என் மலர்

    நீங்கள் தேடியது "Marriage"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • உற்றார், உறவினர்கள் முன்னிலையில் இந்த திருமணம் நடந்தது.
    • உயிர் தந்த தாயின் தனிமை துயரை துடைத்த மகளின் துணிச்சலான இந்த முடிவை பலரும் பாராட்டி வருகிறார்கள்.

    திருவனந்தபுரம் :

    கேரளாவில் 59 வயது தாய்க்கு 2-வது திருமணம் செய்து அழகு பார்த்த மகளை பலரும் பாராட்டி வருகிறார்கள். அவர் தனது தாயின் தனிமையை போக்க விரும்பியதாக கூறினார்.

    இந்த நெகிழ்ச்சியான சம்பவம் குறித்த விவரம் வருமாறு:-

    கேரள மாநிலம் திருச்சூரை சேர்ந்தவர் ரதிமேனன் (வயது 59). இவரது கணவர் கடந்த சில ஆண்டுகளுக்கு முன்பு இறந்து விட்டார். இவர்களுக்கு 2 மகள்கள் உண்டு. இருவருக்கும் திருமணமான நிலையில், ரதிமேனன் தனிமையில் வசித்து வந்தார்.

    இந்தநிலையில் தனது தாயார் தனிமையில் தவித்து வருவதை உணர்ந்த ரதிமேனனின் மகள் பிரசிதா, கண்டிப்பாக தனது தாயாருக்கு ஒரு துணை வேண்டும் என்று சிந்திக்கத்தொடங்கினார். இதற்காக தனது தாய்க்கு திருமணம் செய்து வைத்து விடலாம் என்று அவர் முடிவு செய்தார். இதற்காக தகுந்த மணமகனை தேட ஆரம்பித்தார்.

    இப்படிப்பட்ட சூழ்நிலையில் அதே பகுதியை சேர்ந்த மனைவியை இழந்து தனிமையில் வாழ்ந்து வந்த திவாகரன் (63) என்பவர்தான் தனது தாய்க்கு ஏற்ற துணை என்று பிரசிதா முடிவு செய்தார். 2 மகள்களுக்கு தந்தையான திவாகரன் வேளாண் பல்கலைக்கழகத்தில் பணி செய்து ஓய்வு பெற்றவர் ஆவார்.

    அவரிடம் தனது தாயின் தனிமை பற்றியும், அவருக்கு ஒரு துணை வேண்டும், அது நீங்களாக இருந்தால் மிகவும் நல்லது என்று உருக்கமாக விளக்கிகூறினார் பிரசிதா.

    இதனை புரிந்து கொண்ட திவாகரன் 2-வது திருமனத்திற்கு சம்மதம் தெரிவித்தார். திவாகரனின் மனநிலை குறித்து அவரது 2 பெண்குழந்தைகளிடமும் பிரசிதா பேசினார். அவர்களும் தந்தையின் திருமணத்திற்கு மறுப்பு தெரிவிக்கவில்லை.

    இதை தொடர்ந்து, தனது தாய் ரதிமேனனின் சம்மதத்தை பெற்ற அவர் திருச்சூர் திருவம்பாடி கோவிலில் இருவருக்கும் திருமணத்தை நடத்தி வைக்க முடிவு செய்தார். அதன்படி உற்றார், உறவினர்கள் முன்னிலையில் திருமணத்தை நடத்தி முடித்தார். உயிர் தந்த தாயின் தனிமை துயரை துடைத்த மகளின் துணிச்சலான இந்த முடிவை பலரும் பாராட்டி வருகிறார்கள்.

    தாய்க்கு 2-வது திருமணம் செய்து வைத்து அழகு பார்த்த பிரசிதா கூறியதாவது:-

    எனது அம்மாவுக்கு நாங்கள் 2 பெண் குழந்தைகள். அப்பா உயிரோடு இருக்கும்போதே எங்கள் இருவருக்கும் திருமணமாகிவிட்டது. நாங்கள் அவரவர் கணவர் வீட்டில் வாழ்ந்து வருகிறோம். இந்த நிலையில் அப்பா திடீரென்று மரணம் அடைந்ததால் அம்மா தனிமையானார். எங்களுக்கும் கணவர், குழந்தைகள் என ஆனதால் அம்மாவை அடிக்கடி நேரில் வந்து பார்க்க முடியவில்லை. அம்மாவின் தனிமை நிலையை போக்க வேண்டும் என்று யோசித்தேன். அதற்காகத்தான் இந்த திருமண ஏற்பாடு செய்யப்பட்டது.

    இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இவர்களது திருமணம் திருச்செந்தூர் கோவிலில் நடந்தது.
    • மணமக்களை உறவினர்கள் வாழ்த்தினர்.

    திருநெல்வேலி :

    நெல்லை மாவட்டம் சுத்தமல்லி பகுதியை பூர்வீகமாக கொண்ட மாசிலாமணி-ஆனந்தி தம்பதியினர் கடந்த 30 ஆண்டுகளுக்கு மேலாக பிரான்ஸ் நாட்டில் வசித்து வருகிறார்கள். அங்கு மாசிலாமணி, தனியார் உணவகத்தில் மேலாளராக வேலை பார்த்து வருகிறார்.

    இவர்களுக்கு காயத்ரி, கீர்த்திகா, நாராயணி என 3 மகள்கள் உள்ளனர். 3 பேரும் பிரான்சில் படித்து, அங்கேயே பணியாற்றி வருகின்றனர். மூவரும் பிரான்ஸ் நாட்டை சேர்ந்த வாலிபர்களை காதலித்து வந்துள்ளனர். காதலுக்கு எந்தவித எதிர்ப்பும் தெரிவிக்காமல் மாசிலாமணி குடும்பத்தினர், தமிழ் கலாசார முறைப்படி திருமணம் செய்து வைக்க முடிவு செய்தனர்.

    இதையடுத்து நேற்று மாசிலாமணி திருச்செந்தூர் சுப்பிரமணிய சுவாமி கோவிலுக்கு தனது உறவினர்களுடன் வந்தார். தங்களின் 3 மகள்களுக்கும் ஒரே நேரத்தில் பிரான்ஸ் நாட்டை சேர்ந்த ஜார்ஜ், ராம்குமார், மஜ்ஜூ ஆகிய மூவருக்கும் திருச்செந்தூர் கோவிலில் வைத்து தமிழ் கலாசார முறைப்படி மாலை மாற்றி திருமணம் நடத்தினார். மணமக்களை உறவினர்கள் வாழ்த்தினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கடந்த 3 மாதங்களுக்கு முன்பு வந்த சூர்யா மற்றும் சிந்துவை தனிமையில் சந்தித்து ஆசை வார்த்தை கூறி உல்லாசமாக இருந்துள்ளார்.
    • பஞ்சாயத்தாரிடம் சிந்துவை திருமணம் செய்து கொள்வதாக ஒத்துக்கொண்ட சூர்யா பின்னர் நாட்களை கடத்த தொடங்கினார்.

    நன்னிலம்:

    திருவாரூர் மாவட்டம் நன்னிலம் அடுத்துள்ள மகிழஞ்சேரி பகுதியைச் சேர்ந்த குமார் என்பவரது மகன் சூர்யா (வயது 22). இவர் அப்பகுதியைச் சேர்ந்த வேல்முருகன் என்பவரது மகள் சிந்து (வயது 20) என்பவரை கடந்த 2 வருடங்களாக காதலித்து உள்ளார்.

    இந்நிலையில் வெளி நாட்டிற்குச் சென்ற சூர்யா வீடியோ கால் மூலம் சிந்துவிடம் ஆசை வார்த்தைகள் கூறி தினமும் பேசியுள்ளார். அப்போது, நான் உன்னைத்தான் திருமணம் செய்து கொள்வேன் என கூறியுள்ளார். மேலும்வெளிநாட்டில் இருந்து கடந்த 3 மாதங்களுக்கு முன்பு வந்த சூர்யா மற்றும் சிந்துவை தனிமையில் சந்தித்து ஆசை வார்த்தை கூறி உல்லாசமாக இருந்துள்ளார்.

    இந்நிலையில் சிந்து, சூர்யாவிடம் தன்னை சீக்கிரமாக திருமணம் செய்து கொள் என வலியுறுத்தி உள்ளார். ஆனால் சூர்யா, மறுத்துள்ளார். இதையறிந்த சிந்துவின் குடும்பத்தினர் ஊர் பஞ்சாயத்தில் கூறி இதுபற்றி பேசினர். அப்போது பஞ்சாயத்தாரிடம் சிந்துவை திருமணம் செய்து கொள்வதாக ஒத்துக்கொண்ட சூர்யா பின்னர் நாட்களை கடத்த தொடங்கினார். இதில் ஆத்திரமடைந்த சிந்து, சூர்யாவின் வீட்டிற்கு சென்று தன்னை திருமணம் செய்துகொள்ள கூறியுள்ளார். அப்போது சூர்யாவின் பெற்றோர் குமார் மற்றும் கீர்த்திகா ஆகியோர் சிந்துவை மிரட்டி வெளியேற்றி கொலை மிரட்டல் விடுத்துள்ளனர்.

    இதனால் சிந்து நன்னிலம் அனைத்து மகளிர் போலீசில் இதுகுறித்து அளித்த புகாரின் பேரில் சூர்யாவின் பெற்றோர் குமார், கீர்த்திகா மீது வழக்குப்பதிவு செய்து இருவரையும் கைது செய்தனர். தலைமறைவாக இருக்கும் சூர்யாவை தேடி வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இளம் பெண்ணை காதலித்து திருமணம் செய்வதாக கூறி ஏமாற்றிய வாலிபர் ,4 ஆண்டுகளுக்கு பின்பு கைது செய்யப்பட்டார்.
    • 15 நாள் காவலில் வைக்க உத்தரவிட்டார். அதன் பேரில் அவர் மேலூர் சிறைச்சாலையில் அடைக்கப்பட்டார்.

    மேலூர்

    மதுரை மாவட்டம் கொட்டாம்பட்டி அருகே உள்ள கோட்டைப்பட்டியை சேர்ந்தவர் அழகுராஜா (வயது 30). இவர் 4 ஆண்டுகளுக்கு முன்பு அருகில் உள்ள மணப்பட்டியைச் சேர்ந்த இளம் பெண்ணிடம் பழகினார். பின்னர் கருத்து வேறுபாடு ஏற்பட்டதால் இளம் பெண்ணுக்கு கொலை மிரட்டல் விடுத்ததோடு அவரை தாக்கி உள்ளார்.

    இதுகுறித்து இளம் பெண் கொட்டாம்பட்டி காவல் நிலையத்தில் அப்போது புகார் கொடுத்தார். போலீசார் வழக்குப்பதிவு செய்து தலைமறைவான அழகுராஜாவை தேடி வந்தனர்.

    அவர் சில நாட்களில் வெளிநாட்டுக்கு தப்பிவிட்டது தெரியவந்தது. மதுரை மாவட்ட போலீசார் அழகுராஜாவை தேடப்படும் தலைமறைவு குற்றவாளியாக அறிவித்தது. விமான நிலையங்களுக்கு நோட்டீசும் கொடுத்தனர். 4 ஆண்டுகளாக தேடப்பட்டு வந்த அழகுராஜா சிங்கப்பூரில் இருந்து வந்த விமானத்தில் சென்னை வந்தார்.இவரை குடியுரிமை அதிகாரிகள் பிடித்து மதுரை மாவட்ட காவல்துறைக்கு தகவல் தெரிவித்தனர். கொட்டாம்பட்டி இன்ஸ்பெக்டர் சாந்தி பாலாஜி அழகுராஜாவை கைது செய்து மேலூர் கோர்ட்டில் ஆஜர் படுத்தினார். நீதிபதி முத்துக்குமார் முருகதாஸ் அழகுராஜாவை 15 நாள் காவலில் வைக்க உத்தரவிட்டார். அதன் பேரில் அவர் மேலூர் சிறைச்சாலையில் அடைக்கப்பட்டார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆந்திர பெண் ஹர்ஷவி அமெரிக்காவில் வேலை செய்தபோது, உடன் பணியாற்றும் அமெரிக்கரை காதலித்துள்ளார்
    • திருப்பதியில் உள்ள விடுதி ஒன்றில் ஹர்ஷவி - டொமியன் பிராங்க் திருமணம் நடைபெற்றது.

    திருப்பதி:

    திருப்பதியைச் சேர்ந்த ஹர்ஷவி என்ற பெண், அமெரிக்காவில் உள்ள சாப்ட்வேர் நிறுவனத்தில் பணியாற்றி வருகிறார். அங்கு பொது மேலாளராக பணியாற்றும் அமெரிக்காவை சேர்ந்த டொமியன் பிராங்க் என்பவருடன் உண்டான நட்பு பின்னாளில் காதலாக மாறியுள்ளது.

    இரு வீட்டாரும் திருமணத்திற்கு சம்மதம் தெரிவித்ததையடுத்து அமெரிக்காவிலேயே திருமணத்தை வைத்துக்கொள்ளலாம் என முடிவு செய்யப்பட்டது. ஆனால், அமெரிக்க மாப்பிள்ளை தான் இந்து முறைப்படி தான் திருமணம் முடிப்பேன் என்று திட்டவட்டமாக கூறி உள்ளார். அவரது விருப்பப்படியே நேற்று இரவு திருப்பதியில் உள்ள விடுதி ஒன்றில் ஹர்ஷவி - டொமியன் பிராங்க் திருமணம் கோலாகலமாக நடைபெற்றது. இரு வீட்டாரும் மணமக்களை வாழ்த்தினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • செவிலியர்களுக்கு 4 கட்டமாக பயிற்சி அளிக்கும் முகாம் இன்று தொடங்கி நடைபெற்று வருகிறது.
    • நெல்லை மாவட்டத்தில் பதின் பருவ கர்ப்பம் மற்றும் இளம் வயது திருமணம் அதிக அளவில் நடந்து வருகிறது.

    நெல்லை:

    மத்திய அரசின் சமூக நீதி மற்றும் அதிகாரம் அளித்தல் துறை சார்பில் போதை இல்லா இந்தியாவை உருவாக்கும் திட்டத்திற்கான கிராம செவிலியர்களுக்கு பயிற்சி மற்றும் ஆலோசனை வழங்கும் கூட்டம் நெல்லை மாவட்ட கலெக்டர் அலுவலகத்தில் சுகாதாரத் துறை துணை இயக்குனர் கிருஷ்ணலீலா தலைமையில் நடைபெற்றது.

    மாவட்டத்தில் உள்ள 400-க்கும் மேற்பட்ட சுகாதார செவிலியர்களுக்கு 4 கட்டமாக பயிற்சி அளிக்கும் முகாம் இன்று தொடங்கி நடைபெற்று வருகிறது.

    கிராம சுகாதார செவிலியர்கள் கிராமப்புற மக்களின் அனைத்து மருத்துவ தேவைகளையும் அறிந்து செயல்பட்டு வரும் சூழலின் காரணமாக அவர்களிடம் இணக்கமாக பழகும் நிலை உருவாகும் என்பதால் போதை இல்லா இந்தியாவை உருவாக்க கிராம பகுதியில் வீடு வீடாக சென்று பரப்புரை மேற்கொள்வதற்கு திட்டமிடப்பட்டுள்ளது.

    இந்த ஆலோசனைக் கூட்டத்தில் பதின் பருவ கர்ப்பம், இளம் வயது திருமணம் உள்ளிட்டவைகளை கண்டறிந்தால் அவர்களுக்கு மருத்துவ ரீதியாக ஆலோசனை வழங்குவதுடன் பாதுகாப்பு வழங்வகுதற்கான முயற்சி களை அரசு சார்பில் மேற்கொள்ள உதவுவது எப்படி என்பது குறித்து ஆலோசனை வழங்கப்பட்டது.

    கூட்டத்தில் பேசிய மாவட்ட குழந்தைகள் நல குழும தலைவர் சந்திரகுமார், நெல்லை மாவட்டத்தில் பதின் பருவ கர்ப்பம் மற்றும் இளம் வயது திருமணம் அதிக அளவில் நடந்து வருகிறது. இந்த தகவலை கலெக்டர் விஷ்ணு தலைமையில் நடந்த ஆலோசனை கூட்டத்தில் தெரிவித்துள்ளேன்.

    அதனை தடுக்கும் முயற்சியை மேற்கொள்வதுடன் பதின் பருவ கர்ப்பம் அடைந்த நபர்களை கண்டறிந்தால் அவர்களுக்கு தேவையான நடவடிக்கைகளை மேற் கொள்ளவும் மருத்துவ சிகிச்சை உள்ளிட்ட வைகளை அளிப்பதற்கு உதவி செய்யவும் குழந்தைகள் பாதுகாப்பு பிரிவுக்கு தகவல் தெரிவித்து அவர்களையும் சமூகத்தில் நல்ல நிலைக்கு கொண்டு செல்ல கிராம சுகாதர செவிலியர்கள் உதவிட வேண்டும் என பேசினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நீங்கள் திருமணத்தில் ஒரு தெளிவான முடிவுக்குவர கீழ்கண்ட கேள்விகள் உதவும்.
    • யாரோடு உங்கள் மனம் “ஆம்” சொல்லுமோ அவரோடு வாழ்க்கையில் இணையுங்கள்.

    நீங்கள் திருமண வயதை அடைந்து வாழ்க்கைத்துணை தேடுபவராக இருந்தால், ஆண் என்றால் பெண் பார்க்க சென்றிருப்பீர்கள். பெண்ணை பார்த்திருப்பீர்கள். ஒருசில முறை சந்தித்து பேசியிருப்பீர்கள். ஆனாலும் 'இந்த பெண் தன்னோடு பொருந்திவாழ்வாரா?' என்ற சந்தேகமோ, தயக்கமோ உங்களுக்கு இருக்கலாம். அதுபோல் உங்களைப் பார்த்த, பேசிய, பேசிக்கொண்டிருக்கிற அந்த பெண்ணுக்கும் சில தயக்கங்கள் ஏற்பட்டு, முடிவெடுக்க அவரும் தடுமாறிக்கொண்டிருக்கலாம். அப்படிப்பட்ட சூழலில் நீங்கள் இருந்தால், நீங்கள் திருமணத்தில் ஒரு தெளிவான முடிவுக்குவர கீழ்கண்ட கேள்விகள் உதவும்.

    கேள்விகளை தொடர்ந்து படியுங்கள்!

    பெண் பார்க்கும் சடங்கில் இருவரும் பார்த்திருப்பீர்கள். பலமுறை பேசியிருப்பீர்கள். இதுவரை கிடைத்த தகவல்களை அடிப்படையாகவைத்து இருவரும் முழுமையாக ஒருவரை ஒருவர் நம்புகிறீர்களா?

    தன்னலம், சுயநலம், தனிப்பட்ட விருப்பு-வெறுப்புகளில் இருந்து விடுபட்டு, இருவரும் ஒருங்கிணைந்து விட்டுக்கொடுத்து வாழ முடியும் என்று நினைக்கிறீர்களா?

    ஒருவருக்கொருவர் ஓரளவாவது தியாகம் செய்ய முடியும் என்று இருவருமே கருதுகிறீர்களா?

    மாறுபட்ட உணர்வுகளும், செயல்களும் இருவரிடமுமே இருக்கும். இருவரின் மகிழ்ச்சிக்காக அவைகளில் இருந்து விடுபட்டு வெளியே வந்து ஒன்றிணைந்து வாழ முடியும் என்ற நம்பிக்கை உங்களுக்கு ஏற்படுகிறதா?

    அனைத்துவிதமான சுகங்களிலும், துக்கங்களிலும் மனதொத்து வாழ முடியும் என்று நம்புகிறீர்களா?

    வேலை பார்ப்பது அல்லது வேலையில் இருந்து விலகுவது, இரண்டிலும் ஒத்தகருத்தை மேற்கொள்ள முடியும் என்று கருதுகிறீர்களா?

    குடும்ப செலவுகள் உள்பட வீட்டு பொருளாதார சூழ்நிலைகள் அனைத்திலும் ஒன்றுபட்டு முடிவெடுக்கும் அதிகாரம் இருவருக்குமே உண்டு என்ற கருத்தில் உங்களுக்கு உடன்பாடு உண்டா?

    நண்பர்களை பற்றி முரண்பட்ட கருத்துக்கள் தோன்றினால், பேசி தீர்த்துக்கொள்ள முடியும் என்ற நம்பிக்கை இருக்கிறதா?

    ஓய்வுப்பொழுதை எப்படி கழிக்க வேண்டும் என்பதில் ஒருமித்த கருத்து ஏற்படுகிறதா?

    இருவரும் பிரிந்திருக்கும்போது பிரிவு வாட்டுகிறதா? எப்போது பார்ப்போம் என்ற ஏக்கம் தோன்றுகிறதா?

    எப்போது குழந்தை பெற்றுக்கொள்ள வேண்டும்? எத்தனை குழந்தை பெற்றுக்கொள்ள வேண்டும்? என்பதில் ஒருமித்த எண்ணம் ஏற்படும் என்று கருதுகிறீர்களா?

    எந்த பிரச்சினை ஏற்பட்டாலும், பேசி தீர்த்துக்கொள்வோம் என்ற நம்பிக்கை உள்ளதா?

    பாராட்டும் குணமும் மன்னிக்கும் குணமும் இருக்கிறதா?

    இருவரது குடும்பத்தினர் மீதும் வேறுபாடு இன்றி அன்பு செலுத்த முடியும் என்ற நம்பிக்கை உள்ளதா?

    ஒருபோதும் எந்த வகையிலும் வாழ்க்கைக்குள் மூன்றாம் நபர் ஒருவரை அனுமதிக்க மாட்டேன் என்று உறுதி கூற முடியுமா?

    ஆணும், பெண்ணும் எல்லாவிதத்திலும் சமம்தான் என்ற கருத்தை முழுமனதோடு ஏற்றுக்கொள்வீர்களா?

    மேற்கண்ட கேள்விகளுக்கெல்லாம் "ஆம்" என்பது உங்கள் இருவரின் பதிலாக இருக்கவேண்டும். அப்படி இருந்தால் நீங்கள் திருமணத்தில் இணையும் மணவாழ்க்கை சிறக்கும். அல்லது "ஆம்" என்று சொல்லும் நிலைக்கு மனம் பக்குவம் அடையும் வரை காத்திருங்கள். யாரோடு உங்கள் மனம் "ஆம்" சொல்லுமோ அவரோடு வாழ்க்கையில் இணையுங்கள்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ராமநாதபுரம் அருகே திருமணமான ஒரே மாதத்தில் புதுப்பெண் விஷம் குடித்து தற்கொலை செய்து கொண்டார்.
    • குடும்ப பிரச்சினை காரணமாக அவர் தற்கொலை செய்து கொண்டதாக தெரிகிறது.

    ராமநாதபுரம்

    கடலாடி அருகே கருங்குளம் கிராமத்தை சேர்ந்தவர் கருப்பையா. இவரது மகள் கவுசல்யா என்பவருக்கும், அதே கிராமத்தை சேர்ந்த தங்கவேலுவுக்கும் கடந்த ஓராண்டுக்கு முன்பு திருமணம் நடைபெற்றது.

    இந்தநிலையில் கணவர்-மனைவி இருவரும் பனைக்குளம் கிராமத்தில் நடந்த அய்யனார்கோவில் திருவிழாவிற்கு சென்றனர். அப்போது கவுசல்யா குடும்ப பிரச்சினை காரணமாக விஷம் குடித்துவிட்டார். அவரை மீட்டு ராமநாதபுரம் அரசு மருத்துவக்கல்லூரி மருத்துவமனைக்கு கொண்டு சென்று சிகிச்சை அளித்தனர்.

    பின்னர் அவரை மதுரை அரசு மருத்துவமனையில் சிகிச்சைக்காக அனுமதித்தனர். அங்கு சிகிச்சை பலனின்றி நேற்று அவர் இறந்தார். இதுகுறித்து உத்தரகோசமங்கை போலீசார் வழக்குப்பதிவு செய்து விசாரணை நடத்தி வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • திருமணத்திற்கு முந்தைய ரகசியங்களை முன்பின் யோசிக்காமல் பகிர்ந்துகொள்ள வேண்டியதில்லை.
    • ரகசியங்களை ரகசியமாகவே வைத்திருப்பதுதான் நல்லது.
    • பல விவாகரத்துகளுக்கு கடந்தகால வாழ்க்கை காரணமாக கூறப்பட்டுள்ளது.

    ஆணும் - பெண்ணும் கணவன், மனைவியாக வாழ்க்கையில் இணைந்த பின்பு அவர்களுக்குள் ரகசியங்கள் இருக்கலாமா? என்ற கேள்விக்கு இன்றைய மனோதத்துவ நிபுணர்கள் தரும் விடை வித்தியாசமானதாக இருக்கிறது.

    'ரகசியங்கள் இருவருக்குள்ளும் இருக்கத்தான் செய்யும். அதை அப்படியே ரகசியமாகவே வைத்திருப்பதுதான் நல்லது. கணவனும், மனைவியும் முந்தைய ரகசியங்களை பாதுகாக்கும் வரைதான் வாழ்க்கை இனிக்கும்' என்று சொல்கிறார்கள். ஒளிவு மறைவற்ற வெளிப்படையான பேச்சு பலரது வாழ்க்கையில் புயலை கிளப்பி இருப்பதாக அவர்கள் சொல்கிறார்கள். குறிப்பாக திருமணத்திற்கு முந்தைய விஷயங்கள் எல்லாவற்றையும் பகிர்ந்து கொள்வது வீண் குழப்பங்களை வளர்த்து விவாகரத்து வரை கொண்டுபோய்விட்டுவிடும் என்று கூறும் அவர்கள், திருமணத்திற்கு முன்பும், பின்பும் கணவனும்-மனைவியும் பேசக்கூடாத விஷயங்கள் என்னென்ன என்று பெரிய பட்டியலே போட்டுக்காட்டுகிறார்கள்.

    திருமணத்திற்கு பிந்தைய வாழ்க்கையை முற்றிலும் மாறுபட்டதாக அமைத்துக்கொள்ளவேண்டும் என்று பெரும்பாலான பெண்கள் முயற்சிக்கிறார்கள். அதற்கான முதல்படியாக கணவருடன் வெளிப்படையாக நடந்துகொள்ள வேண்டும் என்றும், ஒளிவுமறைவற்ற தன்மையை கடைப்பிடிக்க வேண்டும் என்றும் விரும்புகிறார்கள். அது நல்லதுதான். திருமணத்திற்கு பின்பு ரகசியங்கள் தேவையில்லை. ஆனால் திருமணத்திற்கு முந்தைய ரகசியங்களை முன்பின் யோசிக்காமல் பகிர்ந்துகொள்ள வேண்டியதில்லை.

    திருமணத்திற்கு பிந்தைய வாழ்க்கை மகிழ்ச்சியாக இருக்க வேண்டும் என்பதற்காக திருமணத்திற்கு முந்தைய விஷயங்கள் எல்லாவற்றையும் ரகசியம் காக்காமல் கூறிவிட நினைப்பது பலரின் இயல்பு. தப்புத் தண்டா எதுவும் செய்யவில்லையே என்ற மனப்பாங்குடன் எல்லாவற்றையும் பகிர்ந்துகொள்ள அவர்கள் தயாராகிறார்கள்.

    திருமணத்திற்கு முன்பு நெருடலான தொடர்புகள் இருந்தால்தான் பிரச்சினை உருவாகும் என்பதில்லை. மனைவி கூறும் சாதாரண விஷயங்கள்கூட கணவரின் மனதில் சந்தேகத்தையும், தவறான எண்ணத்தையும் வளர வைத்துவிடலாம். திருமணத்திற்கு முன் நடந்த சில விஷயங்களை வெளிப்படையாக பகிர்ந்து கொண்டதால், அதுவே விபரீதமாக மாறிய நிகழ்வுகள் அனேகம். பல திருமண பந்தங்களை அது சிதறடித்திருக்கிறது. சமீபகாலமாக நடக்கும் பல விவாகரத்துகளுக்கு கடந்தகால வாழ்க்கை காரணமாக கூறப்பட்டுள்ளது.

    கணவன்- மனைவி இடையே பிரச்சினைகள் அதிகரிப்பதால், அதற்கான கவுன்சலிங் பெற வருபவர்களின் எண்ணிக்கையும் கூடிக்கொண்டிருக்கிறது. அப்படிப்பட்ட ஆண்களில் பலர் 'என் மனைவி நல்லவள் இல்லை. அதனால் நான் அவளை விட்டு விலக விரும்புகிறேன்' என்று கூறுகிறார்கள். 'திருமண உறவில் அடியெடுத்துவைத்த பின்பு, மனைவி அந்த பந்தத்தை மதித்து நடந்துகொண்டால் போதும். திருமணத்திற்கு முந்தைய நிலை பற்றி அறிய தனக்கு ஆர்வம் இல்லை' என்று மனப்பூர்வமாக சொல்லும் ஆண்களின் எண்ணிக்கை குறைவுதான். அப்படிப்பட்ட எண்ணம் கொண்ட ஆண்கள் உருவாகும் வரை பெண்கள் முந்தைய ரகசியங்களை காப்பதுதான் நல்லது.

    பெரும்பாலும் கணவனின் கடந்தகாலத்தைப் பற்றி மனைவி பெரிதாக சிந்திப்பதில்லை. ஆனால் மனைவியின் கடந்தகாலமோ கணவனுக்கு அவ்வப்போது வம்புக்கு இழுக்கும் விஷயமாக மாறிவிடுகிறது. பெண்களில் பலர் 'எனது கடந்த காலத்தை பற்றி முழுவதுமாக தெரிந்துகொண்ட பின்பு கணவர், அந்த கசப்பான விஷயங்களை சொல்லிக்காட்டி என்னை துன்புறுத்துகிறார்' என்று கண்ணீரோடு சொல்கிறார்கள்.

    அதில் பெண்களின் தவறும் சரிபாதி இருக்கத்தான் செய்கிறது. வாழ்க்கை என்பது நல்ல விஷயங்கள் மட்டும் நடக்கும் களம் அல்ல. நன்மை-தீமை இரண்டும் விளையக்கூடிய பூமி. இதில் சில களைகள் நாம் விதைக்காமலே முளைக்கக்கூடும். அவைகளை பிடுங்கி எறிய கற்றுக்கொள்ள வேண்டும். அப்போதுதான் மகிழ்ச்சியை வளர்க்க முடியும். கடந்த காலம் என்பது இனிமையாக இருந்தாலும், இல்லாவிட்டாலும் அது முடிந்துபோன ஒன்றுதான். ஆனால் நிகழ்காலம் என்பது மிக முக்கியமானது. அதை மகிழ்ச்சியாக வாழ பழகிக் கொள்ள வேண்டும்.

    பழைய விஷயங்களை பேசுவதில் மறுமணம் செய்து கொண்டவர்கள் இன்னும் ஜாக்கிரதையாக இருக்க வேண்டும். மறுமண வாழ்க்கையில் பரந்த மனம் இருக்க வேண்டும். கடந்தகால நெருடல்கள் இருக்கக்கூடாது. அதுபற்றி தம்பதிகள் அவசியமின்றி பகிர்ந்து கொள்ளக்கூடாது. இனி இதுதான் வாழ்க்கை என்று தீர்மானித்த பிறகு பழையதை தோண்டக்கூடாது. புது வாழ்வை மதித்து நடந்து கொள்ள வேண்டும். திருமணம் என்பது ஒரு ஒப்பந்தம். இதில் பல ரகசியங்கள் காப்பாற்றப்பட வேண்டும்.

    திருமணத்திற்கு முந்தைய நிகழ்வுகள் மகிழ்ச்சி தருவதாக இருந்தாலும், கசப்பை ஏற்படுத்துவதாக இருந்தாலும் அதில் குறிப்பிடத்தக்கவைகளை மனதிற்குள் புதைத்துக்கொள்வது நல்லது. வீண் பிரச்சினைகளை உருவாக்கும் கடந்த கால நிகழ்வுகளை பகிர்ந்துகொள்ள வேண்டிய அவசியம் இல்லை. திருமண வாழ்க்கையை ஏற்றுக்கொள்ளும்போது கடந்தகால நினைவுகளுக்கு ஒரு முற்றுப்புள்ளி வைத்துவிட வேண்டும். அதுதான் சரியான முடிவு. கடந்து போனதைக்கூறி கையில் இருப்பதை சிதறவிடுவது அறிவார்ந்த செயல் அல்ல.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கடந்த மூன்று மாதத்திற்கு முன்பு திருமணம் ஆன நிலையில் தினம் தோறும் வீட்டுக்கு குடித்துவிட்டு போதையுடன் வருவதாக சொல்லப்படுகிறது.
    • கணவன்- மனைவிக்கிடையே தகராறு ஏற்பட்டதால் மனமுடைந்த கலையரசன் தூக்குபோட்டு தற்கொலை செய்து கொண்டார்.

    தஞ்சாவூர்:

    தஞ்சை கங்கா நகரை சேர்ந்தவர் கலையரசன் (வயது 34) இவர் லாரி லோடு மேனாக வேலை பார்த்து வந்தார். கடந்த மூன்று மாதத்திற்கு முன்பு இவருக்கு திருமணம் ஆகி உள்ளது. இந்நிலையில் தினம் தோறும் வீட்டுக்கு குடித்துவிட்டு போதையுடன் வருவதாக சொல்லப்படுகிறது.

    சம்பவத்தன்று கணவன்- மனைவிக்கிடையே தகராறு ஏற்பட்டது. இதனால் மனமுடைந்த கலையரசன் தூக்கு போட்டு தற்கொலை செய்து கொண்டார்.இதுகுறித்த புகாரின் பேரில் மேற்கு போலீசார் வழக்குபதிவு செய்து விசாரித்து வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அவ்வப்போது காதலை வெளிப்படுத்துங்கள். அரவணையுங்கள்.
    • துணையின் ஆடை, அலங்காரத்தை பாராட்ட தவறாதீர்கள்.

    வேலைக்கு செல்லுதல், குடும்பத்தை நிர்வகித்தல் என ஒரே மாதிரியான வாழ்க்கை முறைக்கு மாறக்கூடும். அப்படி ஒரே மாதிரியான வாழ்க்கை முறைக்கு பழகிவிடும்போது ஒருவித சலிப்பு எட்டிப்பார்க்கும். காதலிக்கும்போது தன்னிடம் காண்பித்த அன்பை இப்போது வெளிப்படுத்துவதில்லை என்ற எண்ணம் துணையிடம் குடிகொண்டுவிடும். சின்னச் சின்ன விஷயங்களுக்கு முக்கியத்துவம் கொடுக்கத் தொடங்கிவிட்டால் போதும். அதுபோன்ற எண்ணங்கள் தோன்றாது. அதற்கு செய்ய வேண்டிய விஷயங்கள்:

    வாரத்திற்கு ஒருமுறை, இல்லாவிட்டால் மாதம் ஒருமுறையாவது வெளி இடங்களுக்கு செல்வதை வழக்கமாக்கிக்கொள்ளுங்கள். அவை ஷாப்பிங், சுற்றுலா, கடற்கரை, பூங்கா, காபி ஷாப் என எந்த இடமாகவும் இருக்கலாம். அங்கு குடும்ப விஷயங்களை தவிர்த்து மற்ற விஷயங்களை பேசுங்கள். காதலித்த நாட்களை பற்றிய மலரும் நினைவுகளை பகிர்ந்து கொள்ளுங்கள். அந்த நாட்களை மீண்டும் அன்றாட வாழ்வில் நினைவுபடுத்தும் விதமான செயல்பாடுகளில் ஈடுபடுங்கள். அவ்வப்போது காதலை வெளிப்படுத்துங்கள். அரவணையுங்கள். நீங்கள் ஒருவர் மீது ஒருவர் எந்த அளவுக்கு காதல், அன்பு, அக்கறை கொண்டுள்ளீர்கள் என்பதை குழந்தைகளுக்கும் தெரியப்படுத்துங்கள்.

    மாதம் ஒருமுறையேனும் துணைக்கு ஆச்சரியம் அளிக்கும் நடவடிக்கையில் ஈடுபடுங்கள். பரிசு வழங்குவது, திடீரென சுற்றுலாவுக்கு அழைத்துச் செல்வது, துணைக்கு பிடித்தமான விஷயங்களை செய்வது, பிடித்தமான பொருட்களை வாங்கிக்கொடுப்பது என `சர்ப்ரைஸ்' கொடுக்கும் விதத்தில் செயல்படுங்கள். அவை இருவருக்கும் இடையேயான நெருக்கத்தை அதிகரிக்க உதவும். விடுமுறை நாட்களில் துணைக்கு வீட்டு வேலைகளில் உதவுங்கள். இந்த செயல் அவரின் வேலையை எளிமைப்படுத்தும். அவருடன் அதிக நேரம் செலவிடும் வாய்ப்பையும் வழங்கும்.

    குழந்தைகள், குடும்பத்தினருடன் சேர்ந்து உடற்பயிற்சி செய்யலாம். குழுவாக நடனம் ஆடலாம். அவை உடல் மற்றும் மன ரீதியாக உற்சாகத்தை வழங்கும். உணர்வு ரீதியாக ஒன்றிணைந்து செயல்படவும் வழிவகுக்கும். காதலித்த சமயத்தில் நடை, உடை, அழகை பராமரிப்பதற்கு எவ்வளவு ஆர்வம் காட்டினீர்களோ அதனையே இப்போதும் பின் தொடருங்கள். மற்றவர்கள் மத்தியில் நல்ல மதிப்பை பெற்றுக்கொடுக்கவும் அவை உதவும். துணையின் ஆடை, அலங்காரத்தை பாராட்ட தவறாதீர்கள். சின்ன விஷயமாக இருந்தாலும் அவரது செயல்பாடுகளை மனம் திறந்து பாராட்டுங்கள். இன்னும் சிறப்பாக செயல்பட ஊக்குவியுங்கள். அவை கடந்த கால காதலை உயிர்ப்புடன் வைத்திருக்க பக்கபலமாக அமைந்திருக்கும்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo