என் மலர்

    நீங்கள் தேடியது "Tomato"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மார்க்கெட்டுகளுக்கு வரத்து அதிகரிப்பால் மதுரையில் 10 ரூபாய்க்கு தக்காளி விற்பனையாகும்.
    • வெங்காயம் விலையும் வீழ்ச்சி அடைந்தது.

    மதுரை

    மதுரை உள்ளிட்ட தென் மாவட்டங்களில் சில நாட்களாக மழை பெய்து வருகிறது. இதன் காரணமாக பல்வேறு இடங்களில் காய்கறி விவசாயம் அதிக அளவில் நடைபெற்று அறுவடை பணிகளும் தீவிரமடைந்துள்ளன.

    நாட்டு காய்கறிகளான தக்காளி, கத்தரி, வெண்டை, பாகற்காய், மிளகாய், வெங்காயம் உள்ளிட்ட காய்கறிகள் அதிக விளைச்சல் காரணமாக மார்க்கெட்டுகளுக்கு அதிக அளவில் வருகிறது. நாட்டு காய்கறிகள் அதிக வரத்து காரணமாகவும், முகூர்த்த நாள் இல்லாததாலும் காய்கறிகளின் விற்பனை மந்தமாக உள்ளது. மேலும் காய்கறிகளின் விலை வழக்கமான விலையை விட குறைந்துள்ளதாகவும் வியாபாரிகள் தெரிவித்தனர்.

    சில மாதங்களுக்கு முன்பு மதுரை மார்க்கெட்டுகளில் தக்காளி கிலோவுக்கு ரூ.140 முதல் 160 வரை விற்கப்பட்டன. அப்போது தக்காளியை வாங்க பொதுமக்கள் கூட்டம் அலைமோதியது.

    அதன் பிறகு படிப்படியாக வரத்து அதிகரித்ததால் தக்காளியின் விலையும் குறைந்தது. கடந்த வாரம் ரூ.20-க்கு விற்கப்பட்ட தக்காளி இன்றைய நிலவரப்படி ரூ.10-க்கு வீழ்ச்சியடைந்துள்ளது. இதனால் உழவர் சந்தை உள்ளிட்ட காய்கறி மார்க்கெட்டுகளில் தக்காளி மலை போல குவித்து வைக்கப்பட்டுள்ளது. ஆனாலும் அதனை வாங்க பொதுமக்களிடம் ஆர்வம் குறைந்துள்ளதாக வியாபாரிகள் தெரிவித்தனர்.

    விலை வீழ்ச்சி காரணமாக பல்வேறு இடங்களில் தக்காளி பறிப்பதில் விவசாயிகளுக்கு தயக்கம் ஏற்பட்டுள்ளது. இதனால் செடிகளிலேயே தக்காளியை அழுக விடும் நிலை ஏற்பட்டு வருகிறது. மேலும் மார்க்கெட் களில் விற்பனைக்கு கொண்டுவரப்படும் தக்காளியும் மாலை நேரங்களில் வீடு திரும்பும் போது சில வியாபாரிகள் குப்பைத்தொட்டியில் கொட்டும் அவலமும் இருப்பதாக வியாபாரிகள் தெரிவித்தனர்.

    விலை வீழ்ச்சி காரணமாக தக்காளி மீதான பொதுமக்களின் ஆர்வம் குறைந்துள்ளது விவசாயிகளுக்கும், வியாபாரிகளுக்கும் பாதிப்பை ஏற்படுத்தி உள்ளது. அதுபோல சிறிய வெங்காயம், பல்லாரி ஆகியவற்றின் விலையும் வீழ்ச்சியடைந்துள்ளது.

    மதுரை மார்க்கெட்டுகளில் சில மாதங்களுக்கு முன்பு ரூ.100-க்கு மேல் விற்கப்பட்ட பல்லாரி மற்றும் சிறிய வெங்காயம் தற்போது கிலோ 15 முதல் 20 ரூபாய் வரை விற்பனையாகி வருகிறது.வரத்து அதிகரித்துள்ளதால் விலை வீழ்ச்சி அடைந்துள்ளதாக வியாபாரிகள் தெரிவித்தனர்.

    மற்ற காய்கறிகளான கத்தரி கிலோ 30 ரூபாய்க்கும், வெண்டைக்காய் 20 ரூபாய்க்கும், முட்டைகோஸ் 35 ரூபாய்க்கும், உருளைக்கிழங்கு 40 ரூபாய்க்கும், கேரட் 30 ரூபாய்க்கும், பீன்ஸ் 70 ரூபாய்க்கும், புடலங்காய் 20 ரூபாய்க்கும், மிளகாய் 30 ரூபாய்க்கும், முருங்கைக்காய் 20 ரூபாய்க்கும், மல்லி 25 ரூபாய்க்கும் விற்பனை செய்யப்பட்டு வருகின்றன.

    இஞ்சி 60 ரூபாய்க்கும், கறிவேப்பிலை 30 ரூபாய்க்கும் விற்பனை–யாகிறது. மலை காய்கறி–களான பட்டர் பீன்ஸ், சோயா பீன்ஸ், பட்டாணி ஆகியவை 100 முதல் 110 ரூபாய் வரை விற்பனையாகிறது.

    மதுரை சென்ட்ரல் மார்க்கெட் காய்கறி வியாபாரிகள் சங்கத் தலைவர் பி. எஸ்.முருகன் கூறுகையில், தற்போது பல்வேறு இடங்களில் மழை பெய்து வருவதால் காய்கறிகள் வரத்து அதிகரித்துள்ளன. ஒரு சில நாட்களில் காய்கறிகளின் தேவை அதிகரிக்கும் பட்சத்தில் அவற்றின் விலை மீண்டும் உயர வாய்ப்புள்ளது என்றார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • முப்பது சதவீத தக்காளியை குப்பையில் கொட்டும் நிலை ஏற்படுவதாக வியாபாரிகள் வேதனை தெரிவிக்கின்றனர்.
    • தக்காளி கிலோ, 8 ரூபாய்க்கும், சில்லறையில் கிலோ, 10 ரூபாய்க்கும் விற்கப்படுகிறது.

    உடுமலை :

    திருப்பூர் மாவட்ட உழவர் சந்தை மற்றும் மார்க்கெட்டுக்கு தேவைக்கு அதிகமாக தக்காளி வரத்து அதிகரித்துள்ளது. இதனால், முப்பது சதவீத தக்காளியை குப்பையில் கொட்டும் நிலை ஏற்படுவதாக வியாபாரிகள் வேதனை தெரிவிக்கின்றனர்.மொத்த விலையில் கிலோ, 8 ரூபாய்க்கும், சில்லறையில் கிலோ, 10 ரூபாய்க்கும் தக்காளி விற்கப்படுகிறது.

    அவ்வகையில், திருப்பூர் மாவட்டத்தில், உடுமலை, தென்னம்பாளையம் மார்க்கெட்டில், 14 கிலோ எடை கொண்ட சிறிய டிப்பர், 30 முதல் 80 ரூபாய்; 26 கிலோ எடை கொண்ட பெரிய டிப்பர், 210 ரூபாய்க்கும் கிடைக்கிறது. வரத்து அதிகரிப்பால், முதல் தர தக்காளி விலையே குறைந்து விட்டதால், தக்காளி வாங்கி இருப்பு வைப்போரின் எண்ணிக்கை சரிந்துள்ளது. தக்காளி வந்து குவிவதால், 30 சதவீத பழங்களை கழித்து, குப்பையில் கொட்ட வேண்டிய நிலை விவசாயிகளுக்கு ஏற்பட்டுள்ளது.

    குறிப்பாக, விலை குறைவு, வெளியூருக்கு எடுத்துச்சென்றாலும் பயனில்லை, இருப்பும் வைக்க முடியாது என்பதால், தற்போது, விளையும் தக்காளியை விவசாயிகள் அப்படியே உழவர் சந்தைக்கு கொண்டு வந்து சேர்க்கின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மார்க்கெட்டிற்கு கோவை மாவட்டம் கிணத்து க்கடவு, தொண்டாமுத்தூர் உள்ளிட்ட பகுதிகளில் இருந்து தக்காளி விற்பனைக்கு வருகிறது.
    • விற்பனையாகாத தக்காளி களை மார்க்கெட்டில் மாநகராட்சி சார்பில் வைக்கப்பட்டுள்ள குப்பை தொட்டியில் கொட்டி வருகின்றனர்.

    கோவை,

    கோவை-மேட்டுப்பா ளையம் சாலையில் எம்.ஜி.ஆர். மார்க்கெட் செயல்பட்டு வருகிறது.இந்த மார்க்கெட்டிற்கு கோவை மாவட்டம் கிணத்து க்கடவு, தொண்டாமுத்தூர் உள்ளிட்ட பகுதிகளில் இருந்து தக்காளி விற்பனைக்கு வருகிறது.

    இதுதவிர வெளிமாநி லங்களில் இருந்து தக்காளி விற்பனைக்கு வருகிறது. குறிப்பாக மைசூர், குண்டல்பேட் பகுதிகளில் இருந்து அதிகளவில் தக்காளி மார்க்கெட்டுக்கு வருகிறது.இந்த நிலையில் மார்க்கெ ட்டுக்கு தக்காளி வரத்து அதிகரித்துள்ளதால், தக்காளியின் விலை வீழ்ச்சி அடைந்துள்ளது.

    இதன் காரணமாக வியாபாரிகள் விற்பனையாகாத தக்காளி களை மார்க்கெட்டில் மாநகராட்சி சார்பில் வைக்கப்பட்டுள்ள குப்பை தொட்டியில் கொட்டி வருகின்றனர்.

    இதுகுறித்து வியாபாரிகள் கூறியதாவது:-

    கோவை எம்.ஜி.ஆர் மார்க்கெட்டிற்கு பலஇடங்களில் இருந்தும் தக்காளி விற்பனைக்கு வருகிறது. ஒரு சில மாதங்களுக்கு முன்பு தக்காளி விலை ரூ.100க்கு விற்கப்பட்டது. பின்னர் நாட்கள் செல்ல, செல்ல கடந்த ஜூன் மாதம் தக்காளி விலை ரூ.44க்கு விற்பனையானது.தற்போது தக்காளி வரத்து அதிகரித்துள்ளதால் விலையும் குறைந்துள்ளது. ஒரு கிலோ தக்காளி ரூ.7க்கு மட்டுமே விற்பனையாகிறது.


    விலை சரிந்துள்ளதால், தக்காளி விற்பனை அதிகரிக்கும் என நினைத்து விவசாயிகள் ஒரு நாளைக்கு 35 ஆயிரம் கிலோ தக்காளிகளை கொண்டு வருகின்றனர். ஆனால் போதிய விற்பனை இல்லாததால் ஒரு நாளைக்கு 2 டன் தக்காளி வீணாகி வருகிறது. கிலோ தக்காளி ரூ.100க்கு விற்றபோது கூட விற்பனை இருந்தது. ஆனால் விலை குறைந்தபோதும் தக்காளி விற்பனை இல்லை. எங்களுக்கும் வியாபாரம் இல்லை.

    ஆயிரம் ரூபாய்க்கு தக்காளி விற்றால் ரூ.30 கமிஷன் கிடைக்கும். அதுவும் ஆள் கூலிக்கு கொடுத்து விடுவதால் எங்களுக்கு எந்தவிதமான லாபமும் இல்லை.

    இவ்வாறு அவர்கள் கூறினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பொதுவாக நாட்டு தக்காளி பச்சை, வெள்ளை நிறத்தில் இருந்து பழுக்கும் போது சிவப்பாக மாறும்.
    • ஆனாலும் முற்றிலும் சிவப்பாக மாறாது. சாப்பிடும் போது புளிப்பும் கலந்து இருக்கும். இதுதான் ஒரிஜினல் நாட்டுத்தக்காளி.

    தக்காளி...

    வாங்குவாரில்லாமல் பல நேரங்களில் வீதியில் கொட்டப்படுவதும் உண்டு. கிலோ ரூ.100-ஐ கடந்து ரசம் வைக்க ஒரு தக்காளி கிடைக்காதா என்று ஏங்க வைப்பதும் உண்டு.

    சமீபத்தில் கிலோ ரூ.70-ஐ கடந்த நிலையில் இப்போது வீதிவீதியாக 6 கிலோ ரூ.100-க்கு விற்கும் அளவுக்கு விலை வீழ்ச்சி அடைந்துள்ளது. குறிப்பாக இந்த நாட்டுத்தக்காளி ஆப்பிள் தக்காளியை போல் உருண்டை வடிவத்தில் உள்ளது. முக்கியமாக ரத்த சிவப்பு நிறத்தில் பார்த்ததும் வாங்கும் அளவுக்கு சுண்டி இழுக்கிறது.

    பொதுவாக நாட்டு தக்காளி பச்சை, வெள்ளை நிறத்தில் இருந்து பழுக்கும் போது சிவப்பாக மாறும். ஆனாலும் முற்றிலும் சிவப்பாக மாறாது. சாப்பிடும் போது புளிப்பும் கலந்து இருக்கும். இதுதான் ஒரிஜினல் நாட்டுத்தக்காளி.

    ஆனால் இப்போது விற்பனையாகும் நாட்டுத்தக்காளி பார்ப்பதற்கு சிவப்பு மட்டுமல்ல சாப்பிடுவதற்கும் இனிப்பாக இருக்கிறது. நம்ம ஊர் நாட்டு தக்காளியை ரசத்தில் வேகவைத்தால் நன்றாக வெந்து தண்ணீரில் கரையும். ஆனால் இந்த தக்காளியை எவ்வளவு நேரம் வேக வைத்தாலும் வேகுவதில்லை. குழம்பில் துண்டு துண்டாகவே கிடக்கிறது.

    பொதுவாக தக்காளி விதைகளை முளைக்க போட்டால் முளைக்கும். ஆனால் இந்த தக்காளி விதைகள் முளைப்பதில்லை என்றும் கூறப்படுகிறது. ஒருவேளை இதுவும் ரசாயன கலவை தெளித்து பழுக்க வைக்கப்படுகிறதோ என்ற சந்தேகம் பலரிடம் ஏற்பட்டுள்ளது.

    இதுபற்றி கோயம்பேடு தக்காளி மொத்த வியாபாரி ரவிச்சந்திரனிடம் கேட்டபோது அவர் கூறியதாவது:-

    இதுவும் நாட்டு தக்காளிதான். ஆனால் நம் ஊரில் விளைவதில்லை. ஆந்திரா, கர்நாடகா மாநிலங்களில் மட்டும் விளைகிறது. அங்கு தக்காளி நாற்றை வாங்கித்தான் பயிரிடுகிறார்கள். நம்மூர் மண்ணில் அவை வளர்வதில்லை.

    இந்த தக்காளியின் பெயர் 'சாஹோ 3140' என்பதாகும். புளிப்பு இருக்காது. வேக அடம் பிடிக்கிறது என்பதெல்லாம் உண்மை தான். ஆனால் ரத்த சிவப்பு நிறத்தை பார்த்து வாடிக்கையாளர்கள் மயங்கிவிடுகிறார்கள். நம்மூர் தக்காளியை வாங்குவதில்லை. நம்மூர் நாட்டு தக்காளிகள் உடுமலைபேட்டை, பொள்ளாச்சி, வத்தலகுண்டு, திண்டுக்கல், கிருஷ்ணகிரி, ஒட்டன்சத்திரம், தேனி, கம்பம் ஆகிய இடங்களில் அதிகமாக விளைகிறது.

    சந்தைக்கு வரும்போது ஆந்திரா நாட்டுத் தக்காளியா? உள்ளூர் தக்காளியா? என்று வரும்போது தோல் சிவந்த அடுத்த மாநில தக்காளிக்குத்தான் மரியாதை கிடைக்கிறது.

    இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கோயம்பேடு சந்தைக்கு கடந்த மாதம் வரை தினசரி 40-க்கும் குறைவான லாரிகளில் மட்டுமே தக்காளி விற்பனைக்கு வந்தது.
    • ஆனால் கடந்த சில நாட்களாகவே மீண்டும் தக்காளியின் வரத்து அதிகரித்து வருகிறது.

    போரூர்:

    கோயம்பேடு மார்கெட்டுக்கு இன்று காலை 56 லாரிகளில் தக்காளி விற்பனைக்கு குவிந்தது. இதனால் தக்காளி விலை வீழ்ச்சி அடைந்து உள்ளது.

    கடந்த சில நாட்களுக்கு முன்பு மொத்த விற்பனை கடைகளில் தக்காளி ஒரு கிலோ ரூ.23-க்கு விற்கப்பட்டது. தற்போது வரத்து அதிகரிப்பு காரணமாக தக்காளி ரூ.13-ஆக விற்பனை செய்யப்படுகிறது.

    தக்காளி விலை வீழ்ச்சி அடைந்துள்ளதால் இல்லத்தரசிகள் மகிழ்ச்சி அடைந்துள்ளனர். தக்காளி கிலோ விலை வீழ்ச்சி குறித்து மொத்த வியாபாரி ஜாபர் அலி சேட் கூறியதாவது:-

    கோயம்பேடு சந்தைக்கு கடந்த மாதம் வரை தினசரி 40-க்கும் குறைவான லாரிகளில் மட்டுமே தக்காளி விற்பனைக்கு வந்தது. ஆனால் கடந்த சில நாட்களாகவே மீண்டும் தக்காளியின் வரத்து அதிகரித்து வருகிறது. இதன் காரணமாக அதன் விலை வீழ்ச்சி அடைந்துள்ளது. விலை வீழ்ச்சி அடைந்துள்ள போதிலும் தக்காளி விற்பனை எதிர்பார்த்த அளவுக்கு இல்லை. இனி வரும் நாட்களில் வரத்து மேலும் அதிகரிக்கவே வாய்ப்பு உள்ளது. எனவே தக்காளி விலை மேலும் குறையும்.

    இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கர்நாடகா, ஆந்திரா மாநிலங்களில் சாகுபடி பரப்பு குறைந்துள்ளது.
    • தற்போது வரத்து சீசன் ஆரம்பித்துள்ளது.

    மடத்துக்குளம்:

    உடுமலை, மடத்துக்குளம், குடிமங்கலம் வட்டாரத்தில், 30 ஆயிரம் ஏக்கர் பரப்பளவில் தக்காளி சாகுபடி செய்யப்பட்டு வருகிறது. கடந்தாண்டு பருவமழை அதிகரிப்பு மற்றும் தக்காளிக்கு கூடுதல் விலை கிடைத்ததால் இரு மாதமாக உடுமலை பகுதிகளில் வழக்கத்தை விட கூடுதல் பரப்பளவில் சாகுபடி செய்யப்பட்டுள்ளது.

    தக்காளி விளையும் மற்ற மாவட்டங்கள் மற்றும் கர்நாடகா, ஆந்திரா மாநிலங்களில் சாகுபடி பரப்பு குறைந்துள்ளது.உடுமலை பகுதிகளில் மட்டும் கடந்த மாதம் சாகுபடி செய்யப்பட்ட தக்காளி அறுவடை துவங்கியுள்ளது. இப்பகுதியில் விளையும் தக்காளியை விவசாயிகள் உடுமலை சந்தை மற்றும் சுற்றுப்பகுதியில் அமைந்துள்ள கமிஷன் கடைகளில், ஏல முறையில் வியாபாரிகள் கொள்முதல் செய்து வருகின்றனர்.

    உடுமலை சந்தைக்கு சராசரியாக 14 கிலோ கொண்ட பெட்டி 3 முதல், 5 ஆயிரம் வரை மட்டுமே வரத்து இருக்கும். தற்போது சீசன் துவங்கியுள்ளதால் தினமும், 15 ஆயிரம் முதல்25 ஆயிரம் தக்காளி பெட்டிகள் வரை வரத்து காணப்படுகிறது.

    உடுமலை சந்தையில்கடந்த வாரம் 14 கிலோ கொண்ட ஒரு பெட்டி 450 ரூபாய் வரை விற்றது. வரத்து அதிகரிப்பு காரணமாக தற்போது விலை குறைந்து ஒரு பெட்டி ரூ.250 முதல் ரூ.350 வரை விற்று வருகிறது.உள்ளூர் வியாபாரிகள் மட்டுமன்றி கேரளா மாநிலம் மற்றும் பல்வேறு மாவட்டங்களில் இருந்து வந்துள்ள வியாபாரிகள் தக்காளி கொள்முதல் செய்து, லாரிகளில் ஏற்றிச்செல்கின்றனர். தக்காளி சீசன் துவங்கியுள்ளதால், சந்தை வளாகம் களைகட்டியுள்ளது.

    இது குறித்து வியாபாரிகள் கூறியதாவது:-

    உடுமலை சுற்றுப்பகுதிகளில் ஆண்டு முழுவதும் தக்காளி நடவு செய்யப்படுகிறது. தக்காளி சாகுபடி செய்யப்படும் மற்ற பகுதிகளில், இந்த பருவத்தில் சாகுபடி செய்யப்படுவதில்லை.உடுமலை பகுதியில் மட்டும் தக்காளி சாகுபடி பரப்பு அதிகரிக்கும். இதனால், ஜூலை முதல் டிசம்பர் வரை தக்காளி வரத்து அதிகரித்து இருக்கும். பல்வேறு மாவட்ட விவசாயிகளும் வந்து வாங்குவதோடு கர்நாடகா, கேரளா மாநிலத்திற்கும் அதிகளவு விற்பனைக்கு செல்லும். இதனால் வரத்து பல மடங்கு உயர்ந்தாலும் பெரிய அளவில் விலை சரிவு இருக்காது.தற்போது சிறிய ரக தக்காளி பெட்டி 220 முதல் 350 ரூபாய் வரையும், தரமான தக்காளி ரகம், 300 முதல் 350 ரூபாய் வரை விலை கிடைத்து வருகிறது.

    தற்போது வரத்து சீசன் ஆரம்பித்துள்ளது.படிப்படியாக அதிகரித்து சராசரியாக 70 ஆயிரம் பெட்டிகள் வரை உயரும் வாய்ப்புள்ளது.10 ஆண்டுக்கு முன் இரண்டு லட்சம் பெட்டி வரை வரத்து இருந்தது. சாகுபடி பரப்பு குறைவு, பல்வேறு இடங்களில் கொள்முதல் மையங்கள் அமைத்ததால் உடுமலை சந்தைக்கு வரத்து குறைந்துள்ளது.கடந்தாண்டு பருவ மழை பெய்ததோடு 14 கிலோ கொண்ட தக்காளி பெட்டி 900 ரூபாய் வரை விற்றதால் நடப்பு சீசனில் அதிகளவு விவசாயிகள் தக்காளி சாகுபடி செய்துள்ளனர்.இதனால் நடப்பு பருவத்தில் தக்காளி வரத்து பெருமளவு அதிகரிக்கும் வாய்ப்புள்ளது.

    உடுமலை சுற்றுப்பகுதிகளில் மட்டும் விளைச்சல், தேவை அதிகரிப்பு உள்ளிட்ட காரணங்களினால் பெரிய அளவில் விலை குறைய வாய்ப்பில்லை. இவ்வாறு வியாபாரிகள் தெரிவித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தமிழகம் முழுவதும் பரவலாக மழை பெய்து வருவதால் தக்காளி விளைச்சல் பாதிக்கப்பட்டு வரத்து குறைய தொடங்கியுள்ளது. இதன் எதிரொலியாக தக்காளி விலையும் அதிகரித்துள்ளது.
    • இன்று வ.உ.சி காய்கறி மார்க்கெட்டில் கிருஷ்ணகிரி, ஆந்திராவில் இருந்து 10 டன் தக்காளி மட்டும் விற்பனைக்கு வந்துள்ளது.

    ஈரோடு:

    ஈரோடு வ.உ.சி. காய்கறி மார்க்கெட்டுக்கு தினமும் ஆந்திரா, கிருஷ்ணகிரி, ஒட்டன்சத்திரம், தாளவாடி போன்ற பகுதிகளில் இருந்து தக்காளி அதிக அளவில் விற்பனைக்கு கொண்டு வரப்பட்டது. தினமும் 15 டன் தக்காளி லோடு விற்பனைக்கு வந்தது.

    இந்நிலையில் சமீபகாலமாக தக்காளி விலை கூடுவதும் குறைவதுமாக நிலையற்ற தன்மையுடன் இருந்து வருகிறது. நேற்று வ.உ.சி. மார்க்கெட்டில் ஒரு கிலோ தக்காளி ரூ.35-க்கு விற்பனையானது. நேற்று 15 டன் தக்காளி விற்பனைக்கு வந்தது.

    இந்நிலையில் தமிழகம் முழுவதும் பரவலாக மழை பெய்து வருவதால் தக்காளி விளைச்சல் பாதிக்கப்பட்டு வரத்து குறைய தொடங்கியுள்ளது. இதன் எதிரொலியாக தக்காளி விலையும் அதிகரித்துள்ளது.

    இன்று வ.உ.சி காய்கறி மார்க்கெட்டில் கிருஷ்ணகிரி, ஆந்திராவில் இருந்து 10 டன் தக்காளி மட்டும் விற்பனைக்கு வந்துள்ளது. நேற்றைவிட இன்று வரத்து குறைந்ததால் தக்காளி விலையும் அதிகரித்தது. இன்று சுமாரான தக்காளி ஒரு கிலோ ரூ.45-க்கும், நல்ல தக்காளி ஒரு கிலோ ரூ.50-க்கும் விற்பனையானது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மழை முடியும் வரை தக்காளி விலையில் ஏற்றம், இறக்கம் இருக்கும் என்று வியாபாரிகள் தெரிவித்து உள்ளனர்.
    போரூர்:

    கோயம்பேடு மார்க்கெட்டுக்கு வழக்கமாக ஆந்திரா, கர்நாடகா மாநிலங்களில் இருந்து அதிக அளவு தக்காளி விற்பனைக்கு வருவது வழக்கம்.

    தற்போது பெய்து வரும் பலத்தமழை காரணமாக கோயம்பேடு சந்தைக்கு கடந்த சில நாட்களாக தக்காளி வரத்து பாதியாக குறைந்து.

    இதனால் தக்காளி விலை திடீரென அதிகரித்தது. மொத்த விற்பனையில் ஒரு கிலோ தக்காளி ரூ.100 வரையிலும், வெளி மார்க்கெட்டில் உள்ள சில்லரை கடைகளில் ஒரு கிலோ ரூ.150 வரையிலும் விற்பனை செய்யப்பட்டது.

    பின்னர் கனமழை இல்லாததால் கடந்த 3 நாட்களாக கோயம்பேடு சந்தைக்கு தக்காளி வரத்து மீண்டும் அதிகரிக்க தொடங்கியது . இதனால் தக்காளி விலை ரூ.50 ஆக குறைந்தது. இதனால் இல்லத்தரசிகள் நிம்மதி அடைந்து இருந்தனர்.

    இந்த நிலையில் மீண்டும் கனமழை பெய்யத்தொடங்கி இருப்பதால் கோயம்பேடு மார்க்கெட்டுக்கு தக்காளி வரத்து இன்று குறைந்தது. 51 லாரிகளில் மட்டும் தக்காளி விற்பனைக்கு வந்தது. சாதாரண நாட்களில் 60 முதல் 70 லாரிகளில் தக்காளி விற்பனைக்கு வருவது வழக்கம்.

    தக்காளி வரத்து குறைந்ததால் மீண்டும் விலை அதிகரிக்கத் தொடங்கி உள்ளது. இன்று மொத்த விற்பனை கடைகளில் ஒரு கிலோ ரூ.60-க்கும், சில்லரை கடைகளில் கிலோ ரூ.80-க்கும் விற்பனை செய்யப்பட்டு வருகிறது. இதனால் இல்லத்தரசிகள் மீண்டும் கவலை அடைந்து உள்ளனர். மழை முடியும் வரை தக்காளி விலையில் ஏற்றம், இறக்கம் இருக்கும் என்று வியாபாரிகள் தெரிவித்து உள்ளனர்.

    இதுகுறித்து தக்காளி மொத்த வியாபாரி ஜாபர் அலி சேட் கூறியதாவது:-

    தமிழகத்தில் தக்காளி உற்பத்தி நடைபெற்று வரும் பழனி, ஒட்டன்சத்திரம், உடுமலைப்பேட்டை ஆகிய பகுதிகளில் மழை தொடர்ந்து பெய்து வருகிறது. இதன் காரணமாக அங்கு நடைபெற்று வந்த தக்காளி உற்பத்தி பாதிக்கப்பட்டுள்ளது. இதையடுத்து திருச்சி, மதுரை உள்ளிட்ட தென்மாவட்ட வியாபாரிகள் கர்நாடகா, ஆந்திரா மாநிலங்களில் இருந்து தக்காளியை கொள்முதல் செய்து வருகின்றனர்.

    இதன் காரணமாக தக்காளி தேவை அதிகரித்து உள்ளது. மேலும் இந்த பகுதிகளில் மீண்டும் 2 நாட்களாக மழை பெய்து வருவதால் தக்காளி உற்பத்தி பாதிக்கப்பட்டு விலை அதிகரிக்க தொடங்கி உள்ளது.

    இவ்வாறு அவர் கூறினார்.



    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ஆந்திரா, கர்நாடகா பகுதிகளில் தக்காளி சீசன் தொடங்கியுள்ளதால் வருகிற நாட்களில் தக்காளி விலை இன்னும் குறைய வாய்ப்புள்ளதாக வியாபாரிகள் தெரிவிக்கின்றனர்.
    கோவை:

    தமிழகத்தில் பெய்து வரும் கனமழை காரணமாகவும், வரத்து குறைவு காரணமாகவும் காய்கறிகளின் விலை கடுமையாக உயர்ந்துள்ளது.

    குறிப்பாக கோவையில் கடந்த 2 நாட்களுக்கு முன்பு தக்காளி ரூ.100-ஐ தாண்டி விற்பனையானது. இதனால் பொதுமக்கள் கடுமையாக பாதிக்கப்பட்டனர். இதனையடுத்து பசுமை பண்ணை கடைகளில் கிலோ ரூ.75-க்கு தக்காளி விற்பனை செய்ய அரசு சார்பில் நடவடிக்கை எடுக்கப்பட்டது.

    இந்த நிலையில் கோவை மார்க்கெட்டுகளுக்கு ஆந்திரா, கர்நாடகா உள்ளிட்ட மாநிலங்களில் இருந்து தக்காளி வரத்து தற்போது அதிகரித்துள்ளது. இதனால் தக்காளியின் விலையும் அதிரடியாக குறைந்துள்ளது. கடந்த 2 நாட்களுக்கு முன்பு கிலோ ரூ.100 முதல் ரூ.120-க்கு விற்பனையான தக்காளி நேற்று கிலோ ரூ.60க்கு விற்பனையானது. இன்று காலை கோவை தியாகி குமரன் மார்க்கெட்டில் நாட்டு தக்காளி ரூ.50க்கும், ஆப்பிள் தக்காளி ரூ.50க்கும் விற்பனையாகி வருகிறது. 2 நாட்களாக விலை உயர்ந்து காணப்பட்ட தக்காளியின் விலை இன்று குறைந்ததால் மக்களும் நிம்மதி அடைந்தனர். அவர்கள் மார்க்கெட்டுகளில் வழக்கம் போல் தக்காளி மற்ற காய்கறிகளை வாங்கி சென்றனர்.

    இதேபோல் கோவை உழவர்சந்தைகளில் தக்காளி கிலோ ரூ.58க்கு விற்பனையாகி வருகிறது. ஆந்திரா, கர்நாடகா பகுதிகளில் தக்காளி சீசன் தொடங்கியுள்ளதால் வருகிற நாட்களில் தக்காளி விலை இன்னும் குறைய வாய்ப்புள்ளதாக வியாபாரிகள் தெரிவிக்கின்றனர்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    வேலூர் மார்க்கெட்டிற்கு இன்று தக்காளி வரத்து அதிகமானதால் விலை ஓரளவு குறைந்தது. கிலோ ரூ.50 முதல் அதிகபட்சமாக ரூ.60 வரை விற்பனையானது.

    வேலூர்:

    வேலூர் நேதாஜி மார்க்கெட்டுக்கு ஆந்திரா, கர்நாடகா உள்ளிட்ட மாநிலங்களில் இருந்து காய்கறிகள் விற்பனைக்கு வருகிறது. இதுதவிர வேலூர் மற்றும் அண்டை மாவட்டங்களில் விளைவிக்கப்படும் காய்கறிகளும் கொண்டு வரப்படுகிறது. இந்தநிலையில் மழையின் காரணமாக காய்கறிகளின் விலை அதிகரித்துள்ளது.

    கடந்த சில நாட்களாக தக்காளி ஒரு கிலோ ரூ.100-யை தாண்டி விற்பனையானது.

    இதனைத் தொடர்ந்து காட்பாடி காங்கேயநல்லூர் ரோட்டில் உள்ள பசுமை பண்ணை அங்காடியில் தக்காளி விற்பனை செய்ய ஏற்பாடு செய்யப்பட்டுள்ளது. இன்று பசுமை பண்ணை அங்காடியில் ஒரு கிலோ தக்காளி ரூ. 69-க்கு விற்பனை செய்யப்பட்டது. இதனை ஆர்வமுடன் பொதுமக்கள் வாங்கி சென்றனர்.

    வேலூர் மார்க்கெட்டிற்கு இன்று தக்காளி வரத்து அதிகமானதால் விலை ஓரளவு குறைந்தது. கிலோ ரூ.50 முதல் அதிகபட்சமாக ரூ.60 வரை விற்பனையானது.

    நேதாஜி மார்க்கெட்டில் (ஒருகிலோவிற்கு) கத்தரி ரூ.100, வெண்டைக்காய் ரூ.100, கேரட் ரூ.60, பீன்ஸ் ரூ.70 என விற்பனை செய்யப்படுகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மதுரையில் தக்காளி விலை படிப்படியாக குறையத் தொடங்கியுள்ளது. தள்ளுவண்டிகளில் 50 ரூபாய்க்கு தக்காளி விற்கப்பட்டதால் பொதுமக்கள் ஆர்வத்துடன் வாங்கி சென்றனர்.
    மதுரை:

    மதுரை மாவட்டத்தில் கடந்த சில நாட்களாக மழை பாதிப்பு காரணமாக தக்காளி உள்ளிட்ட நாட்டு காய்கறிகள் வரத்து பாதியாக குறைந்தது.

    இதனால் மார்க்கெட்டுகளில் தக்காளி, கத்தரிக்காய், முருங்கைக்காய் உள்ளிட்ட நாட்டுக்காய்கறிகள் 100 ரூபாயை தாண்டி விற்பனையானது.

    குறிப்பாக தக்காளி வரத்து வெகுவாக குறைந்ததால் கடும் கிராக்கி ஏற்பட்டதுடன் விலை கணிசமாக உயர்ந்தது. மொத்த விலை 80 ரூபாய் வரை விற்கப்பட்ட தக்காளி வெளி மார்க்கெட்டுகளில் 130 ரூபாய் வரை விற்கப்பட்டது. இதனால் பொதுமக்கள் பெரும் அவதி அடைந்தனர்.

    இந்த நிலையில் மதுரை மாவட்டத்தில் தக்காளி வரத்து படிப்படியாக அதிகரிக்கத் தொடங்கியுள்ளது. இதனால் அதன் விலையும் ஒவ்வொரு நாளும் குறைந்து வருகிறது.

    மதுரை மாட்டுத்தாவணி மொத்த காய்கறி அங்காடியில் 80 ரூபாய்க்கு தக்காளி விற்கப்பட்டது. அதுபோல உழவர் சந்தையில் தக்காளி 80 ரூபாய் முதல் 90 ரூபாய் வரை விற்கப்பட்டது.

    சாலையோரங்களில் தள்ளுவண்டிகள் மூலம் ஒரு கிலோ தக்காளி 50 ரூபாய்க்கு விற்பனை செய்யப்பட்டது. மதுரை மற்றும் அதன் சுற்றுவட்டாரப் பகுதிகளில் உள்ள விவசாயிகள் தக்காளியை நேரடியாக கொண்டு வந்து விற்பனை செய்தனர்.

    தள்ளுவண்டிகள் மூலம் விற்பனை செய்யப்பட்ட தக்காளி விலை மிகவும் குறைவாக இருந்ததால் பொதுமக்கள் மகிழ்ச்சியுடன் கிலோ கணக்கில் தக்காளியை வாங்கி சென்றனர்.

    மதுரை மார்க்கெட்டில் தக்காளி விலை அதிகரித்தாலும் விவசாயிகளிடம் வியாபாரிகள் 25 முதல் 40 ரூபாய் வரை கொள்முதல் செய்வதாக தெரிகிறது.

    இதனால் சில விவசாயிகள் நேரடியாக பொதுமக்களுக்கு தக்காளியை 50 ரூபாய் விலைக்கு விற்பனை செய்ய தொடங்கியுள்ளனர். 

    வியாபாரிகள் அதிகளவில் தக்காளியை கொள்முதல் செய்து பதுக்குவதாகவும் புகார் எழுந்துள்ளது.

    எனவே இது தொடர்பாக அதிகாரிகள் சம்பந்தப்பட்ட காய்கறி குடோன்களில் அதிரடி சோதனை நடத்தி தக்காளி பதுக்கலை தடுக்க நடவடிக்கை எடுக்க வேண்டும் என்று விவசாயிகளும், பொதுமக்களும் கோரிக்கை வைத்துள்ளனர்.

    வரத்து அதிகரித்துள்ளதால் மதுரையில் தக்காளி விலை படிப்படியாக குறைய வாய்ப்பிருப்பதாக வியாபாரிகள் தெரிவித்துள்ளனர். 
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp