நீங்கள் தேடியது "banana"

அவிநாசி,

திருப்பூர், கோவை மாவட்டத்துக்கு உட்பட்டு அவிநாசி, சேவூர், அன்னூர், சிறுமுகை, சத்தியமங்கலம் உட்பட பல இடங்களில் 20 ஆயிரம் ஏக்கருக்கும் அதிகமான பரப்பில், வாழை சாகுபடியில் விவசாயிகள் ஈடுபட்டு வருகின்றனர்.

அறுவடை செய்யப்படும் நேந்திரன் வாழைக்காய், கேரளாவுக்கு, சிப்ஸ் தயாரிக்க பெருமளவில் அனுப்பி வைக்கப்படுகிறது. மும்பை உள்ளிட்ட இடங்களுக்கும் நேந்திரன் வாழை அனுப்பி வைக்கப்படுகிறது.கடந்த3 ஆண்டாக கொரோனா பாதிப்பால் நேந்திரன் வாழை வர்த்தகம் பாதித்தது. ஆனால் இந்தாண்டு, கிராக்கி அதிகரித்திருக்கிறது. விவசாயிகளிடம் இருந்து கிலோ 60 ரூபாய்க்கு நேந்திரன் வாழை கொள்முதல் செய்யப்படுகிறது.விவசாயிகள் கூறுகையில், கடந்த ஓரிரு ஆண்டாக விலையில்லாததால் வாழை விவசாயிகள் பெரும் பாதிப்பை சந்தித்தனர். இந்தாண்டு நல்ல விலை கிடைத்து வருகிறது என்றனர்.

தேவதானப்பட்டி:

நாகை அருகே மையம் கொண்ட கஜா புயல் தேனி மாவட்டத்தையும் விட்டு வைக்கவில்லை. சுருட்டி வீசிய சூறாவளியால் விளை நிலங்கள் நாசமானது. தேவதானபட்டி மற்றும் அதனை சுற்றி உள்ள பகுதியில் கரும்பு மற்றும் வாழைகள் அதிகளவில் பயிரிடப்பட்டது.

கஜா புயலால் வராகநதியில் திடீர் வெள்ளப்பெருக்கு ஏற்பட்டது. இதன் காரணமாக ஜெயமங்கலம், குள்ளப்புரம், மேல்மங்கலம், வடுகபட்டி பகுதியில் கரையோர இருந்து விளை நிலங்களுக்குள் தண்ணீர் புகுந்தது. இதில் நெற்பயிர்கள் சேதமானது.

மஞ்சளாறு அணை அருகே சட்டமாவு, காமாட்சி அம்மன் கோவில் மற்றும் பாசன பகுதியில் 800 ஏக்கரில் வாழை- செங்கரும்பு பயிரிடப்பட்டு இருந்தது. இதில் கரும்பு பொங்கல் அறுவடைக்கு தயார் நிலையில் இருந்தது.

கொடைக்கானல் மலை பகுதியில் ஒரே நாளில் கொட்டி தீர்த்த மழையால் மஞ்சளாறு அணை நிரம்பி உபரி நீர் திறக்கப்பட்டது. எனவே மஞ்சளாற்றில் வெள்ளப்பெருக்கு ஏற்பட்டது. இந்த தண்ணீர் கரும்பு, வாழை தோட்டங்களுக்குள் புகுந்தது. இதனால் 800 ஏக்கர் நாசமானதால் விவசாயிகள் கண்ணீர் வடித்தனர்.

வறட்சியால் பாதிக்கபட்ட விவசாயிகள் இந்த ஆண்டு ஓரளவு விளைச்சல் வரும் என்று எதிர்பார்த்து இருந்தனர். ஆனால் அவை அனைத்தும் நாசமானதால் விவசாயிகள் என்ன செய்வது என தவித்தபடி உள்ளனர்.  #sugarcanedamage  #gajastorm #rain

பூதலூர்:

திருக்காட்டுப்பள்ளி காவிரிக்கரையோரம் அமைந்துள்ள கிராமங்களில் விளையும் வாழைத்தார்கள் திருக்காட்டுப்பள்ளி மார்க்கெட்டுக்கு கொண்டு வந்து ஏலத்தில் விடுவார்கள். இதற்காக திருக்காட்டுப் பள்ளி மார்க்கெட் பகுதியில் ஏலக்கடைகள் உள்ளன.

இங்கு வாழைத்தார் மட்டும் அல்லாமல் தேங்காய், மாங்காய், இலை, காய்கறிகள் என் விவசாயிகள் விளைவிக்கும் பொருட்கள் ஏலத்தில் விடப்படும். இங்கு வாழைத்தார்களை இயற்கை முறையில் பழுக்க வைக்க இரண்டு அறைகள் உள்ளன. இந்த அறைகளில் வாழைத்தார்களை அடுக்கி வாழைச்சருகுகளை போட்டு மூடினால் புகை மூட்டத்தில் காய்கள் பழுத்துவிடும்.

இயற்கையாக பழுக்க வைக்கும் இரண்டு அறைகளும் மேற்கூரை இடிந்து போய் உள்ளது. தினமும் ஏலத்தில் எடுக்கும் வாழைத்தார்களை பழுக்க வைக்க முடியாமல் வியாபாரிகள் வேதனை அடைந்துள்ளனர். இதனால் வியாபாரிகள் வாழைத்தார்களை பழுக்க வைக்க வேறு வழிகளை கையாள வேண்டிய நிலைக்கு தள்ளப்பட்டுள்ளனர். எனவே பண்டிகை நாட்களுக் குள்ளாக திருக்காட்டுப்பள்ளி மார்க்கெட் பகுதியில் உள்ள வாழைத்தார்களை பழுக்க வைக்கும் குடோனை சீர் செய்து தர வேண்டும் என்று கோரிக்கை விடுத்துள்ளனர். #Tamilnews