நீங்கள் தேடியது "Minister velumani"

கோவை:

கோவை மாவட்ட கலெக்டர் அலுவலகத்தில் தூய்மை பணி தொடக்க விழா, தூய்மை கணக்கெடுப்பு இலச்சினை அறிமுக விழா, தூய்மை வாகனம் தொடக்க விழா ஆகிய முப்பெரும் விழா நடைபெற்றது. தமிழக அரசின் ஊரக வளர்ச்சித்துறை கூடுதல் தலைமை செயலர் ஹன்ஸ்ராஜ் வர்மா தலைமை தாங்கினார். ஊரக வளர்ச்சி இயக்குனர் பாஸ்கரன் முன்னிலை வகித்தார். இதில் அமைச்சர் எஸ்.பி. வேலுமணி கலந்து கொண்டு தூய்மை ரதத்தை கொடியசைத்து தொடங்கி வைத்தார். பின்னர் அவர் பேசியதாவது:-

தமிழகத்தை முழு சுகாதாரம் அடைந்த மாநிலமாகவும், திறந்த வெளியில் மலம் கழிக்கும் சூழ்நிலை இல்லாத மாநிலமாகவும் உருவாக்கும் வகையில் கடந்த 2013-14-ம் ஆண்டு முதல் இதுவரை ரூ. 4639 கோடி செலவில் 49.63 லட்சம் தனி நபர் கழிப்பறைகள் கட்டப்பட்டுள்ளன. 30 மாவட்டங்கள் 100 சதவீத சுகாதார நிலையை எட்டி உள்ளது.12,040 கிராம ஊராட்சிகள் திறந்த வெளியில் மலம் கழித்தல் அல்லாத ஊராட்சிகள் என கிராம சபை கூட்டங்கள் வாயிலாக அறிவிக்கப்பட்டுள்ளது. இதே போல் மீதமுள்ள 484 கிராம ஊராட்சிகளும் அறிவிக்க திட்டமிடப்பட்டுள்ளன.

2014-15-ம் ஆண்டு ரூ. 610 கோடி மதிப்பீட்டில் தொடங்கப்பட்ட திடக்கழிவு மேலாண்மை திட்டம், 12,524 ஊராட்சிகளில் செயல்படுத்தபட்டுள்ளது.

இத்திட்டத்தின் கீழ் 66,025 தூய்மை காவலர்கள் பணியமர்த்தப்பட்டுள்ளனர். இதற்காக நடப்பு ஆண்டில் ரூ. 206 கோடி ஒதுக்கப்பட்டு உள்ளது.

மேலும் கிராமங்களில் குப்பையை எளிதாக அப்புறப்படுத்தும் வகையில் 93000 குப்பை தொட்டிகளும், 43000 மிதி வண்டிகளும் வழங்கப்பட்டுள்ளது.

மாநிலங்கள் மற்றும் மாவட்டங்களை தர வரிசைப்படுத்த மத்திய அரசு தூய்மை கணக்கெடுப்பு-2018 திட்டம் ஆகஸ்டு 1-ந் தேதி முதல் 31-ந் தேதி வரை செயல்படுத்தப்பட உள்ளது. இதற்காக தமிழகத்திலுள்ள அனைத்து மாவட்டங்களுக்கும் தூய்மை ரதம் அனுப்பப்பட்டு கணக்கெடுத்து தரவரிசைப் படுத்தும் பணி நடைபெற உள்ளது. இதன் மூலம் பொது இடங்களான பள்ளிகள், அங்கன்வாடி மையங்கள், ஆரம்ப சுகாதார வளாகங்கள், கிராம சந்தை, வழிபாட்டு தலங்கள் ஆய்வு செய்யப்படும்.

இவ்வாறு அவர் கூறினார்.

நிகழ்ச்சியில் கலெக்டர்கள் ஹரிஹரன் (கோவை), பழனிசாமி (திருப்பூர்), இன்னசென்ட் திவ்யா (நீலகிரி),பிரபாகரன் (ஈரோடு), நாகராஜன் எம்.பி., எம்.எல்.ஏ.க்கள் பி.ஆர்.ஜி. அருண்குமார், அம்மன் அர்ச்சுணன், எட்டிமடை சண்முகம், கனகராஜ், ஓ.கே. சின்னராஜ், ராமு, மாவட்ட வருவாய் அலுவலர் துரை. ரவிச்சந்திரன், ஊரக வளர்ச்சித்துறையின் கூடுதல் இயக்குனர்கள் லட்சுமிபதி, ராதா, ராஜஸ்ரீ, விஜய முத்து மீனாள், மாவட்ட ஊரக வளர்ச்சி முகமையின் திட்ட இயக்குனர் ரூபன் சங்கர் ராஜ், மற்றும் அரசு துறை அலுவலர்க்ள, மகளிர் சுய உதவிக் குழுக்களை சேர்ந்த தூய்மை பாரத இயக்க ஊக்குவிப்பாளர்கள் கலந்து கொண்டனர்.

கோவை:

கோவை குறிச்சி குளத்தில் ஆகாய தாமரையை அகற்றும் பணியை அமைச்சர் எஸ்.பி.வேலுமணி இன்று தொடங்கிவைத்தார். பின்னர் அவர் நிருபர்களுக்கு பேட்டியளித்தார். அப்போது அவர் கூறியதாவது:-

கேள்வி: வருமான வரித்துறை சோதனை தொடர்பாக மு.க.ஸ்டாலின் கவர்னரை சந்திக்க போவதாக கூறியிருக்கிறாரே?

கேள்வி: காவிரி பிரச்சனையில் அ.தி.மு.க. எம்.பிக்கள் நீண்ட நாட்களாக நாடாளுமன்றத்தை முடக்கி இருக்கிறார்கள் என்று முதல்-அமைச்சரே கூறியிருக்கிறார். அவ்வாறு தமிழகத்தை வஞ்சித்த மத்திய அரசுக்கு எதிரான நம்பிக்கை இல்லா தீர்மானத்தை அ.தி.மு.க. ஆதரிக்காதது ஏன்?

பதில்: எங்களை பொறுத்தவரை மத்தியில் யார் ஆட்சியில் இருந்தாலும் சரி தமிழகத்தின் உரிமைகளை விட்டுத்தர மாட்டோம். காவிரி பிரச்சனையில் முதலில் மத்திய அரசு கர்நாடக தேர்தலுக்காக தாமதம் காட்டியது. ஆனாலும் அதன்பிறகு ஆணையத்தை அமைத்து விட்டார்கள்.

மத்திய பாரதிய ஜனதா அரசு தமிழகத்துக்கு எந்த துரோகமும் செய்யவில்லை. ஆனால் காவிரி பிரச்சனையில் முழுவதும் துரோகம் செய்தது காங்கிரசும், தி.மு.க.வும் தான்.

இவ்வாறு அவர் கூறினார். #ADMK #CauveryIssue #DMK #congress

சென்னை:

பல்லாவரம் தொகுதியில் தற்போது நிலவும் கடுமையான குடிநீர் தட்டுப்பாடு பிரச்சனை குறித்து சட்டசபையில் தி.மு.க. உறுப்பினர் இ.கருணாநிதி சிறப்பு கவன ஈர்ப்பு தீர்மானம் கொண்டு வந்தார்.

“அவர் பேசும் போது பல்லாவரத்தில் 10 நாட்களுக்கு 1 முறைதான் குடிநீர் வருகிறது. இங்கு நிரந்தரமாக குடிநீர் பிரச்சனையை போக்க வேண்டுமானால் பாலாற்றில் இருந்து கொண்டு வரப்படும் குழாயை மாற்றிவிட்டு அகலமான குழாய் அமைத்தால் நிரந்தர தீர்வுகிடைக்கும். இதற்கு ரூ.50 கோடி செலவாகும் என்று குடிநீர் வாரியம் தெரிவிக்கிறது” என்றார்.

இதற்கு பதில் அளித்து அமைச்சர் வேலுமணி பேசியதாவது-

பல்லவபுரம் நகராட்சிக்கு தமிழ்நாடு குடிநீர் வடிகால் வாரியம் மூலம், நாளொன்றுக்கு நாள்தோறும் 40 லட்சம் லிட்டர் குடிநீரும், சென்னை குடிநீர் வாரியத்தின் மூலம், நாள்தோறும் சராசரியாக 10 லட்சம் லிட்டர் குடிநீரும் மற்றும் உள்ளூர் நீர் ஆதாரங்கள் மூலம் 36 இலட்சம் லிட்டர் குடிநீரும் ஆக மொத்தம் 86 இலட்சம் லிட்டர் குடிநீர் பெறப்பட்டு நாள் ஒன்றுக்கு நபர் ஒருவருக்கு 40 லிட்டர் வீதம் 4 நாட்களுக்கு ஒரு முறை குடிநீர் வழங்கப்பட்டு வருகிறது.

பல்லாவரம் நகராட்சி குடிநீர் விநியோகத்தை மேம்படுத்த, 99.95 கோடி மதிப்பீட்டில் தமிழ்நாடு நகர்ப்புர வளர்ச்சி திட்டத்தின் கீழ் குடிநீர்த் திட்டம் எடுத்துக் கொள்ளப்பட்டு சென்னை குடிநீர் வாரியம் மூலம் பணிகள் தற்போது நடைபெற்று வருகிறது.

அனகாபுத்தூர் நகராட்சியில் சென்னை பெருநகர குடிநீர் வழங்கல் மற்றும் கழிவு நீரகற்று வாரியம், மற்றும் உள்ளூர் நீராதாரங்கள் மூலம், நாளொன்றுக்கு 2.53 மில்லியன் லிட்டர் குடிநீர் பெறப்பட்டு, நாளொன்றுக்கு நபர் ஒருவருக்கு 53 லிட்டர் குடிநீர் வீதம், 7 நாட்களுக்கு ஒரு முறை வழங்கப்படுகிறது.

குடிநீர் விநியோகத்தை மேம்படுத்த, 14.87 கோடி மதிப்பீட்டில் பல்வேறு நிதிகளைக் கொண்டு குடிநீர் திட்டம் எடுக்கப்பட்டு பணிகள் தற்போது நடைபெற்று வருகிறது.

பம்மல் நகராட்சியில் தற்போது சென்னை பெருநகர குடிநீர் வழங்கல் மற்றும் கழிவு நீரகற்று வாரியம், மற்றும் உள்ளூர் நீராதாரங்கள் மூலம், 3.19 மில்லியன் லிட்டர் குடிநீர் பெறப்பட்டு, நாளொன்றுக்கு நபர் ஒருவருக்கு 42 லிட்டர் வீதம், 7 நாட்களுக்கு ஒரு முறை குடிநீர் விநியோகம் செய்யப்பட்டு வருகிறது.

பம்மல் நகராட்சி குடிநீர் விநியோகத்தை மேம்படுத்த, ரூ.43.10 கோடி மதிப்பீட்டில் தமிழ்நாடு நகர்ப்புற வளர்ச்சி திட்டத்தின் கீழ் திட்டம் தயாரிக்கப்பட்டு பணிகள் தற்போது நடைபெற்று வருகிறது.

தற்போது நடைபெற்று வரும் திட்டத்தில், 89 சதவீதம் பணிகள் முடிவடைந்துள்ளன. மீதமுள்ள பணிகள் ஜனவரி2019ல் முடிக்கப்பட்டு, பொது மக்கள் பயன்பாட்டிற்கு கொண்டு வரப்படும் என்பதை, மாண்புமிகு உறுப்பினருக்கு பேரவைத் தலைவர் வாயிலாகத் தெரிவித்துக் கொள்கிறேன்.

இவ்வாறு அவர் பேசினார். #TNAssembly