நீங்கள் தேடியது "FIFA World cup 2018"

தாய்லாந்து நாட்டில் கால்பந்து விளையாடும் 11 முதல் 16 வயதுடைய 12 சிறுவர்கள், தங்களது பயிற்சியாளருடன் குகையில் சிக்கிக் கொண்டனர். 18 நாட்கள் குகையில் தவித்த அவர்களை மீட்புப் படையினர் பத்திரமாக மீட்டனர். சிறுவர்களை மீட்ட மீட்புக் குழுவினருக்கு உலகம் முழுவதும் இருந்து பாராட்டுக்கள் குவிந்து வருகின்றன. இந்த செய்தி உலகக்கோப்பையில் விளையாடும் பிரான்ஸ் நட்சத்திர வீரரான பால் போக்பாவையும் எட்டியது.

நேற்று பெல்ஜியத்திற்கு எதிரான ஆட்டத்தில் பிரான்ஸ் 1-0 என வெற்றி பெற்று இறுதிப் போட்டிக்கு முன்னேறியது. இந்த வெற்றியை தாய்லாந்து குகையில் இருந்து மீட்கப்பட்ட சிறுவர்களுக்கு அர்பணிப்பதாக டுவிட்டரில் பதிவிட்டுள்ளார்.

போக்பா தனது டுவிட்டர் பக்கத்தில் மீட்கப்பட்ட சிறுவர்களின் படத்தை வெளியிட்டு ‘‘இன்றைய நாளில் ஹீரோக்கள் ஆன சிறுவர்களுக்கு இந்த வெற்றி செல்கிறது. வெல்டன் பாய்ஸ், நீங்கள் எப்போதும் வலிமையானவர்கள்’’ ட்வீட் செய்துள்ளார்.

This victory goes to the heroes of the day, well done boys, you are so strong 🙏🏾 #thaicaverescue#chiangraipic.twitter.com/05wysCSuVy

— Paul Pogba (@paulpogba) July 10, 2018

தாய்லாந்து நாட்டில் கால்பந்து விளையாடும் 11 முதல் 16 வயதுடைய 12 சிறுவர்கள், தங்களது பயிற்சியாளருடன் குகையில் சிக்கிக் கொண்டனர். 18 நாட்கள் குகையில் தவித்த அவர்களை மீட்புப்படையினர் பத்திரமாக மீட்டனர்.

சிறுவர்களை மீட்ட மீட்புக் குழுவினருக்கு உலகம் முழுவதும் இருந்து பாராட்டுக்கள் குவிந்து வருகின்றன. இந்த செய்தி உலகக்கோப்பையில் விளையாடும் இங்கிலாந்து கால்பந்து அணியில் இடம்பிடித்துள்ள கைல் வால்கரையும் எட்டியுள்ளது.

அவர் தனது டுவிட்டரில், அனைத்து சிறுவர்களும் பத்திரமாக மீட்கப்பட்டது மிகவும் மகிழ்ச்சியான செய்தி. நான் அவர்களுக்கு எனது ஜெர்சியை அனுப்ப விரும்புகிறேன். அங்கே, யாராவது எனக்கு அவர்களுடைய முகவரியை அனுப்பு உதவி செய்ய முடியுமா? என்று பதிவிட்டுள்ளார்.

Amazing news that all of the Thai kids are out of the cave safely! I'd like to send out shirts to them! Is there anyone who can help with an address? @Englandpic.twitter.com/pQYwW4SPh7

— Kyle Walker (@kylewalker2) July 10, 2018

உலகக்கோப்பை காலிறுதி ஆட்டத்தில் சுவீடனை 2-0 என வீழ்த்தி இங்கிலாந்து அரையிறுதிக்கு முன்னேறியுள்ளது. அரையிறுதியில் குரோசியாவை எதிர்கொள்கிறது. குரோசியாவை வீழ்த்தினால் இறுதிப் போட்டியில் பெல்ஜியம் அல்லது பிரான்ஸ் அணியை எதிர் கொள்ள வேண்டியிருக்கும். அரையிறுதிக்கு முன்னேறிய பிறகு நாங்கள் வெற்றியின் விளிம்பில் உள்ளோம் என்று இங்கிலாந்து கேப்டன் ஹாரி கேன் தெரிவித்துள்ளார்.



இதுகுறித்து ஹாரி கேன் கூறுகையில் ‘‘அரையிறுதிக்கு முன்னேறிய பிறகு, நாங்கள் மிகுந்த உற்சாகத்தில் இருக்கிறோம். இது அனேகமாக மூழ்காது. இன்னும் பெரிய போட்டி காத்திருக்கிறது என்பது எங்களுக்குத் தெரியும். ஆனால், நாங்கள் உறுதியுடன் இருக்கிறோம்’’ என்றார்.

உலகக்கோப்பை கால்பந்து திருவிழா ரஷியாவில் நடைபெற்று வருகிறது. காலிறுதி ஒன்றில் பிரேசில் - பெல்ஜியம் அணிகள் பலப்பரீட்சை நடத்தின. இதில் நெய்மர், கவுட்டினோ, மார்சிலோ, வில்லியன் போன்ற நட்சத்திர வீரர்களை கொண்ட பிரேசில் 1-2 என பெல்ஜியம் அணியிடம் தோல்வியடைந்து தொடரில் இருந்து வெளியேறியது.

பிரேசில் வீரர்கள் சோகம் நிறைந்த முகத்துடன் சொந்த நாடு திரும்பினார்கள். இந்நிலையில் பெல்ஜியத்திடம் 1-2 எனத் தோல்வியடைந்தது எனது கால்பந்து வாழ்க்கையில் மிகவம் சோகமான தருணம் என்று நெய்மர் தனது வேதனையை தெரிவித்துள்ளார்.



பெல்ஜியத்திற்கு எதிரான தோல்வி குறித்து நெய்மர் கூறுகையில் ‘‘எனது கால்பந்து வரலாற்றில் இது மிகவும் சோகமான தருணம் என்பதை என்னால் கூற முடியும். இதன் வழி மிகவும் அதிகமானது. ஏனென்றால், உலகக்கோப்பையை வென்று சாதனைப் படைக்க வாய்ப்பு இருந்தது என்பது எங்களுக்குத் தெரியும். ஆனால், இந்த முறை அந்த வாய்ப்பு அமையவில்லை’’ என்றார்.

உலகக்கோப்பை கால்பந்து திருவிழா ரஷியாவில் நடைபெற்று வருகிறது. நேற்று நடைபெற்ற கடைசி காலிறுதி ஆட்டத்தில் போட்டியை நடத்தும் ரஷியா - குரோஷியா அணிகள் பலப்பரீட்சை நடத்தின. இரண்டு அணிகளும் தலா இரண்டு கோல்கள் அடித்து சமநிலை பெற்றிருந்ததால், பெனால்டி ஷூட்அவுட் முறை கடைபிடிக்கப்பட்டது. இதில் ரஷியா 3-4 எனத் தோல்வியடைந்து உலகக்கோப்பையில் இருந்து வெளியேறியது.



இந்த தோல்வியில் இந்த அணியின் 38 வயதான டிபென்ஸ் வீரர் செர்கெய் இக்னாஷேவிச் சர்வதேச போட்டியில் இருந்து ஓய்வு பெறுவதாக தெரிவித்துள்ளார். இவர் ரஷியா அணிக்காக 127 போட்டிகளில் விளையாடி 9 கோல்கள் அடித்துள்ளார்.

உலகக்கோப்பை கால்பந்து திருவிழா ரஷியாவில் நடைபெற்று வருகிறது. இதில் பங்கேற்றுள்ள அணிகளில் ஒன்று சுவீடன். இந்த அணி அங்கீகாரம் பெறாத நிறுவனம் தயாரிக்கும் விளையாட்டு உபகரணங்களை விளம்பரம் படுத்தக்கூடாது என்று தெரிவித்திருந்தது.

ஆனால் சுவீடன் காலிறுதிக்கு முந்தைய சுற்றில் சுவிட்சர்லாந்து அணியை எதிர்கொண்டது. அப்போது இதுபோன்ற விளம்பரங்களை வெளியிட்டுள்ளது. இதனால் சுவீடன் மீடியா மற்றும் மார்கெட்டிங் விதிமுறையை மீறியதாக சுவீடன் கால்பந்து பெடரேசனுக்கு 71 ஆயிரம் அமெரிக்க டாலர்கள் அபராதம் விதித்துள்ளது பிபா.



இதை சுவீடன் கால்பந்து பெடரேசன் உறுதி செய்துள்ளது. பிபா இதை ஏற்றுக் கொள்ளாத நிலையில், நாங்கள் மாற்று நடவடிக்கை எடுக்க முயற்சி செய்து வருகிறோம் என்று தெரிவித்துள்ளது.