நீங்கள் தேடியது "railway stations"

சென்னை:

சென்னை கோட்டத்தில் முதல் முறையாக பார்வை குறைபாடுள்ள பயணிகளுக்கு உதவும் வகையில் பிரெய்லி வரைபடங்கள் அமைக்கப்பட்டுள்ளன.

இவற்றை 'பெருநிறுவன சமூக பொறுப்பு' திட்டத்தின் கீழ் சென்னை சென்ட்ரலில் ரேனால்ட் நிசான் நிறுவனமும், சென்னை எழும்பூரில் ஸ்டாண்டர்ட் சார்ட்டட் நிறுவனமும் அமைத்து உள்ளன.

இந்த வரைபட வசதி, பார்வை குறைபாடுள்ள பயணிகள், மற்றவர்கள் உதவியில்லாமல் தாங்களே ரெயில் நிலையத்திற்குள் தேவைப்படும் இடங்களுக்கு சென்று அதன் வசதிகளை பயன்படுத்திக்கொள்ள உதவும்.

மேற்கண்ட ரெயில் நிலையங்களின் நுழைவு வாயிலில் நிறுவப்பட்டுள்ள 3x3 அடி அளவுள்ள இந்த பிரெய்லி வரைபடம் அந்தந்த ரெயில் நிலையங்களின் மேற்பார்வையை அளிக்கும். மேலும் அடிப்படை வசதிகளை பட்டியலிட்டு, பயணிகள் போக விரும்பும் டிக்கெட் கவுண்டர்கள், நடைமேடைகள், பாதசாரி பாலங்கள் மற்றும் பல இடங்களை அடைய வழியை காட்டுகிறது.

இந்த பிரெய்லி வரை படத்தில் 'கியூ ஆர் கோடுகள்' கொடுக்கப்பட்டுள்ளன. அவற்றை ஸ்மார்ட் போனில் ஸ்கேன் செய்து தகவல்களை ஒலிக்கச் செய்து, போக விரும்பும் இடத்தின் வழியை தெரிந்துகொள்ளலாம்.

பார்வை குறைபாடு உடையவர்களுக்கு, நடைமேடைகளை பாதுகாப்பான இடமாக மாற்ற நடைமேடைகளின் ஓரத்தில் தொட்டு உணரும்படியான டைல்கள் பதிக்கப்பட்டுள்ளன.

பார்வை குறைபாடுள்ள பயணிகளின் பாதுகாப்புக்காக சென்னை கோட்டம் முழுக்க பாதசாரி பாலங்களின் படிக்கட்டுகளில் பிரெய்லி பொறிக்கப்பட்டுள்ள துருப்பிடிக்காத இரும்பிலான கைப்பிடிகள் அமைக்கப்பட்டுள்ளன.

பார்வையற்ற பயணிகளுக்கு பிரெய்லி வரைபட பலகை சேவையை பின்வரும் காலங்களில் அரக்கோணம், காட்பாடி, செங்கல்பட்டு, தாம்பரம் ஆகிய முக்கிய ரெயில் நிலையங்களில் அமைப்பதற்கான முயற்சியை மேற்கொண்டு வருகிறது.

மாற்றுத்திறனாளி பயணிகளுக்கு தேவையான வசதிகளை செய்து கொடுத்து, அவர்களின் பயணத்தை பாதுகாப்பாகவும், இனிதாகவும் மாற்ற சென்னை கோட்டம் தொடர்ந்து முயற்சிகளை மேற்கொள்ளும் என்று சென்னை கோட்டம் தெரிவித்துள்ளது.

மதுரை

மதுரை கோட்ட ரெயில் நிலையங்களில் உள்ளூர் தயாரிப்புகளை ஊக்குவிக்க "ஒரு நிலையம்- ஒரு பொருள்" திட்டத்தின் கீழ் இலவச இடம் தரப்பட்டு விற்பனை நடந்து வருகிறது.

இதன்படி கடந்த மாதம் 23-ந் தேதி முதல் கோவில்பட்டி, தூத்துக்குடி, ராமநாதபுரம், திருச்செந்தூர், நெல்லை, திருமங்கலம், திண்டுக்கல், மதுரை ஆகிய ரெயில் நிலையங்களில் முறையே கடலை மிட்டாய், மக்ரூன், கருவாடு, பனை பொருட்கள், கைலி, சின்னாளபட்டி சேலைகள், சுங்குடி சேலைகள் விற்பனை செய்யப்பட்டு வருகிறது.

இங்கு கடந்த 2-ந் தேதி வரை 10 நாட்களில் திருச்செந்தூர், நெல்லை ரெயில் நிலையங்களில் ரூ.2லட்சத்து 81 ஆயிரத்து 960 மதிப்பு உள்ள பனை பொருட்கள் விற்பனை ஆகி உள்ளன. மதுரையில் ரூ.1லட்சத்து 84ஆயிரத்து 660 மதிப்பு உள்ள சுங்குடி சேலைகள் விற்கப்பட்டுள்ளன.

மீதம் உள்ள ரெயில் நிலையங்களில் கடந்த 10 நாட்களில் ரூ.6லட்சத்து 91ஆயிரத்து 473 மதிப்பு உள்ள பொருட்கள் விற்கப்பட்டு உள்ளன.

ராமேசுவரம், விருதுநகர், தென்காசி, காரைக்குடி, பழனி, பரமக்குடி, சாத்தூர், ராஜபாளையம், சிவகாசி, சங்கரன்கோவில், செங்கோட்டை, மானாமதுரை, புதுக்கோட்டை, சிவகங்கை, ஸ்ரீவில்லிபுத்தூர், கொடை ரோடு, திருமங்கலம், ஒட்டன்சத்திரம், அம்பாசமுத்திரம், மணப்பாறை, புனலூர், கொட்டாரக்கரா, மதுரை, நெல்லை, திருச்செந்தூர், திண்டுக்கல், தூத்துக்குடி, கோவில்பட்டி, ராமநாதபுரம், திருமங்கலம் ஆகிய ரெயில் நிலையங்களில் முறையே கடல்பாசி, சேவு, பத்தமடை பாய், கைத்தறி சேலை, பஞ்சாமிர்தம், கைத்தறி சேலை, ஆயத்த ஆடை, பேப்பர் பொருட்கள், விவசாய விளை பொருட்கள், மூங்கில் இருக்கைகள், மண்பாண்ட பொருட்கள், பலாப்பழம், செட்டிநாடு கொட்டான், பால்கோவா, பன்னீர் திராட்சை, மல்லிகை மலர், வெண்ணை, மர விளையாட்டு பொருட்கள், முறுக்கு, மிளகு, முந்திரி, சுங்குடி சேலை, பனை பொருட்கள், சின்னாளபட்டி சேலை, மக்ரூன், கடலை மிட்டாய், கருவாடு, கைலி போன்ற பொருட்களை வருகிற 8-ந் தேதி முதல் 15 நாட்களுக்கு மீண்டும் விற்பனை செய்ய விருப்ப மனு கோரப்பட்டு உள்ளது.

கைவினை மற்றும் கைத்தறி வளர்ச்சி ஆணையர் அல்லது மத்திய மாநில அரசு வழங்கிய அடையாள அட்டை வைத்திருப்போர், பதிவு பெற்ற சுய உதவி குழுக்கள், பதிவு பெற்ற சிறு தொழில் நிறுவனம், பழங்குடி கூட்டுறவு வர்த்தக வளர்ச்சி கூட்டமைப்பில் பதிவுபெற்ற நெசவாளர் ஆகியோர் விருப்ப மனு விண்ணப்பங்களை www.sr.indianrail.gov.in இணையதளத்தில் தரவிறக்கம் செய்து கொள்ளலாம். பூர்த்தி செய்த விருப்ப மனு விண்ணப்பங்களை நாளை (5-ந் தேதி) காலை 10 மணி முதல் மாலை 3 மணி வரை மதுரை கோட்ட வர்த்தக பிரிவு அலுவலகத்தில் அளிக்கலாம்.

அன்று மாலை 3.30 மணிக்கு தகுதி பெற்ற நபர் அல்லது நிறுவனம் தேர்வு செய்து அறிவிக்கப்படும். விவரங்களுக்கு 9003862967 அலைபேசி எண்ணை தொடர்பு கொள்ளலாம்.

மேற்கண்ட தகவலை மதுரை கோட்ட ரெயில்வே அலுவலகம் தெரிவித்துள்ளது.

வட மாநிலங்களில் பல்வேறு அமைப்புகள் நடத்தி வரும் பாரத்பந்த் காரணமாக ரெயில் நிலையங்களுக்கு கூடுதல் பாதுகாப்பு போடப்பட்டுள்ளது.

இந்நிலையில் தெற்கு ரெயில்வே வெளியிட்டுள்ள அறிவிப்பில், பாரத் பந்த் காரணமாக, பயணிகளின் பாதுகாப்பைக் கருத்தில் கொண்டு, சென்னை கோட்டத்தில் உள்ள அனைத்து ரெயில் நிலையங்களிலும், மறு உத்தரவு வரும் வரை பிளாட்பார்ம் டிக்கெட்டுகளை வழங்குவது தடை செய்யப்பட்டுள்ளது.

ரெயில் பயனாளிகள் மற்றும் ரெயில்வே சொத்துக்களின் பாதுகாப்பை நிலை நிறுத்துவதற்கு, பயணிகள் மற்றும் பொதுமக்கள் ரெயில்வேயுடன் ஒத்துழைக்குமாறு கேட்டுக் கொள்ளப்படுவதாகவும் அதில் தெரிவிக்கப்பட்டுள்ளது.