நீங்கள் தேடியது "கொலை"

திருப்பூர்:

திருப்பூரில் கடந்த 3 மாதங்களுக்கு முன்பு தொடர்ந்து கொலை சம்பவங்கள் நடைபெற்றது. போலீசார் இரவு நேரங்களில் அதிரடி சோதனை நடத்தியதையடுத்து கொலை சம்பவங்கள் குறைந்தது.

இந்தநிலையில் நேற்றிரவு திருப்பூர் சந்திராபுரம் பகுதியில் நண்பர்களுக்குள் ஏற்பட்ட தகராறில் வாலிபர் சுரேஷ் கொலை செய்யப்பட்டார். இந்த சம்பவம் திருப்பூரில் பரபரப்பை ஏற்படுத்தியுள்ளது. கடந்த சில நாட்களுக்கு முன்பு முத்துமாரி என்ற பெண்ணும் அவரது 2 மகன்களும் கொலை செய்யப்பட்டனர்.

3 பேரையும் கொன்ற முத்துமாரியின் கள்ளக்காதலன் கோபால தற்கொலை செய்து கொண்டார். இந்த சம்பவத்தின் பரபரப்பு அடங்குவதற்குள் இன்று மற்றொரு கொலை சம்பவம் நடைபெற்றுள்ளது பொதுமக்கள் மத்தியில் பெரும் அதிர்ச்சியை ஏற்படுத்தியுள்ளது.

செங்குன்றம்:

சோழவரம் அடுத்த மாபுஸ்கான்பேட்டையைச் சேர்ந்தவர் பூபாலன் (வயது37). மது பழக்கத்துக்கு அடிமையானவர். நேற்று இரவு அவர் குடி போதையில் வீட்டுக்கு வந்து ரகளையில் ஈடுபட்டார்.

அப்போது பூபாலன தனது அக்காள் மற்றும் அவரது கணவரிடம் பணம் கேட்டு தகராறு செய்ததாக தெரிகிறது.

இதனால் ஆத்திரம் அடைந்த அவர்கள் பூபாலனை தாக்கி வீட்டில் உள்ள அறையில் அடைத்து வைத்தனர்.

இந்த நிலையில் இன்று காலை அறைக் கதவை திறந்து பார்த்தோது பூபாலன் இறந்து கிடப்பதை கண்டு அதிர்ச்சி அடைந்தனர்.

இதுகுறித்து சோழவரம் போலீசுக்கு தகவல் தெரிவிக்கப்பட்டது. போலீசார் பூபாலனின் உடலை கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர்.

இது தொடர்பாக பூபாலனின் அக்காள் மற்றும் அவரது கணவரிடம் போலீசார் விசாரணை நடத்தி வருகிறார்கள்.

திருநின்றவூர்:

ஆவடியை அடுத்த கவுரிப்பேட்டையை சேர்ந்தவர் மனோஜ் (வயது 25). தண்ணீர் டிராக்டர் டிரைவர் இவர். டிராக்டர் டேங்கரில் தண்ணீர் நிரப்பி வீடுகளுக்கு சப்ளை செய்வது வழக்கம்.

இன்று காலை 6 மணியளவில் அவர் டிராக்டரில் தண்ணீர் பிடிப்பதற்காக ஆவடியில் உள்ள வீட்டு வசதி வாரிய குடியிருப்புக்கு வந்தார்.

அப்போது அங்கு மற்றொரு டிராக்டரில் தண்ணீர் பிடிப்பதற்காக ஆவடி பகுதியை சேர்ந்த பிரபு என்பவர் வந்திருந்தார்.

அங்கு மனோஜிக்கும், பிரபுவுக்கும் திடீரென வாக்குவாதம் ஏற்பட்டது. இதில் பிரபுவுக்கு ஆதரவாக மேலும் 2 பேர் தகராறில் ஈடுபட்டனர்.

இந்த மோதலில் ஆத்திரம் அடைந்த பிரபு மற்றும் அவரது கூட்டாளிகள் இரும்பு கம்பியால் மனோஜை சரமாரியாக தாக்கினர்.

இதில் தலையில் பலத்த காயம் அடைந்த மனோஜ் சம்பவ இடத்திலேயே பரிதாபமாக இறந்தார்.

உடனே பிரபும் அவரது கூட்டாளிகளும் அங்கிருந்து தப்பி ஓடிவிட்டனர்.

இதனை கண்டு அதிர்ச்சி அடைந்த அப்பகுதி மக்கள் ஆவடி போலீசுக்கு தகவல் தெரிவித்தனர்.

போலீஸ் விரைந்து வந்து மனோஜின் உடலை மீட்டு பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர்.

கொலையுண்ட மனோஜிக்கும், பிரபுக்கும் இடையே ஏற்கனவே பணம், கொடுக்கல்-வாங்கல் தகராறு இருந்ததாக தெரிகிறது. இதில் ஏற்பட்ட மோதலில் கொலை நடந்து இருக்கலாம் என்று சந்தேகிக்கிறார்கள். இது பற்றி போலீசார் மேலும் விசாரணை நடத்தி வருகின்றனர்.

ராசிபுரம்:

நாமக்கல் மாவட்டம் ராசிபுரம் தாலுகா, வெண்ணந்தூர் போலீஸ் சரகம், ஓலப்பட்டி அருகே உள்ள ராசாபாளையத்தில் மாரியம்மன் கோவில் உள்ளது. இந்த கோவிலில் சிற்ப வேலைப்பாடுகள் நடந்து வருகிறது. கோவிலின் சிற்ப வேலைபாடுகளுக்காக நாகை மாவட்டம், திருகடையூர், டி ரஸ்தா கீல வீதியைச் சேர்ந்த செல்வம் மகன் செந்தில்குமார் (வயது 24), மயிலாடுதுறை அருகே உள்ள திருவிழுந்தூர் தோப்பு தெருவைச் சேர்ந்த நடராஜன் மகன் சீனிவாசன் (31) உள்பட 3 பேர் கடந்த 2 மாதங்களாக சிற்ப வேலைப்பாடுகளை செய்துவருகின்றனர். இவர்கள் அனைவரும் கோவில் அருகே உள்ள வீட்டில் தங்கி இருந்தனர்.

இந்த நிலையில் செந்தில்குமாருக்கு நேற்று பிறந்த நாள் ஆகும். இதனால் நேற்று இரவு சீனிவாசனும், செந்தில்குமாரும் ஒன்றாக மது அருந்தியதாக கூறப்படுகிறது. போதை அதிகமாகவே செந்தில்குமார் சீனிவாசனை கெட்டவார்த்தையால் திட்டியதாக கூறப்படுகிறது.

அப்போது இருவருக்கும் இடையே வாய்த்தகராறு ஏற்பட்டது. இதில் கோபம் அடைந்த சீனிவாசன் சூரிக் கத்தியால் செந்தில்குமாரின் தலையின் பின் பகுதியில் சரமாரியாக வெட்டினார். இதில் படுகாயம் அடைந்த செந்தில்குமார் ரத்த வெள்ளத்தில் சம்பவ இடத்திலேயே இறந்தார்.

இதுபற்றி தகவல் கிடைத்ததும் சம்பவ இடத்திற்கு ராசிபுரம் டி.எஸ்.பி. (பொறுப்பு) முத்துக்கிருஷ்ணன், வெண்ணந்தூர் போலீஸ் இன்ஸ்பெக்டர் மகாலட்சுமி மற்றும் போலீசார் விரைந்து சென்று விசாரணை நடத்தினர். கொலை செய்யப்பட்ட செந்தில்குமாரின் உடலை கைப்பற்றி பிரேத பரிசோதனைக்காக சேலம் அரசு ஆஸ்பத்திரிக்கு போலீசார் அனுப்பி வைத்தனர்.

இதுபற்றி வெண்ணந்தூர் போலீசார் வழக்குப்பதிவு செய்து சீனிவாசனை தேடி வருகின்றனர்.

பிறந்தநாள் அன்று செந்தில்குமார் கொலை செய்யப்பட்டதால் அவரது குடும்பத்தினர் மிகவும் சோகம் அடைந்தனர். செந்தில்குமார் கொலை செய்யப்பட்ட சம்பவம் பற்றி கேள்விப்பட்டதும் அவரது குடும்பத்தினர் வெண்ணந்தூருக்கு விரைந்து வந்தனர்.

கோவில் சிற்ப வேலைக்காக வந்திருந்த சிற்பி கொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தி உள்ளது.

திருப்பூர்:

திருப்பூர் செவந்தாம்பாளையம் ஜீவா நகரை சேர்ந்தவர் குழந்தைவேல். இவரது மகன் சுரேஷ் (வயது 29). இவரது நண்பர்கள் கே.செட்டிப்பாளையத்தை சேர்ந்த மோகன்ராஜ், மணிகண்டன், குணா, அறிவுபிரகாஷ், பிரவீன்குமார். இவர்கள் மீது திருப்பூர் போலீஸ் நிலையங்களில் அடிதடி உள்பட பல்வேறு வழக்குகள் உள்ளது.

நேற்றிரவு சுரேஷ் மற்றும் அவரது நண்பர்கள் 5பேரும் சேர்ந்து சந்திராபுரம் அருகே உள்ள டாஸ்மாக் மது பாரில் மது அருந்தினர். அப்போது சுரேஷ் அவரது நண்பர்களிடம் , நான் தான் உங்களுக்கு தலைவன். நான் சொல்வதைத்தான் நீங்கள் கேட்க வேண்டும். நான் சொல்கிறபடி எதிராளிகளை நீங்கள் அடிக்க வேண்டும். நான் தான் உங்களுக்கு பணம் பெற்று கொடுக்கிறேன். எனவே எனக்கு நீங்கள் கட்டுப்பட வேண்டும் என்றார்.

இதற்கு அவரது நண்பர்கள் 5 பேரும் எதிர்ப்பு தெரிவித்தனர். நாங்கள் சொல்கிறபடி நீ நடந்து கொள் என்றனர். இதனால் அவர்களுக்குள் கடும் வாக்குவாதம் ஏற்பட்டது. இதையடுத்து பாரில் இருந்து அனைவரும் வெளியேறினர். அதன்பிறகும் அவர்களுக்குள் தகராறு ஏற்பட்டது.

ஒரு கட்டத்தில் தகராறு முற்றவே ஆத்திரமடைந்த நண்பர்கள் 5 பேரும் சேர்ந்து பட்டா கத்தியால் சுரேசை சரமாரி வெட்டினர். இதில் சுரேசின் தலையில் பலத்த வெட்டு விழுந்தது. இதில் ரத்த வெள்ளத்தில் கீழே சரிந்த சுரேஷ் சம்பவ இடத்திலேயே உயிரிழந்தார். இந்த சம்பவம் நள்ளிரவு 1மணியளவில் நடந்தது.

இதைத்தொடர்ந்து நண்பர்கள் 5 பேரும் அங்கிருந்து தப்பி சென்று விட்டனர். இன்று காலை சுரேஷ் பிணமாக கிடப்பதை பார்த்த அப்பகுதி பொதுமக்கள் உடனடியாக நல்லூர் போலீசாருக்கு தகவல் தெரிவித்தனர். போலீசார் சம்பவ இடத்திற்கு விரைந்து சென்றதுடன், சுரேஷ் உடலை மீட்டு பிரேத பரிசோதனைக்காக திருப்பூர் அரசு ஆஸ்பத்திரிக்கு அனுப்பி வைத்தனர். மேலும் சுரேசை கொலை செய்த அவரது நண்பர்கள் மோகன்ராஜ், மணிகண்டன், குணா, அறிவுபிரகாஷ், பிரவீன்குமார் ஆகிய 5 பேரையும் பிடித்து விசாரணை நடத்தி வருகின்றனர்.

யார் தலைவன் என்பது தொடர்பாக ஏற்பட்ட போட்டியில் வாலிபர் வெட்டி கொலை செய்யப்பட்ட சம்பவம் திருப்பூரில் பரபரப்பை ஏற்படுத்தி உள்ளது.

கொளத்தூர்:

மாதவரம் பால்பண்ணை 4 வது யூனிட் பகுதியை சேர்ந்தவர் மோகன் (வயது 34).

இவர் ஆட்டோ ஓட்டி வந்தார். கருத்து வேறுபாடு காரணமாக மனைவியை பிரிந்து வாழ்ந்து வருகிறார். இந்நிலையில் மோகன் நேற்று முன்தினம் இரவு தனது வீட்டில் உறவினர்களான‌ அதே பகுதியை சேர்ந்த பிரபு (வயது 38), திருவெற்றியூர் எல்லையம்மன் கோவில் தெருவை சேர்ந்த ஜெபா (எ) ஜெயகுமார் (வயது 34) மற்றும் சில நண்பர்களுடன் மது அருந்தியுள்ளார்.

அப்போது பிரபுவும், ஜெயகுமாரும் மோகனின் மனைவியை பற்றி அவதூறாக பேசியதாக கூறப்படுகிறது. இதனால் அவர்களுக்குள் தகராறு ஏற்பட்டு கைகலப்பாக மாறிய நிலையில் பிரபுவும் ஜெயகுமாரும் மது பாட்டிலால் மோகனை கடுமையாக தாக்கி குத்தினர். இதில் மோகன் மயங்கினார். பின்னர் அனைவரும் தப்பி சென்று விட்டனர்.

இந்த நிலையில் மணலி சின்னசாமி நகரில் வசிக்கும் மோகனின் அண்ணன் செந்தில், மோகனை பார்க்க நேற்று மதியம் வீட்டிற்கு வந்துள்ளார். அங்கு சுயநினைவு இன்றி இருந்த மோகனை பார்த்து அவர் அதிர்ச்சி அடைந்தார்.

காவல் கட்டுப்பாட்டு அறைக்கு தகவல் தெரிவித்தார். மணலி போலீஸ் உதவி கமிஷனர் தட்சிணாமூர்த்தி, மாதவரம் பால்பண்ணை போலீசார் இன்ஸ்பெக்டர் சங்கர் தலைமையில் போலீசார் சம்பவ இடத்திற்கு விரைந்து சென்று இறந்து கிடந்த மோகனின் உடலை பிரேத பரிசோதனைக்காக ஸ்டான்லி மருத்துவமனைக்கு அனுப்பி வைத்தனர்.

பிரபுவும், ஜெயக்குமாரும் மதுபாட்டிலால் குத்தியதில் மோகன் உயிரிழந்தது தெரியவந்தது. இதையடுத்து கொலை வழக்கு பதிவு செய்த போலீசார் பிரபு, ஜெயக்குமார் இருவரையும் கைது செய்தனர். இவர்களில் ஜெயக்குமார் ரவுடி என்றும் அவர் மீது வழக்குகள் இருப்பதாகவும் போலீஸ் தரப்பில் தெரிவிக்கப்பட்டது. மேலும் 2 பேரை போலீசார் தேடி வருகிறார்கள்.