நீங்கள் தேடியது "கண்டன பேரணி"

திருவனந்தபுரம்:

சபரிமலை ஐயப்பன் கோவிலுக்கு அனைத்து வயது பெண்களும் செல்லலாம் என்று சுப்ரீம் கோர்ட்டு உத்தரவிட்ட பிறகு, மாதாந்திர பூஜைக்காக கடந்த வாரம் ஐயப்பன் கோவில் நடை திறக்கப்பட்டது.

10 முதல் 50 வயதுக்கு உட்பட்ட பெண்களை அனுமதிப்பதை எதிர்த்து பக்தர்கள் கோவில் வளாகத்தில் போராட்டம் நடத்தினர். அவர்களின் கடும் எதிர்ப்பால், 10-க்கும் மேற்பட்ட பெண்கள் திருப்பி அனுப்பப்பட்டனர்.

இந்த போராட்டம், வன்முறை தொடர்பாக ஏற்கனவே 440 வழக்குகளை போலீசார் பதிவு செய்திருந்தனர். அவர்களில் 210 பேருக்கு எதிராக ‘லுக்அவுட்’ நோட்டீஸ் வெளியிட்டனர். 210 பேரின் புகைப்படங்களையும் நேற்று முன்தினம் வெளியிட்டனர்.

அந்த படங்களை எல்லா மாவட்ட போலீஸ் சூப்பிரண்டுகளுக்கும் அனுப்பி வைத்தனர். சம்பந்தப்பட்ட பக்தர்களை அடையாளம் கண்டறிந்து கைது செய்யுமாறு உத்தரவிட்டனர்.

அதன்படி, 210 பக்தர்களும் நேற்று கைது செய்யப்பட்டனர். இவர்களில் எர்ணாகுளம் மாவட்டத்தில் 71 பேர், கோழிக்கோடு மாவட்டத்தில் 40 பேர், பாலக்காடு, பத்தனம்திட்டா மாவட்டங்களில் தலா 30 பேர் ஆகியோர் அடங்குவர்.

இதுபோல், மாதாந்திர பூஜைக்காக கோவில் நடை திறந்து இருந்தபோது, மாநிலம் முழுவதும் பல்வேறு இடங்களில் போராட்டம் நடத்தி, வன்முறையில் ஈடுபட்ட ஆயிரத்துக்கும் மேற்பட்டோர் கடந்த 2 நாட்களில் கைது செய்யப்பட்டனர். இவர்கள் ஐயப்ப பக்தர்கள் மற்றும் சங்பரிவார் அமைப்புகளை சேர்ந்தவர்கள் ஆவர்.


போலீசாரின் இந்த செயலுக்கு பா.ஜனதா கடும் எதிர்ப்பு தெரிவித்துள்ளது. இதுகுறித்து கேரள மாநில பா.ஜனதா தலைவர் ஸ்ரீதரன் பிள்ளை கூறியதாவது:-

கடவுள் நம்பிக்கை இல்லாதவர்களால் நடத்தப்படும் இந்த அரசு, ஐயப்பன் கோவிலின் புனிதத்தை கெடுக்க பார்க்கிறது. இவ்வளவு பேரை மொத்தமாக கைது செய்திருப்பது கண்டிக்கத்தக்கது. உலகின் 2-வது மிகப்பெரிய ஆன்மிக தலத்தை அழிக்க முயற்சி நடக்கிறது. கோவிலை காக்க மாபெரும் இயக்கத்தை தொடங்குவோம்.

மாநிலம் முழுவதும் 26-ந் தேதி (இன்று) கண்டன பேரணி நடத்தப்படும். தமிழ்நாடு, கர்நாடகா, ஆந்திரா என அண்டை மாநிலங்களுக்கும் போராட்டத்தை விரிவுபடுத்துவோம். கோர்ட்டையும் அணுகுவோம்.

இவ்வாறு அவர் கூறினார்.

பெண்களை தடுத்த பக்தர்கள் புகைப்படங்களை போலீசார் வெளியிட்டபோது, பக்தர்களுக்கு இடையே இப்ராகிம் குட்டி என்ற போலீஸ் டிரைவர் சாதாரண சீருடையில் நிற்கும் புகைப்படமும் இருந்தது.

இதன்மூலம், பக்தர்கள் போர்வையில் போலீசாரே வன்முறையை தூண்டி விட்டதாக பா.ஜனதா பொதுச்செயலாளர் ரமேஷும், பக்தர்களும் குற்றம் சாட்டினர். இதையடுத்து, அந்த புகைப்படத்தை மட்டும் போலீசார் வாபஸ் பெற்றனர்.

இதற்கிடையே, மண்டல-மகரவிளக்கு சீசனுக்காக நவம்பர் 17-ந் தேதி ஐயப்பன் கோவில் நடை திறக்கப்படுகிறது. 3 மாத காலம் நடை திறந்து இருக்கும். அப்போது, போராட்டத்தை ஒடுக்க 5 ஆயிரம் போலீசார் கூடுதலாக குவிக்கப்பட உள்ளனர். அதிக அளவில் கண்காணிப்பு கேமராக்களும் பொருத்தப்பட உள்ளன. #SabarimalaTemple #BJP

சங்கரன்கோவில்:

வணிகர் சங்கங்களின் பேரமைப்பு தலைவர் விக்கிரமராஜா சங்கரன் கோவிலில் நிருபர்களுக்கு அளித்த பேட்டியில் கூறியதாவது:-

தமிழகம் முழுவதும் ஏராளமான கோவில்களில் வியாபாரிகள் கடைகள் நடத்தி வருகின்றனர். அவர்களின் வாழ்வாதாரம் பாதிக்காத வகையில் மாற்று இடம் வழங்க அரசு நடவடிக்கை எடுக்க வேண்டும். சிறு, குறு வியாபாரிகளை பாதிக்கும் வால்மார்ட் நிறுவனத்தை அனுமதிக்கக்கூடாது.

கடந்த 2012-ம் ஆண்டு சென்னையில் வால்மார்ட் நிறுவனம் தனது கிளையை திறக்க முயற்சி செய்தது. அப்போது வணிகர் சங்கங்களின் சார்பில் முற்றுகை போராட்டம் நடத்தப்பட்டது. எங்கள் கோரிக்கைக்கு ஆதரவு அளிக்கும் விதமாக அன்றைய முதல்அமைச்சர் ஜெயலலிதா வால்மார்ட் நிறுவனத்திற்கு தடை விதித்து, அந்த கட்டிடத்திற்கு சீல் வைத்தார்.

தற்போது வேறு பெயரில் பல்லாயிரம் கோடி ரூபாய் முதலீட்டில் இந்தியாவில் கால் ஊன்ற வால்மார்ட் நிறுவனம் முயற்சி செய்து கொண்டிருக்கிறது. இதனை கண்டித்து டெல்லியில் அடுத்த மாதம் (ஜூலை) 24ந்தேதி பெரிய அளவில் கண்டன பேரணி நடத்த உள்ளோம். ஜி.எஸ்.டி.யால் சிறு, குறு வியாபாரிகள் பாதிக்கப்பட்டுள்ளனர். இதனை நீக்க மத்திய அரசு நடவடிக்கை எடுக்க வேண்டும்.

சங்கரன்கோவில் நகரில் பாரம்பரிய திருவிழா ஆடித்தவசு திருவிழாவாகும். திருவிழா காலங்களில் இரவில் கூடுதல் நேரம் வியாபாரிகள் கடைகள் நடத்த அனுமதி கொடுக்க வேண்டும். அதேபோல் தமிழகம் முழுவதும் குறிப்பிட்ட நேரங்களில் கடைகளை அடைக்க வியாபாரிகளை கட்டாயப்படுத்தக் கூடாது. தொடர்ந்து வியாபாரிகள் பாதிக்கப்படும் நிலை ஏற்பட்டால் காவல்துறையின் நடவடிக்கைகளை கண்டித்து போராட்டம் நடத்தப்படும்.

இவ்வாறு அவர் கூறினார். #tamilnews