என் மலர்

    நீங்கள் தேடியது "Women Safety"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தெரியாத எண்ணில் இருந்து வரும் வீடியோ அழைப்புகளை மக்கள் ஏற்க வேண்டாம்.
    • பல போலி ஆன்லைன் மார்க்கெட் செயலிகள் உலாவுகின்றன.

    ஆன்லைனில் எந்த பொருட்களுக்காவது விண்ணப்பிக்கும் முன்பும் அல்லது ஏதேனும் இணைப்பை கிளிக் செய்யும் போதும் மக்கள் விழிப்புடன் இருக்க வேண்டும். அதேபோல தெரியாத எண்ணில் இருந்து வரும் வீடியோ அழைப்புகளை மக்கள் ஏற்க வேண்டாம்.

    இவ்வாறு அழைக்கும் எண்களில் பெண்கள் ஆபாசமாக தோன்றி எதிரில் இருப்பவர்களுடன் பேசுகின்றனர். பின்னர் இந்த வீடியோவை வைத்து போலீஸ் அதிகாரிகள் போல மிரட்டி பணம் பறிக்கின்றனர்.

    எனவே இதுபோன்ற அழைப்புகளை ஏற்கவேண்டாம். மீண்டும், மீண்டும் அதுபோன்ற அழைப்புகள் வந்தால், அந்த எண்ணை போனில் தடை செய்யவேண்டும். இல்லையெனில் அருகில் உள்ள போலீஸ் நிலையத்தில் புகார் அளிக்க வேண்டும்.

    இதேபோல் தெரியாத நபர்களிடம் இருந்து வரும் நட்பு கோரிக்கைகளையும் ஏற்க கூடாது.

    மோசடி செய்பவர்கள் பெண்களின் புகைப்படங்களை போலியாக பயன்படுத்தி, தங்கள் வலையில் விழும் நபர்களிடம் நெருக்கமாக பேசி நட்புறவை ஏற்படுத்திக்கொண்டு பின்னர் தங்களுக்குள் நடந்த அந்தரங்க பேச்சுகளை வைத்து போலீசில் புகார் செய்ய போவதாக மிரட்டி பணத்தை பறிக்க முயற்சி செய்கின்றனர்.

    இதேபோல மின்கட்டண நிலுவை தொகையை செலுத்தாவிட்டால் மின்சாரம் துண்டிக்கப்படும் என்று கூறி மக்களை ஏமாற்றி அவர்களிடம் பணத்தை அபேஸ் செய்கின்றனர். இதுபோன்ற 400-க்கும் மேற்பட்ட புகார்கள் எங்களுக்கு வந்துள்ளது. இதுபோன்று அழைப்பவர்களுக்கு எந்த ஒரு பண பரிவார்த்தனையும் செய்வதற்கு முன்பு மின் நிறுவனத்தின் வாடிக்கையாளர்கள் பிரிவை தொடர்புகொண்டு உண்மை தன்மையை அறிந்துகொள்வது நன்மை பயக்கும்.

    கடன் வழங்கும் செயலிகளின் முகவர்கள் துன்புறுத்தல் காரணமாக சமீப காலமாக மக்கள் தற்கொலை செய்து கொள்ளும் சம்பவங்களும் நடந்துள்ளது.

    இதுபோன்ற கடன் செயலிகளை நம்பவேண்டாம் என்று கேட்டுக்கொள்கிறோம். ஏனெனில் அவர்களில் பலர் மிரட்டி பணம் பறிப்பில் ஈடுபடுகின்றனர். கடன் பெற அவர்கள் வங்கிகளை அணுக வேண்டும்.

    இதேபோல ஆன்லைன் மார்க்கெட் மூலமாக பொருட்கள் வாங்கும்போதும் விழிப்புடன் இருக்கவேண்டும். ஏனெனில் பல போலி ஆன்லைன் மார்க்கெட் செயலிகள் உலாவுகின்றன. எனவே பொருட்களை வாங்கும்போதோ விற்பனை செய்யும்போதோ இவைகள் மூலம் பணம் செலுத்துவதை தவிர்க்க வேண்டும். எப்போதும் வாங்குபவர்கள், விற்பவர்களுடன் நேரடி தொடர்பு வைத்துக்கொள்ள வேண்டும். பொருளை வாங்கும்போது பணம் செலுத்த வேண்டும்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இன்று (ஆகஸ்டு 7) 'தேசிய சகோதரிகள் தினம்' கொண்டாடப்படுகிறது.
    • குறிப்பிட்ட காலத்திற்குப் பிறகு சகோதரி நம்முடைய சிறந்த நண்பராகி விடுவார்.

    ஒவ்வொரு ஆணுக்கும், பெண்ணுக்கும் இரண்டாவது தாயாக இருப்பவர் அவருடைய சகோதரிதான். சிறுவயதில் இருந்து எதிரும் புதிருமாக இருந்தாலும், நெருக்கம் இல்லை என்றாலும், ஒரு குறிப்பிட்ட காலத்திற்குப் பிறகு அவரே நம்முடைய சிறந்த நண்பராகி விடுவார்.

    இன்னும் சில நேரங்களில், சகோதரியுடனான பகிர்வு, பிணைப்பு என்பது தோழமை உணர்வையும் தாண்டி, 'அன்னை' என்ற நிலையை அடைந்துவிடும். இவ்வாறு அனைத்து உறவுகளின் சங்கமமாக விளங்கும் 'சகோதரி' எனும் உறவை மதித்து கொண்டாடும் விதமாக, ஆண்டுதோறும் ஆகஸ்டு மாதம் முதல் ஞாயிற்றுக்கிழமை (ஆகஸ்டு 7) 'தேசிய சகோதரிகள் தினம்' கொண்டாடப்படுகிறது.

    மூத்தவர், இளையவர் என சகோதரி எந்த வயதினராக இருந்தாலும், அவருடைய கவனம் எப்போதும் நம் நிழலாக செயல்படும். அவர் நம் வாழ்வின் முதல் விமர்சகராக விளங்குவார். நம்முடைய மகிழ்ச்சி மற்றும் முன்னேற்றத்துக்கு, மறைமுகமாக அனைத்து முயற்சிகளையும் மேற்கொள்வார்.

    தகுந்த நேரத்தில் வழிகாட்டியாக, பாதுகாப்பு அரணாக, அன்பின் அரவணைப்பாக, வாழ்வின் அனைத்து கட்டத்திலும் நம்முடன் பக்கபலமாக இருக்கும் சகோதரி என்ற உன்னத உறவை, மகிழ்ச்சியுடன் நம் வாழ்க்கைப் பயணத்தில் உடன் அழைத்துச் செல்வோம்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தோல்வி என்பது நம்மை தகுதியற்றவர் என்று நிராகரிக்கவில்லை.
    • உழைப்பாளிகள் தோற்றதாக வரலாறே கிடையாது.

    தொழில் முனைவர், திட்ட அறிக்கைகளை தயாரித்து அவற்றின்படி நிறுவனத்தை நடத்துவது ஒரு புறம் இருக்க, தொழிலை தொடங்குவதற்கு முன்பே இது போன்ற வேறு சில கேள்விகளையும் அவர் தமக்குள் கேட்டுக்கொள்ள வேண்டும்.

    தொழில் தொடங்கி மூன்று மாதங்களுக்குள் நிறுவனம் சரிவை சந்தித்தால் என்ன வகையான முயற்சிகளை மேற்கொள்ள வேண்டும்?

    ஆறு மாத்திற்குள்ளோ, அல்லது ஆறு மாதங்கள் கழித்தோ சரிவை சந்தித்தால் என்ன செய்யலாம்?

    ஒரு ஆண்டிற்கான குறைந்த பட்ச வருவாயை ஈட்டுவதற்கு உத்தரவாதம் தரக்கூடிய வழிவகைள் என்ன?

    ஒருவேளை தொழில் மிகப் பிரமாதமான வெற்றியை பெற்றால் அதற்கேற்றவாறு எப்படி விரிவாக்க நடவடிக்கைகளை மேற்கொள்ள வேண்டும்?

    இப்படி தமக்குள் பல கேள்விகளை கேட்டு அதற்கான விடைகளை தெளிவாக தொழில்முனைவோர் முன்கூட்டியே திட்டமிட்டிருக்க வேண்டும். தேர்வுக்கு செல்கின்ற மாணவர்கள் எப்படி அனைத்து கேள்விகளுக்கும் பதிலை தயாரித்து வைத்திருக்கிறார்களோ அது போலத்தான் தொழில்முனைவரும் தங்களை தயாரித்து கொள்ள வேண்டும். தொழில் தொடங்கிய பிறகு ஏற்படும் எந்த ஒரு நிகழ்வும் ஒரு தொழில் முனைவோருக்கு அதிர்ச்சியையோ, ஆச்சரியத்தையோ அளிக்க கூடாது. ஒரு தொழில் முனைவோரின் பலமே சூழ்நிலைகளுக்கு ஏற்றவாறு உடனுக்குடன் காய்களை மாற்றி நகர்த்துவது தான்!

    வெற்றிக்கு விளக்கங்கள் தேவை இல்லை. ஆனால் தோல்வி அடைந்த பிறகு நீங்கள் மேற்கொண்ட முடிவுகளுக்கெல்லாம் காரணங்களை சொல்லியாக வேண்டும். ஒருவர்தோல்வி அடைந்ததற்கு பல காரணங்கள் இருந்தாலும் இந்த நிலையும் மாறும் என்ற மனோதிடம் இருந்தால் மீண்டும் வெற்றிக்கனியை பறித்துவிட முடியும். தோல்வியை நாம் இரண்டு வகையாக பிரித்து பார்க்க வேண்டும். ஒன்று, தோல்வியை நீங்கள் எப்படி உள்வாங்குகிறீர்கள்? இரண்டாவது, தோல்வியை நீங்கள் எப்படி வெளி உலகிற்கு சொல்கிறீர்கள்? தோல்வி என்பது என்ன? நினைத்த இலக்கை அடையாதிருத்தல் தான் தோல்வி ஆகும். அப்படியானால் தோல்வியானது நிரந்தரமானதல்ல.

    நாம் அடுத்த சில ஆண்டுகள் கழித்து அந்த இலக்கை அடைந்தோமானால் தோல்வியே கூட வெற்றியாக மாறி விடும். எனவே தோல்வி ஏற்படும் போது அதை தோல்வியாக கொள்ளாமல் வெற்றி தள்ளிப்போவதாக எடுத்துக்கொள்ளவேண்டும்.

    எது நடப்பினும் அது நல்லதற்கே என்று நினையுங்கள், கரியானது பூமியில் அமுங்க, அமுங்கத்தான் வைரமாக மாறும். உங்களிடம் இருக்க கூடிய ஏதோ ஒரு திறமையை வெளிக்கொணர்வதற்காகத் தான் இந்த தோல்வி உங்களுக்கு ஏற்பட்டது என்று கருதிக் கொள்ளுங்கள்.

    நீங்கள் சிந்தித்த அளவு போதாது என்பதை தான் அது சொல்கிறதே தவிர, நீங்கள் சிந்திக்கவே இல்லை என்று சொல்லவில்லை. நீங்கள் உழைத்த அளவு போதாது என்பதை தான் அது சொல்கிறதே தவிர, உழைக்கவே இல்லை என்று மறுக்கவில்லை.

    ஆக தோல்வி என்பது நம்மை தகுதியற்றவர் என்று நிராகரிக்கவில்லை. இன்னும் கூடுதலாக உழைக்க வேண்டும் என்று உற்சாகப்படுத்துகிறது. இனி உலகிற்கு தோல்வியை எப்படி அறிவிக்கப்போகிறீர்கள்? இது போன்ற தொழில்கள் ஆரம்பத்தில் இப்படித்தான் இருக்கும். போகப்போக மிகுந்த லாபம் தரும் என்றும் வெற்றிக்கு முந்தைய படியில் நான் நின்று கொண்டிருக்கிறேன் என்றும் நேர்மறையாகவே வெளியில் சொல்லுங்கள்.

    அது போல் சிரித்த முகத்துடன் இன்னும் கூடுதலாக உழைக்க தொடங்குங்கள். வெளியில் இருந்து பார்ப்பவர்கள் எந்த தோல்வியும் இவரை தடுத்துவிட முடியாது என்று நினைக்க வேண்டும். அந்த அளவுக்கு உங்கள் வேகம் அதிகரிக்க வேண்டும்.

    ஒன்றை நினைவில் வைத்துக் கொள்ளுங்கள். திறமைசாலிகள் தோற்கலாம். தந்திரசாலிகள் தோற்கலாம். ஆனால் உழைப்பாளிகள் தோற்றதாக வரலாறே கிடையாது...!

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சமூக வலைத்தளங்களில் பெண்களுக்கு பாதுகாப்பு என்பது கேள்விக் குறியான விஷயம்.
    • சோஷியல் மீடியா என்பது நீங்கள் ஒருவர் மட்டும் புழங்கும் இடம் அல்ல.

    இளையதலைமுறையினரை தற்போது ஆட்டுவித்துக் கொண்டிருப்பது செல்பி மோகம். வகுப்பறை, பயணம், அலுவலகம், சுற்றுலா என எங்கு நோக்கினும் யாராவது ஒருவர் செல்பி எடுத்துக் கொண்டிருப்பார். ஆனால் தங்கள் பயணம் உள்ளிட்ட தங்களது செயல்களை செல்பி எடுத்து மற்றவர்களுக்கு அறிவிக்கும் இந்த செயல், செல்பி எடுக்கும்போது அருகில் உள்ளவர்களுக்கு தொந்தரவு ஏற்படுத்துவதாகவே உள்ளது.

    குறிப்பாக நண்பர்களுடனோ, குடும்பத்தினருடனோ சுற்றுலா சென்றிருக்கையில் செல்பி எடுக்கிறேன் என்கிற பெயரில் தனியாக சுற்றித்திரிவது உடன் வந்தவர்களை வருத்தமடையச் செய்யும். மேலும் ஒரு பிரேமில் தனித்து இருக்க விரும்புவதால் நட்புகளை விட்டும் தனித்து செல்ல வேண்டியதாகிறது. செல்பி களால் பலர் பலவிதமான பிரச்சினைகளை சந்தித்திருக்கிறார்கள். அழகாக செல்பி எடுக்கிறேன் என்று ஆபத்தான இடங்களில் கவனமின்றி செயல்பட்டு உயிரை இழந்தவர்களும் நிறைய இருக் கிறார்கள்.

    சோஷியல் மீடியா என்பது நீங்கள் ஒருவர் மட்டும் புழங்கும் இடம் அல்ல. அங்கு கோடான கோடி மக்கள் தங்கள் பொழுதை கழிக்கின்றனர். எனவே சமூக வலைத் தளத்தை பொறுத்தவரை உங்கள் செயல்களின் மீது தனிகவனம் செலுத்துங்கள். நீங்கள் பகிரும் விஷயங்கள் பிறர் மனதை புண்படுத்துவதாகவோ அல்லது வன்முறையை தூண்டுவதாகவோ இருத்தல்கூடாது. சமூகம் சார்ந்த விஷயங்களை பகிரும்போது உங்கள் கோணத்தில் சரியாகத் தெரிவது பிறரது கோணத்தில் தவறாக தோன்றலாம். அதனால் நீங்கள் பகிரும் விஷயங்கள் எந்த ஒரு பின்விளைவையும் ஏற்படுத்தாததாக இருக்க வேண்டும்.

    முன்பெல்லாம் ஒருவர் வீட்டை பூட்டிவிட்டு எங்காவது நீண்ட நாட்கள் செல்ல வேண்டியிருந்தால் வீட்டு வெளி கதவை பூட்டி, சாவியை அண்டை வீட்டுக்காரரிடம் கொடுத்துவிட்டு செல்வார்கள். 'தினசரி அந்திசாயும்போது விளக்குபோட்டு காலை விடிந்ததும் விளக்கினை அணைத்து விடுங்கள்' என்றும், செடிகளுக்கு தண்ணீர் ஊற்றி விடுங்கள் என்றும் கூறி தன் வீட்டினை அண்டை வீட்டாரை நம்பி ஒப் படைத்துவிட்டு செல்வார்கள். ஆனால் இப்பொழுது எங்கு செல்கிறோம், எப்போது திரும்பி வருவோம் என்று முழு விவரங் களையும் வலைத்தளத்தில் சிலர் பதிவிட்டுச் செல்கிறார்கள். இதனால் அவர்களுக்கும், அவர்களது உைடமைகளுக்கும் பாதுகாப்பு இல்லாமல் போய் விடுகிறது. இது நமக்கு நாமே ஆபத்தை உருவாக்கி கொள்வதாய் அமைந்து விடுகிறது.

    சமூக வலைத்தளங்களை ஆக்கப்பூர்வமான விஷயங்களுக்கு பயன்படுத்துங்கள். அதில் நீங்கள் பகிர்ந்துகொள்ளும் விஷயங்கள் பல லட்சம் மக்களை சென்றடைகிறது. அதனால் அதை சமூகத்திற்கு தேவையான விஷயங்களை பகிர்வதற்கு மட்டும் பயன்படுத்துங்கள். மேலும் ஒருவர் போஸ்ட் செய்திருக்கும் தகவலை ஷேர் செய்வதற்கு முன்னால் அந்த சம்பவம் பற்றிய உண்மையை தெரிந்துகொண்டு ஷேர் செய்யுங்கள்.

    ஒருவர் தனது சிறுவயது மகன் காணாமல் போனதை சமூகவலைத்தளத்தில் பதிவிட்டார். சில நாட்களுக்குப் பின் அவரது மகன் அவரிடம் வந்து சேர்ந்துவிட்டான். அவன் பள்ளிக்கு சென்று கொண்டிருக்க, சிலர் அவனை அடையாளம் கண்டு மீண்டும் போலீசுக்கு தகவல் கொடுத்தார்கள். இப்படி அடிக்கடி நடந்துகொண்டிருந்தது. அதனால் நடந்து முடிந்த விஷயங்களை 'அப்டூ டேட்' செய்துகொள்ளவேண்டும். அந்த சம்பவம் நடந்த காலத்தையும் நினைவில் வைத்துக்கொள்ளவேண்டும்.

    மேலும் சமூக வலைத்தளங்களில் புகைபிடிப்பது, மது அருந்துவது போன்ற போட்டோக்களை பதிவிடாதீர்கள். அதுபோல் கவர்ச்சி, ஆபாசம் நிறைந்த போட்டோக்களையும் பதிவிட்டுவிடவேண்டாம். ஏனெனில் இன்று சமூக வலைத்தளங்களில் சின்னஞ்சிறு குழந்தைகள் முதல் பெரியவர்கள் வரை அனைவரும் உலாவருகின்றனர். அதனால் சமூகத்தை நினைத்துப்பார்த்து எதையும் பதிவிடுங்கள்.

    தற்போது சமூக வலைத்தளங்களில் பலர் கருத்துரீதியாக மோதிக்கொள்வதை பார்க்கலாம். ஒருவர் பகிரும் ஒரு பதிவு பலருக்கு விவாதப்பொருளாகி விடுகிறது. அது போன்ற சண்டைகளை காண்பதற்கு சுவாரசியமாக இருந்தாலும் அதனால் ஏற்படும் விளைவுகள் உளவியல் ரீதியாக பிறரை வேதனைக்குள்ளாக்கும். எனவே சண்டை, வன் முறைகளை தூண்டும் விஷயங்களை பகிராமலும், அது போன்ற விஷயங்களில் பங்கெடுக்காமலும் இருங்கள். இது உங்களுக்கும் பிறருக்கும் நன்மை பயக்கும்.

    சமூக வலைத்தளங்களில் பெண்களுக்கு பாதுகாப்பு என்பது கேள்விக் குறியான விஷயம். அதனால் அவர்கள் தங்கள் போட்டோக்களையும், உறவுப் பெண்களின் போட்டோக்களையும் பதிவிடக்கூடாது. முன்பின் அறிமுகமில்லாதவருடன் ஏற்படுத்திக்கொள்ளும் நட்பு பெண்களின் பாதுகாப்பிற்கே ஊறுவிளைவித்துவிடும்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • டீன் ஏஜ் பெண்கள் தங்கள் சிக்கல்கள் குறித்து மனம் விட்டுப் பேசவேண்டும்.
    • டீன் ஏஜ் பெண்களுக்கு தாயின் அரவணைப்பு மிக முக்கியம்.

    பதின்பருவத்தில் தவறு என உணராமல் டீன் ஏஜ் பெண்கள் செய்யும் சிறுசிறு செயல்கள்கூட பெரிய இடர்பாடுகளை ஏற்படுத்தலாம். ஒவ்வொரு பெண்ணுக்கும் முக்கியத்துவம் வாய்ந்த பதின்பருவத்தில் வரும் பிரச்னைகளும், அதற்கான தீர்வுகளும் இங்கே...

    * பதின் பருவத்தில்தான் அதிகமான வளர்ச்சிதை மாற்றம் நிகழும்; உடல் மற்றும் மூளை வளர்ச்சி அதிகமாக இருக்கும். அதனால் டீன் ஏஜ் பெண்கள் உணவு விஷயத்தில் கவனம் செலுத்த வேண்டும். குறிப்பாக கார்போஹைட்ரேட், புரதம், விட்டமின், மினரல், நல்ல கொழுப்பு, இரும்புச்சத்து, கால்ஷியம் நிறைந்த உணவுகளை சரிவிகித அளவில் உட்கொள்ள வேண்டும். உணவு விஷயத்தில் கட்டுப்பாட்டுடன் இல்லாவிட்டால், உடல் எடை அதிகமாகிவிடும். இதனால் இறுதிகட்ட பள்ளிப் பருவமும், ஆரம்பகட்ட கல்லூரிப் பருவமும் அவர்களுக்கு தாழ்வுமனப்பான்மை தரலாம்.

    * குழந்தைப் பருவத்தில் இருந்து உணராத தன் அழகு மற்றும் உருவத்தோற்றம் குறித்தும், தன் மீது மற்றவர்கள், குறிப்பாக தன் வயதுக்கு இணையான எதிர்பாலினத்தவர்கள் என்ன நினைக்கிறார்கள் என்றும் பதின் வயதில் அதிகளவில் நினைக்கத் தோன்றும். அதனால்தான் உடுத்தும் உடை, செய்துகொள்ளும் மேக்கப் உள்ளிட்டவை பொருத்தமாக இருக்குமா, மற்றவர்களுக்குப் பிடிக்குமா, மற்றவர்கள் தன்னை என்ன சொல்வார்கள் என தனக்குள்ளேயே பல கேள்விகளை அடிக்கடி கேட்டுக்கொள்வார்கள். இவையெல்லாம் அப்பருவத்தில் உடல் ரீதியாக ஏற்படும் விஷயங்கள்தான் என்றாலும், உடல், அழகு மீதான அதீத அக்கறையும், ஈடுபாடும் கொள்ள வேண்டாம் என்பதே அவர்களுக்கான அறிவுரை. இதனால் அவர்கள் படிப்பில் சரியான கவனம் செலுத்த முடியாமல் போகலாம்.

    * பரு, மரு, முடி உதிர்தல், முகத்தில், கை கால்களில் அதிகம் ரோமம் வளர்தல் பருவப் பெண்களுக்கு கவலையை உண்டாக்கலாம். பெரிய ஹீல்ஸ் கொண்ட செப்பல் பயன்படுத்த, டாட்டூ குத்திக்கொள்ள, மார்டன் உடை அணிய, அடிக்கடி பியூட்டி பார்லர் செல்ல, வித்தியாசமான அக்ஸசரீஸ் பயன்படுத்த அதிக ஈடுபாடு வரும்.

    * மாதவிடாய் வலி, அதிகமான உதிரப்போக்கு, அடிவயிற்றில் விட்டு விட்டு வலி, சீரற்ற மாதவிடாய் போன்ற சிக்கல்களால் பல டீன் ஏஜ் பெண்கள் அடிக்கடி அவதிப்படுவார்கள். இதனால் அச்சப்படவோ, கவலைப்படவோ தேவையில்லை. இது இயற்கையான ஒரு விஷயம் என்பதை உணர வேண்டும். தங்கள் உடல்நிலையைப் பற்றி முழுமையாக தெரிந்துகொண்டு, சீரான இடைவெளியில் மாதவிடாய் நிகழ, தாயின் உதவியுடன் நேர்த்தியான வாழ்க்கை முறையையும், தேவைப்பட்டால் மருத்துவ ஆலோசனையும் பெற்று, தங்கள் ஆரோக்கியத்தையும், சுகாதாரத்தையும் உறுதிப்படுத்த வேண்டும்.

    * பருவப் பெண்கள் வீட்டு வேலைகளைச் செய்ய சோம்பல் படுவார்கள். காலை உணவு உள்பட தினமும் உணவு சாப்பிடவேண்டிய நேரத்துக்குச் சரியாக சாப்பிட மாட்டார்கள். வீட்டில் அம்மா, அப்பா உள்ளிட்ட யாரோ ஒருவர் பல முறை சொன்னால்தான் சாப்பிடுவார்கள். சாப்பிட்ட பின்னர், உடல் உறுப்புகளுக்கு பயிற்சி கொடுக்கும் வகையில் ஏதாவது வேலைகளைச் செய்யாமல் உடல் பருமன் பிரச்னைக்கு ஆளாவார்கள். அதேபோல, காய்கறிகள் தவிர்ப்பது, ஜங்க் ஃபுட் விரும்புவது என உணவு விஷயத்தில் காட்டும் அலட்சியத்தால் ஊட்டச்சத்து பற்றாக்குறைக்கும் ஆளாவார்கள். எனவே, சரியான நேரத்துக்கு சரிவிகித உணவு எடுத்துக்கொள்வதும், வீட்டு வேலைகள், உடற்பயிற்சி, விளையாட்டு என்று உடலுக்கு இயக்கம் கொடுக்க வேண்டியதும் முக்கியம்.

    * கல்வி கற்பதிலும், தேர்வுகளை குழப்பமின்றி எழுதுவதிலும், எதிர்காலச் சிந்தனைகள் குறித்தும் பல கவலைகளை பருவ வயதினர் சந்திக்க நேரிடும். குறிப்பாக எதிர்பாலினத்தவர் மீதான நட்புக்கும், ஏஜ் அட்ராக்‌ஷனுக்கும், காதலுக்குமான இடைவெளி, உண்மையான அர்த்தம் புரியாமல் தடுமாறும் பருவம் இது. அம்மா, அப்பா உள்ளிட்ட தங்கள் மீது அக்கறை கொண்ட ஒருவரிடம் தினமும் டீன் பெண்கள் தங்கள் சிக்கல்கள் குறித்து மனம் விட்டுப் பேசவேண்டும். இது மன அழுத்தத்தில் இருந்து அவர்களைக் காப்பதுடன், வாழ்க்கையின் முக்கியமான முடிவை தவறாக எடுத்துவிடுவதால் ஏற்படும் சிக்கல்களையும் அவர்களைத் தவிர்க்கச் செய்யும்.

    * டீன் ஏஜ் பெண்கள் அன்றாடம் எதிர்கொள்ளும் முக்கியப் பிரச்னைகள், ஸ்ட்ரெஸ், டென்ஷன், டிப்ரஷன், தூக்கமின்மை. அன்றாடம் நடைப்பயிற்சி, தியானம், சுவாசப் பயிற்சி, பிடித்த வெல்விஷரிடம் பேசுவது, இயற்கை காட்சிகளை ரசிப்பது, வளர்ப்பு பிராணிகளுடன் விளையாடுவது, குழந்தைகளுடன் விளையாடுவது, மன அழுத்தம் குறைக்கும் பாடல்களைக் கேட்பது போன்ற செயல்பாடுகளைச் செய்வது அவர்களின் மன இறுக்கத்தைக் குறைத்து நல்ல பலன் கொடுக்கும்.

    * நேரம் காலம் போவதே தெரியாமல் செல்போனில் நண்பர்களிடம் பேசிக்கொண்டே இருப்பது, இன்டர்நெட்டில் அதிக நேரத்தை செலவிடுவதை பருவ வயதினர் தவிர்க்க வேண்டும். குறிப்பாக ஃபேஸ்புக்கில் முகம் தெரியாத நபரை நண்பராக ஏற்றுக்கொண்டு அவரிடம் தன் பெர்சனல் விஷயங்களை பகிர்தல் பிரச்னைகளை ஏற்படுத்தலாம். தன் அழகை வர்ணிக்கும் எதிர்பாலினத்தவரிடம் நன்மதிப்பை ஏற்படுத்திக்கொள்ள நினைப்பது, நல்ல நண்பர், போலியான நண்பரை அடையாளம் காண முடியாமல் அனைவரிடமும் எதார்த்தமாகப் பழகுவது இவையெல்லாம் இந்த வயதுக்குப் பாதுகாப்பற்ற செயல்கள்.

    * பதின் பருவ பெண்கள், ஆண்களால் நேரடியாகவோ அல்லது போன் வாயிலாகவோ பல பாலியல் தொல்லைகளை எதிர்கொள்ள நேரிடலாம். இதனால் அச்சப்பட்டு தனக்குள்ளேயே பிரச்னையை வைத்துக்கொள்ளவோ, தானே சிக்கலைத் தீர்க்கவோ நினைக்கக் கூடாது. பெற்றோர் அல்லது நலன் விரும்பிகளிடம் அதுபற்றிப் பகிர்ந்து தீர்வு காண வேண்டும்.

    * அறிவுரை சொல்பவரைக் கண்டாலே கோபப்படுவது, தனிமையை விரும்புவது, கூட்டத்தைத் தவிர்க்க நினைப்பது, நம்மால் முடியுமா என்ற எதிர்மறையான எண்ணங்கள் தோன்றுவது, தயக்கம்... இதுபோன்ற டீன் ஏஜ் சிக்கல்களைத் தீர்க்க, விளையாட்டு நல்ல பலன் கொடுக்கும். மேலும் தனக்கான எதிர்கால லட்சியங்களை தீர்க்கமாக முடிவெடுத்து அதற்கான ஆயத்தப் பணிகளை மேற்கொள்வதால், மேற்கண்ட சிக்கல்கள் ஏற்படாலும், தோன்றாமலும் தடுக்க முடியும்.

    டீன் ஏஜ் பெண்ணின் அம்மாவுக்கு சில வார்த்தைகள்...

    பருவப் பெண்களுக்கு தாயின் அரவணைப்பு மிக முக்கியம். மகள் என்ன செய்கிறாள், யாருடன் எல்லாம் பழகுகிறாள் என தெரியாமல் இருப்பதும் தவறு; மகள் எதைச் செய்தாலும் அதை தவறான கண்ணோட்டத்திலேயே பார்ப்பதும் தவறு.

    மகளின் அன்றாட பேச்சு, பழக்க வழக்கங்களை முறையாக கவனிப்பதுடன், மகளின் தோழிகளை அவ்வப்போது வீட்டுக்கு அழைத்து, அவளுக்கு ஏதாவது சிக்கல் இருக்கிறதா எனக் கேளுங்கள். அவளின் உடல்ரீதியான மாற்றங்களை முறைப்படுத்தி, மகளின் உடை, அலங்காரம் சார்ந்த விஷயங்களில் கட்டுப்பாடும், படிப்பில் போதிய நாட்டமும் இருக்கும்படியாக பார்த்துக்கொள்ள வேண்டியது பெற்றோரின் கடமை.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நீங்கள் திருமணத்தில் ஒரு தெளிவான முடிவுக்குவர கீழ்கண்ட கேள்விகள் உதவும்.
    • யாரோடு உங்கள் மனம் “ஆம்” சொல்லுமோ அவரோடு வாழ்க்கையில் இணையுங்கள்.

    நீங்கள் திருமண வயதை அடைந்து வாழ்க்கைத்துணை தேடுபவராக இருந்தால், ஆண் என்றால் பெண் பார்க்க சென்றிருப்பீர்கள். பெண்ணை பார்த்திருப்பீர்கள். ஒருசில முறை சந்தித்து பேசியிருப்பீர்கள். ஆனாலும் 'இந்த பெண் தன்னோடு பொருந்திவாழ்வாரா?' என்ற சந்தேகமோ, தயக்கமோ உங்களுக்கு இருக்கலாம். அதுபோல் உங்களைப் பார்த்த, பேசிய, பேசிக்கொண்டிருக்கிற அந்த பெண்ணுக்கும் சில தயக்கங்கள் ஏற்பட்டு, முடிவெடுக்க அவரும் தடுமாறிக்கொண்டிருக்கலாம். அப்படிப்பட்ட சூழலில் நீங்கள் இருந்தால், நீங்கள் திருமணத்தில் ஒரு தெளிவான முடிவுக்குவர கீழ்கண்ட கேள்விகள் உதவும்.

    கேள்விகளை தொடர்ந்து படியுங்கள்!

    பெண் பார்க்கும் சடங்கில் இருவரும் பார்த்திருப்பீர்கள். பலமுறை பேசியிருப்பீர்கள். இதுவரை கிடைத்த தகவல்களை அடிப்படையாகவைத்து இருவரும் முழுமையாக ஒருவரை ஒருவர் நம்புகிறீர்களா?

    தன்னலம், சுயநலம், தனிப்பட்ட விருப்பு-வெறுப்புகளில் இருந்து விடுபட்டு, இருவரும் ஒருங்கிணைந்து விட்டுக்கொடுத்து வாழ முடியும் என்று நினைக்கிறீர்களா?

    ஒருவருக்கொருவர் ஓரளவாவது தியாகம் செய்ய முடியும் என்று இருவருமே கருதுகிறீர்களா?

    மாறுபட்ட உணர்வுகளும், செயல்களும் இருவரிடமுமே இருக்கும். இருவரின் மகிழ்ச்சிக்காக அவைகளில் இருந்து விடுபட்டு வெளியே வந்து ஒன்றிணைந்து வாழ முடியும் என்ற நம்பிக்கை உங்களுக்கு ஏற்படுகிறதா?

    அனைத்துவிதமான சுகங்களிலும், துக்கங்களிலும் மனதொத்து வாழ முடியும் என்று நம்புகிறீர்களா?

    வேலை பார்ப்பது அல்லது வேலையில் இருந்து விலகுவது, இரண்டிலும் ஒத்தகருத்தை மேற்கொள்ள முடியும் என்று கருதுகிறீர்களா?

    குடும்ப செலவுகள் உள்பட வீட்டு பொருளாதார சூழ்நிலைகள் அனைத்திலும் ஒன்றுபட்டு முடிவெடுக்கும் அதிகாரம் இருவருக்குமே உண்டு என்ற கருத்தில் உங்களுக்கு உடன்பாடு உண்டா?

    நண்பர்களை பற்றி முரண்பட்ட கருத்துக்கள் தோன்றினால், பேசி தீர்த்துக்கொள்ள முடியும் என்ற நம்பிக்கை இருக்கிறதா?

    ஓய்வுப்பொழுதை எப்படி கழிக்க வேண்டும் என்பதில் ஒருமித்த கருத்து ஏற்படுகிறதா?

    இருவரும் பிரிந்திருக்கும்போது பிரிவு வாட்டுகிறதா? எப்போது பார்ப்போம் என்ற ஏக்கம் தோன்றுகிறதா?

    எப்போது குழந்தை பெற்றுக்கொள்ள வேண்டும்? எத்தனை குழந்தை பெற்றுக்கொள்ள வேண்டும்? என்பதில் ஒருமித்த எண்ணம் ஏற்படும் என்று கருதுகிறீர்களா?

    எந்த பிரச்சினை ஏற்பட்டாலும், பேசி தீர்த்துக்கொள்வோம் என்ற நம்பிக்கை உள்ளதா?

    பாராட்டும் குணமும் மன்னிக்கும் குணமும் இருக்கிறதா?

    இருவரது குடும்பத்தினர் மீதும் வேறுபாடு இன்றி அன்பு செலுத்த முடியும் என்ற நம்பிக்கை உள்ளதா?

    ஒருபோதும் எந்த வகையிலும் வாழ்க்கைக்குள் மூன்றாம் நபர் ஒருவரை அனுமதிக்க மாட்டேன் என்று உறுதி கூற முடியுமா?

    ஆணும், பெண்ணும் எல்லாவிதத்திலும் சமம்தான் என்ற கருத்தை முழுமனதோடு ஏற்றுக்கொள்வீர்களா?

    மேற்கண்ட கேள்விகளுக்கெல்லாம் "ஆம்" என்பது உங்கள் இருவரின் பதிலாக இருக்கவேண்டும். அப்படி இருந்தால் நீங்கள் திருமணத்தில் இணையும் மணவாழ்க்கை சிறக்கும். அல்லது "ஆம்" என்று சொல்லும் நிலைக்கு மனம் பக்குவம் அடையும் வரை காத்திருங்கள். யாரோடு உங்கள் மனம் "ஆம்" சொல்லுமோ அவரோடு வாழ்க்கையில் இணையுங்கள்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அதிக இடங்களில் விளக்குகள் இன்றி இரவில் இருள் சூழ்ந்துள்ளது.
    • 11 கோடி ரூபாய் செலவில் எல்.இ.டி. விளக்குகள் அமைக்க திட்டமிடப்பட்டுள்ளது.

    டெல்லி :

    நாட்டில் பெண்களுக்கு எதிரான குற்றங்களை தடுக்க மத்திய, மாநில அரசுகள் பல்வேறு நடவடிக்கைகள் எடுத்து வருகின்றன. இந்நிலையில், தலைநகர் டெல்லியில் இருள் சூழ்ந்த 1,000 இடங்களில் விளக்குகள் அமைக்க மத்திய அரசு திட்டமிட்டுள்ளது.

    டெல்லியின் தெற்கு, மேற்கு, வடக்கு பகுதிகளில் உள்ள சாலைகள், மேம்பாலங்களில் 1,000 இடங்களில் இரவு வெளிச்சம், விளக்குகள் இன்றி இருள் சூழ்ந்த நிலையில் உள்ளதாக ஆய்வில் தெரியவந்துள்ளது.

    குறிப்பாக, வடக்கு, தெற்கு டெல்லி மாநகராட்சிக்கு உள்பட்ட பகுதிகளில் அதிக இடங்களில் விளக்குகள் இன்றி இரவில் இருள் சூழ்ந்து உள்ளதாக தெரிவிக்கப்பட்டுள்ளது.

    அவ்வாறு இருள் சூழ்ந்த பகுதிகளாக கண்டறியப்பட்டுள்ள 1,000 இடங்களுக்கு 11 கோடி ரூபாய் செலவில் எல்.இ.டி. விளக்குகள் அமைக்கும் பணியை மேற்கொள்ள மத்திய வீட்டுவசதி மற்றும் நகர்ப்புற விவகாரங்கள் அமைச்சகம் திட்டமிட்டுள்ளது.

    இந்த திட்டம் இன்னும் 6 மாதங்களில் நிறைவேற்றப்படும் என அதிகாரிகள் தரப்பில் தெரிவிக்கப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இந்த இணையதளம் முழுக்க முழுக்க பெண்களுக்கானது.
    • பெண்களுக்கான வேலைவாய்ப்புகள் இப்போது அதிகரித்திருக்கிறது.

    திருமணமான பெண்களுக்கு மீண்டும் வேலைவாய்ப்புகளை ஏற்படுத்தி கொடுக்கிறார், பெங்களூருவை சேர்ந்த நேஹா பகாரியா. அதற்காக பிரத்யேக இணையதளத்தையும் வடிவமைத்திருக்கிறார். இதன் மூலம் வேலைவாய்ப்புடன், பயிற்சி வகுப்புகளையும் நடத்தி வருகிறார். இந்த இணையதளம் முழுக்க, முழுக்க பெண்களுக்கானது. கடந்த 7 ஆண்டுகளாக இலவச சேவையை மேற்கொண்டு வரும் நேஹாவிடம் பேசினோம்.

    ''நான் மும்பையில் பிறந்து வளர்ந்தவள். எனக்கு திருமணமாகி, இரு மகன்கள் இருக்கிறார்கள். நான் பென்சில்வேனியா நாட்டில் பார்மசுட்டிகல் படித்ததோடு, மனிதவள மேம்பாட்டு துறையிலும் பட்டம் பெற்றேன். பின்பு மருத்துவ துறை சம்பந்தப்பட்ட நிறுவனங்களில் மனிதவள மேம்பாட்டு அதிகாரியாக பணியாற்றினேன். திருமணத்திற்கு பிறகு குடும்ப வாழ்க்கையில் கவனம் செலுத்தியதால் அலுவலக வேலையில் இருந்து விலகி இருந்தேன். என்னுடைய மகன்கள் பள்ளிக்கூடம் செல்ல ஆரம்பித்தவுடன், எனக்கான ஓய்வு நேரம் அதிகரித்தது.

    அதனால் மீண்டும் பணியாற்ற ஆரம்பித்தேன். ஆனால் பழைய வேகமும், புதுப்புது தொழில்நுட்ப வளர்ச்சிகளுக்கு ஈடுகொடுக்கும் தன்மையும் குறைந்திருந்தது. அதனால் கால ஓட்டத்திற்கு ஏற்ப என்னை நானே புதுப்பிக்க (அப்டேட்) வேண்டியிருந்தது. அந்த காலகட்டத்தில்தான் என்னை போன்று சிறு இடைவேளைக்கு பின்பு பணியாற்ற விரும்பும் பெண்களுக்கு பயிற்சி அளிக்க ஏற்பாடு செய்து அவர்களுக்கான வேலை வாய்ப்பையும் உறுதிப்படுத்த ஆசைப்பட்டேன். அப்படி உருவானதுதான் ஜாப்ஸ் பார் ஹெர்'' என்றவர், பிரத்யேக இணைய தளத்தின் செயல்பாடுகளை விளக்குகிறார்.

    ''இந்த இணையதளம் முழுக்க முழுக்க பெண்களுக்கானது. குறிப்பாக திருமணம், இல்லற வாழ்க்கை, குழந்தைகள் என குடும்ப பந்தம் ஏற்படுத்திய இடைவேளைக்கு பின்பு வேலை தேடும் குடும்ப தலைவிகளுக்கான வேலை வாய்ப்பை உறுதிப்படுத்தக்கூடியது. மேலும் புதிதாக வேலைத்தேடும் கல்லூரி மாணவிகளுக்கும், வேலை வாய்ப்பை ஏற்படுத்தி கொடுக்கிறது.

    சென்னை, பெங்களூரு, ஐதராபாத், டெல்லி, மும்பை போன்ற முக்கிய நகரங்களில் இருக்கும் ஐ.டி. நிறுவனங்களும், தொழில்துறை நிறுவனங்களும் இந்த இணையதளத்தோடு இணைந்து செயல்படுவதால், பெண்களுக்கான வேலைவாய்ப்புகள் உறுதிப்படுத்தப்படுகின்றன. கடந்த வருட கணக்கின்படி, 50 ஆயிரம் பெண்கள் 'ஜாப்ஸ் பார் ஹெர்' இணையதளத்தின் மூலம் வேலைவாய்ப்பு பெற்றிருக்கிறார்கள். 7 ஆயிரத்து 500-க்கும் அதிகமான நிறுவனங்கள் எங்கள் இணையதளத்தோடு கைகோர்த்திருப்பதால், பெண்கள் விரும்பும் வேலையை, அவர்கள் விரும்பும் பகுதிகளிலேயே பெற முடிகிறது. குறிப்பாக சென்னை, பெங்களூரு பெண்கள் அதிகமாக பயன்பெறுகிறார்கள்'' என்றதோடு, இணையதளம் மூலம் திறன் வளர்ப்பு பயிற்சிகளையும் இலவசமாக வழங்குகிறார். அதை அவரே விவரிக்கிறார்.

    'வழக்கமான வேலை தேடல் இணையதளங்களை போன்றே, எங்கள் இணையதளத்தில் ஒரு கணக்கு தொடங்கி, தங்களை பதிவு செய்து கொண்டால் வேலைவாய்ப்பு குறித்த தகவல்கள் பகிரப்படும். மேலும் சுயவிவர பட்டியல் (ரெஸ்யூம்) உருவாக்குவதில் தொடங்கி, பணிக்கான அழைப்பாணை பெற்றுத் தருவது வரை அவர்களுக்கு உறுதுணையாக இருக்கிறோம். எல்லா பெண்களும், எல்லா துறைகளிலும் சிறப்பானவர்களாக இருப்பார்கள் என்று எதிர்பார்க்க முடியாது. சில பெண்கள் நன்றாக ஆங்கிலம் பேசுவார்கள்.

    ஆனால் அவர்களது ஆங்கில எழுத்து நடையில் நிறைய தவறுகள் இருக்கும். சில பெண்களுக்கு ஆங்கிலம் நன்றாக எழுத வரும், ஆனால் அவர்களால் திறம்பட பேச முடியாது. இதில் இரண்டிலும் சிறப்பானவர்களுக்கு, தேர்வாளர்களின் கேள்விகளுக்கு தைரியமாக பதில் சொல்ல முடியாது. இப்படி ஒவ்வொருவருக்கும் ஒவ்வொரு சிக்கல்கள் இருக்கின்றன. அதை தீர்த்து வைப்பதும் எங்களுடைய வேலை தான். வேலைதேடி வருபவர்களுக்கு வேலைவாய்ப்பு ஏற்படுத்துவதுடன், நேர்காணலில் சொதப்புபவர்களுக்கு தகுந்த பயிற்சியும் வழங்குகிறோம்.

    2015-ம் ஆண்டின் பெண்கள் தினத்தில் ஆரம்பிக்கப்பட்ட இந்த இணையதள சேவையில் வேலைவாய்ப்புடன், அது சம்பந்தமான எழுத்துத்திறன் பயிற்சி, பேச்சுத்திறன் பயிற்சி, மென்பொருள் பயிற்சி என எல்லாவற்றையும் இலவசமாகவே வழங்குகிறேன்'' என்றவர், 'இணையதள சேவையில், வேலைவாய்ப்பு பயிற்சிகள் எப்படி வழங்கப்படுகின்றன' என்ற கேள்விக்கும் பதிலளித்தார்.

    ''ஆன்லைன் மற்றும் ஆப்-லைன் என்ற இருமுறைகளில் வேலைவாய்ப்பு பயிற்சிகளை வழங்குகிறோம். குறிப்பிட்ட நாள், குறிப்பிட்ட நேரத்தில் இணையதள பக்கத்திலேயே ஆன்லைன் வகுப்புகள் நடத்தப்படுகின்றன. அதனால் எங்கிருந்து வேண்டுமானாலும் இந்த வகுப்பில் பங்கேற்று, திறமைகளை வளர்த்து கொள்ள முடியும். அதேசமயம் இணையதள இணைப்பில் இருக்கும் துறை சார்ந்த வல்லுனர்களின் அறிவுரைகளையும் தனிப்பட்ட முறையில் கேட்கலாம்.

    இது ஒரு ரகம் என்றால், ஆப்-லைன் வகுப்புகள் அடுத்த ரகம். இந்த வகுப்புகள் சென்னை, பெங்களூரு, ஐதராபாத் போன்ற முக்கிய நகரங்களில் அடிக்கடி நடத்தப்படுகின்றன. இதில் கலந்து கொண்டும் பயன்பெறலாம். குடும்ப தேவைகளுக்காக சில பெண்கள் வேலை தேடுகிறார்கள். சிலர் சமூக அடையாளத்திற்காக பணியாற்றுகிறார்கள். சிலர் மன நிறைவிற்காக பணியாற்றுகிறார்கள். இப்படி ஒவ்வொரு பெண்களுக்கும் ஒருவிதமான தேவையிருப்பதால் குடும்ப தலைவிகளின் அலுவலக பணி, மன நிறைவான பணியாகவே அமைகிறது.

    * திருமணமான பெண்கள், அலுவலக வாழ்க்கையை விரும்புகிறார்களா?, அவர்களுக்கு வேலைவாய்ப்புகள் கிடைக்குமா?

    பெண்களுக்கான வேலைவாய்ப்புகள் இப்போது அதிகரித்திருக்கிறது. மனிதவள மேம்பாட்டு அதிகாரி, மென்பொருள் பொறியாளர், டீம் லீடர்... போன்ற முக்கிய பணிகளில் பெண்களின் பங்களிப்பு அதிகமாக உள்ளது. அதனால் திருமண வாழ்க்கைக்குள் நுழைந்து ஓரளவிற்கு செட்டில் ஆகியதும், மீண்டும் தங்களுடைய சமூக அங்கீகாரத்தை தேடுகிறார்கள். குறிப்பாக பிள்ளைகளுக்கு பள்ளிகளை தேடும்போதே, தங்களுக்கான புது அலுவலகத்தையும் தேட ஆரம்பித்துவிடுகிறார்கள். மனைவியாக, தாயாக... 6 அல்லது 8 வருடங்கள் பணியாற்றிவிட்டு, அந்த பணியோடு புதிதாக கிடைத்திருக்கும் அலுவலக பணியையும் தொடருகிறார்கள்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இந்த வயதில்தான் இனக் கவர்ச்சியை காதல் என்று தப்பாக புரிந்துகொள்கிறார்கள்.
    • டீன்ஏஜினருக்கு தங்கள் உடல் அமைப்பை பற்றிய புரிதல் இல்லை.
    • டீன்ஏஜ் பிள்ளைகளை பெற்றோர் கவனமாக கையாளவேண்டும்.

    உடலை ஒரு பூஞ்செடியாக உருவகப்படுத்தினால் அதில் மொட்டுகள் உதயமாகும் பருவத்தை டீன்ஏஜ் என்று எடுத்துக்கொள்ளலாம். டீன்ஏஜ் பருவத்தில் அவர்களது ஒவ்வொரு சலனமும் இரட்டிப்பு வேகம் கொண்டதாக இருக்கும். கலர்கலரான கனவுகள் அவர்கள் இதயத்தில் பூக்கும். அவர்களிடம் மலரும் சின்ன புன்னகைக்குள் நூறு ரக சியங்கள் புதைந்துகிடக்கும். அருவியில் ஒழுகும் நீர் போன்று அப்போது அவர்கள் மனதில் பாலியல் சிந்தனைகள் உருவாகி, பாய்ந்தோடிக்கொண்டிருக்கும்.

    பல வழிகளில் ஒழுகிவரும் இந்த அருவிகள்தான் பிற்காலத்தில் (வாழ்க்கை என்ற) நதியாக மாறுகிறது. ஏராளமான ஆபத்துக்களும், ஏமாற்றங்களும் இதன் பயணப் பாதையில் ஒளிந்திருக்கிறது என்பதை டீன்ஏஜினர் பெரும்பாலும் அறிந்திருப்பதில்லை.

    டீன்ஏஜின் அவசரத்திலும், ஆவேசத்திலும் நடந்துவிடும் தவறுகள் பின்பு காலம் முழுக்க கண்ணீர் விடும் சூழ்நிலையை உருவாக்கிவிடுவதுண்டு. ஒவ்வொரு நாட்களும் வெவ்வேறு விதமான சவால்களை டீன் ஏஜில் பெண்கள் எதிர்கொள்ள வேண்டியதிருக்கிறது. அப்போது அவர்கள் எதிர்கொள்ளும் மனநெருக்கடி விவரிக்க முடியாதது.

    டிஜிட்டல் உலகமும், இன்டர்நெட்டும் சேர்ந்து உருவாக்கியிருக்கும் புதிய சூழல் இதில் கூடுதல் நெருக்கடியை உருவாக்கியிருக்கிறது. இப்படிப்பட்ட சூழலில் சிக்கித் தவிக்கும் இளம் பெண்களின் தவிப்புகளை பெற்றோர் நன்றாக புரிந்துகொள்ள முன்வரவேண்டும். வாழ்க்கை என்ற வாகனத்தை விபத்தில்லாமல் ஓட்டிச்செல்ல, எப்படி ஸ்டீரியங்கை பிடிக்கவேண்டும் என்பதை பெற்றோர்கள்தான் டீன்ஏஜ் பெண்களுக்கு கற்றுக்கொடுக்கவேண்டும்.

    டீன்ஏஜில் பெண்களுக்கு எத்தகைய நெருக்கடிகள் ஏற்படுகின்றன? அதில் சிக்காமல் அவர்கள் எப்படி நடந்துகொள்ளவேண்டும்? என்பதற்கான ஆலோசனைகள் இங்கே இடம்பெறுகின்றன..!

    டீன்ஏஜ் என்பது எதிர்கால வாழ்க்கைக்காக சிறப்பாக திட்டமிட்டு, செயல்படவேண்டிய பருவம். ஹார்மோன்களின் பிரவாகம் பெருகுவதும் இந்த காலகட்டத்தில்தான். இந்த காலகட்டத்தில் அவர்களுக்கு பள்ளியில் ஆசிரியர்களிட மிருந்தோ, வீட்டில் பெற்றோர்களிடமிருந்தோ தேவையான பாலியல் அறிவு கிடைப்பதில்லை. அதனால் தோழிகளோ, நண்பர்களோ, சமூகவலைத்தளங்களோ அவர்களுக்கு பாலியல் குரு ஆகிவிடுகிறது. அதில் இருந்து கிடைக்கும் தகவல்களை எல்லாம் அப்படியே நம்பிவிடுகிறார்கள்.

    தவறான இடங்களில் இருந்து கிடைக்கும் முரண்பாடான, கிளர்ச்சியூட்டும் தகவல்களே டீன் ஏஜ் பெண்களிடையே பெருங்குழப்பங்களை ஏற்படுத்துகிறது. அது அவர்களை தவறாகவும் வழிநடத்துகிறது. சமூக சூழல், குடும்ப சூழல், தனிப்பட்ட குணாதிசயம் போன்றவைகளை அடிப்படையாகக்கொண்டு டீன்ஏஜ் பாலியல் ஈர்ப்பு உருவாகிறது. அதில் இருந்து பாதுகாப்பாக நீந்தி கரையேறுவது அவர்களுக்கு மிக கடினமானதாகிவிடுகிறது.

    18 வயதை கடக்கும் முன்பே பெரியவர்களை போன்று நடந்துகொள்ளவேண்டும் என்ற எண்ணம் டீன்ஏஜ் பெண்களுக்கு ஏற்படும். பெரியவர்களிடம் இருக்கும் நல்ல குணங்களைவிட கெட்ட குணங்கள் அவர்களை ஒருவேளை ஈர்க்கலாம். அதனால் போதைப் பழக்கம், புகைப்பிடித்தல், சமூக விரோத செயல்களில் ஈடுபடுதல் போன்றவைகள் உருவாகலாம்.

    பள்ளிப் பருவத்திலேயே சிறுமிகள் பாலியல் வலைகளில் சிக்கிக்கொள்கிறார்கள். அந்த பருவத்தில் மாணவிகளுக்கு அது பற்றி போதிய விழிப்புணர்வு இல்லாமல் இருப்பதுதான் அதற்கான காரணம். அவர்கள் பாலியல் நெருக்கடிகளில் சிக்காமல் இருக்க கவுன்சலிங் கொடுக்கும் அமைப்புகள் பள்ளிகளில் உருவாக்கப்படவேண்டும். இந்த வயதில்தான் இனக் கவர்ச்சியை காதல் என்று தப்பாக புரிந்துகொள்கிறார்கள்.

    இப்படிப்பட்டவர்களை குறிவைத்து பாலியல் மாபியாக்கள் களத்தில் இறங்குகிறார்கள். அவர்கள் சிறுமிகளை பாலியல் தூண்டலாக பேசவைத்தும், படங்களை எடுத்தும் விற்பனைப் பொருட்களாக ஆக்குகிறார்கள். இதற்கான நெட்ஒர்க்குகள் உலகம் முழுவதும் இயங்கிக்கொண்டிருக்கின்றன. இத்தகைய மோசக்காரர்களிடம் சிக்கிக்கொள்ளும் பெண்கள் கடுமையான மன உளைச்சலுக்கு உள்ளாகிறார்கள். சரியான ஆலோசனைகள் கிடைக்காவிட்டால் அவர்கள் தற்கொலை முயற்சிகளில்கூட ஈடுபடலாம்.

    டீன்ஏஜ் பருவத்தில், தான் யார் என்பதை நிரூபிக்கவேண்டும் என்ற ஆர்வமும், தனக்கான சுதந்திரத்தை அதிகபட்சமாக அனுபவிக்கவேண்டும் என்ற எண்ணமும் தோன்றும். அப்போது அவர்கள் காட்டும் வேகத்தைதான் பெரியவர்கள் ஆக்ரோஷம் என்று குறிப்பிடுகிறார்கள். ஆனால் டீன்ஏஜ் பருவத்தினரோ அதனை தங்கள் இயல்பான குணம் என்றே கருதுகிறார்கள்.

    அவர்கள் ஆவேசமடைவதற்கு பல்வேறு காரணங்கள் இருக்கும். பெரும்பாலான டீன்ஏஜினர் `நான் பெரியவனாகிவிட்டேன். ஆனால் பெற்றோர் என்னை மதிப்பதில்லை' என்று நினைக்கிறார்கள். தன்னை மதிப்பதில்லை, தன்னை பொருட்படுத்துவதில்லை என்ற எண்ணங்களே அவர்களை ஆக்ரோஷம் நிறைந்தவர்களாக்குகிறது. அதனால் அவர்களை மதிக்க பெற்றோர் முன்வரவேண்டும். குடும்ப விஷயங்களிலும் அவர்களது கருத்தைக்கேட்க வேண்டும். அதன் மூலம் அவர்களுக்கு குடும்ப பொறுப்பையும் உணர்த்தலாம்.

    பெற்றோர்களில் சிலர் `இந்த வயதில் படிப்பது மட்டுமே அவர்கள் வேலை. அதை மட்டும் அவர்கள் சரியாக செய்தால் போதும். அவர்களிடம் குடும்ப விஷயங்கள் பற்றி எல்லாம் பேசமுடியாது' என்பார்கள். அது சரியான வாதம் அல்ல. ஏன்என்றால் நன்றாக படித்தால் மட்டும் சிறப்பாக குடும்ப வாழ்க்கையை அமைத்துக்கொண்டுவிட முடியாது என்பது சிறுவயதிலேயே அவர் களுக்கு உணர்த்தப்படவேண்டும். குடும்ப விஷயங்களில் முடிவெடுக்க இளம்பருவத்தினரை பழக்கப்படுத்தும்போது, அவர்களது சிந்தனையில் அது நல்லதாக்கத்தை ஏற்படுத்தும்.

    குடும்பத்தில் தனக்கு அளிக்கும் முக்கியத்துவத்தை உணர்ந்து அதற்கு தக்கபடி நடந்துகொள்வார்கள். குடும்பத்தின் கவுரவத்தை பாதிக்கும் விதத்தில் தான் நடந்துகொள்ளக்கூடாது என்ற எண்ணமும் உருவாகும். சுதந்திரமே கொடுக்காமல் மிகுந்த கட்டுப்பாட்டோடு டீன்ஏஜ் பிள்ளைகள் வளர்க்கப்பட்டால், அவர்கள் எல்லைமீறுவதற்கான வாய்ப்புகளை எதிர்நோக்குவார்கள். அது குடும்பத்திற்கு பல்வேறு விதமான நெருக்கடிகளை உருவாக்கி விடும்.

    வீட்டில் ஒவ்வொருவரும் தனித்தனி தீவு போன்று இயங்கிக்கொண்டிருக்கக்கூடாது. அப்படி இயங்கினால் `அப்பா அவரது வேலையை பார்க்கிறார்', `அம்மா அவரது வேலையை கவனிக்கிறார்', `நான் என் வேலையை மட்டுமே செய்வேன்' என்ற சுயநலம் உருவாகிவிடும். அப்போது குடும்பத்தின் கட்டுறுதி குலைந்து விடும். அதனால் டீன்ஏஜ் பிள்ளைகளையும் குடும்பத்தோடு ஐக்கியப்படுத்துங்கள். அதுபோல் அவர்களது ஒவ்வொரு அசைவுகளையும் கண்காணித்து பெற்றோர் கேள்விகளை எழுப்பிக்கொண்டிருக்கக்கூடாது. அப்படி எழுப்பினால் `நான் என்ன தீவிரவாதியா? கிரிமினலா? ஏன் என்னை இப்படி சந்தேகக்கண்ணோடு பார்க்கிறீர்கள்?' என்று கேள்விகளை எழுப்பத் தொடங்கிவிடுவார்கள்.

    டீன்ஏஜினரின் உலகம் கற்பனை கலந்தது. அதில் முழு யதார்த்தத்தை காண முடியாது. அதனை புரிந்துகொண்டு பெற்றோர் அவர்களுக்கு அன்பும், ஆதரவும் அளித்துவரவேண்டும். அவர்கள் எதிர்பார்க்கக்கூடிய அன்பும், ஆதரவும் வீட்டிற்குள் கிடைக்காவிட்டால் அதனை வெளியே தேடத்தொடங்கிவிடுவார்கள். அது பிரச்சினையின் தொடக்கப்புள்ளியாக அமைந்துவிடும்.

    டீன்ஏஜினருக்கு தங்கள் உடல் அமைப்பை பற்றிய புரிதல் இல்லை. ஆண்கள், வலிமை பொருந்திய நடிகர்கள் மற்றும் பிரபலங்களின் உடல் அமைப்பை பார்த்துவிட்டு அதுபோல் தங்களுக்கு இல்லையே என்று ஏக்கம் கொள்கிறார்கள். பெண்கள், நடிகைகளின் உடலைப் பார்த்துவிட்டு அதுபோன்ற கட்டமைப்பு இல்லையே என்று கவலை கொள்கிறார்கள். இதில் ஒருசிலர் அந்தரங்கமான உறுப்புகளை, குறிப்பிட்ட வலைத்தளங்களுக்கு சென்று பார்த்துவிட்டு அதுபோல் தங்கள் உறுப்புகள் இல்லையே என்று கவலை கொள்கிறார்கள். மட்டுமின்றி உறுப்பு வளர்ச்சி குறைபாட்டுக்கு தாங்கள் உள்ளாகியிருந் தால் எதிர்காலத்தில் பாலியல் வாழ்க்கையை அது பாதிக்குமே என்றும் அச்சம் கொள்கிறார்கள். இதெல்லாம் தேவையற்ற கவலை. இணையதளங்களில் பார்க்கும் அப்படிப்பட்ட காட்சிகள் அனைத்தும் மிகைப்படுத்தப்பட்டவை. உண்மையற்றவை. பிரமிப்பிற்காக சித் தரிக்கப்பட்டவை என்பதை இளம் வய தினர் புரிந்துகொள்ளவேண்டும்.

    இளம் பருவத்தினரில் சிலர் வெளித்தோற்றத்திற்கு கலகக்காரர்கள் போன்றும், உள்ளே சற்று அமைதியானவர்கள் போன்றும் தெரிவார்கள். அவர்களை புரிந்துகொள்வது ஓரளவு எளிது. ஆனால் ஒருசிலர் வெளித்தோற்றத்திற்கு அமைதி யானர்கள் போன்றும், உள்ளே கலங்கலான மனதுடனும் காட்சியளிப்பார்கள். அவர்கள்தான் பெருமளவு குழப்பவாதிகள். இந்த இருவகையினரிடமுமே இயற்கையான பாலியல் தேடல் இருந்துகொண்டிருக்கும். பிடித்தமான சினிமா துறையினர் மீதோ, விளையாட்டுத் துறையினர் மீதோ தீவிர ரசிப்புத்தன்மையை வெளிப்படுத்துவார்கள். குறிப்பிட்ட அந்த பிரபலத்தை போன்று தானும் வாழவேண்டும், நடந்துகொள்ளவேண்டும் என்றும் விரும்புவார்கள்.

    இன்டர்நெட் விரல் நுனிக்கு வந்துவிட்டதால் நன்மைகள் பல உண்டு என்றாலும், கெடுதலுக்கும் குறைவில்லை. பாலியல் தொடர்புடைய முரண்பாடான தகவல்களையும், காட்சிகளையும் தருவதில் ஆபாச சைட்டுகள் முதலிடத்தில் உள்ளன. இவைகளை கட்டுப்படுத்த முடிவதில்லை. அவைகளில் இருந்து கிடைக்கும் தவறான விஷயங்களை நடைமுறைப்படுத்திப்பார்த்தால், அது அவர்களது வாழ்க்கையை தடம்புரளவைத்துவிடும். இதை எல்லாம் கருத்தில்கொண்டு டீன்ஏஜ் பிள்ளைகளை பெற்றோர் கவனமாக கையாளவேண்டும். அதற்கு அன்பும், அனுசரணையும், பொறுமையும் மிக அதிகம் தேவை.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பெண்களின் மாதவிடாய் சுழற்சியை வாட்ஸ்அப் மூலம் தெரிந்து கொள்ளலாம்.
    • இந்த அம்சம் பெண்களுக்கு மிகவும் பயனுள்ளதாக இருக்கும் என அந்நிறுவனம் தெரிவித்துள்ளது.

    பெண்களுக்கு உதவும் வகையில் மாதவிடாய் கண்காணிப்பு வசதியை வாட்ஸ்அப் நிறுவனம் அறிமுகம் செய்துள்ளது. இதற்காக 'சிரோனா ஹைஜீன்' என்ற பெண்கள் சுகாதார நிறுவனத்துடன் வாட்ஸ்அப் கைகோர்த்துள்ளது.

    இந்த வசதியின்படி பெண்களின் மாதவிடாய் சுழற்சியை வாட்ஸ்அப் மூலம் தெரிந்து கொள்ளலாம் என அறிவிக்கப்பட்டுள்ளது. பெண்களுக்கு இனி தங்கள் மாதவிடாய்களை கண்காணிக்க ஒரு ஆண்டிராய்டு ஆப் தனியாக தேவையில்லை. இதற்காக 9718866644 என்ற எண்ணில் உள்ள சிரோனா நிறுவனத்தின் வாட்ஸ்அப் வணிகக் கணக்கிற்கு முதல் 'ஹாய்' என மெசேஜ் அனுப்பவேண்டும்.

    பின்னர், பயனர்கள் தங்கள் விவரங்களை வாட்ஸ்அப்பில் தெரிவிக்கவேண்டும். மேலும் சிரோனா நிறுவனம் கேட்கும் சில கேள்விகளுக்கும் பதில் அளிக்க வேண்டும்.அந்த விவரங்களை கொடுத்தபின், உங்களின் அடுத்த மாதவிடாய் எப்போது ஏற்படும் உள்ளிட்ட தகவல்கள் அளிக்கப்படும்.

    செயற்கை நுண்ணறிவு மற்றும் உள்ளுணர்வு தொழில்நுட்பத்தின் உதவியுடன் உருவாக்கப்பட்ட இந்த அம்சம் பெண்களுக்கு மிகவும் பயனுள்ளதாக இருக்கும் என அந்நிறுவனம் தெரிவித்துள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • புகழ்ச்சியை விரும்பும் பெண்கள் எல்லா காலத்திலும் இருப்பார்கள்.
    • கடுமையான உழைப்பின் மூலம் கிடைக்கும் வெற்றி மட்டுமே உண்மையானது.

    பெண்கள் தற்போது இரண்டு விஷயங்களில் வெற்றிவாகை சூட விரும்புகிறார்கள். ஒன்று: திருமணமாகி, பொறுப்புள்ள குடும்பத்தலைவியாக திகழ்ந்து அதில் வெற்றிபெறுவது. இரண்டு: இளம் பருவத்தில் தன்னிடம் இருந்த திறமையை திருமணத்திற்கு பிறகு மீண்டும் மெருகேற்றி தொழில் துறையில் இறங்கி சாதிப்பது.

    "முந்தைய பெண்கள் குடும்ப வாழ்க்கை வெற்றி மட்டுமே போதும் என்று நினைத்து அதிலே திருப்திபட்டுக்கொண்டார்கள். இன்றைய பெண்கள் அது மட்டும் போதாது, வெளிஉலகுக்கு வந்து தங்கள் திறமைக்கு புத்துயிர்கொடுத்து ஏதாவது ஒரு துறையில் ஈடுபட்டு அதிலும் வெற்றிக்கொடி நாட்டவேண்டும் என்று கருதுகிறார்கள். குடும்ப நிர்வாகத்தின் மூலம் அவர்களுக்கு நல்ல அனுபவமும், பக்குவமும் கிடைப்பதால், அதன் பின்பு அவர்கள் தொழில்துறைகளில் இறங்கி சாதிப்பதற்கான வாய்ப்புகள் பிரகாசமாகிவிட்டன" என்கிறார், சுமதி ஸ்ரீனிவாஸ். இவர் பெண்களுக்கான தொழில்துறை வழிகாட்டி.

    'மிஸஸ் ஹோம்மேக்கர்' என்ற பிரபலமான டெலிவிஷன் நிகழ்ச்சி மூலம் பல ஆண்டுகளாக பெண்களின் மத்தியில் செயல்பட்டு, குடும்பத்தலைவிகளின் திறமைகளை வெளிக்கொண்டு வந்து, அவர்களை தொழில்துறையிலும் ஜொலிக்கவைத்திருக்கும் இவர், 'இந்திய பெண்களின் திறமைகளும், வளர்ச்சியும்' என்ற தலைப்பில் இங்கிலாந்து பாராளுமன்றத்தில், சிறப்பு அழைப்பாளராக உரையாற்றியவர். அமெரிக்காவில் நடந்த பெண்கள் மாநாட்டில் கலந்துகொண்டு சிறப்பித்தவர். சிறந்த பெண்மணிக்கான விருதை சிங்கப்பூரில் பெற்றவர்.

    குடும்பத்தலைவிகளின் ஆளுமைத்திறன் மற்றும் தொழில் திறன் வளர்ப்பு ஆலோசகராக செயல்பட்டுக்கொண்டிருக்கும் சுமதி ஸ்ரீனிவாசுடன் நமது சந்திப்பு:

    உங்கள் குடும்பம் மற்றும் கல்வி பின்னணி பற்றி கூறுங்கள்?

    நான் சென்னையில் பிறந்து வளர்ந்தவள். எனது பெற்றோர் குணசேகர்- சுகுணாவதி. சர்ச் பார்க் கான்வென்டில் பள்ளிப் படிப்பை முடித்துவிட்டு, எத்திராஜ் கல்லூரியில் பி.எஸ்சி. படித்தேன். பின்பு எம்.ஏ. சமூகவியல் கல்வியும் கற்றேன். பள்ளியில் விளையாட்டு போட்டிகளில் பங்கேற்றிருக்கிறேன். அதன் மூலம் வெற்றித் தோல்விகளை சமமாக பாவிக்கும் பண்பு வளர்ந்தது. பள்ளி நாடகங்களிலும் நடித்திருக்கிறேன். தினமும் உடற்பயிற்சி செய்யும் வழக்கம் அப்போதே என்னிடம் உருவாகிவிட்டது. பள்ளி, கல்லூரி இரண்டிலும் பெண்களுடனே படித்ததால், பெண்களின் மன இயல்புகள், புரிதல்கள், விருப்பங்கள் பற்றி இளம் வயதிலே நன்றாக உணர்ந்துகொள்ள முடிந்தது.

    குடும்பத் தலைவியான பின்பு உங்கள் வாழ்க்கை நிலை எப்படி இருந்தது?

    கல்லூரி படிப்பு முடிந்ததும் திருமணம் நடந்தது. என் கணவர் ஸ்ரீனிவாஸ். எங்களுக்கு இரண்டு மகன்கள். நான் பள்ளியில் படிக்கும்போதே தையல் மற்றும் சமையல் கலை பயிற்சி வகுப்புகளில் கலந்து கொண்டு நிறைய விஷயங்களை கற்றுக்கொண்டேன். ஐஸ்கிரீம், கேக் தயாரிப்பதெல்லாம் எனக்கு அத்துப்படியான விஷயம். எல்லா குடும்பத்தலைவிகளுக்கும் சமையல் தெரிந்திருக்கவேண்டும் என்பது என் கருத்து. குடும்பத்தை நிர்வகிப்பதற்கு தேவையான விஷயங்களையும் என் தாயார் எனக்கு கற்றுத்தந்திருந்தார். கணவர் மூலமும் எனக்கு சிறந்த அனுபவங்கள் நிறைய கிடைத்தன.

    குடும்பத்தலைவியான நீங்கள், பெண்கள் நலன் சார்ந்து செயல்பட எப்படி தயாரானீர்கள்? அதற்கான காரணம் என்ன?

    நான் ஏராளமான கலைப் பயிற்சிகளை பெற்றிருந்தாலும், சமூகம் மற்றும் நிர்வாகம் சார்ந்த கல்விகளை கற்றிருந்தாலும் குடும்பத்தை மட்டுமே கவனித்துக்கொள்ளும் பொறுப்பே போதும் என்று நினைத் திருந்தேன். ஆனால் திடீரென்று ஏற்பட்ட பொருளாதார நெருக்கடி, நான் வெளிஉலகத்தை நோக்கி காலடி எடுத்துவைக்கும் சூழ் நிலையை உருவாக்கியது. பணத்தேவைக்கு என்ன செய்யலாம் என்று யோசித்தபோது என்னிடம் இருந்த திறமையை பயன்படுத்தி, நெருக்கமானவர்களுக்கு முதலில் 'ஈவென்ட் மேனேஜ்மென்ட்' நிகழ்ச்சிகளை நடத்திக்கொடுத்தேன். அதில் அதிக வரவேற்பு கிடைத்ததால் அதையே தொழிலாக்கினேன். இந்தியாவிலும், வெளிநாட்டிலும் நிகழ்ச்சிகள் நடத்துகிறேன். கடமை உணர்வோடு அதை புதுமையான முறைகளில் செய்துகொண்டிருக்கிறேன்.

    எனக்கு ஆயிரக்கணக்கான பெண்களிடம் நெருங்கிப் பழகும் வாய்ப்பு கிடைத்தது. அப்போதுதான் திறமையுள்ள குடும்பத்தலைவிகளில் பலர் வீட்டிற்குள்ளே முடங்கிக் கிடப்பதையும், அவர்கள் வெளி உலகிற்கு வந்து சாதிக்க விரும்புவதையும் அறிந்தேன். அவர் களுக்கு வழிகாட்டுவதற்காக 'மிஸஸ் ஹோம் மேக்கர்' என்ற திறமை அறியும் தொடரை பத்தாண்டுகளுக்கும் மேலாக பிரபலமான டி.வி.களில் நடத்தி ஏராளமான பெண்களுக்கு வழிகாட்டினேன். அவர்கள் எனது பயிற்சியாலும், தங்கள் முயற்சியாலும் சிறந்த தொழிலதிபர்களானார்கள். இப்போதும் சோல்மேட் பவுண்ட் டேஷன் என்ற அமைப்பு மூலம் குடும்பத்தலைவி களுக்கு வழிகாட்டிக்கொண்டிருக்கிறேன்.

    நீங்கள் தொழில்துறைக்கு அறிமுகமான காலகட்டத்தில், உங்கள் திறமையை நிரூபிக்க எந்த மாதிரியான சவால்களை எல்லாம் எதிர்கொண்டீர்கள்?

    அது ஒரு கடுமையான காலகட்டம். எனக்கு ஏற்பட்டது போன்ற நெருக்கடியை தொழில்துறைக்கு வர விரும்பும் பெரும்பாலான பெண்கள் சந்திக்க வேண்டியதிருக்கும். நான் வெளிஉலகத்தில் காலடி எடுத்துவைத்தபோது, சாதிப்பேனா- சறுக்கிவிழுந்துவிடுவேனா என்ற பயம் என் குடும்பத்தினருக்கு இருந்தது. என் உழைப்பு மூலம் அந்த பயத்தை போக்க வேண்டியதிருந்தது. அடுத்து அவர்களுக்கு எனது திறமையை நிரூபித்துக்காட்டவேண்டிய சூழ்நிலை ஏற்பட்டது. அதற்காக புதுமையாக சிந்தித்து, கடுமையாக உழைத்தேன். யாரையும் எதிர்பார்க்காமல் என் வேலையை செய்தேன். என்னால் முடியாது என்று சொல்லிக்கொண்டிருந்தவர்கள் மத்தியில் என்னாலும் முடியும் என்ற தெளிவை உருவாக்கினேன்.

    நான் தொடக்க காலத்தில் கடைப்பிடித்த முக்கியமான நடைமுறை ஒன்றை குறிப்பிட விரும்புகிறேன். நான் அப்போது நிகழ்ச்சிகளுக்காக தினமும் ஐந்து பேரை சந்திக்கிறேன் என்றால், அவர்கள் ஒவ்வொருவர் செயல்பாடுகளையும் நன்றாக உள்வாங்கிக்கொண்டு, அவர்கள் அணுகுமுறை, குணாதிசயங்கள் பற்றி அன்றன்று டைரியில் எழுதிவிடுவேன். அது, அவர்களை அடுத்தடுத்து நான் சந்தித்து சிறப்பாக செயல்பட கைகொடுத்தது. அப்படி நான் எடுத்துள்ள குறிப்புகள் மூலம் மனித உணர்வுகளை நன்றாக கற்றுக்கொள்ள முடிந்தது. அப்படி நான் பாடம் போல் கற்றுக்கொண்ட விஷயங்களை எல்லா பெண்களுக்கும் இப்போது கற்றுக்கொடுத்துக்கொண்டிருக்கிறேன்.

    குடும்பத்தலைவிகளை தொழிலதிபர்களாக்குவது எளிதான காரியமா? அதில் என்னென்ன சிக்கல்கள் இருக்கின்றன?

    குடும்பத்தை நன்றாக நிர்வகிக்கத் தெரிந்த ஒவ்வொரு பெண்ணாலும் சிறந்த தொழிலதிபராக முடியும். ஏன்என்றால் ஒரு தொழிலதிபருக்கான அடிப்படை தகுதி அவளுக்கு குடும்பத்தை நிர்வகிப்பதிலே கிடைத்துவிடுகிறது. ஆனால் அவர்களது திறமையை அவர்களே உணராமல் இருப்பதும், வெளி உலகத்தை அணுக அவர்கள் தயங்குவதும்தான் அவர்களிடம் இருக்கும் குறை. சில குடும்பங்களில் பெண்களை மட்டம்தட்டியே வைத்திருப்பார்கள். அதனால் அவர் களுக்கு சிந்திக்கும் ஆற்றலும் குறைந்திருக்கும்.

    அவர்களுக்கு தன்னம்பிக்கை ஊட்டவேண்டும். இருக்கிற திறமையை மேம்படுத்துவது, வீட்டில் உள்ளவர்கள் குறைசொன்னாலும் மனதொடிந்து போகாமல் இருப்பது, ஒருபோதும் உணர்ச்சிவசப்படாமல் நிதானத்தை கையாளுவது, அவமானம் ஏற்பட்டாலும் துவண்டுபோகாமல் நிமிர்ந்து நிற்பது, வீட்டில் இருக்கும் குடும்பத்தலைவி வேறு- வெளியே செயல்படும் பெண் வேறு என்று பகுத்து உணர்வது, யாரையும் காயப்படுத்தாமல் விஷயத்தை புரியவைப்பது, ஈகோ இல்லாமல் நடந்துகொள்வது போன்ற பல்வேறு விஷயங்கள் பற்றி அவர்களுக்கு எடுத்துரைத்து வழிகாட்டவேண்டும்.

    35 முதல் 45 வயது வரையிலான பெண்களின் மனநிலை எப்படி இருக்கிறது? அவர்களிடம் தொழில் ஆர்வம் மிகுந்திருக்கிறதா?

    இந்த வயது பெண்களிடம் உடல் பலத்தோடு மனபலமும் அதிகமாக இருக்கிறது. நாம் ஒரு நல்ல அம்மா மட்டுமல்ல அதற்கு மேலும் நமது திறமையை வெளிப் படுத்த வேண்டும் என்ற உத்வேகம் வருகிறது. 35 முதல் 45 வயதுதான் பெண்களின் வாழ்க்கையில் சிறந்த வயது. இந்த பருவத்தில் தோற்றம், சிந்தனை, செயல் அனைத்திலும் நல்ல மாற்றங்கள் ஏற்படும். இது அவர்கள் வெளிஉலக தொடர்புகளை மேம்படுத்திக்கொள்ளவும், தொழில் தொடங்கவும், கடுமையாக உழைக்கவும் ஏற்ற பருவம்.

    தொழில்துறைக்கு வர விரும்பும் பெண்கள் தவறான வழிகாட்டிகளால் பாதிக்கப்படவும் செய்வார்கள் அல்லவா?

    சரியாக வழிகாட்