நீங்கள் தேடியது "Offensive"

தேனி:

தேனி மாவட்டம் பழனிசெட்டிபட்டி தெற்கு ஜெகநாதபுத்தை சேர்ந்த பால்பாண்டி மகள் சரண்யா (வயது28). இவருக்கும் பொம்மையகவுண்டன் பட்டியை சேர்ந்த சிலம்பரசன் (39) என்பவருக்கும் கடந்த 9 வருடங்களுக்கு முன்பு திருமணம் நடந்தது.

கணவன்-மனைவிக்கு இடையே ஏற்பட்ட கருத்து வேறுபாடு காரணமாக சரண்யா கடந்த 5 வருடமாக கணவரை விட்டு பிரிந்து தந்தை வீட்டில் வசித்து வருகிறார். சம்பவத்தன்று அங்கு வந்த சிலம்பரசன் தனது மனைவியை அடித்து துன்புறுத்தி கொலை மிரட்டல் விடுத்தார். இது குறித்து பழனிசெட்டிபட்டி போலீசில் கொடுத்த புகாரின் பேரில் போலீசார் சிலம்பரசனை கைது செய்தனர்.

தேனி அருகில் உள்ள கோடாங்கிபட்டி ரைஸ்மில் தெருவை சேர்ந்தவர் கருப்பாயி. இவருக்கும் பக்கத்து வீட்டில் வசிக்கும் லட்சுமி என்பவருக்கும் சாக்கடை தண்ணீர் செல்வது தொடர்பாக தகராறு ஏற்பட்டு வந்தது.

சம்வத்தன்று இது குறித்து ஏற்பட்ட தகராறில் லட்சுமி அவரது உறவினர்கள் ராஜேஷ், கஸ்தூரி, ரகு ஆகிய 4 பேரும் சேர்ந்து கருப்பாயி அம்மாளை தாக்கி கொலை மிரட்டல் விடுத்தனர்.

இது குறித்து அவரது பேரன் தினேஷ் கொடுத்த புகாரின் பேரில் பழனிசெட்டிபட்டி போலீசார் வழக்குப்பதிவு செய்து கஸ்தூரியை கைது செய்தனர்.

தேனி:

தேனி விஸ்வநாததாஸ் நகர் பகுதியைச் சேர்ந்தவர் சன்னாசி (வயது 49). அப்பகுதியில் உள்ள முத்துமாரி கண்ணாத்தாள் கோவிலில் செயலாளராக உள்ளார். அந்த கோவிலில் தற்போது திருவிழா நடைபெற்றது. முளைப்பாரி ஊர்வலத்தின் போது அதே பகுதியைச் சேர்ந்த பாண்டி, முத்தையா, முத்துக்கருப்பண், வீரமணி, முத்துமாணிக்கம் ஆகியோர் சன்னாசியிடம் வந்து கோவில் பொறுப்பு குறித்து வாக்குவாதத்தில் ஈடுபட்டனர்.

பின்பு திடீரென அவரை தாக்கி கொலை மிரட்டல் விடுத்தனர். இது குறித்து தேனி போலீசார் 5 பேர் மீது வழக்கு பதிவு செய்து விசாரணை நடத்தி வருகின்றனர்.

தேனி அருகே பழனி செட்டிபட்டி போலீஸ் சரகம் டொம்புச்சேரி சவுடாம்பிகா கோவில் தெருவைச் சேர்ந்தவர் சேதுராமன் (வயது 45). அதே ஊரைச் சேர்ந்த முருகன் என்பவருக்கு கடந்த 4 ஆண்டுகளுக்கு முன்பு தனது விவசாய நிலத்தை குத்தகைக்கு கொடுத்துள்ளார்.

முருகன் சரிவர குத்தகை பணம் தராததால் தனது நிலத்தை திரும்ப ஒப்படைக்கும்படி கூறியுள்ளார். இதனால் இருவருக்குமிடையே வாக்குவாதம் ஏற்பட்டது. இதல் ஆத்திரமடைந்த முருகன் சேதுராமனை தாக்கி மிரட்டினார். இது குறித்து பழனிசெட்டிபட்டி போலீசார் முருகன் மீது வழக்கு பதிவு செய்து விசாரணை நடத்தி வருகின்றனர்.