நீங்கள் தேடியது "driver killed"

விருதுநகர்

விருதுநகர் அருகே உள்ள சத்திரரெட்டிய பட்டியை சேர்ந்தவர் சீனிவாச ராகவன் (வயது52). அரசு பஸ் டிரைவரான இவர் சம்பவத்தன்று விருதுநகரில் ஏ.ஐ.டி.யு.சி. சார்பில் நடந்த ஆர்ப்பாட்டத்தில் பங்கேற்றார். ஆர்ப்பாட்டம் முடிந்த பின் சீனிவாச ராகவ ன் மோட்டார் சைக்கிளில் வீட்டிற்கு புறப்பட்டார்.

விருதுநகர்-சத்திர ரெட்டிய பட்டி ரோட்டில் சென்று கொண்டிருந்த போது எதிரே வந்த லாரி எதிர்பாராத விதமாக மோட்டார் சைக்கிள் மீது மோதியது. இதில் படுகாயமடைந்த சீனிவாச ராகவன் சம்பவ இடத்திலேயே பரிதாபமாக இறந்தார்.

இதுகுறித்து தகவலறிந்த பாண்டியன் நகர் போலீசார் அங்கு வந்து அரசு பஸ் டிரைவரின் உடலை மீட்டு பிரேத பரிசோதனைக்காக ஆஸ்பத்திரிக்கு அனுப்பி வைத்தனர்.

விபத்து தொடர்பாக அவரது மனைவி சித்ரா கொடுத்த புகாரின் பேரில் பாண்டியன் நகர் போலீசார் வழக்குப்பதிவு செய்துள்ளனர்.

விழுப்புரம்:

சென்னையில் இருந்து விழுப்புரம் நோக்கி லாரி சென்று கொண்டிருந்தது. லாரியை நாகப்பட்டினம் மாவட்டம் திருகுவளை பகுதியை சேர்ந்த குமரேசன்(26), என்பவர் ஓட்டி சென்றார். மயிலம் அருகே விளங்கம்பாடி அய்யனா ரப்பன் கோயில் எதிரே சென்றபோது ஓட்டுனரின் கட்டுப்பாட்டை இழந்து சாலை ஓரம் இருந்த இரும்பு தடுப்பு கட்டையில் மோதி விபத்துக்குள்ளானது. இதில் டிரைவர் சம்பவ இடத்திலேயே உயிரிழந்தார். தகவல் அறிந்து வந்த மயிலம் காவல் நிலைய போலீசார் உடலை கைப்பற்றி பிரேத பரிசோதனைக்காக முண்டியம்பாக்கம் அரசு மருத்துவக் கல்லூரி மருத்துவமனைக்கு அனுப்பி வைத்தனர். மேலும் விபத்து குறித்து வழக்கு பதிவு செய்து விசாரணை செய்து வருகின்றனர்.

விழுப்புரம்:

கர்நாடக மாநிலம் கோலார் பகுதியில் இருந்து நண்பர்கள் எட்டு பேர் ஒரு காரில் சென்னை மற்றும் புதுச்சேரிக்கு சுற்றுலா வந்தனர். அந்த காரை கோலார் பகுதியைச் சேர்ந்த விஜயகுமார் (வயது 21) என்பவர் ஓட்டி வந்தார். இன்று அதிகாலை திண்டிவனம் வழியாக புதுவை நோக்கி சென்றனர். அப்போது தென்கோரிப்பாக்கம் பகுதி–யில் கார் வந்தபோது யாரும் எதிர்பாராத வகையில் திடீரென்று காரின் முன்பக்க டயர் வெடித்தது. இதனால் காரை ஓட்டி வந்த விஜயகுமார் காரை கட்டுப்பாட்டுக்குள் கொண்டு வர முடியாமல் நிலைத்தடுமாறி சாலையின் குறுக்கே இருந்த தடுப்பு கட்டையில் மோதினார். இந்த விபத்தில் கார் டிரைவர் விஜயகுமார் சம்பவ இடத்திலேயே இறந்தார்.

அதிர்ஷ்டவசமாக காரில் இருந்த மற்ற நபர்களுக்கு எந்தெந்த காயமும் இன்றி உயிர் தப்பினர். இதை அருகில் இருந்தவர்கள் பார்த்து அதிர்ச்சி அடைந்து இது குறித்து கிளியனூர் போலீசாருக்கு தகவல் தெரிவித்தனர். தகவல் அறிந்த கிளியனூர் போலீசார் சம்பவ இடத்திற்கு விரைந்து வந்து உடலை கைப்பற்றி பிரேத பரிசோதனைக்காக திண்டிவனம் அரசு ஆஸ்பத்திரிக்கு அனுப்பி வைத்தனர். மேலும் இது குறித்து போலீசார் வழக்கு பதிவு செய்து விசாரணை நடத்தி வருகின்றனர்.

அரியலூர்;

திருச்சி மாவட்டம், விரகாலூரைச் சேர்ந்த அந்தோணிசாமி மகன் ஆபேல்ராஜ்(வயது 29). இவர் அரியலூர் மாவட்டம், வி.கைகாட்டியில் உள்ள ஒரு தனியார் டிரான்ஸ்போர்ட் நிறுவனத்தில் லாரி டிரைவராக பணிபுரிந்து வந்தார். இந்நிலையில் நேற்று முன்தினம் மாலை வழக்கம்போல் டிரான்ஸ்போர்ட் நிறுவனத்திற்கு சென்று விட்டு மீண்டும் சொந்த ஊர் நோக்கி தனது மோட்டார் சைக்கிளில் வந்துள்ளார். அப்போது சிதம்பரம்- திருச்சி செல்லும் தேசிய நெடுஞ்சாலையில் கீழப்பழுவூர் துணை மின் நிலையம் அருகே சென்று கொண்டிருந்தபோது அடையாளம் தெரியாத வாகனம் மோதி சம்பவ இடத்திலேயே ஆபேல்ராஜ் பரிதாபமாக உயிரிழந்தார். இதனையடுத்து தகவல் அறிந்த கீழப்பழுவூர் போலீசார் அவரின் உடலை கைப்பற்றி பிரேத பரிசோதனைக்காக அரியலூர் அரசு மருத்துவமனைக்கு அனுப்பி வைத்தனர். மேலும் இதுகுறித்து வழக்குப்பதிவு செய்து விசாரணை நடத்தி வருகின்றனர்.

கொடுமுடி:

கரூர் மாவட்டம், மண்மங்கலம் கிராமத்தை சேர்ந்தவர் பால சுப்பிரமணியன் (38) கரும்பு லோடு ஏற்றிய டிராக்டரை ஓட்டி வந்தார். சம்பவத்தன்று மதியம் 2.30 மணி அளவில் கிளாம்பாடி இரும்பு பாலம் என்ற இடத்தில் காலிங்கராயன் வாய்க்கால் கரையில் வரும்போது டிராக்டர் ஓட்டுனரின் கட்டுப்பாட்டை இழந்து காலிங்கராயன் வாய்க்காலில் கவிழ்ந்து விட்டது.

இதில் ஓட்டுநர் பாலசுப்பிரமணினுக்கு பலத்த காயம் ஏற்பட்டது. அருகில் இருந்தவர்கள் உடனடியாக 108 ஆம்புலன்ஸ் மூலம் கொடுமுடி அரசு மருத்துவமனைக்கு பாலசுப்பிரமணியத்தை அனுப்பி வைத்தனர்.

அங்கு அவரை பரிசோதித்த டாக்டர்கள் வரும் வழியிலேயே இறந்து விட்டதாக தெவித்தனர். இதுகுறித்து தகவல் அறிந்த மலையம்பாளையம் போலீசார் வழக்கு பதிவு செய்து இறந்தவரின் உடலை பிரேத பரிசோதனைக்கு பின் உறவினர்களிடம் ஒப்படைத்தனர்.

திருமங்கலம்

மதுரை மாவட்டம் மேலூர் அருகே உள்ள சூரக்குண்டு கிராமத்தை சேர்ந்தவர் மந்தசாமி(வயது40). லாரி டிரைவரான இவர் விருதுநகரில் இருந்து லோடு ஏற்றிக்கொண்டு மதுரை நோக்கி வந்தார்.

இன்று அதிகாலை 2 மணி யளவில் திருமங்கலம் மேலக்கோட்டை அருகே வந்த போது அவரது லாரியின் டயர் பஞ்சரானது.

இதையடுத்து லாரியை நிறுத்தி ஜாக்கி உதவியுடன் டயரை மாற்றி கொண்டிருந்தார். அப்போது அந்த வழியாக விருதுநகர் மாவட்டம் ராஜபாளையத்தில் இருந்து திருப்பூருக்கு பஞ்சு லோடுகளை ஏற்றி கொண்டு லோடு வேன் வந்தது. அந்த வேன் பஞ்சராகி நின்று கொண்டிருந்த லாரியின் பின்பகுதியில் மோதி விபத்துக்குள்ளானது.

இதில் லாரி டயரை மாற்ற வைத்திருந்த ஜாக்கி நகன்றதால் மந்தசாமி லாரியில் சிக்கி பலத்த காயம் அடைந்தார். திருமங்கலம் அரசு ஆஸ்பத்திரிக்கு கொண்டு செல்லும் வழியிலேயே அவர் பரிதாபமாக இறந்தார்.

இந்த விபத்து குறித்து திருமங்கலம் தாலுகா போலீசார் வழக்குப்பதிவு செய்து விசாரணை நடத்தி வருகின்றனர்.

கந்தர்வக்கோட்டை:

புதுக்கோட்டை மாவட்டம் கந்தர்வக்கோட்டை அருகே கணபதிபுரத்தை சேர்ந்தவர் அண்ணாத்துரை. இவரது மகன் ராகவேந்திரா (வயது 35), டிராக்டர் ஓட்டி வருகிறார்.

நேற்று கணபதிபுரத்தில் இருந்து கந்தர்வக்கோட்டைக்கு டிராக்டரில் வந்து விட்டு பின்னர் ஊருக்கு திரும்பியுள்ளார். அப்போது பெருச்சிவன்னியம்பட்டி அருகே சென்ற போது எதிரே கார் வந்துள்ளது.

காருக்கு வழி விட சாலையை விட்டு டிராக்டரை இறக்கியுள்ளார். திடீரென டிராக்டர் தலை குப்பற கவிழ்ந்தது. இதில் சிக்கிய ராகவேந்திரனுக்கு படுகாயம் ஏற்பட்டது. அக்கம் பக்கத்தினர் மீட்டு புதுக்கோட்டை அரசு மருத்தவமனைக்கு அனுப்பி வைத்தனர்.

அங்கு சிகிச்சை பலனின்றி பரிதாபமாக உயிரிழந்தார். இது குறித்து கந்தர்வக்கோட்டை போலீசார் வழக்குபதிவு செய்து விசாரணை நடத்தி வருகின்றனர்.