என் மலர்

    நீங்கள் தேடியது "Cotton"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • திருச்செங்கோடு வேளாண்மை உற்பத்தியா–ளர்கள் கூட்டுறவு விற்பனைச் சங்கத்தின் மாணிக்கம்பாளையம் மையத்தில் பருத்தி ஏலம் நடைபெற்றது.
    • மொத்தம் ரூ.17.21 லட்சத்திற்கு விற்பனை ஆனது என அதிகாரிகள் தெரிவித்தனர்.

    திருச்செங்கோடு:

    திருச்செங்கோடு வேளாண்மை உற்பத்தியா–ளர்கள் கூட்டுறவு விற்பனைச் சங்கத்தின் மாணிக்கம்பாளையம் மையத்தில் பருத்தி ஏலம் நடைபெற்றது. இதில் விற்பனைக்காக 470 பருத்தி மூட்டைகள் வந்தன.

    பி.டி. ரக பருத்தி குவிண்டாலுக்கு ரூ.10 ஆயிரத்து 199 முதல் ரூ.11 ஆயிரத்து 202 வரையிலும், சுரபி ரக பருத்தி குவிண்டாலுக்கு ரூ.10 ஆயிரத்து 499 முதல் ரூ.11 ஆயிரத்து 352 வரையிலும் என மொத்தம் ரூ.17.21 லட்சத்திற்கு விற்பனை ஆனது என அதிகாரிகள் தெரிவித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • விவசாயிகள் சுமார் 11 ஆயிரம் பருத்தி மூட்டைகளை விற்பனைக்கு கொண்டு வந்திருந்தனர்.
    • தொடர்ந்து 4 வாரமாக அதிக பருத்தி மூட்டைகள் வரத்து வந்து ரூ.3 கோடிக்கு மேல் விற்பனையாவது இதுவே முதல் முறையாகும்.

    அம்மாப்பேட்டை:

    அம்மாபேட்டை அருகே உள்ள பூதப்பாடி ஒழுங்குமுறை விற்பனை கூடத்தில் வாரந்தோறும் புதன்கிழமை பருத்தி ஏலம் நடைபெற்று வருகிறது.

    இந்த வாரம் நடைபெற்ற ஏலத்திற்கு கர்நாடக மாநிலம் மைசூர், மற்றும் தருமபுரி, சேலம், கொளத்தூர், கொங்கணாபுரம், மேட்டூர், ஈரோடு மாவட்டம் பெருந்துறை, பவானி, அந்தியூர், அம்மாபேட்டை ஆகிய சுற்றுவட்டார பகுதியில் இருந்து ஏராளமான விவசாயிகள் சுமார் 11 ஆயிரம் பருத்தி மூட்டைகளை விற்பனைக்கு கொண்டு வந்திருந்தனர்.

    ஒழுங்குமுறை விற்பனைக்கூட கண்கா ணிப்பாளர் சந்திரசேகரன் முன்னிலையில் ஏலம் நடைபெற்றது. இதில் பி.டி ரக பருத்தி குவிண்டால் குறைந்தபட்சமாக ரூ.8 ஆயிரத்து 879-க்கும், அதிகபட்சமாக ரூ.9 ஆயிரத்து 919-க்கும் என ஏலம் போனது. மொத்தம் சுமார் 3 கோடியே 50 லட்சத்துக்கு விற்பனையானது.

    இதனை ஆந்திர மாநில வியாபாரிகள் மற்றும் கோவை, அன்னூர், புளியம்பட்டி, சத்தியமங்கலம், தர்மபுரி, திருப்பூர், கொங்கணாபுரம், பெருந்துறை, பவானி, அந்தியூர் ஆகிய பகுதிகளில் இருந்து வியாபாரிகள் வந்து போட்டி போட்டு ஏலம் எடுத்து சென்றனர்.

    தொடர்ந்து 4 வாரமாக அதிக பருத்தி மூட்டைகள் வரத்து வந்து ரூ.3 கோடிக்கு மேல் விற்பனையாவது இதுவே முதல் முறையாகும்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மூன்று நாட்களுக்கு முன்பு இருந்தே விவசாயிகள் பருத்தி மூட்டைகளுடன் ஒழுங்குமுறை விற்பனை கூடத்தில் காத்திருந்தனர்.
    • ஒரு வாரமாக ஒழுங்குமுறை விற்பனை கூடத்தில் வைக்கப்பட்டுள்ள பருத்தியை கொள்முதல் செய்யவில்லை என்றால் மீண்டும் போராட்டம் நடத்துவோம்.

    தரங்கம்பாடி:

    மயிலாடுதுறை மாவட்டத்தில் நடப்பு ஆண்டில் 4986 ஹெக்டேரில் விவசாயிகள் பருத்தி சாகுபடி செய்துள்ளனர். இந்நிலையில் செம்பனார்கோயில் ஒழுங்குமுறை விற்பனை கூடத்தில் வாரந்தோறும் திங்கள்கிழமையன்று நடப்பு ஆண்டுக்கான கொள்முதல் நடைபெற்று வருகிறது. இங்கு 2 ஆயிரத்திற்கும் மேற்பட்ட விவசாயிகள் பருத்தியை விற்பனை செய்து வருகின்றனர். நேற்று பருத்தி விற்பனை செய்வதற்காக மூன்று நாட்களுக்கு முன்பில் இருந்தே விவசாயிகள் பருத்தி மூட்டைகளுடன் ஒழுங்குமுறை விற்பனை கூடத்தில் காத்திருந்தனர்.

    ஆனால் பருத்தியை கொள்முதல் செய்ய வரவேண்டிய வியாபாரிகள் மாலை 6 மணியாகியும் வரவில்லை. இதனால் ஆத்திரமடைந்த 500-க்கும் மேற்பட்ட விவசாயிகள் பருத்தி மூட்டைக–ளுடன் மயிலா–டுதுறை- தரங்கம்பாடி சாலை செம்பனார்கோயில் கீழமுக்கூட்டு என்ற இட–த்தில் சாலை மறியல் போராட்டத்தில் ஈடுபட்டனர்.

    தகவல் அறிந்த தரங்கம்பாடி தாலுகா அலுவலர்கள், விவசாயிகளிடம் பேச்சு–வார்த்தை நடத்தினர். அதில் விவசாயிகளின் பருத்தியை வியாபாரிகள் மூலம் கொள்முதல் செய்ய நடவடிக்கை எடுப்பதாக உறுதி அளிக்கப்பட்டது. அதற்கு விவசாயிகள், கடந்த ஒரு வாரமாக ஒழுங்குமுறை விற்பனை கூடத்தில் வைக்கப்பட்டுள்ள பருத்தியை கொள்முதல் செய்யவில்லை என்றால் மீண்டும் போராட்டம் நடத்துவோம் என்று கூறி கலைந்து சென்றனர். சுமார் 4 மணி நேரம் நடந்த இந்த சாலை மறியலால் போக்குவரத்து பாதிக்கப்பட்டது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வெள்ளை நிற மாவு போன்ற பூச்சிகள் இலை, தண்டு மற்றும் குருத்து பகுதிகளில் காணப்படுகிறது.
    • பூஞ்சாண வளர்ச்சி தோன்றும், தாக்கப்பட்ட செடிகள் வாடி கருப்பு நிறமாக மாறிவிடும்.

    செய்துங்கநல்லூர்:

    கருங்குளம் வட்டார வேளாண்மை உதவி இயக்குநர் இசக்கியப்பன் வெளியிட்டுள்ள செய்திக்குறிப்பில் கூறியிருப்பதாவது:-

    கருங்குளம் வட்டாரத்தில் விவசாயிகள் பருத்தி சாகுபடி செய்து வருகின்றனர். தற்போது பூ பிடிக்கும் பருவம், காய் தோன்றும் பருவம், காய் எடுக்கும் பருவம் ஆகிய மூன்று நிலைகளில் பருத்தி சாகுபடி செய்யப்பட்டு வருகிறது. பருத்தியில் தற்போது மாவுப்பூச்சி தாக்குதல் காணப்படுகிறது.

    வெள்ளை நிற மாவு போன்ற பூச்சிகள் இலை, தண்டு மற்றும் குருத்து பகுதிகளில் காணப்படுகிறது. தாக்கப்பட்ட செடிகள் இலையின் அடிப்பகுதியில் கூட்டமாக மெழுகு போன்று காணப்படும். பூஞ்சாண வளர்ச்சி தோன்றும், தாக்கப்பட்ட செடிகள் வாடி கருப்பு நிறமாக மாறிவிடும்.

    மாவுப்பூச்சியின் தாக்குதல் ஆரம்பநிலையில் இருக்கும் போது பாதிக்கப்பட்ட செடியினை பிடுங்கி எறிந்து விட வேண்டும். தாக்கப்பட்ட செடியின் மீது அதிக வேகத்துடன் தண்ணீர் பீச்சி அடிக்க வேண்டும். மீன் எண்ணெய் ரோசின் சோப் ஒரு லிட்டர் நீருக்கு 25 கிராம் கலந்து தெளிக்க வேண்டும். அல்லது வேப்ப எண்ணெய் 20 மில்லி மருந்தினை ஒரு லிட்டர் நீரில் கலந்து தெளிக்கலாம்.

    வேப்பங்கொட்டைச்சாறு 50 கிராமினை ஒரு லிட்டர் தண்ணீரில் கலந்து தெளிக்கலாம். மாவுப்பூச்சியின் தாக்குதல் அதிகமாகும் போது பூச்சிகொல்லி மருந்தினை ஒரு ஏக்கருக்கு தெளிப்பதன் மூலம் மாவுப்பூச்சி தாக்குதலை கட்டுப்படுத்தலாம். தையோடிகார்ப் 75டபில்யூபி மருந்தினை 750 கிராம் அல்லது அஸிப்பேட் 75எஸ்பி 2 கிலோ அல்லது டைமீதோயேட் மருந்தினை 1 லிட்டர் அல்லது கார்பரில் 50பில்யூபி ஏக்கருக்கு 2.5 கிலோ அல்லது இமிடாகுளோபிரிட் 90 மிலி என்ற அளவில் கலந்து கைத்தெளிப்பான் கொண்டு காலை அல்லது மாலை வேளைகளில் தெளித்து கட்டுப்படுத்திட வேண்டும். இவ்வாறு அதில் கூறப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • விவசாயிகள் கொண்டு வந்த பருத்தி இன்று ஏலம் விடப்பட்டு, ஏல தொகை அறிவிப்பு ஒட்டப்பட்டது.
    • குவிண்டாலுக்கு ரூ.4 ஆயிரம் மற்றும் ரூ 5 ஆயிரம் வரை மட்டுமே வியாபாரிகளால் விலை நிர்ணயம் செய்யப்பட்டது.

    சீர்காழி:

    மயிலாடுதுறை மாவட்டம் சீர்காழி அடுத்த எருக்கூரில் வேளாண்மை ஒழுங்குமுறை விற்பனை கூடம் உள்ளதுஇங்கு வாரந்தோறும் காட்டும ன்னார்கோவில், சிதம்பரம், சீர்காழி, கொள்ளி டம், வைத்தீஸ்வரன் கோயில் திருவெண்காடு, மற்றும் சுற்றுவட்டார பகுதிகளில் இருந்து பல விவசாயிகள் தாங்கள் விளைவித்த பருத்தியை விற்பனைக்காக கொண்டு வருவது வழக்கம்.

    அதன்படி விவசாயிகள் கொண்டு வந்த பருத்தி இன்று ஏலம் விடப்பட்டு, ஏலத் தொகை அறிவிப்பு ஒட்டப்பட்டது.

    ஏலத்தில் அரசு 1குவிண்டாலிற்கு நிர்ணயத்த விலையை விட மிக குறைவாக குவிண்டாலுக்கு ரூ.4 ஆயிரம் மற்றும் ரூ 5 ஆயிரம் வரை மட்டுமே வியாபாரிகளால் விலை நிர்ணயம் செய்யப்பட்டது. இதனால் இரவு, பகலாக கண்விழித்து ஏல விற்பனைக்காக காத்திருந்த விவசாயிகள் ஆத்திரம் அடைந்து பருத்தி ஒழுங்கு முறை விற்பனை கூட அதிகாரிகளை முற்றுகை யிட்டு திடீர் போராட்டத்தில் ஈடுபட்டனர்.அரசு நிர்ணயித்த விலையை நிர்ணயிக்கக் கூறி கண்டன கோஷங்கள் எழுப்பினர். தொடர்ந்து தேசிய நெடுஞ்சாலையில் ஒன்று கூடி சாலை மறியல் செய்தனர். தகவல் அறிந்த சீர்காழி வட்டாட்சியர் செந்தில்குமார்மற்றும் கொள்ளிடம் போலீசார் விரைந்து வந்து விவசாயி களிடம் பேச்சுவார்த்தை நடத்தினர்.

    பேச்சு வார்த்தை யில் வரும் வாரங்களில் விவசாயிகளின் கோரிக்கையை ஏற்று விலை நிர்ணயம் செய்யப்படும் எனவும், பகல் நேரத்தில் ஏலம் விடவும் நடவடிக்கை எடுக்கப்படும் என கூறியதை யடுத்து பருத்தி விவசாயிகள் போராட்டத்தை கைவி ட்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சேலம், ஆத்தூர், ராசிபுரம், அவிநாசி உள்பட பல்வேறு பகுதிகளைச் சேர்ந்த வியாபாரிகள் ஏலத்தில் கலந்துகொண்டு பருத்தியை எடுத்தனர்.
    • ராசிபுரம் அருகே உள்ள அக்கரைபட்டியில் பருத்தி ஏலம் நடந்தது.

    ராசிபுரம்:

    ராசிபுரம் வேளாண்மை உற்பத்தியாளர்கள் கூட்டுறவு விற்பனை சங்கத்தின் மூலம் ராசிபுரம் அருகே உள்ள அக்கரைபட்டியில் பருத்தி ஏலம் நடந்தது.

    ஏலத்தில் மல்லசமுத்திரம், வையப்பமலை, பெரிய மணலி, சின்ன மணலி, மதியம்பட்டி, அக்க–ரைப்பட்டி, மின்னாம்பள்ளி, சவுதாபுரம், நாட்டாமங்கலம், எலச்சிபாளையம், கோக்களை உள்பட சுற்று வட்டார கிராமங்களைச் சேர்ந்த விவசாயிகள் பருத்தி ஏலத்திற்கு கொண்டு வந்திருந்தனர்.

    சேலம், ஆத்தூர், ராசிபுரம், அவிநாசி உள்பட பல்வேறு பகுதிகளைச் சேர்ந்த வியாபாரிகள் ஏலத்தில் கலந்துகொண்டு பருத்தியை எடுத்தனர். நேற்று நடந்த இந்த ஏலத்தில் 1947 சுரபிரக பருத்தி மூட்டைகள் ரூ.60 லட்சத்திற்கு ஏலம் விடப்பட்டது. அப்போது சுரபி ரக பருத்தி ஒரு குவிண்டால் ரூ.8250-க்கும், அதிகபபட்சமாக ஒரு குவிண்டால் அதிகபட்சமாக ரூ.9761-க்கு விடப்பட்டது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பருத்தி ஏலத்தில் பாபநாசம் சுற்றியுள்ள கிராமத்திலிருந்து மொத்தம் 2287 லாட், சுமார் 3542.70 குவிண்டால் பருத்தி கொண்டுவரப்பெற்றது.
    • கும்பகோணம், பண்ரூட்டி, திருப்பூர், தேனி மற்றும் செம்பனார்கோவில், குன்னூர், தெலுங்கானா சார்ந்த 11 வியாபாரிகள் ஏலத்தில் கலந்து கொண்டனர்.

    பாபநாசம்:

    தஞ்சாவூர் விற்பனைக்குழு, விளம்பரம் மற்றும் பிரசாரம் கண்காணிப்பாளர் சித்தார்த்தன் தலைமையிலும், தஞ்சாவூர் விற்பனைக்கூட கண்காணிப்பாளர் முருகானந்தம், பாபநாசம் ஒழுங்குமுறை விற்பனைக்கூட கண்காணிப்பாளர் தாட்சாயினி, மேற்பார்வையாளர் அன்பழகன் ஆகியோர் முன்னிலையில் பருத்தி ஏலம் நடைபெற்றது.

    பருத்தி ஏலத்தில் பாபநாசம் சுற்றியுள்ள கிராமத்திலிருந்து மொத்தம் 2287 லாட், சுமார் 3542.70 குவிண்டால் பருத்தி கொண்டுவரப்பெற்றது. கும்பகோணம், பண்ரூட்டி, திருப்பூர், தேனி மற்றும் செம்பனார்கோவில், குன்னூர், தெலுங்கானா சார்ந்த 11 வியாபாரிகள் ஏலத்தில் கலந்து கொண்டனர். பருத்தியின் மதிப்பு சராசரியாக ரூ.3 கோடி ஆகும். இதில் தனியார் வியாபாரிகளின் அதிகபட்ச விலை ரூ.9,719/- குறைந்தபட்ச விலை ரூ.8,149/- சராசரி மதிப்பு ரூ.9,000/- என விலை நிர்ணயம் செய்யப்பட்டது. பாதுகாப்பு ஏற்பாடுகளை பாபநாசம் போலீசார்கள் செய்திருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பருத்தி ஏலத்துக்கு மொத்தம் 2,007 பருத்தி மூட்டைகள் கொண்டு வரப்பட்டிருந்தன.
    • குவிண்டால் ஒன்றுக்கு ரூ. 2,000 முதல் ரூ.4,000 வரையிலும் ஏலம் போனது.

    அவினாசி:

    அவிநாசி வேளாண்மை உற்பத்தியாளா்கள் கூட்டுறவு விற்பனை சங்கத்தில் புதன்கிழமை நடைபெற்ற பருத்தி ஏலத்தில் ரூ.48லட்சத்து 27ஆயிரத்துக்கு வா்த்தகம் நடைபெற்றது.இந்த வாரம் நடைபெற்ற பருத்தி ஏலத்துக்கு மொத்தம் 2,007 பருத்தி மூட்டைகள் கொண்டு வரப்பட்டிருந்தன. இதில், ஆா்.சி.ஹெச். பி.டி. ரகப்பருத்தி குவிண்டால் ஒன்றுக்கு ரூ.6,500 முதல் ரூ.9,807 வரையிலும், கொட்டுரக (மட்டரக) பருத்தி குவிண்டால் ஒன்றுக்கு ரூ. 2,000 முதல் ரூ.4,000 வரையிலும் ஏலம் போனது. மொத்தம் ரூ. 48 லட்சத்து 27 ஆயிரத்துக்கு பருத்தி ஏல வா்த்தகம் நடைபெற்றது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பருத்தி நூல் விலை உயர்வால், பின்னலாடை உற்பத்தி நிறுவனங்களுக்கு ஆடை தயாரிப்புக்கான ஆர்டர் வருகை குறைந்துள்ளது.
    • தற்போதைய தொழில் சூழலில் எலாஸ்டிக் விலையை உயர்த்த முடியாத நிலை உள்ளது.

    திருப்பூர் :

    பின்னலாடை உற்பத்தி துறை சார்ந்து திருப்பூர் பகுதியில் 200 எலாஸ்டிக் உற்பத்தி நிறுவனங்கள் இயங்குகின்றன.உள்ளாடை ரகங்களில் இணைப்பதற்கான அனைத்துவகை எலாஸ்டிக் ரகங்களையும் இந்நிறுவனங்கள் உற்பத்தி செய்கின்றன.கேரளாவில் இருந்து ரப்பர், குஜராத், மகாராஷ்டிரா மாநிலங்களில் இருந்து பாலியஸ்டர் உள்ளிட்ட பிரதான மூலப்பொருட்களை எலாஸ்டிக் உற்பத்தி நிறுவனங்கள் பெறுகின்றன.வழக்கமாக ரப்பர் விலை திடீரென உயர்ந்து எலாஸ்டிக் உற்பத்தியாளர்களுக்கு அதிர்ச்சி கொடுக்கும். தற்போதுரப்பர் விலை சீராக உள்ளது.

    அதேநேரம் பாலியஸ்டர் நூல் விலை தொடர்ந்து உயர்ந்து கொண்டே செல்கிறது.கடந்த பிப்ரவரி முதல் மார்ச் வரையிலான இரு மாதங்களில் கிலோவுக்கு 20 ரூபாய் பாலியஸ்டர் நூல் விலை உயர்ந்தது. தற்போது மீண்டும் கடந்த ஒரு மாதத்தில் கிலோவுக்கு 20 ரூபாய் விலை உயர்ந்துள்ளது.

    இது குறித்து திருப்பூர் எலாஸ்டிக் உற்பத்தியாளர் சங்க தலைவர் கோவிந்தசாமி கூறியதாவது:-

    பருத்தி நூல் விலை உயர்வால், பின்னலாடை உற்பத்தி நிறுவனங்களுக்கு ஆடை தயாரிப்புக்கான ஆர்டர் வருகை குறைந்துள்ளது.இதன் எதிரொலியாக 40 சதவீத அளவிலேயே எலாஸ்டிக் உற்பத்தி நடைபெற்றுவருகிறது. கச்சா எண்ணெய் விலை உயர்வு, டாலர் விலை உயர்வால், பாலியஸ்டர் நூல் விலை சில மாதங்களாக தொடர்ந்து உயர்ந்து வருகிறது. இதுவரை இல்லாத வகையில் தற்போது ஒரே மாதத்தில் 20 ரூபாய் விலை உயர்ந்துள்ளது. ஆர்டர் வழங்கினாலும் போதுமான அளவு பாலியஸ்டர் நூல் கிடைப்பதில்லை.அதனால் எலாஸ்டிக் உற்பத்தி நிறுவனங்கள் கடுமையாக பாதித்துள்ளன. மூலப்பொருள் கொள்முதலுக்கான நிதி தேவை அதிகரித்துள்ளது.எலாஸ்டிக் உற்பத்தி செலவினம் அதிகரித்துள்ளது.

    தற்போதைய தொழில் சூழலில் எலாஸ்டிக் விலையை உயர்த்த முடியாத நிலை உள்ளது.பின்னலாடை உற்பத்தி நிறுவனங்களோ, எலாஸ்டிக்கிற்கான தொகையை வழங்க 90 நாட்களுக்கு மேல் இழுத்தடிக்கின்றன. இது, நிதி நெருக்கடியை மேலும் அதிகரிக்க செய்கிறது. முன் பணம் செலுத்தினால் மட்டுமே பாலியஸ்டர் நூல் கிடைக்கிறது.நிலுவை தொகை வசூலாவதில் உள்ள சிக்கல்களால் போதிய அளவு நூல் வாங்க முடிவதில்லை. நெருக்கடியான இந்த சூழலில், பின்னலாடை உற்பத்தி நிறுவனங்கள் 60 நாட்களுக்குள் தொகை வழங்கினாலே போதும். எலாஸ்டிக் உற்பத்தி நிறுவனங்களின் நிதி நெருக்கடி பிரச்சினைகள் ஓரளவு தீரும்.இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அந்தியூர் ஒழுங்கு முறை விற்பனை கூடத்தில் பருத்தி ஏல விற்பனை நாளை தொடங்குகிறது
    • ஈரோடு விற்பனை குழுவின் அந்தியூர் ஒழுங்கு முறை விற்பனை கூட த்தில் வாரம் தோறும் திங்கட்கிழமைகளில் பருத்தி மறைமுக ஏல விற்பனை நடைபெற உள்ளது.

    ஈரோடு:

    ஈரோடு விற்பனை குழுவின் அந்தியூர் ஒழுங்கு முறை விற்பனை கூட த்தில் வாரம் தோறும் திங்கட்கிழமைகளில் பருத்தி மறைமுக ஏல விற்பனை நடைபெற உள்ளது. இதை யொட்டி அந்தியூர் ஒழுங்கு முறை விற்பனை கூடத்தில் நாளை (திங்கட் கிழமை) முதல் மாசிப்பட்ட பருத்தி ஏல விற்பனை தொடங்குகிறது.

    இந்த மறைமுக ஏல விற்பனையில் உள்ளூர் மற்றும் வெளி மாவட்ட மொத்த வியாபாரிகள், அறவை ஆலை மற்றும் நூற்பு ஆலை உரிமையாளர்கள் கலந்து கொண்டு கொள் முதல் செய்வதற்கு ஏற்பாடு செய்யப்பட்டு உள்ளது.

    எனவே விவசாயிகள் நன்கு முதிர்ந்த மலர்ந்த வெடித்த பருத்திகளை பறித்து நிழலில் உலர வைத்து தூசி மற்றும் சருகுகளை நீக்கி ரகம் வாரியாக தனித்தனியாக பிரித்து விற்பனை கூடத்தில் நடக்கும் ஏலத்துக்கு கொண்டு வர வேண்டும்.

    இதன் மூலம் விவசாயி களின் விளை பொரு ட்களுக்கு சரியான எடை, போட்டி விலை உடனடி பணம் எந்த விதமான பிடித்தம் இன்றி நல்ல விலைக்கு விற்று பயன் பெறலாம் என ஈரோடு விற்பனைக்குழு வேளாண்மை துணை இயக்குனர், செயலாளர் மற்றும் அந்தியூர் ஒழுங்கு முறை விற்பனைக்கூட கண்காணிப்பாளர் ஆகி யோர் தெரிவித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கடந்த 2017 ம் ஆண்டு வெளியிடப்பட்ட எஸ்விபிஆர்6 ரக பருத்தியானது நீண்ட இழைப் பருத்தியாகும்.
    • விதைகளைப் பெற்று பருத்தி சாகுபடி செய்வதன் மூலம் விவசாயிகள் பலன் பெறலாம்.

    உடுமலை,

    பருத்தி சாகுபடி அதிகரிப்பதால் அதற்கான விதைத் தேவையும் அதிகரித்துள்ளது. இதனையடுத்து விதை உற்பத்தியின் மூலம் வருவாய் ஈட்டும் வாய்ப்பு விவசாயிகளுக்கு வழங்கப்படுகிறது.

    இந்தநிலையில் பருத்தி அபிவிருத்தி மற்றும் ஆராய்ச்சிக் கழகம் (சைமா) மூலம் உடுமலையையடுத்த சந்தனக்கருப்பனூர் விவசாயி ராஜேந்திரன் தோட்டத்தில் பருத்தி விதைப்பண்ணை அமைக்கப்பட்டுள்ளது.இந்த விதைப்பண்ணையை திருப்பூர் மாவட்ட விதைச்சான்று மற்றும் அங்ககச்சான்று உதவி இயக்குனர் மாரிமுத்து ஆய்வு செய்தார்.அப்போது அவர் கூறியதாவது:- ஸ்ரீவில்லிபுத்தூரில் உள்ள பருத்தி ஆராய்ச்சி நிலையத்தின் மூலம் கடந்த 2017 ம் ஆண்டு வெளியிடப்பட்ட எஸ்விபிஆர்6 ரக பருத்தியானது நீண்ட இழைப் பருத்தியாகும்.அதிக உற்பத்தித்திறன் கொண்ட இந்த ரகம் தமிழகத்தில் நீர்ப்பாசனம் உள்ள பகுதிகளில் கோடையில் சாகுபடி செய்வதற்கு ஏற்ற ரகமாகும். 155 நாட்கள் வாழ்நாள் கொண்ட இந்த ரகம் ஒரு ஏக்கருக்கு 1,357 கிலோ வரை மகசூல் தரக்கூடியது. மேலும் பாக்டீரியா, இலைக்கருகல் மற்றும் இலைப்புள்ளி நோய்களுக்கு அதிக எதிர்ப்புத் திறன் கொண்டது. தரமான சான்று பெற்ற விதைகளை விவசாயிகளுக்கு வழங்க வேண்டும் என்ற நோக்கத்தில் அமைக்கப்பட்டுள்ள பருத்தி விதைப்பண்ணையில் பூப்பருவம், முதிர்ச்சிப்பருவம், அறுவடைக்குப் பிறகு என பல்வேறு கட்டங்களில் ஆய்வுகள் மேற்கொள்ளப்படுகிறது. பிற ரகக் கலவன்கள் நீக்கப்பட்டு, வயல் தரத்தில் தேறும் தரமான விதைப் பருத்தி அறுவடை செய்யப்பட்டு அரசு அனுமதி பெற்ற விதை சுத்திகரிப்பு நிலையத்துக்கு அனுப்பப்படுகிறது. சுத்திகரிப்புப் பணி முடிந்ததும் அரசு அங்கீகாரம் பெற்ற ஆய்வகத்தில் பகுப்பாய்வு செய்யப்பட்டு முளைப்புத்திறன், ஈரப்பதம், சுத்தம் உள்ளிட்ட ஆய்வுகள் மேற்கொள்ளப்படுகிறது. விதைத் தரத்தில் தேறும் விதைகளுக்கு சான்றட்டை பொருத்தப்பட்டு, தரமான சான்று பெற்ற விதைகளாக விவசாயிகளுக்கு விநியோகிக்கப்படும்.

    அந்த விதைகளைப் பெற்று பருத்தி சாகுபடி செய்வதன் மூலம் விவசாயிகள் பலன் பெறலாம். மேலும் விதைப்பண்ணைகள் அமைக்க விரும்பும் விவசாயிகள் அருகிலுள்ள வேளாண்மை விரிவாக்க மையத்தைத் தொடர்பு கொள்ளலாம்.இவ்வாறு அவர் கூறினார்.இந்த ஆய்வின்போது விதைச்சான்று அலுவலர் ஷர்மிளா மற்றும் விவசாயிகள் உடனிருந்தனர்.

    ×