நீங்கள் தேடியது "Smart City"

திருச்சி,

திருச்சி மாநகராட்சியில் ஸ்மார்ட் சிட்டி திட்டத்தின் கீழ் ரூ.1000 கோடியில் 83 பணிகள் நிறைவேற்ற திட்டமிடப்பட்டுள்ளது. அந்த வகையில் தற்போது வரை 38 பணிகள் நிறைவடைந்துள்ளன.

இதில் பட்டவொர்த் ரோடு பகுதியில் அமைக்கப்பட்டு வரும் புராதன பூங்கா மற்றும் தெப்பக்குளத்தில் வண்ண விளக்குகளால் அழகுபடுத்தி சுற்றுலா பயணிகளை ஈர்க்கும் திட்டம் மற்றும் கிழக்கு புலிவால் ரோடு பகுதியில் அமைக்கப்பட்டு வரும் கனக வாகன முனையம் ஆகிய 3 முக்கிய திட்டப் பணிகள் இந்த மாதம் அல்லது அடுத்த மாதத்திற்குள் பூர்த்தி அடையும் என மாநகராட்சி என்ஜினீயர்கள் தெரிவித்தனர்.

2023 மார்ச் மாதத்திற்குள் 45 பணிகளை பூர்த்தி செய்ய இலக்கு நிர்ணயிக்கப்பட்டுள்ளது. புராதன பூங்கா மேம்படுத்தும் திட்டத்திற்கு ரூ.4 கோடி ஒதுக்கப்பட்டது. இதில் பல வரலாற்று அடையாளங்கள் இடம்பெறுகின்றன. முக்கியமாக திருச்சி மாநகரில் கோலோச்சிய மன்னர்கள், மகாராணிகள் தொடர்பான விவரங்கள் இந்த பூங்காவில் இடம்பெறுகின்றன.

தெப்பக்குளத்தில் படகு சவாரி, வண்ண விளக்குகள் உள்ளிட்ட வசதிகளை ஏற்படுத்த ரூ.8 கோடி நிதி ஒதுக்கீடு செய்யப்பட்டுள்ளது. மேற்கண்ட இரு பணிகளும் சுற்றுலா பயணிகளுக்காக அமைக்கப்படுகிறது. மேலும் கனரக வாகன நிறுத்துமிடம் ரூ.14 கோடியில் அமைக்கப்படுகிறது.

இந்த திட்டப் பணி மூலமாக காந்தி மார்க்கெட்டுக்கு வரும் லாரிகள் நிறுத்த கூடுதல் வசதி ஏற்படும். இதனால் மார்க்கெட் பகுதியில் நிலவும் போக்குவரத்து நெரிசலும் கணிசமாக குறையும் வாய்ப்பு ஏற்படும்.

பஞ்சப்பூர் சோலார் பிளாண்ட் தொடர்பான பணிகளும் விரைந்து முடிக்க திட்டமிடப்பட்டுள்ளதாக அதிகாரிகள் கூறினர்.

நெல்லை:

நெல்லை மாவட்ட கண்காணிப்பு அதிகாரியாக நியமிக்கப்பட்டுள்ள இளைஞர் நலத்துறை மற்றும் விளையாட்டு மேம்பாட்டு துறை முதன்மைச் செயலாளர் அபூர்வா இன்று நெல்லையில் பல்வேறு பணிகளை பார்வையிட்டு ஆய்வு செய்தார்்.

பாளையங்கோட்டை வ.உ.சி. மைதானம் சீர்மிகுநகர் திட்டத்தின் கீழ் நவீனப்படுத்தப்பட்டு வருகிறது. அந்தப் பணிகளை பார்வையிட்டார்.

அதனைத் தொடர்ந்து அருகில் உள்ள உள் விளையாட்டு அரங்கம், உடற்பயிற்சி கூடம் ஆகியவற்றையும் நேரில் பார்வையிட்டு ஆய்வு செய்தார்.

தொடர்ந்து அண்ணா விளையாட்டு அரங்கம் சென்ற அவர் அங்குள்ள ஆக்கி மைதானம், தடகள போட்டி மைதானம், மற்றும் இறகுப்பந்து உள் விளையாட்டு அரங்கம் ஆகியவற்றையும் பார்வையிட்டார். பின்னர் அவர் நிருபர்களிடம் கூறியதாவது:-

வடகிழக்கு பருவமழை வர உள்ள நிலையில் கடந்தாண்டு ஏற்பட்ட மழையின் போது பெற்ற அனுபவத்தின் அடிப்படையில் பல்வேறு முன்னேற்பாடு பணிகள் நெல்லை மாவட்டத்தில் மேற்கொள்ளப் பட்டுள்ளது.

எனவே இந்த ஆண்டு மழையின் போது ஏற்படும் வெள்ளம் மற்றும் மழைநீர் உடனடியாக வடிந்து விடும்.

சீர்மிகு நகர் திட்டத்தின் கீழ் நெல்லை மாநகர பகுதியில் நடந்து வரும் வ.உ.சி. மைதானம், பேருந்து நிலையம் உள்ளிட்ட பெரும்பாலான பணிகள் முடிந்து விட்டது.

வ.உ.சி. மைதானத்தை பொருத்தவரை ஒரு தனி விளையாட்டுக்கு மட்டும் ஒதுக்காமல் பார்வையாளர்கள் அமர்ந்து பார்க்கும் அளவில் இருக்கைகள் அமைக்கப்பட்டுள்ளது. ஆகையால் அனைத்து வகையான விளையாட்டுகளையும் இந்த மைதானத்தில் நடத்துவதற்கு ஆலோசனை வழங்கப்பட்டுள்ளது.

சந்திப்பு பேருந்து நிலையத்தை பொறுத்தவரை கனிமவளம் தொடர்பாக வழக்கு இருப்பதால் அது முடிந்த பின்பு விரைவாக பணிகள் மேற்கொள்ளப்படும்.

இவ்வாறு அவர் கூறினார்.

அப்போது மாவட்ட கலெக்டர் விஷ்ணு, மாநகராட்சி கமிஷனர் சிவகிருஷ்ணமூர்த்தி, மாவட்ட வருவாய் அலுவலர் ஜெயஸ்ரீ ஆகியோர் உடனிருந்தனர்.

பின்னர் சேரன்மகாதேவி தாலுகா அலுவலத்தில் ஆய்வு செய்த அவர் அங்குள்ள இ-சேவை மையத்தை பார்வையிட்டார். 

மதுரை

மதுரை மாநகராட்சி ஸ்மார்ட்சிட்டி திட்டத்தின்கீழ் கட்டப்பட்டு வரும் பெரியார் பேரங்காடி கட்டுமான பணிகளை மேயர் இந்திராணி, ஆணையாளர் சிம்ரன்ஜீத்சிங் காலோன் ஆகியோர் ஆய்வு செய்தனர்.

மதுரை மாநகராட்சி ஸ்மார்ட் சிட்டி திட்டத்தின் கீழ் பல்வேறு பணிகள் மேற்கொள்ளப்பட்டு வருகிறது. அவற்றில் பெரியார் பேருந்து நிலையம், சுற்றுலா தகவல் மையம், ஜான்சிராணி பூங்கா, குன்னத்தூர் சத்திரம் ஆகியவற்றில் பணிகள் முடிக்கப்பட்டு பொதுமக்கள் பயன்பாட்டிற்கு கொண்டு வரப்பட்டுள்ளது.

மேலும் பெரியார் பேருந்து நிலையம் அருகில் ரூ.119.56 கோடி மதிப்பீட்டில் பேரங்காடி கட்டுமான பணிகள், பழைய சென்ட்ரல் மார்க்கெட் பகுதியில் ரூ.44.20 கோடி மதிப்பீட்டில் பல்லடுக்கு வாகனம் நிறுத்துமிடம் கட்டுமான பணிகள் தொடர்ந்து நடைபெற்று வருகிறது.

பெரியார் பேருந்துநிலையம் அருகில் கட்டப்பட்டு வரும் பேரங்காடி கட்டுமான பணிகள், அருகில் உள்ள பயணிகள் சுற்றுலா தகவல் மையத்தில் மேயர் இந்திராணி, ஆணையாளர் சிம்ரன்ஜீத்சிங் காலோன் ஆகியோர் ஆய்வு செய்தனர்.

தொடர்ந்து ஸ்மார்ட் சிட்டி திட்டத்தின்கீழ் கட்டப்பட்டுள்ள ஜான்சி ராணி பூங்கா வணிக வளாகம் மையம், குன்னத்தூர் சத்திரம், பல்லடுக்கு வாகன நிறுத்துமிடம் ஆகிய இடங்களில் ஆணையாளர் ஆய்வு செய்து பணிகளை விரைந்து முடிக்குமாறு அலுவலருக்கு உத்தர விட்டார்.

முன்னதாக ஆணையாளர் சிம்ரன்ஜீத்சிங் காலோன், ஆரப்பாளையம் கிராஸ் ரோடு கர்டர்பாலம் பகுதியில் உள்ள கழிவு நீரேற்றுநிலையம், மேலப்பொன்னகரம் 8-வது தெருவில் பகுதியில் உள்ள உந்து கழிவுநீரேற்று நிலையம் மற்றும் பொன்மேனி பகுதியில் உள்ள உபகழிவு நீரேற்று நிலையம் ஆகிய கழிவுநீரேற்று நிலையங்க ளின் செயல்பாடுகள் குறித்து ஆய்வு செய்தார்.

இந்த ஆய்வின்போது நகரப்பொறியாளர் லட்சுமணன், செயற் பொறியாளர்கள் பாக்கியலட்சுமி, பாஸ்கரன், உதவி செயற்பொறியாளர் ேசகர், மக்கள்தொடா;பு அலுவலர் மகேஸ்வரன், உதவிப்பொறியாளர்கள் ஆறுமுகம், ஆரோக்கிய சேவியர், தியாகராஜன், கந்தப்பா உட்பட பலர் கலந்து கொண்டனர்.