்புகள் வழங்கி குழந்தைகளுக்கு நோட்டு புத்தகம் மற்றும் நலத்திட்ட உதவிகள் வழங்கினர்.

    நகர பொறுப்பாளர்கள் பிரகாஷ், திவாகர் ஈரோடு ஒன்றிய தலைவர் முத்தமிழ் பிரபாகர், பவானி நகரத் தலைவர் கதிரவன் ஆகியோர் சிறப்புரையாற்றினர் மன்ற நிகழ்ச்சி ஏற்பாடுகளை ரமேஷ் குமார், நாகராஜ், பார்த்திபன், மாதேஷ், கார்த்திகேயன், தினேஷ் பாபு மணிகண்டன், மாதேஷ், சுமை ரமேஷ், வேல்முருகன், சரவணன், கோபால், விவேக் தியாகு, சரவணன், லோகநாதன்மற்றும் மன்ற நிர்வாகிகள் உறுப்பினர்கள் செய்திருந்தனர்முடிவில் அந்தியூர் நகர பொறுப்பாளர் ஜெயக்குமார் கூறினார்

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அரசு, அரசு உதவி மற்றும் சுயநிதி கலை மற்றும் அறிவியல் கல்லூரிகள் திறக்கப்பட்டு, 2022-2023 ம் கல்வியாண்டுக்கான வகுப்புகள் தொடங்கின.
    • பள்ளியில் பிளஸ்-2 முடித்துவிட்டு, தற்போது முதல் முதலாக கல்லூரிக்கு அடியெடுத்து வைப்பதால் மாணவ- மாணவிகள் மகிழ்ச்சி வெள்ளத்தில் காணப்பட்டனர்.

    சேலம்:

    தமிழகத்தில் கல்லூரி கல்வி இயக்குநரகத்தின் கீழ் ஆயிரத்து 600-க்கும் மேற்பட்ட அரசு, அரசு உதவி மற்றும் தனியார் கலை, அறிவியல் கல்லூரிகள் இயங்கி வருகின்றன. இதில் தமிழகம் முழுவதும் உள்ள 163 அரசு கலை மற்றும் அறிவியல் கல்லூரிகளில் பி.ஏ., பி.எஸ்.சி., பி.காம்., பி.பி.ஏ உள்ளிட்ட இளநிலை பட்டப்படிப்பு முதலாமாண்டு மாணவா்கள் சோ்க்கைக்கான (2022-2023) விண்ணப்பப் பதிவு இணையதள முகவரிகளில் கடந்த மாதம் ஜூன் 22-ம் தேதி தொடங்கியது.

    117 கல்லூரிகள்

    இதையடுத்து கடந்த 7-ந்தேதியுடன் (வியாழக்கிழமை) விண்ணப்பிப்பதற்கான அவகாசம் நிறைவடைந்தது. இதையடுத்து கவுன்சிலிங் முடிவடைந்து, மாணவர்களுக்கு கல்லூரிகள் ஒதுக்கீடு செய்யப்பட்டது. அதுபோல் தனியார் சுயநிதி கலை மற்றும் அறிவியல் கல்லூரிகளிலும் முதலாம் ஆண்டு அட்மிஷன் தீவிரமாக நடைபெற்றது.

    சேலம்

    சேலம் கருப்பூரில் உள்ள அரசு பெரியார் பல்கலைக்கழகத்தின் மேற்பார்வையில் சேலம், நாமக்கல், தருமபுரி, கிருஷ்ணகிரி மாவட்டங்களில் 22 அரசு கல்லூரிகள், 4 அரசு உதவி பெறும் கல்லூரிகள், 91 சுயநிதி கல்லூரிகள் என மொத்தம் 117 கலை மற்றும் அறிவியல் கல்லூரிகள் செயல்படுகின்றன.

    இதில் 2021-2022 ம் ஆண்டு தருமபுரி மாவட்டம் ஏரியில் கட்டப்பட்ட புதிய அரசு கலை மற்றும் அறிவியல் கல்லூரி, 2022-2023-ம் ஆண்டு கிருஷ்ணகிரி மாவட்டம் தளி பகுதியில் கட்டப்பட்ட அரசு கலை மற்றும் அறிவியல் கல்லூரி ஆகியவற்றை கடந்த சில தினங்களுக்கு முன்பு தமிழ்நாடு முதல்-அமைச்சர் திறந்து வைத்தார் என்பது குறிப்பிடத்தக்கது.

    கோடை விடுமுறை

    இந்த நிைலயில் அனைத்து அரசு, அரசு உதவி பெறும் மற்றும் சுயநிதி கலை, மற்றும் அறிவியல் கல்லூரிகளில் 2021-2022 கல்வியாண்டுக்கான செமஸ்டர் தேர்வு கடந்த மே மாதம் தொடங்கி ஜூன் மாதம் முதல் வாரம் வரை நடந்து முடிந்தது.

    செமஸ்டர் தேர்வு நிறைவு பெற்றதை தொடர்ந்து கோடை விடுமுறை விடப்பட்டு இருந்தது. கோடை விடுமுறை நேற்றுடன் முடிவடைந்தது.

    வகுப்புகள் தொடங்கின

    கோடை விடுமுறை நிறைவடைந்ததை அடுத்து இன்று சேலம், நாமக்கல், தருமபுரி, கிருஷ்ணகிரி மாவட்டங்களில் உள்ள அரசு, அரசு உதவி மற்றும் சுயநிதி கலை மற்றும் அறிவியல் கல்லூரிகள் திறக்கப்பட்டு, 2022-2023 ம் கல்வியாண்டுக்கான வகுப்புகள் தொடங்கின.

    இளநிலை பட்டப்படிப்பு முதலாம் ஆண்டு சேர்ந்துள்ள மாணவ- மாணவிகள் இன்று கல்லூரி முதல் நாள் என்பதால் உற்சாகமாக கல்லூரிக்கு வந்தனர். பள்ளியில் பிளஸ்-2 முடித்துவிட்டு, தற்போது முதல் முதலாக கல்லூரிக்கு அடியெடுத்து வைப்பதால் மாணவ- மாணவிகள் மகிழ்ச்சி வெள்ளத்தில் காணப்பட்டனர். அவர்களை 2-ம் ஆண்டு, 3-ம் ஆண்டு மாணவ- மாணவிகள் பூங்கொத்து கொடுத்து உற்சாகமாக வரவேற்றனர்.

    ஆலோசனை

    மேலும் வகுப்பு பேராசியர்கள், பேராசிரியைகளும், மாணவ- மாணவிகளுக்கு வாழ்த்துக்கள் தெரிவித்தனர். இதற்கான முன்னேற்பாடுகளை கல்லூரி முதல்வர்கள் செய்திருந்தனர்.

    கடந்த கல்வி ஆண்டில் கொரோனா பிரச்சினையால் பாட திட்டங்கள் குறைக்கப்பட்டு, வகுப்புகள் நடத்தப்பட்டன. இந்த ஆண்டு முழுமையாக அனைத்து பாடங்களையும் நடத்துமாறு பேராசிரியர்களுக்கு ஆலோசனை வழங்கப்பட்டது.

    இன்று கல்லூரி முதல் நாளையொட்டி கல்லூரி வளாகங்கள் சீரமைக்கப்பட்டு, வகுப்பறைகள் சுத்தம் செய்யப்பட்டு இருந்தது. 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மேட்டூர் அணையில் தண்ணீர் திறப்பு அதிகரிக்கப்பட்ட நிலையில் செல்பி மோகத்தால் ஆற்றின் நடுவில் சிக்கிய 3 வாலிபர்கள் சிக்கனார்கள்.
    • பெரும் போராட்டத்திற்கு பிறகு பத்திரமாக மீட்கப்பட்டனர்.

    மேட்டூர்:

    மேட்டூர் அணை நேற்று நிரம்பியதை அடுத்து அணைக்கு வரும் நீர் வரத்தை பொறுத்து உபரிநீர் திறந்து விடப்பட்டு வருகிறது. இதன் அடிப்படையில் அணையின் உபரி நீர் போக்கியான 16 கண் மதகுகள் வழியாக காலையில் வினாடிக்கு 25 ஆயிரம் கன அடி வீதம் தண்ணீர் திறந்து விடப்பட்டது. இந்த தண்ணீர் திறப்பானது படிப்படியாக அதிகரிக்கப்பட்டு மாலையில் வினாடிக்கு 90 ஆயிரம் கனஅடியாக அதிகரிக்கப்பட்டது.

    செல்பி மோகம்

    இந்த நிலையில் சேலம் மாவட்டம் தாரமங்கலம் அருகே உள்ள மல்லிக்குட்டை பகுதியை சேர்ந்த ரவி, பிரபு, தினேஷ் ஆகிய 3 வாலிபர்கள் செல்பி மோகத்தால் மேட்டூர் அனல் மின் நிலையம் அருகே தண்ணீர் வெளியேறும் பாதையில் இறங்கி காவிரி ஆற்றின் நடுவே ஒரு பாறையின் மீது நின்று தண்ணீர் சீறி பாய்ந்து ஓடும் காட்சியை செல்பி எடுத்து ரசித்தனர்.

    இந்த நிலையில் 16 கண் மதகுகள் வழியாக திறக்கப்படும் தண்ணீரின் அளவு திடீரென அதிகரிக்கப்பட்டதால் பாறையை மூழ்கடித்தபடி வெள்ளம் பெருக்கெடுத்து கரைபுரண்டு ஓடியது. இதனை கண்டு அவர்கள் அதிர்ச்சி அடைந்தனர். அவர்களால் பாறையில் இருந்து தண்ணீரை கடந்து கரையேற முடியாமல் தவித்தனர். உடனடியாக அவர்கள் காப்பாற்றுங்கள், காப்பாற்றுங்கள் என்று கூச்சலிட்டனர்.

    அவர்களின் கூக்குரல் கேட்டு அங்கு இருந்த பொதுமக்கள் மேட்டூர் கருமலைக்கூடல் போலீசார் மற்றும் மேட்டூர் தீயணைப்பு நிலையத்திற்கு தகவல் தெரிவித்தனர். போலீசார் மற்றும் தீயணைப்பு வீரர்கள் விரைந்து வந்தனர். 3 வாலிபர்களையும் மீட்கும் நடவடிக்கையில் அவர்கள் ஈடுபட்டனர். ஆனால் ஆற்றில் வெள்ளம் அலை அடித்தப்படி சீறி பாய்ந்து ஓடியதால் மீட்பு குழுவினருக்கு சாவல் ஏற்பட்டது. இதனால் பதற்றம் அதிகரித்தது. இருப்பினும் மீட்பு குழுவினர் ஒருவருக்கொருவர் கயிறு கட்டிக்கொண்டு ஆற்றில் இறங்கி சற்று தூரம் நடந்தனர். ஆற்றில் கரடு முரடான பாறைகள் உள்ளதால் தண்ணீர் சுழல் அடித்தப்படி சென்றது. இதில் காப்பாற்ற முயன்ற வீரர் ஒருவரை வெள்ளம் இழுத்து சென்றது. அவர் நீச்சல் அடித்து கரை திரும்பினார்.

    இதனால் மீட்பு நடவடிக்கையில் ேதாய்வு ஏற்பட்டது. இந்த சம்பவத்தை அறிந்து மேட்டூர் உதவி கலெக்டர் சரண்யா, தாசில்தார் முத்துராஜா மற்றும் போலீஸ் துணை சூப்பிரண்டு விஜயகுமார் ஆகியோர் சம்பவ இடத்திற்கு விரைந்து வந்து தண்ணீரின் நடுவில் சிக்கிக்ெகாண்ட 3 வாலிபர்களை பத்திரமாக மீட்பதற்கான வழிமுறைகளையும், ஏற்பாடுகளையும் செய்தனர்.

    மீட்பு குழுவினர் கயிற்றில் கல்லை கட்டி இளைஞர்களிடம் வீசினர். அவர்கள் கயிற்றை பிடித்துக் கொள்ள மறுமுனை கயிற்றை மீட்பு குழுவினர் பத்திரமாக பிடித்துக்கொண்டனர். அதன் பிறகு இளைஞர்கள் தங்களது இடுப்பில் கயிற்றை கட்டிக் கொண்டு தண்ணீரில் குதித்து அடுத்தடுத்து பத்திரமாக கரைக்கு வந்து சேர்ந்தனர்.

    சுமார் ஒரு மணி நேரத்திற்கும் மேலாக போராடி மீட்பு குழுவினர் 3 பேரையும் பத்திரமாக மீட்டனர். இதன் காரணமாக மேட்டூர் அனல் மின் நிலைய சாலையில் பொதுமக்கள் கூட்டம் அதிகமாக இருந்தது. மீட்பு குழுவினரை பொதுமக்கள் பாராட்டினர். ஆபத்தை உணராமல் இளைஞர்கள் ஆற்றில் இறங்கி செல்பி எடுக்க முயன்ற சம்பவம் பொதுமக்கள் மத்தியில் பரபரப்பை ஏற்படுத்தி உள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பெரும்பத்தூர் கால்நடை மருந்தக கட்டிடம் புதியதாக கட்டப்பட்டுள்ளது.
    • விழாவில் சதன்திருமலைகுமார் எம்.எல்.ஏ. கலந்து கொண்டு கட்டிடத்தை குத்துவிளக்கு ஏற்றி திறந்து வைத்தார்.

    சங்கரன்கோவில்:

    சங்கரன்கோவில் ஊராட்சி ஒன்றியம், மணலூர் ஊராட்சியில், மணலூர் கிராமத்தில், பெரும்பத்தூர் கால்நடை மருந்தக கட்டிடம் புதியதாக கட்டப்பட்டுள்ளது. அதன் திறப்பு விழா நடைபெற்றது. விழாவில் சதன்திருமலைகுமார் எம்.எல்.ஏ. கலந்து கொண்டு கட்டிடத்தை குத்துவிளக்கு ஏற்றி திறந்து வைத்தார்.

    சங்கரன்கோவில் ஒன்றிய தலைவர் லாலா சங்கரபாண்டியன், மாவட்ட கவுன்சிலர் மதி மாரிமுத்து, ஒன்றிய கவுன்சிலர் தமிழ்செல்வி, மணலூர் ஊராட்சி மன்ற தலைவர் சுப்புலட்சுமி, பெரும்பத்தூர் ஊராட்சி மன்ற தலைவர் தேவசேனா நெல்சன் ஆகியோர் கலந்து கொண்டு வாழ்த்துரை வழங்கினர்.

    கால்நடை பராமரிப்பு துறை நெல்லை மண்டல இணை இயக்குநர் டாக்டர். பொன்வேல், கோட்ட உதவி இயக்குநர் டாக்டர். கலையரசி, சங்கரன்கோவில் உதவி இயக்குநர் டாக்டர் ரஹமத்துல்லா மற்றும் மருத்துவர்கள் மகிழன், சுருளிராஜ், வசந்தா, ராஜா, சசிதரன், கால்நடை ஆய்வாளர் கோபால், கால்நடை பராமரிப்பு உதவியாளர்கள் முத்துமாரியப்பன், அனிதா ஆகியோர் விழா ஏற்பாடு செய்து கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஏரிக்கரை பகுதியில் பகுதிநேர அங்காடி திறப்பு விழா நடைபெற்றது.
    • 222 குடும்ப அட்டைதாரா்கள் பயன்படுத்திக் கொள்ளலாம்

    பெரம்பலூா்:

    பெரம்பலூா் அருகேயுள்ள எசனையில், நியாயவிலை அங்காடி கட்டடத்துக்கு அடிக்கல் நாட்டும் விழா மற்றும் வடக்குமாதவி ஏரிக்கரை பகுதியில் பகுதிநேர அங்காடி திறப்பு விழா ஆகியன நடைபெற்றது.

    எசனை தொடக்க வேளாண்மை கூட்டுறவு சங்கக் கட்டடத்துக்கு அடிக்கல் நாட்டி, வடக்குமாதவி எரிக்கரை பகுதியில் பகுதிநேர அங்காடியை திறந்துவைத்த கலெக்டர் ப. ஸ்ரீ வெங்கடபிரியா கூறியது:

    எசனை தொடக்க வேளாண்மை கூட்டுறவு கடன் சங்கத்தின் கட்டுப்பாட்டில் செயல்பட்டு வரும் வடக்குமாதவி முழுநேர நியாயவிலை அங்காடியில் 822 குடும்ப அட்டைகள் உள்ளதாலும், அத்தியாவசியப் பொருள்கள் வாங்க பொதுமக்களுக்கு சிரமமாக இருப்பதாலும் வடக்குமாதேவி ஏரிக்கரை பகுதியில் பகுதிநேர அங்காடி தொடங்கப்பட்டுள்ளது. ஏரிக்கரை பகுதியில் வசிக்கும் 222 குடும்ப அட்டைதாரா்கள் பகுதிநேர அங்காடியை பயன்படுத்திக் கொள்ளலாம் என்றாா் அவா்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print