நீங்கள் தேடியது "ஒலா எலெக்ட்ரிக்"

ஒலா எலெக்ட்ரிக் நிறுவனம் புதிதாக எண்ட்ரி லெவல் எலெக்ட்ரிக் ஸ்கூட்டர்களை இந்திய சந்தையில் அறிமுகம் செய்து இருக்கிறது. கடந்த ஆண்டு அக்டோபர் மாத வாக்கில் முதல் S1 ஏர் மாடல் அறிமுகம் செய்யப்பட்டதை அடுத்து தற்போது புதிய ஒலா S1 ஏர் மாடல்கள் அறிமுகம் செய்யப்பட்டு இருக்கின்றன. தற்போதைய அறிவிப்பின் படி 2.5 கிலோவாட் ஹவர் பேட்டரி மாடல் நீக்கப்பட்டு, 3 கிலோவாட் ஹவர் பேட்டரி மாடல் அதே விலையில் அறிமுகம் செய்யப்பட்டு இருக்கிறது.

இதோடு சற்றே குறைந்த விலையில் 2 கிலோவாட் ஹவர் பேட்டரி கொண்ட மாடல் மற்றும் 4 கிலோவாட் ஹவர் பேட்டரி கொண்ட மாடல்கள் அறிமுகம் செய்யப்பட்டுள்ளன. இதில் எண்ட்ரி லெவல் மாடல் 85 கிமீ ரேன்ஜ், புதிய 3 கிலோவாட் ஹவர் பேட்டரி மாடல் 125 கிமீ ரேன்ஜ் மற்றும் டாப் எண்ட் மாடல் 165 கிமீ ரேன்ஜ் வழங்கும் திறன் கொண்டுள்ளன. இவை அனைத்திலும் 4.5 கிவோவாட் பீக் பவர் வெளிப்படுத்தும் மோட்டார் உள்ளது.

இத்துடன் இந்த மாடல்களின் எடை 99 கிலோ, 103 கிலோ மற்றும் 107 கிலோ என ஒவ்வொரு மாடலும் வேறுப்படுகிறது. இவை ஒலா S1 ப்ரோ மாடலை விட 25 கிலோ வரை குறைந்த எடை கொண்டிருக்கின்றன. இவற்றில் 34 லிட்டர் அண்டர் சீட் ஸ்டோரேஜ், 7.0 இன்ச் டிஎப்டி டச் ஸ்கிரீன் டிஸ்ப்ளே, ஆக்டா கோர் பிராசஸர், 3 ஜிபி ரேம் வழங்கப்பட்டு இருக்கிறது.

இத்துடன் 4ஜி, வைபை, ப்ளூடூத் சப்போர்ட், மூவ் ஒஎஸ் 3 மூலம் ஏராளமான அம்சங்கள் உள்ளன. இத்துடன் முன்புறம் டெலிஸ்கோபிக் ஃபோர்க், பின்புறம் டுவின் சஸ்பென்ஷன் வழங்கப்பட்டு இருக்கிறது. எனினும், இவற்றில் டிஸ்க் பிரேக்கிற்கு மாற்றாக டிரம் பிரேக்குகளே வழங்கப்பட்டுள்ளன.

விலை மற்றும் விற்பனை விவரம்:

ஒலா S1 ஏர் மாடல் நியோ மிண்ட், ஜெட் பிளாக், கோலர் கிலாம், போர்சிலெயின் வைட் மற்றும் லிக்விட் சில்வர் நிறங்களில் கிடைக்கிறது. புதிய ஒலா S1 ஏர் 2 கிலோவாட் ஹவர் மாடலின் விலை ரூ. 84 ஆயிரத்து 999 என்றும் 3 கிலோவாட் ஹவர் மாடலின் விலை ரூ. 99 ஆயிரத்து 999 என்றும் 4 கிலோவாட் ஹவர் மாடல் ரூ. 1 லட்சத்து 09 ஆயிரத்து 999 என்றும் நிர்ணயம் செய்யப்பட்டு உள்ளது.

புதிய மாடல்களுக்கான முன்பதிவு ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 999 ஆகும். இவற்றின் விற்பனை விரைவில் துவங்க உள்ளன. வினியோகம் இந்த ஆண்டு ஜூலை மாத வாக்கில் துவங்க இருக்கிறது. மாடல்களில் மாற்றங்கள் மேற்கொள்ளப்பட்டு இருப்பதால் வினியோகத்தில் மூன்று மாதங்கள் தாமதம் ஏற்பட்டு இருக்கிறது.

ஒலா எலெக்ட்ரிக் நிறுவனம் பல்வேறு புது மைல்கல்களை இந்த ஆண்டு எட்டியது. முன்னதாக ஒலா S1 ஏர் பெயரில் புது எலெக்ட்ரிக் ஸ்கூட்டர் மற்றும் மூவ் ஒஎஸ் 2 அப்டேட்டை ஒலா எலெக்ட்ரிக் வெளியிட்டது. இதுதவிர இந்திய விற்பனையில் சுமார் 1 லட்சத்து 50 ஆயிரத்திற்கும் அதிக எலெக்ட்ரிக் ஸ்கூட்டர்களை விற்பனை செய்து இருக்கிறது. சமீபத்தில் மூவ் ஒஎஸ் 3 அப்டேட்டை ஒலா எலெக்ட்ரிக் தற்போது வெளியிட்டு வருகிறது.

இந்த ஆண்டு இறுதிக்கு வந்துவிட்ட நிலையில், ஒலா எலெக்ட்ரிக் நிறுவனத்தின் தலைமை செயல் அதிகாரி பாவிஷ் அகர்வால் 2023 ஆண்டுக்கான ஒலா எலெக்ட்ரிக் நிறுவன திட்டங்கள் பற்றி தெரிவித்து இருக்கிறார். இது குறித்த பதிவில், புது எலெக்ட்ரிக் வாகனங்களை 2023 ஆண்டில் வெளியிட திட்டமிட்டுள்ளதாக பாவிஷ் அகர்வால் தெரிவித்துள்ளார். மாஸ் மார்கெட் ஸ்கூட்டர், மோட்டார்சைக்கிள் மற்றும் பிரீமியம் எலெக்ட்ரிக் மோட்டார்சைக்கிள் உள்ளிட்டவைகளை 2023 வாக்கில் அறிமுகம் செய்ய ஒலா எலெக்ட்ரிக் திட்டமிட்டுள்ளது.

"இருசக்கர வாகன உற்பத்தி சீராக நடைபெற்று வருவது, மிக முக்கிய எலெக்ட்ரிக் வாகன தொழில்நுட்பங்கள், மென்பொருள், எலெக்டிரானிக்ஸ், பேட்டரி மற்றும் பவர்டிரெயின் உள்ளிட்ட பிரிவுகளில் அதிக போட்டியை ஏற்படுத்தும் வாய்ப்பை கொடுக்கும். இதன் மூலம் உலக தரம் மிக்க நான்கு சக்கர வாகனங்களை மிகவும் போட்டியை ஏற்படுத்தும் விலை பிரிவில் அறிமுகம் செய்ய வழி வகுக்கும்," என பாவிஷ் அகர்வால் தெரிவித்தார்.

இதுதவிர புது எலெக்ட்ரிக் வாகனங்களின் வெளியீட்டு காலம் பற்றியும் ஒலா எலெக்ட்ரிக் நிறுவன தலைமை செயல் அதிகாரி தெரிவித்து இருக்கிறார். அதில் ஒலா எலெக்ட்ரிக் நிறுவனத்தின் முதல் எலெக்ட்ரிக் கார் 2024 வாக்கில் அறிமுகம் செய்ய இருக்கிறது. 2027 இறுதியில் ஆறு வெவ்வேறு வாகனங்களை சந்தையில் அறிமுகம் செய்திருக்க ஒலா எலெக்ட்ரிக் திட்டமிட்டுள்ளது. புது வாகனங்கள் மட்டுமின்றி, ஒலா எலெக்ட்ரிக் உருவாக்கி வரும் எலெக்ட்ரிக் வாகன உள்கட்டமைப்புகள் பற்றியும் தெரிவித்துள்ளார்.

ஒலா எலெக்ட்ரிக் நிறுவனம் தனது S1 சீரிஸ் ஸ்கூட்டர்களுக்கு தொடர்ச்சியாக அப்டேட் வழங்கி வருகிறது. மென்பொருள் அப்டேட்களின் மூலம் ஸ்கூட்டர்களின் செயல்திறன், ரேன்ஜ் உள்ளிட்டவைகளை மேம்படுத்துவதோடு புது அம்சங்கள் வழங்கப்பட்டு வருகிறது. அந்த வரிசையில் ஒலா எலெக்ட்ரிக் வெளியிட்டு இருக்கும் புது அப்டேட் மூவ் ஒஎஸ் 3 ஆகும். இந்த அப்டேட் தீபாவளி சமயத்தில் வெளியாக இருந்த நிலையில், திடீரென வெளியீடு தாமதமானது.

முன்னதாக மூவ் ஒஎஸ் 2.0 வெளியீடும் பலமுறை தாமதமானது. புதிய மூவ் ஒஎஸ் 3 ஒலா S1, S1 ஏர் மற்றும் S1 ப்ரோ என மூன்று எலெக்ட்ரிக் ஸ்கூட்டர்களுக்கும் வழங்கப்பட்டு வருகிறது. ஸ்கூட்டர்கள் வரிசையில் எலெக்ட்ரிக் மோட்டார்சைக்கிள் மற்றும் கார் உள்ளிட்டவைகளையும் அறிமுகம் செய்ய ஒலா எலெக்ட்ரிக் திட்டமிட்டுள்ளது. புதிய மூவ் ஒஎஸ் 3 ஸ்கூட்டர்களுக்கு 50 புது அம்சங்களை வழங்கி இருக்கிறது.

இதில் ஹில் ஹோல்டு, மூட்ஸ், ரிஜென் வி2, பிராக்சிமிட்டி லாக், கீ ஷேரிங், காலிங், ஹைப்பர் சார்ஜிங் உள்ளிட்டவை ஒலா எலெக்ட்ரிக் ஏற்கனவே அறிவித்து தற்போது வழங்கி இருப்பவை ஆகும். புது அம்சங்கள் மட்டுமின்றி இந்த அப்டேட் ஸ்கூட்டரின் செயல்திறன் மற்றும் ரேன்ஜ் உள்ளிட்டவைகளை மேம்படுத்தி இருப்பதாக ஒலா எலெக்ட்ரிக் தெரிவித்து இருக்கிறது. இந்த அப்டேட் ஆக 4.5 நொடிகள் ஆகும்.

புது அப்டேட்டை தொடர்ந்து ஒலா ஸ்கூட்டர்களை 15 நிமிடங்கள் சார்ஜ் செய்தால் அதிகபட்சம் 50 கிலோமீட்டர்கள் வரை பயணிக்க முடியும். இதோடு ஸ்கூட்டரின் ஒட்டுமொத்த ரேன்ஜ் இரண்டில் இருந்து அதிகபட்சம் ஐந்து சதவீதம் வரை சிறப்பாக அதிகரித்து இருக்கிறது. இவை தவிர இந்த அப்டேட் ஸ்கூட்டரில் ஏராளமான அம்சங்களை வழங்கி இருக்கிறது.

ஒலா எலெக்ட்ரிக் நிறுவனம் தனது எலெக்ட்ரிக் ஸ்கூட்டர் மாடலுக்கு அசத்தல் சலுகைகளை அறிவித்து இருக்கிறது. ஒலா S1 ப்ரோ ஸ்கூட்டரை வாங்குவோருக்கு ஏற்கனவே வழங்கப்படும் ரூ. 10 ஆயிரம் தள்ளுபடியுடன் சேர்த்து, கூடுதலாக ரூ. 4 ஆயிரம் கேஷ்பேக் வழங்கப்படுகிறது. இதே போன்று ஒலா S1 மாடலுக்கு ரூ. 2 ஆயிரம் கேஷ்பேக் அறிவிக்கப்பட்டு இருக்கிறது.

இந்த சலுகைகளில் ரூ. 10 ஆயிரம் தள்ளுபடி டிசம்பர் 31 ஆம் தேதி வரை வழங்கப்படும் நிலையில், கேஷ்பேக் சலுகை டிசம்பர் 18 ஆம் தேதி காலை 9 மணி முதல் இரவு 9 மணி வரை வழங்கப்படுகிறது. இதன் மூலம் ஒலா S1 ப்ரோ ஸ்கூட்டரின் விலை ரூ. 1 லட்சத்து 25 ஆயிரத்தில் இருந்து ரூ. 97 ஆயிரத்து 999 என மாறி விடும், அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இவை தவிர இந்த எலெக்ட்ரிக் ஸ்கூட்டரை வாங்கும் போது மிக குறைந்த மாத தவணை முறை வசதி, முன்பணம் இன்றி வாங்கும் முறை, குறைக்கப்பட்ட வட்டி, தேர்வு செய்யப்பட்ட கிரெடிட் கார்டு மாத தவணைகளில் தள்ளுபடி, பிராசஸிங் கட்டணத்தில் முழு தள்ளுபடி வழங்கப்படுகிறது.

சலுகைகள் மட்டுமின்றி ஒலா எலெக்ட்ரிக் நிறுவனம் விரைவில் மூவ் ஒஎஸ் 3 அப்டேட்டை தனது வாடிக்கையாளர்களுக்கு விரைவில் வழங்க இருக்கிறது. தற்போது இந்த ஒஎஸ் பீட்டா முறையில் வழங்கப்பட்டு வரும் நிலையில், இறுதி வெர்ஷன் OTA முறையில் வழங்கப்பட இருக்கிறது. புதிய மூவ் ஒஎஸ் 3.0 ஸ்கூட்டரை ஓட்டும் போது சவுண்ட்-டிராக், ஹில் ஹோல்டு, ரிஜெனரேடிவ் பிரேக்கிங் மற்றும் சில அம்சங்களை ஸ்கூட்டர்களில் வழங்க இருக்கிறது.

ஒலா எலெக்ட்ரிக் நிறுவனம் தனது S1 ப்ரோ எலெக்ட்ரிக் ஸ்கூட்டருக்கு அறிவித்து இருந்த ரூ. 10 ஆயிரம் தள்ளுபடி சலுகையை நீட்டித்து இருக்கிறது. அந்த வகையில் ரூ. 10 ஆயிரம் தள்ளுபடி இந்த ஆண்டு இறுதிவரை வழங்கப்படுகிறது. முன்னதாக இந்த சலுகை பண்டிகை காலத்தை ஒட்டி அறிவிக்கப்பட்டு இருந்தது. எனினும், தற்போது இந்த சலுகையின் வேலிடிட்டியை டிசம்பர் 31, 2023 வரை நீட்டித்து இருக்கிறது.

இந்த சலுகையின் மூலம் ஒலா S1 ப்ரோ ஸ்கூட்டரை வாடிக்கையாளர்கள் ரூ. 10 ஆயிரம் குறைந்த விலை, அதாவது ரூ. 1 லட்சத்து 29 ஆயிரத்து 999-க்கு வாங்கிட முடியும். சலுகையின்றி இந்த ஸ்கூட்டர் ரூ. 1 லட்சத்து 39 ஆயிரம் விலையில் விற்பனை செய்யப்பட்டு வந்தது. இந்த சலுகை ஒலா S1 ப்ரோ மாடலுக்கு மட்டுமே வழங்கப்படுகிறது.

தள்ளுபடி மட்டுமின்றி மிக குறைந்த மாத தவணை முறை வசதி, முன்பணம் இன்றி வாங்கும் வசதி, குறைக்கப்பட்ட வட்டி, இதர கட்டணங்கள் முழுமையாக ரத்து, தேர்வு செய்யப்பட்ட வங்கி கிரெடிட் கார்டுகலுக்கு கூடுதல் தள்ளுபடி என ஏராளமான சலுகைகள் வழங்கப்படுகிறது.

சலுகை தவிர ஒலா எலெக்ட்ரிக் நிறுவனம் இந்திய சந்தையில் 11 நகரங்களில் புதிதாக 14 எக்ஸ்பீரின்ஸ் செண்டர்களை துவங்கி இருக்கிறது. இவற்றில் மூன்று பெங்களூரு நகரிலும், பூனேவில் இரண்டு மற்றும் ஆமதாபாத், போபால், டேராடூன், டெல்லி, ஐதராபாத், கோடா, நாக்பூர், ராஞ்சி மற்றும் வதோதரா போன்ற பகுதிகளில் ஒன்று என்ற வீதத்தில் எக்ஸ்பீரியன்ஸ் செண்டர்கள் திறக்கப்பட்டுள்ளன.

ஒலா எலெக்ட்ரிக் நிறுவனம் நாட்டின் 11 நகரங்களில் 14 புதிய எக்ஸ்பீரியன்ஸ் செண்டர்களை திறந்துள்ளதாக அறிவித்து இருக்கிறது. இவை வாடிக்கையாளர்களுடன் நேரடி தொடர்பை ஏற்படுத்தும் வகையில் செயல்பட உள்ளன. பெங்களூருவில் மூன்று, பூனேவில் இரண்டு, ஆமதாபாத், டேராடூன், டெல்லி, ஐதராபாத், கோடா, போபால், நாக்பூர், ராஞ்சி மற்றும் வதோதரா போன்ற நகரங்களில் ஒன்று என்ற கணக்கில் புது எக்ஸ்பீரியன்ஸ் செண்டர்கள் திறக்கப்பட்டுள்ளன.

புதிய எக்ஸ்பீரியன்ஸ் செண்டர்களை சேர்க்கும் பட்சத்தில் தற்போது ஒலா எலெக்ட்ரிக் நிறுவனம் நாடு முழுக்க 50 எக்ஸ்பீரியன்ஸ் செண்டர்களை இயக்கி வருகிறது. மேலும் இந்த ஆண்டு இறுதிக்குள் இந்த எண்ணிக்கையை 200-ஆக அதிகப்படுத்த ஒலா எலெக்ட்ரிக் திட்டமிட்டுள்ளது.

இந்த செண்டர்களின் மூலம் எலெக்ட்ரிக் வாகன ஆர்வலர்கள் எலெக்ட்ரிக் வாகன தொழில்நுட்பத்தை அனுபவிக்க செய்கின்றன. மேலும் இங்கு சென்று ஒலா S1 மற்றும் S1 ப்ரோ எலெக்ட்ரிக் ஸ்கூட்டர்களை டெஸ்ட் ரைடு செய்யலாம்.

"ஒலா எக்ஸ்பீரியன்ஸ் செண்டர்கள் எலெக்ட்ரிக் வாகன ப்ரியர்களுக்கு எங்களின் வாகனங்களை தொட்டு பார்த்து அனுபவித்தல், சந்தேகங்களை பூர்த்தி செய்து கொள்வது, வாகனம் வாங்குவதற்கு முன்பும், பின்பும் எழும் சந்தேகங்களை பூர்த்தி செய்து கொள்வது என எல்லாவற்றுக்கும் ஏற்ற தளமாக விளங்குகின்றன," என்று ஒலா எலெக்ட்ரிக் நிறுவன மூத்த விளம்பர பிரிவு அலுவலர் அன்ஷுல் கந்தெல்வால் தெரிவித்தார்.

"நாட்டில் ஆஃப்லைன் பிரிவில் எங்களின் கால்தடத்தை வேகமாக விரிவுப்படுத்தும் பணிகளில் ஈடுபட்டு வருகிறோம். இந்த ஆண்டு இறுதிக்குள் நாடு முழுக்க 200 எக்ஸ்பீரியன்ஸ் செண்டர்களை திறக்க திட்டமிட்டு இருக்கிறோம்," என்று அவர் மேலும் தெரிவித்தார்.

ஒலா எலெக்ட்ரிக் நிறுவனம் இந்தியாவில் அறிமுகம் செய்ய புது எலெக்ட்ரிக் பைக்கை உருவாக்கி வருவதாக தெரிகிறது. புதிய ஒலா எலெக்ட்ரிக் பைக் அல்ட்ராவைலட் F77 மாடலுக்கு போட்டியாக அமையும் என கூறப்படுகிறது. ஒலா எலெக்ட்ரிக் நிறுவன தலைமை செயல் அதிகாரி பாவிஷ் அகர்வால் ஸ்போர்ட் ரைடிங் ஸ்டைல் கொண்ட எலெக்ட்ரிக் பைக்-ஐ அறிமுகம் செய்ய திட்டமிட்டு இருப்பதாக ஏற்கனவே அறிவித்து இருந்தார்.

இதன் தொடர்ச்சியாக பாவிஷ் அகர்வால் தனது ட்விட்டரில் பொது மக்களிடம் எந்த மாதிரியான பைக் ஸ்டைல் உங்களுக்கு பிடிக்கும் என்ற கேள்வி அடங்கிய கருத்துக் கணிப்பு முடிவுகளை வெளியிட்டு இருக்கிறார். அதில் 47.1 சதவீதம் பேர் ஸ்போர்ட்ஸ் மாடலை விரும்புவதாக தெரிவித்துள்ளனர். மீதமுள்ள 27.7 சதவீதம் பேர் குரூயிசர் மாடலையும், 15.1 சதவீதம் பேர் அட்வென்ச்சர் மாடலையும், 10.1 சதவீதம் பேர் கஃபே ரேசர் மாடலை விரும்புவதாக பதில் அளித்துள்ளனர்.

சமீபத்தில் தான் ஒலா எலெக்ட்ரிக் நிறுவனம் இந்திய சந்தையில் தனது குறைந்த விலை எலெக்ட்ரிக் ஸ்கூட்டரை அறிமுகம் செய்தது. ஒலா S1 ஏர் பெயரில் அறிமுகமான புது ஸ்கூட்டர் கடந்த மாதம் அறிமுகம் செய்யப்பட்டது குறிப்பிடத்தக்கது. திடீரென ஒலா எலெக்ட்ரிக் சிஇஒ எலெக்ட்ரிக் பைக் பற்றிய கருத்துக் கணிப்பு முடிவுகளை வெளியிட்டு இருப்பது, வாடிக்கையாளர்கள் மத்தியில் எதிர்பார்ப்பை ஏற்படுத்தி இருக்கிறது.

மேலும் ஒலா எலெக்ட்ரிக் நிறுவனம் அல்ட்ராவைலட் F77 எலெக்ட்ரிக் ஸ்போர்ட்-பைக் மாடலுக்கு போட்டியாக புது எலெக்ட்ரிக் ஸ்போர்ட்-பைக்கை அறிமுகம் செய்யலாம் என்றும் கூறப்படுகிறது. முன்னதாக ஒலா எலெக்ட்ரிக் தலைமை செயல் அதிகாரி எலெக்ட்ரிக் மோட்டார்சைக்கிள் பிரிவில் களமிறங்க விருப்பம் தெரிவித்து இருந்ததும் குறிப்பிடத்தக்கது.

இந்திய எலெக்ட்ரிக் வாகன சந்தையில் களமிறங்கியதில் இருந்து ஏராளமான சர்ச்சைகளில் ஒலா எலெக்ட்ரிகி நிறுவனம் சிக்கித் தவிக்கிறது. வாகன முன்பதிவில் துவங்கி, வாகனங்களில் தீப்பிடித்து எரிந்த சம்பவங்கள் என ஒலா எலெக்ட்ரிக் நிறுவனத்தை சுற்றி பரபரப்பு தகவல்கள் அடிக்கடி வெளியாகி வருகின்றன.

அந்த வரிசையில், ஒலா எலெக்ட்ரிக் நிறுவனம் மற்றொரு சர்ச்சையில் சிக்கி இருக்கிறது. இம்முறை நடந்த பிரச்சினையில் நாடு முழுக்க சுமார் ஆயிரத்திற்கும் மேற்பட்டோர் பாதிக்கப்பட்டுள்ளனர். இது குறித்து விசாரணை நடத்தி வந்த டெல்லி சைபர் செல் பிரிவு அதிகாரிகள் மோசடியில் ஈடுபட்ட கும்பலை கைது செய்துள்ளனர். இந்த கும்பல் நாடு முழுக்க மக்களிடம் இருந்து கோடிக்கணக்கில் பண மோசடி செய்து இருக்கிறது.

பீகாரை சேர்ந்த ஒருவர் எலெக்ட்ரிக் ஸ்கூட்டர் வாங்க இந்த வலைதளத்தில் பணம் செலுத்தி இருக்கிறார். எனினும், அவருக்கு ஸ்கூட்டர் டெலிவரி செய்யப்படாமல் இருந்தது. இதையடுத்து பாதிக்கப்பட்ட நபர் காவல் நிலையத்தில் புகார் அளித்தார். இவர் அளித்த புகாரின் பேரில் போலீசார் விசாரணை மேற்கொண்டனர். விசாரணையில் ஒலா எலெக்ட்ரிக் பெயரில் போலி வலைதளம் உருவாக்கி, மக்களை ஏமாற்றி வந்ததை போலீசார் கண்டுபிடித்தனர்.

மேலும் பாதிக்கப்பட்ட நபர் கொடுத்த மொபைல் நம்பரையும் கண்காணித்தனர். இதில் மோசடியில் ஈடுபட்ட 20 பேர் கைது செய்யப்பட்டுள்ளனர். அதன்படி பெங்களூரை சேர்ந்த இரண்டு பேர் இந்த மோசடிக்கு தேவையான போலி வலைதளத்தை உருவாக்கி இருக்கின்றனர். போலி வலைதளத்தை நம்பி பலர் அதில் தங்களின் தகவல்களை பகிர்ந்துள்ளனர்.

பின் வலைதளத்தில் பதிவேற்றம் செய்யப்படும் விவரங்களை கொண்டு பயனர்கள் ஒவ்வொருத்தருக்கும் அழைப்பு விடுத்துள்ளனர். இதற்காக போலி வலைதளம் மட்டுமின்றி கால் செண்டர் ஒன்றும் நடத்தப்பட்டு இருக்கிறது. எலெக்ட்ரிக் ஸ்கூட்டர் வாங்க முயற்சித்த பயனர்கள் இந்த வலைதள விவரங்களை நம்பி அதிகபட்சம் ரூ. 70 ஆயிரம் வரை கட்டணமாக செலுத்தி உள்ளனர்.

ஸ்கூட்டர் கட்டணம், போக்குவரத்து, காப்பீடு என பல்வேறு பெயர்களில் கட்டணம் செலுத்த வலியுறுத்தி, ஒவ்வொரு கட்டணத்தையும் தெளிவான ஆன்லைன் டிரான்ஸ்ஃபர் செய்ய இந்த மோசடி கும்பல் வலியுறுத்தி இருக்கிறது.

"பாட்னாவில் போலி கால் செண்டர் நடத்தி வந்த கும்பலை கண்டுபிடித்து, இதுவரை 16 பேரை கைது செய்து இருக்கிறோம். இவர்களிடம் இருந்து 114 சிம் கார்டுகள், 60-க்கும் அதிக மொபைல் போன்கள், ஏழு லேப்டாப்கள், ரூ. 5 கோடி அளவுக்கு பணப்பரிமாற்றம் அடங்கிய 25 வங்கி கணக்குகளை மீட்டு இருக்கிறோம். இந்த மோசடியில் நாடு முழுக்க ஆயிரம் பேர் ஏமாற்றப்பட்டு உள்ளனர்," என டெல்லி வடக்கு பகுதிக்கான துணை போலீஸ் கமிஷனர் தேவேஷ் மஹ்லா தெரிவித்தார்.

ஒலா எலெக்ட்ரிக் நிறுவனம் தமிழ் நாட்டின் கிருஷ்னகிரி மாவட்டத்தில் உள்ள பியூச்சர்பேக்டரி ஆலையில் இருந்து 1 லட்சமாவது எலெக்ட்ரிக் ஸ்கூட்டரை வெளியிட்டு உள்ளது. கடந்த ஆண்டு நவம்பர் மாதத்தில் இருந்து ஒலா எலெக்ட்ரிக் நிறுவனம் இந்த ஆலையில் எலெக்ட்ரிக் ஸ்கூட்டர் உற்பத்தி பணிகளை மேற்கொண்டு வந்தது.

தற்போது ஒரு லட்சம் யூனிட்கள் உற்பத்தி செய்யப்பட்ட நிலையில், அடுத்த ஒரு லட்சம் யூனிட்களை உற்பத்தி செய்ய பாதி நேரமோ போதுமானது என ஒலா எலெக்ட்ரிக் நிறுவத்தின் தலைமை செயல் அதிகாரி பாவிஷ் அகர்வால் தெரிவித்து இருக்கிறார். இந்திய சந்தையில் எலெக்ட்ரிக் வாகனங்களுக்கான மோகம் தொடர்ந்து அதிகரித்து வருவதும் இதற்கு காரணம் ஆகும்.

பண்டிகை காலக்கட்டத்தில் ஒலா எலெக்ட்ரிக் நிறுவனத்தின் எலெக்ட்ரிக் ஸ்கூட்டர் விற்பனை அதிக வளர்ச்சியை பதிவு செய்து இருக்கிறது. அக்டோபர் 2022 மாதத்தில் மட்டும் ஒலா எலெக்ட்ரிக் வாகன விற்பனை 20 ஆயிரம் யூனிட்களை கடந்துள்ளது. இதன் மூலம் மாதாந்திர விற்பனை 60 சதவீதம் அதிகரித்து இருக்கிறது.

மேலும் இந்தியாவில் தனது வாகனங்கள் எண்ணிக்கையை அதிகப்படுத்தும் வகையில், ஒலா S1 ஏர் பெயரில் புது ஸ்கூட்டரை ஒலா எலெக்ட்ரிக் அறிமுகம் செய்து இருக்கிறது. ஒலா S1 சீரிசில் புது வேரியண்டாக இது அமைந்துள்ளது. இந்த மாடலுக்கான முன்பதிவு அடுத்த ஆண்டு பிப்ரவரி மாதம் துவங்குகிறது. வினியோகம் ஏப்ரல் 2023 வாக்கில் துவங்கும் என எதிர்பார்க்கப்படுகிறது.

ஒலா எலெக்ட்ரிக் நிறுவனம் அடுத்த ஆண்டு வாக்கில் எலெக்ட்ரிக் மோட்டார்சைக்கிள் பிரிவில் களமிறங்கலாம் என தகவல் வெளியாகி உள்ளது. இதுபற்றிய விவரம் ஒலா எலெக்ட்ரிக் நிறுவனம் தனது குறைந்த விலை எலெக்ட்ரிக் ஸ்கூட்டர்- ஒலா S1 ஏர் மாடல் வெளியீட்டின் போது தெரியவந்துள்ளது.

இந்திய சந்தையில் எலெக்ட்ரிக் மோட்டார்சைக்கிள் மாடல்களுக்கு பெரும் வரவேற்பு கிடைக்கும் என ஒலா எலெக்ட்ரிக் நம்புகிறது. இந்த பிரிவில் தற்போதைய சூழலில் அதிக நிறுவனங்கள் களத்தில் போட்டியிடவில்லை.

மேலும் தற்போது இந்தியாவில் விற்பனை செய்யப்படும் எலெக்ட்ரிக் மோட்டார்சைக்கிள் மாடல்கள் தன்னை கவரவில்லை என ஒலா எலெக்ட்ரிக் நிறுவன தலைமை செயல் அதிகாரி பாவிஷ் அகர்வால் தெரிவித்து இருக்கிறார். புதிய எலெக்ட்ரிக் மோட்டார்சைக்கிள் பற்றி இதுவரை எந்த தகவலும் வெளியாகவில்லை.

புதிய எலெக்ட்ரிக் வாகனம் சிறப்பானதாக இருக்க ஒலா எலெக்ட்ரிக் நிறுவனம் முற்றிலும் புது தொழில்நுட்பத்தை அறிமுகம் செய்ய திட்டமிட்டு வருவதாக தெரிகிறது. எலெக்ட்ரிக் மோட்டார்சைக்கிள் மட்டுமின்றி எலெக்ட்ரிக் கார்கள் பிரிவிலும் ஒலா எலெக்ட்ரிக் கவனம் செலுத்த உள்ளது. இதற்கான டீசர்களை ஒலா எலெக்ட்ரிக் வெளியிட்டு வருகிறது.

ஒலா எலெக்ட்ரிக் நிறுவனம் ஏற்கனவே அறிவித்தப்படி இந்திய சந்தையில் புதிய ஒலா S1 ஏர் ஸ்கூட்டரை அறிமுகம் செய்து இருக்கிறது. புதிய ஒலா S1 ஏர் ஒலா நிறுவன எலெக்ட்ரிக் ஸ்கூட்டர்களின் பேஸ் வேரியண்ட் ஆக அமைந்து இருக்கிறது. குறைந்த விலையில் விற்பனைக்கு கொண்டு வர ஒலா எலெக்ட்ரிக் புதிய ஸ்கூட்டரில் ஏராளமான மாற்றங்களை மேற்கொண்டுள்ளது.

அறிமுக சலுகையாக ஒலா S1 ஏர் ஸ்கூட்டர் விலை ரூ. 79 ஆயிரத்து 999 என நிர்ணயம் செய்யப்பட்டு உள்ளது. இந்த அறிமுக விலை அக்டோபர் 24 ஆம் தேதி வரை அமலில் இருக்கும். அதன் பின் புதிய ஒலா S1 ஏர் விலை ரூ. 84 ஆயிரத்து 999 என மாறி விடும். புதிய ஒலா S1 ஏர் மாடல்- இகோ, நார்மல் மற்றும் ஸ்போர்ட்ஸ் என மூன்று ரைடிங் மோட்களை கொண்டிருக்கிறது.

ஒலா S1 ஏர் மாடலில் 2.5 கிலோவாட் ஹவர் பேட்டரி வழங்கப்பட்டு இருக்கிறது. இந்த ஸ்கூட்டர் முழு சார்ஜ் செய்தால் 101 கிலோமீட்டர் வரை செல்லும் என சான்று பெற்று இருக்கிறது. இத்துடன் மணிக்கு அதிகபட்சமாக 90 கிலோமீட்டர் வேகத்தில் செல்லும் என ஒலா எலெக்ட்ரிக் தெரிவித்து இருக்கிறது. ஒலா S1 ப்ரோ மாடலில் 8.5 கிலோவாட் மோட்டார் மற்றும் 4 கிலோவாட் ஹவர் பேட்டரி வழங்கப்பட்டு இருக்கிறது.

புதிய ஒலா S1 ஏர் மாடலில் டெலிஸ்கோபிக் முன்புற போர்க்குகள், பின்புறம் ட்வின் ரியர் ஷாக் அப்சார்பர்கள், டிரம் பிரேக்குகள் வழங்கப்பட்டு உள்ளன. இந்த ஸ்கூட்டர் ஒலா S1 ப்ரோ மாடலை விட எடை குறைவாக உருவாக்கப்பட்டு இருக்கிறது. இதன் மொத்த எடை 99 கிலோ ஆகும். ஒலா S1 ப்ரோ எடை 125 கிலோ ஆகும்.

அம்சங்களை பொருத்தவரை ஒலா S1 ஏர் மாடலில் 7 இன்ச் டிஎப்டி டச் ஸ்கிரீன் டிஸ்ப்ளே, மூவ் ஒஎஸ் 3.0 மென்பொருள், ஹில் ஹோல்டு கண்ட்ரோல் உள்ளிட்டவை வழங்கப்பட்டு இருக்கிறது. இந்த ஸ்கூட்டரின் வினியோகம் அடுத்த ஆண்டின் முதல் காலாண்டு வாக்கில் துவங்கும் என தெரிவிக்கப்பட்டு இருக்கிறது.

ஒலா S1 ப்ரோ எலெக்ட்ரிக் ஸ்கூட்டர் மீண்டும் சர்ச்சையில் சிக்கியிருக்கிறது. சந்தையில் பெரும் எதிர்பார்ப்புடன் அறிமுகம் செய்யப்பட்ட ஒலா S1 சீரிஸ் நல்ல வரவேற்பை பெற்றது. எனினும், மென்பொருள் மற்றும் மெக்கானிக்கல் என ஏராளமான பிரச்சினைகளில் ஒலா எலெக்ட்ரிக் சிக்கித் தவித்து வருகிறது.

அறிமுகம் செய்யப்பட்டது முதல் ஏராளமான பிரச்சினைகள் ஏற்பட்டு வரும் நிலையில், முன்புற சஸ்பென்ஷன் உடைந்து விழுவதும் பிரச்சினையாக இருந்து வருகிறது. இந்த வரிசையில் மற்றொரு ஒலா S1 ப்ரோ சஸ்பென்ஷன் உடைந்த சம்பவம் பரபரப்பை ஏற்படுத்தி இருக்கிறது.

இந்த சம்பவம் பற்றிய முழு விவரங்களை ஸ்கூட்டரை பயன்படுத்தி வந்த சஞ்சீவ் ஜெயின் தனது பேஸ்புக் பதிவில் தெரிவித்து இருக்கிறார். ஒலா S1 ப்ரோ ஸ்கூட்டரை டெலிவரி பெற்று ஆறாவது நாளில் அதன் முன்புற சஸ்பென்ஷன் உடைந்து விட்டதாக சஞ்சீவ் ஜெயின் தெரிவித்து இருக்கிறார். குற்றச்சாட்டுடன் உடைந்த ஸ்கூட்டரின் புகைப்படத்தையும் வெளியிட்டுள்ளார்.

முற்றிலும் புதிதாக காட்சியளிக்கும் ஸ்கூட்டர் பள்ளத்தில் இறங்கியதும் உடைந்து விட்டதாக சஞ்சீவ் தெரிவித்துள்ளார். முன்னதாக பலர் தங்களின் ஸ்கூட்டர் உடைந்ததாக குற்றம்சாட்டி உள்ளனர். மேலும் பல யூனிட்கள் தீப்பிடித்து எரிந்த சம்பவங்களும் அரங்கேறி உள்ளன.