என் மலர்

    நீங்கள் தேடியது "farmers"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இலவச மின்சாரத்திற்காக போராடி உயிர் நீத்த விவசாயிகளுக்கு வீரவணக்கம் செலுத்தும் நிகழ்ச்சி நடைபெற்றது.
    • உயிர் நீத்த விவசாயிகளின் உருவப்படத்திற்கு மலர் தூவி அஞ்சலி செலுத்தப்பட்டது.

    வீரபாண்டி :

    தமிழ்நாடு உழவர்தினத்தையொட்டி இலவச மின்சாரத்திற்காக போராடி உயிர் நீத்த விவசாயிகளுக்கு வீரவணக்கம் செலுத்தும் நிகழ்ச்சி தமிழக விவசாயிகள் பாதுகாப்பு சங்கத்தின் சார்பில் சந்தைப்பேட்டை, தென்னம்பாளையத்தில் நடைபெற்றது.

    இந்நிகழ்ச்சிக்கு தமிழக விவசாயிகள் பாதுகாப்பு சங்கத்தின் நிறுவனர் வக்கீல் ஈசன் முருகசாமி, மாநிலத் தலைவர் சண்முகசுந்தரம், திருப்பூர் தெற்கு மாவட்ட ஒருங்கிணைப்பாளர் மகாலிங்கம், திருப்பூர் மாநகர ஒருங்கிணைப்பாளர் ரமேஷ், முத்துக்குமார், அல்லாளபுரம் செந்தில், சிவக்குமார், நொச்சிப்பாளையம் முத்துக்குமார். ஈஸ்வரமூர்த்தி மற்றும் ஏராளமான விவசாயிகள் கலந்து கொண்டு உயிர் நீத்த விவசாயிகளின் உருவப்படத்திற்கு மலர் தூவி அஞ்சலி செலுத்தினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கொரநாட்டு கருப்பூரில் நடந்த குறுவை தொகுப்பு திட்டத்தின் தொடக்க விழா நிகழ்ச்சிக்கு ஊராட்சி மன்ற தலைவர் சுதா அம்பிகாபதி தலைமை தாங்கினார்.
    • 85 விவசாயிகளுக்கு குறுவை தொகுப்பு திட்டத்தின் கீழ் இடுபொருட்கள் வழங்கப்பட்டது.

    சுவாமிமலை:

    கும்பகோணத்தில் குறுவை தொகுப்பு திட்டத்தின் தொடக்க விழா கொரநாட்டு கருப்பூரில் உள்ள தனியார் திருமண மண்டபத்தில் நடைபெற்றது. நிகழ்ச்சிக்கு ஊராட்சி மன்ற தலைவர் சுதா அம்பிகாபதி தலைமை தாங்கினார் .

    வேளாண்மை உதவி இயக்குனர் தேவி கலாவதி வரவேற்றார். இதில்அன்பழகன் எம்.எல்.ஏ. கலந்து கொண்டு கும்பகோணம் வட்டாரத்துக்குட்பட்ட 85 விவசாயிகளுக்கு குறுவை தொகுப்பு திட்டத்தை தொடங்கி வைத்து இடுபொருட்களை வழங்கினார்.

    நிகழ்ச்சியில் ஒன்றிய கவுன்சிலர் கணேசன் ,பெருமாண்டி ஊராட்சி மன்ற தலைவர்ஆர்.கே. பாஸ்கர், அட்மா விவசாய ஆலோசனை குழு தலைவர் குமார், வேளாண் துணை அலுவலர் சாரதி, வேளாண்மை அலுவலர் சந்திரசேகர் மற்றும் உதவி வேளாண்மை அலுவலர்கள் கலைவாணன் , செல்வம், அலெக்சாண்டர் , கீர்த்திகா மலைச்சாமி, பயிர் அறுவடை பரிசோதனை அலுவலர்கள் ராஜேஷ், அரவிந்தன், மணிபாரதி , கார்த்தி , உதவி அலுவலர் கோவிந்தராஜ் உள்ளிட்ட பலர் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 50 ஏக்கருக்கு மேல் விவசாயிகள் கோழிக் கொண்டை பூ பயிரிட்டு வந்தனர்.
    • விளையும் கோழி கொண்டை பூக்கள் பொள்ளாச்சி மார்க்கெட்டுக்கு கொண்டு சென்று விற்கப்படுகிறது.

    உடுமலை :

    உடுமலை பகுதியில் விவசாயிகள் மீண்டும் கோழிக் கொண்டை பூ சாகுபடி செய்ய தொடங்கியுள்ளனர்.

    உடுமலை மேற்கு ஒன்றிய பகுதிகளான புங்கமுத்தூர் ,பெரிய பாப்பனூத்து, சடைய கவுண்டனூர் உள்ளிட்ட இடங்களில் சுமார் 50 ஏக்கருக்கு மேல் விவசாயிகள் கோழிக் கொண்டை பூ பயிரிட்டு வந்தனர். ஏக்கருக்கு ரூ. 20ஆயிரம் வரை செலவு செய்யும் விவசாயிகள் பூ விற்பனை மூலம் கணிசமான அளவு லாபம் கிடைப்பதாக தெரிவித்தனர். இங்கு விளையும் கோழி கொண்டை பூக்கள் பொள்ளாச்சி மார்க்கெட்டுக்கு கொண்டு சென்று விற்கப்படுகிறது.

    இந்நிலையில் கடந்த 3 ஆண்டுகளாக கொரோனா தாக்குதல் காரணமாக விசேஷ நிகழ்ச்சிகள் ,கோயில் விழாக்கள் தடைபட்டதால் பூ விற்பனை குறைந்தது. கோழிகொண்டை பூக்களை யாரும் வாங்கவில்லை .இதனால் கோழி கொண்டை பூ சாகுபடியை விவசாயிகள் கைவிட்டு கத்தரி, வெண்டை, கீரை போன்றவற்றை பயிரிட்டனர் .இந்நிலையில் கொரோனாவின் தாக்குதல் குறைந்து உள்ளதால் இப்பகுதி விவசாயிகள் மீண்டும் கோழிக் கொண்டை பூ சாகுபடி செய்ய ஆர்வம் காட்டி வருகி

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அட்மா திட்டத்தின் மூலம் தேனீ வளர்ப்பின் முக்கியத்துவம் மற்றும் நன்மைகள் குறித்து விவசாயிகளுக்கு பயிற்சி நடைபெற்றது.
    • உதவி வேளாண்மை அலுவலர் சின்னராஜ் வரவேற்றார். வேளாண்மை உதவி இயக்குநர் அருள்வடிவு சிறப்புரை ஆற்றினார்.

    அவிநாசி :

    அவிநாசி அருகேயுள்ள தெக்கலூர் ஊராட்சி, வெள்ளாண்டிபாளையத்தில் வேளாண்மைத்துறை சார்பில், 2022-23ம் ஆண்டிற்கான அட்மா திட்டத்தின் மூலம் தேனீ வளர்ப்பின் முக்கியத்துவம் மற்றும் தோட்டத்தில் தேன் பூச்சி பெட்டி வைத்து வளர்ப்பதனால் ஏற்படும் நன்மைகள் குறித்து விவசாயிகளுக்கு பயிற்சி நடைபெற்றது.

    உதவி வேளாண்மை அலுவலர் சின்னராஜ் வரவேற்றார். வேளாண்மை உதவி இயக்குநர் அருள்வடிவு சிறப்புரை ஆற்றினார். தேனீ வளர்ப்பாளர் சதீஷ்குமார் செயல் விளக்கம் காண்பித்தார். மேலும் தேனீ வளர்ப்பினால் விவசாயிகளுக்கு ஏற்படும் நன்மைகள் குறித்து உதவி வேளாண்மை அலுவலர் வினேத்குமார், வேளாண் திட்டங்கள் குறித்து வேளாண்மை அலுவலர் சுஜி ஆகியோர் பேசினர். அட்மா திட்ட வட்டார தொழில் நுட்ப மேலாளர் பிரகாஷ் நன்றி கூறினார். இப்பயிற்சியில், அப்பகுதியை சேர்ந்த விவசாயிகள் பங்கேற்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கடந்த திங்கட்கிழமை விவசாயிகள் நேரடி நெல் விதைப்பு செய்த போது வயலில் இறங்கி சேதப்படுத்தி போராட்டம் நடத்தினர்.
    • அரசு சுதந்திரமாக நேரடி நெல் விதைப்பு பாதுகாப்பு வழங்ககோரியும், ஏராளமான விவசாயிகள் மற்றும் பெண்கள் கலெக்டர் அலுவலகத்தை முற்றுகையிட்டு கண்டன கோஷங்களை எழுப்பினர்.

    தரங்கம்பாடி:

    மயிலாடுதுறை மாவட்டம், குத்தாலம் தாலுக்கா, பருத்திக்குடி கிராமத்தில் விவசாயிகள் நேரடி நெல் விதைப்பு செய்வது தொடர்பாக விவசாயக் கூலி தொழிலாளர்கள் வேலை இழக்ககூடும் என்ற காரணத்தால் கடந்த திங்கட்கிழமை அன்று மார்க்சிஸ்ட் கம்யூனிஸ்ட் கட்சியினர் மற்றும் விவசாயக் கூலி தொழிலாளர்கள் வயலில் இறங்கி போராட்டத்தில் ஈடுபட்டனர்.

    இதில் போராட்டம் நடத்தியவர்களை போலீசார் கைது செய்து வழக்கு பதிவு செய்தனர். இதனிடையே 144 தடை உத்தரவு அப்பகுதியில் பிறப்பிக்கப்பட்டிருந்த நிலையில் விவசாயிகள் காவல்துறை பாதுகாப்புடன் நேரடி நெல் விதைப்பு செய்தனர்.

    இந்நிலையில் கடந்த திங்கட்கிழமை விவசாயிகள் நேரடி நெல் விதைப்பு செய்த போது வயலில் இறங்கி சேதப்படுத்தி போராட்டம்' நடத்திய விவசாய கூலி தொழிலாளர்கள் மற்றும் போராட்டக்காரர்கள் மீது உரிய நடவடிக்கை எடுக்க கோரியும், நேரடி நெல் விதைப்பு செய்ய அரசு தங்களுக்கு தகுந்த பாதுகாப்பு வழங்கிட வலியுறுத்தியும்

    தமிழ்நாடு விவசாயிகள் நலச் சங்கத் தலைவர் சேதுராமன் தலைமையில் விவசாயிகள் மயிலாடுதுறை மாவட்ட கலெக்டர் அலுவலகத்தை முற்றுகையிட்டு போராட்டத்தில் ஈடுபட்டனர்.

    மேலும் அரசு சுதந்திரமாக நேரடி நெல் விதைப்பு பாதுகாப்பு வழங்ககோரியும் ஏராளமான விவசாயிகள் மற்றும் பெண்கள் ஆட்சியர் அலுவலகத்தை முற்றுகையிட்டு கண்டன கோஷங்களை எழுப்பினர்.

    தொடர்ந்து மாவட்ட கலெக்டர் அலுவலகத்திற்குள் நுழைய முயன்ற விவசாயிகளை காவல்துறையினர் பேரிகார்டுகளை கொண்டு தடுத்து நிறுத்தினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • குறைந்தஅளவு தண்ணீரிலும், காய்கறி சாகுபடி மேற்கொள்ள முடிந்தது.
    • நுண்ணீர் பாசன கட்டமைப்புக்கான செலவுத்தொகை கணக்கிடப்பட்டது.

    மடத்துக்குளம்:

    உடுமலை, குடிமங்கலம், மடத்துக்குளம் வட்டாரங்களில், கிணறு மற்றும் போர்வெல் பாசன முறையில் பல ஆயிரம் ஏக்கரில் தென்னை மற்றும் காய்கறி சாகுபடி மேற்கொள்ளப்படுகிறது.சாகுபடியில் நீர் பாய்ச்சுவதற்கு ஆட்கள் பற்றாக்குறையால் பாதிப்பு ஏற்பட்டு வந்தது. மேலும் நிலத்தடி நீர்மட்டம் குறையும் போது நீண்ட கால பயிர்கள் பாதித்தன. காய்கறி சாகுபடி கைவிடப்படும் சூழ்நிலை இருந்தது.இப்பிரச்சினைக்கு தீர்வாக புதிய தொழில்நுட்பங்களை பின்பற்ற இப்பகுதி விவசாயிகள் ஆர்வம் காட்டினர். அதன்படி சொட்டு நீர் மற்றும் நுண்ணீர் பாசனம், இறவை சாகுபடி முறையில் பெரிய மாற்றத்தை ஏற்படுத்தியது.

    இப்பாசன முறைகளால் குறைந்தஅளவு தண்ணீரிலும், காய்கறி சாகுபடி மேற்கொள்ள முடிந்தது. தொழிலாளர்கள் தேவையும் இல்லை. இத்தகைய பாசன முறைகளுக்கு மத்திய, மாநில அரசு தரப்பிலும், அதிக ஊக்கம் அளிக்கப்பட்டது.அதன்படி மத்திய, மாநில அரசுகள் பங்களிப்புடன் வேளாண்துறை, தோட்டக்கலை பயிர்களுக்குநுண்ணீர் பாசனம் அமைக்க மானியம் வழங்கும் திட்டம் செயல்பாட்டுக்கு கொண்டு வரப்பட்டது.

    திட்டத்தில் சிறு, குறு விவசாயிகளுக்கு100 சதவீதமும், இதர விவசாயிகளுக்கு 75 சதவீத மானியமும் வழங்கப்படுகிறது.மிகவும் தேவையான திட்டமாக இருந்தாலும் விலைவாசி உயர்வால் நுண்ணீர் பாசன கட்டமைப்பை ஏற்படுத்த விவசாயிகள் கூடுதலாக செலவழிக்க வேண்டிய நிலை ஏற்பட்டது.

    கடந்த 2013ம் ஆண்டு விலைப்புள்ளி அடிப்படையில், நுண்ணீர் பாசன கட்டமைப்புக்கான செலவுத்தொகை கணக்கிடப்பட்டது.அதன்பின் விலைவாசி உயர்ந்தும், மானியம் உயர்த்தப்படவில்லை. இதனால் 100 சதவீத மானியம் என்பது பேச்சாக மட்டுமே இருந்தது.விவசாயிக்கு 50 சதவீத மானியம் கூட கிடைக்கவில்லை என்பதே யதார்த்த நிலையானது.எனவே மானியம் தவிர்த்து தங்கள் பங்களிப்பு நிதியையும், விவசாயிகள் கூடுதலாக செலவிட்டு நுண்ணீர் பாசனம் அமைத்து வந்தனர்.

    கடந்தாண்டு உடுமலை பகுதியில் பருவமழை பொழிவு கூடுதலாக இருந்ததால், நிலத்தடி நீர்மட்டம் உயர்ந்து கிணறு மற்றும் போர்வெல்களுக்கு கூடுதல் வரத்து கிடைத்தது.இதனால் பெரும்பாலான சிறு, குறு விவசாயிகள் புதிதாக காய்கறி சாகுபடி செய்ய ஆர்வம் காட்டினர்.அதற்கேற்ப விளைநிலங்களில் மானியத்தில் நுண்ணீர் பாசனம் அமைக்க வேளாண்துறை, தோட்டக்கலைத்துறையில் விண்ணப்பம் கொடுத்தனர்.இந்நிலையில் நடப்பு நிதியாண்டு துவங்கி 3 மாதங்களாகியும் இத்திட்டம் தொடர்பான அறிவிப்பு வெளியாகவில்லை. நுண்ணீர்பாசன மானிய திட்டம் ரத்தாகி விட்டதா என விவசாயிகள் அதிர்ச்சி அடைந்துள்ளனர்.மானியம் ஒதுக்கீடு தாமதம் ஆவதால் தென்மேற்கு பருவமழை சீசனையொட்டி சாகுபடி செய்வது கேள்விக்குறியாகியுள்ளது.

    இதுகுறித்து வேளாண்துறை அதிகாரிகள் கூறுகையில், தமிழகத்தில் இதுவரை 17.30 லட்சம் ஏக்கர் பரப்பில், நுண்ணீர் பாசன திட்டம் அமைக்கப்பட்டுள்ளது. நடப்பு ஆண்டில் 2.50 லட்சம் ஏக்கரில் கட்டமைப்பை ஏற்படுத்த இலக்கு நிர்ணயிக்கப்பட்டுள்ளது.அங்கீகாரம் பெற்ற நுண்ணீர் பாசன நிறுவனங்களை நியமிக்கும் பணி நடந்து வருகிறது. நிறுவனங்கள் நியமிக்கப்பட்டு புதிய விலைப்புள்ளி அடிப்படையில் மானிய தொகை நிர்ணயித்த பிறகு அறிவிப்பு வெளியிடப்படும் என்றனர்

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அனைத்துப்பகுதிகளிலும் தொழிலாளர் பற்றாக்குறை முக்கிய பிரச்சினையாக மாறியுள்ளது.
    • விவசாயிகள் ஒரு மணி நேரத்துக்கு 250 ரூபாய் வாடகைக்கு எந்திரத்தை பயன்படுத்தி வருகின்றனர்.

    குடிமங்கலம்:

    உடுமலை, குடிமங்கலம் மடத்துக்குளம் வட்டாரங்களில் நீண்ட கால பயிராக தென்னை, மாமரங்கள் பராமரிக்கப்படுகிறது.மேலும் கரும்பு, வாழை, சின்னவெங்காயம் மற்றும் ஒவ்வொரு சீசனிலும், பல ஆயிரம் ஏக்கரில் காய்கறி சாகுபடி செய்யப்படுகிறது. பி.ஏ.பி., மற்றும் அமராவதி பாசனத்துக்கு நெல், மக்காச்சோளம், சோளம் மற்றும் தானியங்கள் சாகுபடியாகிறது.

    விவசாய சாகுபடியில் தற்போது அனைத்துப்பகுதிகளிலும் தொழிலாளர் பற்றாக்குறை முக்கிய பிரச்சினையாக மாறியுள்ளது.நடவு முதல் அறுவடை வரைகுறித்த நேரத்துக்குஆட்கள் கிடைக்காதது பல்வேறு பாதிப்புகளை ஏற்படுத்தி வருகிறது. தற்போது, தென்னந்தோப்பு பராமரிப்பு உள்ளிட்ட பணிகளுக்கு, பிற மாநிலங்களில் இருந்து தொழிலாளர்களை அழைத்து வருவதும் அதிகரித்துள்ளது.

    இருப்பினும் சிறு, குறு விவசாயிகள், காய்கறி சாகுபடியாளர்களுக்குசீசன் சமயங்களில்தொழிலாளர் கிடைக்காமல் பாதிக்கின்றனர். எனவே படிப்படியாக, சாகுபடி பணிகளுக்கு கருவிகளையும், எந்திரங்களையும் பயன்படுத்த துவங்கியுள்ளனர்.

    காய்கறி சாகுபடியில் மேட்டுப்பாத்தி அமைத்து, இடைவெளியில் களையெடுக்க கோனோவீடர்கருவியை பயன்படுத்துகின்றனர். அதே போல் தென்னை, மாமரங்களுக்கு இடையே, களைச்செடி, பார்த்தீனிய செடிகளை அகற்ற கட்டர் எந்திரத்தைபயன்படுத்துகின்றனர்.இவ்வகை எந்திரத்தை சொந்தமாகவும் வாங்கி பயன்படுத்துகின்றனர். சில பகுதிகளில் விவசாயிகள் ஒரு மணி நேரத்துக்கு 250 ரூபாய் வாடகைக்கு எந்திரத்தை பயன்படுத்தி வருகின்றனர்.

    விவசாயிகள் கூறுகையில், தொழிலாளர் பற்றாக்குறையை சமாளிக்க புதிய வகை கருவிகள் உதவுகிறது. களையெடுத்தல் பணிக்கு பரவலாக எந்திரங்களை பயன்படுத்துகிறோம். அதே போல் விதை, நாற்று நடவு பணிக்கு கருவிகளை அறிமுகப்படுத்தி, விழிப்புணர்வு ஏற்படுத்த வேண்டும். இத்தகைய கருவி, எந்திரங்களை விவசாய ஆர்வலர் குழுக்களுக்கு, கிராமம்தோறும் வழங்கினால்அனைத்து விவசாயிகளும் பயன்பெறுவார்கள் என்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கயத்தாறு வட்டார தோட்டக்கலை உதவி இயக்குநர் மலர் தலைமை தாங்கி முகாம் தொடங்கி வைத்தார்.
    • தேனீ வளர்ப்பின் நன்மைகள்,தேன் எடுக்கும் முறை குறித்து விவசாயிகளுக்கு செய்முறை மூலம் விளக்கப்பட்டது.

    சாத்தான்குளம்:

    சாத்தான்குளம் அருகே உள்ள சுப்பராயபுரத்தில் கயத்தாறு வட்டார தோட்டக்கலை மற்றும் மதுரம் இயற்கை தேன் பண்ணை இணைந்து விவசாயிகளுக்கு தேனீ வளர்ப்பு குறித்த செயல்விளக்க பயிற்சி முகாம் நடைபெற்றது.

    கயத்தாறு வட்டார தோட்டக்கலை உதவி இயக்குநர் மலர் தலைமை தாங்கி தொடங்கி வைத்தார். கயத்தாறு பகுதியில் இருந்து வந்திருந்த 50 விவசாயிகளுக்கு மதுரம் இயற்கை தேன் பண்ணை உரிமையாளர் ஆனந்த், தேனீ வளர்ப்பின் நன்மைகள், தேனீக்களின் முக்கியத்துவம், தேனீ வளர்ப்பு முறை, தேன் எடுக்கும் முறை குறித்து செய்முறை மூலம் விளக்கினார்.

    இதற்கான ஏற்பாடுகளை உதவி தோட்டக்கலை அலுவலர்கள் சரவணக்குமார், கருப்பசாமி, வனிதாமாரி, மற்றும் தோட்டக்கலை அலுவலர் இளங்கோ ஆகியோர் செய்திருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மானியத்தில் ரசாயன உரங்கள் 4000 ஏக்கருக்கு வழங்கிட இலக்கு நிர்ணயிக்கப்பட்டு, விவசாயிகளுக்கு உரம் வழங்கிட ஆணை வழங்கப்பட்டுள்ளது.
    • விதைகள் மற்றும் உயிர் உரங்கள் 50 சதவீதம், பொதுப்பிரிவினருக்கும் ஆதி திராவிடர் மற்றும் பழங்குடியின மக்களுக்கு 70 சதவீதம் மான்ய விலையிலும் வழங்கப்படுகிறது.

    பூதலூர்:

    பூதலூர் வட்டார வேளாண் உதவி இயக்குனர் ராதா வெளியிட்டுள்ள செய்திக்குறிப்பில் கூறியிருப்பதாவது:-

    தமிழக அரசு குறுவை சாகுபடி செய்யும் விவசாயி களுக்கு மானியத்தில் இடுபொருட்கள் விநியோகம் செய்திட குறுவை தொகுப்பு திட்டத்தை அறிவித்துள்ளது.பூதலூர் வட்டாரத்திற்கு 100 சதவீதம் குறுவை தொகுப்பு திட்டத்தின் கீழ் மானியத்தில் ரசாயன உரங்கள் 4000 ஏக்கருக்கு வழங்கிட இலக்கு நிர்ணயிக்கப்பட்டு, விவசாயிகளுக்கு உரம் வழங்கிட ஆணை வழங்கப்பட்டுள்ளது. குறுவை சாகுபடி செய்துள்ள விவசாயிக்கு ஒரு ஏக்கருக்கு ஒரு மூட்டை யுரியா (45 கி), ஒரு மூட்டை டி.ஏ.பி (50 கி) மற்றும் அரை மூட்டை பொட்டாஷ் (25 கி) மட்டும் வழங்கப்படும்.இத்திட்டத்தில் பயன்பெற விவசாயிகள் தங்களது நடப்பு ஆண்டு பசலியில் குறுவை சாகுபடி செய்துள்ளார் என சிட்டா, அடங்கல், குடும்ப அட்டை நகல், ஆதார் அட்டை நகல், புகைப்படம் - 1 ஆகியவற்றுடன் கைபேசி எடுத்துக்கொண்டு தங்கள் பகுதி உதவி வேளாண்மை அலுவலர்களை அணுகி பயன்பெற கேட்டு–கொள்ளப்படுகிறது.

    மேலே குறிப்பிட்ட ஆவணங்களை உழவன் செயலியில் நேரடியாக விவசாயிகள் பதிவு செய்யலாம். மேலும் பதிவு செய்த பிறகு அந்த ஆவணங்களுடன் உதவி வேளாண்மை அலுவலர்களை அணுகி உரங்கள் பெற ஆணை பெற்றுக்கொள்ளலாம். குறுவை தொகுப்பு திட்டத்தின் கீழ் மாற்றுப்பயிர் சாகுபடியை ஊக்கு விக்க ஆடிப்பட்டத்தில் உளுந்து, கடலை மற்றும் சிறுதானியப்பயிரான ராகி சாகுபடி செய்ய விதைகள் மற்றும் உயிர் உரங்கள் 50 சதவீதம், பொதுப்பிரிவினருக்கும் ஆதி திராவிடர் மற்றும் பழங்குடியின மக்களுக்கு 70 சதவீதம் மான்ய விலையிலும் வழங்கப்படுகிறது.எனவே விவசாயிகள் உரிய ஆவணங்களுடன் தங்கள் பகுதி உதவி வேளாண்மை அலுவலர் அல்லது வேளாண்மை உதவி இயக்குநர் அலுவலகத்தை அணுகி பயன்பெறலாம்.இவ்வாறு அதில் கூறப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கோடை பருவத்தில் பம்புசெட் உதவியுடன் பல நூறு ஏக்கர் பரப்பளவில் நெல் சாகுபடி செய்யப்பட்டது.
    • நெல்லை அருகில் உள்ள நெடுஞ்சாலையில் நன்கு உலர வைத்து பின்னர் உலர்ந்த கொள்முதல் நிலையத்திற்கு கொண்டு சென்று விற்பனை செய்து வருகின்றனர்.

    மெலட்டூர்:

    பாபநாசம் தாலுக்கா, சாலியமங்களம் அதனை சுற்றியுள்ள பகுதியில் கோடை பருவத்தில் பம்பு செட் உதவியுடன் பல நூறு ஏக்கர் பரப்பளவில் நெல் சாகுபடி செய்யப்பட்டது. சாகுபடி செய்யப்பட்டுள்ள நெற் பயிர்கள் தற்போது அறுவடை பருவத்தை எட்டியுள்ள நிலையில் விவசாயிகள் தற்போது அறுவடை செய்யும் பணியில் மும்முரமாக ஈடுபட்டு வருகின்றனர். விவசாயிகள் அறுவடை செய்யக்கூடிய நெல்லை அருகில் உள்ள நெடுஞ்சாலையில் நன்கு உலர வைத்து பின்னர் உலர்ந்த நெல்லை சாலியமங்களம் அரசு நெல் கொள்முதல் நிலையத்திற்கு கொண்டு சென்று விற்பனை செய்து வருகின்றனர்.

    சாலியமங்களம் அரசு நெல் கொள்முதல் நிலையத்தில் விவசாயிகள் கொண்டு வரக்கூடிய நெல்லை கொட்டி வைக்க இடமில்லாததால் அருகில் நெடுஞ்சாலையில் கொட்டி வைத்து விற்பனைக்காக காத்து கிடக்கின்றனர். விவசாயிகள் விற்பனைக்கு கொண்டுவரக்கூடிய நெல்லை உடனுக்கு உடன் கொள்முதல் செய்யாமல் 4 அல்லது 5 நாட்கள் காத்திருக்க வைத்து தான் கொள்முதல் செய்வதாகவும் தற்போது திடீர் மழை பெய்துவருவதால் காய்ந்த நெல்மணிகள் நனைந்து போகும் என்பதால் கொள்முதல் நிலையத்தில் நெல்லை தாமதம் இன்றி உடனுக்கு உடன் கொள்முதல் செய்ய அரசு நடவடிக்கை எடுக்க வேண்டுமென விவசாயிகள் கோரிக்கை விடுத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கூட்டத்தில் கலந்து கொள்ளும் விவசாயிகள் மற்றும் விவசாய சங்க பிரதிநிதிகள் அனைவரும் வேளாண்மைத்துறை, தோட்டகலைத்துறை போன்ற விவசாயம் தொடர்புடைய கருத்துக்களை தெரிவிக்க வேண்டும்.
    • விவசாயிகள் அளிக்கும் கோரிக்கை மனுக்களை கணினியில் பதிவு செய்து ஒப்புதல் பெற வேண்டும்.

    தஞ்சாவூர்:

    தஞ்சை மாவட்ட கலெக்டர் தினேஷ் பொன்ராஜ் ஆலிவர் வெளியிட்டுள்ள செய்திக்குறிப்பில் கூறியிருப்பதாவது,

    தஞ்சை கலெக்டர் அலுவலகத்தில் நாளை (வெள்ளிக்கிழமை) விவசாயிகள் குறைதீர்க்கும் கூட்டம் நடைபெற உள்ளது.

    கூட்டத்தில் கலந்து கொள்ளும் விவசாயிகள் மற்றும் விவசாய சங்க பிரதிநிதிகள் அனைவரும் வேளாண்மைத்துறை, தோட்டகலைத்துறை, வேளாண்மை பொறியியல்துறை, தமிழ்நாடு நுகர்பொருள் வாணிபக்கழகம், கூட்டுறவு, நீர்ப்பாசனம், கால்நடை, மின்சாரம் போன்ற விவசாயம் தொடர்புடைய கருத்துக்களை தெரிவிக்க வேண்டும்.

    கூட்டத்தில் கலந்து கொண்டு கருத்துக்களை தெரிவிக்க விரும்பும் விவசாயிகள் மற்றும் விவசாய சங்க பிரதிநிதிகள் அனைவரும் தங்கள் பெயர், ஊர் மற்றும் வட்டாரத்தை நாளை காலை 9 மணி முதல் 10 மணி வரை கணினியில் பதிவு செய்து கொள்ள வேண்டும். விவசாயிகள் அளிக்கும் கோரிக்கை மனுக்களை கணினியில் பதிவு செய்து ஒப்புதல் பெற வேண்டும். கொரோனா தொற்று பரவுதலை கட்டுப்படுத்தும் நோக்கில் விவசாயிகள் சமூக இடைவெளியுடன், முககவசம் அணிந்து வர வேண்டும். இவ்வாறு அதில் கூறப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin