நீங்கள் தேடியது "young man arrested"

திண்டுக்கல்:

அதைப்பய ன்படுத்தி சீனிவாசன் வங்கிக் கணக்கில் இருந்து ரூ. 76,821 ஐ அந்த நபர் எடுத்து விட்டார்.

இதனை அறிந்த சீனிவாசன் திண்டுக்கல் சைபர் குற்றப்பிரிவு போலீசாரிடம் புகார் அளித்துள்ளார். அதன் பேரில் வழக்குப்பதிவு செய்த போலீசார் மர்ம நபரின் கைப்பேசி எண் மற்றும் பணப்பரிவர்த்தனை நடைபெற்ற வங்கி கணக்கு எண் மூலம் விசாரணை மேற்கொண்டு வந்தனர்.

இந்நிலையில் மோசடி செய்து பணம் பறித்த நபர், கள்ளக்குறிச்சி மாவட்டம் உளுந்தூர்பேட்டை பகுதி யைச் சேர்ந்த ராஜேந்திரன் மகன் ஸ்டாலின் (வயது 28) என்பது தெரிய வந்தது. உளுந்தூர்பேட்டைக்கு சென்ற திண்டுக்கல் சைபர் குற்றப்பிரிவு போலீசார் ஸ்டாலினை கைது செய்து, திண்டுக்கல் நீதிமன்றத்தில் ஆஜர்படுத்தினர்.

குள்ளனம்பட்டி :

திண்டுக்கல் பாலகிருஷ்ணாபுரம் அருகே கோவிந்தராஜ் நகரைச் சேர்ந்தவர் கார்த்திக் (வயது 27).இவர் தனக்கு சொந்தமான சரக்கு வாகனத்தை மாசிலாமணிபுரம் ரயில்வே கேட் அருகே நிறுத்தி வைத்திருந்தார்.

இந்த நிலையில் அவரது சரக்கு வாகனத்தில் பேட்டரியை வாலிபர் ஒருவர் திருட முயற்சி செய்தார். இதனை கண்ட கார்த்திக் பொதுமக்கள் உதவியுடன் அந்த வாலிபரை மடக்கிப் பிடித்து திண்டுக்கல் தாலுகா போலீஸ் நிலையத்தில் ஒப்படைத்தனர். இதுகுறித்து போலீஸ் சப்-இன்ஸ்பெக்டர் மலைச்சாமி வழக்கு பதிவு செய்து விசாரணை நடத்தினார்.

விசாரணையில் அவர் குள்ளனம்பட்டி காளியம்மன் கோவில் தெருவைச் சேர்ந்த கவுதம் (19) என்பதும், அந்தப் பகுதியில் நிறுத்தி வைக்கப்பட்டிருந்த 3 சரக்கு வாகனங்களில் பேட்டரியை திருடியதும் தெரிய வந்தது.

போலீசார் கவுதமை கைது செய்து நீதிமன்றத்தில் ஆஜர்படுத்தி சிறையில் அடைத்தனர்.மேலும் அவரிடம் இருந்து 3 பேட்டரிகள் பறிமுதல் செய்யப்பட்டது.

வடமதுரை :

திண்டுக்கல் மாவட்டம் வடமதுரை அருகில் உள்ள பல்லாநத்தம் கிராமத்தை சேர்ந்த காளிமுத்தன் மகன் அய்யனார்(21). இவர் நொச்சிபட்டியை சேர்ந்த 15 வயது சிறுமியான 10-ம் வகுப்பு மாணவியுடன் பழகி வந்துள்ளார். பின்னர் அவரை திருமணம் செய்து கொள்வதாக ஆசைவார்த்தை கூறி கடத்திச்சென்றார்.

மகளை காணாமல் பல இடங்களில் தேடிப்பார்த்த அவரது பெற்றோர் இதுகுறித்து குஜிலியம்பாறை போலீசில் புகார் அளித்தனர். போலீசார் விசாரணையில் அய்யனார் அவரை கடத்தி சென்றது தெரியவந்தது. அவர் பயன்படுத்திய செல்போன் சிக்னலை வைத்து விசாரித்ததில் அவர்கள் திருப்பூரில் பதுங்கியிருப்பது தெரியவந்தது.

அங்கு சென்றபார்த்தபோது அவர் சிறுமியை திருமணம் செய்து குடும்பம் நடத்தி வந்தது கண்டுபிடிக்கப்பட்டது. அவர்களை அழைத்து வந்த போலீசார் சிறுமியை பெற்றோரிடம் ஒப்படைத்தனர். மேலும் அய்யனார் மீது போக்சோ சட்டத்தின்கீழ் வழக்குபதிவு செய்து அவரை சிறையில் அடைத்தனர்.

ஜோலார்பேட்டை:

ஈரோடு மாவட்டத்தை சேர்ந்தவர் ராஜேஷ்கண்ணா (வயது 25). வடமாநிலத்தை சேர்ந்தவர் ஸ்ரீவிஹோரா இவர்கள் இருவரும் சம்பவத்தன்று சென்னையில் இருந்து ஈரோடு நோக்கி சென்ற ரெயிலில் பயணம் செய்து கொண்டிருந்தனர்.

காட்பாடி ஜோலார்பேட்டை இடையே ரெயில் சென்று கொண்டிருந்த போது இருவரது செல்போன்களும் காணாமல் போயிருந்தது இது குறித்து இருவரும் ஜோலார்பேட்டை ரெயில் வே போலீசில் புகார் அளித்தனர்.

இந்நிலையில் ரெயிவே போலீசார் நேற்று மாலை 3 பிளாட்பாரத்தில் ரோந்து பணியில் ஈடுபட்டு கொண்டிருந்தனர்.

அப்போது அங்கு சந்தேகபடும்படி நின்று கொண்டிருந்த வாலிபரை பிடித்து விசாரணை நடத்தினர். அதில் வாணியம்பாடியை சேர்ந்த ஹர்‌ஷன் அஹமது என்பது தெரியவந்தது. மேலும் ரெயிலில் ராஜேஷ்கண்ணா, ஸ்ரீவிஹோரா ஆகியோரது செல்போன் திருடியதை ஒப்புக்கொண்டார்.

இதையடுத்து அவரை கைது செய்த போலீசார் அவரிடம் இருந்து செல்போன்களை பறிமுதல் செய்து மேலும் விசாரணை நடத்தி வருகின்றனர்.

பேரையூர்:

திருமங்கலம் பயோனியர் காலனியைச் சேர்ந்த வாவாபக்ருதீன் மகள் அஷீமா பானு (வயது 22). இவர் திருமங்கலம் நகர் போலீசில் கொடுத்துள்ள புகாரில் கூறியிருப்பதாவது:-

உசிலம்பட்டி அருகே உள்ள விக்கிரமங்கலத்தை சேர்ந்த பிரேம்குமார் (22) என்பவருடன் பள்ளி படிப்பு காலம் முதல் பழக்கம் இருந்தது. இது காதலாக மாறியது.

கடந்த ஆண்டு இருவருக்கும் கருத்து வேறுபாடு ஏற்பட்டது. இந்த நிலையில் எனக்கு வேறு இடத்தில் திருமணம் நிச்சயமாகி உள்ளது. இதனை அறிந்த பிரேம்குமார் எனது வீட்டுக்கு வந்து நட்பு ரீதியாக எடுத்த போட்டோவை காண்பித்து மிரட்டல் விடுத்தார்.

என் மீது ஆசிட் வீசிவிடுவேன் என்றும் எச்சரித்தார். அவர் மீது நடவடிக்கை எடுக்க வேண்டும்.

இவ்வாறு அதில் கூறப்பட்டுள்ளது.

இதுகுறித்து திருமங்கலம் நகர் போலீசார் வழக்குப்பதிவு செய்து விசாரணை நடத்தினர். தொடர்ந்து பிரேம்குமார் கைது செய்யப்பட்டார்.

திண்டிவனம்:

திண்டிவனம் அருகே உள்ள மேல்சிவிரி கிராமத்தை சேர்ந்தவர் நாராயணசாமி. இவரது மனைவி மீனாட்சியம்மாள்(வயது 75). இவர் இரவு வீட்டில் தனியாக இருந்தார். அப்போது அங்கு வந்த 35 வயது மதிக்கத்தக்க வாலிபர் ஒருவர், மூதாட்டி அணிந்திருந்த நகைகளை பறிக்க முயன்றார்.

பின்னர் அவரை பாலியல் பலாத்காரமும் செய்ய முயன்றதாக கூறப்படுகிறது. இதனால் அதிர்ச்சியடைந்த மூதாட்டி கூச்சலிட்டார். இதைகேட்ட அக்கம் பக்கத்தினர் சம்பவ இடத்துக்கு ஓடிவந்து அந்த வாலிபரை மடக்கி பிடித்து வெள்ளிமேடுபேட்டை போலீஸ் நிலையத்தில் ஒப்படைத்தனர். 

பிடிபட்டவரிடம் போலீசார் நடத்திய விசாரணையில், அவர் திண்டிவனம் அடுத்த விழுக்கம் காலனியை சேர்ந்த முருகன்(35) என்பது தெரியவந்தது. இதுகுறித்த புகாரின்பேரில் போலீசார் வழக்குப்பதிவு செய்து முருகனை கைது செய்தனர்.