நீங்கள் தேடியது "Army"

திருவனந்தபுரம்:

கேரளாவில் இந்த ஆண்டு தென்மேற்கு பருவமழை முன்கூட்டியே தொடங்கியது. மே மாதம் இறுதியில் பெய்யத் தொடங்கிய இந்த மழை ஆரம்பம் முதலே கனமழையாக இருந்தது.

2½ மாதங்களாக மாநிலம் முழுவதும் மழை பெய்து வருவதால் கேரளாவில் உள்ள அணைகள் நிரம்பி ஆறுகளில் வெள்ளம் பெருக்கெடுத்தது.

இந்த நிலையில் கடந்த 15 நாட்களாக இடைவிடாமல் மழை கொட்டி வருகிறது. இதனால் கேரளாவே வெள்ளத்தில் மிதக்கிறது. 50 ஆண்டுகளுக்கு பிறகு தற்போதுதான் கேரளா இது போன்ற மழையை எதிர்க்கொண்டு வருகிறது.

மாநிலம் முழுவதும் இந்த மழை பெரும் பாதிப்பை ஏற்படுத்தி இருந்தாலும் வயநாடு, இடுக்கி, எர்ணா குளம், கோழிக்கோடு, ஆலப் புழா, கண்ணூர், பத்தனம் திட்டா, கொச்சி, மலப்புரம், பாலக்காடு ஆகிய 10 மாவட்டங்கள் வரலாறு காணாத வகையில் சேதத்தை சந்தித்துள்ளது.

இங்கு வீடுகளை வெள்ளம் சூழ்ந்துள்ளதால் பல இடங்கள் தீவு போல காட்சி அளிக்கிறது. இங்குள்ள மக்கள் வீடுகளை விட்டு வெளியேற முடியாமல் தவிக்கிறார்கள்.

கேரளாவில் உள்ள 24 அணைகளும் நிரம்பி விட்டன. இதுவரை 22 அணைகள் திறக்கப்பட்டு உள்ளன. கடல் மட்டத்தில் இருந்து 2401 அடி உயரம் கொண்ட இடுக்கி அணை முழு கொள்ளளவை எட்டியதால் அந்த அணையின் 5 மதகுகளில் இருந்தும் தண்ணீர் திறந்து விடப்பட்டது. இதனால் செருதோணி ஊருக்குள் வெள்ளம் புகுந்தது. அங்குள்ள கட்டிடங்களும், பாலங்களும் அடித்து செல்லப்பட்டன.

கேரளாவில் மேலும் 3 நாட்களுக்கு மழை எச்சரிக்கை விடுக்கப்பட்டுள்ளது. நாளை 13-ந்தேதி காலை 8.30 மணி முதல் 15-ந்தேதி காலை 8.30 மணி வரை பலத்த மற்றும் மிகப்பலத்த மழை பெய்யுமென்று எச்சரிக்கை விடுக்கப்பட்டு உள்ளது.

ஏற்கனவே வெள்ளத்தில் சிக்கி தவிக்கும் கேரள மக்களை இந்த மழை எச்சரிக்கை அச்சத்தில் ஆழ்த்தி உள்ளது. வயநாடு, இடுக்கி மாவட்டங்களுக்கு 15-ந்தேதி வரையும், ஆலப்புழா, கண்ணூர் மாவட்டங்களுக்கு நாளை வரையும், எர்ணாகுளம், பாலக்காடு, மலப்புரம், கோழிக்கோடு மாவட்டங்களுக்கு இன்று வரையும் ‘ரெட் அலர்ட்’ எனப்படும் அபாய எச்சரிக்கை விடுக்கப்பட்டுள்ளது. இடுக்கி, வயநாடு பகுதிகளில் இன்று காலை முதல் மீண்டும் கனமழை பெய்து வருகிறது.

இதனால் இந்த பகுதியில் மக்கள் பாதுகாப்பான இடங்களுக்கு அப்புறப்படுத்தப்பட்டு வருகிறார்கள். மாநிலம் முழுவதும் 500-க்கும் மேற்பட்ட நிவாரண முகாம்கள் திறக்கப்பட்டுள்ளன. இங்கு சுமார் 75 ஆயிரத்திற்கும் மேற்பட்ட பொதுமக்கள் தஞ்சம் அடைந்துள்ளனர்.

கனமழைக்கு இதுவரை 37 பேர் பலியாகி உள்ளனர். ஆயிரக்கணக்கான வீடுகள் இடிந்து விட்டன. பல லட்சம் ஹெக்டேர் விவசாய பயிர்கள் நாசமாகி விட்டது. சாலைகள் துண்டிப்பு, நிலச்சரிவு, போன்ற பாதிப்புகளால் லட்சக்கணக்கான பொதுமக்களின் இயல்பு வாழ்க்கையில் பெரும் பாதிப்பு ஏற்பட்டு தவிப்புக்குள்ளாகி உள்ளனர். மலப்புரம் மாவட்டத்தில் நிலம்பூர், எடக்கரா, வண்டூர் போன்ற நகரங்கள் கடும் பாதிப்பை சந்தித்துள்ளன. இங்கு மீட்புப்படையினர் கூட செல்ல முடியாத அளவிற்கு பல இடங்கள் கடுமையாக வெள்ளத்தால் சூழப்பட்டுள்ளது. பல கட்டிடங்கள் நிலச்சரிவால் மண்ணில் புதைந்து விட்டன.

பம்பை ஆற்றில் கரை புரளும் வெள்ளம் காரணமாகவும் பெரும் பாதிப்பை கேரள மக்கள் சந்தித்து வருகிறார்கள். மேலும் சபரிமலை செல்லும் பக்தர்களுக்கும் இது தொடர்பான எச்சரிக்கை விடுக்கப்பட்டுள்ளது. வயநாடு, பத்தனம்திட்டா பகுதிகளில் பல இடங்களில் நிலச்சரிவு ஏற்பட்டுள்ளது.


கேரளாவையே புரட்டிப் போட்ட இந்த மழையால் பாதிக்கப்பட்டவர்களை மீட்கும் பணியில் ராணுவம், தேசிய பேரிடர் மீட்புப்படையினர், கடற்படை, கடலோர காவல் படை என்று அனைத்து மீட்புப்படையினரும் களத்தில் இறக்கப்பட்டுள்ளனர்.

கேரள முதல்-மந்திரி பினராய் விஜயன், எதிர்க் கட்சித்தலைவர் ரமேஷ் சென்னிதலா மற்றும் அதிகாரிகளுடன் ஹெலிகாப்டரில் சென்று வெள்ள சேதங்களை பார்வையிட்டனர். மழையால் பாதிக்கப்பட்டவர்களுக்கு அவர் நிவாரண உதவிகளை அறிவித்தார்.

இந்த நிலையில் கேரள வெள்ளசேதங்களை பார்வையிட மத்திய உள் துறை மந்திரி ராஜ்நாத் சிங் இன்று கேரள வருகிறார். அவர், ஹெலிகாப்டர் மூலம் மாநிலத்தில் ஏற்பட்டுள்ள வெள்ளச்சேதங்களை நேரில் பார்வையிடுகிறார். அதன் பிறகு கேரள முதல்-மந்திரி பினராய் விஜயன் மற்றும் அதிகாரிகளுடன் வெள்ளப் பாதிப்புகள் பற்றி ஆலோசனை நடத்துகிறார். #KeralaRain #KeralaFloods #IdukkiDam

ஸ்ரீநகர்:

ஜம்மு காஷ்மீர் மாநிலம் மெந்தார் எனும் கிராமத்தைச் சேர்ந்தவர் அவுரங்கசீப். இவர் இந்திய ராணுவத்தில் பணிபுரிந்து வந்தார். கடந்த ஜூன் மாதத்தில் ரமலான் விடுமுறையின் போது, தனது சொந்த கிராமத்துக்கு வந்த அவுரங்கசீப் பயங்கரவாதிகளால் கடத்தப்பட்டு மிக கொடூரமான முறையில் கொலை செய்யப்பட்டார்.


இதனால், சவூதியில் தாங்கள் பார்த்த வேலையை கைவிட்டு 50 பேர் இந்தியாவுக்கு திரும்பியுள்ளனர். நண்பரை கொன்ற பயங்கரவாதிகளை அடியோடு அழிப்பதையே உயர்ந்த லட்சியமாக கொண்ட அவர்கள் தற்போது ராணுவம் மற்றும் காவல்துறையில் இணைய ஆயத்தமாகி கொண்டிருக்கின்றனர்.

நண்பரின் உயிர் இழப்புக்கு காரணமான கொடியவர்களை பழிவாங்க முறையான பாதையை கையில் எடுத்து போராட இருக்கும் இந்த 50 பேருக்கும் பல்வேறு பகுதிகளில் இருந்து பாராட்டும், ஆதரவும் குவிந்தவண்ணம் உள்ளது. #JammuKashmir #RevengeforFriend

புதுடெல்லி:

ராணுவத்தின் வலிமையை அதிகரிக்கும் விதமாக ஆள் எடுப்பது அவ்வப்போது நாட்டின் பல்வேறு பகுதிகளில் நடந்து வருகிறது. இந்த நிலையில் ராணுவத்தை மேலும் வலுப்படுத்தும் விதமாக ஒரே நேரத்தில் மத்திய பணியாளர் தேர்வாணையம் 55 ஆயிரம் பேரை தேர்வு செய்து ராணுவத்தில் இணைக்க அறிவிப்பு வெளியிட்டு உள்ளது.

சமீப காலமாக ஒரே நேரத்தில் ராணுவத்துக்கு இவ்வளவு பேரை தேர்வு செய்ய அறிவிப்பு வெளியிடப்பட்டு இருப்பது இதுவே முதல் முறையாகும்.

மத்திய ரிசர்வ் போலீஸ் படை, எல்லை பாதுகாப்பு படை, இந்திய-திபெத்திய எல்லை போலீஸ், மத்திய தொழிலக பாதுகாப்பு படை, சகஸ்திரா சீமா பால், அசாம் ரைபிள்ஸ், தேசிய விசாரணை முகமை ஆகியவற்றில் மொத்தம் 54,953 பணியிடங்களுக்கு ஆட்களை தேர்வு செய்ய மத்திய பணியாளர் தேர்வாணையம் இந்த அறிவிப்பை வெளியிட்டு இருக்கிறது.

இதில் ஆண்களுக்கான மொத்த காலி இடங்கள் 47,307 ஆகும். பெண்களுக்கு 7,656 இடங்கள் ஒதுக்கப்பட்டு உள்ளன.

இதில் அதிகபட்சமாக மத்திய ரிசர்வ் படைக்கு 21,566 பேர் தேர்வு செய்யப்பட உள்ளனர்.

10-ம் வகுப்பு தேர்ச்சி பெற்ற 18 வயது முதல் 23 வயது வரை உள்ளவர்கள் விண்ணப்பிக்கலாம். விண்ணப்பதாரர்களுக்கு கம்ப்யூட்டர் முறையிலும் தேர்வு நடத்தப்படும்.

இதுபற்றி ராணுவ இலாகாவின் மூத்த அதிகாரி ஒருவர் கூறுகையில், “புதிய படைப்பிரிவுகளை உருவாக்க மத்திய அரசு முடிவு செய்து உள்ளது. மத்திய உள்துறை அமைச்சகம் அனுமதி அளித்ததை தொடர்ந்து இந்த புதிய காலியிடங்களுக்கான அறிவிப்பு வெளியிடப்பட்டு இருக்கிறது” என்றார். 

டெல்லி கன்டோன்மெண்ட் எல்லைக்குட்பட்ட பிரார் சதுக்கம் சாலையில் நேற்று கழுத்து அறுபட்ட நிலையில் ஒரு பெண்ணின் பிரேதத்தை போலீசார் கண்டெடுத்தனர்.


இதுதொடர்பாக வழக்குப்பதிவு செய்த டெல்லி காவல்துறையினர் கொலையாளியை தீவிரமாக தேடி வந்தனர். இந்நிலையில், ராணுவ மேஜரின் மனைவி கொலை வழக்கில் நிகில் ஹண்டா என்ற சக ராணுவ மேஜர் உத்தரப்பிரதேச மாநிலம் மீரட் நகரில் கைது செய்யப்பட்டுள்ளார். #ArmyMajorwifekilled #MajorArrested