நீங்கள் தேடியது "escaped"

வேட்டவலம்:

திருவண்ணாமலையில் இருந்து விழுப்புரத்திற்கு இன்று காலை 7.30 மணியளவில் அரசு விரைவு பஸ் ஒன்று 30-க்கும் மேற்பட்ட பயணிகளுடன் புறப்பட்டு சென்றது.

திருவண்ணாமலை அடுத்த வேட்டவலம் கடை வீதியில் சென்று கொண்டிருந்தபோது பஸ்சின் டீசல் டேங்க்கில் இருந்து கசிவு ஏற்பட்டு திடீரென தீப்பற்றியது.

புகை அதிகளவு வந்ததை உடனடியாக கவனித்த பயணிகள் கத்தி கூச்சலிட்டனர். அடுத்த நொடி பஸ் நிறுத்தப்பட்டது. பயணிகள் அலறி அடித்துக் கொண்டு பஸ்சில் இருந்து கீழே இறங்கினர்.

ஏதே விபரீதம் ஏற்படும் என அச்சமடைந்த பயணிகள் மற்றும் பொதுமக்கள் பஸ்சை விட்டு சற்று தூரம் தள்ளி ஓடி நின்று பீதியில் நின்றனர்.

தகவலறிந்ததும், வேட்டவலம் தீயணைப்புத் துறையினர் விரைந்து வந்து பஸ் மீது தண்ணீரை பீய்ச்சியடித்து, தீயை அணைத்தனர். இதனால் பெரும் அசம்பா விதம் தவிர்க்கப்பட்டது.

30-க்கும் மேற்பட்ட பயணிகள் அதிர்ஷ்டவசமாக உயிர்தப்பினர். மாற்று பஸ்சில் பயணிகள் தங்களது பகுதிகளுக்கு அனுப்பி வைக்கப்பட்டனர். இந்த சம்பவத்தால் அங்கு பரபரப்பான சூழல் காணப்பட்டது.

சாத்தான்குளம்:

சாத்ததான்குளம் பண்டாரபுரத்தை சேர்ந்தவர் ராஜபாண்டி(வயது 69). அ.ம.மு.க. நிர்வாகியாக இருந்து வருகிறார். ராஜபாண்டிக்கும் அதே பகுதியை சேர்ந்த கார் டிரைவரான தங்கவேலு என்பவருக்கும் இடையே நிலம் தொடர்பாக முன்விரோதம் இருந்து வருகிறது. இது தொடர்பாக அடிக்கடி தகராறு ஏற்பட்டு வந்துள்ளது.

இந்நிலையில் அந்த நிலத்தை அளப்பதற்காக ராஜபாண்டி சென்றுள்ளார். அப்போது அங்கு வந்த ராமர் எப்படி நிலத்தை அளக்கலாம் என கூறி வாக்குவாதத்தில் ஈடுபட்டார். வாக்குவாதம் முற்றவே ஆத்திரமடைந்த ராமர், ராஜபாண்டியை அடித்து உதைத்துள்ளார்.

இதில் காயமடைந்த அவர் சாத்தான்குளம் அரசு மருத்துவமனையில் சிகிச்சைக்காக சேர்க்கப்பட்டார். இது குறித்து சாத்தான்குளம் இன்ஸ்பெக்டர் ராஜாசுந்தர் வழக்குப்பதிவு செய்து கார்டிரைவர் ராமரை வலைவீசி தேடி வருகின்றனர்.

முத்துப்பேட்டை:

முத்துப்பேட்டையை அடுத்த பேட்டை கிராமத்தில் சுக்ரீவன் வழிபட்டு வணங்கிய பழமையான சிவன்கோயில் உள்ளது. வடிவழகி என்ற சவுந்தரநாயகி அம்மன் உடனமர் சவுந்தரேஸ்வரசுவாமி எழுந்தருளி அருள்பாலிக்கும் இக்கோயிலில் திருப்பணிகள் நீண்ட நாட்களாக பக்தர்கள் உதவியுடன் நடந்து வருகின்றன.

இந்நிலையில் கடந்த 18-ந்தேதி காலை வழக்கம்போல் பணியாளர்கள் கோவிலை திறந்து அன்றாட பூஜைக்கு தயாராகினர். அப்போது குருக்கள் பாலாஜி வந்திருந்த பக்தர்களுக்கு அர்ச்சனை செய்து வந்தார். அப்போது 30வயது மதிக்கக்கூடிய வாலிபர் ஒருவர் அர்ச்சனை செய்துவிட்டு சன்னதியை சுற்றிவந்தார். இந்த வேளையில் குருக்கள் பாலாஜி பிரசாத தயாரிப்பில் ஈடுபட்டார். இதனை நோட்டமிட்ட வாலிபர் திடீரென்று கருவறைக்குள் புகுந்து தான் கொண்டுவந்த கட்டிங் பிளேடால் வடிவழகி அம்மன் கழுத்தில் இருந்த தங்க செயினை துண்டித்து எடுத்து கொண்டு அங்கிருந்து அவசர அவசரமாக வெளியேறி விட்டார்.

இதனை பார்த்த குருக்கள் சந்தேகம் அடைந்து சாமியை பார்த்தபோது கழுத்தில் இருந்த தங்க செயின் திருட்டு போனது தெரியவந்தது. குருக்கள் சத்தமிட்டு மக்களை கூப்பிட்டதும் மர்மநபர் தப்பி சென்று விட்டார்.

இதனையடுத்து கோவில் செயல் அலுவலர் ஜவகர் முத்துப்பேட்டை காவல் நிலையத்தில் புகார் செய்தார். அதன்பேரில் சம்பவ இடத்திற்கு வந்த போலீசார் கோவிலில் உள்ள சிசிடிவி கேமரா பதிவை ஆய்வு செய்ததில் அறந்தாங்கியை சேர்ந்த மனோகரன் என்பவர் இந்த திருட்டில் ஈடுபட்டது தெரியவந்தது.

இந்நிலையில் கடந்த 29-ந்தேதி காலை அறந்தாங்கியில் வைத்து மனோகரன் கைது செய்யப்பட்டார். அவரை நேற்று திருத்துறைப்பூண்டி குற்றவியல் நீதிமன்றத்தில் ஆஜர்படுத்துவதற்காக முத்துப்பேட்டை காவல் நிலையத்தின் தலைமைக் காவலர் ரவிச்சந்திரன், ஆயுதப்படை காவலர் பாலமுத்து ஆகியோர் அழைத்துச் சென்றனர். அப்போது நீதிமன்ற வளாகத்தில் கூட்ட நெரிசல் அதிகமாக இருந்ததைப் பயன்படுத்தி கைதி மனோகரன் தப்பி ஓடிவிட்டார். அவரை போலீசார் பல்வேறு குழுவாக பிரிந்து சென்று தேடி வருகின்றனர்.

கைதி தப்பியோடிய சம்பவம் முத்துப்பேட்டை மற்றும் திருத்துறைப்பூண்டி பகுதியில் பெரும் பரபரப்பை ஏற்படுத்தியுள்ளது.