ஜார்கண்ட்

ஜார்க்கண்டில் உள்ள 81 சட்டசபை தொகுதிகளுக்கான தேர்தல் இரண்டு கட்டங்களாக கடந்த 20 மற்றும் 23ம் தேதிகளில் நடைபெற்றது. இதில், ஜார்க்கண்ட் முக்தி மோர்ச்சா 34 இடங்களையும், காங்கிரஸ் 16 இடங்களையும், ராஷ்ட்ரீய ஜனதா தளம் 4 இடங்களிலும் வெற்றி பெற்றது.

ஜார்க்கண்ட் முக்தி மோர்ச்சா 34 இடங்களில் வெற்றி பெற்று தனிப்பெரும் கட்சியாக உருவெடுத்ததை அடுத்து, கவர்னர் சந்தோஷ் காங்வாரை சந்தித்த ஹேமந்த் சோரன் ஆட்சி அமைக்க உரிமை கோரினார்.

கவர்னரின் ஒப்புதலை அடுத்து, ஜார்க்கண்டில் நான்காவது முறையாக ஆட்சி அமைக்கும் சோரன் இன்று முதல்வராக பதவி ஏற்றுள்ளார்.

ஆளுநர் சந்தோஷ் குமார் கங்குவார் பதவி பிரமாணமும் ரகசகய காப்பு பிரமாணமும் செய்து வைத்தார்.

பதவியேற்பு விழாவில் துணை முதலமைச்சர் உதயநிதி ஸ்டாலின், மேற்குவங்க முதல்வர் மம்தா பானர்ஜி உள்ளிட்டோர் பங்கேற்றுள்ளனர்.

மேலும், காங்கிரஸ் தலைவர் மல்லிகார்ஜூன கார்கே, எதிர்க்கட்சித் தலைவர் ராகுல் காந்தி உள்ளிட்டோரும் பதவியேற்பு விழாவில் பங்கேற்றனர்.

ராஞ்சி:

திருமணம் செய்யாமல் 'லிவ்-இன்' உறவில் இருந்த இளம்பெண்ணை வாலிபர் ஒருவர் 50 துண்டுகளாக வெட்டி கொலை செய்த சம்பவம் ஜார்க்கண்டில் பெரும் அதிர்ச்சியை ஏற்படுத்தி உள்ளது.

அங்குள்ள குந்தி மாவட்டத்தின் ஜோர்டாக் கிராமத்தை சேர்ந்தவர் நரேஷ் பெங்ரா (வயது25). இவர் 2 ஆண்டுகளாக தமிழ்நாட்டில் ஒரு கசாப்பு கடையில் வேலை பார்த்து வந்துள்ளார். கடந்த சில மாதங்களுக்கு முன்பு ஜார்க்கண்ட் திரும்பி உள்ளார்.

திருமணமான இவர் அப்பகுதியை சேர்ந்த 24 வயதுடைய ஒரு பெண்ணுடன் தொடர்பில் இருந்துள்ளார். மேலும் தனது திருமணத்தை மறைத்து அந்த பெணணுடன் பழகி வந்த அவர் தனியாக அந்த பெண்ணுடன் வசித்து வந்ததாகவும் கூறப்படுகிறது.

கடந்த 8-ந்தேதி அந்த பெண், தன்னை திருமணம் செய்து கொள்ளுமாறு வற்புறுத்தியதாக கூறப்படுகிறது. இதனால் ஆத்திரம் அடைந்த அவர் அந்த பெண்ணை ஜோர்டாக் கிராமத்தில் தனது வீட்டருகே உள்ள காட்டுப்பகுதிக்கு அழைத்து சென்றுள்ளார். அங்கு அந்த பெண்ணை துப்பட்டாவால் கழுத்தை நெரித்துள்ளார்.

இதில் அவர் மயங்கி விழுந்துள்ளார். பின்னர் அந்த பெண்ணை கற்பழித்த நரேஷ் பெங்ங்ரா, அவரை கூர்மையான ஆயுதத்தால் தாக்கி கொலை செய்து உள்ளார். பின்னர் அந்த பெண்ணின் உடலை 40 முதல் 50 துண்டுகளாக வெட்டி விட்டு காட்டில் விலங்குகளுக்கு வீசி சென்றுள்ளார்.

இந்த நிலையில் காட்டுப் பகுதியில் பெண்ணின் உடல் துண்டு துண்டாக கிடந்துள்ளது. அவற்றை நாய்கள் கடித்ததை பார்த்து அதிர்ச்சியடைந்த அப்பகுதி மக்கள் போலீசாருக்கு தகவல் தெரிவித்ததின் அடிப்படையில் போலீசார் அங்கு விரைந்து சென்று பெண்ணின் உடல் துண்டு துண்டாக கிடந்ததை சேகரித்து விசாரணை நடத்தினர்.

மேலும் சம்பவ இடத்தில் ஆதார் அட்டை உள்ளிட்ட பொருட்கள் அடங்கிய பை ஒன்று கிடந்தது. அதனை கைப்பற்றி போலீசார் நடத்திய விசாரணையில் அந்த பெண் அடையாளம் காணப்பட்டார்.

இதைத்தொடர்ந்து பெண்ணின் தாயாரை வரவழைத்து கொலை செய்யப்பட்ட பெண் பற்றிய விபரங்களை போலீசார் சேகரித்தனர்.

இதில் அந்த பெண் நரேஷ் பெங்ராவுடன் திருமணம் செய்யாமல் லிவ்-இன் உறவில் இருந்ததும், சம்பவத்தன்று நரேஷ் பெங்ராவுடன் குடித்தனம் நடத்த போவதாக கூறி சென்றதும் தெரியவந்தது.

இதையடுத்து போலீசார் நரேஷ் பெங்ராவை கைது செய்து விசாரணை நடத்தினர். அப்போது அவர் அந்த பெண்ணை துண்டு துண்டாக வெட்டியதை ஒப்புக்கொண்டார். இதைத்தொடர்ந்து அவரிடம் போலீசார் தொடர்ந்து விசாரணை நடத்தி வருகின்றனர்.

ராஞ்சி:

ஜார்க்கண்டில் நடந்து முடிந்த சட்டமன்ற தேர்தலில் ஜார்க்கண்ட் முக்தி மோர்ச்சா கட்சி அமோக வெற்றி பெற்றது.

இதைத்தொடர்ந்து அந்த கட்சியின் தலைவர் ஹேமந்த் சோரன் முதல்-மந்திரியாக பதவி ஏற்க உள்ளார்.

இதற்கிடையே கடந்த முறை ஹேமந்த் சோரன் முதல்-மந்திரியாக இருந்த கால கட்டத்தில் ராஞ்சியில் 8.5 ஏக்கர் நிலத்தை பெற போலி ஆவணங்கள் தயாரித்து தனது அதிகாரத்தை தவறாக பயன்படுத்தியதாக அவர் மீது புகார் எழுந்தது.

இதைத்தொடர்ந்து அவர் மீது அமலாக்கத்துறை வழக்குப்பதிவு செய்து கைது செய்தது. பின்னர் ஜாமீனில் வெளிவந்த அவர் மீண்டும் முதல்-மந்திரியாக பொறுப்பேற்றார்.

இந்த வழக்கு தொடர்பாக ஹேமந்த் சோரனுக்கு அமலாக்கத்துறை 10 முறை சம்மன்கள் அனுப்பியது. இதில் 2 சம்மன்களில் மட்டுமே அவர் ஆஜரானார். மற்ற சம்மன்களை அவர் ஏற்கவில்லை.

இது தொடர்பாக அவர் ராஞ்சியில் உள்ள எம்.பி., எம்.எல்.ஏ.க்களுக்கான சிறப்பு நீதிமன்றத்தில் ஒரு மனு தாக்கல் செய்திருந்தார். அதில், அமலாக்கத்துறை அனுப்பிய சம்மன் தொடர்பான வழக்கில் நேரில் ஆஜராவதில் இருந்து விலக்கு கோரியிருந்தார்.

இருதரப்பு வாதங்களையும் கேட்ட நீதிமன்றம் நேற்று ஹேமந்த் சோரனின் மனுவை தள்ளுபடி செய்தது. அவர் நேரில் ஆஜராக வேண்டும் என்று கூறி அடுத்த விசாரணையை டிசம்பர் 4-ந்தேதிக்கு ஒத்தி வைத்தது.

ஜார்கண்ட் மாநிலத்தில் சமீபத்தில் சட்டமன்ற தேர்தல் நடைபெற்றது. அதில் ஆளும் ஜேஎம்எம் பாஜகவை தோற்கடித்து மீண்டும் ஆட்சியை தக்க வைத்துள்ளது. இந்நிலையில் ஜார்கண்ட் மாநிலத்தில் புதிதாக தேர்ந்தெடுக்கப்பட்ட எம்.எல்.ஏ.க்களில் 89 சதவீதம் பேர் கோடீஸ்வரர்கள் என்று தெரிய வந்துள்ளது. கடந்த இரண்டு தேர்தல்களை விட இந்த எண்ணிக்கை பல மடங்கு அதிகரித்துள்ளது.

ஜார்கண்டில் புதிதாக தேர்ந்தெடுக்கப்பட்ட எம்எல்ஏ-க்களில் 89 சதவீதம் பேர் 'கோடீஸ்வரர்கள்' என்றும், அவர்களில் காங்கிரஸின் ராமேஷ்வர் ஓரான் ரூ.42.20 கோடி மதிப்பிலான சொத்துக்களுடையவர் என்றும் தெரிய வந்துள்ளது.

ஜார்கண்ட் தேர்தல் கண்காணிப்பு மற்றும் ஜனநாயக சீர்திருத்தங்களுக்கான சங்கம் வெற்றி பெற்ற 81 வேட்பாளர்களில் 80 பேரின் பிரமாணப் பத்திரங்களை ஆய்வு செய்து, 2024-ல் புதிதாக தேர்ந்தெடுக்கப்பட்ட 71 எம்.எல்.ஏக்கள் 'கோடீஸ்வரர்கள்' என்பதை கண்டறிந்துள்ளது. இது 2019-ல் தேர்ந்தெடுக்கப்பட்ட சட்டமன்ற உறுப்பினர்களின் எண்ணிக்கையை விட 20% அதிகம்.

ஐந்தாண்டுகளுக்கு முன்பு தேர்ந்தெடுக்கப்பட்ட 81 எம்எல்ஏ-க்களில் 56 பேர் 'கோடீஸ்வரர்கள்' என்றும், 2014-ல் 41 பேர் என்றும் அறிக்கை கூறுகிறது.

இந்த ஆண்டு 71 கோடீஸ்வர எம்எல்ஏ-க்களில் 28 பேர் ஜேஎம்எம், 20 பாஜக, 14 காங்கிரஸ், 4 ஆர்ஜேடி, சிபிஐ (எம்எல்) லிபரேஷன் மற்றும் எல்ஜேபி (ராம் விலாஸ்), ஜேடி(யு) மற்றும் ஏஜேஎஸ்யுவைச் சேர்ந்த தலா ஒருவர் எம்.எல்.ஏ.-க்கள் ஆவார்கள்.

ஜேஎம்எம் 34 சட்டமன்ற இடங்களிலும், அதன் கூட்டணிக் கட்சிகளான காங்கிரஸ் 16, ஆர்ஜேடி 4 மற்றும் சிபிஐ (எம்எல்) லிபரேஷன் இரண்டு தொகுதிகளிலும் வெற்றி பெற்றன. மறுபுறம், பாஜக 21 சட்டமன்ற தொகுதிகளையும், அதன் கூட்டணியான எல்ஜேபி (ராம் விலாஸ்), ஜேடி(யு) மற்றும் ஏஜேஎஸ்யு கட்சி தலா ஒரு இடத்தை பெற்றன.

வெற்றி பெற்ற வேட்பாளர்களில் காங்கிரஸ் லோஹர்டகா எம்எல்ஏ ராமேஷ்வர் ஓரான் மொத்த சொத்து மதிப்பு ரூ.42.20 கோடியுடன் அதிக பணக்காரர் ஆவார்.

பாங்கி தொகுதியில் வெற்றி பெற்ற பாஜகவின் குஷ்வாஹா சஷி பூஷன் மேத்தா, மொத்தம் ரூ.32.15 கோடி சொத்துக்களுடன் வெற்றி பெற்ற 2-வது பணக்கார வேட்பாளராகவும், கோடா தொகுதியில் வெற்றி பெற்ற ஆர்ஜேடியின் சஞ்சய் பிரசாத் யாதவ், ரூ.29.59 கோடி மொத்த சொத்துக்களுடன் பட்டியலில் 3-வது இடத்தைப் பிடித்துள்ளார்.

81 சட்டமன்றங்களைக் கொண்ட ஜார்கண்ட் மாநிலத்துக்குக் கடந்த நவம்பர் 13 மற்றும் நவம்பர் 20 ஆகிய தேதிகளில் இரண்டு கட்டங்களாக வாக்குப்பதிவு நடைபெற்றது. பதிவான வாக்குகள் நேற்றைய தினம் நவம்பர் 23 எண்ணப்பட்டது.

ஜார்க்கண்ட் முக்தி மோர்ச்சா 34; காங்கிரஸ் 16; ராஷ்டிரிய ஜனதா தளம் 4 இடங்களில் வெற்றி பெற்றது. எதிர்த்து போட்டியிட்ட பாஜக 21 இடங்களில் வென்றது. பெரும்பான்மைக்கு 41 இடங்கள் தேவைப்படும் நிலையில் ஹேமந்த் சோரன் 54 இடங்களுடன் மீண்டும் ஆட்சி அமைக்கிறார்.

கடந்த 24 ஆண்டுகளில் ஜார்கண்டில் ஆளும் கட்சி தொடர்ச்சியாக மீண்டும் ஆட்சியைப் பிடிப்பது இதுவே முதல் முறை ஆகும். இந்தியா கூட்டணியில் உள்ள கட்சிகள் ஹேமந்த் சோரனை முதல்வராக முன்மொழிந்தனர். இந்நிலையில் இன்று [ ஞாயிற்றுக்கிழமை] ஜார்கண்ட் ஆளுநர் சந்தோஷ் குமார் காங்வர் - ஐ சந்தித்து ஆட்சி அமைக்க உரிமை கோரியுள்ளார்.

ஆளுநரை சந்தித்த பின்னர் செய்தியாளர்களிடம் பேசிய சோரன், ஆட்சியமைக்க உரிமை கோரி, கூட்டணி கட்சிகளின் ஆதரவு கடிதத்தை ஆளுநரிடம் ஒப்படைத்தேன். நான் ஆட்சியமைக்க ஆளுநரும் அழைப்பு விடுத்தார். பதவியேற்பு விழா நவம்பர் 28 [வியாழக்கிழமை] நடைபெறும் என்று தெரிவித்தார்.

ஹேமந்த் சோரன் பதவியேற்பு விழாவில் மக்களவை எதிர்க்கட்சித் தலைவர் ராகுல் காந்தி, காங்கிரஸ் கமிட்டித் தலைவர் மல்லிகார்ஜூன கார்கே, சமாஜ்வாதி தலைவர் அகிலேஷ் யாதவ், ஆம் ஆத்மி தலைவர் அரவிந்த் கெஜ்ரிவால், மேற்கு வங்க முதல்வரும் திரிணாமுல் காங்கிரஸ் தலைவருமான மம்தா பானர்ஜி உள்ளிட்ட இந்தியா கூட்டணி தலைவர்கள் பங்கேற்க  உள்ளதாக தகவல் வெளியாகி உள்ளது. 

 81 சட்டமன்றங்களைக் கொண்ட ஜார்கண்ட் மாநிலத்துக்குக் கடந்த நவம்பர் 13 மற்றும் நவம்பர் 20 ஆகிய தேதிகளில் இரண்டு கட்டங்களாக வாக்குபதிவு நடைபெற்றது. பதிவான வாக்குகள் நேற்றைய தினம் நவம்பர் 23 எண்ணப்பட்டது.

இதில் ஆளும் ஜார்க்கண்ட் முக்தி மோர்ச்சா ஜேஎம்எம் - ராஷ்டிரிய ஜனதா தளம் - காங்கிரசை உள்ளடக்கிய [இந்தியா] கூட்டணி வெற்றி பெற்றுள்ளது.

ஜார்க்கண்ட் முக்தி மோர்ச்சா 34; காங்கிரஸ் 16; ராஷ்டிரிய ஜனதா தளம் 4 இடங்களில் வெற்றி பெற்றது. எதிரித்து போட்டியிட்ட பாஜக 21 இடங்களில் வென்றது. பெரும்பான்மைக்கு 41 இடங்கள் தேவைப்படும் நிலையில் ஹேமந்த் சோரன்  54 இடங்களுடன்  மீண்டும் ஆட்சி அமைக்கிறார்.

கடந்த 24 ஆண்டுகளில் ஜார்கண்டில் ஆளும் கட்சியே அடுத்த தேர்தலில் இரண்டாவது முறையாக வெற்றி பெறுவது இதுவே முதல் முறை ஆகும்.

இந்நிலையில் ஹேமந்த் சோரன் வரும் வியாழக்கிழமை  [நவம்பர் 28] மீண்டும் ஜார்கண்ட் முதல்வராக பதவி ஏற்க உள்ளார் என்று அறிவிக்கப்பட்டுள்ளது. 4 வது முறையாக அவர் ஜார்கண்ட் முதல்வராக பதவி ஏற்கிறார்.

கடந்த 2013 ஆம் ஆண்டில் முதன் முறையாக முதல்வர் பதவி ஏற்ற அவர் அதைத்தொடர்ந்து கடந்த 2019 தேர்தலில் வென்று இரண்டாவது முறையாக முதல்வர் ஆனார்.கடந்த ஜனவரி 31 ஆம் தேதி நில முறைகேடு வழக்கில் அமலாக்கத்துறையால் கைது செய்யப்பட்ட பின்னர் தனது பதவியை ராஜினாமா செய்தார்.

அப்போது இடைக்கால முதல்வராக சம்பாய் சோரன் செயல்பட்டார். 6 மாதம் கழித்து ஜாமினில் வெளியே வந்து கடந்த செப்டம்பரில் மீண்டும் மூன்றாவது முறையாக பதவி ஏற்றார். இந்நிலையில் நாளை மறுநாள் 4 வது முறையாக பதவியேற்ற உள்ளார்.

ஹேமந்த் சோரன் பதவியேற்பு விழாவில் மக்களவை எதிர்க்கட்சித் தலைவர் ராகுல் காந்தி, காங்கிரஸ் கமிட்டித் தலைவர் மல்லிகார்ஜூன கார்கே, சமாஜ்வாதி தலைவர் அகிலேஷ் யாதவ், ஆம் ஆத்மி தலைவர் அரவிந்த் கெஜ்ரிவால், மேற்கு வங்க முதல்வரும் திரிணாமுல் காங்கிரஸ் தலைவருமான மம்தா பானர்ஜி உள்ளிட்ட இந்தியா கூட்டணி தலைவர்கள் பங்கேற்க உள்ளனர்.

இதற்கிடையே இன்று மாலை 4 மணியளவில் ஜார்கண்ட் ஆளுநர் சந்தோஷ் காங்வர் - ஐ சந்தித்து ஹேமந்த் சோரன் ஆட்சி அமைக்க உரிமை கோர உள்ளார் என்றும் தகவல் வெளியாகி உள்ளது.

ஜார்க்கண்ட் மாநில சட்டமன்றத் தேர்தலில் ஆளும் ஜார்க்கண்ட் முக்தி மோர்ச்சா, காங்கிரஸ், ராஷ்ட்ரிய ஜனதா தளம் கட்சிகள் அடங்கிய இந்தியா கூட்டணி பெரும் வெற்றி முகத்தில் உள்ளது. வாக்கு எண்ணிக்கையில் இந்தியா கூட்டணி பெரும்பான்மையைத் தாண்டி விட்டது. இதன்மூலம் தேர்தலுக்கு பிந்திய கருத்துக்கணிப்பு முற்றிலும் பொய்துள்ளது.

81 தொகுதிகள் கொண்ட ஜார்கண்டில் இந்தியா கூட்டணி 56 இடங்களில் வெற்றி பெற்றுள்ளது. ஜார்க்கண்ட் முக்தி மோர்ச்சா மட்டும் 34 தொகுதிகளில் வெற்றி பெற்றுள்ளது.

மகாராஷ்டிராவில் இந்தியா கூட்டணி படுதோல்வி அடைந்தாலும் ஜார்கண்டில் மீண்டும் ஆட்சியை தக்க வைத்துள்ளது.

இந்நிலையில் ஜார்கண்டின் பணக்கார வேட்பாளர் என்று கூறப்பட்ட அகில் அக்தர் 1,08,788 வாக்குகள் வித்தியாசத்தில் படுதோல்வி அடைந்தார்.பக்கூர் தொகுதியில் போட்டியிட்ட அகில் அக்தர் காங்கிரஸ் வேட்பாளரிடம் தோல்வியை தழுவினார்.

அதே போல் 137 கோடி சொத்துமதிப்பு கொண்ட நிரஞ்சன் ராய் என்பவர் தன்வார் தொகுதியில் போட்டியிட்டு வெறும் 1577 வாக்குகள் மட்டுமே பெற்று படுதோல்வியடைந்தார்.

ஜார்க்கண்ட் தேர்தல் 

ஜார்க்கண்ட் மாநில சட்டமன்றத் தேர்தலில் ஆளும் ஜார்க்கண்ட் முக்தி மோர்ச்சா, காங்கிரஸ், ராஷ்ட்ரிய ஜனதா தளம் கட்சிகள் அடங்கிய இந்தியா கூட்டணி பெரும் வெற்றி முகத்தில் உள்ளது. வாக்கு எண்ணிக்கையில் இந்தியா கூட்டணி பெரும்பான்மையைத் தாண்டி விட்டது.  இதன்மூம் தேர்தலுக்கு பிந்திய கருத்துக்கணிப்பு  முற்றிலும் பொய்துள்ளது.

பாஜக வியூகம்  

இந்த தேர்தலில் ஹேமந்த் சோரன் ஆட்சிக்கு எதிராக பாஜக பெரிய அளவிலான தேர்தல் பிரசாரங்களை ஒருங்கிணைத்தது. பாஜகவின் முக்கிய பிரசாரமாக வங்கதேச ஊடுருவல், இஸ்லாமியர்களின் எண்ணிக்கை அதிகரிப்பு, லவ் ஜிகாத், லேண்ட் ஜிகாத் ஆகியவை பயன்படுத்தப்பட்டுள்ளது.

ஹிமந்தா பிஸ்வா

பிரதமர் மோடி முதல் யோகி ஆதித்யநாத் வரை பாதேங்கே தோ கதேங்கே [ஒன்றாக இருந்தால் வாழ்வோம் - பிரித்து இருந்தால் வெட்டப்படுவோம்] என்ற இந்துக்களை முன்னிறுத்தி கோஷம் எழுப்பினர். ஜார்க்கண்ட் தேர்தல் பிரசார பொறுப்பாளராக இருந்த அசாம் முதல்வர் ஹிமந்தா பிஸ்வா முஸ்லிகள் எண்ணிக்கை அதிகரிப்பு என்ற ஒற்றை குற்றச்சாட்டை அம்மாநிலத்தில் பாஜகவின் பிரதான தேர்தல் வியூகமாக வகுத்து செயல்பட்டார். ஜேஎம்எம் முக்கிய தலைவர் சம்பாய் சோரன் பாஜக பக்கம் சென்றதும் பெரும் பின்னடைவாகப் பார்க்கப்பட்டது.

ஹேம்ந்த் சோரன்

ஆனால் பாஜக கட்டமைக்கும் இந்த வியூகத்துக்கு எதிராக ஆளும் ஹேம்ந்த் சோரன் கட்சி பழங்குடியின அடையாளம், மாநிலம் உரிமைகள், ஆகியவற்றை முன்னிறுத்தி தனது பிரசாரத்தை மேற்கொண்டது.

நில முறைகேடு தொடர்பான 2 வருட பழைய வழக்கில் கடந்த ஜனவரி 31 ஆம் தேதி அமலாக்கத்துறையால் கைது செய்யப்பட்ட ஹேமந்த் சோரன் 6 மாதம் கழித்து விடுதலையானார். இடைப்பட்ட காலத்தில் அவரது மனைவி கல்பனா சோரன் கட்சியை வலுவோடு வைத்திருப்பதில் முக்கிய பங்காற்றினார். இந்த தேர்தலில் பாஜக ஜார்கண்ட் மக்களிடையே தனது பிரித்தாளும் சூழ்ச்சியை பயன்படுத்துவதாகச் சோரன் குற்றம் சாட்டினார்.

இந்நிலையில் பாஜகவின் வியூகங்களை உடைத்து ஹேமந்த் சோரனின் கட்சி தேர்தல் மக்கள் மத்தியில் தனது செல்வாக்கை உறுதிப்படுத்தியுள்ளது. தொடக்கத்தில் பாஜக முன்னிலையிலிருந்த நிலையில் சட்டென மாறிய நிலவரம் இந்தியா கூட்டணியை அபார வெற்றியை நோக்கி இட்டுச் சென்றுள்ளது.

How's the josh?

மொத்தம் உள்ள 81 இடங்களில் இந்தியா கூட்டணி 57 இடங்களிலும், என்டிஏ கூட்டணி 23 இடங்களிலும் முன்னிலையில் உள்ளது. மாலை நிலவரம் இந்தியா கூட்டணியின் வெற்றியை உறுதிப்படுத்தி உள்ளது.இதை கொண்டாடும் விதமாக ஜேஎம்எம்கட்சி கட்சி "How's the josh?" என்ற கேப்ஷனுடன் ஹேமந்த் சோரன் படத்தை பதிவிட்டு பெருமிதம் தெரிவித்துள்ளது.

"How's the josh?" என்பது ராணுவத்தில் பயன்படுத்தப்படும் ஒரு வெற்றி சொல்லாகப் பார்க்கப்படுகிறது.கடந்த 2019 ஆம் ஆண்டு பாலிவுட் வெளியான URI படத்தின் மூலம் இந்த சொல் டிரண்ட் ஆனது குறிப்பிடத்தக்கது. ஜார்க்கண்ட் என்றும் ஜேஎம்எம் கோட்டை என்பதை நிரூபித்ததாக அக்கட்சியினர் கொண்டாட்டத்தில் ஈடுபட்டு வருகின்றனர். 

ஜார்கண்ட் தேர்தல் 

81 சட்டமன்றத் தொகுதிகள் கொண்ட ஜார்கண்ட் மாநிலத்தில் நவம்பர் 13 மற்றும் நவம்பர் 20 ஆகிய தேதிகளில் இரண்டு கட்டங்களாக வாக்குப்பதிவு நடந்து முடிந்தது. தொடக்கத்திலிருந்தே இந்தியா கூட்டணியைச் சேர்ந்த லாலுவின் ஆர்ஜேடி, ஆளும் ஹேமந்த் சோரனின் ஜார்கண்ட் முக்தி மோர்ச்சா [ஜேஎம்எம்] மற்றும் பாஜக இடையே கடும் போட்டி நிலவி வந்தது.

இந்நிலையில் இன்று வாக்கு எண்ணிக்கை நடைபெற்று வரும் நிலையில் ஹேமந்த் சோரன் மீண்டும் ஆட்சியை பிடிப்பது உறுதியாகி உள்ளது. இந்தியா கூட்டணி 56 இடங்களிலும் பாஜக 24 இடங்களிலும் முன்னிலை வகிக்கிறது.

ஜேஎம்எம் 

பார்ஹைத் [Barhait] தொகுதியில் போட்டியிட்ட முதல்வர் சோரன் வெற்றி முகத்தில் உள்ளார். ஆனால் அவரது மனைவி கல்பனா சோரன் காண்டே தொகுதியில் போட்டியிட்ட நிலையில் 92482 வாக்குகளுடன் பாஜக வேட்பாளர் முன்யா தேவியை விட + 6862 வாக்குகள் அதிகம் பெற்று முன்னணியில் உள்ளார். ஆனால் இந்த தேர்தலில் கல்பனா சோரனின் பங்களிப்பு ஜேஎம்எம் மீண்டும் ஆட்சியைப் பிடிப்பதில் முக்கிய காரணி ஆகும்.

அமலாக்கத்துறை பதிந்த நில முறைகேடு தொடர்பான இரண்டு வருட பழைய வழக்கில் கடந்த ஜனவரியில் மக்களவை தேர்தல் சமயத்தில் ஹேமந்த் சோரன் திடீரென கைது செய்யப்பட்டார். அதன்பின் ஜூன் மாதம் ஜாமினில் வெளிவந்தார். ஹேம்நாத் சோரன் சிறையிலிருந்த சமயத்தில் முதல்வராக இருந்த சம்பாய் சோரன் சட்டமன்றத் தேர்தல் சமயத்தில் பாஜகவுக்குத் தாவினார். இது ஹேமந்த் சோரனுக்கு பெரும் பின்னடைவாகக் காணப்பட்டது.

கல்பனா முர்மு சோரன்

ஆனால் இந்த நேரத்தில் ஜேஎம்எம் கட்சியின் பிரதான முகமாக ஹேமந்த் சோரன் மனைவி கல்பனா முர்மு சோரன் [39 வயது] உருவெடுத்தார். கல்பனா, ஒடிசாவின் மயூர்பஞ்ச் மாவட்டத்தில் கல்வியை முடித்து புவனேஸ்வரில் பொறியியல் மற்றும் எம்பிஏ பட்டங்களைப் பெற்றவர்.

ஹேமந்த் சோரன் சிறையிலிருந்த இந்த இடைப்பட்ட 6 மாத காலத்தில் அதுவரை பெரிதாக அரசியலில் ஈடுபடாத கல்பனா சோரன் கட்சி தலைமை பொறுப்பை ஏற்று தேர்தல் வெற்றிக்கான வேலைகளைத் தொடங்கினார். மார்ச் 4 ஆம் தேதி கிரித் [Giridih] மாவட்டத்தில் ஜேஎம்எம் கட்சி தொடங்கியதன் 51வது ஆண்டு விழாவில் கல்பனா பொதுவெளியில் தனது அரசியல் பயணத்தைத் தொடங்கினார்.

நம்பிக்கை நட்சத்திரம் 

இந்தியா கூட்டணி சார்பில் 28 கட்சிகளின் தலைவர்கள் கலந்து கொண்ட நடந்த 'உல்குலன் நய்' பேரணி ஏப்ரல் 21 அன்று ராஞ்சியில் நடந்தது. இந்த பேரணியில் கல்பனாவின் பேச்சு அவருக்குத் தேசிய அளவில் கவனத்தைப் பெற்றுத் தந்தது. இதனைத் தொடர்ந்து சட்டமன்றத் தேர்தலில் ஜேஎம்எம் கட்சியின் நம்பிக்கை நட்சத்திரமாக கல்பனா விளங்கினார்.

 பழங்குடியின அடையாளம்

பாஜகவின் முக்கிய பிரசாரமாக வங்கதேச ஊடுருவல், இஸ்லாமியர்களின் எண்ணிக்கை அதிகரிப்பு, லவ் ஜிகாத், லேண்ட் ஜிகாத் ஆகியவை பயன்படுத்தப்பட்டுள்ளது. பாஜக கட்டமைக்கும் இந்த வியூகத்துக்கு எதிராக ஆளும் ஹேம்ந்த் சோரன் கட்சி பழங்குடியின அடையாளம், மாநிலம் உரிமைகள், ஆகியவற்றை முன்னிறுத்தி தனது பிரசாரத்தை மேற்கொண்டது. முக்கியமாகப் பழங்குடியின பெண்களிடையே ஹேமந்த் சோரனின் மனைவி கல்பனா சோரன் தனது பிரசாரங்களின்மூலம் அதிக செல்வாக்கைப் பெற்றவராகத் திகழ்கிறார்.

அரசியல் உரை 

ஜார்கண்டில் கட்சி செயல்படுத்திய சமூக நலத் திட்டங்களை பிரதானதப்படுத்தி கல்பனா சோரன் மேடைகள் தோறும் பேசினார். சமூக நலத் திட்டங்களைச் செயல்படுத்தியதாலேயே தனது கணவர் சிறையில் அடைக்கப்பட்டார் என்ற குற்றச்சாட்டையும் முன்னிறுத்தினார்.

அரசியல் உரைகளாக அல்லாமல் பழங்குடியின பெண்களைச் சென்று சேரும் வகையில் எளிமையாக கல்பனா சோரன் பேசியது பெரும் வரவேற்பைப் பெற்றது. கணவர் ஹேமந்த் சோரனை போலல்லாது தனது ஒவ்வொரு பேச்சையும் கல்பனா நன்கு திட்டமிட்டுத் தயாரித்துப் பேசினார்.

வெற்றி 

இறுதிக்கட்ட பிரசாரத்தின்போது கல்பனாவின் ஹெலிகாப்டருக்கு அனுமதி மறுக்கப்பட்ட நிலையில் போன் மூலமாகப் பேரணியில் கல்பனா மைக்கில் பேசிய நிகழ்வும் அரங்கேறியது.  இந்நிலையில்  தற்போது கல்பனா சோரனின் வெற்றி காண்டே தொகுதியோடு மட்டும் இல்லாமல் ஹேமந்த் சோரனின் ஒட்டுமொத்த மாநில வெற்றிக்கும் கல்பனா சோரன் முக்கிய காரணம் என்பது மறுக்க முடியாத உண்மை.  கல்பனா சோரனுக்கு மந்திரி பதவி வழங்கப்படும் வாய்ப்புகள் உள்ளதாக தெரிகிறது.

81 உறுப்பினர்கள் கொண்ட ஜார்கண்ட் சட்டசபைக்கு 2 கட்டங்களாக நடந்த தேர்தலில் ஆளும் ஜார்கண்ட் முக்தி மோர்ச்சா தலைமையிலான இந்தியா கூட்டணி மற்றும் பா.ஜ.க. தலைமையிலான தேசிய ஜனநாயக கூட்டணி இடையே பலத்த போட்டி நிலவியது. இங்கு 1,211 வேட்பாளர்களின் அரசியல் எதிர்காலத்தை நிர்ணயிக்கும் இந்த தேர்தலில் 67.74 சதவீத வாக்குகள் பதிவாகி இருந்தன. இது மாநிலம் உருவாக்கப்பட்டதில் இருந்து இதுவரை பதிவான ஓட்டுகளில் மிகவும் அதிகம் ஆகும்.

இதையடுத்து இன்று காலை 8 மணி முதல் தேர்தலில் பதிவான வாக்குகள் எண்ணப்பட்டு வரும் நிலையில், ஜேஎம்எம் இந்தியா கூட்டணி 51 இடங்களிலும் பாஜகவின் என்டிஏ கூட்டணி 28 இடங்களில் முன்னிலை வகித்து வருகிறது. பிற கட்சிகள் 3 இடங்களில் முன்னிலை வகிக்கிறது. பர்ஹைத் தொகுதியில் போட்டியிட்ட ஹேமந்த் சோரன் 9,657 வாக்குகள் பெற்று 4921 வாக்குகளில் முன்னிலையில் உள்ளார்.

இந்த நிலையில், கண்டே தொகுதியில் போட்டியிட்ட ஹேமந்த் சோரனின் மனைவி கல்பான சோரன் 4593 வாக்குகள் வித்தியாத்தில் பின் தங்கி உள்ளார். அவர் 12,350 வாக்குகளை பெற்றுள்ளார். 

மகாராஷ்டிர மற்றும் ஜார்கண்ட் மாநிலங்களின் சட்டமன்றத் தேர்தல் வாக்குப்பதிவு நடந்து முடிந்துள்ள நிலையில் வாக்குகளை எண்ணும் பணி இன்று காலை 8 மணிக்கு தொடங்கி விறுவிறுப்பாக நடந்து வருகிறது.

ஜார்கண்ட் மாநிலத்தில் இந்தியா கூட்டணியை சேர்ந்த ஆளும் ஹேமந்த் சோரனின் ஜார்கண்ட் முக்தி மோர்ச்சா [ஜேஎம்எம்] மற்றும் பாஜக இடையே கடும் போட்டி நிலவி வருகிறது. மொத்தம் 81 இடங்களை கொண்ட ஜார்கண்ட் சட்டமன்றத்துக்குக் கடந்த நவம்பர் 13 மற்றும் நவம்பர் 20 ஆகிய தேதிகளில் இரண்டு கட்டங்களாக வாக்குப்பதிவானது நடந்து முடிந்தது.

முன்னிலை நிலவரம் 

பதிவான வாக்குகள் தற்போது எண்ணப்பட்டு வரும் நிலையில் ஜேஎம்எம் இந்தியா கூட்டணி 51 இடங்களிலும் பாஜகவின் என்டிஏ கூட்டணி 28 இடங்களில் முன்னிலை வகித்து வருகிறது. பிற கட்சிகள் 3 இடங்களில் முன்னிலை வகிக்கிறது.

திடீர் மாற்றம் 

முன்னதாக பாஜகவின் என்டிஏ 41 இடங்கள், இந்தியா கூட்டணி 32 இடங்கள் முன்னிலை என்று இருந்த நிலையில் திடீரென டிரண்ட் மாறி இந்தியா கூட்டணி பெரும்பாண்மை இடங்களில் முன்னிலைக்கு வந்துள்ளது. பெரும்பான்மைக்கு 41 இடங்கள் தேவை என்பது குறிப்பிடத்தக்கது. 

கருத்துக்கணிப்பு

ஜார்க்கண்டில் நியூஸ்18 வெளியிட்டுள்ள தேர்தலுக்கு பிந்தைய கருத்துக் கணிப்பு முடிவுகளின் படி பா.ஜ.க. கூட்டணி 47 இடங்களிலும், காங்கிரஸ் கூட்டணி 30 இடங்களிலும், மற்றவை 4 இடங்களிலும் வெற்றி பெறும் என்று கூறப்பட்டுள்ளது.

என்டிடிவி வெளியிட்ட கருத்துக் கணிப்பு முடிவுகளில் பா.ஜ.க. கூட்டணி 44 முதல் 53 இடங்களிலும், காங்கிரஸ் கூட்டணி 25 முதல் 37 இடங்களிலும், மற்றவை 5 முதல் 9 இடங்களிலும் வெற்றி பெறலாம் என தெரிவிக்கப்பட்டு இருக்கிறது.

ஜார்க்கண்ட் மாநிலம் தியோகர் மாவட்டத்தில் பயணிகள் ரெயிலின் பெட்டி ஒன்று டிரக் மீது மோதியதால் தடம் புரண்ட சம்பவம் பரபரப்பை ஏற்படுத்தியது. ரெயில் பெட்டி தடம் புரண்டதை அதிகாரி ஒருவர் உறுதிப்படுத்தி இருக்கிறார்.

மதுப்பூர்-ஜசிதி பிரிவில் ரோஹினி நவாடி ரயில்வே கிராசிங்கில் இன்று பிற்பகல் 2 மணியளவில் நடந்த இந்த சம்பவம் அரங்கேறியது. இந்த சம்பவத்தின் போது நல்வாய்ப்பாக யாருக்கும் எந்த காயமும் ஏற்படவில்லை என்று அதிகாரி தெரிவித்தார்.

"கேட்ஸ்மேன் ஒரு லெவல் கிராசிங்கின் தடையை குறைத்துக்கொண்டிருந்தபோது, டிரக் அதைக் கடந்து ரெயிலில் மோதியது. முதல் பெட்டியின் நான்கு சக்கரங்கள் தடம் புரண்டன. எனினும், உயிர் சேதமோ காயமோ ஏற்படவில்லை," என்று கிழக்கு ரெயில்வேயின் சி.பி.ஆர்.ஓ. கௌசிக் மித்ரா தெரிவித்தார்.

கிரேன் உதவியுடன் ரெயில் பெட்டியை தூக்குவதற்கு ஒரு குழு சம்பவ இடத்திற்கு அனுப்பப்பட்டுள்ளது என்றும், விரைவில் இந்த பாதை சரி செய்யப்பட்டு, இயல்பு நிலை திரும்பும் என்று அந்த அதிகாரி தெரிவித்தார்.