நீங்கள் தேடியது "minister rajendra balaji"

சிவகாசி:

சிவகாசி அருகே ஈஞ்சார் நடுவப்பட்டியில் பொங்கல் திருவிழாவை முன்னிட்டு 18பட்டி கிராம மக்கள் சார்பில் ஜல்லிக்கட்டு போட்டி இன்று நடைபெற்றது.

ஆலடி ஈஸ்வர் கோவில் முன்பு காலை 7 மணிக்கு விருதுநகர் மாவட்ட அ.தி. மு.க. செயலாளரும், பால் வளத்துறை அமைச்சருமான கே.டி.ராஜேந்திர பாலாஜி கொடியசைத்து போட்டியை தொடங்கி வைத்தார்.

நிகழ்ச்சியில் ராதாகிருஷ் ணன் எம்.பி., சிவகாசி ஆர்.டி.ஓ. தினகரன் மற்றும் அதிகாரிகள் அ.தி.மு.க. நிர்வாகிகள் கலந்து கொண்டனர்.

மாடுபிடி வீரர்களும், மாடு உரிமையாளர்களும் உறுதிமொழி எடுத்துக் கொண்டனர். அனைத்து காளைகளுக்கும் மருத்துவ பரிசோதனை செய்யப்பட்டு தகுதியான காளைகள் போட்டியில் பங்கேற்க அனுமதிக்கப்பட்டது.

தமிழகத்தின் பல்வேறு பகுதியில் இருந்து 150-க்கும் மேற்பட்ட காளைகள் வந்திருந்தன. ஏராளமான வீரர்கள் களத்தில் இறங்கி மாடுகளை அடக்கினர். காளைகளை அடக்கிய வீரர்களுக்கு பரிசு பொருட்கள் வழங்கப்பட்டன. பிடிபடாமல் போன காளைகளுக்கும் பரிசு வழங்கப்பட்டது.

ஜல்லிக்கட்டு நிகழ்ச்சியை காண ஈஞ்சார், நடுவப்பட்டி, வேண்டுராயபுரம், மல்லி, நிறைமதி, கிருஷ்ண பேரி, வடபட்டி உள்பட சிவகாசி மற்றும் அதன் சுற்றுப் பகுதியில் இருந்து ஏராளமானோர் வந்திருந்தனர்.

பொதுமக்கள் பாதுகாப்பாக அமர்ந்து நிகழ்ச்சியை பார்க்க வசதியாக கேலரி அமைக்கப்பட்டிருந்தது.

நிகழ்ச்சியில் சிவகாசி யூனியன் ஆணையாளர்கள் சுப்பிரமணியன், சங்கர நாராயணன், தாசில்தார் பரமானந்தராஜா, அ.தி. மு.க. ஒன்றிய செயலாளர் புதுப்பட்டி கருப்பசாமி உள்பட பலர் கலந்து கொண்டனர். #jallikattu #ministerrajendrabalaji

மதுரை:

எச்.ஐ.வி. ரத்தம் செலுத்தப்பட்டதால் பாதிக்கப்பட்ட சாத்தூர் கர்ப்பிணி மதுரை அரசு ஆஸ்பத்திரியில் அனுமதிக்கப்பட்டுள்ளார். அங்கு அவருக்கு 9 டாக்டர்கள் அடங்கிய மருத்துவக்குழுவின் தீவிர கண்காணிப்பில் சிகிச்சை அளிக்கப்படுகிறது.

இந்த நிலையில் பால் வளத்துறை அமைச்சர் கே.டி.ராஜேந்திரபாலாஜி மதுரை அரசு ஆஸ்பத்திரிக்கு வந்தார். அங்கு சிகிச்சை பெறும் கர்ப்பிணிக்கு ஆறுதல் கூறினார். பின்னர் தனது சொந்த பணத்தில் ரூ.2 லட்சம் வழங்கினார்.

அதன் பின்னர் அவர் நிருபர்களிடம் கூறியதாவது:-

பாதிக்கப்பட்ட பெண்ணின் கணவர் சாத்தூர் படந்தாலில் அரசு நிலம் வேண்டும் என்று என்னிடம் கோரிக்கை வைத்தார். இது தொடர்பாக விருதுநகர் கலெக்டரிடம் பேசி அவர் கேட்ட பகுதியிலேயே இடம் வழங்க ஏற்பாடு செய்யப்பட்டுள்ளது.

சிகிச்சை முடிந்து அந்த பெண் வீடு திரும்பியதும் அவரது கணவருக்கு டிரைவர் வேலையும், பெண்ணுக்கு தகுந்த வேலையும் வழங்கப்படும் என்றார். #ministerrajendrabalaji  #HIVBlood #PregnantWoman

சிவகாசி:

சிவகாசி அருகே சாட்சியாபுரத்தில் சுமார் ரூ.1கோடி மதிப்பில் ஆவின் பாலகம் திறப்பு விழா நடைபெற்றது. மாவட்ட கலெக்டர் சிவஞானம் தலைமை வகித்தார்.

ஆவின் துறை இயக்குநர் காமராஜ், சந்திரபிரபா எம்.எல்.ஏ., முன்னிலை வகித்தனர். ஆவின் பாலகத்தை திறந்து வைத்து அமைச்சர் கே.டி.ராஜேந்திரபாலாஜி பேசியதாவது:-

விருதுநகர் மாவட்டத்தில் கூடுதலாக ஆவின் பாலகம் விரைவில் திறக்கப்பட உள்ளது. தமிழகம் முழுவதிலும் 500 இடங்களில் ஆவின் பாலகம் திறக்கப்பட உள்ளது. சிங்கப்பூர், ஹாங்ஹாங் போன்ற வெளிநாடுகளிலும் விற்பனை நடைபெறும் அளவிற்கு ஆவின் தரம் உயர்ந்துள்ளது. மேலும் துபாய், இலங்கை, மலேசியா உட்பட பல்வேறு நாடுகளுக்கு ஏற்றுமதி செய்ய நடவடிக்கை எடுக்கப்பட்டு வருகிறது.

ஆவின் என்றாலே மக்கள் விரும்பக்கூடிய பால் என்ற அளவில் ஆவின் தரம் உயர்ந்துள்ளது. ஆவின் நிறுவனம் லாப நோக்குடன் செயல்படவில்லை. தரமான பொருட்களை வழங்க வேண்டும் என்ற நோக்கத்தோடு ஆவின் நிறுவனம் செயல்பட்டு வருகிறது.

ஆவினில் விற்பனையும், கொள்முதலும் கூடியிருக்கிறது. ஒரு நாளைக்கு ரூ.38 கோடி அளவில் விற்பனை நடைபெறுகிறது. ஆவின் வரலாற்றில் இது போன்ற விற்பனை எட்டப்படவில்லை. ஆந்திரா, தெலுங்கானா போன்ற மாநிலங்களிளும் ஆவின் விற்பனை நடைபெற்று வருகிறது.

திருப்பதி தேவஸ்தானத்தில் இருந்து 100டன் ஆவின் நெய் வேண்டும் என்று எங்களுக்கு ஆர்டர் வந்துள்ளது. திருப்பதி லட்டுக்கு இனி ஆவின் நெய்தான் பயன்படுத்த போகின்றனர். வெளி நாடுகளில் ஆவின் நெய் நன்றாக இருப்பதாக அந்த நாட்டு மக்கள் தெரிவித்துள்ளனர்.

முதல்வர் எடப்பாடி பழனிச்சாமி ஆட்சியில் ஆவின்துறை மேலும் மேலும் வளர்ச்சி அடையும்.

இவ்வாறு அவர் பேசினார்.

நிகழ்ச்சியில் ஆவின் தலைவர் கண்ணன், அ.தி.மு.க. ஒன்றிய செயலாளர்கள் புதுப்பட்டி கருப்பசாமி, சண்முகக்கனி, எதிர்கோட்டை மணிகண்டன், மாவட்ட எம்.ஜி.ஆர். இளைஞரணி செயலாளர் ராஜவர்மன், சிவகாசி யூனியன் ஆணையாளர்கள் சுப்பிர மணியன், சங்கர நாராயணன் மற்றும் அரசு அதிகாரிகள் அ.தி.மு.க. நிர்வாகிகள் கலந்து கொண்டனர்.

கோவை:

கோவையில் அமைச்சர் ராஜேந்திர பாலாஜி இன்று நிருபர்களுக்கு பேட்டி அளித்தார். அப்போது அவர் கூறியதாவது-

ஸ்டெர்லைட் ஆலையை தமிழக முதல் -அமைச்சர் பெரிய பூட்டு போட்டு பூட்டினார். இதன் மீது ஆலை உரிமையாளர் மேல் முறையீடு செய்ததால் ஆலையை திறக்க பசுமை தீர்ப்பாயம் உத்தரவிட்டு உள்ளது.

இது தொடர்பாக உச்சநீதி மன்றத்தில் மேல் முறையீடு செய்வோம் என முதல்-அமைச்சர் எடப்பாடி பழனிசாமி அறிவித்துள்ளார். ஸ்டெர்லைட் ஆலையை மீண்டும் திறக்க எந்த முகாந்திரமும், சாத்திய கூறும் கிடையாது.

கஜா புயல் பாதிக்கப்பட்ட பகுதிகளில் அரசு நிவாரண பணிகளை தீவிரமாக செய்தது. 100 சதவீத மின் வினியோகம் வழங்கப்பட்டு விட்டது. முற்றிலும் மின் இணைப்பு துண்டிக்கப்பட்ட ஒரு சில கிராமங்களில் இன்னும் மின்சாரம் கிடைக்காமல் இருந்தால் விரைவில் வழங்க நடவடிக்கை எடுக்கப்படும்.

கஜா புயலால் வீடு இழந்தவர்களுக்கு இழப்பீடு வழங்குவதில் முதல்-அமைச்சர் உத்தரவை மீறி அதிகாரிகள் செயல்பட வாய்ப்பு இல்லை. இழப்பீடு வழங்குவதில் எந்த முறைகேடும் நடைபெறவில்லை.

எந்த திட்டம் அறிவித்தாலும் ஊழல் குற்றம் சாட்டுவது தற்போது பே‌ஷனாகி வருகிறது. அரசு மீது சிலர் குற்றம் சுமத்தி வருகிறார்கள். அவர்கள் மாற்று கட்சியினராக தான் இருப்பார்கள்.

குட்கா வழக்கு விசாரணையில் உள்ளது. அதில் சொல்ல ஒன்றும் இல்லை. இந்த வழக்கில் அரசு தலையீடு கிடையாது. அ.தி.மு.க.வில் இருப்பவர்கள் எம்.ஜி.ஆர். ஜெயலலிதா தலைமையை ஏற்று செயல்படுபவர்கள் வேறு கட்சிக்கு செல்ல மாட்டார்கள்.

டி.டி.வி. தினகரன் அணியில் இருப்பவர்கள் நொந்து போய் உள்ளனர். இரட்டை இலை எங்கு உள்ளதோ அது தான் உண்மையான அ.தி.மு.க. அங்குதான் அ.தி.மு.க. தொண்டர்கள் இருப்பார்கள். பிரிந்து சென்றவர்கள் அ.தி.மு.க.வுக்கு வர விரும்புகிறார்கள்.

கரூரில் செந்தில் பாலாஜி மட்டும் தான் தனிப்பட்ட காரணங்களுக்காக தி.மு.க.வுக்கு சென்று உள்ளார்.ராஜீவ் கொலையாளிகள் 7 பேரை விடுதலை செய்ய கோரி ஏற்கனவே சட்ட மன்றத்தில் தீர்மானம் நிறைவேற்றப்பட்டு மத்திய அரசுக்கு அனுப்பி வைக்கப்பட்டு உள்ளது. இது தொடர்பாக முதல்-அமைச்சர் எடப்பாடி பழனிசாமி கவர்னருக்கு அழுத்தம் கொடுத்து வருகிறார்.

அப்பாவி மக்கள் யாராக இருந்தாலும் அவர்கள் விடுதலைக்காக அ.தி.மு.க. போராடி வருகிறது. ஆனால் சில பிரச்சினைகளை வைத்து அரசியல் விளையாட்டு நடக்கிறது.

ராஜீவ் கொலையாளிகள் 7 பேர் வி‌ஷயத்தில் அவர்கள் விரைவில் விடுதலை செய்யப்படுவார்கள். சுதந்திர காற்றை அனுபவிப்பார்கள்.

தி.மு.க.வுக்கு தேர்தல் பயம் வந்து விட்டது. இதனால் தான் தேர்தல் தேதி அறிவிக்கும் முன் கூட்டணி அமைக்கிறார்கள். எங்களுக்கு மடியில் கனம் இல்லை. அதனால் பயம் இல்லை. பாராளுமன்ற தேர்தல் தேதி அறிவித்தவுடன் அ.தி.மு.க. மெகா கூட்டணி அமைக்கும். முதல்-அமைச்சர் எடப்பாடி பழனிசாமி தேர்தல் வியூகம் அமைத்து வெற்றி கூட்டணி அமைப்பார். 

இவ்வாறு அவர் கூறினார். #sterliteplant #ministerrajendrabalaji 

காரியாபட்டி:

காரியாபட்டி ஒன்றியம் ஆவியூர் கிராமத்தில் ரூ.30 லட்சம் மதிப்பீட்டில் அம்மா பூங்கா மற்றும் உடற்பயிற்சி நிலையம் கட்டப்பட்டுள்ளது. இந்த பூங்கா மற்றும் உடற்பயிற்சி நிலையத்தையும், முக்கன்குளம் கிராமத்தில் ரூ.10 லட்சம் மதிப்பீட்டில் புதிதாக கட்டப்பட்ட அங்கன் வாடி மைய கட்டிடம், நரிக்குடி ஒன்றியம் புல் வாய்க்கரை கிராமத்தில் ரூ.35 லட்சம் மதிப்பீட்டில் புதிதாக கட்டப்பட்ட கால்நடை மருத்துவமனையையும் பால் வளத்துறை அமைச்சர் ராஜேந்திர பாலாஜி திறந்து வைத்தார்.

அப்போது பொதுமக்கள் கோரிக்கை மனுவை அமைச்சர் ராஜேந்திர பாலாஜியிடம் வழங்கினார். புல் வாய்க்கரை கிராமத்தில் சாலையில் ஆக்கிரமிப்பு செய்துள்ளதாக மனு கொடுத்தனர்.

உடனடியாக திருச்சுழி தாசில்தாரை அழைத்து ஆக்கிரமிப்பு செய்துள்ள இடத்தை பார்வையிட்டு உடனடியாக நடவடிக்கை எடுக்க வேண்டும் என்று அமைச்சர் ராஜேந்திர பாலாஜி கூறினார்.

நிகழ்ச்சியில் கலெக்டர் சிவஞானம், மாவட்ட வருவாய் அலுவலர் உதயகுமார், அருப்புக்கோட்டை வருவாய் கோட்டாட்சியர் செல்லப்பா, ஒன்றிய செயலாளர்கள் ராமமூர்த்திராஜ், பூமிநாதன், மாவட்ட இலக் கிய அணி செயலாளர் தோப்பூர்முருகன், அ.தி.மு.க. பிரமுகர் தேவர், மாவட்ட ஆவியூர் ஊராட்சி மன்ற முன்னாள் தலைவர் ரவி, மாவட்ட பேரவை பொருளாளர் மச்சேஸ் வரன், நரிக்குடி ஒன்றிய இணைச்செயலாளர் அம்மன்பட்டி ரவிச்சந்திரன், நரிக்குடி ஒன்றிய பேரவை செயலாளர் தியாகராசன், ஒன்றிய எம்.ஜி.ஆர். இளைஞரணி இணைச் செயலாளர் குண்டு குமார், வக்கீல் ஆவியூர் ரமேஷ், முன்னாள் ஒன்றிய செயலாளர் அம்பலம், புல் வாய்க்கரை கூட்டுறவு வங்கி தலைவர் ராம சுப்பிரமணியன், உள்பட பலர் கலந்து கொண்டனர்.

சிவகாசி:

சிவகாசியில் இன்று அமைச்சர் ராஜேந்திர பாலாஜி நிருபர்களிடம் கூறியதாவது:-

மேகதாது அணையை கட்ட தமிழக அரசு கடும் எதிர்ப்பு தெரிவித்துள்ளது. டெல்டா மக்களின் பிரச்சினை முதல்வருக்கு நன்றாக தெரியும். எனவே தான் சட்டமன்றத்தை கூட்டி கர்நாடக அரசுக்கு எதிராக தீர்மானம் நிறைவேற்றி உள்ளார். மேலும் அ.தி.மு.க. எம்.பி.க்கள் கூட்டத்தை கூட்டிய முதல்வர் தமிழக பிரச்சினை குறித்து பாராளுமன்றத்தில் குரல் கொடுக்க வலியுறுத்தி உள்ளார்.

தமிழகத்தின் உரிமை பறி போகக்கூடாது என்பதில் முதல்வர் உறுதியாக உள்ளார். கஜா புயல் நிவாரணத்துக்காக தமிழக அரசு ரூ. 1401 கோடியை ஒதுக்கியுள்ளது. புயல் பாதிக்கப்பட்ட மன்னார் குடியில் 2 நாட்களில் மின்சார சப்ளை செய்யப்பட்டு உள்ளது. 24 வகையான நிவாரண பொருட்கள் வீடு, வீடாக வழங்க நடவடிக்கை எடுக்கப்பட்டு வருகிறது.

பட்டாசு ஆலைகளை திறக்க அரசு நடவடிக்கை எடுத்து வருகிறது. பட்டாசு உரிமையாளர்களின் கோரிக்கை தொடர்பாக முதல்வரிடம் பேச உள்ளேன். தொழிலாளர்களுக்கு பிரச்சினை என்ற வேடிக்கை பார்க்காமல் தமிழக அரசு உடனடி நடவடிக்கை எடுக்கும்.

இவ்வாறு அவர் கூறினார். #ministerrajendrabalaji #fireworksmill