நீங்கள் தேடியது "hindu munnani"

அவினாசி :

பிரஜாபிதா பிரம்மகுமாரிகள் ஈஸ்வர்ய விஸ்வ வித்யாலயம் எனும் இயக்கம் ராஜஸ்தானை தலைமையிடமாக கொண்டு 185 நாடுகளில் இயங்கிவருகிறது. அவினாசி கிளை பிரம்மகுமாரிகள் இயக்கத்தினர் பிரதிமாதம் அமாவாசை தினத்தன்று அவினாசிலிங்கேசுவரர் கோவில் கலை அரங்கில் தனது இயக்கம் குறித்து பக்தர்களிடம் விளக்கப் பாடம் நடத்துவது வழக்கம்.

ஆடி அமாவாசை தினமான நேற்று இவர்கள் கலை அரங்கில் வழக்கம்போல் பிரசங்கம் செய்துகொண்டிருந்தனர். அப்போது இந்து முன்னணி அமைப்பை சேர்ந்த சிலர் வந்து நீங்கள் யார் கிருஷ்துவ மதத்தை சேர்ந்தவர்களா இங்கு நீங்கள் பிரச்சாரம் செய்யக்கூடாது என வாக்குவாதத்தில் ஈடுபட்டுள்ளனர். அப்போது இரு தரப்புக்கும் இடையே வாக்கு வாதம் ஏற்பட்டுள்ளது. தகவலறிந்து கோவில் செயல் அலுவலர் பெரியமருதுபாண்டி மற்றும் போலீசார் அங்கு வந்து விசாரித்தனர். பிரம்மகுமாரிகள் இயக்கத்தினர் தங்களது பிரசங்கம் செய்வது குறித்து கோவில் நிர்வாகத்திடம் அனுமதி பெற்றுள்ளதாக தெரிவித்தனர்.

இதையடுத்து போலீசார் பேச்சுவார்த்தை நடத்தி அனைவரையும் சமரசம் செய்து அனுப்பி வைத்தனர். இந்த சம்பவத்தால் கோவில் வளாகத்தில் சிறிது நேரம் பரபரப்பு ஏற்பட்டது.

திருப்பூர் :

இந்து முன்னணி கிழக்கு ஒன்றியம் சார்பில் திருப்பூர் ராக்கியாபாளையம் பிரிவில் உள்ள அலுவலகத்தில் ஒன்றிய செயற்குழு கூட்டம் நடைபெற்றது. இதற்கு மாவட்ட துைண தலைவர் பாஸ்கரன் தலைமை தாங்கினார்.

இதில் நாளை 14-ந்தேதி இந்துக்களின் உரிமை மீட்பு பிரச்சார பயணத்திற்கு வரும் மாநில தலைவர் காடேஸ்வரா சுப்பிரமணியத்திற்கு பிரம்மாண்ட வரவேற்பு அளிப்பது, வெள்ளி கதாயுதம் வழங்குவது , இது சம்பந்தமாக வீடு வீடாக நோட்டீஸ் விநியோகிப்பது, ஆயிரத்திற்கும் மேற்பட்டோர் பங்கேற்பது என முடிவு செய்யப்பட்டது. கூட்டத்தில் செந்தில்குமார், சந்துரு, பாலு, ரவி, பிரபாகரன், சரவணன், ராமச்சந்திரன், ராஜா, ஜெயராம், உள்பட பலர் கலந்துகொண்டனர். 

திருப்பூர் :

திருப்பூர் 15 வேலம்பாளையம் மகாலட்சுமி நகர் பகுதியில் இஸ்லாமியர்களின் பள்ளிவாசல் கடந்த 2013 ஆம் ஆண்டு முதல் செயல்பட்டு வரக்கூடிய சூழ்நிலையில் குடியிருப்பதற்கான உரிமம் மட்டுமே பெற்றுவிட்டு மத வழிபாட்டுத் தலமாக மாற்றியதாக அப்பகுதி பொதுமக்கள் சார்பில் உயர் நீதிமன்றத்தில் வழக்கு தொடுக்கப்பட்டிருந்தது .

இதனையடுத்து நீதிமன்ற உத்தரவுப்படி கடந்த வியாழக்கிழமை பள்ளிவாசலுக்கு அதிகாரிகள் சீல் வைக்க சென்றதை அடுத்து திருப்பூர் மாநகரம் முழுவதும் ஆங்காங்கே போராட்டங்கள் நடைபெற்றது. இதனை அடுத்து நீதிமன்றம் 3 நாள் அவகாசம் வழங்கியது .இந்நிலையில் திருப்பூர் தெற்கு தொகுதி சட்டமன்ற உறுப்பினர் செல்வராஜ் தமிழக முதல்வருக்கு அனுப்பிய கடிதத்தில். இந்து முன்னணியினர் தூண்டுதலின் பேரில்தான் வழக்கு தொடுக்கப்பட்டிருந்ததாகவும் பள்ளிவாசலுக்கு சீல் வைக்கும் நடவடிக்கை மேற்கொண்டால் பதற்றமான சூழல் ஏற்படும் என கடிதம் அனுப்பி இருந்தார்/

அதில் இந்து முன்னணி குறித்து அவதூறாக குறிப்பிடப்பட்டிருந்ததாக இந்து முன்னணியினர் கண்டனம் தெரிவித்திருந்தனர் . இந்நிலையில் இந்து முன்னணி குறித்து அவதூறாக செய்திகளை பரப்பிய சட்டமன்ற உறுப்பினரை கண்டிக்கும் வகையிலும் உடனடியாக உயர்நீதிமன்ற தீர்ப்பின்படி பள்ளிவாசலுக்கு சீல் வைக்க வேண்டும் என வலியுறுத்தியும் புதிய பேருந்து நிலையம் அருகே இந்து முன்னணி அமைப்பினர் கண்டன ஆர்ப்பாட்டத்தில் ஈடுபட்டனர்.

மாநில செயலாளர் கிஷோர் குமார் தலைமையில் நடைபெற்ற இந்த ஆர்ப்பாட்டத்தில் கலந்து கொண்டவர்கள் சட்டமன்ற உறுப்பினருக்கு எதிராக கண்டன கோஷங்கள் எழுப்பி போராட்டத்தில் ஈடுபட்டனர். அப்போது வாலிபர் ஒருவர் திடீரென தீக்குளிக்க முயன்றதால் பரபரப்பு ஏற்பட்டது.

ஏற்கனவே சட்டமன்ற உறுப்பினர் வீட்டை இன்று முற்றுகையிட போவதாக இந்து முன்னணியினர் அறிவித்திருந்த நிலையில் வீட்டிற்கு மாநகர காவல் துறை சார்பில் பலத்த பாதுகாப்பு போடப்பட்டிருந்தது குறிப்பிடத்தக்கது.

தேனி:

தேனி மாவட்டத்தில் இந்து முன்னணி சார்பில் இந்துக்களின் உரிமை மீட்க பிரச்சார பயணம், பொதுக்கூட்டம் தேனி பங்களாமேடு பகுதியில் நடைபெற்றது. கூட்டத்திற்கு இந்து முன்னணி தேனி மாவட்ட பொது செயலாளர் முருகன் தலைமை தாங்கினார்.

மாவட்ட செயலாளர் உமையராஜ் முன்னிலை வகித்தார். கூட்டத்தில் இந்து முன்னணி மாநில தலைவர் காடேஸ்வரா சுப்பிரமணியம், மாநில பொதுச்செயலாளர் முருகானந்தம், வேதபுரி சித்பவானந்த ஆசிரமம் ஸ்வாமி ஞானசிவானந்தர் ஆகியோர் கலந்து கொண்டு பிரச்சார பயணத்தின் நோக்கங்கள் குறித்து விளக்கி பேசினார்கள்.

முன்னதாக இந்து முன்னணி மாநில தலைவர் காடேஸ்வரா சுப்பிரமணியம் நிருபர்களுக்கு அளித்த பேட்டியில் கூறியதாவது,

இந்துக்களின் உரிமை மீட்க பிரச்சார பயணம் கடந்த 28-ம் தேதி திருச்செந்தூரில் இருந்து தொடங்கி இன்று தேனி வந்து அடைந்தது.

வருகின்ற 31-ம் தேதி சென்னையில் இந்த பிரச்சார பயணம் நிறைவடைகிறது. இந்துக்களின் உரிமையை மீட்கவே இந்த பிரச்சார பயணம் நடத்தப்படுகிறது. இந்து முன்னணி அரசியல் கட்சி அல்ல இருப்பினும் அ.தி.மு.க-வில் ஓ.பி.எஸ்., இ.பி.எஸ்., இருவரும் ஒற்றுமையாக இருக்க வேண்டும். அப்போதுதான் நிர்வாகிகள் ஒற்றுமையுடன் செயல்பட்டு அக்கட்சியை மீண்டும் ஆட்சியில் அமர வைப்பார்கள். தி.மு.க அரசு இந்து கோவில்களை திட்டமிட்டு இடித்து வருகிறது.

ஆனால் சர்ச், மசூதி போன்றவற்றை இடிக்கவில்லை. தி.மு.க இந்து விரோத அரசு தான். தமிழக- கேரள எல்லையில் உள்ள கண்ணகி கோவிலில் அடிப்படை வசதிகள் செய்து தர வேண்டும் என கோரிக்கை வைத்துள்ளோம். சிதம்பரம் நடராஜர் கோவில் முறையாக ஆய்வு செய்யவில்லை. இது தி.மு.க-வின் ஊழலுக்கு வழிவகுக்கும் வேலை.

முன்னாள் முதல்-அமைச்சர் கருணாநிதி காலத்தில் சர்க்கரையை எறும்பு சாப்பிட்டது என்றும், சாக்கு பையை கரையான் சாப்பிட்டது என்றும் சொல்லி ஊழல் செய்தனர். அதுபோல தான் கோவில் நகைகளை உருக்குவது. எனவே கோவில் நகைகளை உருக்கும் முடிவை கைவிட வேண்டும்.

தி.மு.க அரசு இஸ்லாமியர்களுக்கு சாதகமாக உள்ளது. அதுபோல திராவிட மாடல் ஆட்சி என்பது இந்துக்களுக்கு பாதிப்பு ஏற்படுத்தும் ஆட்சி. தமிழகத்தில் உள்ள அனைவரும் திராவிடர்கள் தான்.

இவ்வாறு அவர் கூறினார்.

கோவை:

இந்து முன்னணி மாவட்ட பொதுக்குழு கூட்டம் காட்டூரில் உள்ள மாவட்ட அலுவலகத்தில் நடைபெற்றது. மாநில தலைவர் காடேஸ்வரா சுப்பிரமணியம் தலைமை வகித்தார். மாவட்ட தலைவர் தசரதன், மாநில நிர்வாக குழு உறுப்பினர் குணா, பொதுச்செயலாளர் சதீஷ், செய்தி தொடர்பாளர் தனபால் உள்பட பலர் கலந்து கொண்டனர்.

டிசம்பர் 23 ,24, 25 ஆகிய தேதிகளில் திருப்பூர் மாவட்டம் பொங்கலூரில் நடைபெறும் கோமாதா பூஜை, 16 சேடஷா மகாலட்சுமி மகா யாகம் குறித்து பொதுமக்கள் அறியும் வகையில் 4 மகாலட்சுமி ரதயாத்திரை நடைபெறுகிறது.

நாளை காந்தி பார்க் முருகன் கோவிலில் இருந்து யாத்திரை தொடங்க உள்ளது. இதில் இந்து முன்னணி நிறுவனர் ராம.கோபாலன் கலந்து கொண்டு தொடங்கி வைக்கிறார். கோவை வரும் ராம.கோபாலனுக்கு சிறப்பான வரவேற்பு அளிப்பது, யாக பூஜைக்காக பொதுமக்களிடம் இருந்து செங்கல் தானமாக பெறுவது என்பன உள்ளிட்ட தீர்மானங்கள் நிறைவேற்றப்பட்டன. #RamaGopalan

வேலூர்:

வேலூர் கலெக்டர் அலுவலகத்தில் வாராந்திர மக்கள் குறைதீர்வு கூட்டம் இன்று நடந்தது. இந்து முன்னணி அமைப்பு கோட்ட தலைவர் மகேஷ் தலைமையில் விநாயகர் சிலைகளுடன் இந்து முன்னணியினர் 100-க்கும் மேற்பட்டோர், ஆஞ்சநேயர் கோவில் அருகில் இருந்து கலெக்டர் அலுவலகத்திற்கு மனு கொடுப்பதற்காக ஊர்வலமாக வந்தனர்.

கலெக்டர் அலுவலக மேம்பாலத்திற்குள் புகுந்து ஊர்வலமாக வந்த இந்து முன்னணியினரை, டி.எஸ்.பி. அலெக்ஸ் மேற்பார்வையில் சத்துவாச்சாரி இன்ஸ்பெக்டர் புகழேந்தி தலைமையிலான ஏராளமான போலீசார், பேரிகார்ட்டுகளை வைத்து தடுத்து நிறுத்தினர். இதனால் இந்து முன்னணியினருக்கும், போலீசாருக்கும் தள்ளு முள்ளு ஏற்பட்டது.

இதையடுத்து, கலெக்டர் அலுவலகத்திற்குள் செல்ல இந்து முன்னணியினர் ஒரு சிலருக்கு மட்டுமே அனுமதி வழங்கப்படும் என போலீஸ் அறிவுறுத்தியது. இதையடுத்து கோட்ட தலைவர் மகேஷ் உள்பட சிலர், கலெக்டர் அலுவலக குறைதீர்வு கூட்ட அரங்கிற்கு சென்று விநாயகர் சிலை கையில் கோரிக்கை மனுவை வைத்து அதிகாரிகளிடம் வழங்கினர்.

அந்த மனுவில், தமிழகம் முழுவதும் விநாயகர் சதுர்த்தி விழா பல ஆண்டுகளாக அமைதியான முறையில் கொண்டாடப்பட்டு வருகிறது. இந்த ஆண்டு ஒரு அரசாணை மூலம் விநாயகர் சதுர்த்தி விழாவை சாதாரண மக்கள் கொண்டாட முடியாத அளவிக்கு கட்டுப்பாடுகள் விதிக்கப்பட்டுள்ளன. இது இந்து மக்களுக்கு மத வழி பாட்டு உரிமையை மறுப்பு போல் உள்ளது.

விநாயகர் சிலையை வைக்க கலெக்டர், வருவாய் கோட்டாட்சியரிடம் தான் அனுமதி பெறவேண்டும் என்று காவல்துறையினர் கூறி வருகின்றனர். விநாயகர் சதுர்த்தி விழாவை சாமானிய மக்களும் கொண்டாட வழி வகை செய்ய வேண்டும் என்று கூறியிருந்தனர்.