நீங்கள் தேடியது "Bus driver"

சென்னை:

திருவள்ளூர் மாவட்டம் பள்ளிப்பட்டு அருகே உள்ள கரிம்பேடு கிராமத்தை சேர்ந்தவர் அருணாசலம் (வயது 45). இவர் ஆந்திர மாநில போக்குவரத்து துறையில் 15 ஆண்டுகளாக டிரைவராக பணிபுரிந்து வந்தார். இவருக்கு ராணி (வயது 35) என்ற மனைவியும் விஷால் (வயது 9), நிவாஸ் (வயது 7) என்ற மகன்களும் உள்ளனர். இந்த நிலையில் நேற்று காலை அருணாசலம் திருமலையில் இருந்து சென்னை கோயம்பேடுக்கு பஸ்சை ஓட்டி சென்றார். இரவு மீண்டும் சென்னை கோயம்பேட்டில் இருந்து திருமலைக்கு பஸ்சை ஓட்டி சென்றார். பஸ்சில் 50 பயனிகள் இருந்தனர். பஸ் செங்குன்றத்தை அடைந்தபோது அருணாசலத்துக்கு லேசான நெஞ்சுவலி ஏற்பட்டது.

உடனே அவர் சென்குன்றம் பஸ் நிலையம் அருகே பஸ்சை நிறுத்தி அங்குள்ள மருந்து கடையில் மாத்திரைகள் வாங்கி சாப்பிட்டார். பின்னர் பஸ் புறப்பட்டது. இரவு 7 மணிக்கு பஸ் ஊத்துக்கோட்டையில் சிறுது நேரம் நின்று விட்டு திருமலைக்கு புறப்பட்டது.

ஊத்துக்கோட்டை அருகே உள்ள பிச்சாட்டூரில் அருணாசலத்துக்கு மீண்டும் நெஞ்சுவலி ஏற்பட்டது. அங்கு சாலையோரமாக பஸ்சை நிறுத்திய அருணாசலம் அங்குள்ள மருந்து கடையில் மருந்து, மாத்திரைகள் வாங்கி சாப்பிட்டார். அதன் பின்னர் சுமார் 100 மீட்டர் சென்றதும் பஸ்சை சாலையோரம் நிறுத்தி விட்டு ஸ்டீயரிங் மீது சாய்ந்தார். அங்கேயே அவர் இறந்து விட்டதும் தெரியவந்தது. இறக்கும் நேரத்தில் தங்களை காப்பாற்றிய டிரைவரை பார்த்து பயணிகள் பலர் கண்ணீர் விட்டு அழுதனர்.

இது குறித்து பிச்சாட்டூர் போலீசார் வழக்குப்பதிவு விசாரித்து வருகின்றனர். பின்னர் மாற்று டிரைவர் மூலம் பயணிகள் திருமலைக்கு அனுப்பி வைக்கப்பட்டனர். 

பொள்ளாச்சி:

திருப்பூர் மாவட்டம் காங்கயம் பஸ் நிலையத்தில் இருந்து பயணிகளை ஏற்றிக்கொண்டு தனியார் பஸ் ஒன்று பொள்ளாச்சி வந்துகொண்டிருந்தது.

பஸ்சில் 70-க்கும் அதிகமான பயணிகள் இருந்தனர். பஸ்சை விஜய் என்பவர் ஓட்டினார். பஸ் காங்கயத்தில் கிளம்பியது முதலே டிரைவர் தாறுமாறாக இயக்கியுள்ளார். பல இடங்களில் எதிரே சென்ற வாகனங்கள், முன்னாள் சென்ற வாகனங்கள் மீது மோதுவது போல் ஓட்டினார்.

இதனால் பஸ்சில் இருந்த பயணிகள் ஓட்டுனரை எச்சரித்துள்ளனர். ஆனால், அவர் அதை பொருட்படுத்தாமல் விபத்தை ஏற்படுத்தும் வகையிலேயே இயக்கியுள்ளார்.

இந்நிலையில், பொள்ளாச்சி அருகே வந்த பஸ் ராஜேஸ்வரி திடல் பகுதியில் சாலையோரத்தில் நடந்து சென்ற அங்கலக்குறிச்சியை சேர்ந்த தனபாக்கியம்(50) என்ற பெண் மீது மோதியது.

இதில் பலத்த காயமடைந்த தனபாக்கியம் பொள்ளாச்சி அரசு மருத்துவமனைக்கு சிகிச்சைக்காக கொண்டு செல்லப்பட்டார்.

பஸ்சில் வந்த பயணிகள் மற்றும் பொதுமக்கள் குடிபோதையில் தள்ளாடிய நிலையில் இருந்த பஸ் டிரைவர் விஜய்க்கு தர்ம அடி கொடுத்து மகாலிங்கபுரம் போலீசில் ஒப்படைத்தனர். போலீசார் அவரை கைது செய்து விசாரணை நடத்தி வருகிறார்கள்.#tamilnews

பொள்ளாச்சி:

கோவை மாவட்டம் பொள்ளாச்சியில் இருந்து மீனாட்சிபுரத்திற்கு தனியார் பஸ் இயக்கப்பட்டு வருகிறது. இந்த பஸ்சை இயங்கும் முள்ளுப்பாடியை சேர்ந்த முருகானந்தம் (வயது 28) என்பவர் பஸ் ஓட்டும்போது அடிக்கடி செல்போன் பேசுவதாக பயணிகள் புகார் கூறினர்.

இந்நிலையில் பொள்ளாச்சியில் இருந்து மீனாட்சிபுரத்திற்கு இந்த பஸ் சென்றபோதும் அவர் செல்போன் பேசியவாறு பஸ்சை ஓட்டினார். இதை வீடியோவாக பதிவு செய்த சில பயணிகள் ஆதாரத்துடன் பொள்ளாச்சி டி.எஸ்.பி. கிருஷ்ணமூர்த்தியிடம் புகார் தெரிவித்துள்ளனர்.

புகாரையடுத்து, நூதன தண்டனை வழங்க முடிவு செய்த டி.எஸ்.பி. போக்குவரத்து இன்ஸ்பெக்டர் கதிரவன், சப்-இன்ஸ்பெக்டர் பிரபாகரன் ஆகியோரை அழைத்து, பஸ் டிரைவர் முருகானந்தத்தை நேற்று (வியாழக்கிழமை) ஒருநாள் முழுவதும் பொள்ளாச்சி காந்திசிலை சிக்னலில் போக்குவரத்தை ஒழுங்கு படுத்தும் பணியில் ஈடுபடுத்துமாறு உத்தரவிட்டார்.

இதையடுத்து, நேற்று காலையில் இருந்து மாலை வரை முருகானந்தம் போக்குவரத்தை ஒழுங்கு படுத்தும் பணியில் ஈடுபட்டார். இந்த நூதன தண்டனையால், போக்குவரத்து விதிகளை டிரைவர்கள் மதிக்க கற்றுக்கொள்ள வாய்ப்பாக இருக்கும் என போலீசார் தெரிவித்தனர். #Cellphone #BusDriver