நீங்கள் தேடியது "emergency"

மாஸ்கோ:

ரஷியாவின் வடக்கு பகுதியில் ஆர்க்டிக் பெருங்கடல் பகுதியை ஒட்டி அமைந்துள்ளது நோவாயா செம்லியா தீவுக்கூடம். இந்த தீவுக்கூடத்தின் பல கிலோ மீட்டர் தூரத்துக்கு அப்பால் பனிக்கரடிகள் வசித்து வந்தன.

தற்போது அங்கு அதிக பனி காரணமாக மீன்கள் உள்ளிட்ட சில உயிரினங்கள் இடம் பெயர்ந்துவிட்டதால் உணவு கிடைக்காமல் பனிக்கரடிகள் தவிக்கின்றன. இதனால் உணவை தேடி பனிக்கரடிகள் கூட்டம் கூட்டமாக குடியிருப்பு பகுதிகளுக்கு படையெடுக்க தொடங்கி உள்ளன.

ஆர்க்கான்கெலஸ்க் பிராந்தியத்தில் உள்ள பெல்ஷியா குபா நகரில் 50-க்கும் மேற்பட்ட பனிக்கரடிகள் சுற்றித் திரிவதாக அங்கிருந்து வரும் தகவல்கள் தெரிவிக்கின்றன. இந்த பனிக்கரடிகள் மிகவும் ஆபத்தானவை என்பதால் பொதுமக்கள் விழிப்புடன் இருக்க வேண்டும் என எச்சரிக்கை விடுக்கப்பட்டு உள்ளது. அதோடு அங்கு அவசர கால நிலை பிரகடனப்படுத்தப்பட்டு உள்ளது.

பொதுமக்களுக்கு பாதுகாப்பு அளிக்கவும், கரடிகளை விரட்டி அடிக்கவும் ராணுவவீரர்கள் பணியில் அமர்த்தப்பட்டு உள்ளனர். #PolarBear

வாஷிங்டன் :

அமெரிக்க-மெக்சிகோ எல்லையில் சுவர் எழுப்பும் திட்டத்தில் டிரம்ப் விடாப்பிடியாக உள்ளார். அதே போல் இந்த திட்டத்துக்கு உள்நாட்டு நிதியை ஒதுக்க முடியாது என்பதில் ஜனநாயக கட்சியினர் உறுதியாக உள்ளனர். இது விவகாரம் தொடர்பாக சமீபத்தில் ஜனநாயக கட்சி தலைவர்களுடன் உயர்மட்ட ஆலோசனை கூட்டம் நடந்தபோது, டிரம்ப் வெளிநடப்பு செய்தார்.

இந்த நிலையில் தெற்கு எல்லையையொட்டி உள்ள டெக்சாஸ் மாகாணத்துக்கு டிரம்ப் பயணம் மேற்கொண்டார். அங்கு அவர் நிருபர்களை சந்தித்தார். அப்போது அவரிடம் நிருபர்கள் அமெரிக்காவில் அவசர நிலையை பிரகடனப்படுத்துவீர்களா? என கேள்வி எழுப்பினர்.

அதற்கு பதில் அளித்த டிரம்ப், ‘‘ஆம், அது பற்றி நான் தீவிரமாக ஆலோசித்து வருகிறேன். நாம் அதை விரைவாக செய்ய வேண்டும். ஏனெனில் அது மட்டும்தான் தீர்வு. அதற்கு செலவு கிடையாது. நாம் ஆண்டு தோறும் எல்லை பாதுகாப்புக்கு செலவிடுவதை விட, சுவருக்கு குறைந்த செலவுதான் ஆகும்’’ என தெரிவித்தார். #DonaldTrump

புதுடெல்லி :

நெருக்கடி நிலை பிரகடனம் செய்யப்பட்டதன் 43-வது ஆண்டு தினம் அனுசரிக்கப்படும் நிலையில் மகாராஷ்டிரா மாநிலம், மும்பையில் அவரசநிலை குறித்து நாட்டு மக்களுக்கு விளக்க பாரதிய ஜனதா கட்சி பொதுக்கூட்டத்திற்கு ஏற்பாடு செய்திருந்தது. பிரதமர் நரேந்திர மோடி இக்கூட்டத்தில் கலந்துகொண்டு இன்று உரையாற்றும் போது குறிப்பிட்டுள்ளதாவது :-

காங்கிரஸ் கட்சியை விமர்சனம் செய்வதற்காக கருப்பு தினத்தினை (அவசரநிலை) நாம் கடைப்பிடிக்கவில்லை. என்ன நடந்தது என்பதனை பற்றி இன்றைய இளைஞர்கள் அறிந்து கொள்ள வேண்டும் என நாங்கள் விரும்புகிறோம்.  

ஒரு பிரதமர்(இந்திரா காந்தி) பாராளுமன்ற உறுப்பினராக தேர்தலில் வெற்றி பெற்றது செல்லாது என நீதிமன்றம் தீர்ப்பளித்ததால் அரசியல் சாசன சட்டப்பிரிவு 352-ன் கீழ் இந்தியா முழுதும் அவரசநிலை பிரகடனம் செய்யப்பட்டது.

அவசரநிலையின் போது சுயநலத்திற்காக எதிர்க்கட்சியினரை சிறையில் அடைத்து நாட்டையே சிறைச்சாலையாக காங்கிரஸ் கட்சி மாற்றியது. நாட்டிற்கும், ஜனநாயகத்திற்கும் மதிப்பளிக்காத காங்கிரஸ் கட்சியினரால் தற்போது எப்படி அரசியலமைப்பு சட்டத்தை பாதுகாப்பது குறித்து பேச முடிகிறது ?.

இந்தியாவின் பொற்கால வரலாற்றில் அவசரநிலை பிரகடனம் செய்யப்பட்ட காலகட்டம் கரும்புள்ளியை ஏற்படுத்திவிட்டது.

பாராளுமன்றத்தில் 400 மக்களவை இடங்களை பெற்ற நிலையில் இருந்து 44 என்ற நிலைக்கு வந்த பிறகு மின்னணு வாக்குப்பதிவு இயந்திரத்தின் செயல்பாடுகளை விமர்சனம் செய்தனர். ஆனால், கர்நாடகா தேர்தலுக்கு பிறகு மின்னணு வாக்குபதிவு இயந்திரம் குறித்து அவர்கள் கேள்வி கேட்பது இல்லை.

மேலும், ஊழல் வழக்குகளை ஜாமீனில் வெளியே வந்து எதிர்கொள்வது பற்றி அவர்கள்(காங்கிரஸ் தலைமை) கனவிலும் நினைத்திருக்க மாட்டார்கள். எனவே, உச்சநீதிமன்ற நீதிபதி மேல் நம்பிக்கை இல்லா தீர்மானம் கொண்டு வரவும் அவர்கள் முடிவு செய்தனர்.

வெறும் புத்தகம் மட்டுமே அல்லாமல் ஒவ்வொரு சாமானியனின் ஆசைகளையும் கனவையும் நனவாக்குவது அரசியலமைப்பு சட்டம் ஆகும். ஜனநாயகத்தின் மதிப்புகளை நிலைநிறுத்தி, அரசியலமைப்பு சட்டத்தை பாதுகாக்கும் முயற்சிகளில் தேசிய ஜனநாயக கூட்டணி அரசு ஈடுபட்டுள்ளது.

இவ்வாறு அவர் தெரிவித்தார். #Emergency #NarendraModi #Congress