நீங்கள் தேடியது "blood donation"

புதுச்சேரி:

மயிலம் என்ஜினீயரிங் கல்லூரி அப்துல் கலாம் மாணவர் சங்கம் மற்றும் நாட்டு நலப்பணித் திட்ட மாணவர்கள் சார்பில் மயிலம் என்ஜினீயரிங் கல்லூரியில் ரத்ததான முகாம் நடைபெற்றது.

கல்லூரி வளாகத்தில் நடைபெற்ற இம்முகாமை கல்லூரியின் தலைவர் மற்றும் மேலாண் இயக்குநர் தனசேகரன் தலைமை தாங்கி தொடங்கி வைத்தார்.துணை தலைவர் சுகுமாறன் வாழ்த்துரை வழங்கினார். செயலாளர் டாக்டர் நாராயணசாமி கேசவன் முன்னிலை வகித்தார்.

கல்லூரியின் இயக்குனர் செந்தில் சிறப்புரையாற்றினார். கல்லூரியின் முதல்வர் ராஜப்பன் வரவேற்று பேசினார்.மயிலம் வட்டார மருத்துவ அலுவலர் டாக்டர். தேன்மொழி தலைமையில் மருத்துவக்குழுவினர்கள் 55 யூனிட் வரை ரத்தம் சேகரித்தனர்.

இந்நிகழ்ச்சிக்கான ஏற்பாடுகளை கல்லூரியின் நாட்டு நலப்பணித் திட்ட அலுவலர் கார்த்திகேயன் மற்றும் உடற்கல்வி இயக்குநர்கள் உதயபிரகாஷ் மற்றும் தாரன்யா ஆகியார் செய்திருந்தனர். ரத்ததான முகாமில் பங்கேற்றவர்களுக்கு பாராட்டுச் சான்றிதழ் வழங்கப்பட்டது.

நிகழ்ச்சியின் முடிவில் அப்துல் கலாம் மாணவர் சங்கத்தின் தலைவர் விக்னேஷ் தகவல் தொழில்நுட்பத்துறை மற்றும் மாணவியர்களின் தலைவர் நித்யா ஆகியோர் நன்றி கூறினர்.

கோவில்பட்டி:

மகாத்மா காந்தி ரத்ததானக் கழகத்தின் 25-வது ஆண்டு வெள்ளி விழாவை முன்னிட்டு ரத்ததான முகாம் நடைபெற்றது.கோவில்பட்டி வணிக வைசிய நடுநிலைப்பள்ளி வளாகத்தில் நடைபெற்ற இம்முகாமிற்கு பள்ளிச் செயலர் வெங்கடேஷ் தலைமை தாங்கினார்.

அரசு மருத்துவமனை கண்காணிப்பாளர் கமலவாசன், மருத்துவர் சீனிவாசன் ஆகியோர் சிறப்பு விருந்தினர்களாக கலந்து கொண்டு பேசினர். நகர்மன்ற தலைவர் கருணாநிதி முகாமை தொடங்கி வைத்தார்.

தொடர்ந்து ரத்ததானம் வழங்கியவர்களுக்கு பரிசுகளை வழங்கி பேசினார். தேவசேனா தலைமையிலான மருத்துவக் குழுவினர் முகாமில் பங்கேற்ற 10 பேரிடம் ரத்தம் சேகரித்தனர்.

இதில் ரத்ததானக் கழக துணைத் தலைவர் சார்லஸ், ஆசிரியை முருகசரஸ்வதி, உரத்த சிந்தனை வாசகர் வட்டத் தலைவர் சிவானந்தம், ஓய்வு பெற்ற பள்ளி ஆசிரியர் பூபதி உள்ளிட்ட பலர் கலந்து கொண்டனர். முன்னதாக, பள்ளி வளாகத்தில் உள்ள காந்தி சிலைக்கு மலர் தூவி மரியாதை செலுத்தினர். ஏற்பாடுகளை ரத்ததான கழக நிறுவன தலைவர் தாஸ் செய்திருந்தார்.

தூத்துக்குடி:

காமராஜர் பிறந்தநாைளயொட்டி பனங்காட்டு மக்கள் கழகத்தினர் 101 போ் ரத்ததானம் செய்தனர்.

மாநில வழக்கறிஞர் அணி பொறுப்பாளர் வழக்கறிஞர் எஸ்.பி.சிலுவை நாடார் தலைமையில் தூத்துக்குடி பெரிய பள்ளி வாசல் பகுதியில் மாபெரும் ரத்ததான முகாம் நடைபெற்றது

முகாமில், தூத்துக்குடி மாவட்ட பனங்காட்டு மக்கள் கழக நிர்வாகிகள், இளைஞர் அணியினர் சுமார் 101 போ் ரத்ததானம் செய்தனர். மேலும், ஏழை-எளியவர்களுக்கு நலத்திட்ட உதவிகளும், மாணவ, மாணவியர்களுக்கு எழுதுபொருட்களும், மதிய உணவும் வழங்கப்பட்டது.

இதில், தூத்துக்குடி தெற்கு மாவட்ட செயலாளர் அற்புதராஜ், திருச்செந்தூர் ஒன்றிய செயலாளர் மகேந்திரன், துணை செயலாளர்கள் சிவனேசன், செல்வகுமார், தூத்துக்குடி ஒன்றிய இளைஞரணி செல்வக்குமார், நிர்வாகிகள் பிரபு, சுரேஷ்குமார், விஜய், திலக் மற்றும் உறுப்பினர்கள் உட்பட பலர் திரளாக கலந்துகொண்டனர்.

தூத்துக்குடி வ.உ.சி மார்க்கெட்டிலுள்ள காமராஜர் சிலைக்கு தூத்துக்குடி மாவட்ட சமத்துவ மக்கள் கழகம் சார்பில் மாவட்ட செயலாளர் மாலைசூடி அற்புதராஜ் மாலை அணிவித்து மரியாதை செலுத்தி, இனிப்பு வழங்கினார்.

இதில், மாநில வர்த்தகஅணி துணை செயலாளர் ரவிசேகர், கலை இலக்கிய அணி அந்தோணிபிச்சை, மாவட்ட அவை தலைவர் கண்டிவேல், பொருளாளர் அருண்சுரேஷ்குமார், துணைச்செயலாளர் அருள்ராஜ், பொதுக்குழு உறுப்பினர் ரெக்ஸ், பிரதிநிதி பெரியசாமி, இளைஞரணி டேனியல்ராஜ், மாணவரணி அகஸ்டின், தொண்டரணி முத்துசெல்வம், வர்த்தக அணி முத்துக்குமார், விவசாய அணி சரவணன், தொழிலாளர் அணி ஜெகன், மீனவரணி விக்ரம், மாநகரச்செயலாளர் உதயசூரியன், அவைத்தலைவர் மதியழகன், பொருளாளர் சந்தனகுமார், ஒன்றிய செயலாளர் பாரத், ஆத்தூர் நகர செயலாளர் கனகராஜ் உட்பட பலர் கலந்து கொண்டனர்.

தென்காசி:

தென்காசி அரசு மாவட்ட தலைமை மருத்துவமனையில் இந்திய பல் மருத்துவ சங்கம் சார்பாக ரத்ததான முகாம் நடைபெற்றது. இந்திய பல் மருத்துவ சங்கத்தின் தென்காசி மாவட்ட நிறுவனர் மருத்துவர் மதிமாறன் ரத்ததானம் பற்றியும், அதன் அவசியம் குறித்தும் விளக்கினார். இந்திய பல் மருத்துவ சங்கத்தின் தலைவர் மருத்துவர் கதிரேசன் மற்றும் மருத்துவர்கள் காளிதாசன், ஹரிச்சந்திர ராஜா, நஸீருத்தீன், சுகன்யா, அல்போன்ஸ், செய்யது முகம்மது தமீம் ஆகியோர் கலந்துகொண்டு ரத்த தானம் செய்தனர்.

முகாமை தென்காசி அரசு மாவட்ட தலைமை மருத்துவமனை கண்காணிப்பாளர் மருத்துவர் ஜெஸ்லின், மூத்த பல் மருத்துவர் லதா ஆகியோர் தொடங்கி வைத்தனர். ஏற்பாடுகளை ரத்த வங்கி மருத்துவர் பாபு செய்திருந்தார்.

தென்காசி அரசு மாவட்ட தலைமை மருத்துவமனை கண்காணிப்பாளர் மருத்துவர் ஜெஸ்லின் ரத்த தானம் வழங்கிய மருத்துவர்களுக்கும் , மருத்துவ சங்கத்தினருக்கும் பாராட்டி பேசினார். மேலும் ரத்ததானம் வழங்கிய அனைவருக்கும் பாராட்டு சான்றிதழ் வழங்கப்பட்டது. நிகழ்ச்சி ஒருங்கிணைப்பாளர் மருத்துவர் நஸீருத்தீன் நன்றி கூறினார்.

ஜோலார்பேட்டை:

நாட்டறம்பள்ளி அடுத்த பச்சூர் டோல்கேட் அருகே உள்ள தனியார் பொறியியல் கல்லூரியில் மருத்துவர் தினம் முன்னிட்டு அரசு பொது சுகாதார துறை மற்றும் திருப்பத்தூர் ரோட்டரி சங்கம், தனியார் கல்லூரி இணைந்து ரத்த தானம் முகாம் நடைபெற்றது.

இந்த முகாமிற்கு திருப்பத்தூர் ரோட்டரி சங்கம் தலைவர் அருணகிரி தலைமை தாங்கினார் கல்லூரி முதல்வர் டாக்டர் பாஸ்கர் அனைவரையும் வரவேற்றார்.

கல்லூரி தலைவர் சுப்பிரமணியம் செயலாளர் ஏலகிரி வி. செல்வம் பொருளாளர் சீனிவாசன் ஆகியோர் முன்னிலை வைத்தனர்.

ரத்ததான முகாமை திருப்பத்தூர் மாவட்ட அரசு மருத்துவமனை மருத்துவர் குமரவேல் முகாமை தொடங்கி வைத்தார். மேலும் இம்முகாமில் ரோட்டரி சங்க உறுப்பினர் ஆர். புகழேந்தி, கல்லூரி பேராசிரியர்கள் மாணவ மாணவிகள் உள்பட பலர் கலந்து கொண்டனர். முடிவில் சங்க செயலாளர் பாரதி நன்றி கூறினார்.

திருத்துறைப்பூண்டி:

உலக ரத்த தான கொடையாளர் தினத்தை முன்னிட்டு திருவாரூர் புலிவலம் ஊராட்சி மன்ற அலுவலகத்தில் நடைபெற்ற அரசு விழாவில் ரத்த வங்கிகளுக்கு 2022-ம் ஆண்டு ரத்ததானம் கொடுத்து, தேவைப்படும் நோயாளிக்கு ரத்தம் அளித்து அவர்கள் வாழ்வில் ஒளிர செய்ததற்காக, ராய் டிரஸ்ட் இன்டர்நேஷனல் நிறுவனத் தலைவர்முனைவர் நா.துரை ராயப்பனுக்கு மாவட்ட கலெக்டர் காயத்ரி கிருஷ்ணன், பூண்டி கலைவாணன் எம்.எல்.ஏ. ஆகியோர் நினைவுப்பரிசும், பாராட்டு சான்றிதழும் வழங்கினர். இந்த நிகழ்வில் திருவாரூர் மாவட்ட மருத்துவ கல்லூரியின் தலைமை மருத்துவ அதிகாரி ஜோசப்ராஜ், மாவட்ட ரத்த வங்கி டாக்டர் பிரதிக்சா உள்ளிட்ட பலர் கலந்து கொண்டனர்.ராய் டிரஸ்ட் பரிந்துரையின் பேரில் திருத்துறைப்பூண்டியை சேர்ந்த உடற்பயிற்சி பயிற்றுநர்பாலாஜி, சேவை சித்தர் ஜெயபிரகாஷ், ஆர்.வி. சி. டிரான்ஸ்போர்ட் உரிமையாளர் சிவசைலம், கரூடா செல் ஷோரூம் உரிமையாளர் கார்த்தி ஆகியோருக்கும் நினைவுப் பரிசும் சான்றிதழும் வழங்கப்பட்டது.

கயத்தாறு:

கயத்தாறு சுங்கச்சாவடியில் கோவில்பட்டி அரசு மருத்துவமனை ரத்த வங்கியும், கயத்தாறு சுங்கசாவடி, கயத்தாறு அரசு ஆரம்ப சுகாதார நிலையமும் இணைந்து ரத்த தான முகாம் நடத்தியது.

கோவில்பட்டி அரசு ரத்த வங்கியின் குழு தலைவர் டாக்டர் லட்சுமிசித்ரா தலைமை தாங்கினார்.

இந்த முகாமில் 30-க்கும் மேற்பட்ட சுங்கச்சாவடி பணியில் இருக்கும் இளைஞர்கள் ரத்த தானம் செய்தனர்.

கயத்தாறு வட்டார மருத்துவர் ராஜ்குமார், நலக்கல்வியாளர் முத்துசாமி, வட்டார சுகாதார மேற்பார்வையாளர் கணேசன் மற்றும் சுகாதார ஆய்வாளர்கள் விஜயகுமார், பெரியசாமி, சுங்கச்சாவடி மதுரை மேலாளர் அம்படிஸ்ரீனிவாசகிரன்குமார்,

கயத்தாறு சுங்கச்சாவடி பல்வேறு துறை மேலாளர்கள் விஜய், ஆனந்தராஜ், சிவகுமார், ஜெபராஜ், வம்சி, ரமாசங்கர், பிரசாத் மற்றும் சுகாதார அலுவலர்கள் ஆகியோர் கலந்து கொண்டனர்.