நீங்கள் தேடியது "சட்டசபை"

நாக்பூர்:

மகாராஷ்டிராவின் நாக்பூர் நகரில் சட்டசபை குளிர்கால கூட்டத்தொடர் இன்று தொடங்கி நடந்து வருகிறது. இதில், உறுப்பினர்களுக்காக புதிய செயலி ஒன்றும் வடிவமைக்கப்பட்டு உள்ளது. இந்த கூட்டத்தொடரில் பங்கேற்பதற்காக நாசிக் மாவட்ட பகுதியை சேர்ந்தவரான தேசியவாத காங்கிரஸ் கட்சியின் பெண் எம்.எல்.ஏ. சரோஜ் ஆஹிர் என்பவர், பிறந்து இரண்டரை மாதமே ஆன தனது கைக்குழந்தையுடன் அவைக்கு வருகை தந்துள்ளார்.

இதுபற்றி ஆஹிர் கூறும்போது, நான் ஒரு தாய். மக்களின் பிரதிநிதியாகவும் இருக்கிறேன். கொரோனா பெருந்தொற்றால் இரண்டரை ஆண்டுகளாக நாக்பூரில் சட்டசபை கூட்டத்தொடர் எதுவும் நடைபெறவில்லை.

நான் தற்போது தாயாகி இருக்கிறேன். ஆனால், எனக்கு வாக்களித்தவர்களுக்காக கேள்விகளை எழுப்பி பதில்களை பெறுவதற்காக நான் அவைக்கு வந்துள்ளேன் என அவை நடவடிக்கைகளில் கலந்து கொள்வதன் முக்கியத்துவம் பற்றி வலியுறுத்தி பேசினார்.

தேசியவாத காங்கிரஸ் கட்சியின் பெண் எம்.எல்.ஏ.வான சரோஜ் ஆஹிருக்கு கடந்த செப்டம்பர் 30-ந்தேதி குழந்தை பிறந்தது. அவையில் பங்கேற்பதற்கு முன்பு,  முதல்-மந்திரி ஏக்நாத் ஷிண்டேவை அவர் நேரில் சந்தித்து வாழ்த்துகளை பெற்றுக்கொண்டார்.

ராஞ்சி:

ஜார்க்கண்ட் மாநிலத்தில் ஜார்க்கண்ட் முக்தி மோர்ச்சா, காங்கிரஸ், ராஷ்டீரிய ஜனதா தளம் கூட்டணி ஆட்சி நடைபெற்று வருகிறது.

இந்த நிலையில் ஜார்க்கண்ட் முக்தி மோர்ச்சா தலைவரும், முதல்-மந்திரியுமான ஹேமந்த் சோரன் தனது பதவியை முறைகேடாக பயன்படுத்தி ராஞ்சியில் உள்ள சுரங்கத்தை சட்டவிரோதமாக குத்தகைக்கு எடுத்து ஆதாயம் அடைந்ததாக பா.ஜனதா குற்றம் சாட்டியது. அதோடு அதற்கான ஆதாரங்களையும் வெளியிட்டது.

எனவே ஹேமந்த் சோரன் எம்.எல்.ஏ. பதவியை தகுதி நீக்கம் செய்யக் கோரி தேர்தல் ஆணையத்தில் பா.ஜனதா முறையிட்து. இதையேற்று முதல்-மந்திரியின் எம்.எல்.ஏ. பதவியை தகுதி நீக்கம் செய்யுமாறு ஜார்க்கண்ட் கவர்னர் ரமேஷ் பைசுக்கு தேர்தல் கமிஷன் கடந்த மாதம் 25-ந்தேதி பரிந்துரை செய்தது. ஆனால் கவர்னர் இதுவரை எந்த முடிவும் எடுக்கவில்லை.

இந்த சூழ்நிலையில் ஆளும் ஐக்கிய முற்போக்கு கூட்டணி எம்.எல்.ஏ.க்களை பா.ஜனதா தனது பக்கம் இழுத்து ஆட்சியை கவிழ்க்க கூடும் என தகவல் வெளியானது.

இதனால் ஆளும் கூட்டணி எம்.எல்.ஏ.க்கள் சுமார் 30 பேர் காங்கிரஸ் ஆளும் சத்தீஷ்கர் மாநிலம் ராய்ப்பூருக்கு தனி விமானத்தில் கடந்த 30-ந்தேதி அழைத்து செல்லப்பட்டனர். அங்குள்ள நவ ராய்ப்பூர் சொகுசு விடுதியில் எம்.எல்.ஏ.க்கள் தங்க வைக்கப்பட்டனர்.

இதற்கிடையே ஜார்க் கண்ட் சட்டசபையில் சிறப்பு கூட்டத்தை இன்று கூட்டி நம்பிக்கை வாக்கெடுப்பு தீர்மானத்தை கொண்டுவர இருப்பதாக முதல்-மந்திரி ஹேமந்த் சோரன் தெரிவித்து இருந்தார்.

நம்பிக்கை வாக்கெடுப்பை யொட்டி சத்தீஷ்கரில் முகாமிட்டு இருந்த 30 எம்.எல்.ஏ.க்கள் ராய்ப்பூரில் இருந்து நேற்று மாலை தனி விமானத்தில் ராஞ்சி வந்தடைந்தனர்.

இந்த நிலையில் ஜார்க்காண்ட் சட்டசபையில் சிறப்பு கூட்டம் இன்று காலை தொடங்கியது. முதல்-மந்திரி ஹேமந்த் சோரன் நம்பிக்கை வாக்கெடுப்புக்கான தீர்மானத்தை தாக்கல் செய்து பேசினார்.

தனது கட்சி எம்.எல்.ஏ.க்களை விலைக்கு வாங்க பா.ஜனதா குதிரை பேரத்தில் ஈடுபடுவதாக அவர் குற்றம் சாட்டினார். தொடர்ந்து விவாதம் நடைபெற்றது. அதன்பின்னர் வாக்கெடுப்பு நடத்தப்பட்டது. 81 இடங்களை கொண்ட ஜார்க்கண்ட் சட்டசபையில் தீர்மானத்திற்கு ஆதரவாக 48 எம்எல்ஏக்கள் ஆதரவு அளித்தனர். பாஜக வெளிநடப்பு செய்தனர். இதனையடுத்து நம்பிக்கை வாக்கெடுப்பில் சோரன் அரசு வெற்றி பெற்றதாக அறிவிக்கப்பட்டது. 

கன்னியாகுமரி:

கன்னியாகுமரி மாவட் டத்தில் சாகர்மாலா திட்டத்தின் கீழ் சரக்குப் பெட்டக மாற்று முனையம் அமைப்பதற்கான முதல் கட்ட ஆய்வுப் பணிகள் கடந்த 2017-ம்ஆண்டில் தொடங்கப்பட்டது. இதை யடுத்து கன்னியாகுமரி சுற்றுவட்டார பகுதிகளைச் சேர்ந்த மக்கள் ஒன்றி ணைந்து சரக்கு பெட்டக மாற்றுமுனைய எதிர்ப்பு மக்கள் இயக்கம் தொடங் கினர். இந்த இயக்கம் மூலம் துறைமுகத்திற்கு என நியமிக்கப்பட்ட அதிகாரி களோடு பலகட்டப் பேச்சு வார்த்தை, போராட்டங்கள், பொதுக் கூட்டங்கள் நடைபெற்றது. பல்வேறு முயற்சிகளுக்கு பின்னர் சரக்குப்பெட்டக மாற்று முனைய திட்டம் நிறுத்தி வைக்கப்பட்டது.

இந்த நிலையில் இந்த பகுதியில் மீண்டும் இந்த திட்டத்துக்கான முயற்சிகள் எடுக்கப்பட்டு வருவதாக கூறப்படுகிறது. இதையடுத்து கோவளம், கீழமணக்குடி, வடக்குத்தாமரைகுளம் சரக்குப் பெட்டக மாற்று முனைய எதிர்ப்பு இயக்கம் மற்றும் இனையம் துறைமுக எதிர்ப்பு மக்கள் இயக்கம் சார்பில் ஆலோசனைக் கூட்டம் கன்னியாகுமரி பெரியார் நகரில் அமைந்து உள்ள வட்டார முதல்வர் அலுவலகத்தில் நேற்று நடைபெற்றது.

கூட்டத்தில் ஒருங்கிணைப் பாளர் பிரபா, துணை ஒருங்கிணைப்பாளர்கள் ஆர்.எஸ்.பார்த்தசாரதி, ஜனாப்மஸ்கலாம், ஸ்ரீதரன் மற்றும் நிர்வாகிகள் தாமஸ் பிராங்கோ, பெர்லின், காஸ்மிக், சுந்தர், சிலுவை இருதயம், வட்டார முதல்வர் ஜான்சன், அருட் பணியாளர்கள் கில்டஸ், கிஷோர், அன்பரசன், ஆன்டனி பிரபு உள்பட பலர் கலந்து கொண்டனர்.

கூட்டத்தில், சாகர்மாலா திட்டத்தின் மூலம் கன்னியா குமரி மாவட்டத்தில் கொண்டு வர முயன்ற சர்வ தேச சரக்குப்பெட்டக மாற்று முனையம் திட்டம் இல்லை என்னும் தீர்மானத்தை வருகிற சட்டமன்ற கூட்டம் தொடரில் நிறைவேற்ற வேண்டும், மக்களின் தொழில் வளங்களுக்கும், குடியிருப்புகளுக்கும், மக்களின் உரிமைக் கும், கன்னியா குமரி மாவட்டத்தின் வரலாற்று பாரம்பரியங்களுக்கும் பெரும் பாதிப்பு நேரிடும் என 2015 முதல் 2020 வரை மேற்கொண்ட துறைமுக எதிர்ப்பு போராட்டங்களில் போடப்பட்ட வழக்குகளை ரத்துசெய்ய வேண்டும். மேலும் ஒக்கிப்புயல் பேரிடர் காலத்தில் மக்களின் வாழ் வுரிமைக்காக போராடிய போராட்டங்களில் போடப் பட்ட வழக்குகளை ரத்து செய்யவேண்டும் உள்பட பல்வேறு தீர்மானங்கள் நிறைவேற்றப்பட்டன.முன்னதாக சரக்குப்பெட்டக மாற்றுமுனைய எதிர்ப்பு இயக்க செயலாளர் ஜே.பி.வெனிஸ் வரவேற்று பேசி னார்.

திருவனந்தபுரம்:

மத்திய அரசு சமீபத்தில் நடத்திய ஜி.எஸ்.டி. கவுன்சில் கூட்டத்தில் பாக்கெட்டுகளில் அடைத்து விற்கப்படும் அரிசி, பருப்பு மற்றும் உணவு பொருட்களுக்கு 5 சதவீத ஜி.எஸ்.டி. வரி விதிக்க முடிவு செய்தது.

அதன்படி கடந்த 18-ந் தேதி முதல் இந்த வரி விதிப்பு அமலுக்கு வந்தது. இதன் காரணமாக அரிசி, பருப்பு ஆகியவற்றின் விலை கணிசமாக உயர்ந்தது.

இதற்கு பல்வேறு தரப்பினரும் எதிர்ப்பு தெரிவித்தனர். கொரோனா பாதிப்பில் இருந்து மக்கள் மீண்டு வராதநிலையில் இந்த விலை உயர்வு அவர்களுக்கு மேலும் நெருக்கடியை ஏற்படுத்தும் என்றும், எனவே இந்த வரி உயர்வை கைவிட வேண்டும் எனவும் வலியுறுத்தினர்.

இந்த நிலையில் கேரள சட்டசபையில் நேற்று நிதி மந்திரி பாலகோபால் இது தொடர்பாக கூறியதாவது:-

சாமானியர்களை பாதிக்கும் வரி உயர்வை மாநில அரசு எதிர்க்கிறது. இது தொடர்பாக ஜி.எஸ்.டி. கவுன்சிலுக்கு நேரிலும், கடிதம் மூலமும் தகவல் தெரிவித்துள்ளோம். முதல் மந்திரியும் இதுபற்றி பிரதமருக்கு கடிதம் எழுதி உள்ளார்.

பொதுமக்களை பாதிக்கும் உணவு தானியங்களுக்கான 5 சதவீத ஜி.எஸ்.டி. வரி உயர்வை கேரளாவில் அமல் படுத்தமாட்டோம்.

இவ்வாறு அவர் கூறினார்.