நீங்கள் தேடியது "அரியானா"

சண்டிகர் :

அரியானா மாநிலத்தில் சி.பி.எஸ்.சி. தேர்வில் முதலிடம் பிடித்து சமீபத்தில் ஜனாதிபதியிடம் விருது பெற்ற 19 வயது மாணவி, கோச்சிங் கிளாஸ் சென்று விட்டு தனது கிராமத்துக்கு நடந்து சென்று கொண்டிருக்கும் போது காரில் வந்த சிலர் அவரை கடத்திச் சென்று மறைவிடத்தில் வைத்து கற்பழித்தனர்.

அதன்பின்னர், அங்குள்ள பஸ் ஸ்டாப் ஒன்றில் மாணவியை தூக்கி வீசி விட்டு அங்கிருந்து அவர்கள் தப்பிச்சென்றனர். இந்த சம்பவம் நாடுமுழுவது பெரும் அதிர்வலைகளை ஏற்படுத்தியுள்ளது.

இதற்கிடையே, பா.ஜ.க தலைமையிலான அரியானா அரசு பாதிக்கப்பட்ட மாணவிக்கு இழப்பீடாக ரூ. 2 லட்சத்தை அவர்களின் குடும்பத்தினரிடம் வழங்கியது. ஆனால், எங்களுக்கு நீதி தான் முக்கியம் இழப்பீடு அல்ல என அந்த தொகையை திரும்ப அளிக்க மாணவியின் குடும்பத்தினர் முடிவு செய்துள்ளனர்.

இந்நிலையில், பாதிக்கப்பட்ட மாணவிக்கு இழப்பீடாக வெறும் ரூ. 2 லட்சம் வழங்கியதை ஏற்றுக்கொள்ள முடியாது. இதே பாரதிய ஜனதா தலைவர்கள் யாரேனும் 10 பேரால் கற்பழிப்புக்கு உள்ளானால் அவர்களுக்கு இழப்பீடாக ரூ.20 லட்சத்தை நான் வழங்குவேன் என அம்மாநில ஆம் ஆத்மி கட்சி தலைவர் நவீன் ஜெய்ஹிந்த் தெரிவித்தார். அவரது இந்த கருத்து பரவலாக சர்ச்சையை ஏற்படுத்தியது.

இதைத்தொடர்ந்து, அவரை தொடர்பு கொண்டு பேசிய ஊடகங்களிடம் தனது கருத்தில் தான் உறுதியாக இருப்பதாக அவர் கூறினார். இது குறித்து அவர் மேலும் கூறுகையில், ‘ நான் கூறிய கருத்தில் நான் உறுதியாக உள்ளேன், சமூகத்தில் பெண்களை அவமதிக்க கூடாது.

பாதிக்கப்பட்ட மாணவியின் குடும்பத்தினர் நீதியை கேட்கிறார்கள். ஆனால், அரசு ரூ.2 லட்சத்தை அவர்களின் கைகளில் திணித்துள்ளது, அதை அவர்கள் திரும்ப அளிக்க போவதாக கூறியுள்ளனர். அரசின் செயல் வெந்த புண்ணில் வேலைப் பாய்ச்சுவதற்கு ஒப்பானது.

அரியானா மாநிலத்தில் பெண்களுக்கு எதிரான குற்றச்சம்பவங்கள் அதிகரித்து வருகின்றன. ஆனால், இவற்றை கண்டும் காணாமல் இருப்பது போல் முதல்வர் உள்ளார். மாநில அரசு முழுமையாக தோல்வியடைந்து விட்டது. இங்கு கௌரவர்களின் ஆட்சி நடைபெருவது போல் உள்ளது. முதல்வர் துரியோதனனை போன்று நடந்து கொள்கிறார் ’ என அவர் தெரிவித்தார். #RewariRapeCase #AAP

சண்டிகர்:

அரியானா மாநிலத்தில் சி.பி.எஸ்.சி. தேர்வில் முதலிடம் பிடித்து சமீபத்தில் ஜனாதிபதியிடம் விருது பெற்ற 19 வயது மாணவி,  கோச்சிங் கிளாஸ் சென்று விட்டு தனது கிராமத்துக்கு நடந்து சென்று கொண்டிருக்கும் போது காரில் வந்த சிலர் அவரை கடத்திச் சென்று மறைவிடத்தில் வைத்து கூட்டு பாலியல் பலாத்காரம் செய்துள்ளனர்.

பின்னர், அங்குள்ள பஸ் ஸ்டாப் ஒன்றில் மாணவியை தூக்கி வீசி விட்டு அங்கிருந்து அவர்கள் தப்பிச்சென்றுள்ளனர். இது தொடர்பாக மாணவியின் பெற்றோர் சார்பில் போலீசில் புகாரளிக்கப்பட்டுள்ளது.

இதையடுத்து, மருத்துவமனையில் அனுமதிக்கப்பட்டுள்ள மாணவியை இன்று நேரில் சந்தித்த எஸ்.பி. நஷ்னீன் பாசின், பாதிக்கப்பட்ட பெண் தற்போது உடல்நிலை தேரி வருவதாகவும், அவரை பாலியல் வன்கொடுமை செய்த முக்கிய குற்றவாளியை அடையாளம் கண்டுவிட்டதாகவும் தெரிவித்தார். மேலும், குற்றவாளிகளை விரைவில் கைது செய்வதற்காக தனிப்படை அமைத்து தேடி வருவதாகவும் எஸ்.பி நஷ்னீன் கூறினார்.

இந்நிலையில், மாணவியை பாலியல் வன்புணர்வு செய்த வழக்கில் தேடப்பட்டு வரும் ஒரு ராணுவ வீரர் உள்பட மூன்று குற்றவாளிகளின் புகைப்படங்களை போலீசார் வெளியிட்டுள்ளனர். அவர்களின் பெயர்கள் (இடமிருந்து வலமாக) மனிஷ், நிசு மற்றும் ராணுவ வீரர் பன்கஜ் என தெரிவிக்கப்பட்டுள்ளது.

மேலும், குற்றவாளிகள் குறித்து பொதுமக்கள் தகவல் அளித்தால் 1 லட்ச ரூபாய் பரிசு வழங்கப்படும் என போலீசார் ஏற்கெனவே அறிவித்துள்ளது குறிப்பிடத்தக்கது. #Rewari #RewariRapeCase 

இதைத்தொடர்ந்து, 29-வது செக்டாரில் உள்ள குறிப்பிட்ட மசாஜ் பார்லரில் அதிரடி சோதனை நடத்தப்பட்டது. இதில் விபச்சாரத்தில் ஈடுபட்ட தாய்லாந்து நாட்டை சேர்ந்த 5 பெண்கள், தென்கொரியாவை சேர்ந்த ஒரு பெண், மணிப்பூரை சேர்ந்த 5 பெண்கள், உத்தரப்பிரதேசத்தை சேர்ந்த 4 ஆண்கள் என 15 பேரை போலீசார் கைது செய்தனர்.

மேலும், இரவு விடுதிகளில் நடத்தப்பட்ட சோதனையில் 2 பெண்கள் உள்பட 7 பேரை போலீசார் கைது செய்தனர். அவர்களின் மீது பல்வேறு பிரிவுகளில் போலீசார் வழக்கு பதிவு செய்து விசாரணை மேற்கொண்டு வருகின்றனர்.

மேலும், கைதான வெளிநாட்டை சேர்ந்தவர்களில் யாரேனும் விசா முடிந்த பின்னரும் இந்தியாவில் தங்கியுள்ளனரா என்பதையும் விசாரித்து வருவதாக தகவல் வெளியாகியுள்ளது.

சண்டிகர் :

அரியானா மாநிலம், கூர்கான் போலீஸ் சரக பகுதியில் இரவு நேரங்களில் நடைபெறும் பெண்களுக்கு எதிராக குற்றங்களை கட்டுப்படுத்த ஓய்வு பெற்ற 1000 ராணுவ வீரர்களை சிறப்பு போலீஸ் அதிகாரிகளாக நியமிக்கப்பட உள்ளனர்.

அம்மாநில முதல்வர் மனோகர் லால் கட்டார் தலைமையில் இன்று நடைபெற்ற அமைச்சரவை கூட்டதில் இந்த முடிவு எடுக்கப்பட்டுள்ளது. இரவு நேர பணிகளுக்கு மட்டுமே அவர்கள் பயன்படுத்தப்பட உள்ளனர்.

ராணுவத்தில் இருந்து ஒழுங்கு நடவடிக்கைகள், உடற்தகுதி இல்லாமை போன்றவற்றால் பணியை விட்டு நீக்கப்படாத 25 முதல் 50 வயது வரை உள்ள ஓய்வு பெற்ற ராணுவ வீரர்கள் இந்த வேலைக்கு விண்ணப்பிக்கலாம் என மாநில அரசு தெரிவித்துள்ளது. அவர்களுக்கு மாத ஊதியமாக 18 ஆயிரம் ரூபாய் நிர்ணயிக்கப்பட்டுள்ளது.

சண்டிகர்:

அரியானா மாநிலம் பல்வால் மாவட்டத்தில் உள்ள தீகோட் அரசு பள்ளியில் 51 மாணவர்கள் 10-ம் வகுப்பு தேர்வு எழுதினர். இந்த தேர்வின் முடிவுகள் கடந்த மாதம் அறிவிக்கப்பட்டது. இது பெற்றோர்களிடையே அதிர்ச்சியை ஏற்படுத்தியது.

இந்த தேர்வை எழுதிய 51 மாணவர்களில் ஒருவர் கூட தேர்ச்சி பெறவில்லை. இதனால் கோபமடைந்த பெற்றோர்கள் பள்ளியை மூடி போராட்டத்தில் ஈடுபட்டனர். இது பரபரப்பை ஏற்படுத்தியது. இது குறித்து மாவட்ட கல்வி அதிகாரிகள் விசாரணை நடத்தினர்.

இதுகுறித்து பல்வால் மாவட்ட கல்வி அதிகாரி சுமன் நைன் கூறுகையில், அரசு பள்ளியில் மாணவர்களின் மோசமான மதிப்பெண்கள் குறித்து விசாரணை நடத்த மாநில அரசு உத்தரவிட்டுள்ளது. இதையடுத்து விசாரணை நடைபெற்று வருகிறது. சம்பந்தப்பட்ட ஆசிரியர் மீது கடுமையான நடவடிக்கை எடுக்கப்படும் என தெரிவித்தார்.

சண்டிகர் :

அரியானா மாநிலம் கேடார் மாவட்டத்தில் உள்ள ராஜிவ்காந்தி அனல்மின் நிலையத்தில் பழுது ஏற்பட்டதால் யுனிட்-1 நேற்று மூடப்பட்டது. இதையடுத்து, தொழிலாளர்கள் கொதிகலன்களின் அடிப்பகுதியில் ஏற்பட்ட கசிவை சரி செய்துகொண்டிருந்தனர். அப்போது எதிர்பாராவிதமாக திடீர் வெடிவிபத்து ஏற்பட்டது.

இந்த வெடிவிபத்தில் சிக்கி தொழிலாளர்கள் விக்ரம் மற்றும் அமிட் ஆகிய இருவரும் பரிதாபமாக உயிரிழந்தனர். மேலும், படுகாயம் அடைந்த 4 தொழிலாளர்கள் தனியார் மருத்துவமனையில் அனுமதிக்கப்பட்டுள்ளனர். அவர்களின் நிலை கவலைக்கிடமாக இருப்பதாக மருத்துவர்கள் தெரிவித்தனர்.

இந்நிலையில், மின்சார உற்பத்தி நிலையம் ஒப்பந்ததாரர் மீது வழக்குப்பதிவு செய்து, வெடிவிபத்து குறித்து போலீசார் விசாரணை மேற்கொண்டு வருகின்றனர். #Haryana #blast #powerplant