நீங்கள் தேடியது "சிட்ரோயன் சி5 ஏர்கிராஸ்"

மீரட்:

உத்தரபிரதேச மாநிலம் பார்டாபூர் பகுதியில் உள்ள மொகாம்பூரில் இருந்து கண்டெய்னர் லாரி ஒன்று மீரட் நகருக்கு இரவில் சென்று கொண்டிருந்தது. அந்த லாரியை நூர்ஆலம் ஓட்டி வந்தார்.

மீரட் நகருக்கு முன்பு 7 கி.மீட்டர் துரத்தில் வரும் போது அந்த லாரி தாறு மாறாக ஓடியது. ஒரு சைக்கிள் மற்றும் மோட்டார்சைக்கிள் மீதும் மோதியது. பின்னர் மீரட் நகருக்குள் நுழைந்ததும் ஒரு வேன் மீதும், இரு சக்கர வாகனம் மீதும் மோதி இடித்து தள்ளியது.

அதில் இரு சக்கர வாகனத்தை ஒட்டியவரும், அவருக்கு பின்னால் அமர்ந்து இருந்தவரும் பலியாகினர். அதை தொடர்ந்தும் வேகமாக சென்ற லாரி டிரக் மீதும், சைக்கிள் ரிக்ஷா மீதும் மோதியது. அதில் டிரக் டிரைவரும், சைக்கிள் ரிக்ஷாவில் பயணம் செய்த 2 பேரும் உயிரிழந்தனர்.

அதன் பிறகும் நிற்காமல் சென்ற லாரி ரோட்டின் ஓரம் தூங்கி கொண்டிருந்தவர்கள் கூட்டத்தில் புகுந்து நின்றது. அதில் அங்கு தூங்கி கொண்டிருந்த 12-க்கும் மேற்பட்டோர் படுகாயம் அடைந்தனர். அவர்கள் ஆஸ்பத்திரியில் அனுமதிக்கப்பட்டனர்.

தகவல் அறிந்ததும் அங்கு விரைந்து சென்ற மீரட் போலீசார் கண்டெய்னர் லாரி டிரைவர் நூர்ஆலமை கைது செய்தனர். அப்போது அவர் குடிபோதையில் இருந்தது தெரிய வந்தது. # tamilnews

ஜகார்த்தா:

இந்தோனேசியாவில் நடைபெற்று வரும் ஆசிய விளையாட்டுப்போட்டியில் இன்று துடுப்பு படகு போட்டிகள் நடைபெற்றன. இதில் இந்திய வீரர்கள் சாதனை படைத்துள்ளனர். ஆண்களுக்கான இலகுரக துடுப்பு படகு ஒற்றையர் பிரிவில் துஷ்யந்த், இரட்டையர் பிரிவில் ரோகித் குமார், பகவான் தாஸ் ஆகியோர் வெண்கலம் வென்றனர்.

இந்நிலையில் 4 வீரர்கள் பங்கேற்கும் துடுப்பு படகு போட்டியில் இந்திய அணி தங்கம் வென்றுள்ளது. இந்திய அணியில் சவார்ன் சிங், போகனால், ஓம் பிரகாஷ், சுக்மீத் சிங் ஆகியோர் இணைந்து நிர்ணயிக்கப்பட்ட இலக்கை 6 நிமிடம் 17.13 வினாடிகளில் கடந்து சாதனை படைத்தனர். இந்தோனேசிய அணி வெள்ளிப் பதக்கமும், தாய்லாந்து அணி வெண்கலப் பதக்கமும் வென்றது.

இந்த வெற்றியின்மூலம் இந்திய அணி 5 தங்கம், 4 வெள்ளி,  12 வெண்கலம் என மொத்தம்  21 பதக்கங்களுடன் பதக்க பட்டியலில் 9-வது இடத்திற்கு முன்னேறியது. #AsianGames2018 #IndiaRowingTeam

நாமக்கல்:

சேலம் மாவட்டம் மேட்டூர் அருகே உள்ள கருமலைக் கூடல் பகுதியை சேர்ந்தவர் வெங்கடாசலம். இவரது மகன் கண்ணன் (வயது 30). திருமணமாகவில்லை.

கடந்த 23-ந்தேதி இரவு இவர் கருமலைக்கூடல் அடுத்த கருப்பு ரெட்டியூரில் உள்ள டாஸ்மாக் கடை பாரில் அமர்ந்து சிலருடன் மது குடித்துக் கொண்டிருந்தார். அப்போது அங்கு வைத்து அவர்களுக்குள் மோதல் ஏற்பட்டது. இதில் சிலர் கண்ணனை கத்தியால் பின் தலை உள்பட பல இடங்களில் வெட்டி கொலை செய்து விட்டு தப்பி ஓடி விட்டனர்.

இந்த சம்பவம் குறித்து கருமலைக்கூடல் போலீசார் வழக்குப்பதிவு செய்து தனிப்படை அமைத்து கொலையாளிகளை தேடி வருகிறார்கள்.

இந்த நிலையில் கொலையில் தொடர்புடைய 5 பேர் இன்று மதியம் நாமக்கல் மாவட்ட 2-வது குற்றவியல் நடுவர் நீதிமன்ற நீதிபதி தமயந்தி முன்னிலையில் சரண் அடைந்தனர். அவர்களிடம் விசாரணை நடத்தப்பட்டது.

விசாரணையில் கருமலைக் கூடலை சேர்ந்த மகேந்திரன், பிரசாத், செந்தில்குமார் என்கிற ஆறுமுகசாமி, மணி என்கிற மோகன்ராஜ், அழகு என்கிற தம்பிதுரை ஆகியோர் என்பது தெரியவந்து. சரண் அடைந்த இவர்கள் 5 பேரையும் சிறையில் அடைக்க நீதிபதி உத்தரவிட்டார்.