நீங்கள் தேடியது "Honour killing"

பாட்னா:

பீகார் மாநிலம் கயா மாவட்டம் பட்வா கிராமத்தை சேர்ந்த 16 வயது சிறுமி கடந்த வாரம் திடீர் என்று காணாமல் போய்விட்டார்.

நீண்டநேரம் ஆகியும் வீடு திரும்பாததால் பெற்றோர் போலீசில் புகார் செய்தனர். போலீசார் வழக்குபதிவு செய்து தேடி வந்த நிலையில் சிறுமி தலை துண்டித்து கொலை செய்யப்பட்டு கிடந்தார்.

அவரது உடலை போலீசார் மீட்டனர். தலையை தேடியபோது அருகில் சற்று தொலைவில் வயலில் கிடந்ததை கண்டுபிடித்தனர். கழுத்தை அறுத்து கொலை செய்யப்பட்டது தெரிய வந்தது.

அதற்காக பெற்றோர் மற்றும் சிறுமியின் அக்காள், தங்கைகளை விசாரணைக்கு அழைத்தனர். ஆனால் யாரும் விசாரணைக்கு வரவில்லை. இதனால் அவர்கள் மீது சந்தேகம் ஏற்பட்டது. தீவிர விசாரணையில் இது கவுரவ கொலை என தெரியவந்தது.  சிறுமி காதலனுடன் ஓட்டம் பிடித்து 3 நாட்களுக்கு பின் திரும்பியதால் ஆத்திரம் அடைந்த பெற்றோரே கவுரவ கொலை செய்துள்ளனர்.

இதையடுத்து சிறுமியின் பெற்றோர் கைது செய்யப்பட்டனர். #Honourkilling

போச்சம்பள்ளி:

கிருஷ்ணகிரி மாவட்டம் சூளகிரி அடுத்த வெங்கடேஷ்புரம் பகுதியை சேர்ந்தவர் நந்தீஷ் (22), சுவாதி (19). காதல்-கலப்பு திருமணம் செய்து கொண்ட இவர்களை, சுவாதியின் பெற்றோர் மற்றும் உறவினரால் கொடூரமாக கொல்லப்பட்டனர். இதில் 7 பேர் கைதாகினர்.


கிருஷ்ணகிரி மாவட்டம் கல்லாவியை அடுத்த குருவனூர் கிராமத்தை சேர்ந்தவர் சிவக்குமார் (33). இவர் குறவர் சமுதாயத்தைச் சேர்ந்தவர். சொந்தமாக கார் வைத்து ஊத்தங்கரையில் ஓட்டி வருகிறார்.

கல்லாவியை அடுத்த வெங்கடதாம் பட்டியில் வசிப்பவர் செட்டிக்குமார். இவரது மகள் சுகன்யா (21) இவர் பி.எஸ்.சி. கணிதம் படித்துவிட்டு தனியார் கல்லூரி ஒன்றில் பணியாற்றி வருகிறார். சிவகுமாருக்கும், சுகன்யாவுக்கும் நட்பு ஏற்பட்டு காதலாகி கடந்த 4 ஆண்டுகளாக காதலித்து வந்தனர்.

இவர்கள் காதலுக்கு பெற்றோர் எதிர்ப்பு தெரிவித்ததை அடுத்து கடந்த 16-ந் தேதி இருவரும் போச்சம்பள்ளி அருகே உள்ள பழனி ஆண்டவர் முருகன் கோவிலில் திருமணம் செய்து கொண்டனர்.

இந்நிலையில், அவர்களை, சுகன்யாவின் உறவினர்கள் தேடிவந்தனர். தங்கள் திருமணத்தை பதிவு செய்ய சிவகுமாரும், சுகன்யாவும் போச்சம்பள்ளி துணை பதிவாளர் அலுவலகத்தில் விண்ணப்பித்திருந்தனர்.

திருமணம் பதிவு செய்வதாக இருந்தது. நேற்று மதியம் மணமக்கள், தங்கள் நண்பர்கள், உறவினர்களுடன் பனங்காட்டூரில் இருந்து தங்கள் காரில் போச்சம்பள்ளி துணை பதிவாளர் அலுவலகம் நோக்கி வந்துக் கொண்டிருந்தனர்.

அப்போது, போச்சம் பள்ளி பிரதான சாலையில் வரும்போது அவர்களை இரண்டு கார்களில் சுகன்யாவின் உறவினர்கள் துரத்த ஆரம்பித்தனர்.

சினிமா படம்போல் மணமக்கள் வந்த காரை முந்த நடந்த நிலையில் பிரதான சாலையில் இருந்த போச்சம்பள்ளி போலீஸ் நிலையத்தில் காரை உள்ளே விட்டு மணமக்கள் போலீஸ் இன்ஸ்பெக்டர் கமலேஷிடம் தஞ்சமடைந்தனர்.

போலீஸ் நிலையத்தில் மணமக்கள் தஞ்ச மடைந்ததை கண்ட துரத்தி வந்த கும்பல் தங்கள் கார்களை திருப்பிக் கொண்டு பறந்தது.

மணமக்களை விசாரித்த போலீஸ் இன்ஸ்பெக்டர் கமலேஷ் மணமக்கள் தரப்பில் எந்த பிரச்சினையும் இல்லை என்பதை அறிந்துகொண்டு, இதுபற்றி விசாரணை நடத்த கிருஷ்ணகிரி மகளிர் போலீஸ் நிலையத்துக்கு அனுப்பி வைத்தார். அவர்கள் உயிருக்கு ஆபத்து ஏற்படாமல் இருக்க போலீஸ் வாகனத்திலேயே அவர்களை அனுப்பி வைத்தனர்.

காதல் திருமணம் செய்த ஜோடி மற்றும் மணமக்களின் உறவினர்கள் கிருஷ்ணகிரி மகளிர் காவல் நிலையத்தில் விசாரிக்கப்பட்டு வருகின்றனர். மணப்பெண் சுகன்யா வீட்டாரையும் வரவழைத்து விசாரணை நடத்த உள்ளனர்.

ஏற்கெனவே கிருஷ்ணகிரி மாவட்டத்தில் ஆணவக் கொலை ஒன்று நடந்த நிலையில் தற்போது இந்த விவகாரத்தை போலீஸார் மிகவும் கவனமாக விசாரிக்கின்றனர். #HonourKilling

ஓசூர்:

கிருஷ்ணகிரி மாவட்டம் ஓசூர் அருகே சூடுகொண்டபள்ளி கிராமத்தை சேர்ந்த காதல் திருமண தம்பதியினர் நந்தீஸ்-சுவாதி ஆணவ கொலை செய்யப்பட்டனர்.

இந்த வழக்கில், ஏற்கனவே சுவாதியின் தந்தை சீனிவாசன், பெரியப்பா வெங்கடேஷ், உறவினர் கிருஷ்ணன் ஆகிய 3 பேர் கைது செய்யப்பட்டனர்.

மேலும் சுவாதியின் பெரியப்பா அஸ்வதப்பா, உறவினர் வெங்கட்ராஜ், லட்சுமணன் ஆகிய 3 பேரை கைது செய்தனர்.

தலைமறைவாக இருந்த மற்றொரு குற்றவாளியான கார் டிரைவர் சாமிநாதன் (வயது 30) என்பவரை நேற்று முன்தினம் இரவு போலீசார் கைது செய்தனர். இவர் சூடுகொண்டபள்ளி அருகே உள்ள பலவனபள்ளி கிராமத்தை சேர்ந்தவர் ஆவார். இவரை தமிழக போலீசார் கைது செய்து கர்நாடக போலீசாரிடம் ஒப்படைத்தனர்.

நந்தீஸ்-சுவாதி ஆணவ கொலை வழக்கில் இதுவரை 7 பேரும் கைது செய்யப்பட்டுள்ளனர். இந்த கொலை தொடர்பாக இதுவரை 7 செல்போன்கள் மற்றும் ஒரு கார் பறிமுதல் செய்யப்பட்டுள்ளது. மேலும் இந்த கொலை சம்பவத்தில் கூலிப்படையினருக்கு தொடர்பு உள்ளதா? என்ற கோணத்திலும் போலீசார் விசாரித்து வந்தனர்.

இந்த நிலையில் கைதான 7 பேரையும் கர்நாடக போலீசார் மண்டியா அருகே மலஹள்ளியில் உள்ள மாவட்ட நீதிமன்றத்தில் ஆஜர்படுத்தினர். அவர்களை அடுத்தமாதம் 5-ந்தேதி வரை நீதிமன்ற காவலில் வைக்க நீதிபதி உத்தரவிட்டார். இதைத் தொடர்ந்து 7 பேரும் மண்டியா கிளை சிறையில் அடைக்கப்பட்டார். ஏற்கனவே கைதான பெண்ணின் தந்தை சீனிவாசன் உள்பட 3 பேரை போலீசார் ஓசூர் அழைத்து வந்து சம்பவம் நடந்த இடங்களை காட்டி விசாரித்தனர். இந்த விசாரணை விவரங்களை வீடியோவில் பதிவு செய்தனர்.

இந்த சம்பவத்தில் பாதிக்கப்பட்டவர்களும், எதிர் தரப்பாளிகளும் ஓசூரை சேர்ந்தவர்கள் என்பதால் இந்த வழக்கை ஓசூருக்கு மாற்ற கர்நாடக போலீசார் முடிவு செய்து உள்ளனர்.

60 நாட்களுக்குள் இந்த வழக்கில் குற்றபத்திரிக்கை தாக்கல் செய்ய வேண்டும் என்று தாழ்த்தப்பட்டோர் தேசிய ஆணையம் கர்நாடக போலீசாருக்கு உத்தரவிட்டுள்ளது. இதனால் குற்றப்பத்திரிக்கை தாக்கல் செய்வதற்கு முன்பு இந்த வழக்கு ஓசூருக்கு மாற்றப்படும் என்று தெரிகிறது.#HonourKilling

நெல்லை:

நெல்லை மாவட்டம் வீரவநல்லூர் அருகே உள்ள வெள்ளாங்குழி கிராமத்தை சேர்ந்தவர் இசக்கி சங்கர் (வயது33). இவருக்கு திருமணமாகவில்லை. களக்காட்டில் உள்ள மத்திய கூட்டுறவு வங்கி கிளையில் ஊழியராக வேலை பார்த்து வந்தார்.

இசக்கிசங்கர் தினமும் அதிகாலையில் தாமிரபரணி ஆற்றுக்கு சென்று குளிப்பது வழக்கம். அதுபோல் நேற்றும் மோட்டார் சைக்கிளில் தாமிரபரணி ஆற்றங்கரைக்கு குளிக்க சென்றார். மோட்டார் சைக்கிளை நிறுத்தி விட்டு ஆற்றுக்கு சென்ற போது அவரை வழிமறித்த மர்ம கும்பல் சரமாரியாக வெட்டியது. உயிர் பிழைக்க இசக்கி சங்கர் தப்பியோடினார்.

ஆனால் அந்த கும்பல் அவரை விரட்டி சென்று சரமாரி வெட்டியது. இதில் சம்பவ இடத்திலேயே இசக்கி சங்கர் பலியானார். சிறிது நேரம் கழித்து அந்த வழியாக சென்றவர்கள் வாலிபர் கொலை செய்யப்பட்டு கிடப்பதை பார்த்து போலீசுக்கு தகவல் தெரிவித்தனர்.

உடனடியாக சம்பவ இடத்திற்கு நெல்லை மாவட்ட போலீஸ் சூப்பிரண்டு அருண் சக்திகுமார் உத்தரவின் பேரில் அம்பை டி.எஸ்.பி. ஜாகீர் உசேன் மற்றும் போலீசார் விரைந்து சென்று விசாரணை நடத்தினார்கள். இதில் கொலைக்கான காரணம் குறித்து ‘திடுக்’ தகவல் கிடைத்தது. அதன் விபரம் வருமாறு:-

கொலை செய்யப்பட்ட இசக்கி சங்கரும், வெள்ளங்குழியை சேர்ந்த தளவாய் என்பவரது மகள் சத்திய பாமா (21) என்பவரும் கடந்த 3 வருடங்களாக காதலித்து வந்தனர். சத்திய பாமா, பாபநாசம் பகுதியில் உள்ள ஒரு கல்லூரியில் பி.காம் 3-ம் ஆண்டு படித்து வந்தார்.

இவர்களது காதல் இரு வீட்டாருக்கும் தெரிந்தது. இருவரும் வெவ்வேறு சமூகத்தை சேர்ந்தவர்கள் என்பதால் பலத்த எதிர்ப்பு கிளம்பியது. இருவரது சமூகத்தை சேர்ந்தவர்களும் இவர்களது காதலுக்கு எதிர்ப்பு தெரிவித்தனர். ஆனால் காதல் ஜோடியான இசக்கி சங்கரும், சத்திய பாமாவும் தங்கள் காதலில் உறுதியாக இருந்தனர்.

இருவரும் ‘நாங்கள் திருமணம் செய்து ஒன்றாக வாழ்வோம். இல்லையேல் ஒன்றாகவே சாவோம்’ என்று கூறினர். இது தொடர்பாக இரு சமுதாய பெரியவர்களும் ஒன்றாக கூடி சமரசம் பேசினார்கள். இதனால் இசக்கி சங்கர் பெற்றோர்கள் காதல் திருமணத்திற்கு பச்சை கொடி காட்டினார்கள்.

சத்திய பாமாவின் பெற்றோரும், கல்லூரி படிப்பு முடிந்ததும் இருவருக்கும் திருமணம் செய்து வைப்போம் என்றும், அதுவரை இருவரும் அமைதியாக இருக்க வேண்டும் என்றும் கூறினர். இந்த நிலையில் நேற்று காலை இசக்கி சங்கர் சரமாரி வெட்டி படுகொலை செய்யப்பட்டார்.

சமரசம் பேசுவது போல் பேசி திருமணத்திற்கு சம்மதம் தெரிவிப்பது போல் தெரிவித்து அவரை கவுரவ கொலை செய்தது போலீஸ் விசாரணையில் தெரிய வந்தது. இதைத்தொடர்ந்து அம்பை போலீசார் வெள்ளங்குழி பகுதியை சேர்ந்த சிலரை தீவிரமாக தேடி வருகிறார்கள்.

இந்நிலையில் மாணவி சத்தியபாமா இன்று அதிகாலை வீட்டில் தனது துப்பட்டாவால் தூக்குப் போட்டு தற்கொலை செய்து கொண்டார். காலையில் அவரது உடல் தூக்கில் பிணமாக தொங்குவதை பார்த்த அவரது பெற்றோர்களும், உறவினர்களும் கதறி துடித்தனர். இந்த சம்பவம் அந்த பகுதியில் பெரும் பரிதாபத்தை ஏற்படுத்தியது.

சம்பவ இடத்திற்கு வீரவநல்லூர் போலீசார் விரைந்து சென்று மாணவி சத்தியபாமாவின் உடலை கைப்பற்றி விசாரணை நடத்தி வருகிறார்கள். தற்கொலை செய்த சத்திய பாமா ஏதேனும் கடிதம் எழுதி வைத்துள்ளாரா? என்றும் அந்த பகுதியில் சோதனை செய்தனர். இந்த சம்பவம் அந்த பகுதியில் பெரும் சேகத்தை ஏற்படுத்தியுள்ளது.

இரண்டு பிரிவினர்களுக்கு இடையேயும் மோதல் ஏற்படாதவாறு அங்கு பலத்த போலீஸ் பாதுகாப்பும் போடப்பட்டுள்ளது.  #HonourKilling

ஓசூர்:

நந்தீஸ்-சுவாதி ஆணவ படுகொலையை கண்டித்து கிருஷ்ணகிரி மாவட்டம் ஓசூரில் நேற்று மாலை விடுதலை சிறுத்தைகள் கட்சி சார்பில் ஆர்ப்பாட்டம் நடந்தது. இந்த ஆர்ப்பாட்டத்தில் விடுதலை சிறுத்தைகள் கட்சியின் தலைவர் தொல்.திருமாவளவன் கலந்து கொண்டார்.

முன்னதாக அவர் கொலை செய்யப்பட்ட நந்தீஸ் வீட்டுக்கு சென்று அவரது குடும்பத்தினருக்கு ஆறுதல் கூறினார். அவரது குடும்பத்தினருக்கு ரூ.2 லட்சத்து 50 ஆயிரம் நிதி உதவியை திருமாவளவன் வழங்கினார்.

பின்னர் அவர் நிருபர்களிடம் கூறியதாவது:-


இதுபோன்ற கொடுமை தடுத்து நிறுத்தப்பட வேண்டும். இந்த வழக்கை கர்நாடகா போலீசார் விசாரிப்பதா? அல்லது தமிழக போலீசார் விசாரிப்பதா? என்ற நிலை ஏற்பட்டு உள்ளது.

நந்தீஸ்-சுவாதியை ஓசூரில் இருந்து கர்நாடக மாநிலத்திற்கு கடத்தி சென்றதால் இந்த வழக்கை தமிழக போலீசுக்கு மாற்றுவதற்கான வாய்ப்பு இருக்கிறது. இந்த வழக்கை ஓசூர் போலீசார் விசாரித்தால் குற்றவாளிகள் தப்பிக்க வாய்ப்பு உள்ளது. மேலும் கூலிப்படையினரின் தலையீடும் உள்ளது. தமிழகத்தில் கூலிப்படைகளை தடுப்பதற்கு அரசு எந்தவித நடவடிக்கையும் எடுக்கவில்லை. அவர்கள் கொலை செய்துவிட்டு தப்பித்துக் கொள்கிறார்கள். திட்டம் தீட்டியவர்கள் போலீசில் சிக்குகின்றனர். இதனால் கூலிப்படையினர் அட்டகாசம் அதிகரித்து வருகிறது. கூலிப்படை கலாச்சாரத்தை முடிவுக்கு கொண்டு வரவேண்டும்.

இத்தகைய ஆணவ கொலைகளை தடுப்பதற்கு தனி சட்டம் இயற்றப்பட வேண்டும். இந்த குற்றத்தில் ஈடுபட்ட அனைவரையும் கைது செய்ய வேண்டும். ஜாமீனில் வெளிவராதவாறு சிறையில் வைத்து வழக்கை விரைவாக முடித்து தண்டனை வழங்க வேண்டும்.

இந்த வழக்கை சிறப்பு புலனாய்வுக் குழுவின் (சி.பி.ஐ.) வசம் ஒப்படைக்க வேண்டும். இந்த வழக்கில் சரணடைந்தவர்களை தவிர, இன்னும் பலர் சம்மந்தப்பட்டு இருப்பதால், சிறப்பு புலனாய்வு குழுவினர் தீவிரமாக விசாரித்து தொடர்புடைய அனைவரையும் கைது செய்ய வேண்டும்.

தருமபுரி பேருந்து எரிப்பு வழக்கில் தொடர்புடைய 3 பேர் விடுதலை செய்யப்பட்டிருப்பது, தமிழக அரசுக்குரிய நன்மதிப்பை சீர்குலைப்பதாகவே உள்ளது என்று நான் கருதுகிறேன்.

இவ்வாறு அவர் கூறினார். #HonourKilling #Thirumavalavan

ஓசூர்:

கிருஷ்ணகிரி மாவட்டம் ஓசூர் அருகே உள்ள சூடு கொண்ட பள்ளியை சேர்ந்தவர் சீனிவாசன். விவசாயி. இவருக்கு 2 மகள்கள். ஒரு மகன். மூத்த மகள் என்ஜினீயரிங் படித்து வருகிறார். அடுத்த மகள் சுவாதி பி.காம் படித்தார். தம்பி பிளஸ்-1 படித்து வருகிறார்.

அதே ஊரை சேர்ந்த நந்தீஸ் (25) என்பவர் ஓசூரில் ஹார்டுவேர் கடையில் வேலை பார்த்து வந்தார். ஒரே ஊர்க்காரர்கள் என்பதால் இருவரும் அடிக்கடி சந்திக்க நேர்ந்தது. கடந்த ஆகஸ்டு 15-ந்தேதி சுவாதி வீட்டை விட்டு வெளியேறி காதலனுடன் சேர்ந்து இருக்கிறார். இருவரும் சூளகிரி திம்மராய சுவாமி கோவிலில் சென்று மாலை மாற்றி திருமணம் செய்து கொண்டார்கள்.

சுவாதி ஓடிப்போய் கலப்பு திருமணம் செய்து கொண்டதால் தந்தை சீனிவாசன் மற்றும் உறவினர்கள் அவமானம் அடைந்தனர். இளைய மகள் ஓடிப் போனதால் மூத்த மகள் திருமணம் தடைபடும். சமூகத்தில் தலை குனிவு ஏற்படுமே என்று சீனிவாசன் ஆத்திரத்தில் கொந்தளித்தார்.

இதனால் ஏதாவது பிரச்சினை வரலாம் என்று கருதி நந்தீஸ் வேலை பார்த்து வந்த கடையின் மேல் தளத்திலேயே வீடு வாடகைக்கு எடுத்து தனது காதல் மனைவியை குடியமர்த்தி இருக்கிறார். பெற்றோருக்கு பயந்து காதல் ஜோடியினர் வாழ்ந்து இருக்கிறார்கள்.

இந்த நிலையில் கடந்த 10-ந்தேதி பெற்றோர் வீடு தேடி வந்து சமாதானம் பேசி இருக்கிறார்கள். அதை உறுதிப்படுத்தும் வகையில் மாப்பிள்ளைக்கு தங்க மோதிரமும் பரிசு வழங்கி இருக்கிறார்கள்.

பெற்றோர் மனம் மாறிவிட்டனர் என்று மகிழ்ந்த சுவாதியும் அவரது கணவர் நந்தீசும் அவர்களுடன் காரில் சென்று இருக்கிறார்கள்.

காரில் உறவினர் வெங்கடேஷ், அஸ்வதப்பா, கிருஷ்ணன், வெங்கட்ராஜ் ஆகியோர் இருந்திருக்கிறார்கள். டிரைவர் சாமிநாதன் காரை ஓட்டி இருக்கிறார்.

கார் சூடு கொண்டப்பள்ளிக்கு செல்வதற்கு பதில் கர்நாடக மாநிலத்தை நோக்கி சென்று இருக்கிறது. அதைபார்த்ததும் சுவாதி தந்தையிடம் கேட்டுள்ளார்.

உடனே அவர் அமைதியாக இரு என்று சத்தம் போட்டு இருக்கிறார். ஏதோ நடக்கப்போகிறது என்பதை புரிந்துகொண்ட இருவரும் பயந்து நடுங்கி இருக்கிறார்கள்.

மாண்டியா மாவட்டத்தில் காட்டுப்பகுதியில் காரை விட்டு இருவரையும் இறக்கி பிரிந்து விடும்படி மிரட்டி இருக்கிறார்கள். ஆனால் இருவரும் அதற்கு சம்மதிக்கவில்லை. சரிபட்டு வரமாட்டார்கள் என்று ஆவேசம் அடைந்த தந்தை மற்றும் உறவினர்கள் இருவரது கை, கால்களையும் கயிற்றால் கட்டி இருக்கிறார்கள்.

காரில் தயாராக இருந்த அரிவாள், கத்தியை எடுத்து வந்து மிரட்டி இருக்கிறார்கள். பளபளத்த அரிவாள், கத்தியுடன் நிற்பதை பார்த்ததும் நம்மை பலிகொடுத்து விடுவார்கள் என்று பயத்தில் உறைந்து போன காதல் ஜோடி உயிருடன் விட்டு விடும்படி கெஞ்சி இருக்கிறது.

கை, கால்களில் அரிவாளால் வெட்டி இருக்கிறார்கள். சிறுக சிறுக சித்ரவதை செய்து இருவரையும் கொன்று இருக்கிறார்கள். அப்படியும் ஆத்திரம் அடங்கவில்லை. சுவாதியின் அடிவயிற்றையும் அரிவாளால் வெட்டி சிதைத்து இருக்கிறார்கள். தலையை மொட்டை அடித்து முகத்தையும் சிதைத்து இருவரது உடல்களையும் ஆற்றில் வீசிவிட்டு வீடு திரும்பி இருக்கிறார்கள். நந்தீசையும் அவரது மனைவியையும் காணவில்லை என்றதும் நந்தீசின் தம்பி சங்கர் ஓசூர் டவுன் போலீசில் புகார் செய்து இருக்கிறார்.

தமிழகத்தில் போலீசார் தேடிக்கொண்டிருந்த போது மாண்டியா மாவட்டத்தில் ஆற்றில் கிடந்த சடலங்கள் பற்றி தகவல் கிடைத்துள்ளது. போலீசார் விசாரித்த போது நந்தீஸ்-சுவாதி கொலை செய்யப்பட்டது தெரிய வந்தது.

இதையடுத்து சுவாதியின் தந்தை சீனிவாசன், பெரியப்பா வெங்கடேஷ், உறவினர் கிருஷ்ணன் ஆகியோர் கைது செய்யப்பட்டுள்ளனர். இவர்களை இன்ஸ்பெக்டர் ஸ்ரீகாந்த் தலைமையில் பெலகாவாடி போலீசார் நேற்று ஓசூருக்கு அழைத்து வந்து விசாரணை நடத்தினார்கள்.

ஓசூர் ராம் நகர் பகுதியில் நந்தீஸ்-சுவாதி தங்கி இருந்த வீடு, கடத்தி சென்ற இடம் போன்றவற்றை காட்டினார்கள். அதை கர்நாடக போலீசார் வீடியோவில் பதிவு செய்தனர். பின்னர் 3 பேரையும் கர்நாடகத்துக்கு அழைத்து சென்றனர். இன்று அவர்கள் கோர்ட்டில் ஆஜர் படுத்தப்பட்டு சிறையில் அடைக்கப்பட உள்ளனர். ஏற்கனவே கொலை வழக்கை பெலகாவாடி போலீசார் பதிவு செய்திருந்தனர். இன்று அவர்கள் எஸ்.சி., எஸ்.டி. வன்கொடுமை தடுப்பு சட்டத்தின் கீழும் வழக்கு பதிவு செய்துள்ளனர்.

தலைமறைவாக உள்ள பெண்ணின் பெரியப்பா அஸ்வதப்பா (45), உறவினர் வெங்கட்ராஜ் (25), கார் டிரைவர் சாமிநாதன் (30) உள்ளிட்ட 4 பேரை போலீசார் தேடி வருகிறார்கள். அவர்களை பிடிக்க இன்ஸ்பெக்டர்கள் லட்சுமணதாஸ் (ஓசூர் டவுன்), பெரியசாமி (ஓசூர் அட்கோ), முருகேசன் (பாகலூர்) ஆகியோர் தலைமையில் 3 தனிப்படை அமைக்கப்பட்டுள்ளது என்று ஓசூர் டி.எஸ்.பி. மீனாட்சி கூறினார். தனிப்படை போலீசார் பெங்களூருவில் முகாமிட்டு உள்ளனர். ஆணவக் கொலை செய்யப்பட்டதை தொடர்ந்து நந்தீஸ்-சுவாதி ஆகியோரின் சொந்த கிராமமான சூடுகொண்ட பள்ளியில் பலத்த போலீஸ் பாதுகாப்பு போடப்பட்டுள்ளது. அங்கு 30க்கும் மேற்பட்ட போலீசார் பாதுகாப்பு பணியில் ஈடுபட்டுள்ளனர்.

அந்த கிராமத்தில் மொத்தம் 90 வீடுகள் உள்ளன. இதில் 55க்கும் மேற்பட்ட வீடுகளை பூட்டி விட்டு கிராம மக்கள் தலைமறைவாகி விட்டனர். மேலும் மீதி உள்ள வீடுகளில் ஆண்கள் யாரும் இல்லை. பெண்கள் மட்டுமே உள்ளனர். #HonourKilling

ஓசூர்:

கிருஷ்ணகிரி மாவட்டம் ஓசூர் அருகே உள்ள சூடுகொண்டப்பள்ளியை சேர்ந்தவர் நாராயணப்பா. இவரது மகன் நந்தீஸ் (வயது 25). இவர் ஓசூரில் புதிய பஸ் நிலையம் அருகில் உள்ள மரக்கடையில் வேலை செய்து வந்தார். அதே பகுதியை சேர்ந்தவர் சீனிவாசன். இவரது மகள் சுவாதி (20). இவர் தனியார் கல்லூரி ஒன்றில் பி.காம். படித்து வந்தார்.

நந்தீசும், சுவாதியும் ஒரே ஊர் என்பதால் அவர்களுக்குள் பழக்கம் ஏற்பட்டது. நாளடைவில் அது காதலாக மலர்ந்தது. இவர்கள் இருவரும் வெவ்வேறு சமுதாயத்தை சேர்ந்தவர்கள் என்பதால் காதலுக்கு பெண் வீட்டில் எதிர்ப்பு கிளம்பியது. இந்த நிலையில் காதல் ஜோடி நந்தீஸ், சுவாதி கடந்த 15.8.2018 அன்று சூளகிரி திம்மராயசாமி கோவிலில் திருமணம் செய்து கொண்டனர். பின்னர் திருமணத்தை ஓசூர் பதிவாளர் அலுவலகத்தில் கடந்த செப்டம்டர் மாதம் 4-ந் தேதி பதிவு செய்து கொண்டனர்.

பின்னர் அவர்கள் 2 பேரும் ஓசூரில் புதிய பஸ் நிலையம் அருகில் உள்ள ராம் நகரில் ஒரு வங்கியின் மேல் மாடியில் உள்ள வீட்டில் வாடகைக்கு வசித்து வந்தனர்.

நந்தீஸ் கூலி வேலைக்கு சென்று குடும்பம் நடத்தி வந்தார்.

இந்த நிலையில் கடந்த 10-ந் தேதி இரவு புனுகன்தொட்டியில் உள்ள உறவினர் வீட்டிற்கு செல்வதாக வெளியே சென்ற நந்தீசும், அவரது மனைவி சுவாதியும் வீடு திரும்பவில்லை. அவர்களை நந்தீசின் உறவினர்கள் பல இடங்களில் தேடி பார்த்தும் கண்டுபிடிக்க முடியவில்லை.

இதனால் நந்தீசின் தம்பி சங்கர் (20) கடந்த 14-ந் தேதி ஓசூர் டவுன் போலீஸ் நிலையத்தில் புகார் செய்தார். அதன்பேரில் போலீசார் வழக்குப்பதிவு செய்து காணாமல் போன நந்தீஸ், சுவாதி ஆகிய 2 பேரையும் தேடி வந்தனர்.

இந்த நிலையில், கர்நாடக மாநிலம் மாண்டியா மாவட்டம் சிவனசமுத்திரம் நீர்வீழ்ச்சி அருகில் உள்ள காவிரி ஆற்றில் ஒரு வாலிபரும், இளம்பெண் ஒருவரும் அடித்து கொல்லப்பட்டு வயரால் கை, கால்கள் கட்டப்பட்ட நிலையில் பிணமாக கிடப்பதாக அந்த பகுதி மக்கள் பெலகவாடி போலீசாருக்கு தகவல் தெரிவித்தனர். இதையடுத்து போலீஸ் இன்ஸ்பெக்டர் ஸ்ரீகாந்த் மற்றும் போலீசார் அங்கு சென்று 2 பேரின் உடல்களை கைப்பற்றி விசாரணை நடத்தினார்கள்.

விசாரணையில் அவர்கள் ஓசூரை சேர்ந்த நந்தீஸ், அவரது மனைவி சுவாதி என தெரியவந்தது. இதுகுறித்து கர்நாடக போலீசார் ஓசூர் டவுன் போலீசாருக்கு தகவல் தெரிவித்தனர். இதையடுத்து கிருஷ்ணகிரி மாவட்ட போலீஸ் சூப்பிரண்டு மகேஷ்குமார் உத்தரவின் பேரில், ஓசூர் துணை போலீஸ் சூப்பிரண்டு மீனாட்சி, டவுன் போலீஸ் இன்ஸ்பெக்டர் லட்சுமணதாஸ் ஆகியோர் விசாரணை நடத்தினார்கள்.

நந்தீஸ், சுவாதி காதலித்து திருமணம் செய்ததை பிடிக்காத பெண்ணின் குடும்பத்தினர் அவர்களை கடத்தி சென்று கொடூரமாக அடித்து ஆணவ கொலை செய்து உடல்களை கர்நாடக மாநிலத்தில் காவிரி ஆற்றில் வீசியது தெரியவந்தது.

இதைத்தொடர்ந்து ஆணவ கொலை செய்ததாக பெண்ணின் தந்தையான சூடுகொண்டப்பள்ளியை சேர்ந்த சீனிவாசன் (40), பெண்ணின் பெரியப்பா வெங்கடேஷ் (43), உறவினர் புனுகன்தொட்டியை சேர்ந்த கிருஷ்ணன் (26) ஆகிய 3 பேரை போலீசார் பிடித்து கர்நாடக பேரீசாரிடம் ஒப்படைத்தனர். அவர்கள் 3 பேரையும் பெலகவாடி போலீசார் அழைத்து விசாரணை நடத்தி வருகிறார்கள்.

மேலும் இது தொடர்பாக பெண்ணின் மற்றொரு பெரியப்பா சூடுகொண்டப்பள்ளி அஸ்வதப்பா (45), உறவினர் வெங்கட்ராஜ் (25), பாலவனப்பள்ளியை சேர்ந்த கார் டிரைவர் சாமிநாதன் (30) ஆகிய 3 பேரை போலீசார் தேடி வருகிறார்கள். கொலை செய்யப்பட்ட நந்தீஸ், சுவாதி உடல்களை பிரேத பரிசோதனைக்கு பிறகு நந்தீசின் பெற்றோர் மற்றும் சகோதரரிடம் ஒப்படைத்தனர். பின்னர் அவர்கள் 2 பேரின் உடல்களையும் மாண்டியா அருகே உதயகிரியில் உள்ள சுடுகாட்டில் எரித்தனர்.

பின்னர் பெற்றோரும், உறவினர்களும் ஓசூர் திரும்பிவிட்டனர்.

காதல் திருமணத்தால் நடந்த இந்த ஆணவ கொலைகளால் ஓசூர் அருகே சூடுகொண்டபள்ளி கிராமத்தில் பதற்றமான சூழ்நிலை காணப்படுகிறது. இதனால் அங்கு ஏராளமான போலீசார் பாதுகாப்பு பணியில் ஈடுபட்டுள்ளனர்.

காவிரி ஆற்றில் பிணமாக மிதந்த வாலிபர் நந்தீஸ் ஒரு டி-சர்ட் அணிந்து இருந்தார். அதில் அம்பேத்கார் உருவம் பொறித்து தமிழில் அம்பேத்கார் பெயர் எழுதப்பட்டு இருந்தது. இதை வைத்து தமிழக போலீசுக்கு கர்நாடக போலீசார் தகவல் அனுப்பினார்கள்.

இதை வைத்து இறந்து கிடந்தது நந்தீஸ் மற்றும் அவரது காதல் மனைவி சுவாதி என்பதை ஓசூர் போலீசார் கண்டுபிடித்து கர்நாடக போலீசாருக்கு தகவல் அனுப்பினர்.

மேலும் நந்தீசின் சகோதரர் நேரில் சென்று 2 பேரின் பிணங்களையும் அடையாளம் காட்டினார். அதன்பிறகு நந்தீசின் பெற்றோர் அங்கு சென்று பிரேத பரிசோதனை செய்யப்பட்ட தனது மகன் மற்றும் மருமகள் உடலை வாங்கி அங்கேயே எரித்து விட்டனர்.  #HonourKilling

ஓசூர்:

கிருஷ்ணகிரி மாவட்டம் ஓசூர் அருகே சூடகொண்டபள்ளியைச் சேர்ந்த நந்திஸ்-சுவேதா என்ற புதுமண காதல் தம்பதியினரை சுவேதியின் குடும்பத்தார் ஆணவ படுகொலை செய்தனர்.

அவர்களது உடல்களை கர்நாடக மாநிலம் மாண்டிய அருகே சிவசமுத்திரம் நீர்வீழ்ச்சி காவரி ஆற்றில் கண்டெடுக்கப்பட்டது.

இதைத்தொடர்ந்து சுவேதாவின் தந்தை, பெரியப்பா மற்றும் உறவினர் உள்பட 3 பேரை போலீசார் கைது செய்தனர்.


அப்போது மார்க்சிஸ்டு கம்யூனிஸ்டு கட்சி மாநில செயலாளர் பாலகிருஷ்ணன் நிருபர்களிடம் கூறியதாவது:-

இந்த ஆணவ படுகொலை நெஞ்சை உலுக்கும் வகையில் நடந்துள்ளது. இதுபோன்ற ஆணவ கொலைகள் தமிழ்நாட்டில் தொடர்ந்து நடந்து கொண்டேதான் இருக்கிறது.

ஆனால் சட்டமன்றத்தில் தமிழக துணை முதல்-அமைச்சர் ஓ.பன்னீர் செல்வம் தமிழத்தில் ஆணவ படுகொலை நடக்கவில்லை என்று கூறி உள்ளார்.

இறந்துபோன நந்திஸ் குடும்பத்தினருக்கு ரூ.1 கோடி நிவாரணம் வழங்க வேண்டும்.

மேலும், இந்த சம்பவம் தொடர்பாக 3 பேரை மட்டும் கைது செய்துள்ளனர். இந்த கொலையின் பின்னணியில் ஒரு கூட்டமே சதி செய்து உள்ளது. அவர்களை கண்டுபிடித்து போலீசார் கைது செய்யவேண்டும்.

ஆணவ படுகொலையை தடுக்க தனி சட்டம் இயற்ற வேண்டும் என்று தொடர்ந்து வலியுறுத்தி வருகிறோம். ஆனால் தமிழக அரசு கண்டு கொள்ளவில்லை. உடனடியாக ஆணவ படுகொலையை தடுத்து நிறுத்த நடவடிக்கை எடுக்க வேண்டும்.

இவ்வாறு அவர் கூறினார். #HonourKilling

ஓசூர்:

கிருஷ்ணகிரி மாவட்டம் ஓசூரை அடுத்த சூடகொண்டபள்ளி கிராமத்தை சேர்ந்த நாராயணப்பா மகன் நந்தீஷ் (வயது 25). இவர் ஓசூரில் உள்ள தனியார் ஹார்டுவேர் நிறுவனத்தில் வேலை பார்த்தார்.

இவரும் அதே பகுதியை சேர்ந்த சுவாதி (20) என்பவரும் நீண்ட நாட்களாக காதலித்து கடந்த ஆகஸ்டு மாதம் 15-ந் தேதி சூளகிரியில் உள்ள ஒரு கோவிலில் திருமணம் செய்தனர்.

இவர்கள் இருவரும் வெவ்வேறு சமூகத்தை சேர்ந்தவர்கள். இந்த திருமணத்துக்கு பெண்ணின் பெற்றோர் எதிர்ப்பு தெரிவித்தனர்.

கடந்த மாதம் 10-ந் தேதி 2 பேரும் திடீரென்று மாயமானார்கள். இந்த நிலையில் அவர்கள் கர்நாடக மாநிலம் மண்டியா அருகே சிவசமுத்திரம் நீர்வீழ்ச்சி அருகே உள்ள காவிரி ஆற்றில் பிணமாக கிடந்தனர்.

இதுகுறித்து பெளகாவாடி போலீசார் விசாரணை நடத்தினர். விசாரணையில் 2 பேரும் கடத்தி வரப்பட்டு கொலை செய்யப்பட்டு 2 பேரின் கை, கால்களை கட்டி பிணங்களை காவிரி ஆற்றில் வீசப்பட்டது தெரியவந்தது.

இந்த ஆணவ கொலை தொடர்பாக பெண்ணின் தந்தை சீனிவாசன், சித்தப்பா வெங்கடேசன், சகோதரர் ஆகிய 3 பேரை போலீசார் கைது செய்தனர். மேலும் 4 பேரை தேடி வருகின்றனர். #HonourKilling

ஐதராபாத்:

ஆந்திரப் பிரதேசத்தில் உள்ள நாகிரெட்டிபள்ளி கிராமத்தைச் சேர்ந்தவர் சைதன்யா. இவர் அதே பகுதியைச் சேர்ந்த ஆவுலையா என்பவரின் மகள் இந்திரஜாவை காதலித்து வந்தார். இந்த காதலுக்கு இந்திரஜாவின் தந்தை கடும் எதிர்ப்பு தெரிவித்துள்ளார்.

இதனால் தந்தைக்கும் மகளுக்கும் இடையே அடிக்கடி சண்டை வந்துள்ளது. இந்த நிலையில், கிராமத்தின் ஒதுக்குபுறத்தில் இந்துஜாவின் எரிந்த உடல் கண்டெடுக்கப்பட்டுள்ளது. இதுகுறித்து போலீசாருக்கு தகவல் தெரிவிக்கப்பட்டு போலீசார் விசாரணை மேற்கொண்டனர்.

அந்த விசாரணையில், தந்தை ஆவுலையா தான் தனது மகளை கொலை செய்து எரித்துவிட்டதாக கிராம மக்கள் தெரிவித்துள்ளனர். இதையடுத்து இந்துஜாவின் கைது செய்யப்பட்டு விசாரணைக்கு உட்படுத்தப்பட்டுள்ளார்.

தாழ்ந்த ஜாதி வாலிபரை காதலித்ததாக தனது மகளையே கொலை செய்து எரித்த சம்பவம் அப்பகுதியில் பரபரப்பை ஏற்படுத்தியுள்ளது. #HonourKilling #AP

ஐதராபாத் :

திருப்பூர் மாவட்டம் உடுமலைப்பேட்டையில் சாதி மறுப்பு திருமணம் செய்த என்ஜினீயரிங் கல்லூரி மாணவர் சங்கர் (வயது 22) கடந்த 2016-ம் ஆண்டு கூலிப்படையால் வெட்டிக்கொலை செய்யப்பட்டார். அவருடைய காதல் மனைவி கவுசல்யாவையும் அந்த கும்பல் வெட்டியது.

பட்டப்பகலில் பொதுமக்கள் அதிகம் நடமாடும் இடத்தில் இந்த கொடூர சம்பவம் நடந்தது. படுகாயம் அடைந்த கவுசல்யா சிகிச்சைக்கு பின்னர் உடல்நலம் தேறினார். இது தொடர்பாக கவுசல்யா வழக்கு தொடர்ந்தார். இந்த கவுரவ கொலை வழக்கில் அவருடைய தந்தை உள்பட 6 பேருக்கு தூக்கு தண்டனை வழங்கப்பட்டது. இதை தொடர்ந்து சாதீய அநீதிகளுக்கு எதிராக கவுசல்யா குரல் கொடுத்து வருகிறார்.

இதனிடையே சில நாட்களுக்கு முன்பு தெலுங்கானா மாநிலத்தில் சாதி மறுப்பு திருமணம் செய்துகொண்ட அம்ருதா கண் முன்னே அவருடைய காதல் கணவர் பிரனய்குமார் வெட்டிக்கொல்லப்பட்டார். இந்த கவுரவ கொலை வழக்கில் அம்ருதாவின் தந்தை, சித்தப்பா உள்ளிட்ட சிலர் கைது செய்யப்பட்டனர்.

கர்ப்பிணியான அம்ருதா தற்போது பிரனய்குமாரின் பெற்றோர் வீட்டில் வசித்து வருகிறார். அவரை, கவுசல்யா சந்தித்து பேசினார். அப்போது சங்கர் படுகொலை செய்யப்பட்ட வீடியோவை காண்பித்து, தனக்கு நேர்ந்த கொடூரத்தை கவுசல்யா விளக்கினார். கவுசல்யா தன்னுடன் வக்கீலையும் அழைத்து சென்று இருந்தார்.

இந்த சந்திப்பின்போது, “சங்கர் கொலை வழக்கில் 58 முறை தன் பெற்றோரின் ஜாமீன் மனுவை எதிர்த்தேன், 6 பேருக்கு தூக்கு தண்டனை கிடைக்க போராடினேன்” என கவுசல்யா கூறினார்.

இதை அனைத்தையும் கேட்ட அம்ருதா, “தன் காதல் கணவர் கொலைக்கு காரணமான அனைவரையும் தூக்கில் போட வேண்டும். என் சித்தப்பா வெளியே வந்தால் எனக்கும், என் வயிற்றில் இருக் கும் குழந்தைக்கும் ஆபத்து ஏற்பட வாய்ப்பு உள்ளது” என அச்சம் தெரிவித்தார்.

“நீங்கள் கோர்ட்டில் நடந்ததை கூறுங்கள், கொலைக்கு காரணமானவர்களுக்கு கண்டிப்பாக தண்டனை கிடைக்கும்” என கவுசல்யா ஆறுதல் கூறினார். #HonourKilling