என் மலர்

    நீங்கள் தேடியது "Elephant"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சமயபுரம் அருகே எம்.ஆர். பாளையத்தில் வனத்துறை சார்பில் யானைகள் மறுவாழ்வு முகாமில் ஜமீலா என்ற 62 வயது மதிக்கத்தக்க பெண் யானை பராமரிக்கப்பட்டு வந்தது
    • ஒருமாத காலமாக வயது மூப்பு மற்றும் உடல் நலக்குறைவினால் பாதிக்ப்பட்ட ஜமீலாவுக்கு திவீர சிகிச்சை அளிக்கப்பட்டும் பலனளிக்கவில்லை.

    திருச்சி,

    திருச்சி மாவட்டம் சமயபுரம் அருகே எம்.ஆர். பாளையத்தில் வனத்துறை சார்பில் யானைகள் மறுவாழ்வு முகாம் செயல்பட்டு வருகிறது. கோவில்களில் வளர்க்கப்பட்டு நோய்வாய்ப்படும் யானைகள், குணாதிசய மாற்றம் ஏற்படும் யானைகள் இங்கு கொண்டு வரப்பட்டு சிகிச்சை அளித்து பராமரிக்கப்படுகிறது.

    அந்த வகையில் ஜமீலா என்ற 62 வயது மதிக்கத்தக்க பெண் யானை 2 ஆண்களாக இந்த முகாமில் வைத்து பராமரிக்கப்பட்டு வந்தது. இந்த யானையை தென்காசி மாவட்டம் அம்பாசமுத்திரம் பகுதியில் உரிமை சான்று மற்றும் வழித்தட சான்று இல்லாமல் பணம் சம்பாதிக்கு நோக்கில் மட்டும் அதன் உரியைாளர் பயன்படுத்தி வந்துள்ளார்.

    இந்த யானை பல நாள் நோய் வாய்ப்பட்டு இருந்த நிலையிலும், அதற்குரிய சிகிச்சை அளிக்காமல் பல்வேறு துன்புறுத்தலுக்கு ஆளாக்கப்பட்டு இருந்தது மாவட்ட வளர்ப்பு யானைகள் பராமரிப்பு குழுவினால் கண்டறியப்பட்டது.

    இதையடுத்து யானை ஜமீலா மீட்கப்பட்டு திருச்சி யானைகள் மறுவாழ்வு முகாமில் வைத்து பராமரித்து வன கால்நடை மருத்துர்களால் 2 ஆண்டுகளாக பராமரிக்கப்பட்டு வந்தது. இந்த நிலையில் ஒருமாத காலமாக வயது மூப்பு மற்றும் உடல் நலக்குறைவினால் பாதிக்கப்பட்ட ஜமீலாவுக்கு திவீர சிகிச்சை அளிக்கப்பட்டும் பலனளிக்கவில்லை.

    நேற்று பகல் 12.30 மணிக்கு யானை பாகனின் கட்டளைக்கு இணங்க மறுத்த யானை மிகவும் சோர்வடைந்த நிலையில் நிற்ககூட முடியாமல் நிலைகுலைந்து அமர்ந்தது. உடனடியாக திருச்சி கால்நடை மருத்துவமனை உதவி இயக்குநர் தலைமையிலான மருத்துவக்குழு விரைந்து, வந்து யானையை பரிசோதித்தனர். அதில் யானை உயிரிழந்தது பகல் 2.30 மணிக்கு உறுதிப்படுத்தபட்டது.

    தொடர்ந்து வளர்ப்பு யானைகள் பராமரிப்பு குழு முன்னிலையில் வன கால்நடை மருத்துவக் குழுவினர்களால் இன்று (18-ந்தேதி) காலை ஜமீலா யானை உடல் அடக்கம் செய்யப்பட்டது. இதன் மூலம் எம்.ஆர்.பாளையம் முகாமில் பராமரிக்கப்பட்டு வந்த யானைகளின் எண்ணிக்கை 8 லிருந்து 7 ஆக குறைந்துள்ளது குறிப்பிடத்தக்கது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஓணம் பண்டிகை மற்றும் வார இறுதி நாட்கள் என்பதால் சுற்றுலா பயணிகள் வருகை அதிகரித்து இருக்கிறது.
    • வாகனத்தை காட்டு யானை துரத்தியதால் பரபரப்பு ஏற்பட்டது.

    ஊட்டி:

    முதுமலையில் சுற்றுலா பயணிகள் சென்ற வாகனத்தை காட்டு யானை துரத்தியதால் பரபரப்பு ஏற்பட்டது.முதுமலை புலிகள் காப்பகத்தில் காட்டு யானைகள், மான்கள், புலிகள், கரடிகள், செந்நாய்கள், சிறுத்தை, புலிகள் உள்ளிட்ட வனவிலங்குகள் உள்ளன. கோடை காலத்தில் கடும் வறட்சி நிலவியதால் காட்டு யானைகள், மான்கள், காட்டெருமைகள் பசுந்தீவனத்தை தேடி பல்வேறு இடங்களுக்கு இடம்பெயர்ந்து சென்றது. இதன் காரணமாக இரை கிடைக்காமல் புலிகள் நடமாட்டம் சாலையோரம் அதிகமாக காணப்பட்டது

    இதனால் வாகன ஓட்டிகள், சுற்றுலாப் பயணிகளுக்கு பாதிப்பு ஏற்படுவதை தடுக்க வனத்துறையினர் தீவிர கண்காணிப்பு பணியில் ஈடுபட்டனர். தற்போது கூடலூர், முதுமலை, மசினகுடி பகுதியில் தொடர் மழை பெய்து வருகிறது. இதன் காரணமாக வனத்தில் பசுந்தீவனம் போதிய அளவு வளர்ந்துள்ளது. இதனால் காட்டு யானைகள், மான்கள் உள்ளிட்ட வனவிலங்குகள் நடமாட்டம் அதிகரித்து உள்ளது.

    தற்போது ஓணம் பண்டிகை மற்றும் வார இறுதி நாட்கள் என்பதால் வெளி மாநிலங்களில் இருந்து சுற்றுலா பயணிகள் வருகை அதிகரித்து இருக்கிறது. முதுமலை சாலைகளில் வாகனங்கள் அதிகளவு இயக்கப்படுகின்றன.தொடர்ந்து வனவிலங்கு களுக்கு சுற்றுலா பயணிகள் இடையூறு செய்வதை தடுக்க வனத்துறையினர் கண்காணிப்பு பணியை தீவிரப்படுத்தி உள்ளனர்.

    மேலும் சுற்றுலா பயணிகளை எச்சரித்து அனுப்பி வருகின்றனர். இந்தநிலையில் ரோந்து பணியில் ஈடுபட்டுள்ள வனத்துறையினர் மற்றும் தொரப்பள்ளியில் இருந்து கார்குடி செல்லும் சாலையில் சுற்றுலா பயணிகளின் வாகனங்களை காட்டு யானை ஒன்று ஆக்ரோஷமாக துரத்தியது.

    பின்னர் அங்கிருந்து வனப்பகுதிக்குள் சென்றது. இதனால் அங்கு பரபரப்பு ஏற்பட்டது. இதுகுறித்து வனத்துறையினர் கூறும்போ து, வெளிமாநிலங்களில் இருந்து வரும் சுற்றுலா பயணிகள் வனத்துறையின் விதிமுறைகளை கண்டிப்பாக கடைபிடிக்க வேண்டும்.வனப்பகுதியில் வாகனங்களை நிறுத்தி இடையூறு செய்தல் கூடாது. உணவு சமைத்தல் மற்றும் சாப்பிட கூடாது. மீறினால் அபராதம் விதிக்கப்படும் என்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மூலைக்கடையில் சாலையை ஒட்டியுள்ள வனப்பகுதியில் முகாமிட்டது.
    • குடியிருப்புகளை முற்றுகையிட்டது.

    கோத்தகிரி,

    கோத்தகிரி-மேட்டுப்பாளையம் சாலையில் குட்டியுடன் காட்டு யானைகள் முகாமிட்டது. இதனால் வாகன ஓட்டிகள் அச்சம் அடைந்தனர். சாலையில் உலா கோத்தகிரியில் இருந்து மேட்டுப்பாளையம் செல்லும் சாலை அடர்ந்த வனப்பகுதி வழியாக செல்கிறது. இந்த சாலையில் குஞ்சப்பனை சுற்று வட்டாரப் பகுதிகளில் உள்ள பலா மரங்களில் பலாப்பழங்கள் காய்த்து குலுங்கி வருகின்றன. பலாப்பழங்களை உண்பதற்காக சமவெளிப் பகுதியில் இருந்து காட்டு யானைகள் இப்பகுதிக்கு வந்து முகாமிட்டு உள்ளன. அத்துடன் அடிக்கடி சாலையில் உலா வருகின்றன. இந்தநிலையில் கோத்தகிரி-மேட்டுப்பாளையம் சாலையில் உள்ள கொண்டை ஊசி வளைவில் குட்டியுடன் 2 காட்டு யானைகள் நின்றன. குறுகிய வளைவில் யானைகள் நிற்பதை பார்த்த வாகன ஓட்டிகள் அச்சம் அடைந்தனர். சிலர் ஆபத்தை உணராமல் யானைகளை புகைப்படம் எடுத்தனர். இதுகுறித்து வனத்துறையினர் கூறும்போது, கோத்தகிரி-மேட்டுப்பாளையம் சாலையில் காட்டு யானைகள் நடமாட்டம் உள்ளதால், வாகன ஓட்டிகள் எச்சரிக்கையுடன் வாகனங்களை இயக்க வேண்டும். சாலையில் யானைகளை கண்டால் தொல்லை அளிக்கவோ அல்லது அருகில் சென்று செல்பி புகைப்படம் எடுக்கவோ முயற்சிக்கக் கூடாது. ஒலிப்பான்களை ஒலிப்பதைத் தவிர்க்க வேண்டும் என அறிவுறுத்தி உள்ளனர். வாழை மரங்கள் சேதம் பந்தலூர் தாலுகா அய்யன்கொல்லி அருகே பாதிரிமூலா பகுதிக்குள் இரவு காட்டு யானை புகுந்தது. அங்கு குடியிருப்புகளை முற்றுகையிட்டது. கனகராஜ் என்பவரது தோட்டத்தில் பயிரிடப்பட்டு இரு்நத வாழை மரங்களை தின்றும், மிதித்தும் சேதப்படுத்தியது. பின்னர் மூலைக்கடை பகுதியில் வர்க்கீஸ் என்பவரது வீட்டின் நுழைவுவாயிலை காட்டு யானை உடைத்து, வளாகத்துக்குள் புகுந்தது. அங்கு வாழை மரங்களை சேதப்படுத்தியது. மேலும் அந்த வழியாக சென்ற வாகனங்களை தாக்க முயன்றது. அங்கு கண்காணிப்பு பணியில் ஈடுபட்ட பிதிர்காடு வனகாப்பாளர் ராஜேஸ்குமார் மற்றும் வேட்ைட தடுப்பு காவலர்கள் காட்டு யானையை விரட்டினர். இதையடுத்து மூலைக்கடையில் சாலையை ஒட்டியுள்ள வனப்பகுதியில் முகாமிட்டது. இதனால் வாகன ஓட்டிகள் அச்சத்துடன் வாகனங்களை இயக்கி வருகின்றனர். மேலும் பொதுமக்கள் அச்சம் அடைந்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • யானைக்கு சிகிச்சை அளிக்க வனத்துறைக்கு கோரிக்கை விடுக்கப்பட்டுள்ளது.
    • காட்டுப்பன்றி, காட்டுமான் உள்ளிட்ட பல்வேறு வனவிலங்குகள் உயிர் வாழ்ந்து வருகின்றன.

    மேட்டுப்பாளையம்

    மேற்கு தொடர்ச்சி மலைப்பகுதி ஒட்டியுள்ள கோவை மாவட்டம் மேட்டுப்பாளையம், காரமடை, சிறுமுகை ஆகிய வனச்சரகங்களில் யானை, கரடி, காட்டெருமை, சிறுத்தை, காட்டுப்பன்றி, காட்டுமான் உள்ளிட்ட பல்வேறு வனவிலங்குகள் உயிர் வாழ்ந்து வருகின்றன.

    இந்த நிலையில் மேட்டுப்பா ளையம் வனச்சரகத்துக்கு உட்பட்ட பகுதியில் நோய்வாய்ப்பட்ட காட்டுயானை ஒன்று நடமாடி வருவது கண்டறியப்பட்டுள்ளது. யானையின் வாய் பகுதியில் காயம் ஏற்பட்டு உணவு, தண்ணீர் உட்கொள் முடியாமல் அவதி அடைந்து வருவதாக கூறப்படுகிறது.

    இந்த நிலையில் மேட்டுப்பாளையம் -குன்னூர் சாலையில் கல்லார் தூரி பாலம் அருகே உடல் மெலிந்த நிலையில் கல்லார் ஆற்றில் தண்ணீர் குடிக்க அந்த யானை வந்துள்ளது. அப்போது அந்து வழியைச் சென்ற பொதுமக்கள் யானையைப் பார்த்தவுடன் தங்களது செல்போனில் படம் பிடித்துள்ளனர். அதில் யானை தண்ணீர் குடிக்க சிரமப்பட்டு கொண்டிருந்தது தெரியவந்தது. மேலும் அந்தக் காட்டு யானை கடந்த 2 நாட்களாக அப்பகுதியில் சுற்றி வருவதாக மக்கள் தெரிவித்தனர். தற்போது செல்போன் காட்சிகள் சமூக வலைத்தளங்களில் வெளியாகி வேகமாக பரவி வருகிறது.

    யானையின் உடல் நிலை மிகவும் மெலிந்து காணப்படுகிறது. ஆனால் இதுவரை வனத்துறையினர் அந்த யானைக்கு சிகிச்சை அளிக்காமல் இருந்து வருவது அதிர்ச்சியை ஏற்படுத்தி உள்ளது. அந்த யானையை வனத்துறையினர் கண்காணித்து தகுந்த சிகிச்சை அளித்து யானையின் உயிரை காப்பாற்ற வேண்டும் என்று சமூக வன உயிரின ஆர்வலர்கள் வலியுறுத்தி உள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கோரஞ்சால் பகுதிக்கு 2 வாரங்களுக்கு முன்பு உடல்நலம் பாதிக்கப்பட்ட யானை ஒன்று வந்தது.
    • உடல் நலம் பாதிக்கப்பட்ட யானை 25 வயது மதிக்கத்தக்க பெண் யானை என்பது தெரியவந்தது.

    ஊட்டி

    கேரள வன பகுதியில் இருந்து நீலகிரி மாவட்டம், கூடலூா் வன கோட்டத்தில் உள்ள சேரம்பாடி வனசரகம் வென்ட்வொா்த் எஸ்டேட், கோரஞ்சால் பகுதிக்கு 2 வாரங்களுக்கு முன்பு உடல்நலம் பாதிக்கப்பட்ட யானை ஒன்று வந்தது.

    இதனைப் பாா்த்த அப்பகுதி மக்கள் வனத்துறையினருக்கு தகவல் கொடுத்தனர். தகவல் அறிந்த வனத்துறையினர் விரைந்து வந்து பார்த்தனர். அப்போது உடல் நலம் பாதிக்கப்பட்ட யானை 25 வயது மதிக்கத்தக்க பெண் யானை என்பது தெரியவந்தது.

    உடனடியாக வனத்துறையினர் முதுமலை புலிகள் காப்பக கால்நடை மருத்துவா் ராஜேஷ்குமாரை வரவழைத்து யானைக்கு சிகிச்சை அளிக்க தொடங்கினர். கால்நடை டாக்டர் தொடர்ந்து யானையின் உடல்நலத்தை கண்காணித்து சிகிச்சை அளித்து வந்தனர். இதில் குணமாகவே அந்த யானை மீண்டும் கேரள வனப் பகுதிக்குள் சென்றது.

    பின்னா் மீண்டும் உடல்நிலை மோசமடைந்த யானை சேரம்பாடி வனச் சரக பகுதிக்கு வந்தது. தகவல் அறிந்து வனத்துறையினர் யானைக்கு சிகிச்சை அளித்து வந்தனர். ஆனால் நேற்று யானை சிகிச்சை பலனின்றி உயிரிழந்தது.

    இதையடுத்து, கால்நடை மருத்துவா் ராஜேஷ்குமாா் தலைமையில் மருத்துவக் குழுவினா் யானை உடலை பிரேத பரிசோதனை செய்தனா். இதன் முடிவுகள் வந்த பிறகே யானை உடல்நலக்குறைவால் உயிரிழந்ததா? அல்லது வேறு ஏதாவது காரணமா? என்பது தெரியவரும் என வனத் துறையினா் தெரிவித்தனா்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பா்லியாறு போன்ற பகுதிகளில் அரசு மற்றும் தனியாருக்கு சொந்தமான தோட்டங்கள் உள்ளது.
    • மேட்டுப்பாளையம் மலைப் பாதையில் அவ்வப்போது யானைகள் கூட்டம் வந்து செல்கின்றன.

    ஊட்டி

    நீலகிரி மாவட்டம், குன்னூா் மற்றும் சுற்றுவட்டாரப் பகுதிகளான ஹில்குரோவ், குரும்பாடி, பா்லியாறு போன்ற பகுதிகளில் அரசு மற்றும் தனியாருக்கு சொந்தமான தோட்டங்கள் உள்ளது.


    இங்கு தோட்டங்களில் உள்ள பலா மரங்களில் பலாப் பழங்கள் விளைந்துள்ளன. இவற்றை உண்பதற்காக குன்னூா்- மேட்டுப்பாளையம் மலைப் பாதையில் அவ்வப்போது யானைகள் கூட்டம் வந்து செல்கின்றன.


    எனவே, சுற்றுலா வாகன ஓட்டிகள், இருசக்கர வாகனத்தில் செல்பவா்கள் மிகவும் கவனமுடன் இந்த சாலையில் பயணிக்க வேண்டும் என்று குன்னூா் வனத் துறையினா் அறிவுறுத்தியுள்ளனா்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வனப்பகுதியில் இருந்து இடம்பெயர்ந்து வந்த ஒற்றை காட்டு யானை களக்காடு அருகே சிதம்பரபுரம் மலையடிவாரத்தில் தஞ்சமடைந்துள்ளது.
    • விளைநிலங்களுக்குள் புகும் யானைகளை விரட்ட வனத்துறை நடவடிக்கை எடுக்க வேண்டும் என்று விவசாயிகள் கோரிக்கை விடுத்துள்ளனர்.

    களக்காடு:

    வனப்பகுதியில் இருந்து இடம்பெயர்ந்து வந்த ஒற்றை காட்டு யானை களக்காடு அருகே சிதம்பரபுரம் மலையடிவாரத்தில் தஞ்ச மடைந்துள்ளது. இந்த யானை இரவு நேரங்களில் உணவுக்காக ஊருக்குள் புகுந்து அட்டகாசம் செய்து வருகிறது.

    நேற்று இரவில் சத்திரங்காட்டில் நுழைந்த காட்டு யானை விவசாயி சந்திரசேகருக்கு சொந்தமான விளைநிலத்தில் 3-க்கும் மேற்பட்ட பனைமரங்களை சாய்த்து அட்டகாசம் செய்துள்ளது. இதனால் விவசாயிகள் பீதி அடைந்துள்ளனர். யானை நடமாட்டத்தால் விளைநிலங்களுக்கு செல்ல அச்சமாக இருப்பதாகவும் தெரிவித்தனர்.

    பொதுவாக களக்காடு மலையடிவாரத்தில் செப்டம்பர் மாதம் முதல் பிப்ரவரி மாதம் வரை யானைகள் நடமாட்டம் காணப்படும். தற்போது செப்டம்பர் மாதம் தொடங்கவுள்ள நிலையில் யானைகள் அட்டகாசமும் தொடங்கியுள்ளதாக விவசாயிகள் கூறுகின்றனர்.

    விளைநிலங்களுக்குள் புகும் யானைகளை விரட்டவும், யானைகள் நாசம் செய்த பனை மரங்களுக்கு இழப்பீடு வழங்கவும் வனத்துறை நடவடிக்கை எடுக்க வேண்டும் என்று விவசாயிகள் கோரிக்கை விடுத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நரசீபுரம் உள்ளிட்ட பகுதிகள் மேற்கு தொடர்ச்சி மலையை ஒட்டிய கிராமங்கள் ஆகும்.
    • ஒற்றை யானை என இரவு நேரங்களில் விளை நிலங்களில் புகுந்து பயிர்களை சேதப்படுத்தி வருகிறது

    வடவள்ளி

    கோவை தொண்டா முத்தூர் சுற்றுவட்டர பகுதியான அட்டுக்கல், குப்பேபாளையம், தேவரா யபுரம், சிலம்பனூர், நரசீபுரம் உள்ளிட்ட பகுதிகள் மேற்கு தொடர்ச்சி மலையை ஒட்டிய கிராமங்கள் ஆகும்.

    இந்த பகுதி மக்கள் அதிக அளவில் விவசாயம் செய்து வருகின்றனர். இப்பகுதியில் கடந்த சில வாரங்களாக யானைகள் கூட்டமாகவும், ஒற்றை யானை என இரவு நேரங்களில் விளை நிலங்களில் புகுந்து பயிர்களை சேதப்படுத்தி வருகிறது. இதில் சுமார்‌ 20 வயது மதிக்கத்தக்க ஒற்றை டஸ்கர் இன யானை குப்போபாளையம், அட்டுக்கல் உள்ளிட்ட பகுதியில் கடந்த இரண்டு நாட்களாக விளை நிலங்களில் புகுந்து சோளம், கடலை உள்ளிட்ட பயிர்களை சேதப்படுத்தி வருகிறது.

    குப்பேபாளையம் பகுதியில் வெங்காய பட்டறை ஒன்றை இடித்து தள்ளி சூறையாடியது. ஜெயப்பரகாஷ் என்பவரது தோட்டத்தில் புகுந்து மோட்டார் பம்புகளை இடித்து தள்ளியது. யானையை பார்த்து அங்கு கட்டி வைக்கப்பட்டு இருந்த கால்நடைகள் மிரண்டு ஓடியது.

    இந்த நிலையில் நேற்று இரவு சுமார் 11 மணியளவில் அட்டுக்கல் வழியாக கெம்பனூர் குடியிருப்பு பகுதிக்குள் நுழைந்த ஒற்றை காட்டுயானை வடக்கு வீதியில் ரங்கராஜ் என்பவர் வீட்டின் முன்பு நீண்ட நேரம் நின்றது.

    நாய்கள் சத்தம் கண்டதை கண்டு வெளியில் வந்த சிலர் யானை நிற்பதை கண்டு திடுக்கிட்டனர். உடனடியாக செல்போன் மற்றும் வாட்ஸ் அப் மூலமாக அருகில் உள்ளவர்களுக்கு தகவல் கொடுத்து உஷார் படுத்தினர். யானை ஊருக்குள் பல இடங்களில் சுற்றி இன்று அதிகாலை 5 மணியளவில் வனப்பகுதியை நோக்கி சென்றது.

    யானை ஊருக்குள் வீதியில் வந்ததை மாடியில் நின்றவாறு சிலர் புகைப்படம் எடுத்து சமூக வலைத்தளங்களில் பகிர்ந்து வருகின்றனர். தொண்டாமுத்தூர் அருகே விளைநிலம் மற்றும் குடியிருப்பையொட்டி பகுதிகளில் யானைகள் முகாமிட்டு இருப்பது அப்பகுதி விவசாயிகள் மற்றும் பொதுமக்கள் இடையே பரபரப்பு ஏற்படுத்தி உள்ளது.

    கடந்த ஒரு‌மாதத்தில் மட்டும் போளுவாம்பட்டி வனச்சரகத்தில் இரண்டு நபர்கள் யானை தாக்கி இறந்துள்ளனர் என்பது குறிப்பிடத்தக்கது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பெரும் பாதிப்புகளை சந்தித்து வரும் ஆசிய மற்றும் ஆப்ரிக்க யானைகளின் பாதுகாப்பை வலியுறுத்தி கடந்த 2012ம் ஆண்டு முதல் ஆகஸ்ட் 12-ந் தேதியை உலகை யானைகள் தினமாக உலக நாடுகள் கடைப்பிடித்து வருகிறது.
    • நெல்லை மாவட்டத்தில் உள்ள பல்வேறு அரசு மற்றும் அரசு உதவி பெறும் தனியார் பள்ளிகளை சேர்ந்த மாணவ -மாணவிகள் கலந்து கொண்டு யானைகள் குறித்த வரலாற்று கதைகளை கேட்டறிந்து குறிப்பு எடுத்துக் கொண்டனர்.

    நெல்லை:

    பெரும் பாதிப்புகளை சந்தித்து வரும் ஆசிய மற்றும் ஆப்ரிக்க யானைகளின் பாதுகாப்பை வலியுறுத்தி கடந்த 2012ம் ஆண்டு முதல் ஆகஸ்ட் 12-ந் தேதியை உலகை யானைகள் தினமாக உலக நாடுகள் கடைப்பிடித்து வருகிறது.

    இந்த ஆண்டுக்கான யானைகள் தினம் இன்று கடைபிடிக்கப்பட்டு வரும் நிலையில் நெல்லை மாவட்ட நிர்வாகம், அரசு அருங்காட்சியகம் மற்றும் அகத்தியமலை மக்கள்சார் இயற்கை வள பாதுகாப்பு மையம் இணைந்து நெல்லை நெல்லையப்பர் கோவிலில் அமைந்துள்ள யானை சிற்பங்கள் சொல்லும் கதைகள் என்ற தலைப்பில் பள்ளி மாணவ மாணவிகளுக்கு கதை சொல்லும் நிகழ்ச்சி நடத்தப்பட்டது.

    இதில் நெல்லை மாவட்டத்தில் உள்ள பல்வேறு அரசு மற்றும் அரசு உதவி பெறும் தனியார் பள்ளிகளை சேர்ந்த மாணவ -மாணவிகள் கலந்து கொண்டு யானைகள் குறித்த வரலாற்று கதைகளை கேட்டறிந்து குறிப்பு எடுத்துக் கொண்டனர்.

    மேலும் வரலாற்றில் யானைகள் மூலம் செய்யப்பட்ட நிகழ்வுகள் மற்றும் யானைகளின் தன்மைகள் குறித்து தஞ்சையில் இருந்து வந்த தென்னன் என்பவர் விளக்கமளித்தார்.

    இதனைத் தொடர்ந்து சிற்பங்களில் உள்ள யானைகள் படங்களை வரைவது தொடர்பான பயிற்சிகளும் வழங்கப்பட்டது. தொடர்ந்து நெல்லையப்பர் கோவில் யானை காந்திமதியை மாணவ- மாணவிகள் கண்டு ரசித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மீனாட்சி அம்மன் கோவில் யானையை தாக்கிய பாகனிடம் துணை கமிஷனர் விசாரணை நடத்தினார்.
    • பார்வதி யானையை பாகன் அடித்து துன்புறுத்தினார். அதில் யானைக்கு காயம் ஏற்பட்டு ரத்தம் வடிந்தது.

    மதுரை

    மதுரை மீனாட்சி அம்மன் கோவிலில் ஆடி முளைக்கொட்டு திருவிழா நடந்து வருகிறது. 8-ம் திருவிழாவான நேற்று அம்மன் வீதி உலா நடந்தது. அப்போது கோவில் யானை பார்வதி ஊர்வலத்தின் முன்பாக சென்றது.

    அப்போது வடக்கு-கிழக்கு ஆடி சந்திப்பில் உள்ள 16 கால் மண்டபத்தில் மீனாட்சி அம்மனுக்கு சிறப்பு தீபாராதனை நடந்தது. இந்த நேரத்தில் யானை, அம்மனை 3 முறை வலம் வந்து மண்டியிட்டு துதிக் கையை தூக்கி வணங்குவது வழக்கம்.

    அதனை செய்யும்படி பாகன், யானைக்கு சைகை செய்தும், யானை அந்த வழிபாட்டை செய்ய முன்வரவில்லை. அது பக்தர்களை கண்டு பயந்து விலகி சென்றது. உடனே பாகன், யானையை கட்டுப்படுத்த அங்குசத்தால் தாக்கினார். இதில் யானை உடலில் காயம் ஏற்பட்டு ரத்தம் வடிந்தது. உடனே பாகன், யானையை அங்கி ருந்து அழைத்து சென்று விட்டார்.

    யானை சென்ற வழியில் ரத்தம் வழிந்திருந்ததால் பாகன் தாக்கியதில் யானை காயம் அடைந்தது பக்தர்களுக்கு தெரியவந்தது. இதனால் அவர்கள் வேதனை அடைந்தனர்.

    ஏற்கனவே பார்வதி யானை கண்புரை நோயால் அவதிபட்டு வருகிறது. அதற்கு மருத்துவக்குழு வினர் சிகிச்சை அளித்து வருகின்றனர். இந்த நிலையில் யானையை பாகன் தாக்கிய சம்பவம் பரபரப்பை ஏற்படுத்தி உள்ளது.

    யானை தாக்கப்பட்ட போது சம்பவ இடத்தில் இருந்த மேல அனுப்பான டியை சேர்ந்த தேன்மொழி என்பவர் கோவில் அலுவலருக்கு புகார் கடிதம் அனுப்பி உள்ளார். அதில் அவர் கூறியிருப்பதாவது:-

    மீனாட்சி அம்மன் சப்பரத்துடன் வடக்கு ஆடி வீதியில் வலம் வந்தபோது உடன் வந்த பார்வதி யானையை பாகன் அடித்து துன்புறுத்தினார். அதில் யானைக்கு காயம் ஏற்பட்டு ரத்தம் வடிந்தது.

    இதுகுறித்து கேட்டபோது, யானையை தாக்கியது பாகன் அல்ல. அவரது மகன் என்றும், காயம் அடைந்த யானைக்கு உடனடியாக மருத்துவ சிகிச்சை அளிப்பதாகவும் உறுதி அளித்தனர். மேலும் சம்பவ இடத்தில் உள்ள கண்காணிப்பு காமிராவை ஆய்வு செய்து யானையை தாக்கியவர் மீது உரிய நடவடிக்கை எடுப்பதாகவும் கோவில் அலுவலர்கள் தெரிவித்தனர். இதுபோல் வாயில்லா ஜீவன்களை தாக்குவதை தடுக்க உரிய நட வடிக்கை எடுக்க வேண்டும்.

    இவ்வாறு அதில் கூறப்பட்டுள்ளது.

    இந்த புகார் தொடர்பாக கோவில் நிர்வாக துணை கமிஷனர் அருணாசலம், பாகனிடம் விசாரணை நடத்தினார். இதுபற்றி அவர் கூறும்போது, யானையை பாகன் தாக்கியது உறுதி செய்யப்பட்டதும் பாகன் மீது நடவடிக்கை எடுக்கப்படும் என்று தெரிவித்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 4-ம் மைல் பகுதியில் முக்கிய சாலை வழியாக தினமும் காட்டுயானை காலை மற்றும் இரவில் ஊருக்குள் வருகிறது.
    • யானை ஊருக்குள் தினமும் வருவதாக கூறி வனத்துறையினரிடம் வாக்குவாதத்தில் ஈடுபட்டனர்.

    ஊட்டி:

    கூடலூர் அருகே கல்லிங்கரை, 4-ம் மைல் பகுதியில் முக்கிய சாலை வழியாக தினமும் காட்டுயானை காலை மற்றும் இரவில் ஊருக்குள் வருகிறது.

    நேற்று காலை 7 மணிக்கு கல்லிங்கரை-4-ம் மைல் சாலையில் காட்டு யானை வந்தது. இதனால் அப்பகுதி மக்கள் அலறியடித்து ஓடினர். தொடர்ந்து சாலையோரம் நிறுத்தி வைத்திருந்த காரை காட்டு யானை உடைத்து சேதப்படுத்தியது.

    இதை அறிந்த வனத்துறையினர் அப்பகுதிக்கு வந்தனர். அப்போது காட்டு யானை ஊருக்குள் தினமும் வருவதாக கூறி வனத்துறையினரிடம் வாக்குவாதத்தில் ஈடுபட்டனர். தொடர்ந்து காட்டு யானையை விரட்டும் பணியில் வனத்துறையினர் ஈடுபட்டனர்.

    இதனிடையே சாலை மறியல் உள்ளிட்ட தொடர் போராட்டம் நடத்தப்போவதாக கிராம மக்கள் அறிவித்தனர். பேச்சுவார்த்தை இதுகுறித்து தகவல் அறிந்த தேவர்சோலை போலீசார், கூடலூர் வனத்துறையினர் மற்றும் வருவாய்த்துறையினர் விரைந்து சென்று கிராம மக்களிடம் பேச்சுவார்த்தை நடத்தினர்.

    அப்போது காட்டுயானையை பிடிக்க நடவடிக்கை எடுக்க வேண்டும் என்று வலியுறுத்தப்பட்டது. ஆனால் அது சாத்தியம் இல்லாதது, கிராம மக்களின் கோரிக்கையின்படி காட்டுயானை ஊருக்குள் வராமல் தடுக்க நடவடிக்கை எடுக்கப்படும் என்று வனத்துறையினர் விளக்கம் அளித்தனர்.

    அதற்கு காட்டுயானை ஊருக்குள் வரும் பட்சத்தில் போராட்டம் நடத்தப்படும், மேலும் அதிகாரிகள் தரப்பில் கேட்டுக் கொண்டதால் தற்காலிகமாக போராட்டத்தை கைவிடுவதாக கிராம மக்கள் அறிவித்தனர். பின்னர் அனைவரும் கலைந்து சென்றனர். இதனிடையே காட்டுயானை வருகையை தடுக்க வனத்துறையினர் அப்பகுதியில் கண்காணிப்பு பணியை தீவிரப்படுத்தியுள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo