நீங்கள் தேடியது "Lionel Messi"

கால்பந்து உலகில் ஜாம்பவனாக திகழ்பவர் பிரேசில் நாட்டின் பீலே. தற்போது மெஸ்சி, ரொனால்டோ ஆகியோர் சிறந்த வீரர்களாக திகழ்ந்து வருகிறார். நான் அணியை தேர்வு செய்தால் மெஸ்சிக்குதான் இடம் என்று தெரிவித்துள்ளார்.

இதுகுறித்து பீலே கூறுகையில் ‘‘மெஸ்சியையும், ரொனால்டோவையும் ஒப்பிடுவது கடினமானது. ரொனால்டோவை விட மெஸ்சி முற்றிலும் வித்தியாசமான ஸ்டைலை கொண்டவர். ஏராளமானோர் என்னை ஜார்ஜ் பெஸ்ட் உடன் ஒப்பிடவது உண்டு. ஆனால், நாங்கள் வித்தியாசமான விளையாட்டு ஸ்டைலை உடையவர்கள். மெஸ்சி (more organised), ரொனால்டோ (more of a center-forward).



நான் எனது அணியை தேர்வு செய்தார் ரொனால்டோவை விட மெஸ்சியைத்தான் தேர்வு செய்வேன். என்னுடைய அப்பா சிறந்த (center-forward) வீரர். அவர் எனக்கு எப்படி விளையாட வேண்டும் என்பதை கற்றுக் கொடுத்தார். என்னைவிட மூன்று முறை கூடுதலாக கோல் அடிக்க வேண்டும் என்று கூறினார். அவர்தான் என்னை கால்பந்து விளையாட ஊக்குவித்தார். அவர்தான் எனக்கு உத்வேகம் அளித்தவர்’’ என்றார்.

உலகக்கோப்பை கால்பந்து தொடர் ரஷியாவில் நடைபெற்றது. உலகக்கோப்பை வெல்லும் என்று எதிர்பார்க்கப்பட்ட அர்ஜென்டினா காலிறுக்கு முந்தைய சுற்றோடு வெளியேறியது. இதனால் அந்த அணியின் கேப்டனாக மெஸ்சி சர்வதேச போட்டியில் இருந்து ஓய்வு பெறுவார் என்று எதிர்பார்க்கப்பட்டது.

ஆனால் மெஸ்சி தனது சர்வதேச கால்பந்து விளையாட்டு குறித்து ஏதும் பேசாமல் இருந்து வருகிறார்கள். இந்நிலையில் சர்வதேச போட்டி குறித்து முடிவு எடுக்க மெஸ்சிக்கு வாய்ப்பு கொடுக்க வேண்டும் என்று முன்னாள் அர்ஜென்டினா வீரர் சேவியர் சவியோலா தெரிவித்துள்ளார்.



இதுகுறித்து சேவியர் சவியோலா கூறுகையில் ‘‘ரஷியாவில் நடைபெற்ற உலகக்கோப்பையில் நாம் எதிர்பார்த்தபடி அர்ஜென்டினா அணி விளையாடவில்லை என்பது நாம் எல்லோருக்கும் தெரியும். மெஸ்சிக்கு சற்று ஓய்வு தேவை. அர்ஜென்டினா அணிக்காக விளையாட விரும்புகிறாரா? என்பதை முடிவு செய்ய அவருக்கு நேரம் கொடுக்க வேண்டும். அவர் மீண்டும் அணிக்கு திரும்புவார் என்ற நம்பிக்கை உள்ளது. ஆனால், அணிக்கு திரும்புவது அவரது சொந்த விஷயம்’’ என்றார்.

கால்பந்து போட்டியில் கிறிஸ்டியானோ ரொனால்டோ - மெஸ்சி இடையே கடும் போட்டி நிலவும். இருவரும் பரம எதிரிகளாகவே சித்தரிக்கப்பட்டு வருகிறது.

கிறிஸ்டியானோ ரொனால்டோ ரியல் மாட்ரிட் அணிக்காகவும், மெஸ்சி பார்சிலோனா அணிக்காகவும் விளையாடிய போது இருவரும் எதிரெதிராக விளையாடும்போது அனல் பறக்கும். தற்போது கிறிஸ்டியானோ ரொனால்டோ ரியல் மாட்ரிட் அணியில் இருந்து இத்தாலியின் யுவான்டஸ் அணிக்கு மாறியுள்ளார்.



இந்நிலையில் கிறிஸ்டியானோ ரொனால்டோ இல்லாத ரியல் மாட்ரிட் அணி வீக்கானது என்று பார்சிலோனா புகழ் மெஸ்சி தெரிவித்துள்ளார்.

இதுகுறித்து மெஸ்சி கூறுகையில் ‘‘சிறந்த வீரர்களை கொண்ட ரியல் மாட்ரிட் அணி உலகின் தலைசிறந்த அணிகளில் ஒன்றாக திகழ்ந்து வருகிறது. ஆனால், கிறிஸ்டியானோ ரொனால்டோ இல்லாத ரியல் மாட்ரிட் சற்று தரம் குறைந்த அணியாக இருப்பது தெள்ளத் தெளிவாக தெரிகிறது.



யுவான்டஸ் அணி சாம்பியன்ஸ் லீக் கோப்பையை வெல்லும் அணிகளில் ஒன்றாக மாறியுள்ளது’’ என்றார்.

ஐரோப்பிய நாடுகளில் உள்ள கால்பந்து சங்கங்களின் யூனியன் சார்பில் 2017-18 சீசனின் சிறந்த வீரரை தேர்வு செய்து விருது வழங்கும். பல வீரர்களை தேர்வு செய்து அதில் இருந்து மூன்று பேரை இறுதியாக தேர்வு செய்வார்கள். இதில் ஒருவர் சிறந்த வீரராக தேர்வு செய்யப்படுவார்.



கடைசி மூன்று பேரை தேர்வு செய்து இன்று முடிவு அறிவிக்கப்பட்டது. இதில் பார்சிலோனா அணிக்காக விளையாடி வரும் மெஸ்சி பெயர் இடம்பெறவில்லை.



யூரோ சாம்பியன்ஸ் லீக் தொடரில் சாம்பியன் பட்டம் வென்ற ரியல் மாட்ரிட் அணியில் இருந்து கிறிஸ்டியானோ ரொனால்டோ, லூகா மோட்ரிச் ஆகியோர் இடம்பிடித்துள்ளனர்.



இறுதிப் போட்டிக்கு முன்னேறிய லிவர்பூல் அணியின் முகமது சாலாவும் தேர்வு செய்யப்பட்டுள்ளார். முதன்முறையாக மூன்று பேர் கொண்ட பட்டியலில் சாலா இடம்பிடித்துள்ளார்.

அர்ஜென்டினா கால்பந்து அணியின் கேப்டன் மெஸ்சி. 31 வயதாகும் இவர் ஸ்பெயின் நாட்டின் முன்னணி கிளப் அணிகளில் ஒன்றான பார்சிலோனா அணிக்காக விளையாடி வருகிறார். சிறுவயதில் இருந்தே பார்சிலோனா கிளப்பில் வளர்ந்த மெஸ்சி 2003 முதல் 2004 வரை சி அணிக்காகவும், 2004 முதல் 2005 வரை பார்சிலோனா பி அணிக்காகவும் விளையாடினார்.

2004-ல் இருந்து பார்சிலோனா அணிக்காக விளையாடி வருகிறார். இதுவரை 418 போட்டிகளில் விளையாடி 383 கோல்கள் அடித்துள்ளார். பார்சிலோனா அணிக்கு பரம எதிரி ரியல் மாட்ரிட் கிளப்பாகும். யார் அதிக கோப்பைகள் வெல்வது என்பதில் இரு அணிகளுக்கும் பனிப்போர் நடக்கும்.



மெஸ்சி பார்சிலோனா அணிக்கு விளையாட வருவதற்கு முன்பு ரியல் மாட்ரிட் 72 பதக்கங்களை வென்றிருந்தது. பார்சிலோனா 62 பதக்கங்களுடன் பின்தங்கியிருந்தது.

மெஸ்சி பார்சிலோனா அணிக்கு வந்த பிறகு பல கோப்பைகளை வாங்கிக் கொடுத்தது. இதன்காரணமாக தற்போது பார்சிலோனா 95 சாம்பியன் பட்டத்தை வென்றுள்ளது. ரியல் மாட்ரிட் 92 பதக்கத்துடன் பின்தங்கியுள்ளது.

அர்ஜென்டினா கால்பந்து அணி கேப்டன் மெஸ்சி. இவர் ஸ்பெயின் நாட்டின் முன்னணி கிளப்பான பார்சிலோனாவிற்காக விளையாடி வருகிறார். நேற்று நடைபெற்ற ஸ்பெயின் நாட்டின் சூப்பர் கோபா இறுதிப் போட்டியில் பார்சிலோனா 2-1 என செவியாவை வீழ்த்தி கோப்பை கைப்பற்றியது.



மெஸ்சி பார்சிலோனாவிற்காக வாங்கிக் கொடுத்த 33-வது சாம்பியன் டிராபி இதுவாகும். இதன்மூலம் பார்சிலோனா அணிக்கு அதிக சாம்பியன் பட்டம் வாங்கிக் கொடுத்த வீரர் என்ற சாதனையைப் படைத்துள்ளார். இதற்கு முன் கேப்டனாக இருந்த இனியஸ்டா 32 கோப்பைகளை வாங்கிக் கொடுத்துள்ளார். பின்கள வீரர் ஜெர்ராடு பிக்காய் 28, பஸ்குயட்ஸ் 28, சேவி 25 ஆகியோர் அடுத்தடுத்து இடத்தை பிடித்துள்ளனர்.

உலகக்கோப்பை கால்பந்து தொடர் ரஷியாவில் நடைபெற்றது. இதில் அர்ஜென்டினா மோசமான ஆட்டத்தை வெளிப்படுத்தியது. லீக் சுற்றில் குரோஷியாவிற்கு எதிரான ஆட்டத்தில் தோல்வியடைந்ததால், நாக்அவுட் சுற்றில் பிரான்ஸை எதிர்கொள்ள வேண்டிய நிலை ஏற்பட்டது.

இதில் 2-4 எனத் தோல்வியடைந்து காலிறுதிக்குக் கூட முன்னேற முடியாமல் வெளியேறியது. இதனால் நட்சத்திர வீரர் மெஸ்சி மீது கடும் விமர்சனம் எழுந்தது. இதனால் அவர் ஓய்வு பெற வாய்ப்புள்ளதாக கூறப்பட்டு வருகிறது. ஆனால், உலகக்கோப்பை தோல்விக்குப் பின் மெஸ்சி ஏதும் பேசாமல் இருந்து வருகிறார்.

இந்நிலையில் நிதி கண்ணோட்டத்தில் மெஸ்சி எங்களுக்கு முக்கியமானவர் என்று அர்ஜென்டினா கால்பந்து அசோசியேசன்ஸ் தலைவர் கிளாடியோ தபியா தெரிவித்துள்ளார்.



இதுகுறித்து கிளாடியோ தபியா கூறுகையில் ‘‘உணர்ச்சி ரீதியாக இந்த தோல்வி அவருக்கு மிகப்பெரிய அடியாகும். ஆனால், அர்ஜென்டினாவிற்கு அவர் தேவை. நிதி கண்ணோட்டத்தில் மெஸ்சி அர்ஜென்டினாவிற்கு முக்கியமானவர்.

மெஸ்சி அர்ஜென்டினா அணிக்காக தொடர்ந்து விளையாடுவார் என்று நினைக்கிறேன். அவர் அர்ஜென்டினா தேசிய அணியை மிகவும் நேசிக்கிறார். நாங்கள் அவர் மீது மிகுந்த நம்பிக்கை வைத்துள்ளோம்’’ என்றார்.

கால்பந்து விளையாட்டில் இந்த தலைமுறையின் தலைசிறந்த வீரர்களாக மெஸ்சி, கிறிஸ்டியானோ ரொனால்டோ ஆகியோர் கருதப்படுகிறார்கள். மெஸ்சி லா லிகா புகழ் பார்சிலோனா அணிக்காக விளையாடி வருகிறது. ரொனால்டோ முதலில் மான்செஸ்டர் யுனைடெட் அணிக்காகவும், தற்போது ரியல் மாட்ரிட் அணிக்காகவும் விளையாடி வருகிறார்கள்.

இருவரும் கால்பந்து விளையாட்டின் உயரிய விருதான பலோன் டி’ஆர் விருதை தலா ஐந்து முறை கைப்பற்றியுள்ளார்கள். கிளப் அணியில் சிறப்பான ஆட்டத்தை வெளிப்படுத்தி வரும் இருவரும் சொந்த அணிக்காக சிறப்பான ஆட்டத்தை வெளிப்படுத்தியது கிடையாது. குறிப்பாக நாக்அவுட் சுற்றில் படுமோஷம்.

நேற்று நடைபெற்ற ஆட்டத்தில் அர்ஜென்டினா 3-4 எனவும், போர்ச்சுக்கல் 1-2 எனவும் தோல்வியடைந்தது. ரொனால்டோ லீக் ஆட்டத்தில் நான்கு கோல்களும், மெஸ்சி ஒரு கோலும் அடித்தனர். நேற்றைய ஆட்டத்தில் கோல் அடிக்கவில்லை.



இதன்மூலம் உலகக்கோப்பை கால்பந்து நாக்அவுட் போட்டியில் இருவரும் 1270 நிமிடங்கள் விளையாடி ஒரு கோல் கூட அடிக்கவில்லை. இதில் மெஸ்சி முன்னணியில் உள்ளார். அவர் 756 நிமிடங்கள் விளையாடியுள்ளார். ரொனால்டோ 514 நிமிடங்கள் விளையாடியுள்ளார். ஜாம்பவான்கள் இந்த மோசமான சாதனைக்குள் சிக்கியுள்ளனர்.

அடுத்த உலகக்கோப்பையில் இவர்கள் விளையாடுவார்களா? என்பது தெரியவில்லை. இதனால் மோசமான சாதனை அப்படி வைத்திவிட்டு செல்வார்கள் என்றுதான் தோன்றுகிறது.

உலகக்கோப்பை கால்பந்து திருவிழா ரஷியாவில் நடைபெற்று வருகிறது. லீக் ஆட்டங்கள் நேற்றோடு முடிவடைந்தது. நாளை முதல் நாக்அவுட் சுற்றுகள் நடைபெறுகின்றன. முதல் போட்டியில் அர்ஜென்டினா - பிரான்ஸ் அணிகள் பலப்ரீட்சை நடத்துகின்றன. இந்த ஆட்டம் கசன் மைதானத்தில் நடைபெறுகிறது. அர்ஜென்டினா கடைசி லீக் ஆட்டத்தில் கடந்த 26-ந்தேதி நைஜீரியாவை எதிர்கொண்டது.

அதன்பின் நாளைய போட்டிக்காக கசனில் உள்ள ஒரு நட்சத்திர ஓட்டலில் அர்ஜென்டினா வீரர்கள் தங்கியுள்ளனர். அங்கிருந்து மைதானத்திற்குச் சென்று பயிற்சி மேற்கொண்டு வருகிறார்கள்.

மெஸ்சி தங்கியுள்ள ஓட்டல் அருகில் உள்ள நான்கு ஸ்டார் நட்சத்திர ஓட்டல் ஒன்று உள்ளது. இந்த ஓட்டலில் கடந்த ஆண்டு நடைபெற்ற கான்பெடரேசன் கோப்பைக்காக போர்ச்சுக்கல் அணி தங்கியிருந்தது. அப்போது அந்த ஹோட்டல் சுவற்றில் கிறிஸ்டியானோ ரொனால்டோவின் ராட்சத படம் வரையப்பட்டிருந்தது.



தற்போது மெஸ்சி காலையில் எழுந்ததுடன் இந்த படத்தில்தான் விழிக்க வேண்டிய நிலை உள்ளது. இருவரும் கால்பந்து போட்டியில் எப்போதும் எதிராயாகத்தான் திகழ்கிறார்கள்.

ஒருவேளை நாக்அவுட் சுற்றில் அர்ஜென்டினா மற்றும் போர்ச்சுக்கல் அணிகள் வெற்றி பெற்றால் காலிறுதியில், போஸ்டரில் பார்த்த முகத்தை மெஸ்சி நேரில் சந்திக்க வேண்டியிருக்கும்.

திருவனந்தபுரம்:

இதனால் மனமுடைந்த அலெக்ஸ் வீட்டை விட்டு வெளியேறினார். இதுகுறித்து போலீசாருக்கு தகவல் அளிக்கப்பட்டது. வீட்டில் இருந்த தற்கொலை கடிதத்தில் மெஸ்சி தோற்தை என்னால் தாங்க முடியவில்லை. அதனால் நான் தற்கொலை செய்து கொள்கிறேன் எனக் குறிப்பிட்டிருந்தார்.

இதையடுத்து போலீசார் தீவிர தேடுதல் வேட்டையில் ஈடுபட்டுள்ளனர். இது குறித்து பேசிய அலெக்சின் தந்தை, அலெக்ஸ் மெஸ்சியின் தீவிர ரசிகன். அவன் அணி தோல்வியடைந்ததை அடுத்து மிகவும் மனமுடைந்து காணப்பட்டான் என கூறினார். கால்பந்து அணி தோல்வியடைந்தற்கு வாலிபர் வீடை விட்டு வெளியேறிய சம்பவம் ஆச்சரியத்தை ஏற்படுத்தியுள்ளது.