என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "Dengue fever"
- டெங்கு காய்ச்சல் பரவாமல் தடுக்க மாவட்ட நிர்வாகம் பல்வேறு நடவடிக்கைகளை மேற்கொண்டு வருகிறது.
- கடந்த ஒரு வாரத்தில் மட்டும் 77 பேருக்கு டெங்கு காய்ச்சல் உறுதி செய்யப்பட்டது.
புதுக்கோட்டை:
புதுக்கோட்டையில் காய்ச்சல் காரணமாக நேற்று ஒரே நாளில் 59 பேர் மருத்துவமனையில் அனுமதிக்கப்பட்டுள்ள விவகாரம் அதிர்ச்சியை ஏற்படுத்தியுள்ளது.
டெங்கு காய்ச்சல் தமிழகம் முழுவதும் வேகமாக பரவி வருகிறது. அதே வேளையில் டெங்கு காய்ச்சல் பரவாமல் தடுக்க மாவட்ட நிர்வாகம் பல்வேறு நடவடிக்கைகளை மேற்கொண்டு வருகிறது.
இந்நிலையில், புதுக்கோட்டை மாவட்டத்தில் டெங்கு காய்ச்சல் வேகமாக பரவி வருகிறது.
மாவட்டத்தில் உள்ள அரசு மருத்துவமனைகளில் காய்ச்சலால் அனுமதிக்கப்படுபவர்களின் எண்ணிக்கை நாளுக்கு நாள் உயர்ந்து வருவதால் பொது மக்களிடயே அச்சத்தையும் பீதியை ஏற்படுத்தியுள்ளது.
புதுக்கோட்டை மாவட்டத்தில் கடந்த ஒரு வாரத்தில் மட்டும் 77 பேருக்கு டெங்கு காய்ச்சல் உறுதி செய்யப்பட்டது. தற்போது மாவட்டத்தில் 200க்கும் மேற்பட்டோர் காய்ச்சலுக்கு சிகிச்சை பெற்று வருகின்றனர்.
இந்த நிலையில் நேற்று ஒரே நாளில் காய்ச்சல் காரணமாக 59 பேர் மருத்துவமனையில் அனுமதிக்கப்பட்டுள்ளனர். டெங்கு குறித்து விழிப்புணர்வை ஏற்படுத்த மாவட்ட நிர்வாக திட்டமிட்டுள்ளது.
அதன்படி பொன்னமராவதி பாப்பாயி ஆட்சி அரசு மருத்துவமனை சித்த மருத்துவ பிரிவு, கறம்பக்குடி, ஆலங்குடி, அறந்தாங்கி, கீரனூர், விராலிமலை மற்றும் கந்தர்வகோட்டை ஆகிய பகுதிகளில் உள்ள சுகாதார நிலையங்களில் பொதுமக்களுக்கு நிலவேம்பு கசாயம் இலவசமாக வழங்கும் முகாம் அவ்வப்போது நடைபெற்று வருகிறது.
வீடுகள் தோறும் சென்று குடிநீர் தொட்டிகளை ஆய்வு செய்ய சுகாதாரத்துறை அதிகாரிகளுக்கு அறிவுரைகள் வழங்கப்பட்டுள்ளன.
புதுக்கோட்டையில் அவ்வப்போது ஆங்காங்கே மழை பெய்து வருகிறது, திறந்த வெளியில் இருக்கும் பிளாஸ்டிக் பைகள், டயர்கள் போன்றவற்றை அகற்ற வேண்டும். டெங்கு தடுப்பு குறித்து பொது மக்களிடம் விழிப்புணர்வு ஏற்படுத்தவும் நடவடிக்கைகள் எடுக்கப்பட்டு வருகின்றன.
- கோவிலுக்கு வரும் பக்தர்கள் மற்றும் கடைகளுக்கு வரும் வாடிக்கையாளர்களுக்கு மேயர் சரவணன் நிலவேம்பு கசாயம் வழங்கினார்.
- டவுன் ரத வீதிகள் முழுவதிலும் பொது மக்களுக்கு நில வேம்பு கசாயம் வழங்கப் பட்டது.
நெல்லை:
வடகிழக்கு பருவ மழையை முன்னிட்டு நெல்லை மாநகர பகுதியில் டெங்கு உள்ளிட்ட காய்ச்சல் பாதிப்புகள் ஏற்படாத வண்ணம் மாநகராட்சி சார்பில் பல்வேறு நட வடிக்கைகள் எடுக்கப்பட்டு வருகிறது.
நிலவேம்பு கசாயம்
அதன் ஒரு பகுதியாக மாநகராட்சி சுகாதார பிரிவு சார்பில் பொதுமக்களுக்கு நிலவேம்பு கசாயம் வழங்கும் நிகழ்ச்சி இன்று நடை பெற்றது.
டவுன் நெல்லையப்பர் கோவில் முன்பு நடந்த நிலவேம்பு கசாயம் வழங்கும் நிகழ்ச்சியில் மேயர் சரவணன் கலந்து கொண்டு கோவிலுக்கு வரும் பக்தர்கள் மற்றும் கடைக ளுக்கு வரும் வாடிக்கை யாளர்களுக்கு நிலவேம்பு கசாயம் வழங்கினார்.
நிகழ்ச்சியில் மாநகர நல அலுவலர் டாக்டர் சரோஜா, நெல்லை மண்டல சுகாதார அலுவலர் இளங்கோ, சுகாதார ஆய்வாளர் அந்தோணி மற்றும் சுகாதாரத்துறை ஊழியர்கள், தூய்மை பணியாளர்கள் உட்பட பலர் கலந்து கொண்டனர்.
தொடர்ந்து டவுன் ரத வீதிகள் முழுவதிலும் பொது மக்களுக்கு நில வேம்பு கசாயம் வழங்கப் பட்டது. தொடர்ந்து மாநகரப் பகுதி முழுவதும் டெங்கு உள்ளிட்ட காய்ச்சல் பாதிப்புகள் ஏற்படாத வண்ணம் முன்னெச்ச ரிக்கை நடவடிக்கையாக பொதுமக்கள் அதிகம் கூடும் இடங்களில் நில வேம்பு கசாயம் வழங்குவ தற்கு ஏற்பாடுகள் செய்யப் பட்டுள்ளது.
- முன்னெச்சரிக்கை நடவடிக்கையாக டெங்கு கொசு புழுக்களை ஒழிக்கும் பணி நடைபெற்று வருகிறது.
- மேற்பார்வையாளர் ரமேஷ் மேற்பார்வையில் ஆட்டோ மூலம் கொசு மருந்து அடிக்கும் பணி நடைபெற்றது.
கள்ளக்குறிச்சி:
தமிழ்நாடு முழுவதும் வடகிழக்கு பருவ மழை தொடங்கியுள்ளது. இதனால் டெங்கு காய்ச்சலை தடுக்கும் வகையில் முன்னெச்ச ரிக்கை நடவடிக்கையாக டெங்கு கொசு புழுக்களை ஒழிக்கும் பணி நடைபெற்று வருகிறது. அதன்படி தியாகதுருகம் பேரூராட்சியில் பேரூராட்சி மன்ற தலைவர் வீராசாமி, செயல் அலுவலர் (பொறுப்பு) மேகநாதன் ஆகி யோர் பேரூராட்சிக்கு உட்பட்ட பகுதியில் டெங்கு கொசு புழுக்களை ஒழிக்க உத்தர விட்டனர். அதன்படி கொசு புழு ஒழிப்பு பணியா ளர்கள் பேரூராட்சிக்கு உட்பட்ட 15- வார்டுகளிலும் வீடு, வீடாகச் சென்று கொசு புழுக்களை அழிக்கும் பணி யில் ஈடுபட்டு வருகின்ற னர். இந்நிலை யில் பேரூராட்சி பணி மேற்பார்வையாளர் ரமேஷ் மேற்பார்வையில் ஆட்டோ மூலம் கொசு மருந்து அடிக்கும் பணி நடைபெற்றது. இதில் சேலம் மெயின் ரோடு, பஸ் நிலையம், திருக்கோவிலூர் சாலை உள்ளிட்ட பல்வேறு இடங்களில் கொசு மருந்து அடிக்கப்பட்டது.
- தமிழகத்தில் தற்போது டெங்கு காய்ச்சல் அதிகமாக பரவி வருகிறது.
- இந்த ஆண்டு உலகம் முழுவதுமே டெங்கு பாதிப்பு அதிக அளவில் காணப்படுகிறது.
சென்னை:
தமிழகத்தில் தற்போது டெங்கு காய்ச்சல் அதிகமாக பரவி வருகிறது. அதேபோல் இந்தியா முழுவதும் டெங்கு பாதிப்பு அதிகம் உள்ளது. இந்த நிலையில் கொரோனா தொற்றால் பாதிக்கப்பட்டு மீண்டவர்களையே டெங்கு காய்ச்சல் அதிகமாக தாக்குகிறது என்ற அதிர்ச்சி தகவல் முதல்கட்ட ஆய்வில் தெரிய வந்துள்ளது.
வாரணாசியில் உள்ள பனாரஸ் இந்து பல்கலைக்கழகம் டெங்கு பாதிப்பு யாருக்கு அதிகம் ஏற்படுகிறது என்று சமீபத்தில் ஒரு ஆய்வு நடத்தியது. அந்த ஆய்வு முடிவுகள் தற்போது வெளியிடப்பட்டன.
இந்த ஆய்வு முடிவுகளின்படி கொரோனா தொற்றால் பாதிக்கப்பட்டு மீண்டவர்களிடம் டெங்கு பாதிப்பு அதிகரித்து இருப்பது தெரிய வந்துள்ளது.
இதேபோல் அமெரிக்கன் சொசைட்டி ஆப் டிராபிக்கல் மெடிசின் மற்றும் ஹைஜின் வெளியிட்ட ஆய்வின்படி 2020-ம் ஆண்டு கொரோனா தொற்று முதல் அலையின்போது, கொரோனாவால் பாதிக்கப்பட்டவர்களுக்கு, கொரோனா பாதிக்காதவர்களை விட டெங்கு தாக்குவதற்கான வாய்ப்பு 2 மடங்கு அதிகம் என்பது தெரியவந்துள்ளது. மேலும் கொரோனா தடுப்பூசி போட்டவர்களுக்கும் டெங்கு அதிக விகிதத்தில் தாக்கி இருப்பதை கண்டறிந்தனர். மேலும் ஆய்வகத்தில் ஆய்வு செய்ததில் கொரோனாவுக்கு எதிராக உருவாக்கப்படும் தடுப்பு மருந்துகள் முன்னிலையில், ஆய்வக செல்களை டெங்கு வைரஸ் எளிதில் தாக்கியதும் தெரிய வந்தது. இதனால் கொரோனா தொற்றால் பாதிக்கப்பட்டவர்களுக்கு எதிர்காலத்தில் டெங்கு பரவல் வாய்ப்பு அதிகம் என்று முதல்கட்ட ஆய்வில் கண்டுபிடிக்கப்பட்டுள்ளது.
இந்த ஆண்டு உலகம் முழுவதுமே டெங்கு பாதிப்பு அதிக அளவில் காணப்படுகிறது. இது 2017-ம் ஆண்டுக்கு பிறகு மிகப்பெரிய பாதிப்பு என்று நிபுணர்கள் தெரிவித்து உள்ளனர்.
- திறந்த வெளிகளில் தேங்கி கிடக்கும் மழை நீரை அப்புறப்படுத்தும் பணிகள் முடுக்கி விடப்பட்டுள்ளன.
- வடகிழக்கு பருவமழை சென்னையில் தீவிரமாக வாய்ப்பு இருப்பதாக வானிலை நிபுணர்கள் கணித்திருக்கிறார்கள்.
சென்னை:
வடகிழக்கு பருவமழை தீவிரமாகும் முன்னரே சென்னை மக்களை டெங்கு காய்ச்சல் மிரட்டத் தொடங்கி இருக்கிறது. கடந்த மாதத்தில் இருந்தே டெங்கு தொடர்பான விழிப்புணர்வு மக்கள் மத்தியில் மேற்கொள்ளப்பட்டு வருகிறது. திறந்த வெளிகளில் தேங்கி கிடக்கும் மழை நீரை அப்புறப்படுத்தும் பணிகளும் முடுக்கி விடப்பட்டுள்ளன.
வீடுகளை சுற்றியும் மொட்டை மாடிகளிலும் மழை நீர் தேங்கும் அளவுக்கு தேவையில்லாத பாத்திரங்களையோ சிரட்டைகளையோ போட்டு வைக்க வேண்டாம் என்று சுகாதாரத்துறை அதிகாரிகள் தொடர்ந்து வலியுறுத்தி வருகிறார்கள். இருப்பினும் அவ்வப்போது பெய்யும் மழையால் தேங்கும் தண்ணீரில் ஏடிஸ் கொசுக்கள் முட்டையிட்டு அதிக அளவில் கொசுக்களை உற்பத்தி செய்து அதன் மூலமாக டெங்கு காய்ச்சலை பரப்புவது அதிகரித்துள்ளது.
இந்த மாத தொடக்கத்தில் இருந்து வடகிழக்கு பருவமழை சென்னையில் தீவிரமாக வாய்ப்பு இருப்பதாக வானிலை நிபுணர்கள் கணித்திருக்கிறார்கள்.
இதையடுத்து மழைநீர் தேங்கும் பகுதிகளில் டெங்கு கொசுக்கள் புழுக்களாக இருக்கும்போதே விரட்டி கொல்லும் தன்மை கொண்ட ரசாயன பந்துகளை அதிகம் தயாரித்து சுத்தமான மழைநீர் தேங்கும் பகுதிகளில் வீசுவதற்கு திட்டமிடப்பட்டுள்ளது.
இதன் மூலம் டெங்கு கொசுக்களை ஆரம்பத்திலேயே கட்டுப்படுத்த முடியும் என்று அதிகாரிகள் தெரிவித்துள்ளனர்.
- வேலூர் தனியார் மருத்துவ மனையில் சிகிச்சை அளிக்கப்பட்டது
- கிராமத்தில் சுகாதார பணிகள் தீவிரம்
போளூர்:
திருவண்ணாமலை மாவட்டம், போளூர் அடுத்த செம்மியமங்கலம் கிராமத்தை சேர்ந்த புகழேந்தி மகள் பிரியதர்சினி (வயது 10). இவருக்கு கடந்த சில நாட்களுக்கு முன்பு காய்ச்சல் ஏற்பட்டது.
காய்ச்சல் குணமாகாத நிலையில், வேலூரில் உள்ள தனியார் மருத்துவ மனையில் சிகிச்சை அளிக்கப்பட்டது.
மேலும் பரிசோதனையில் மாணவிக்கு டெங்கு பாதிப்பு இருப்பது தெரியவந்தது.
இந்த நிலையில் சிகிச்சை பலனின்றி மாணவி நேற்று பரிதாபமாக உயிரிழந்தார். இதையடுத்து செம்மியமங்க லம் கிராமத்திற்கு மாணவியின் உடல் கொண்டு செல் லப்பட்டு, அடக்கம் செய்யப்பட்டது.
மேலும் அந்த கிராமத்தில் சுகாதார பணிகள் தீவிரப்படுத்தப்ப ட்டுள்ளது. டெங்கு காய்ச்சலால் 10 வயது சிறுமி உயிரிழந்தது அந்த கிராமத்தில் சோகத்தை ஏற்படுத்தி உள்ளது.
- தண்ணீருக்கு பதிலாக இளநீர், பழச்சாறு, மோர் ஆகியவற்றை எடுத்துக்கொள்ளலாம்.
- உடலை முழுவதும் மறைக்கும் வகையிலான ஆடைகளை அணிந்து கொள்ள வேண்டும்.
சென்னை:
பருவமழை காலமான செப்டம்பர் முதல் நவம்பர் மாதம் வரை கொசுக்களால் டெங்கு காய்ச்சல் பரவுவது வழக்கம். இந்த ஆண்டும் டெங்கு பரவல் அதிகரித்துள்ளது.
சென்னையில் டெங்கு பாதித்து பலர் சிகிச்சை பெறுகிறார்கள். போரூரில் உள்ள தனியார் ஆஸ்பத்திரியில் கடந்த 22-ந்தேதி அயப்பாக்கத்தை சேர்ந்த பூஜா (30) என்பவர் டெங்கு பாதித்து சிகிச்சையில் சேர்ந்தார். சர்க்கரை நோயாளியாக இருந்த அவர் சிகிச்சை பலனின்றி இறந்தார். இதே போல் பூந்தமல்லியை சேர்ந்த 15 வயது சிறுவனும் டெங்கு பாதிப்பால் உயிரிழந்தார்.
தமிழகம் முழுவதும் 5 ஆயிரத்துக்கும் மேற்பட்டவர்கள் டெங்குவால் பாதிக்கப்பட்டுள்ளனர். இதுவரை 7 பேர் இறந்து இருப்பதாக சுகாதாரத்துறை தெரிவித்துள்ளது. டெங்குவை பரப்பும் கொசுக்கள் பகல் நேரங்களில் தான் கடிக்கின்றன. எனவே உடலை முழுவதும் மறைக்கும் வகையிலான ஆடைகளை அணிந்து கொள்ள வேண்டும்.
பகல் நேரங்களில் தூங்கினால் கொசு வலைகளை பயன்படுத்துவது நல்லது. கதவு, ஜன்னல்களுக்கு கொசு வலை அடித்துக் கொள்ள வேண்டும்.
டெங்கு காய்ச்சல் ஏற்பட்டவர்கள் திரவ உணவுகளை அதிகமாக எடுத்துக்கொள்ள வேண்டும். தண்ணீருக்கு பதிலாக இளநீர், பழச்சாறு, மோர் ஆகியவற்றை எடுத்துக்கொள்ளலாம்.
ஸ்டீராய்டு அல்லாத அழற்சி எதிர்ப்பு மருந்துகளான இபு புரூபன், ஆஸ்பிரின் போன்ற மருந்துகள் எடுத்துக் கொள்வது ரத்தபோக்கு அபாயம் ஏற்படும்.
வாந்தி, மூச்சுவிட சிரமம், தலைசுற்றல், மூக்கு, பல் ஈறுகளில் இருந்து ரத்தம் வழிவது தீவிர டெங்கு பாதிப்பாக இருக்கலாம். இந்த மாதிரி அறிகுறி உள்ளவர்களுக்கு உடனடியாக மருத்துவ சிகிச்சை அளிக்க வேண்டும். இப்படிப்பட்ட அறிகுறி இருந்தால் உடனடியாக மருத்துவரை அணுக வேண்டும்.
- கிருமாம்பாக்கம் பகுதியில் நோய் தடுப்பு நடவடிக்கையை சுகாதாரத்துறை தீவிரப்படுத்தி உள்ளது.
- புதுவையில் கடந்த ஆண்டு 1,673 பேர் டெங்கு காய்ச்சலால் பாதிக்கப்பட்டனர்.
புதுச்சேரி:
புதுவையில் கடந்த ஆண்டை விட இந்த ஆண்டு டெங்கு காய்ச்சல் பாதிப்பு அதிகரித்துள்ளது.
இந்த மாதத்தில் தினந்தோறும் சராசரியாக 11 பேர் பாதிப்புக்கு ஆளாகி வருகின்றனர். அவர்களுக்கு அரசு ஆரம்ப சுகாதார நிலையங்களிலும், அரசு மருத்துவமனைகளிலும் சிகிச்சை அளிக்கப்பட்டு வருகிறது.
கடந்த ஒரு மாதமாக டெங்கு பாதிப்பு தொடர்ந்து அதிகரித்து வருகிறது.
இந்தநிலையில் புதுச்சேரியை அடுத்த கிருமாம்பாக்கம், பனித்திட்டு, பிள்ளையார்குப்பம், ஈச்சங்காடு உள்ளிட்ட கிராமங்களில் டெங்கு காய்ச்சல் வேகமாக பரவி வருகிறது.
கிருமாம்பாக்கத்தை அடுத்த பனித்திட்டு ஆலடிமேடு கிராமத்தை சேர்ந்த பெட்ரோல் பங்க் ஊழியர் பூங்காவேல் (வயது 53) என்பவர் டெங்கு காய்ச்சலால் பாதிக்கப்பட்டார்.
அவர் புதுவை கதிர்காமம் அரசு மருத்துவக் கல்லூரி ஆஸ்பத்திரியில் சிகிச்சை பெற்று வந்தார்.
இந்தநிலையில் அவர் சிகிச்சை பலனின்றி உயிரிழந்தார்.
இதுபோல் நேற்று முன்தினம் ஈச்சங்காடு கிராமத்தை சேர்ந்த ஜானகி (62), மற்றும் அவரது கணவர் டெங்கு காய்ச்சலால் பாதிக்கப்பட்டு, புதுவை அரசு ஆஸ்பத்திரியில் அனுமதிக்கப்பட்டு சிகிச்சை பெற்றனர். இதில் ஜானகி சிகிச்சை பலனின்றி உயிரிழந்தார். கிருமாம்பாக்கம் பகுதியில் டெங்கு மற்றும் மர்ம காய்ச்சலால் 100-க்கும் மேற்பட்டவர்கள் பாதிக்கப்பட்டுள்ள நிலையில் டெங்கு காய்ச்சலுக்கு அடுத்தடுத்து 2 பேர் பலியானது அப்பகுதி மக்களிடையே அச்சத்தை ஏற்படுத்தியுள்ளது.
இதையடுத்து கிருமாம்பாக்கம் பகுதியில் நோய் தடுப்பு நடவடிக்கையை சுகாதாரத்துறை தீவிரப்படுத்தி உள்ளது.
புதுவையில் கடந்த ஆண்டு 1,673 பேர் டெங்கு காய்ச்சலால் பாதிக்கப்பட்டனர். ஆனால் இந்த ஆண்டு இதுவரை 1,724 பேர் பாதிக்கப்பட்டு உள்ளனர் என்பது குறிப்பிடத்தக்கது.
- கொசு கடிக்காமல் இருக்க கை, கால்களில் தேங்காய் எண்ணெய் பூசிக்கொள்ள வேண்டும்.
- நமது வீட்டை சுற்றிலும் சுத்தமாக வைத்துக்கொள்ள வேண்டும்.
சத்தியமங்கலம்:
ஈரோடு மாவட்டம் சத்தியமங்கலம் அருகே உள்ள வாலிபாளையம் கிராமத்தில் அங்கன்வாடி மையம் செயல்பட்டு வருகிறது. இந்த மையத்தில் 15 குழந்தைகள் உள்ளனர்.
இந்த மையத்தில் உள்ள அதே பகுதியை சேர்ந்த ஜேம்ஸ் என்ற 2½ வயது சிறுவன் டெங்கு காய்ச்சல் விழிப்புணர்வு குறித்து தனது மழலை குரலில் பேசும் வீடியோ தற்போது சமூக வலைதளத்தில் வைரலாகி வருகிறது.
அந்த வீடியோவில் ஏடிஸ் வகை கொசுவால் டெங்கு பரவுகிறது எனவும், கொசு கடிக்காமல் இருக்க கை, கால்களில் தேங்காய் எண்ணெய் பூசிக்கொள்ள வேண்டும். நமது வீட்டை சுற்றிலும் சுத்தமாக வைத்துக்கொள்ள வேண்டும்.
உடைந்து போன குடங்கள், டயர்கள், தேங்காய் தொட்டிகள், பிளாஸ்டிக் டம்ளர் ஆகியவற்றை வீட்டை சுற்றி வைக்கக்கூடாது. நாம் குடிக்கும் தண்ணீரை மூடி வைக்க வேண்டும் என சிறுவன் பேசும் வீடியோ காட்சிகள் வெளியாகி உள்ளது.
மேலும் இதேபோல் அங்கன்வாடி மையத்தில் உள்ள குழந்தைகள் கைகளை எப்படி சுத்தமாக கழுவ வேண்டும் என செய்முறை விளக்கத்தோடு பேசும் வீடியோவும் சமூக வலைதளத்தில் வைரலாகி வருவது குறிப்பிடத்தக்கது.
- மாதிரி எடுத்த அடுத்த 6 மணி நேரத்துக்குள், நோயாளிக்கு பரிசோதனை விபரங்களை அளித்து விட வேண்டும் என அறிவுறுத்தப்பட்டுள்ளது.
- அனைத்து அரசு மற்றும் தனியார் மருத்துவமனை, ஆய்வகங்களுக்கு அறிவுறுத்தல்கள் வழங்கப்பட்டுள்ளது.
திருப்பூர்:
டெங்கு காய்ச்சல் பரிசோதனை முடிவுகளில் தாமதம் கூடாது. மாதிரி எடுத்த 6 மணி நேரத்துக்குள் முடிவுகளை வழங்கி விட வேண்டும் என ஆய்வகங்களுக்கு சுகாதாரத்துறை அறிவுறுத்தியுள்ளது.
காய்ச்சல் பாதிப்பு அதிகரித்து வரும் சூழலில், நான்கு நாட்களுக்கு மேல் காய்ச்சல், சளி, இருமல், உடல்சோர்வு தொடர்பவர்கள் டெங்கு காய்ச்சல் பரிசோதனை செய்து கொள்கின்றனர். மாவட்டத்தில் உள்ள அரசு மருத்துவக் கல்லூரி அரசு தலைமை மருத்துவமனை, தாலுகா மருத்துவமனை, மேம்படுத்தப்பட்ட ஆரம்ப சுகாதார நிலையங்களில் டெங்கு காய்ச்சல் பரிசோதனை செய்து கொள்ள வசதி ஏற்படுத்தப்பட்டுள்ளது.
இந்நிலையில் டெங்கு காய்ச்சல் பரிசோதனை பணிகளை வேகப்படுத்த வேண்டும். மாதிரி எடுத்த அடுத்த 6 மணி நேரத்துக்குள், நோயாளிக்கு பரிசோதனை விபரங்களை அளித்து விட வேண்டும் என அறிவுறுத்தப்பட்டுள்ளது.
இது தொடர்பாக, மாவட்ட மருத்துவம் மற்றும் சுகாதாரத்துறை தரப்பில் இருந்து, அனைத்து அரசு மற்றும் தனியார் மருத்துவமனை, ஆய்வகங்களுக்கு அறிவுறுத்தல்கள் வழங்கப்பட்டுள்ளது. அத்துடன் ஒருவருக்கு டெங்கு காய்ச்சல் உறுதி செய்யப்பட்டு விட்டால் அவர் குறித்த விபரங்களை உடனடியாக நோய் தடுப்பு சிறப்பு அதிகாரி, மாநகராட்சி நகர் நல அலுவலர், சுகாதாரப் பணிகள் துறை துணை இயக்குனருக்கு தெரிவிக்க வேண்டும் எனவும் அறிவுறுத்தப்பட்டுள்ளது.
- பழைய குடியிருப்பு பகுதியில் 2 ஆசிரியைகள் டெங்கு காய்ச்சலால் பாதிக்கப்பட்டுள்ளனர்.
- நகராட்சி ஆணையர் மற்றும் நகர் மன்ற தலைவர் துரிதமாக செயல்பட்டு கொசு ஒழிப்பு பணியை மேற்கொள்ள வேண்டும்.
தாராபுரம்:
திருப்பூர் மாவட்டம் தாராபுரம் நகராட்சியில் 30 வார்டுகள் உள்ளன. தற்போது தாராபுரம் நகராட்சி முழுவதும் டெங்கு மற்றும் மர்ம காய்ச்சல் பரவி வருகிறது . இந்தநிலையில் 14வது வார்டு பகுதியை சேர்ந்த 5 வயது சிறுமி டெங்கு காய்ச்சலால் பாதிக்கப்பட்டு கோவையில் உள்ள ஒரு தனியார் மருத்துவமனையில் சிகிச்சை பெற்று வருகிறார். மேலும் பழைய குடியிருப்பு பகுதியில் 2 ஆசிரியைகள் டெங்கு காய்ச்சலால் பாதிக்கப்பட்டு தனியார் மருத்துவமனையில் சிகிச்சை பெற்று வருகின்றனர்.
இதுகுறித்து 14வது வார்டு பகுதி மக்கள் கூறுகையில்:-
தாராபுரம் 14-வது வார்டு பகுதியில் கடந்த சில நாட்களாக குப்பைகள் மற்றும் கழிவுநீர்களை அகற்றாமல் இருந்த காரணத்தினால் தான் டெங்கு காய்ச்சல் பரவுகிறது. ஆகவே நகராட்சி ஆணையர் மற்றும் நகர் மன்ற தலைவர் துரிதமாக செயல்பட்டு கொசு ஒழிப்பு பணியை மேற்கொள்ள வேண்டும். நடவடிக்கை எடுக்கவில்லை என்றால் சமூக ஆர்வலர்களை ஒன்று திரட்டி உண்ணாவிரத போராட்டம் நடத்துவோம் என்றனர்.
- தூத்துக்குடி ஊராட்சி ஒன்றிய கவுன்சிலர்கள் கூட்டம் புதுக்கோட்டையில் உள்ள ஊராட்சி ஒன்றிய அலுவலக கூட்ட அரங்கில் நடைபெற்றது.
- முள்ளக்காடு ஊராட்சி பொட்டல்காடு கிராமத்தில் 1-வது மற்றும் 2-வது தெருவில் பேவர் பிளாக் சாலை அமைக்கப்படுகிறது.
தூத்துக்குடி:
தூத்துக்குடி ஊராட்சி ஒன்றிய கவுன்சிலர்கள் கூட்டம் புதுக்கோட்டையில் உள்ள ஊராட்சி ஒன்றிய அலுவலக கூட்ட அரங்கில் நடைபெற்றது. யூனியன் சேர்மன் வசுமதி அம்பாசங்கர் தலைமை தாங்கினார். வட்டார வளர்ச்சி அலுவலர்கள் ஹெலன் பொன்மணி, வசந்தா, துணை சேர்மன் ஆஸ்கர் ஆகியோர் முன்னிலை வகித்தனர்.
கூட்டு குடிநீர்
கூட்டத்தில் யூனியன் சேர்மன் வசுமதி அம்பாசங்கர் பேசியதாவது:-
தூத்துக்குடி ஊராட்சி ஒன்றியத்தில் ஒன்றிய பொது நிதியில் அல்லிக்கு ளம் ஊராட்சியில் திருவ னந்தபுரம் முருகன் நகரில் கூட்டு குடிநீர் திட்டத்தில் 5 ஆயிரம் லிட்டர் கொள்ளளவு கொண்ட 3 சின்டெக்ஸ் தொட்டிகள் அமைத்தல், ஆண்டாள் நகர் அம்பாள் கோவில் தெருவில் பேவர் பிளாக் சாலை அமைத்தல், குமாரகிரி ஊராட்சி இந்திரா நகர் கால்நடை மருத்துவமனை சாலையில் பைப்லைன் விஸ்தரிப்பு செய்தல், மத்திய அரசு ஊழியர் குடியிருப்பில் ஒரு லட்சம் லிட்டர் சம்ப் அருகில் போர்வெல் அமைத்தல், கூட்டுடன்காடு தெற்கு தெருகளில் சிமெண்ட் தளம் அமைக்கப்படுகிறது.
மேல கூட்டுறன் காடு தெற்கு தெருவில் பேவர் பிளாக் சாலை அமைத்தல், மாப்பிள்ளையூரணி ஊராட்சியில் நேரு காலனி முதல் சமீர் வியாஸ் நகர் வரை இணைப்பு சாலை அமைத்தல், வடக்கு குறுக்கு தெரு மற்றும் சிறு, குறு முட்டுச்சந்து தெருக்களில் பேவர் பிளாக் சாலை, கோமாஸ் புரம் மற்றும் தாளமுத்து நகர் ரோசம்மாள் பஸ் நிறுத்தம் முதல் சவேரியார்புரம் வரை புதிய தார்சாலை, சேசு நகர், இந்திரா நகரில் புதிய சாலை, வண்ணார்பேட்டை முதல் தெருவில் தார் சாலை அமைக்கப்படுகிறது.
பூப்பாண்டிபுரம் பகுதியில் 3 இடம்,வி.வி.டி. தொடக்கப் பள்ளி அருகில், ஆரோக்கியபுரம் கெபி அருகில், ரேஷன் கடை அருகில், தாய் நகரில் அடி பம்புகள் அமைத்தல், சுனாமி காலணியில் கிணறுகள்,
பூபாண்டியாபுரம், சமீர்வியாஸ்நகர் பகுதி யில் அங்கன்வாடி கட்டிடம் அமைத்தல், முடி வைத்தானேந்தல் ஊராட்சி யில் பேவர் பிளாக் சாலை அமைத்தல் முள்ளக்காடு ஊராட்சி பொட்டல்காடு கிராமத்தில் 1-வது மற்றும் 2-வது தெருவில் பேவர் பிளாக் சாலை அமைக்கப்படுகிறது.
கோரம்பள்ளம் ஊராட்சி யில் பெரிய நாயகபுரம் கிராமம், காமராஜ் நகர், அந்தோனியார்புரம் கொடிமர தெருவில் புதிய சாலை அமைத்தல், ஆபிர காம் நகரில் வெள்ளநீர் வெளியேற பம்ப் ரூம் மற்றும் மோட்டார் மின் வசதி அமைத்தல் உட்பட வளர்ச்சிப் பணிகள் குறித்தும். டெங்கு காய்ச்சல் பரவாமல் தடுக்க எடுக்கப்பட்ட நடவடிக்கை கள், மேலும் அனைத்து பணிகளும் அனைத்து ஊராட்சி பகுதிக்கும் முறைப்படுத்தி முறையாக நடைபெறும். அதற்கு அனைவரும் ஒத்துழைக்க வேண்டும்.
இவ்வாறு அவர் பேசினார்.
தொடர்ந்து 46 தீர்மா னங்கள் நிறைவேற்றப் பட்டது. பின்னர் அந்தோணி தனுஷ்பாலன் உட்பட கவுன்சிலர்கள் தங்கள் பகுதி தேவைகள் குறித்து பேசினர். கூட்டத்தில் ஒன்றிய கவுன்சிலர்கள் சுதர்சன், ஆனந்தி, முத்துமாலை, தொம்மை சேவியர், ஜெயகணபதி, மரிய செல்வி, முத்துலட்சுமி, செல்வபார்வதி, முத்துக்குமார்,பொறியாளர் ரவி, துணை வட்டார வளர்ச்சி அலுவலர்கள், ஒன்றிய பணியாளர்கள் கலந்து கொண்டனர்.
கூட்டத்தில் 12-வது வார்டு ஒன்றிய தி.மு.க கவுன்சிலர் நர்மதா தனது பதவியை ராஜினாமா செய்தார். அதனை ஒன்றிய கூட்டத்தில் அறிவிக்கப்பட்டு ஏற்றுக் கொள்ளப்பட்டது. இது குறித்து நர்மதா கூறுகையில் எனக்கு அரசு பணி கிடைக்க இருப்பதால் எனது பதவியை ராஜினாமா செய்கிறேன் என்றார்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்