நீங்கள் தேடியது "grama sabha meeting"

நெல்லை:

நெல்லை மாவட்ட கலெக்டர் விஷ்ணு வெளி யிட்டுள்ள செய்திக்குறிப்பில் கூறியுள்ளதாவது:-

தமிழ்நாட்டில் கிராமசபை கூட்டங்கள் ஆண்டுதோறும் அனைத்து கிராம பஞ்சாயத்துகளில் குடியரசு தினம், உழைப்பாளர் தினம், உலக தண்ணீர் தினம், சுதந்திர தினம் மற்றும் காந்தி ஜெயந்தி ஆகிய தினங்களில் ஊரக வளர்ச்சி மற்றும் ஊராட்சிதுறையால் நடத்தப்படுகிறது.

கிராம சபை கூட்டங்களில் வேளாண்-உழவர் நலத்துறை திட்டங்களை பொது மக்களுக்கு எடுத்து ரைக்கவும், காட்சிப்படுத்த வும், பயனாளிகள் பட்டியலை பார்வைக்கு வைத்திடவும் அரசாணை நிலை எண்.41 வேளாண்மை இணை இயக்குநர்களை கிராம சபைக்கூட்ட நிகழ்வினை வேளாண்மைத்துறை மற்றும் அதன் சகோதர துறைகளுடன் ஒருங்கிணைந்து நடத்திட கேட்டுக் கொள்ளப்படுகிறது.

மேலும் கூட்டத்தில் பங்கேற்கும் விவசா யிகளுக்கு வேளாண்மை-உழவர் நலத்துறையில் செயல்படுத்தப்படும் முக்கிய திட்டங்கள் குறித்த துண்டு பிரசுரங்கள் வழங்கப்பட உள்ளது.

கூட்டத்தில், வேளாண்மை- உழவர் நலத்துறையின் உழவன் செயலி பற்றிய பயன் பாட்டினை எடுத்துரைத்து, தேவைப்படும் விவசாயி களுக்கு பதிவிறக்கம் செய்தும் கொடுக்கப்பட உள்ளது.

பிரதம மந்திரியின் கிசான் சம்மான் நிதி திட்டத்தில் விவசாயிகள் தங்கள் ஆதார் எண்களை இணைக்கும் அவசியத்தை எடுத்துக்கூறி அத்திட்டப் பயன்களை தொடர்ந்து பெற்றுக்கொள்ளவும் கேட்டுக்கொள்ளப்பட உள்ளது.

எனவே, விவசாயிகள் தங்கள் கிராம பஞ்சாயத் துக்களில் நாளை மறுநாள்

2-ந் தேதி ( ஞாயிற்றுக் கிழமை) நடை பெற உள்ள கிராம சபை கூட்டத்தில் கலந்து கொண்டு வேளாண்மை- உழவர் நலத்துறையில் செயல்படுத்தப்படும் திட்டப் பயன்களை அறிந்து கொண்டு பயன் பெற கேட்டுக்கொள்கிறோம்.

இவ்வாறு அதில் கூறப்பட்டுள்ளது.

திருப்பூர் :

திருப்பூர் மாவட்டம் கணக்கம்பாளையம் ஊராட்சியில் கிராம சபை கூட்டம் ஊராட்சி மன்ற அலுவலக வளாகத்தில் நடைபெற்றது. இதில் மாவட்ட திட்ட இயக்குனர் லட்சுமணன் மற்றும் வட்டார வளர்ச்சி அலுவலர்( கிராம ஊராட்சிகள் ) ஸ்ரீதர், லதா மற்றும் வருவாய் கோட்டாட்சியர் , அரசு துறை அலுவலர்கள் கலந்து கொண்டனர்.

இதில் ஊராட்சியின் வரவு செலவு, சுகாதாரம் ,பிளாஸ்டிக் பொருட்கள் உற்பத்தி தடை செய்தல், அனைத்து கிராம அண்ணா திட்டம் ,கலைஞர் வீடு வழங்கும் திட்டம், ஜல்ஜீவன் திட்டம், மகாத்மா காந்தி தேசிய ஊரக வேலை உறுதி அளிப்பு திட்டம், பாரத பிரதமர் வீடு வழங்கும் திட்டம், வறுமை குறைப்பு திட்டம், இளைஞர் திறன் திருவிழா, உழவர் நலத்துறை, குழந்தைகள் அவசர உதவி, வாக்காளர் பட்டியலில்ஆதார் எண் இணைத்தல், நியாய விலைக் கடைகளில் சமூக தணிக்கை ,நமக்கு நாமே திட்டம் குறித்து 32 தீர்மானங்கள் நிறைவேற்றப்பட்டன. கூட்டத்தில் ஊராட்சி மன்ற தலைவர் சண்முகசுந்தரம் தலைமை தாங்கி நடத்தினார் . ஊராட்சி மன்ற துணைத்தலைவர் மற்றும் வார்டு உறுப்பினர்கள் , பொதுமக்கள் கலந்து கொண்டனர்.