நீங்கள் தேடியது "Seemaraja"

சமந்தா - நாக சைதன்யா திருமணம் கடந்த ஆண்டு அக்டோபர் 7ஆம் தேதி நடைபெற்றது. அதன் பின் இப்போது வரை சமந்தா நடிப்பில் ஐந்து படங்கள் வெளியாகியுள்ளன.

தமிழில் மெர்சல், இரும்புத்திரை ஆகிய படங்கள் இவர் நடிப்பில் வெளிவந்துள்ளன. இவை அனைத்தும் வெற்றிப்படங்களாகவும் அமைந்தன. சமந்தா பிரதான வேடம் ஏற்று நடித்துள்ள யூ டர்ன் திரைப்படம் தமிழ், தெலுங்கு என இருமொழிகளிலும் செப்டம்பர் 13ஆம் தேதி வெளியாக உள்ளது. மேலும் அதே நாளில் சிவகார்த்திகேயனுக்கு ஜோடியாக நடித்துள்ள சீமராஜா படமும் வெளியாகிறது.

இந்நிலையில் அதே நாளில் நாகசைதன்யா நடித்துள்ள ‘சைலஜா ரெட்டி அல்லுடு’ படமும் வெளியாக உள்ளது. திருமணத்திற்குப் பின் அவர் கதாநாயகனாக நடித்து வெளியாகும் முதல் படம் இதுவாகும். மகாநடி படத்தில் சிறப்பு தோற்றத்தில் நடித்திருந்தார். இதுதவிர சமந்தா நடிப்பில் சூப்பர் டீலக்ஸ் படம் தயாராகி வருகிறது. முன்னதாக சமந்தா தனது கணவரின் படத்துக்காக தனது பட ரிலீசை தள்ளிவைப்பார் என்று செய்தி வந்தது.

சிம்ரன் வில்லத்தனம் கலந்த கதாபாத்திரத்தில் நடித்தால் அந்த படம் வெற்றி அடையும் என்று ஒரு செண்டிமெண்ட் தமிழ் சினிமாவில் இருக்கிறது. ஒன்ஸ்மோர், நட்புக்காக, பார்த்தேன் ரசித்தேன் ஆகிய படங்களில் வில்லத்தனம் கலந்த கதாபாத்திரத்தில் நடித்து இருந்தார்.

இந்த படங்கள் அத்தனையும் பெரிய அளவில் வெற்றி பெற்றன. சிம்ரன் உச்சத்தில் இருக்கும்போது இந்த செண்டிமெண்ட் காரணமாக இதுபோன்ற வேடங்களே அவருக்கு அதிகமாக வந்தன.

மீண்டும் நடிக்க வந்துள்ள சிம்ரன் ‘சீமராஜா’ படத்தில் சிவகார்த்திகேயனுக்கு வில்லியாக நடித்துள்ளார். காளீஸ்வரி என்னும் கதாபாத்திரத்தில் அதிரடி வில்லியாக நடித்துள்ள சிம்ரனுக்கு தொடர்ந்து வில்லி வேடங்கள் வருகின்றன.

பொன்ராம் - சிவகார்த்திகேயன் மூன்றாவது முறையாக இணைந்துள்ள படம் ‘சீமராஜா’. இதில் சிவகார்த்திகேயனுக்கு ஜோடியாக சமந்தா நடித்துள்ளார். இப்படத்தின் படப்பிடிப்பு முடிந்து பின்னணி வேலைகளில் படக்குழுவினர் மும்முரமாக ஈடுபட்டு வந்தனர்.

தற்போது படத்தை தணிக்கை குழுவிற்கு அனுப்பியுள்ளனர். படத்தை பார்த்த குழுவினர் ‘யூ’ சான்றிதழ் வழங்கியுள்ளனர். இது படக்குழுவினரை மகிழ்ச்சியில் ஆழ்த்தியுள்ளது. இதையடுத்து செப்டம்பர் மாதம் 13ம் தேதி படத்தை வெளியிடுவதாக அறிவித்திருக்கிறார்கள். 

கிராமப் பின்னணியில் காமெடி கலந்த குடும்ப படமாக உருவாகி இருக்கும் இந்த படத்தில் மிரட்டும் வில்லியாக சிம்ரனும், சிவகார்த்திகேயனின் அப்பாவாக நெப்போலியனும், முக்கிய கதாபாத்திரங்களில் சூரி, யோகி பாபு, மனோபாலா, சதீஷ் உள்ளிட்ட பலரும் நடித்துள்ளனர். சிறப்பு தோற்றத்தில் கீர்த்தி சுரேஷ் நடித்திருக்கிறார்.

24 ஏ.எம்.ஸ்டூடியோஸ் தயாரிக்கும் இந்த படத்திற்கு டி.இமான் இசையமைக்கிறார். #Seemaraja #Sivakarthikeyan #Samantha

பொன்ராம் - சிவகார்த்திகேயன் மூன்றாவது முறையாக இணைந்துள்ள ‘சீமராஜா’ படம் விநாயகர் சதுர்த்தியை முன்னிட்டு வருகிற செப்டம்பர் 13-ஆம் தேதி ரிலீசாக இருக்கிறது. 

படத்தின் போஸ்ட் புரொடக்‌ஷன்ஸ் பணிகள் தீவிரமாக நடந்து வரும் நிலையில், படத்தை விளம்பரப்படுத்தும் பணிகளும் தீவிரமாக நடந்து வருகிறது. அந்த வகையில் `கரோக்கி பூத்' என்ற விளம்பர யுத்தியை படக்குழு கையாள உள்ளது. திரை அரங்குகளில் அமைக்கபட்டுள்ள பிரத்யேக பூத்துகளில் `சீமராஜா' படத்தின் பாடல்கள், பாடல் வரிகளின் வீடியோ தொகுப்பு, மற்றும் டீஸர் இருக்கும். 

அந்த பூத்துக்கு வருகை தரும் ரசிகர்கள் தங்களது திறமையை வெளிக்காட்டி கொள்ளும் வகையில் அந்த பாடல்களையும், டீசருக்கு ஏற்றவாறு டப்மாஷ் செய்யலாம். இது அவர்களது யூடியூப் பக்கத்தில் வெளியிடப்படும். இதில் சிறப்பாக செயல்படுவோருக்கு இசை அமைப்பாளர் டி.இமானுடன் கலந்துரையாட வாய்ப்பு கிட்டும் என்று படத்தின் தயாரிப்பாளர் ஆர்.டி.ராஜா தெரிவித்துள்ளார்.

கிராமப் பின்னணியில் காமெடி கலந்த குடும்ப படமாக உருவாகி இருக்கும் இந்த படத்தில் சிவகார்த்திகேயன் ஜோடியாக சமந்தா நடித்திருக்கிறார். வில்லியாக சிம்ரனும், சிவகார்த்திகேயனின் அப்பாவாக நெப்போலியனும், முக்கிய கதாபாத்திரங்களில் சூரி, யோகி பாபு, மனோபாலா, சதீஷ் உள்ளிட்ட பலரும் நடித்துள்ளனர். சிறப்பு தோற்றத்தில் கீர்த்தி சுரேஷ் நடித்திருக்கிறார். 24ஏ.எம்.ஸ்டூடியோஸ் இந்த படத்தை தயாரித்துள்ளது. #Seemaraja #Sivakarthikeyan #SeemaRajaKaraokeBooth

விஜய் சேதுபதி நடிப்பில் தற்போது உருவாகி இருக்கும் படம் ‘96’. இதில் திரிஷா விஜய் சேதுபதிக்கு ஜோடியாக நடித்திருக்கிறார். `நடுவுல கொஞ்சம் பக்கத்த காணோம்' படத்தில் ஒளிப்பதிவாளராக பணியாற்றிய சி.பிரேம்குமார் இயக்குநராக அறிமுகமாகிறார். 

இதன் படப்பிடிப்பு முடிந்து பின்னணி வேலைகள் விறுவிறுப்பாக நடந்து வரும் நிலையில், படத்தின் இசை மற்றும் டிரைலர் வருகிற ஆகஸ்ட் 24-ஆம் தேதி வெளியாக இருப்பதாக படக்குழு அறிவித்தது. இப்படம் விநாயகர் சதுர்த்தியை முன்னிட்டு செப்டம்பர் 13ம் தேதி வெளியாக இருக்கிறது.

அன்றைய தினத்தில் சிவகார்த்திகேயன் நடிப்பில் உருவாகி இருக்கும் ‘சீமராஜா’ திரைப்படமும் வெளியாக இருக்கிறது. பொன்ராம் இயக்கியுள்ள இப்படத்தில் சிவகார்த்திகேயனுக்கு ஜோடியாக சமந்தா நடித்துள்ளார். 

இதற்கு முன் சிவகார்த்திகேயனும், விஜய் சேதுபதியும் 2016ம் ஆண்டு ரெமோ, றெக்க படங்கள் ஒரே நாளில் வெளியானது. தற்போது 2 வருடங்களுக்கு சீமராஜா, 96 படம் மூலம் இருவரும் மோதுகிறார்கள். #96TheMovie #SeemaRaja

சமந்தா நடித்த 3 படங்கள் ஒரே நாளில் ரிலீசாக உள்ளது. நாகார்ஜுனாவின் மகனும், தெலுங்கு நடிகருமான நாக சைதன்யாவை திருமணம் செய்துகொண்ட சமந்தா, திருமணத்துக்கு பின்னும் முன்னணி நடிகையாகவே திகழ்கிறார். 

அவர் நடிப்பில் சமீபத்தில் வெளியான `இரும்புத்திரை', `நடிகையர் திலகம்' ஆகிய 2 படங்களும் ஒரே நாளில் வெளியானது. அதுபோல சமந்தா நடித்த 3 படங்கள் அடுத்த மாதம் ஒரே நாளில் ரிலீசாக இருக்கிறது.

சமந்தா சிவகார்த்திகேயனுடன் நடித்த `சீமராஜா' படம் செப்டம்பர் 13-ஆம் தேதி விநாயகர் சதுர்த்திக்கு ரிலீசாக இருக்கிறது. அதே நாளில் சமந்தா முதன்மை வேடத்தில் நடித்த `யு டர்ன்' படமும் வெளியாகிறது. இந்த பட்டியலில் இப்போது நெஞ்சமெல்லாம் பல வண்ணம் படம் சேர்ந்து இருக்கிறது.

சமந்தா, மகேஷ்பாபு, வெங்கடேஷ், அஞ்சலி நடித்த `சீதம்மா வகிட்லோ ஸ்ரீமல்லெ செட்டு' என்ற படம் தமிழில் டப் ஆகிறது. படத்தை ரோல்ஸ் பிரைட் நிறுவனம் சார்பில் மெகபூ பாஷா தயாரித்து இருக்கிறார். ஆக, தென் இந்திய நடிகைகளில் முதன்முறையாக ஒரு நடிகையின் 3 படங்கள் ஒரே நாளில் வெளியாக இருக்கின்றன. சமந்தா இந்த அரிய சாதனைக்கு சொந்தக்காரர் ஆகி இருக்கிறார். #Samantha #Seemaraja #UTurn #NenhamellamPalaVannam

சமந்தா திருமணத்துக்கு பின்பும் முன்னணி நடிகையாக வலம் வருகிறார். அவரது நடிப்பில் இந்த ஆண்டில் முதல் பாதியில் வெளியான ரங்கஸ்தலம், நடிகையர் திலகம், இரும்புத்திரை உள்ளிட்ட படங்கள் நல்ல வரவேற்பை பெற்றன.

அடுத்ததாக சமந்தா நடிப்பில் சீமராஜா, யு டர்ன் ஆகிய இரு படங்களும் வருகிற செப்டம்பர் 18-ஆம் தேதி ரிலீசாக இருப்பதாக அறிவிக்கப்பட்டுள்ளது.

இந்த இரு படங்களுக்கு பிறகு, அடுத்ததாக விஜய் சேதுபதியுடன் சூப்பர் டீலக்ஸ் படத்திலும், கணவர் நாகசைதன்யாவுடன் இணைந்து ஒரு படத்திலும் நடிக்கிறார். அதற்கு அடுத்ததாக கொரிய படத்தின் தழுவலாக ஒரு படத்தில் நடிக்க ஒப்புக்கொண்டுள்ளதாக தகவல் வருகிறது. இந்த படத்தில் சமந்தா 80 வயது பாட்டியாக நடிக்க இருக்கிறாராம். இதுகுறித்த அதிகாரபூர்வ அறிவிப்பு விரைவில் வர இருப்பதாக கூறப்படுகிறது. #Samantha

சமந்தாவுக்கு ஒரே வாரத்தில் 2 படங்கள் என்பது ராசி போல. அவர் நடித்த இரும்புத்திரை படமும், நடிகையர் திலகம் படமும் ஒரே நாளில் வெளியாகின. அதேநேரத்தில் இரண்டு படங்களுக்கும் ரசிகர்களிடையே நல்ல வரவேற்பு கிடைத்து வெற்றியும் பெற்றன.

இந்த நிலையில், சமந்தா நடிப்பில் செப்டம்பர் 13-ஆம் தேதி சீமராஜா, யு டர்ன் ஆகிய 2 படங்களும் வெளியாக இருக்கின்றன. சீமராஜா படத்தில் சிவகார்த்திகேயனுக்கு ஜோடியாக சிலம்ப டீச்சராக சமந்தா நடித்து இருக்கிறார்.

யு டர்ன் படத்தில் முதன்மை கதாபாத்திரம். பத்திரிகை நிரூபராக நடித்திருக்கிறார். இதுபற்றி சமந்தாவிடம் கேட்டதற்கு ‘2 படங்களுமே வேறு வேறு வகையை சேர்ந்தவை. சீமராஜா கிராமத்து படமாகவும், யு டர்ன் ஒரு கொலை சம்பவத்தின் பின்னணியிலும் உருவாகி இருக்கின்றன. இரண்டையுமே ரசிகர்கள் ஏற்றுக்கொள்வார்கள்’ என்று கூறி உள்ளார். #Samantha #Seemaraja #UTurn

பொன்ராம் இயக்கத்தில் சிவகார்த்திகேயன், சமந்தா, சிம்ரன், நெப்போலியன், சூரி உள்ளிட்ட பலர் நடித்திருக்கும் படம் ‘சீமராஜா’. இப்படத்தின் இசை வெளியீட்டு விழா ஆகஸ்ட் 3ம் தேதி பிரம்மாண்டமாக நடைபெற்றது. இசை வெளியீட்டு விழாவை முன்னிட்டு, அன்று இரவு 8 மணியளவில் ‘சீமராஜா’ டீசர் இணையத்தில் வெளியிடப்பட்டது.

முன்னதாக, ‘கோலமாவு கோகிலா’ படத்துக்காக அனிருத் இசையமைத்து, நடித்திருக்கும் ‘திட்டம் போடத் தெரியல’ விளம்பரப் பாடல் அன்று வெளியாகும் எனப் படக்குழு அறிவித்திருந்தது.

‘சீமராஜா’ டீசர் வெளியாவதால் அனிருத் தனது ட்விட்டர் பக்கத்தில், “இன்று என் இனிய நண்பன் சீமராஜாவின் நாள். அதனால், ‘திட்டம் போடத் தெரியல’ பாடல் நாளை வெளியாகும்” என்று தெரிவித்தார். இதற்கு “உங்கள் அன்புக்கு நன்றி. உங்களுடைய பாடலுக்கும் வரவேற்பு கிடைக்கும்” என்று தெரிவித்திருக்கிறார் சிவகார்த்திகேயன்.

ஆனால் அந்த பாடல் நேற்று இரவு தான் வெளியிடப்பட்டது. தற்போது இந்த பாடல் சமூக வலைத்தளத்தில் வைரலாகி வருகிறது.

தமிழ் மற்றும் தெலுங்கில் முன்னணி நடிகையாக வலம் வருபவர் சமந்தா. தமிழில் ‘பானா காத்தாடி’ படம் மூலம் அறிமுகமான இவர், ‘நான் ஈ’, ‘நீதானே என் பொன் வசந்தம்’, ‘அஞ்சான்’ உள்ளிட்ட படங்களில் நடித்து பிரபலமானார். இவர் விஜய்யுடன் மட்டும் ‘கத்தி’, ‘தெறி’, ‘மெர்சல்’ ஆகிய படங்களில் நடித்துள்ளார்.

இவர் நடித்த பல படங்கள் சூப்பர் ஹிட்டாகியுள்ளது. இவர் நாகார்ஜுனாவின் மகனும், தெலுங்கு நடிகருமான நாக சைதன்யாவை திருமணம் செய்து கொண்டார். திருமணத்திற்குப் பிறகும் பல படங்களில் பிசியாக நடித்து வருகிறார். இவருக்கென்று தனி ரசிகர்கள் பட்டாளமே உள்ளது. 

தற்போது இவர் நடிப்பில் ‘சீமராஜா’ திரைப்படம் உருவாகியுள்ளது. இதில் சிவகார்த்திகேயன் கதாநாயகனாக நடித்துள்ளார். பொன்ராம் இயக்கியுள்ளார். இப்படத்தின் இசை வெளியீட்டு விழா சமீபத்தில் நடைபெற்றது. இந்நிலையில், நடிகை சமந்தா தன்னுடைய தோழிகளுடன் திருப்பதியில் சாமி தரிசனம் செய்துள்ளார். இவரை பார்த்த ரசிகர்கள் அவருடன் போட்டோ எடுக்க முயன்றதால் சிறிது நேரம் பரபரப்பு ஏற்பட்டது.

பொன்ராம் - சிவகார்த்திகேயன் மூன்றாவது முறையாக இணைந்துள்ள ‘சீமராஜா’ படம் வருகிற செப்டம்பர் 23-ஆம் தேதி ரிலீசாக இருக்கிறது. படப்பிடிப்பு முடிந்து டப்பிங் உள்ளிட்ட பின்னணி வேலைகள் விறுவிறுப்பாக நடந்து வரும் நிலையில், நடிகர் சிவகார்த்திகேயன் தனது டப்பிங் பணிகளை முடித்து விட்டதாக அவரது சமூக வலைதள பக்கத்தில் தெரிவித்துள்ளார். 

டி.இமான் இசையில் படத்தில் இருந்து `வாரேன் வாரேன் சீமராஜா' என்ற சிங்கிள் ஒன்று சமீபத்தில் வெளியாகி நல்ல வரவேற்பை பெற்றிருக்கிறது. இந்த நிலையில், படத்தின் இசை வெளியீட்டு விழா வருகிற ஆகஸ்ட் 3-ஆம் தேதி மதுரையில் பிரம்மாண்டமாக நடக்க இருக்கிறது.

கிராமப் பின்னணியில் காமெடி கலந்த குடும்ப படமாக உருவாகி இருக்கும் இந்த படத்தில் சிவகார்த்திகேயன் ஜோடியாக சமந்தா நடித்திருக்கிறார். வில்லியாக சிம்ரனும், சிவகார்த்திகேயனின் அப்பாவாக நெப்போலியனும், முக்கிய கதாபாத்திரங்களில் சூரி, யோகி பாபு, மனோபாலா, சதீஷ் உள்ளிட்ட பலரும் நடித்துள்ளனர். சிறப்பு தோற்றத்தில் கீர்த்தி சுரேஷ் நடித்திருக்கிறார். 24ஏ.எம்.ஸ்டூடியோஸ் இந்த படத்தை தயாரித்துள்ளது. #Seemaraja #Sivakarthikeyan

திருமணத்திற்குப் பிறகும் பல படங்கள் கைவசம் வைத்துக் கொண்டு முன்னணி நடிகையாக வலம் வருபவர் சமந்தா. இவர் நடிப்பில் சமீபத்தில் வெளியான ‘இரும்புத்திரை’ திரைப்படம் சூப்பர் ஹிட்டானது. இதில் சமந்தா மனநல மருத்துவர் கதாபாத்திரத்தில் ரதி தேவி என்னும் பெயரில் நடித்திருந்தார்.

தற்போது இவரது நடிப்பில் சீமராஜா திரைப்படம் உருவாகியுள்ளது. இதில் சிவகார்த்திகேயன் நாயகனாக நடித்திருக்கிறார். இதில் சமந்தாவின் கதாபாத்திரத்தின் பெயர் வெளியாகி இருக்கிறது. இதில் சுதந்திர தேவி என்னும் கதாபத்திரத்தில் சிலம்பம் டீச்சராக நடித்திருக்கிறார். இதற்காக மூன்று மாதமாக சிலம்பம் கற்றிருக்கிறார் சமந்தா.

சீமராஜா திரைப்படம் விநாயகர் சதுர்த்தியை முன்னிட்டு செப்டம்பர் 13ம் தேதி வெளியாக இருக்கிறது. மேலும் சமந்தா நடிப்பில் ‘யூடர்ன்’, ‘சூப்பர் டீலக்ஸ்’ ஆகிய படங்கள் உருவாகியுள்ளது. இப்படங்கள் அடுத்தடுத்து வெளியாக இருக்கிறது.