நீங்கள் தேடியது "threat"

போரூர்:

சென்னை அவசர ஆம்புலன்ஸ் சேவை பிரிவு எண் 108-க்கு செல்போனில் பேசிய மர்ம நபர் ராமாபுரத்தில் குண்டு வைத்துள்ளதாக கூறிவிட்டு தொடர்பை துண்டித்தார்.

இது குறித்து காவல் கட்டுபாட்டு அறைக்கும் ராமாபுரம் போலீஸ் இன்ஸ்பெக்டர் சுப்பிரமணியனுக்கும் தகவல் தெரிவித்தனர் இதையடுத்து அழைப்பு வந்த செல்போன் எண்ணை வைத்து சைபர் க்ரைம் போலீசார் ஆய்வு செய்ததில் ஆவடியை அடுத்த திருநின்றவூர் பகுதியில் இருந்து அழைப்பு வந்தது தெரிந்தது.

இதுபற்றி திருநின்றவூர் போலீசாருக்கு தகவல் தெரிவித்தனர் சம்பவ இடத்திற்கு சென்று விசாரணை நடத்தியதில் போனில் பேசியது கூலி தொழிலாளியான சேகர் என்பவரின் 11 வயது மகள் என்பது தெரிந்தது. மேலும் சிறுமி பேசிய செல்போன் மதுரவாயல் பகுதியைச் சேர்ந்த கல்லூரி மாணவி ஒருவருடையது என்பதும் தெரியவந்தது. இதுகுறித்து போலீசார் விசாரணை நடத்தி வருகின்றனர். #Threat

கொண்டலாம்பட்டி:

சேலம் மாவட்டம் மேட்டூர், கருப்பு ரெட்டியூர் அருகே உள்ள கும்புரான் காடு பகுதியை சேர்ந்தவர் ஹரிகரன் (வயது 34). லாரி டிரைவர். இவர் நேற்று சங்ககிரி அருகே கோவை- சேலம் தேசிய நெடுஞ்சாலையில் உள்ள சின்னக்கவுண்டனூர் என்ற இடத்தில் லாரியை ஓட்டி வந்து நிறுத்தினார்.

அப்போது மோட்டார் சைக்கிளில் வந்த 3 பேர் ஹரிகரனை மிரட்டி பணத்தை பறித்துவிட்டு தப்பி ஓடி விட்டனர். தகவல் அறிந்த சங்ககிரி போலீசார் விசாரணை நடத்தி, திருப்பூர் மாவட்டம் கனகையம்பாளையம், கிழக்கு தெருவை சேர்ந்த செல்வகுமார் என்கிற மதன் (30), திருப்பூர் விக்னேஸ்வரர் நகரை சேர்ந்த பூபதி (23), திருச்செங்கோடு வீட்டுவசதி வாரிய குடியிருப்பை சேர்ந்த குப்புசாமி என்கிற சதாசிவம் (23) ஆகியோரை கைது செய்து சிறையில் அடைத்தனர். இதில் மதன் மீது தாராபுரம், பழனி டவுன், சூலூர் போலீஸ் நிலையங்களில் வழிப்பறி மற்றும் திருட்டு வழக்குகள் உள்ளது.

இதுபோல் சங்ககிரி, கலியனூர் பிரிவு பகுதியில் லாரியை நிறுத்தி விட்டு டிரைவர் முருகேசன் (48)கீழே இறங்கியபோது அவரை 6 பேர் கும்பல் கத்தியை காட்டி மிரட்டி பணத்தை பறித்து சென்றது. இந்த 6 பேர் கும்பலை சங்ககிரி போலீசார் வலைவீசி தேடி வருகின்றனர்.

நெல்லை:

நெல்லையை அடுத்த மானூர் அருகேயுள்ள தெற்கு வாகைகுளம் பகுதியை சேர்ந்தவர் பொன்னுதுரை. சம்பவத்தன்று பொன்னுதுரையும், அவரது மனைவியும் நெல்லை மார்க்கெட்டுக்கு வந்துவிட்டனர். வீட்டில் அவர்களது மகள் மட்டும் தனியாக இருந்தார்.

அப்போது 2 மோட்டார் சைக்கிளில் 4 பேர் வந்தனர். அவர்கள் திடீரென பொன்னுதுரையின் வீட்டுக்குள் அத்துமீறி நுழைந்தனர். பின்னர் அரிவாளை காட்டி மிரட்டி பொன்னுதுரையின் மகளை கடத்தி சென்று விட்டனர்.

வீட்டுக்கு வந்த பொன்னுதுரையும், அவரது மனைவியும் இதுபற்றி அறிந்து அதிர்ச்சி அடைந்தனர். இது குறித்து மானூர் போலீசில் புகார் செய்யப்பட்டது. போலீசார் வழக்கு பதிவு செய்து வீடு புகுந்து அரிவாளை காட்டி மிரட்டி சிறுமியை கடத்தி சென்ற மர்ம நபர்களை தேடி வருகிறார்கள்.

மதுரை:

மதுரை விளாச்சேரி அருகே உள்ள மொட்ட மலையைச் சேர்ந்தவர் மல்கர்பாஷா (வயது 46). இவர் முறுக்கு, மிட்டாய் ரகங்களை பல்வேறு கடைகளுக்கும் வினியோகித்து வருகிறார்.

இரு சக்கர வாகனத்தில் சரக்குகளை மதுரையின் பல பகுதிகளுக்கும் வினியோகித்து விட்டு மல்கர் பாஷா ஊர் திரும்பிக் கொண்டிருந்தார். அப்போது 2 பேர் வழி மறித்தனர்.

அவர்கள் கத்தியை காட்டி, வியாபாரி மல்கர் பாஷாவை மிரட்டினர். பின்னர் அவரிடம் இருந்து 1,470 ரூபாயை பறித்துச் சென்று விட்டனர். இது குறித்து ஆஸ்டின்பட்டி போலீசில் புகார் செய்யப்பட்டது.

போலீசார் வழக்குப்பதிவு செய்து விசாரணை நடத்தினர். இதில் வழிப்பறியில் ஈடுபட்டது திருநகர் திரு மலைச்செல்வன் (21), பாலமுருகன் (21) என தெரியவந்தது. அவர்கள் இருவரையும் போலீசார் கைது செய்தனர்.

இதேபோல் காரியாபட்டி மந்திரி ஓடை பகுதியைச் சேர்ந்தவர் பிரபு (24), பழனி (25) ஆகியோர் திருமங்கலம் 4 வழிச்சாலையில் வெள்ளரி வியாபாரம் செய்து வருகின்றனர்.

2 பேருக்கும் இடையே ஏற்கனவே முன் விரோதம் உள்ள நிலையில் நேற்று மீண்டும் தகராறு ஏற்பட்டது.

இதில் பழனி கம்பால் தாக்கியதில் பிரபு காயம் அடைந்தார். சிகிச்சைக்காக மதுரை அரசு ஆஸ்பத்திரியில் அனுமதிக்கப்பட்ட பிரபு கொடுத்த புகாரின் பேரில் பெருங்குடி போலீசார் விசாரணை நடத்தி பழனியை கைது செய்தனர்.

கோவை:

இந்து மக்கள் கட்சி நிறுவன தலைவர் அர்ஜூன் சம்பத் கூறியதாவது-

இந்தியாவில் பிரதமர் மோடி தலைமையில் மீண்டும் பாரதீய ஜனதா ஆட்சி அமைய வேண்டும். மாநிலத்தில் ரஜினி தலைமையிலான ஆன்மீக அரசு அமைய வேண்டும் என்பதற்காக ‘மி‌ஷன் 2019’ என்ற பெயரில் 108 நாட்கள் ஆன்மீக யாத்திரை தொடங்க உள்ளேன்.

இந்த யாத்திரை கடந்த சில நாட்களுக்கு முன் தொடங்க இருந்தது. பாரதீய ஜனதா, ரஜினி உள்ளிட்ட ஆன்மிக அரசியலை முன்னிலைப் படுத்துபவர்களை ஒருங்கிணைக்கும் முயற்சியில் நான் ஈடுபட்டு வருகிறேன்.

இது சில அமைப்பினருக்கு பிடிக்கவில்லை. அவர்கள் எனது யாத்திரைக்கு இடை யூறு ஏற்படுத்துகிறார்கள். நான் தொலைக்காட்சிகளில் பேசும் போதும், கட்டுரைகள் வெளியிடும் போதெல்லாம் எனக்கு புதிய, புதிய செல்போன் நம்பர்களில் இருந்து கொலை மிரட்டல்கள் வந்து கொண்டே இருந்தது.

தற்போது என்னை கொல்ல சதி நடப்பதாக செய்திகள் மூலம் அறிந்தேன். நான் கடந்த 30 வருடங்களாக மக்களுக்காக பணியாற்றி வருகிறேன். மிரட்டல்களை பற்றி கவலைப்படவில்லை. எனக்கு ஏற்கனவே போலீஸ் பாதுகாப்பு உள்ளது.

இவ்வாறு அவர் கூறினார். #arjunsampath

பாகூர்:

கிருமாம்பாக்கம் அருகே நரம்பை நாகமுத்து மாரியம்மன் கோவில் தெருவை சேர்ந்தவர் கவியரசு (வயது34), ஆட்டோ டிரைவர். இவர் கிருமாம்பாக்கத்தில் ஆட்டோ ஸ்டேண்டில் ஆட்டோ ஓட்டி வருகிறார். இவரிடம் கிருமாம்பாக்கம் மெயின்ரோட்டை சேர்ந்த பிரகாஷ்(31) என்பவர் மதுகுடிக்க அடிக்கடி பணம் கேட்டு பெறுவது வழக்கம்.

சம்பவத்தன்று குடிபோதையில் இருந்த பிரகாஷ் மீண்டும் மதுகுடிக்க கவியரசுவிடம் பணம் கேட்டார். அதற்கு கவியரசு சவாரிக்கு சென்று விட்டு பணம் தருவதாக தெரிவித்தார். ஆனால் இதனை ஏற்க மறுத்த பிரகாஷ் தனக்கு உடனடியாக பணம்தர வேண்டும் என்று தகராறு செய்தார்.

மேலும் ஆத்திரம் அடைந்த பிரகாஷ் இரும்பு பைப்பை எடுத்து வந்து ஆட்டோவின் கண்ணாடியை உடைத்து சேதப்படுத்தினார். அதோடு கவியரசுவை கொலை செய்து விடுவதாக மிரட்டினார். இதுகுறித்து கவியரசு கிருமாம்பாக்கம் போலீசில் புகார் செய்தார். போலீசார் வழக்குபதிவு செய்து பிரகாசை தேடி வருகிறார்கள்.